الفصل 60
*روايات عربية و عالميه🌧️❤️🩹*
`بإدارة : > آلُِجوكر 𖠝🍷 ♩⁽📚🖊️₎⇣℡`
*البـارت 60☆*
*📚📚[أقدارنا بين الحب و الغربة]🎶♥️*
للكاتبه: عبير الكبسي
_____
ِ
.
.
فوق الطايره..
فاتن بتدمع: بتفكر كيف هيثم من قهره عليها عيحول الحب كله لمرته..
وائل: مالش مش مرتاحه
فاتن: لا بس ، فقدت لاختي وامي
وائل: انتي واصل عندهم ونغير جو ونرجعلهم
فاتن: ان شاء الله
وائل حب يغير حو الصمت بينهم: جابريني عنش
فاتن: كل شي تعرفه قد عفاف وافنان ماقصرين
وائل: لا اشياء خاصه اعرف طباعش منها
فاتن : مثل ايش مافهمت
وائل :مثلا ايش اكثر موقف مضحك موقف محرج موقف ماتنسيه هكذا اشياء ..
فاتن ابتسمت :ذكرتني بموقف وانا صغيره...
بدأت تحكيله ويضحك..
وائل: احنا مواقفنا ومزح الشباب بيننا البين جلفه وتزززعل لو مزحتين بها
فاتن : مثل ايش؟
وائل : مثلا واحد من خبره كان حفل تخرجه وكان يفعل لنا مقاااالب يكرهنا عيشتنا المهم كان مسئول الحفل هو وليلتها كنا عنده وفعلنا له منوم واختبط الصبح للظهر ماسار الا وقد تمو
فاتن ضحككت: يامجانين حرررام.. ف التلفون..
اسامه: كيف قد انت ومبروك على التلفون
هيثم: الله يبارك.. كيف انت ذلحين
اسامه : الله يسامحك بس مدقدق
هيثم: كلها رياضه
اسامه: ايوه التكسارر لنا والحريوه الي كسرت روحك عشانها مسافره شهر العسل فوق الطياره..
هيثم : من قلك
اسامه: حاكت البنات ف القروب
هيثم: ايش قالت مبسوطه ؟ ولا زعلانه
اسامه: ايش من زززعل اعقل ماكانت عتووواصل لو هي بتحبك بس انت الا مدكووم بتزيد نتبسر الهنود
هيثم : مشتيش اغثيك ياصاحبي بس الله لاوراك حرررقه القلب هذه ..
اسامه : داري ياهيثم بس هي نسيت وانت مارضيت تعقل
هيثم: الله يسعدها
اسامه : ويسعدك ويهديك ويعوضك الله.
هديل دخلت العشاء:شافته بيتكلم طرحت العشا وخرجت
هيثم شافها وعرف سبب خرجتها:يلا المسامحه على الي وقع .
اسامه: مابش شي يا اخي الحمدلله والشكر نجانا الله هذا قدر ..
هيثم ذكر كلام سوسن: والنعم بالله..يلا في امان الله
هديل جالسه في الصاله و نعست: وشها مرررهق مصفر سهر وتعب وزعل ماكانت هذك هديل الفرفوشه الي تسحر الكل بابتسامتها...
نجميه طلعت تتفقد هيثم : يوو هديل .؟ جعلي مكسرر ..قومي يابنتي
هديل نكزت : بتبسر نفسها ف الصاله..
نجميه: هيا ادخلي المكان مالش جالسه هنا
هديل: هيثم كان بيتحاكا ف التلفون قلت لازعجه
نجميه مستغربه من عذرها: دخلتها الغرفه هيا ارقدي ردي روحش من امس ولا ذقتي نوم
هيثم : بيتفرج لهديل وعينها محمرره نوم.
.
نجميه: هوذا العشا على ماهو
هديل:كنت مراعيه يتم يتكلم
نجميه: جلست جنب هيثم وبتاكله
هديل : جلست فوق الكنبه
نجميه: هيا جي تعشي معه
هديل: شابعه
نجميه: تغديتي متاخر؟
هيثم بيتفرجلها سكته: ماكلت شي
روان طلعت: ماما جاااوبي بابا بسررررعه مراعي
نجميه: انزل ابسر عمش جي اكلي زوجش
هديل شااافت لهيثم: وقامت تاكله
نجميه : نزلت
هيثم : اذا مابش نفس تاكليني مش بالغصب
هديل: هذا لا باتفاق ولاغصب ولاخايفه من شي ، لو اشتي اني رجعت بيتنا مع اخي ...بس كل واحد يفعل بأصله..
هيثم سكت ذكرر كل شي:خلاص ماشتيش شبعت
هديل :.طرحت الملعقه ورفعت الصحن..
هيثم :هديل؟
هديل: هاا
هيثم : اديلي ماء
هديل : حاضر، ونزلت
اسماء شافت هديل ف المطبخ: لحقتها
هديل: العفوو ماقلتلش
اسماء: يووو على خزااا ، ارجعي قليله الشغاله
هديل ضحكت: سسسهل ماسالش ومش داري
اسماء: يو تصنمت ماعد دريت كيف افعل
هديل: سسهل تحصل.. بيت علي..
علي : جلس يتذكر سوسن وطباعه كيف تغيرر وصدق لكلام اصحابه وهنجمتهم كل واحد كم معه صديقات ومن كم دول ف الفيسبوك.. فوق الطياره..
وائل مسك يد فاتن : يدش حلووه
فاتن خزيت : سحبتها
وائل: ماسكها
فاتن : ايحين بانوصل؟
وائل : باقي 3 ساعات
فاتن : رحتها من قبل ؟
وائل: ايوه احيانا بيجيبو لنا ورشات عمل.
فاتن انسجمت مع وائل: بيتكلمو ويمزحو.. نرجع لهيثم وهديل
هديل طلعت : طرحت القلص فوق التسريحه..وبتجهز الادويه حق هيثم
هيثم : نعس
هديل بتصحيه دلا: هيثم..
هيثم فززز: هاا
هديل افتجعت: بسم الله مالك
هيثم : كل مانعس واحلم لحظه الحادث وانكز
هديل خيرر ها اشرب ماء : بتشربه العلاج
هيثم :بيتفرج لها
هديل نزلت عينها منه: وفتحت الحبه الثانيه وشربته
هيثم تسسلمي: وبيتفررج لها...داخله مشاااعر ..بعد فراق حبه وحلم حياته..وبين اعجابه وقرب هديل
منه مشاعر ملخبطه..بس ايش يجبرها بعد كل الي سويته فيها تجلس معي غير طيبه قلبها..حنانها ..
هديل انحرجت منه مطنن لاوشها: خلاص ماتشتي شي
هيثم : لا بس صلحي لي الوساده
هديل قربت منه: سحبت الوساده وصلحت تحت رجله وساده...ودفته بالبطانيه
هيثم : تسلمي الله يحفظش
هديل :ساكته بتوضع لها الكنبه
هيثم : اول ماتباخر شاتنازلش شهرر للسرير
هديل بنظره جد : ايش من شهر ! تتباخر وارجع بيتنا
هيثم : نسسسيت
هديل سكتت: طفت الكهرباء ورقدت
هيثم : جلس يفكر في هديل شويه ورقد..
.
قبل اذان الفجر بخمس دقايق..الغرفه ظلااام..وهدوء نوم
وهو نووم بيعررق بيحرك رقبته وفجأه صاح من الوجع
هديل: فززت لاعنده ومابتستضي شي دعست على حاجه حاده برجلها...استحملت ومشيت لاجنبه..هيثم مالك
هيثم : وجعت رقبتي ماعد اشتيش ارقد ولا اجلس تعبت ..
هديل : مشيت من جنبه ..بتتحسس قدامها..تولع اللمبه..يدها بتدور ف الجدر يمين يسار..ضغطت الكبس (زر الكهرباء)
هيثم ضايقه الضوء وغلق عينه: وشه احمرر.وجبهته ملان عرق
هديل شافته : بتمشي وهي بتعرج
هيثم :فاتح عين ومغلق عين بيشوفها..
هديل نسيت تشوف رجلها : وقربت منه مسحت جبهته وتمد يدها وتردها مستحيه تحس خده او لا
هيثم مقزز وشه بيتألم: رقبتي شوفي اعتوج الحزام
هديل :صلحته وحست وشه فيه حمى
هيثم لما حسته: لفت لعيونها
بيت علي ..
علي : بيتقلب ولاقدر يرقد ضميره بيأنبه على كل الي سواه في سوسن ..وبنات كم كذب عليهن..واخرتهن سمرر..بس سمر كانت طماعه خرجت الرابحه الوحيده فيهن
اذن فجرر..
علي رفع يده وبيدعي: قام يتوضاء ويصلي
في الحاره
اكرم خرج يصلي ف الجامع :تعود انه يمر ع طريقه يدق لهم الباب لما يوصلو للجامع
علاء: اليوم تاخرت
اكرم: ايوه كنت نوم
علاء: الله يرحمه رزق كان يفرح لما يشوفنا كلنا نسير نصلي
اكرم : الله يررررحمه، مارايك نلعب كره ف النادي بعد الصلاه
علاء: تعب اشتي ارجع للعمل
اكرم : الله يعينك
ف غرفتهم..
هديل : شربته ماء والعلاج
هيثم : اذن ، لوسمحتي عت...
هديل ماراعت يكمل كلامه:بتبلل فاين ،الان بمسحلك وشك ويدك للصلاه بس انوي الوضوء
هيثم مش قادر كيف يشكرها:تسلمي تعبتش معي
هديل سااكته: تمت تعطف الفاين..ومسحت وش هيثم دلا
هيثم حس بقشعريره: بااارد
هديل: لان فيك حمى..
هيثم : طيب دفيني
هديل : سحبت بطانيتها ودفته
هيثم شم عطرها : غمض عينه
هديل: لاترقد صلي اول
هيثم : لاا مابرقد مابلا شم البطانيه عطرش.. هديل انحرجت : تشتي تمشي من جنب السرير..دعست ع رجلها وصاحت اي ووقفت حست بنغزه حاده..رجعت تعررج جلست فوق الكنب وشافت رجلها مجرروحه
هيثم: مالششش؟؟؟
هديل: مدري ايش كان ف الارض..مشيت لجنب السرير وهي بتعرج سحبت فاين وبعدت من رجلها قطعه زجاج من الشاشه حق تلفون هيثم
هيثم : كيف جا زجاج لاهنا ؟؟
هديل حق تلفونك: وشلت ثياب الصلاه ومشيت تتوضاء
هيثم : ذكررر الموضوع وضبح
في غرفته بعد الصلاه..
علي بيجابر نفسه وبيشرب سجاره: عشان احاول ارجعها لازم اغير البيت والغرفه بعد ماشافتها وابدل الغرف.. بس ابوها انسان شديد صعب التفاهم.. كيف افعل !!
.