الفصل 58
*روايات عربية و عالميه🌧️❤️🩹*
`بإدارة : > آلُِجوكر 𖠝🍷 ♩⁽📚🖊️₎⇣℡`
*البـارت 58☆*
*📚📚[أقدارنا بين الحب و الغربة]🎶♥️*
للكاتبه: عبير الكبسي
_____
ِ
.
.
بسام وابوه : بيساعدو هيثم يخرج..بكرسي متحرك
علي : الف حمدلله على السلامه خيررر ماحصل؟؟
عبدالرحمن طنش: ودخل البيت
بسام : فعل حادث بسيط امس
علي: الف سلامه عليك ياهيثم
هيثم : الله يسلمك
علي طلع السياره : شغلها ومشي.
داخل البيت
نجميه بتاشر لبسام :دخله الديوان..
هيثم : ماشي ، اطلع غرفتي افتهن فوق السرير..
نجميه : قوا يابني بطل عناد، ركبي بتوجعني طلعه نزله..
هيثم: يمه الله يحفظش خليني على راحتي
بسام : كيف اطلعك من الدرج ماقدرش..
هيثم : على درجه درجه ارفع العربيه
بسام :سوسن جي قفايا لو ريوست انا وياه القى حد قفايا
كلهم ضحكوو على بسام ...هديل بتضحككك
هيثم: جت عينه بعينها
هديل شافته وقفت : راحت ترتب الاشياء حق المستشفى
نجميه: سيري افتحي لهم الغرفه ووضعي السرير
بسام وسوسن:بيتساعدو يطلعو هيثم .
هديل : طلعت وفتحت الستاير والطاقه وجهزت السرير
هيثم وصل الغرفه: كلها ضوء واشعه الشمس معكوسه من القمريه للجدر بالوان روعه ..
بسام :دهف الكرسي المتحرك لاداخل
هيثم : شششم الغرفه الي تعود عليه من حين ماجت هديل.
بيت العرسان
رائحه غرفتها كله فل طبيعي وورد ، والبخور والعطور ( شم العرس)
فاتن مع جو العرس والظيوف ملان البيت نسيت الي حصل امس: بتجهز شنطتها هي وعفاف اخت وائل
وائل دمه خفيف :بيمزح وينكت
فاتن : بتضحكك
وائل : عفاف بطلي فضول وخليها تجهز شنطتها هي اخبر ايش بتلبس وذوقها
عفاف: شلوكم هذه جزاتي
فاتن : عادي متعووده هي زي صحبتها وافنان هكذاا تحسسني انها امي
وائل: وانا من بيحسسني هكذا
فاتن سكتت: وبتغلق الشنطه
شقه هيثم..
سوسن ياالله انزل ادي الغدا ، لاقد ترقدي ياهديل تغدي اول
هديل : لا ماشرقدش اسير اتغسل شمي مستشفى سوسن: انتي مثلي يخخ كم خصمي فيها
هيثم مطنن: بيفكر في فاتن مبسوطه ولا مثله ؟؟ هديل :شلت لها ملابسها وراحت الحمام
هيثم : ولا حسه عند حد مطنن من الطاقه بيفكر في كل الي حصل..
سوسن طلعت الغدا: بتشرب هيثم المرق ..
هيثم : الجهال سارو مع علي
سوسن: ليش الجنان الي فعلته هذا كله ! ماتهرف شي اسمه قدر ونصيب ؟ ماعندك ايمان بالله والي قدره لنا بخيره وشره ؟؟
هيثم: شربيني سكته وماشتيش احد يتدخل فيني
سوسن: مش انا الي غصبتك تتزوج هديل ولا انا الي زوجت فاتن ..انا مره ضحيه مثلي مثل هديل.. حاسه فيها بكل شي ..
هيثم: ايش دخلش بهديل!
سوسن : كيف ايش دخلني ياهيثم ..انت اناني حبيت شخص وخلاص كل همك تكون من نصيبك..انا كمان كنت احب ابن عمي وشفت ابي كيف رفض كانو متزاعلين وسدو بعد مانخطبت لافسخت ولاجننت خلاص هو نصيب..
.
هيثم:.حبكم زمان كان نظرات وبس انتي مش داريه ايش بيني وبينها
سوسن : بيتهيء لك ..عشنا ببيت سيدي كنت اشوفه قبال عيني بالسنين اكلنا سوا لعبنا سوا كبرنا سوا.بعد ماكبرنا وبعد الثانويه تكلم عمي مع ابي وبسبب انهم استقل كل واحد وتقاسمو الورث وقعت المشاكل وسدو بعد ماخطبت..خلاص نصيب
انا حاسه بهديل لما تكون واحده مزوجه تشتي الدلع وتحس انها الكل ف الكل ف بيتها..انت هدمتها قلت لها معي حبيبه وزواجي منش غصب ...طبعا ذا كله سمعته بالصدفه ونزلت بسرعه نفسي كنت اكمل اسمعك واعررف كيف اقنعتها ليش!وافقت وسكتت هددتها!
هيثم عصب: كذابه هي قالت لش
سوسن : والله العظيم ان معك مره بعقل عجوزه..وبراءه بنتي اريج وبجمال الملائكه ارضى بنصيبك ياخي وخل..
صوت باب الغرفه بيدق: هديل دخلت..
هديل : العفو مش عارفه بتتجابرو
سوسن :للااا لا تعالي تغدي غلقت بس من الرياح
هديل تسلمي شابعه: لفت شعرها بالمنشفه
سوسن : كيف شابعه ماكلتيش من امس؟
هديل: بعدا لو جوعت شنزل..
هيثم بيتفرج للاكل وسوسن : ماقدر يرفع عينه بعين هديل
سوسن :يوو نسيت البوتجاز مفتوح انزل اطفيه واطلع
ف التلفون..
اسامه :.ماقدررت افتح وانزل بيسسسرع وسيارات بيزفين
امل: ياريت وهي حبته مثلما حبها
اسامه : اسمعي ماذلحين لاتجلس تمكنش اتصالات وخباله قليلها مفتهن رجع لمرته وسافرو وخرجو دخلو المهم
امل: امس قلتلها هكذا
اسامه : وانا شاقل لهيثم نفس الكلام يهجعونا ثقالتهم يخ.
امل : احنا بنقل يخ بس حط نفسك مكانه ماعتفعل
اسامه سكت: المهم ذلحين ولاتجي تزوريني وتدي لي ابو ولد وعصير يماني
امل بتضحككك: ايوه وابو ملعقه وجيلي...
بيمزحو مع بعض... نرجع لغرفه هيثم وهديل
هيثم بيحاول يرفع القلص باطراف اصابعه لان يده مجبسه لانص اصابعه : طحس من يده القلص
هديل كانت بتمشط شعرها طرحت الفرشه وسارت تشوفه
هيثم :طعفر المرق نصه فوق نفسه ونصه ف الارض
هديل سحبت فاين : بتنشف الصحن ووطت تنشف الارض شعرها مال ع جنب
هيثم : ابعدي شعرش عيمتهد بالاكل
هديل رجعته بيدها : تمت تمسح
هيثم : شلي الصحن خلاص
هديل : ماقد.اكلت شي
هيثم: مافعل قد ابسرتي مهدت الدنيا ادعي سوسن
هديل تمام لحظه: راحت للدرج بتداعي سوسن
اسماء: هي ف الحمام عتتاخر
هديل: طيب جي انتي
اسماء بتتبسر سوسن وتضحك بتعلمها: وانا بينصلي ياهديل واشتي اجاوب ابي
هديل يووف : طيب ارفع الصحن، بس حرام جاوع يلا طز اكله ولا ابسر لاوشه..
.
بيت صالح..العمال بيسقفو الصاله الي كانت بزنك مسقوفه..
علاء: تميتو؟
الشاقي: تمينا كن رشرشهن الصبح
علاء ماعليك شي هذه مهره ابي : خرج زلط يحاسبهم
صالح :مش هو ماحجه لكن سابر كبررررت في السن ماعد قدرني اخطى للباب الا بالعكازه
افراح: اليوم جمعه قلت هديل عتجي
علاء: تعودنا عليها صدق ليش ماجت
صالح: خلوها ترتزع بيت زوجها مكنتني يوميه وهي عندي
علاء كان شتصلها: خرج تلفونه بيهمس رقمها
هديل بخززاا ويدها ترجف : بتاكل هيثم واول ماتلقمه بالملعقه توطي عينها لاتجي بعينه..
هيثم : بياكل
هديل نكززت : اكلته وطرحت الملعقه
هيثم مستغرب: مالش؟
هديل خرجت تلفونها :.كان بيهز ف جيبي افتجعت..الوو
علاء: اين انتي ولا بديتي ولا اتصلتي كان هذك الزعل دلع
هديل بتاكل هيثم ومنسجمه مع علا: ماكانش دلع وشرجع بس مش الان
علاء: ليش ماجيتي ؟
هيثم : مستغررب من بتكلم شرجع وماكان دلع!
هديل بتاكله وعينها بتجي ف عينه بس مركزه مع علاء ردت له: اصلا هيثم امس فعل حادث واليوم تاعب ..اول مايتحسن شرجع..
هيثم : بيتفرررج له واشر لها خلاص مايشتيش.
علاء: الف سلااامه عليه..اذا مافي ازعاج انا شامر عليكم بعد المغرب ازوره اي مستشفى؟
هديل: قد خرجنا البيت (في فله كبيررره بسيارات ومسبح وحديقه كبيره وحارس ف الباب)
سامي دخل : بيتفررج
علوان:.ماشاء الله تبارك الله
سامي: الله يرزقنا ربعه
علوان: ليش عاد حتى الدعوه نقسطها
الزبون : خرج يرحب بهم..ودخلهم المجلس كبير كان ريحته كله بخور خشب العود والديكور والتحف
سامي منحرررج : من ضيافته واستقبالهم ..
علوان: تسلم يا ابو محمد ماقصرت
ابو محمد : ولو احنا اهل ومن بلاد واحده وحبيتكم ف الله واخلاقكم رديتوني سنين لورا لما كنت ف اليمن(ضيفهم بالغدا رز صحن كبيرر فوقه لحم حنيذ والعصيد والفته وكل الاكلات اليمنيه)
علاء: عادي لو مريت ازوره
هديل: اكيد عادي اهلا وسهلا
علاء: يلله خاطرش
هديل: مع السلامه
هيثم: من هذا؟
هديل مش لافته لاوشه : اخي علا
هيثم:ايش بتقلي له ارجع
هديل: ايوه قلت له شرجع
هيثم: بس ماجهزت الورقه
هديل: وانا قلت له لما يتباخر شرجع
هيثم: قلتيله الي بيننا
هديل: عادو لما ارجع شاقلهم ماقد قلت عشان ابي لايفعل مشاكل وهو تاعب