الفصل 16
*روايات عربية و عالميه🌧️❤️🩹*
`بإدارة : > آلُِجوكر 𖠝🍷 ♩⁽📚🖊️₎⇣℡`
*البـارت 16☆*
*📚📚[أقدارنا بين الحب و الغربة]🎶♥️*
للكاتبه: عبير الكبسي
_____
ِ
.
.
سامي : رجع البيت كلم ابوه ورتب ملابسه وكتبه ولفهن في كراتين ...وجهز له للسفر في شنطه صغيره شوويه ملابس.
صالح: هكذا عجله ؟
سامي: اصلا اي وقت يابااه عيتصلوو ؟؟
سامي بيتصل لهيثم: الو السلام عليكم
هيثم بيشبه الصوت: وعليكم السلام من ؟
سامي: اخو هديل سامي..كيف الحال
هيثم : اهلا وسهلا الله يسلمك..
فاتن: بتتفرجه بيتكلم
سامي: كنت اشتي اكلم هديل
هيثم: هديل ف البيت انا الان ف الجامعه
سامي: معها رقم ف البيت؟ لان اشتيها ضروري
هيثم : خير في شي لاسمح الله؟؟ ايوه في رقم ف البيت الان برسلك به
سامي: مابش شي تسلم اوكي منتظر رسالتك ..باي
بيت عبدالرحمن
الشغاله: هديل جاوب واحد.
هديل: من ؟
الشغاله: يقول سامي
هديل فرررحت: سااامي حيااا وحشتني كيف عرفت الرقم
سامي: هدول انتي ف البيت اقدر امر اسلم عليش
هديل:ايووه جي حيا بك.
سامي: يلله الان
ف الجامعه..
فاتن قررت واتصلت: هيثم ايش الشياكه هذه بينغير عليك.
هيثم: جنه لشش اخيرا رديتي ع التلفون ومن اولها غزل
فاتن: ايوه بينتدلع عليك
هيثم: تدلعي يحق لش قد انا مجنون فاتن.
فاتن داخل نفسها كذااااب: فاتن ومن؟؟
هيثم: وفاتن وفاتن وفاتن وبس..
فاتن ددددمعت: خسااااره والله
هيثم: ايشش!!
هيثم: انك قدامي وجنبي واحسك غريب
هيثم بتعجب: غريب!!!
فاتن بتغالط: يعني جنبي وماقدر احاكيك.
بيت عبدالرحمن بيددق الباب
هديل ف الحوش مراعيه: فتحت له وحضنته تسلم عليه
سامي مستعجل: اسمعي جت لي سفررريه اسير اشتغل وارسل لابي زلط واجمع لي.
هديل: يو الله يووفقك ..ايحين !
سامي رن تلفونه اشر لها لحظه:.الووو ها رززق
رزق: تجهززز العصر الساعه 4 عتلاقيهم في شارع ال...
سامي شاف ساعته: تمام يلله مابش معي شي تميت.
هديل سامي لحظه: طلعت غررفتها بسررعه كان معها فلوس من هيثم وعمها طرح طلعت جمعتهن لسامي.
سامي: دهف يدها..لااا مالش ماجيت اطلبش زلط جيت اسلم عليش.
هديل : وتربه قبر امي انك لاتشلها وراسي ياسااامي لاتشلها والله ماحتاج فلس ولو اشتي لاطلبك.اعتبرها دين
سامي: لاتحلفيني
هديل بكيت: اسالك بالله حلفتك بتربه امي مالك
سامي دمع: حضنهااا وشلهن منها سلم عليها وخرج
هديل طلعت غرفتها : بككيت تذكرت تعب وعذاب سامي من صغرره.
سامي بعد ماخرج مسك تلفونه وكتب رساله.
(حاولت وحاولت اوفي حبي لش ...كان كل حلمي اوقع انسان يليق بش بس للاسف الفرق بيننا كبيرر والحب مايكفيش ..المظاهر تغلب الحب..رهام حبيتش من كل قلبي وحاولت اغير من نفسي عشانش بس انتي دايما تصغريني ونفسي عزيزه قوي قررت افلت كل شي واسافر اقصد الله واغير من نفسي..واتمنى لش كل خير اذا بيننا نصيب الله يسخرلنا واذا مابش نصيب الله يسعدش)
.
.
رهام اتصلت بسامي:كيف مسااافر ؟؟
سامي: مسافر زي الناس الي بتسافر تدور شغل يمكن ارجع مدير اعجبش
رهام: هكذا في يوم وليله ؟؟؟
سامي: عادي زي ماقررتي ع علاقتنا ف يوم وليله انا حر الان بحياتي..
رهام:سامي لاتزعل مني انا تكلمت بشي صريح وانت زعلت مني.
سامي ضحك بمسخره: زعلت منش !! ع العموم رسالتي وصلتش والان مشغول..اشوفش ع خير
رهام دمعت: سامي لاتزعل مني ماقصد اجرحك بس..
سامي قاطعها: رهام انسي الموضوع خلاص انتبهي لنفسش ولو جالش انسان احسن مني الله يوفقش ويسعدش.
رهام بتمسح دموعها: الله يوفقك ويحقق امالك.
سامي مقهور منها: مع السلاامه.
شقه هيثم..
هيثم فتح الغرفه : رااقده للان ؟؟
هديل :كانت بتبكي تحت البطانيه
هيثم: يااااي
هديل مسحت عينها وفتحت البطانيه
هيثم مستغرب من دموعها: اخوش اتصل
هديل نزلت دموعها: ايوه جا لهنا
هيثم:خير في شي؟؟
هديل: بيسافر
هيثم ضحك باستهزاء: بتبكي عسب عيسافر؟
هديل: طنشته
هيثم: طرح ادواته ونزل يتفدا
نجميه: اين مرتك
هيثم: طالع
نجميه: ليش ماتنزل تتغدا
هيثم: هي داريه انو وقت غدا ..اكيد شابعه
نجميه: اسماء اطلعي ابسريها..
اسماء: حاضر
شباب الحاره متجمعين..
رزق: كل واحد يدي الي قدر يجمعها لسامي ..
الشباب خرجو الفلوس..
سامي: خرج يسلم عليهم ويودعهم
رزق: هذه مننا كلنا انتبه لنفسك..وايحين مافتح الله عليك نتحاسب
سامي : مايحتاااج
رزق: الله المستعان احنا اخوه
سامي: اكيد
رزق: وعلاء مارديته
سامي غمز لعلاء: وايحين ادى؟
رزق: وصلته انا ياخذ سلفه وراتب مقدم
سامي انحرج منهم: الله يبارك فيكم يارب
رزق: يلله اطلع نوصلك للمكان الي قالو عليه
سامي: يلله ادخل اسلم ع ابي
ايمن وغاده بعد سامي وحاضنينه
سامي كله امل يرجع ويغير حياتهم:حضن ابوه وسلم عليه فوق راسه وعيونه..
صالح دمع: ضمه بقووه.الله يحفظك ياسند ظهري ويأمنك ويبعد عنك كل شر.
سامي: امااانه تدعيلي ياباه ..وتوبه لنفسك وادويتك
افراح : المهم جمع الزلط ولاتلعب بها ولاتنسى اخوتك.
سامي: ابي واخوتي كلهم في ذمتش توبهي لهم.
افراح: قد احنا في ذمه ابوك كلنا
سامي: سامحني ياباه ع اي شي قصرته معك ..
افراح بصوت واطي: شكله ناويه يسير معد.يرجع
صالح: صدددق يابني؟؟
سامي شافها بنظره: المسامحه وبس
صالح: الله معك عيجعل ربي راضي عليك مثل ماقلبي راضي عليك.
سامي تنهددد بفرحه: شل شنطه وخرج
الشباب وصلوه ..
رزق: حضنه وسلم عليه
سامي: قدك العاقل بعدي تحافظ ع الشله صلاتهم ف الجامع التحفيظ خبرتهم كل شي.
رزق: ولايهمك الله يوفقك ويحميك.
.
.
هديل سمعت صوت اسماء: فعلت نفسها راقده.
اسماء: هددديل هديل ..يلا غدااء
هديل ماتشتي حد يعرف مالها: ساااكته مغطيه وشها.
اسماءنزلت : نوووم راقده
هيثم: ساااكت بياكل
نجميه: يمكن تاعبه او شي
هيثم: انتي بتزيدي لها الدلع ولافيهااا شي
نجميه: تفرجته ب استغراب
اسماء: احمدالله ان ابي ماتغدا معنا ولا كلن عيسالها مالهاا راقده ..اكيد متنكده
هيثم : هزر الببسي من قبالها مش هو عليش
فاتن رسلت له : اكيد حبيبي بيتغدا شوف كيف بينحس بك.
هيثم حس بهزه التلفون فتحه: ابتسسسم من كلام فاتن ورد لها (وانا بيناكل لش لقمه بلقمه). فاتن بينها وبين نفسها (ياكذااااب الله ياخذك ، نذل لا لي ولا لها)كتبت: يهنى عليك بالعافيه.
اسامه رسل له: اين عتخزن ؟
هيثم نسي ورد بدون مايشوف الاسم:الله يعافيش ياروحي الغالي كيف انتي اليوم؟
اسامه رد: بيت من بتدور غلطان مش هو بيت فاتن.
هيثم دق راسه وضحك رد له: شلوك وانت بتدخل عرررض ماتشتي مني جي خزن يلا مراعي لك.
طلع طرح تلفونه فوق التسريحه وراح يتوضاء
هديل غسلت وشها :و بترتب السرير
رن التلفون حق هيثم..
هيثم: بيصلي
التلفون بيرررررن بيررن
هديل ردت: الو
فاتن بتسمع سكته
هيثم عصصب: وبياشر لها بيده.
هديل: الوو ..الوو هيثم بيصلي
هيثم سلم: هزر التلفون منها بقوووه وجاوب الوو
فاتن: سمعت صوتها سكت.
هيثم خرج الديوان:هذه اختي فضوووليه
هديل بتلاعن : غبي جلف وحش
هيثم سمعها : رزع الباب حق الديوان
بيت عم رهام..
بنت عمها: مالشش مقززه المفروض تنبسطي عنسير عرس هيا تمي صلحي شعرش
رهام: سااارحه
بنت عمها:يااااي مالششش وين انتي؟
رهام انتبهت: هاا ..ولاشي بس مدري مالي
بنت عمها: يلا هيا اقطبي ماعيراعولناش
رهام: حاضر مراعيه تولع الكهربا اتم نص شعري مسشور ونص عادو
بنت عمها : ضحكت يلا ها.
فوق سياره .. شباب متزاحمين
سامي: ماسك شنطته وقاروره ماء
السواق: الان دخلتنا مغامره الله يسترر المهم انتبهوو احيانا بيضربو رصاص ع السياره
سامي بيردد اذكار السفر..
السواق: المهم تنتبهو وتوطو راسكم ..واربطو الاحزمه
سامي بدء يقلق: وحس بغصصصه وقهرر اول ماخرج من منفذ الطوال...حس انه مغادر اليمن..وبيشوف ارض غيرها...
.