الفصل 18
*روايات عربية و عالميه🌧️❤️🩹*
`بإدارة : > آلُِجوكر 𖠝🍷 ♩⁽📚🖊️₎⇣℡`
*البـارت 18☆*
*📚📚[أقدارنا بين الحب و الغربة]🎶♥️*
للكاتبه: عبير الكبسي
_____
ِ
.
.
هيثم عصصصصب: هزرها من يدها قووومي ادي صبوووح قلت
هديل : حااضر واتفاقك زي مايمشي بمزاجك عد امشيه بمزاجي...ولبست ونزلت.
هيثم داخل نفسه:امانه لا اكرهااا عيشتها لوما تطلب الطلاق هي.
هديل ف المطبخ:جهز الصبوح
الشغاله ايوه
هديل: في بسباس اصفر مطحون؟
الشغاله : هيثم مايحب بسباس
هديل : لي انا
الشغاله : تمام
فوق السياره..
السواق ركب الشريحه : ناولهم يتصلو..
سامي: خرج الورقه من جيبه واتصل لعم رزق
بعد ساعتين وهيثم مراعي ف مكان بعيدددد
عم رزق : وصل لاعنده وشله معه
سامي مرررهق: لانوم ولا اكل وضايع له يوم ونص ..نعس طول الطريق..
عم رزق: مشي من شوارع فرعيه..
وصلو البيت....
سامي: اتصل لابوه ورزق.. بيت صالح..
صالح: الحمدلله على سلامتك
سامي: الله يسلمك ياباه برجع اتصل بعدا الان وصلا
صالح: الله معك ويوفقك ويعينك
سامي: امين ..غلق
في الجامعه..
هيثم : فاتن اشتي دفترش اطبعه
فاتن ناولته: في محاضرتين يوم ماغبت ماكتبتش
هيثم : عادي
فاتن: اوكي ع الله تفهم خطي
هيثم: شاحس احساس..اصتيحتي؟
فاتن : لا
هيثم : ولا انا
فاتن: يووو معك اربع نسوان ف البيت
هيثم : من اربع!!! فاتن: امك وخواتك
هيثم : سوسن بيتها
فاتن: هاا صح...مالك بتنكزز هكذا
هيثم:مالي بتدوري هدار
فاتن:اطبع الدفتر ورده
بيت عم رزق..
سامي: كيف شافعل ؟
عم رزق: اعرف واحد حاليا بعيد معه مزارع مكان امن وحلو بس شغل طول النهار معك الليل بس تفتهن
سامي: عادي ماجينا الا نشقى بحق الجعجعه هذه بس كم الراتب
عم رزق: الفين ريال سعودي
سامي فرررح: تمااام والسكن
عم رزق: معهم ملحق للعمال فيه غرف ووجبات
سامي: توكلنا ع الله
عم رزق: المهم انتبه اماكن التفتيش الدوريات امد ماترجع اليمن ونرسل الفيزه تكون قد معك مبلغ
سامي فارح بالشغل ومش عارف عواقب الاقامه : جاوب تمام.. في غرفتها
هديل جالسه فوق السرير ومطننه قدامها: اكلم ابي او عمي ..ابي عيقل سهل..عمي عيصيح فوقه ويرجع فوقي اعظظم...اخخ بس لو كان سامي هنا.. دق باب غرفتها..
هديل قامت تشتي تفتح
نجميه فتحت الباب: مابتفعلي؟؟؟
هديل: ولاشي.
نجميه: كنت اشتي ابسر كسوتش مامعش تلبسي لليوم تخرجي معي
هديل: تمام فتحت دولابها توريها
نجميه متعجبه: قليل واشياء بسيطه مابش فساتين حاليه
هديل: هذا قدو احلاهن
نجميه: يلله البسيه وبكره نخرج السوق
هديل: تمام...
.
هديل: هذا قدو احلاهن
نجميه: يلله البسيه وبكره نخرج السوق
هديل: تمام...
نجميه: نزلت.
هديل : جهزت لها الملابس وبتختار المكياج..
هيثم وصل :شافها وطرح دفترمحاظراته والكتاب فوق التسريحه وبيعلق الجاكت.
هديل واقفه قدام التسريحه بتختار الصباغ: اليوم باخرج مع عمتي اتفرط.
هيثم : مع السلامه.
هديل تشتي تفتح الصباغ ذكررت: شافت هيثم.
هيثم شافها : قلب عيونه وخرج.
نازل كلهم مراعيين للغدا.
نجميه : اطلعي قليلهم غدا.
الشغاله طلعت: هديل يلا غدا
هديل: طيب يتم هيثم يصلي وننزل.
هيثم تم يصلي: لاتنسسي اتفاقنا قلبه الوش هذي تحت ماشتيش .
هديل غمضت عيونهااا: ان شاءالله.ونزلت معه.. في الصاله كلهم مراعين..
هيثم : مسك يد هديل وقدهم اخر درجه..
هديل سحبت يدها: التفتت له.
هيثم بهرر لها: مسك يدها بقوه.
هديل: يدها مثلللللجه .
عبدالرحمن: حيااا الله بالعرسان اجلسو
اسماء مستغربه: بتتلفت لنجميه.
نجميه فاااارحه: مبتسمه بتتفرج لهم ولاسماء.
في غرفه صغيررره توسع لسريرين بس ...
سامي:ممدد يده تحت راسه بيتفرج للسقف دموعه بتنزل من طرف عيونه.
دق باب الغرفه.
سامي بسرررعه:مسح عينه وتغطى بالبطانيه.
حسان: ساامي...سسسااامي..
سامي بيمثل انه نوم: مغمض عين ومفتح عين ..هااا حسان: يلا قوم تغدا الشباب مراعيين لك ونتعرف ع بعض وعلى المكان الي بنجتمع فيه.
سامي: يلله اسبقني البس واجي
حسان: سررريع.
سامي : قام لبس الشميز ومعوز وخرج غسل وشه ودخل لهم لغرفه مفروشه موكيت وفيها فراشات اسفنج عاديه.. نرجع لهديل وهيثم..
هديل حسها عند سامي:بتلعب بالملعقه ..
نجميه : كلي يابنتي..
عبدالرحمن: قرب لمرتك الصحن.
هيثم : على طووول..ها ياقمر كلي.
هديل فلتت الملعقه من يده: شافته باستغرااااب وشلت الملعقه بتااكل بتتفرج له.
هيثم : بيتفرج لها بابتسامه.
عند سامي والشباب
الشباب اهلا وسهلااا حياك الله بيننا.
سامي: الله يبارك فيكم تسلموو
حسان: هذا عدنان وهذا محمد وهذا رضوان باقي اثنين مداومين..
سامي : حياكم الله ..كنت بينقول مابش حد ..
حسان: كانو كلهم ف الشغل .. رجعو يتغدو.
سامي: الله يقويكم .
في غرفتها..
رهام : بتقلب الفيس بوك تشوف اخر منشور لسامي ! ولا اي منشور جديد....ف صغحته
كلمات وصوره وكاتب (اهداء مقصود لشخص). دمعت..وغلقت الحساب.
تلفونها رررن..
بنت عمها :الو..مالش فاتحه الفيس ومابتردي؟؟
رهام: انا !! والله عادني خرجت الان.
بنت عمها : بسرررعه ادخلي اجابرش
رهام: حاضر..
.
.
عبدالرحمن وهيثم قامو من فوق الغداء وبيشربو شاهي.
هديل : بترفع الصحون..
نجميه: هدديل فلتي يابنتي اطلعي البسي ..
هديل: اعاونهن حرام قدهن تاعبات طبخ ونظاف
نجميه ضحكككت: بصووت واطي لاعد تسمعيهن مابش تعب قد واحده عليها البيت وواحده مطبخ.
عبدالرحمن لهيثم: ماشاءالله مرتك ع طبيعتها وطيبه
هيثم ضحكه متدرب :(ضحكه بدون نفس).
عبدالرحمن: يلله انقلع من جنبي اشتي افعل لي نعسه.
هيثم : ماتشتي شي ياباه ؟
عبدالرحمن : سلامتك.
هديل طلعت : بتصلي.
هيثم طلع شافها بتصلي: فرش السجاده وصلى ف الصاله.
هديل رافعه يدها: بتدددعي..
هيثم تم يركع عصر: بيسلم لفت لهاا.. سااااعه بتدعي !!
هديل مطنشه: وتمت تدعي ..بترفع السجاده.
هيثم: يالله لايكون متخيله اني تغيرت تحت بسر دعائش.
هديل ضحكه استهزاء: انت اخر شي يجي ع بالي..معي امنيات كثيرره..وانت فارح بروحك.
هيثم انكسسف: امنياتش ارضى عليش واحبش.
هديل بترفع ثياب الصلاه : وبتلف شعرها قدام التسريحه.
هيثم: السكوت يعتبر جواب
هديل بدات تتمكيج: روح تطمن على حبيبتك مش فاضيه لك.
في غرفتها..
رهام بتطبع: عادش موجوده؟؟
بنت عمها: غبيه وين انتي؟
رهام: كنت بينتغدا..
بنت عمها:اسمعي مش وقت..تذكري المره الي ف العرس.جابرتنا ؟
رهام: لا اين!
بنت عمها : الي كانت لابسه ذهب وجلست تحقق معنا
رهام: ماذكرتش مااالها تكلمي؟
بنت عمها:جت الصبح تخطبني انا وانتي لعيالها.
رهام ضحككت : حيا وقوا عنوقع سلايف
بنت عمها: وسامي كلميه !
رهام : سااامي من ! لو كلمته عيجي الان ؟ خلاص الله يفتح عليه سافر.
بنت عمها: يو كيف انتي ؟؟
رهام : مابوافقش بس اقلش انسي سامي.
بنت عمها: قد امي عتتصل بعمه تقلها.
رهام : انخطبي انتي ماعليش مني.
ف شقتهم
هيثم:ممدد بيراسل فاتن.
هديل : ماسكه صفحه ف المجله وبتقلد المكياج وتتمكيج.
هيثم: قله الولف عناا.
هديل مطنشه: وبتتفرج نفسها ف المرايه..صلحت الحموره وفكت شعرها ولبست الاكسسوار.
هيثم بيراسل: فاتن وين انتي ؟؟ هديل بتتأفف: بتلبس الاسواره ف يدها ماقدرت تغلقها..
هيثم: ايشش قد معنا للتأفف.
هديل: قوم انزل نمثل ان انت زوجي.
هيثم: بيتفرج باستغراب ..مالش؟؟؟
هديل بضبببح: انزل امد.تغلق لي الاسواره واطلع اقلب.
هيثم ماسك نفسه: انززلي خلي خبيراتش
هديل:عتنززل
هيثم : هكذااا !! عتنزلي؟؟اطرحي شي فوقش.
هديل:لبست ثياب الصلاه ونزلت بضبح..
هيثم تحيلا لكلامها وضحكككككك(انزل امد تغلق لي الاسواره واطلع اقلب).
.