الفصل 56
*روايات عربية و عالميه🌧️❤️🩹*
`بإدارة : > آلُِجوكر 𖠝🍷 ♩⁽📚🖊️₎⇣℡`
*البـارت 56☆*
*📚📚[أقدارنا بين الحب و الغربة]🎶♥️*
للكاتبه: عبير الكبسي
_____
ِ
.
.
فوق السياره..
هيثم دموووعه بتنزززل: بيتذكر مزحها مجابرتهم نظراتهم لبعض رسايلهم اهدائاتهم كل تفاصيل عاشوها مع بعض بحلوها ومرهااا ...كل هذا رايح لشخص غيرره....طول الوقت بيفكرر بفاتن ..ابدا ماجت على باله هديل انه وجعها اكثر من وجعه من فاتن... في البيت..
علي وصل:دخل وهو ضااايق
البيت نظيف مكنس مبخرر ..طبخت عشا..
سمر : لابسه مصلحه وبتمثل انها زعلانه
علي دخل: رجم الكوت للسرير..وتذكر سوسن اول مايوصل هي والجهال ابتسامتهم والمزح وكيف بيتضاربو من يسبق يحضن ابوه..حس نفسه صغيررر واناني كيف فكر بنفسه وخلاص وكيف البنات استغلين فلوسه هدايا وطلبات..
سمر: ولا قلت لي شي
علي : ساااكت
سمر بدددلع : عاد الزعل لك، انا الي زعلانه
علي باحتقار: بيتفرج لها من راسها لرجلها..
سمر: مااالك ؟
علي: زعلانه ايش المطلوب !
سمر: تراضيني
علي: ب ايش؟
سمر بغنج وسحبه كلام: ممم بشششوكلا ..بعطططررر
علي بعصبيه: بسياررره لاتلفي وتدوري..
سمر تصنمت ضحكت ضحكه متدرب: لاا ، مش لهذه الدرجه مالك
علي:.حرام ظلمتش وانتي عامله حسابش ع اسره وثروه يلا قد اسمش ودفتي بشيبه تسبطي سياره وتطلبي الطلاق
سمر ارتبشششت: انت فهمت غلط وليش بتتسمع سكته
علي:لا فهمت متااااخر بعد ماضيعت بيتي ومرتي ...شلي ورقتش من جيبي جهزي ادواتش كلها والصبح اشلش بيتكم واديلش السياره بحق ماخدعتش قدي مؤخر وماحس بتأنيب الضمير ابيعش زي مابعتي نفسش...
سمر: بككككيت
الليل الساعه 11...حاره فاتن
السيارات وصلين وارتصو الناس ومراعيين لها للعروسه يشلوها.
هيثم بيتفررج بقهررر: مش مصدددق
بعد ماخرجت وزفوهاا...
هيثم : شافها وطرف فستانها وهي بتطلع السياره..مشيت بسيارتها من جنب سيارته.. عصصصصب .لحقهم ..وهم بيزفووو والسيارات حولها ..
هيثم كان يسووق: ويفحططط ويحاول يدخل من جنبهم
فاتن لمحته : جننت ..قلبها كاان يدددددق وخايفه يفعل شي
هيثم : بيفحططط ويتذرب السيارات
فاتن : وحدها فوق السياره بتهمممم ...وبتدعي انه يروح
واحد من اهل العريس: من هو هذاا المجنون كيف بيفحط ويجي يمين ويسار..
هيثم : بيحاوول يسبق السيارات عشان يقرب من سيارتها..
فاتن متوووترره:بتنتف اظافرها .. ويدها مثللللجه من الخوف
هيثم :بيمشي بسررررعه
اسامه : هيثم مااالك بتدور مشاكل مع السيارات ليش بتمشي هكذاا !! ماااالك
هيثم قلبه من كثر التوتر بيددددق: وماشي سرررريع
اسامه : ووووووقف ...
الي بيسوق سياره فاتن: فعل حادددث مجنووون ماله مايمشي سوا
فاتن فجأه بدون شعور: يوووو وقفو
.
فاتن فجأه بدون شعور: يوووو وقفو اسعفوهم حرااام
الي بيسوق: خلاص وقفو اصحاب يسعفوهم..
فاتن بصمت: بتبكككككي خااايفه ..تلفونها مش معها تشتي تتصل لامل.. بعد ساعه ف المستشفى..
اهل اسامه وصلو: خير طمنونا..
الممرض: في غرفه العمليات انتظرو لما يخرجو
اخو اسامه: كم هم؟
الممرض: اسامه وواحد ماعرفناه مابش معه تلفون ولابطاقه ولاشي وتلفون اسامه مقفل بالصدفه اتصلت وقلتلك..حاولو تنتظرو جنب التلفون لو اهل الثلني بيتصلو
اخو اسامه الكبير: تمام
بيت عبدالرحمن
نجميه بتقلللق قلبها مقبوض: سارت تقيم بسام من النوم
بسام: يمه مع اسامه معهم عرس مالكم دحسس مش هو جاهل
نجميه: مدررري قمت من النوم قلبي بيقلللق اين اخوك اتصل لاسامه
بسام: هيا من حقكم الجنان نتبدع اخر الليل ياسعم انه جاهل ندوره عيب الساعه واحده اتصل..
نجميه بتبكي: اتصلللل لاخوووك لاقوك اقلب البيت ع راسك انت وياه
بسام قام جلس فوق السرير: جني ..بيدور رقم اسامه..
اخو اسامه : انا اخو اسامه
بسام: العفو صحيناكم كنت اشتي اسامه
اخو اسامه: تشتي منه شي ! اسامه ف المستشفى فعل حادث
بسام نكزز: قام وقف من كان معه ؟ انا بيندور اخي
اخو اسامه: في معه واحد ماعرفوش من هو مابش معه تلفون ولا شي ..جي احنا بمستشفى الثوره..
بسام غلق: وزي المجنون بيلبس
نجميه بتبكي وتلطم وشها: مالك !! اخوك فيه شي
بسام: اسامه في المستشفى قالو معه واحد اسير اتاكد..
عبدالرحمن نكزز: الباب الغرفه كان مفتوح وبيسمع بكاء وصياح نجميه..خرج
البنات سمعين وقامين من النوم.. بعد عشرين دقيقه وصلو المستشفى عبدالرحمن وبسام..بعد.ماسالو لقيو اخو اسامه..
اخو اسامه : بيحكيلهم..
واحد ممرضه: خرجت من العنايه..
بسام : اسامه وواحد معه كيف هم تمت العمليه؟؟؟
الممرض هنديه: واحد الان موت والثاني تمام... في غرفتها..
وائل: تعالي شوفي البيت ..
فاتن: عادي مش ضروري
وائل مبتسم لها: لاززم تشوفي يمكن مايعجبش ذوقي
فاتن ملان عينها دموع وضااابحه :مش وقت الان تاعبه ومصدعه اشتي ارقد من الصبح صاحيه..
وائل : براحتك حبيبتي..
فاتن : دخلت الغرفه وغلقت بكيت لما شبعت...وقامت تغسل وشها وتلبس..
بعد نص ساعه ..
وائل بيدق الغرفه: ممكن ادخل اخذ ملابسي
فاتن: ناولته بجامته المعلقه وبطانيه ووساده..وغلقت.
ف المستشفى..العائلتين ع اعصابها مراعيه للدكتور
يخرج...
اخو اسامه بيبكي: خوووف على اخوه لايكون مات
عبدالرحمن : ارتفع له الضغط واغمى عليه..
بسام : بيلبح من بقعه لبقعه يشتي يدخل بيسال من الي مااات ...مابش حدددد لادكتور ولاممرض ...
خرج الدكتور: الحمدلله حالتهم مستقره حصلت شويه رضوض وكسور وعملنا اللازم
بسام : اسامه والي معه عايشين؟؟
الدكتور: ايووه الحمدالله على سلامتهم.. وراح مكتبه..
بسام عصب: راح يدور الممرضه
الممرضه: كانت بتسحب دم لمريض
بسام: غبيه انتي ليش تكذبي وتقلي واحد مات !!
الممرضه: ايوه واحد مات وواحد تمام ليش تصيح انتا مجنون.
الدكتور سمع صياح خرج من مكتبه: مسك بسام
بسام: مالها هذه المريضه بتألف من راسها والله لاقتلها ابي تاعب بسببها فجعتهم..من الي مااات بتقل واحد مات
الدكتور بضببح:ومن فعل العمليه انا ولا هي !!
بسام : سكت
الدكتور: رجاء احنا مش ناقصين مشاكلكم وعصبيتكم داخل المستشفى يكفي الضغط الي علينا
اخو اسامه: هزر بسام ومشيو.. سوسن بتتصل لبسام: مالك ماترد طمني ؟؟اين انتو!
بسام :في مستشفى ال....عيال الكلب يهود فجعونا ..
سوسن قلق: خير ليششش لقيتو هيثم؟
بسام : الممرضه كلبه قالت واحد مات وواحد عايش وابي من الفجيعه ارتفع الضغط ودوخ..
سوسن صاحت يووو:.من ماااات بسسسااام ؟؟
بسام : تلفونه طفي... نجميه بتصيح وتبكي : ابني يووو !!
هديل خااافت مااات : بككككيت
سوسن اتصلت لابن عمها: حكت له المشكله وطلبته يشلهن للمستشفى..بعد ماغلقت..
بسام اتصل من تلفون ابوه: تم لها الموضوع..
سوسن بتبكي : الله يسامحك ياغبي فجعتنا وغلقت لاوشه وقامت تلبس هي وامها
هديل بتبكي:سارت لبست ومراعيه.. ثاني يوم الصبح..
وائل: بيدق لها الغرفه..
فاتن : مارقدتش..فتحت له وطلبته تلفونه لان تلفونها مابش شحن
وائل:تعالي اتصلي من حق البيت
فاتن: قامت تتصل لدعاء
وائل: دخل يرقد في الغرفه.
دعاء: حياا بالعروسه كيف لش اتصلتي
فاتن بصوت واطي: اتصلي لامل اتطمنيلي كيف هم وايش حصل امس فعلو حادث
دعاء بصياح: من!! ماتقصدي
فاتن: يلله باي الباب بيدق
وائل : سمع الباب قام يفتح
فاتن : متصنمه خازيه تفتح
وائل: من؟
اخته نزلت لهم للشقه صبوح: افتح خذ الصحن
وائل شاف فاتن بابتسامه : هذه اختي عفاف
فاتن ابتسمت : هزت راسها
في المستشفى..
نجميه: يوو ع ليله فعلت لنا..ماشااعاتبك ماغير اقل الله يشفيك
هديل واقفه بعيدد عند الباب: شافته لما فاق ، وماتشتيش تقرب منه
نجميه: جي اجلسي يابنتي قد ارجلش عتكتسر وقفه
هيثم سسسساكت: بيتفرج
عبدالرحمن: مابلا روحين ارقدين قال الدكتور عيخرج العصر.
.