الفصل 19
*روايات عربية و عالميه🌧️❤️🩹*
`بإدارة : > آلُِجوكر 𖠝🍷 ♩⁽📚🖊️₎⇣℡`
*البـارت 19☆*
*📚📚[أقدارنا بين الحب و الغربة]🎶♥️*
للكاتبه: عبير الكبسي
_____
ِ
.
.
فاتن ردت: اسسفه تاخرت ارد.عليك بس كنت مشغوله بينتجهز.
هيثم: مابتنجهزي؟
فاتن: معنا عرس
هيثم: وعليهااا بعد العصر ولا يلقوو مره في بيتهم..متفرطات كلكن
فاتن: مشغوله قوووي قد عيسسيرو عليا
هيثم:يلله اوووقعي احلى وحده ف العرس
فاتن: هههه تمام.. ماباخذ تلفوني معي ممنوع.
هيثم: احسن.
هديل واقفه: قالت عمتي عتوصلها ؟
هيثم مش مركز معها: ماسك التلفون.
هديل: الموضوع لامك مش لي لاتخاف
هيثم: ماتشتي؟
هديل ضبحت: انزل جاوبهم.. وفلتت ونزلت
هيثم : ياااي ..جي هاا
هديل: نزلت
في غرفتهم..
حسان: تشتي نخرج؟؟
سامي: ابردلك بسس مانشتيش مشاكل من اولها.
حسان: مشاكل ايش؟ لنا عمر عايشين ومحد داري اهم شي لو معك لبس هوووكه البسه ومحد يحس بك.
سامي تشجع: يلا الان الصدق ضقت من الغرفه مش متعود واشتي شريحه كيف افعل؟
حسان: ماعليك شي .البس ويلا مراعي لك
سامي داخله شي مكسوررر : قام يلبس وهو مش حاسس باي فرحه غير انتظاره لراتبه يرسله لاهله.
بيت عبدالرحمن
هيثم: ايوه دعيتيني؟
نجميه: وصلنا.
هيثم بيسافط امه: ياعلي دددلع وحلااا من القمررر هذه ..وحبها فوق راسها.
هديل سااااارحه فيهم: امتلت عينها دموووع تذكرت كيف كانو يسافطو امها وسامي وعلاء ولمتهم في بيت كانو مرتاحين.
هيثم بيحب رلس امه لمحها : فررح انه اغاضها
هديل انتبهت: كانت ماسكه الثمه قفت وبتلبسها ف المرايه..شافت عيونها مسحتهن وداخلها بكاااء.
هيثم : هيا ياقمر لو عليا لاتحملش لافوق السياره.
نجميه: تحمل مرتك اخف مني.
هيثم شاف هديل: قزز...خلاص بس جغرتي لنا الطبيعه يا اماه.
نجميه: صرررفو مازد.دريت لكم طبع.
هديل ماعد لها نفس تخررج: كابرررت وخرجت غصب
بيت صالح..
افراح: اتصل اعزم بنتك بكره وقلها تجي من الصبح
صالح: ان شاءالله بعد المغرب
افراح: ولاشفنا منها وش لا اتصال ولازيارات.. صالح: الله يستر عليها عادي حريوه.
بيت رهام..
امها: اتصلت لي مرت عمش
رهام خاافت: ماتشتي؟
امها: قالت عتجي هي والبنات
رهام تطمنت : هااه
امها: ماهو ها ..افعلي صحن كيك واطرحي شاهي
رهام زعلاانه انها قسيت ع سامي..بضبح: تمام.
فوق السياره.
هديل سارحه:بتتفرج من الطاقه للناس ف الشارع
هيثم : فاتح اغاني وبيغني معاهن يحانك هديل
نجميه: الله يهديك وطي الصوت مالك
هيثم بيراقبها من المرايه الي جنبه:وطى الصوت
هديل:جت عينها بعينه ..قلبت عيونها وغيرت مكانها..
هيثم :مسسسسك برررريك..
نجميه: مالك اليوم مجنون رسمي؟؟
هيثم: ززززحمه....
.
وصلين القاعه..عند المرايات
نجميه: اسكه يابنتي امشطي شعري من قفا المصر.
هديل: بتمشط لها ..ذكرت امها.
نجميه فديت ايديش تسلمي: لفتت يوو مالش يابنتي؟
هديل: دخلت المسكرا عيني.
نجميه: جي انفخ عينش.
هديل بابتسامه: خلاص .
ع دخلتهن الصاله هديل اندعس ذيل فستانها ..
نجميه مسكتها :لفتت..دلا يابنتي مالش مستعجله؟
فاتن بصدددمه: هااا ..شافت هديل
هديل: سهل ماشافت
فاتن: اشوف ولا ماشوف انتي مش عروسه تلبسي الذيل هذا كله ايش افعل لش.
نجميه: مسكت هديل ودخلت
هديل: مشيت
فاتن:بتتفرجلهن ولبسها.
مكان ثاني
حسان: ها كيف عجبتك
سامي بحزن: هز راسه لااا ومواصل يهزز
حسان: عادك متاثر ببلادك سهل اول ماتشوف جيبك يمتلي عتقل احسن.
سامي لفت بضبح: ايش احسن ! الفلوس ؟؟
حسان:كله
سامي: ماقدلي الا يوم اسالني بعد شهور
حسان ضحك: صح ..بس محلا من بلادي
سامي ضرب ع كتفه: ايوووه هكذا تعجبني.
ف القاعه..
نجميه : بتجابر هديل تقوم ترقص
هديل: ماشتيش .
نجميه: مالش اليوم ضابحه ؟
هديل: مابش شي.
نجميه: هيثم اسلوبه جلف صح؟
هديل: ماشي عادي زي بقيه الرجال.
نجميه فرحت بردها برغم عارفه بابنها:الله يكملش بعقلش.
واحده من النسوان: هذي مرت ابنش ؟
نجميه: ايوه.
المره: حجاب وياسين عليها.
فاتن جالسه بعيد : بتتفررج لها بحقددد.
في الحاره..
علاء خااايف :بيجرررري (يركض)ف الشارع وين رزززق؟؟
اكرم: مدري كان خارج ليش مالك
علاء بيتقطع نفسه من الجري: مدري واحد بيسال عنه خفت ..تعال نكلم العيال كلهم لايقلو اين هو.
اكرم افتجع: يالله اقلقتني ..جي نسير نبسرره.
علاء: سير الجامع وانا رايح ابسر العيال.
بيت رهام.
مرت عمها : اليوم جت لاعندي مرت ال... تعرفيهم ؟
ام رهام: ايووه ماشاءالله عليها تعرف نص صنعاء.
مرت عمها : مش ع هذا وبس، تشتي بناتنا لجهالها
ام رهام : معها اربعه اثنين مزوجين واثنين بيشتغلو ف السعوديه.
مرت عمها: ايوه ومالهم شي اخلاق ومرتاحين والمره حاليه.
ام رهام : قد احنا نبسر الرجال
مرت عمها : الله يقدم لهن مافيه الخير.
في الغرفه.فاتحتات الفيس
رهام: شوفي هذا كتبه لي اول ماتعرفنا ع بعض.
بنت عمها: هيا مالش ذكرتيه بعد ماسافر ؟
رهام: ظلمته وتسرعت وجرحته
بنت عمها : كيف لوما نزل عليش الوحي؟
رهام: تذكرت اهتمامه حنيته حبه الصادق لي.
بنت عمها: خلاااص بكاء ع الاطلال سامي بح.
رهام: مادراش الله نكون لبعض؟
بنت عمها: الله يعينش محد داري ماتشتي!
عند باب القاعه..
هيثم: داعي عائله هيثم ال...
فاتن سمعت الاسم : لفتت لهن.
هديل ونجميه قامين يلبسين..
.
.
علاء :بسرررعه هززززره من يده ومشيو بسررعه ف الشاررع.
رزق: مااالككك ؟؟ ايشش في؟؟؟
علاء: دخله بيتهم وغلق
رزق: مااالك؟
علاء بصوت واطي : ياخي واحد جاا بيسال عليك ماخلا بقعه مارتحتله .
رزق: من ولد طويل بلحيه خفيفه؟؟
علاء: ايووه شااافك؟؟
رزق ضحكك : فتح الباب .الله يحفظك هذا ابن عمي.
علاء تنهددد براحه :جلس ف الارض الله يفتح عليك.. قد نفسي مقطوووع والله ماخليت بقعه.
رزق: حبه على راسه الله يحفظكم لي امانه انكم اخوه.
هديل ونجميه خارجات من الصاله.
فاتن مطننه بقهر: بتتفرررج لهن.
ام فاتن: يلله البسي التكس خارج.
فاتن: لبست وخرجت..
نجميه: بتجابر واحده ف الباب..
خرجين الاربع سوا.
فاتن : بتمشي بتتفرررج فين هيثم.
هيثم مانتبه لها: كان واقف لهن.
نجميه شافت هيثم: اين السياره ؟
هيثم : هذك قدام التكس الي واقف
نجميه وهديل بيمشين.
فاتن نزلت الخنه (شال شفاف) تبع اللثمه: طلعت السياره
ام فاتن: العرس روعه هادئ الله يوصلني لعرسش.
فاتن فيها غصه نفسها تبكي بصووت: ساكته
ام فاتن: مالش؟
فاتن: راسي بيوجعني.
ام فاتن: عين وانتي فارحه بشعرررش نادشه لابوه
فاتن: اي عين اي يد يمه الله يحفظش .
فوق سيارته.
نجميه: امانه ياهديل تكن تقري على نفسش ابسرتي اليوم امه الصلاه بتتفرج لش.
هديل متضايقه: ان شاء الله ياعمه.
هيثم ضحك باستخفاف: قد بدأنا لحقكن العيون.
نجميه: اليوم دعست واحده ذيل فستانها كانت فلتت.
هيثم : كلها رياضه..عتكبر وتنسى.
هديل : مطنشه.
فوق التكس
فاتن لمحته اول مامشيو: بكككيت بدون صوت.
في البيت..بعد ماوصلو
هيثم :رسلها هاا وصلتي؟
نجميه: لاقد تطلعي تعشي واطلعي مره واحده.
هديل : تسلمي شابعه مشتيش عشا.
نجميه: براحتش ايحين ماجوعتي انزلي
هديل: حاضرماتشتي شي؟
نجميه: سلامتش
فاتن شافت رسالته: ايوه وصلت الان.
هيثم رد: كيف العرس وايش لبستي اكيد احلى واحده؟
فاتن داخل نفسها والله لاجننك: ايوه احلى واحده لبست فستان ذهبي ماكسي فيه ذيل ع جنب بسيط و...بتوصفه
هيثم بيشوف هديل قدامه نفس اللبس :بيجابر نفسه اكيد نفس حق الجنيه تيه .ردلها:خلاص احزرر لش زد فيه سلاسل ع الكتف اليسار.
فاتن: ايوووه اربع سلاسل.
هيثم بيشوف هديل ويرسلها:سبحان الله.
فاتن: ايش رايك فيه؟ ذواق؟
هيثم: كان مش ذواق بس بعد ماقلتي انش لبستيه حبيت ذوقش
هديل : شلت ملابسها وخرجت الحمام.
فاتن:هيثم انت للان ماشفتني ! متاكد مايهمك الجمال؟
هيثم:متاكد احبش كيف ماكنتي والله.
.