الفصل 4
رفعت عيونها كان ................
كان فيصل واقف والدم ينزف من وجهه وملابسه تصب دم
فيصل : احمد تعال بسرعة امسكها
كانت لحظة غريبة في عمرها ماحستها كانت خايفه بس مو على شي على فيصل حاول انه يمسكها بس ماقدر لان كومار ساعدها
وشنطتها طاحت في يد فيصل
شالها كومار و ركبها السيارة وهي عيونها ما فارقت فيصل الطايح على الارض كلمات فيصل ترن في اذنها القاتله
ماذا تخبئ لنا الايام
و ماذا سيبقى من الذكريات
بعضا من المواقف تتطوى في قيد النسيان
و البعض الاخر يرسخ في الاذهان ..
هل سيجمع القدر من جديد بين بطلي قصتنا فيصل و ميهاف ام ان الحياه ستفرقهم في دروبها الغامضه ..؟؟؟؟؟؟؟؟
تمضي بنا الحياة وتجرفنا الايام في بحورها العميقة . يمر الوقت وتتغير الاحداث . ولا نملك سوا الانتظار في خضم مياهها العاتية و امواجهها العالية لعل قوارب النجاة تبحر بنا الى شواطئ الامان
مضت اربع سنوات على هذه الحادثة ولكنها تمر امام عيون ميهاف مثل الحلم لا تفارقها لحظة لان الخوف الذي عاشته بالتجربة ليس سهل .
كان همها الوحيد ان زواج ابرار يتم رغم تهديد مازن بارسال السيدي لزوجها الي كان فيه صور ابرار في حفلة تخرجها الجامعية.
مازن شاف الحفلة عن طريق وحدة من صديقاته ولفت انتباهه ابرار واخذ السي دي من البنت و ركب علية صوره والبنت حاولت بطلب من مازن انها تخلي ابرار تجي للفلة ولكنها كانت ترفض علشان كذا كان يهددها لما عرف بزواجها
و لما هددها اضطرت انها تروح للفله مرتين ..
و هي طلبت من بنت عمها ميهاف تساعدها انها تجيب السي ديات
و ميهاف عشان ترد الجميل لعمها اللي جابها من فرنسا للسعوديه بعد موت امها و عشان اخوها اللي هو زوج أبرار ..
جالسه على مكتبها الجلدي الفخم باللون البني الغامق والنوافذ الزجاجية الفخمة وتعدل اللثمهة عليها قبل دخول اعضاء الاجتماع
السكرتيرة مروة: انسة الاعضاء دخلوا قاعة الاجتماع
ميهاف : انا جاية خذي المفكرة معك و الملفات الي على المكتب للمناقصات و الطلبات الجديدة
وقفت ميهاف ومشت بعباية البشت و اللثمة وتلبس النظارة الطبية الممظللة وتمشي بخطواتها الواثقة لقاعة الاجتماع الملحقة بمكتبها .
جلست على الكرسي المخصص لها
ميهاف: السلام عليكم كيف الحال ..
الجميع :وعليكم السلام
ميهاف : راح نبدا بعبد الكريم ايش عندك من جديد
عبد الكريم : الملف الازرق الي معي فيه عروض شركة الانارة ومعلومات عن امكانيات الشركة وخدماتها واهم المشاريع الي قامت بها من خمس سنوات
ميهاف : احسنت انا اطلعت عليه وعجبني شغلهم بس المبلغ الي طالبينه كثير ايش رايك يا استاذ تركي مدير الشؤؤن المالية نبى رايك طالبين عشرة مليون للسنة
تركي : العرض من الناحية المالية للشركة مناسب
ميهاف: وانت ياستاذ علي نبى رايك انت المهندس المسؤل عن الكهرباء
علي : الانارة راح تشكل جزء كبير في عملنا
ميهاف : اجل نتكل على الله واكتبي الطلب يا انسة مروة
كملوا باقي الاجتماع على جميع المناقصات وانتهى الاجتماع وقام كل مين لمكتبة
ميهاف : انسة مروه فية أي طلب او عمل جديد او مواعيد ؟
مروة: لا انسة ميهاف بس لازم نراجع الاستعدادات للحفلة
ميهاف : اوكي بس ايش الجديد في هذي الحفلة كل الحفلات اللي قبل تتم بشكل عادي
مروة : الاستاذ عبد الكريم يقول انه في شخص مهم بيحضر هذي المرة
ميهاف : انا بكمل الي بيدي وبعدين باخرج اشوف الاستعدادت
لما قرب دوام ميهاف ينتهي قامت ولبست العباية و اللثمة وشالت الشنطة وخرجت وعيونها على الارض لان الشركة مختلطة وكلها رجال و نساء هي الوحيدة
الي تتحجب وهذا كان شرطها الوحيد لما انقبلت في الشركة
ميهاف معها شهادة من فرنسا بادارة الاعمال مع تقير ممتاز بالاضافة انها الاولى على مستوى المملكة في الثانوية العامة وحاصلة على جائزة الامير سلمان للتفوق
وصلت قاعة الاحتفال في الدور الخامس دخلت القاعة و بعيونها تقيم المكان عبارة عن طاولات دائريه وفيها كراسي اما الوسط كان فية مجسم شلال ضخم واضائته رهيبة واستيج مربع ومثبت فية مكان للميكرفون للتحدث وعلى جنب طاولة تحضيرية واللون الغالب للقاعة ازرق
انوار: مرحبا انسة ميهاف ( انوار مهندسة ديكور متحجبة بس الشعر وما تلبس عباية بس لبس محترم طويل)
ميهاف : مرحبا انوار اكيد تشيكي على القاعة
انوار : بصراحة انسة وصلت في وقتك انا محتارة ونفسي اغير القاعة بشكل جذري
ميهاف : قالت لي مروة ان الاستاذ عبد الكريم طالب مني اهتم بالتنسيق بصراحة انا متفاجئة اول مرة يهتم بكذا
انوار: سمعت ان المالك لمجموعة الشركات يمكن يجي للحفلة الختامية المالية
ميهاف متفاجئة : ليش هو الاستاذ عبد العزيز مو صاحب الشركة
انوار: لا هو مدير بس الي سمعته انه صاحبها شخص غني عايش برى المملكة
ميهاف : ياشيخه احنا ايش دخلنا المهم الشغل عاجبنا ومناسب لنا
انوار : على قولك المهم عاجبك لون القاعة
ميهاف : بصراحة لا .. راح افكر فيها واخليها حاجة جنان اطليها اورنج عن اذنك
توجهت ميهاف للمصعد نزلت لاسفل ووقفت تنتظر السيارة وعندما وقفت عند البوابه خرجت ميهاف: السلام عليكم
كومار: وعليكم السلام . روح مكان والا البيت
ميهاف : البيت جبت منى و امال
كومار : خلاص
وصلت السيارة امام البيت المكون من طابقين الدور الاول صالح اخو ميهاف عمرة 26 سنة طويل وسيم وعيونة عسليه وبشرته حنطاوية يشتغل في المحل الي فتحته ميهاف يهتم بتنسيق الحفلات
متزوج بنت عمه ..
تحب صالح وهو ميت عليها.
دخلت الدور الاول وهي تنادي
صالح + أبرار : هلا وغلا حياك سلمت على اخوها ومرتة
صالح : حيا الله ميهاف وحشتينا حيل
أبرار : يا عمري عليك كيفك بعد التعب تغدي معنا
ميهاف : ياي تعبانه حيل بس ترى الليلة تعشون فوق عندنا
صالح : تامرين امر يالغلا
ميهاف : ما يأمر عليك عدو
طلعت للدور الثاني ولقت بنات عمها منى وامال كالعادة يتناقرون على النت
منى : والله انت 24 ساعه عالنت
امال: لا و الله انا مشتركة بدورة في النت أتابع مع المشرفة
منى: بالله و الله ما اشوفك الا على لعبة تريفيان و مضيعة وقتك ووقتي معاك ..
امال: أقول لا يكثر هرجك قريتي عليها هجوم تعالي ساعديني ..
منى : يا سلام عالادب اللي جا فجأه مع المصلحه .. ما دامك ما تستغنين عن ذكائي ليش تقلين ادبك ..
امال بصوت شبة مسموع : لا صار لك عند الــ.... حاجة قوله يا سيدي ..
منى : ايش ما سمعت >> الا على دخلت ميهاف ..
ميهاف : السلام عليكم وهي ترمي العباية وتشيل الطرحة
و تحرر شعرها الاشقر الحريري لمل يوصل لاخر ظهرها وتفك حزام التنورة وتنزل القميص الابيض وتقعد بالبدي الاسود مع التنورة الرمادية