الفصل 59
*روايات عربية و عالميه🌧️❤️🩹*
`بإدارة : > آلُِجوكر 𖠝🍷 ♩⁽📚🖊️₎⇣℡`
*البـارت 59☆*
*📚📚[أقدارنا بين الحب و الغربة]🎶♥️*
للكاتبه: عبير الكبسي
_____
ِ
.
.
هيثم سكت شويه: ايش الي تحت الشفوت مغطى؟
هديل : فتحت الغطا (بنت صحن)
هيثم وااو: ياشررريره بتنتقمي بنت صحن ولاا تاكليني
هديل : ماقد شفت مريض اكااال هكذا
هيثم ضحككك: عينش الله واكبررر لاتمرعيني قدني مكسرر ماباقي الا اموت
هديل ساكته : بتغرف بالملعقه بنت الصحن وتفلت من الملعقه
هيثم : لااا لا مابلا اقسمي بيدش لاخر طبقه ولفيها بالعسل واطرحيها ف اصابعي
هديل : قسمت وطرحتها ف اصابعه..
هيثم : اوووف الجبس ثقيل ويدي مابتعططف
هديل : كل باليسار
فوق السياره..
علي: ماوحشكم البيت؟
معاذ: الا قووي ليش ماما ماعد رجعت البيت تاخرنا كثير بيت جدو
علي: قل لها انت واريج هيا ماما نروح
معاذ:بنقل لها هكذا وتصيح
علي: قل لها بابا قال اقلش تروحي معانا ..
اريج:صدق؟
علي: واسفركم انتو وماما
اريج بتصيح هي ومعاذ من الفرحه.
علي: قرب لباب بيتهم ونزلهم وناولهم الكيس وهذا اكلكم الي ماتميتوه وهذا حق ماما
معاذ: تمام
العيال دخلوا: بيدورو سوسن
شقه هيثم... هيثم يشتي يحرجها: حرام
هديل: انت مضطر مش حرام
هيثم :يعني اكلتيني كل شي وبنت الصحن تشتي نفسي تنكع عليها
هديل: عااادي مش ضروري تاكلها
هيثم : اول مره توقعي هكذا
هديل ضحكت بغرور: لااا خلاص من الان وعلى طوول هكذا.
هيثم عاااند : اكليني ارجميها رجم حتى
هديل رحمته وخااازيه: بتلقمه طررف بنت الصحن من بعيدددد
هيثم فاتح فمه: بيحاول يقرب مش قادر يحرك رقبته قحص طرفها واكلها
باب الغرفه دددق
بسام: هيثممم
هديل لحظه : قامت بسرعه لبست ثياب الصلاه فوقها وفتحت له..
بسام : هذا تلفون اشحنه...
هيثم : جي اشحنه وركب الشريحه هذك في جيب الكوت
بسام :من عيني الان
هديل فلتتهم ونزلت :عند البنات ونجميه جالسات
روان :بتبكي تشتي مثلهم
سوسن : شلي.هذا جي
روان : شلته وسكتت
اريج: ماااعه هذا حقش
بابا ادالش..
سوسن صيحت: اريج عيب ..بس محانكه المفروض تفتحو الاكل كله وتقلو تفضلو مش حقي وحقش عيب
اريج : انا احب خاله هديل بس تعالي كلي معي
هديل : بتضحك حضنتها
نجميه: زوجش وحده؟
هديل: بسام عنده
نرجع للعزومه...بعد ماتغدو وشربو القهوه
ابو محمد: كيف اموركم
سامي: الحمدلله بفضل الله ونعمته كل شي له الحمد.
ابو محمد: ياريت ياعيالي تتمو جامعتكم وبعدين تجو تشتغلو بنحصلو وظايف احسن
سامي: انا بيندرس واشتغل
ابو محمد: بالله؟
علوان: وانا خريج اعلام قسم اعلانات واشتغلت بشركه ووقعت مشاكل هكذا اريح لنا عمل حر..
.
ابو محمد: بالله؟
علوان: وانا خريج اعلام قسم اعلانات واشتغلت بشركه ووقعت مشاكل هكذا اريح لنا عمل حر...
ابو محمد : موفقين ان شاء الله..
سامي بيسمع الاذان: نستاذنكم نروح نصلي
ابو محمد : يلا كلنا مع بعض الجامع قريب.. وقت المغرب في صنعاء..شقه هيثم.
هديل طلعت تتوضى : مدت السجاده.
هيثم : لو سمحتي ادعي امي او سوسن
هديل طيب: راحت تداعي
سوسن : اركع واجي
هديل طيب: رجعت لهيثم، تتم تصلي وتطلع..بدات تصلي..
هيثم تنهد بضبببح : بجهددد..مش قادر يتحرك بيفسح لطرف السرير بيزحف يشتي يقوم للكرسي...اندهف الكرسي للجدر وفلت نص جسمه
هديل بخوووف: قطعت الصلاه وراحت ترفعه..بثقل ماقددددرت
هيثم حاول يشتد: ورفع جسمه للسرير بصعوووبه
هديل كانت يدها بيده : وشها صفرر من الخووف مالك دوخت او ايش؟
هيثم : كنت احاول لو اقدر اطلع الكرسي
هديل: كيف تحاول ورجلك ويدك مجبسه ورقبتك..!
هيثم بضبح:سسسكت ورسل رساله لبسام يطلع
هديل: ماتشتي شي!؟
هيثم: شكرا
هديل: كملت تصلي.. بيت علي..
علي ضااابح : فتح الفيسبوك.. رسايل ملان واشعارات..
ضبححح..دخل صفحه الاصدقاء حظر كل البنات الي عنده... بعد مارجع البيت..
سامي اشتاق لابوه وهديل ورهام مسك التلفون واتصل يتطمن عليهم وكلمهم..اتصل لاكرم وابو رزق واخوه..
اخر اتصال كان لرهام عشان يحتفظ بصوتها في اذنه اخر صوت ..
رهام :الو
سامي: وحشتيني
رهام : مش باين من الصبح ولارديت عليا
سامي: كان شغل وبعدا رحت اتغدى عند واحد
رهام بنبره تهديدد: واحد او واحده!!
سامي: لو واحده اني كنت اعبر الي بيجننين عليا في الجامعه بس ماسحرتني غير واحده
رهام: بدء عبدو هندي الزنط والحركات.. وانا باب بيتنا طابوررر خطاب..
سامي: مافي هذه معش حق ياحظيه التركيه
ضحكتهم كانت ملان الغرفه بعد صمت ووحده سامي وانتظار رهام له
سامي: تصدقي حاسس اني مش وحيد ف الغرفه والمدينه هذه صوتش وحبش الي بقلبي مطمني محسسني انش معي..
رهام : سامي
سامي: عيوون سامي
رهام: الله يخليك لي ومايحرمني منك
سامي غمض عينه وابتسم رجع راسه للجدر ورد من قلبه: امين ويخليشششش لي ياحلى وارق رهام.
شقه هيثم..
بسام : بعد ماساعد هيثم ..
هيثم : تسلم الله يحفظك يا اخي ومايوريني فيك شر
بسام: يلا انا شانزل اجاوب ابي
هديل تمت ترتب الغرفه والملابس: اتصل علاء جاوبته
علاء: انا في الباب
هيثم : انزلي طلعيه
هديل :نزلت..
روان : هديل جا واحد يشبهش عيونه عسليه مثلش
..
هديل :ايوه اخي جا يبسر هيثم
نجميه : دخلت هي وسوسن الديوان
هديل : واقفه باب الحوش تدخله
علاء دخل: بيسلم عليها
اسماء كانت لابسه بنطلون وفنيليه وشعرها مرفوع:
مش داريه خرجت من الغرفه..ويبست من الخزا
علاء: نزل راسه بسرعه
اسماء رجعت للغرفه ماسكه راسها: يوو والفعله خزااا
هديل : اطلع من هنا جي بعدي
علاء كان محرررج: مالش ماتكلميهم
هديل بصوت واطي: مادراني كانت ف الغرفه
علاء :اخطى من هنا
هديل : ايوه الغرفه الي قبالك.. مكان ثاني..
امل بتفكر جت لها خطه: اتصلت لدعاء
دعاء: عقبالش امولي
امل: ان شاء الله وانتي معي
دعاء: صدق هيثم واسامه فعلو حادث
امل: ايوه ..بسبب الحادث هذا رجع هيثم تغير
دعاء: كيف؟
امل:عيسافر شهر عسل هو ومرته يعوضها ويفعل فحوصات
دعاء: في يوم وليله قنع منها ! وحب مرته؟ يعني كان بيكذب
امل: مدري المهم الله يسعدهم كلهم نصيب
دعاء: على قولتش ادخلي نجابر فاتن..عتسافر بعد ساعه قدي في المطار
امل تمام يلله: داخل نفسها فرررصه اقلها.. سوسن دخلت تعشي الجهال..
معاذ: شابع
سوسن: مابش شاابع
اريج: ياماما تاخرنا ليش مانروح بيتنا
سوسن: عنعيش هنا خلاص
اريج: وبابا يعيش وحده؟
سوسن ضبحت: تعشو سكته يلا
معاذ: ليش تكرهي بابا وهو يحبش
سوسن: من قالك بينكرهه؟
معاذ: كل مانحاكيش منه تصيحي
سوسن: انا وبابا متزاعلين
اريج: تصالحو مافيها شي سع مانا ومعاذ مش قلتو انتو اخوه ؟
سوسن : تمام ذلحين تمو عشا
اريج فررحت: بتتفرج لمعاذ وهو يردلها النظرات بضحكه وفرحه
سوسن: بتتفرج لهم وسارحه
في شقتهم..
هيثم : تسلم الله يبارك اشتي عافيتك وماكان في داهي للتعب هذا والشغله
علاء: مابش شي ..هذا الواجب
هديل : واقفه
علاء: اوبهي لزوجش ..والله يشفيه
هديل بتبهرر له :بمزحه مادخلك من الفقعسه
هيثم : اصتررع
علاء:يلا خاطركم.. هديل بنظره مزح: على ايش مستعجل؟
علاء : قدش اخبر ابي مراعي
هديل : همم ابوك ولا
علاء شاف لهيثم: الله يعينك عليهااا
هديل سبقته: هيا جي نبسرلك طريق..
علاء: بقصها
هديل بتكركرر: انزل يامفقعس خمس دقايق وتشتي تروح
علاء: اسبقي من الفقعسه حقش
هديل : نزلته وخرجته من الباب الثاني حق الدرج
علاء: الله يسعدش ماتشتي شي
هديل: تسلم سلامتك..اهم شي عجبتك
علا بابتسامه خزا:منهي ياخبلا
هديل: هي نفسها حق السوبرماركت
علاء فتح الباب: ناهي لش يلله باي
هديل سلم على ابي: وغلقت بعده