اقدارنا بين الحب والغربه - الفصل 17 | روايتك

*روايات عربية و عالميه🌧️❤️‍🩹* `بإدارة : > آلُِجوكر 𖠝🍷 ♩⁽📚🖊️₎⇣℡` *البـارت 17☆* *📚📚[أقدارنا بين الحب و الغربة]🎶♥️* للكاتبه: عبير الكبسي _____ ِ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ . . هديل بتتفرج يدها : انشخطت لما هزر تلفونه تم يكلم فاتن فتح الباب بقووه.. هديل نكزت: قلتلك دايم.. هيثم معصصب: انا ميه مررره اقلش لاتعسي تلفوني لاتجاوووبي مابتفهميش غبيه !! هديل مغمضه عينه من صوته: قلت لو اتصال ضروري رن كثير هيثم: ماعليشششش اليوم سكت لش تعيديها لاهرس وشش هديل: من ايش مفتجع اذا هو على حبيبتك قدنا داريه. هيثم مسكها بيدها: قلتلش الموضوع هذاا تقفليه خلااااص مالش دخل تعرفي اووو لا ماتلمسيش اي شي يخصني بتفهممممي ودددهف يدددها. هديل: مقلع يقلعك هيثم رجع من الباب: نعممم !! ماسمعتش هديل: حررره اقل ماشتي هيثم: ريحيلش مني خيرره الله عليش لاتطرحي راسش براسي عتندمي هديل : بتتفرج له بتحدي هيثم: خرج وغلق الباب.. بسام طلع: مال صوتكم لانااازل هيثم: ماعليك ماتشتي بسام: اين عتخزن نازل او طالع اسامه مراعي هيثم: طلعه.. بسام حاضر: نزل هيثم دخل لاعندها: انزلي يلا صاحبي عيخزن هنا هديل : مطنشه هيثم: بتسسمعي؟ هديل: معي اذان هيثم: خرج معصب في غرفتهن.. افنان: هياا فاتن ماقلتي لو تبسري على ولد وقدش داريه باهل لمياء كيف هم طيبين فاتن: ودراستي؟ افنان: ياهبلا خطبه وزواج بعدا وسافري ادرسي معه ماجستير فاتن: ليش هو مابيدرس؟ افنان: طيران في اليونان فاتن: ومادراني كيف طبعه؟ افنان : اهم شي موافقه مبدئيا شاديلش السيفي كله فاتن: ممم شافكر ف الموضوع. في العرس..بتجابرهن بنت عمها : ايوه بنت عمي مره كبيره ف السن: ماشاءالله عليكن. بنت عمها خزيت :قامت المره: بتسال عليهن. رهام: من بتجابري بتلقطي عرسان جالسه لش جنب العجايز بنت عمها ضحككت: شلوش بتسال عليش رهام: سالت عليها العافيه بيت عيدالرحمن هديل: ياعمه ممكن اتصل لبيتنا نجميه: يوو بدون استئذان البيت بيتش اتصلي هديل ابتسمت بس عيونها زعلانه: تسسلمي. نجميه: الله يسلمش..هيا خاطركن شاخرج اتفرط هديل حستها مثل امها بطيبتها:قامت تديلها البالطو نجميه تجملت: تسلمي جبرني براسش هديل ابتسمت لها: الله يسلمش نجميه: هيا اتصلي ها هديل اتصلت : وبتجابر ابوها واخوتها شقه هيثم اسامه: مال صورتك اليوم ضابح هيثم: والله اني كنت مفتهن لكن قمنا نسمع الشيوبات وخرافهم ابسر على بلوه نبزي جهال اسامه: ماقلتلهاش الي كلمتك هيثم: حاكيتها بس عنيدده وفيها زنط ع الفاضي. اسامه ضحك:هذا وهي صغيره ..؟؟ الله يعينك هيثم: بينشكيلك تصبرني او تحانك اسامه: كيف عتفعل ياصاحبي والله انك مودف طيب حاكي فاتن وفهمها ويكونين ثنتين هيثم: بغير جنان احاكيها !! وعتقبل بالعذر ؟ ماعتقدش . طريق ظلام وهم فوق السياره.. السواق: مشي بسرررررررررعه الشباب لفتو لا ورا يشوفو السواق: اوووف جيت من هنا ونسيت معهم كاميرات ليليه سامي: ايش عيوقع واحد منهم: نحتبس ونترحل سامي:طرح يده ع خده وبيهمم حسو سياره وراهم وضربووو رصااص السواق: لف من طريق فرعي ومشيووو ... سامي: الحمدددلله السواق: الله يستر اول مره ابسر هذه الطريق على الله. في غرفتهن.. اسماء: مالش ياهديل اليوم ساكته هديل: ولاشي اسماء: زعلش هيثم؟؟؟ هديل هزت راسها لا: وابتسمت اسماء: بس مالش لاتغديتي والان مابتتجابري هديل بكيت: زعلانه اخي عيسافر اسماء: سسهل عيررجع هديل داخل نفسها كنت راكنه عليه يخلصني من هيثم: شافتها وساكته. اسماء: هيا من الدلع عيرجع قومي خلي الشغاله تدفيلش اكل هديل: مابش نفس ، بعدا شاتعشى معاكن روان: مشطي لي شعري ياهديل زي هذك اليوم هديل:تعالي. بيت صالح.. صالح :بيسبح ويدعي لسامي. افراح: بتخيط شنطه ايمن. غاده : فاقده لهديل ايحين عترجع افراح: عنعزمها وتجي عندنا صالح: طرح لي سامي زلط اتصلي لها اعزميها تجي الجمعه افراح: ناهي مش الان قبلها بيوم. صالح: سكت في الحاره.. علاء: وين انت يا اكرم لك يومين. اكرم: كنت ماسي عند الخبره رزق: سامي سافر. اكرم بصدمه: سااافر ؟؟؟ ايحين ومع من ؟ رزق: تدبرت له السفره. علاء: والله يا اكرم شكل خبرتك مسخوك ماهذه التفاحيط في حواجبك. اكرم: حركااات مادراكم علاء: اهم شي مفتهن اكرم: احسن من جو البيت ضبح مكهرب واصل ماعد معنا الا الخبره يسلو علينا. في الديوان.. اسامه: اذا بينكم تفاهم حاول تلمح لها هيثم: مشتيش افتح الموضوع من مره ابردلك لاتدرى ولا..فتره وطلقت اهم شي مشيت كلام ابي وبعدا شاخطب خطبه واتزوجها لما اتم اسامه: اخطب ذلحين هيثم: مايسبرش لو يسالو يدرو اني مزوج! اسامه: كان الله معك شاخطى لي هيثم: مالك مستعجل اسامه: قدو وقت. فوق السياره السواق دق السكان : ياجنااااه وين احنا خبت سامي: ارجع من مكان ماجيت السواق: بتبسر ساااعتين بنخطى صحاري واحد منهم: لا اله الا الله. سامي: ياخي ارجع الطريق الي جينا منه ..لاعد تواصل نبعد ونضيع اكثر السواق: بتبسرررو صحراء هاااا ..مابلا نراعي للصبح سامي: نراعي ثمان ساعات ؟ السواق عصب: ماعجبكش انزززل سامي عصب: مالك بتعاند وانت قلنا ارررجع الخط الي جينا منه مااابتفهمش !! الشباب: هيااا صلوا على النبي اهدأو نفكر.... . . الليل.. هديل :سامره عند البنات هيثم : طلع رجم لها وساده للارض ورقد فوق السرير هديل بصوت وااااطي: هيا بنات تصبحين على خير اسماء: وانتي من اهله هديل: باطراف اصابيعها بتطلع الدرج سكته الصاله طافيه والديوان والغرفه هديل دخلت بتحسس الابواب ولعت الكهربا حق الصاله.. فتحت باب الغرفه دلاااااا دلااا هيثم: نووووم فوق السرير هديل رفعت حواجبها: الوسايد ف الارض خلت الباب مردود يدخل ضوء ورصت الوسايد ورقدت ..بعد ساعتين حست ببرد... فوق معلاق الملابس فنيليه لهيثم لبستها وهي مغمضه ورجعت ف نومها. الشباب والسواق جلسوا في الصحراء وأول ماشرقت الشمس ورجعو على نفس اثار جيتهم من المكان.. السواق: من معه ماء سامي شاف القاروره حقه: ها بقي معي شوويه اتقاسموهن . السواق:الله يسقيك من حوض الجنه اسلم. الشباب ..الله يرزقك مافي نفسك. سامي سرررح في بيتهم: يااارب الصبح..المنبه بيرررن هيثم نكزز: طفاه ورقد بعد ساعه هيثم قام : شاف الساعه وعصب قام بسرعه يلبس هديل : راقده ف الارض فوق المفرشه ولابسه فنيليته. هيثم عصب: زبط الدولاب ..ياااااي هديل نكززت: مالك !!! هيثم : ليش تلبسي فنيليتي وترقدي بها غبيه او مابش معش ثياب هديل شافت نفسها:بعدتها بسررعه...ماشفتها الليل برردت ولبست. هيثم: ياااسلام فنيليه مدري بكم تلبسيها بجامه وترقدي بها ف الارض . هديل: محد قالك ترقد فوق السرير والبطانيه والملايه عندك برررد هيثم : خرج الحمام وصرع لها الباب. هديل:طلعت السرير ورجعت بنومها هيثم: فتح الدولاب طلع صووت الباب حق الدولاب ..خرج له ثياب هديل نكزت: شافته بنص عين ورقدت هيثم عند التسريحه: فلتت علبه الجل .. هديل قامت معصبه: يوووف مالك اخرج البس خارج هيثم : اررع اررع قومي قامت نفسش عادي عتخرجني هديل : طرحت وساده فوق اذنها ورقدت هيثم : قرب هزرها من فوقها ..قومي افعلي لي صبوح هديل : قل للشغاله هيثم: مزوج وتصبحني شغاله؟ هديل: مزوج من !!نسيت الاتفاق هيثم: مش فارح بش وقبالهم انتي ياسعم مرتي فقط هديل: ولاتستغلها زي ماتشتي مابقربش هيثم:الاحترام ماينفع معش تشتي العين الحمرا هديل: وانا معي عين احمر منك جرب هيثم عصصصصب: هزرها من يدها قووومي ادي صبوووح قلت هديل : حااضر واتفاقك زي مايمشي بمزاجك عد امشيه بمزاجي...ولبست ونزلت ... .