اقدارنا بين الحب والغربه - الفصل 54 | روايتك

*روايات عربية و عالميه🌧️❤️‍🩹* `بإدارة : > آلُِجوكر 𖠝🍷 ♩⁽📚🖊️₎⇣℡` *البـارت 54☆* *📚📚[أقدارنا بين الحب و الغربة]🎶♥️* للكاتبه: عبير الكبسي _____ ِ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ . . عبدالرحمن : انا شاجلس مع عمك والجهال وانت سير ابسر العمال اوقف بدلي هيثم ضااابح: حاضررر...ورد على تلفونه اسامه : ياخي مالك ساعه بينتصل يخخخ كرهت نغمتك هيثم بضبح: ماتشتي؟ اسامه: طلعو النتايج هيثم : طيب وايش ؟ اسامه : نسير نبسرر ماهو ايش مالك مصروع هيثم : ياخي الله يحفظك مش انا فاضي سير انت اسامه بهدوء: هيثم هيثم : نعم اسامه: اشتيك ضروري نتكلم ف موضوع هيثم : جي للمكتب حق ابي انا الان ساير هانك مابحد اسامه: يلله نتلاقى بيتهم : تسلمي ياروحي ماجت ع بالي الفكره هذه دعاء: اصلا تخيلي يجنن يتصل لش ! وفرمت تلفونش كله فاتن : ياريت وتفرمتي قلبي ما التلفون مافرقتش هو في قلبي.. دعاء: خلاص عيب تكلمي هكذا انتي الان ف ذمه واحد ثاني فاتن : عادو الليل عداوقع في ذمه واحد غير هيثم دعاء: فاتن بس خباله عيب لاتخليني اكرهش فاتن : المهم هنيتلش من قلبي انش مافكرتي تحبي ورافضه الفكره.. دعاء: وانا حاسدتش على الحب هذا فاتن عصبت: اي حب لاتجننيني اي حب يفعل هكذا !!! دعاء: خلاص غلقي الموضوع يمكن لاني طرف محايد ف القصه شايفتكم الاثنين غلطانين.. في المدرسه.. سوسن وصلت : لقيت بقعه جنب النسوان ف الصف الثالث ...جلست علي وصل متاخر بعدها : جلس ف الصف الرابع جنب الرجال.. اريج بالفستان : شافت امها نزلت حضنتها.. علي: لمح مكان سوسن.. سوسن : يلله اطلعي عيبدأو عليش الاغنيه اريج : طلعت بسرررعه علي : بيتفرج لسوسن مبينه بس جانب من عيونها وهي بتكلم الي جنبها.. اريج بعد الانشوده لمحت ابوها : نززززلت بسسسرعه فااارحه لاعنده سوسن بتضحك : مفكره جايه لاعندها اريج : عدت الصف حق امها وراحت لاعند ابوها سوسن استغربت : لفتت تشوف فين سارت علي حاضن اريج: جت عينه بعين سوسن سوسن شافته : وقفت ...ماتوقعت يجي لانه مارد ع رساله اريج... تذكرت جرحه لها وكل الي فعله..دمعت علي : وهذه هديه لش انتي ومعاذ عشان جيتو الاوائل اريج شكرا يابا: شلت الكيس وراحت ناولت امها وطلعت المسرح.. ف المكتب.. اسامه : حبيتها ! هيثم بيلعب بالقلم فوق الماسه : فلته وشافله باستغراب! اسامه : لو بتحبهااا ماتأذيها هيثم : ايش ؟؟ من هي؟ اسامه : من هي ! ها نسيت الاخ بيحب واحده ومتزوج واحده ثانيه من حقك تسال من هي؟ هيثم ضحك نص ضحكه: والله محد فاهمني غيرها اسامه: من ! هيثم : الي ظلمتها واذيتها ومش طايقها اسامه : فاتن ؟ هيثم عصب ودق المكتب بيده :اساااامه انا ظلمت فاتن ؟ بصوت اعلى ،، خدعتهااا !! كذبت عليها مش طايقها ! بتقل لي من هي اسامه سكت : تأفف ، ليش بتهدد فاتن طيب خلاص مش هي لك . هيثم : من حقي اخرب عليها كل شي عشان ترجع لي اسامه : بغير جنان مالك هيثم : الجنان كان لوما دمرت حياه بنت طفله جاهله حملتها سري وحبي لواحده غيرها مقابل شي تافه تسكت عليا.. وحبيبه عمررري بكل كرامه ردت لي الوجع .. بس ايش من وجع !! اسامه: هيثم خلاص هو نصيب مالك بالغصب ! وهي بنت لو خربت لها زواجها عيتحاكو عليها الكل واهلها عيقتلوها هذا الحب الي حبيتها وخفت عليها!! اسامه : سكت هيثم : مش مصدددق ، باقيلي ليوم الخميس واتاكد عتوافق ؟ عتعقد ؟ عتتزوج عيشلوها له ! ساعتها ممكن اصدق انه نصيب.. ف المطبخ اسماء: وقعين صحن واحد بس هديل: يكفي المره الاولى اكلنا صحن اسماء يوو: نسيتي هيثم والله انه شل صحن لاراسه هديل : قال غثيها وتعبته لما اكلها ، واليوم شابع اسماء حست في سي: سكتت ف المدرسه بعد الحفل.. سوسن : ماسكه فنايل الجهال والكيس حق هداياهم وكيس الملابس حق الحفل. الاستاذ حق اريج : ادالها هديه لانها من الاوائل بمادته اريج : ياماما اسالي عليا عند هذا الاستاذ الاستاذ: اهلا ام اريج ، بنتش ماشاء الله عليها ممتاززه ذكيه الله يحفظها اريج : فارحه سوسن : تسلم يا استاذ لانها بترجع فاهمه مابينحتاج ازيد افهمها شي علي بيتفررج : غاار ، قرب لاعندها هي واريج، في شي ؟ سوسن انحرجت من الاستاذ: شكرا لك ، مع السلامه الاستاذ: مشي علي: ماكان يشتي منش سوسن مطنشه : روحي ادعي اخوش نروح اريج: راحت علي: اعتقد بينتكلم معش سوسن : واعتقد ان ماعد لك دخل خالص اكلم حتى واحد من الشارع.. علي: الا لي دخل انتي ام عيالي. سوسن : مطنشته مسكت العيال ومشيت علي ضبحح :ومعصصصب من كلامها.. ف المكتب اسامه : المهم يا اخي خليها في بالك هو نصيب وهي بنت ناس ولو بتحبها لاتأذيها ولا تجرحها هيثم تنهدد: هزز راسه اسامه :يلاه خاطرك هيثم :وانا خاطي الان يلله اوصلك ع طريقي بعد المغرب..وقت العقد القاضي: يا فاتن انتي موافقه وائل زوج لكي فاتن واقفه ورا الباب : امتلت عينها دموع تذكرررت ( هيثم يوم بيحفظها العقد صيغه القبول لما يعقد عليها) القاضي: عاد الجمله افنان: دكمتها جاوبي فاتن: هزت راسها افنان: قلي موافقه فاتن ذكرت كيف لما عقد وتزوج ولا حس احساسها ردت وقلبها بيددددق: موووافقه في غرفتهن.. روان : انا شاحاكي ابي يفعلش سرير عندنا ياهديل حالي نوقع خيرات خوات هديل: بتضحك اسماء: ضبببح هديل: قوووي . اسماء: عندي فكرره نقل لهيثم يخرجنا هديل ضحكت: عيخرجنا خزيمه سوسن : كانت سارررحه وخايفه من علي ( ليش قال عادش ام جهالي ؟ عيشلهم عليها)؟؟ اسماء: والله ان معه صوره تفجع قريه بيتقارح روان: بسام اطيب من هيثم نحاكيه اسماء: راعين اسير ابسره بسام : بيلعب بالكمبيوتر.. اسماء: ماضبحتشش بسام : قووي اسماء: قوم نخرررج ناكل سكريم ونرجع هديل وروان واقفات وراها بسام انحرج من هديل: هيا البسسسين روان واسماء بيصيحين فارحااات نجميه: اصه من الجنان مالكم روان : عنخررج نجميه: الله معاكم اسماء: اطلعي البسي .. هديل طلعت : دخلت هيثم :جالس ممدد فوق السرير بيسمع اغاني وبيلعب بالتلفون.. هديل : شلت البالطو لبسته وبتتلثم قبال المرايه هيثم شافها استغرب: الى اين !!! هديل: خارجه مع خواتك هيثم :وايحين استاذنتي؟ هديل: كنت شالبس بالطو من عند اسماء بس طلعت استاذنك وعلى فكررره شاقلك كلمتين ..معك ليوم الجمعه ياتدي ورقه طلاقي وتقلهم انك ماتشتيني واني لعنه ف حياتك ياما انا شاسير الجمعه بيتنا واقلهم بكل شي وطز فيك واتفاقك ودراستك وحياتك المسخره والتحكام هذه....خرجت وغلقت الباب هيثم عصصصصب : رجم التلفون لاعرض الباب اتكسرررر كله هديل سمعت الرجمه ودمعت: نزلت وهي بتهوي عينها في الدرج.. هيثم معصصصب : ماسك راسه ونفسه يموت اسماء: عينش بتدمع هديل: ربطت اللثمه بقوه لاعيني هيا نخرج سوسن بتتفرج لهديل: سكته سمعت الرزعه لانازل...طلعت..فتحت الباب..والبطاريه والشاشه والغلاف والشريحه كله متطاير هيثم : خير ماشوصلش حد سوسن : اشتي اتكلم معك هيثم : وانا ماشتيش اتكلم الان مع حد رجاء ياسوسن مشتيش اجرح حد سوسن : اخر كلام عندك ماتشتيش هديل قل لنا لاتظلم البنت هيثم ضحككككك كركر وعينه ملان دموع: بعد ايششش خلاص راعيتو لعرس فاتن وجيتو تقلو لي هكذا ؟ لاني غبي حيوان صح ؟ ماعنديش كلمه مش انا رجااال مابش معي شخصيه بتختارولي حياتي انتووو سوسن مغمضه عينها من صياحه : براحتك بس هي مادخلها لاتظلم بنت الناس معك هيثم :هميتوها اكثر مني ولو ماظلمتوني اني ماظلمتها وظلمت فاتن ونفسي سوسن : يا اخي.. هيثم قاطعها : يا اختي الله يررررضى عليش اخرجي وخليلي حالي . بعد ايام فاتن : حاسه احساس غرررريب دعاء: ايش؟ فاتن : مدري قلبي مقبوض دعاء: احساس كل عروسه هكذا لان اليوم عتخرجي من بيتكم وتسيري بيت زوجش ؟؟ فاتن : مدري قلبي مقبووض... .