الفصل 27
البارت 27)
........
وردتي..ليتك تعلمين كم عانيت بعد فراقك.. كم تجرعت لوعة الحنين إلى همساتك...كم عانقت الشوق في غيابك وزرعت أمل لقائك بعد رحيلك لم أعد اشعر بما حولي .... جعلت الصمت مجدافي..ذكريات الماضي تعصرني وتجعلني أتعثر في مسافاتي...ترتمي أفراحي حزينه في أحضان الشوق.. تنطفى أنوار آمالي في ظلام اليأس ..وتغرق عبراتي في دموع الآهات فتنمو جذور الألم وتنبت في طرقاتي.. وردتي يا من أودعت قلبي في أحضانها.. دعيني أحفر أسمك في عروقي وأجعلك جزءا من أنفاسي وأرسم فوق دموعي حبك!
******
رحلت.. تركتني وحيدا في صحراء الهجران بين جبال الأحزان وعلى سهول الحرمان.. لا أسمع إلا صدى صوتي وصفير آذاني.. حبك تسلل الى قلبي فأحببتك..رحلت وثارت براكين الشوق بداخلي واهتزت أركان فوادي.. رحلت فأمطرت سحابة دمعتي وتكثف ضباب حيرتي رحلت ومازال طيفك يزورني فيلهب مشاعري ويؤجج نيران اشتياقي لك ويثير أمواج هيامي.. رحلت... إلى أين؟! ليتني اعلم!!
((منقول))
..........
(في بيت ابو رائد)
(في غرفة ريماس)
ريماس و اهي تفتح البوم الصور و خانقتها العبره:هذا يوم احنا في عرسك كانت لابسه كعب ومو عارفه تمشي في(وبدت تبكي)كانت رووعه في العرس اهى اهى
ريم تحضن ريماس:خلاص رموس اهي راحت عند رب العالمين
ريماس:انتي ماعندك احساس(بصراخ)نصفي الثاني راح رااااااااح اهى اهى
.........
(في احد المطاعم)
مشاري:فهد
فهد:ياهلا وصلت معاك فهد ال....
مشاري مد يده يصافح فهد:ونعم.....معاك مشاري ال......
فهد مد يده:هلاوغلا
(وجلسو)
فهد بربكه:اااه..انا عازمك هنا عشان اتكلم معاك ضروري
مشاري:خير ان شاء الله
فهد:يعني ااه....اهو الموضوع عن ابوك
مشاري:شنو في ابوي
فهد:اااااه....انا عرفت عن ابوك انه.......امم
مشاري:ممكن تتكلم ب وضوح
فهد:طيب.....اعرف ان كل شى راح اقوله معاه دليل طيب
مشاري بجديه:طيب
فهد:ابوك متزوج ع امك مسيار
(بعد 30 ثانيه من السكوت)
مشاري بصدمه:انت الحين جايبني هنا عشان هالحكي
فهد:ليش كلامي مايهمك طيب الشى الثاني..ابو
مشاري قاطعه:لا اول ولا ثاني انا مابي اسمع هالتفاهات
فهد:مشاري انت لازم تسمعني
مشاري:مع اني مابي اسمع بس قول
فهد:طيب....ابوك راهن بيتكم ودليل(مد له الورقه)هذي تدل انه ساحب غرض من البنك وانا عرفت لانه البنك حق ابوي
مشاري بصدمه و عدم تصديق:ااه يعني بتفهمني انه ابوك الملاك اهو قال لك مثلا
فهد بقصه:ااه ابوي الله يرحمه مو اهو لى قالي
مشاري بحراج:اها سوري
فهد:عادي متعود....ماعلينا وانا الحين لى في البنك ودليل زواج ابوك
مشاري قاطعه:فهد اناااا.....مابي اصدق ولاشى وانا الحين بمشي ولا كني سمعت شى(ومشى)
فهد وقف:مشاري انت لازم تسمعني عشان نحل الموضوع......(جلس بخيبه)اف
..............
(في مكان جديد)
(بيت ثامر)
ثامر واهو ينزل من الدرج:يلا مامي انا طالع
ام ثامر:الله معاك
ثامر ركب سيارت صاحبه:سلام
سراج:هلا وعليكم السلام
ثامر:وين رايحين
سراج:مارينا
ثامر:لالا لاعت كبدي خلنا نروح....مممممممممم مزرعه عادل موجود
سراج:طيب
.........
(في بيت ابو محمد)
ام محمد واهي تجلس ع الكنب:ااه راحت الاول الله يرحمها و الحين سافر الثاني
اسيل بضيق من طاري يارا لى مو متعوده ع افراقها:يمه اهو راح يكمل دراسته مو يلعب
ام محمد:ااه اااه انا مدري ليش ماوقفته...ابي اعرف شنو عاجبه ف بلاد الغرب
ابومحمد:استغفر الله....وبعدين الولد سافر الله يرده بسلامه بعد ليش الحكي الزايد.......اف
ام محمد ناظرت ابو محمد ولا ردت
.............
(في بيت ابو مشاري)
دخل مشاري:سلام(وتوه بيصعد غرفته بس وقف لما شاف امه تبكي و راح لها)يمه شنو فيك..؟؟؟؟
ام مشاري:ابوك سافر....انا تعبت والله ماحس روحي متزوجه كله مسافر
مشاري تضايق ونزل راسه
ام مشاري:الا صحيح لى عازمك فهد شنو يبي عسى خير
مشاري توهك:ولاشي(وصعد غرفته)
..........
(عند سراج وثامر)
ثامر:سوسو شغل لنا شى نسمعه
سراج بعصبيه:سوسو في عينك اصغر اعيالك انا.....وماني مشغل شى
ثامر:طيب روق امزح معاك انا
سراج:مزحك ثقيل ماينطاق...اف
ثامر بخوف و صدمه:سراج انتبه راح ندعم البنت
سراج انصدم ولف يسار:اف شنو صار للبنت
ثامر:خلنا ننزل ونشوف
سراج:بس احنا ما دعمناها
ثامر:ماعليه بس ماتشوف البنت مغماء عليها
سراج نزل من السياره وشاف بنت بالغه بدون عباه مرميه في الطريق
سراج حمل البنت:ثامر افتح باب السياره
ثامر بحركه سريعه نزل من السياره وفتح باب السياره الخلفي عشان يدخل البنت
سراج دخل البنت و ركب السياره مع ثامر
ثامر:انا اقول نوديها الشرط هاو المستشفى
سراج:لالا راح اوديها المزرعه معانا المستشفى بعيد اخاف البنت فيها شي خطير مثلا نزيف في الراس...خلاص نوصل المزرعه وانا اكشف عليها
ثامر:صح كلامك
............
(في بيت ابوفيصل)
ميهاف واهي تعطي رغد الكيك:تفضلي
رغد:لا مشكوره
ميهاف:افااا ترديني صدقيني راح يعجبك انتي ذوقي وعطيني راايك
رغد:طيب ماراح اردك
(في الجه الثانيه)
رائد:والله وطلعت طباخ وانا مدري
فيصل:هههههههع لاتكبر راسي...ماعرف غير الكيك
رائد:اكثر شغله ماعرفها ههههع....الا صحيح انت ماعندك اخو
فيصل:الا بس اهو طالع
رائد:اهاا الواحد يجلس بدون اخو ولا شى مثل حالتي كله بنات وانا وحيد امي و بوي
فيصل:لا يغرك ترا لا انا ولا اهو نشوف بعض اذ انا طالع اهو يجلس في البيت و اذا انا جالس في البيت اهو يطلع مانلتقي الا عند الغذاء
رائد:اهمم بس المهم عندك...اهو اصغر منك صح
فيصل:صح اهو اول سنه جامعه
رائد:اووو عجل اكيد مشغول وماعنده وقت
فيصل:والله ولاجايب خبر...كله جلسه ف مزرعتنا بما انه احنا ما نروح لها كثير يجلس اهو مع ولد عمي و صاحب ولد عمي....مستغرب منه كيف يجلس مع ولد عمي و صاحبه واهم اكبر مني
رائد:العمر مو مشكله يكفي انه ولد عمه
فيصل:مثل ماتقول
.........
(عند سراج)
دخل سراج المزرعه حامل (((يارا)))
عادل بصدمه:شنو صاير
سراج حط يارا ع السرير:عطني عطر بسررررعه
عادل:ط..طيب(وعطاها عطر)
سراج اخذ ورقه من اكلينس و رش فيها عطر وحطه ع انف يارا
سراج:ثامر عطني شنطة الاسعاف
ثامر:طيب(وعطاه الشنطه)
سراج:البنت فيها حرق ف رجلها درجه ثانيه(وبد يحط لها مرهم للحروق ويحاول قد مايقدر مايلمسها حط لها ع سريع(ونتبه ل يارا صحت)
يارا:كح كح هىىىى كح كح هىىى
سراج:شباب البنت ماهي قادره تتنفس
يارا مازالت تشاهق و تكح
ثامر ابتسم:اعمل لها تنفس صناعي
سراج بجديه:مستحييييييل....البنت امانه
عادل:ودها المستشفى
سراج:عطني بخاخ butalin <<اسم البخاخ
ثامر:بس
سراج:لا بس و لا شى الحين مين الدكتور انا ولا انت
ثامر:طيب(وعطاه البخاخ)
سراج:اختي ممكن تجلسين انا بعطيك بخه وانتي احبسي نفسك ولا تتطلعين البخه حاولي تبلعينها
يارا مو قادره تتنفس ومصدومه من الشباب لى قدامها:ل كح كح ل كح ل....يث
ثامر:البنت تقول شى
سراج حاول يسمعها
يارا:ل....كح كح لي كح ل..ي..ث
سراج:البنت تنادي ع شخص اسمه ليث...اختي يلا راح ابخ(سراج رج البخاخ 3 مرات وحطه في فمها وبخ)يلا بلعيها و حبسي نفسك....لا تتنفسين الا بعد ماتبلعي البخه
سراج:شباب دبرو عباه تناسب البنت
عادل:خلاص انا رايح اشتري لها جاهزه
سراج:ثامر خلنا نطلع من الغرفه عشان البنت تاخذ راحتها....اختي اذ احتجتي شى ناديني
يارا هزت راسها بتعب ونامت
.........
(في مطار امريكأ)
سلمان:حمدالله ع سلامه شباب
مشعل:الله يسلمك
تركي:هههههههههههههههههههه� �هع
سلمان:شنو فيك
تركي:اشكال الناس اضحك لايفوتك هذا كلى ماسك كلب
مشعل ابتسم ع شكل الرجال كان شكله عامل كدش وشعره مو ناعم ولابس شورت اسود و تيشيرت احمر و بشرته سمراء وماسك كلب اسود
سلمان:استغفرالله
مشعل:يلا خلونا نركب التكسي
(مشعل توه بيركب سمع صوت خلاه يضحك بصوت عالي)
بنت متحجبه وعليها نظارت (نظر) اكبر من وجها:انا الغبيى لى مصاحبتها قال ايش قال(بصوت كله اطناز)انتي بس ركبي الطياره واول ماتوصلين راح تلاقيني في وجهك(بصوتها الطبيعي)وين عسى وجهك الماحي و مرض لاشفاء له والزهايمر وكل الامراض الدنيا(ونتبهت ل مشعل لى يسمعها ويضحك بصوت عالي)خير قايله نكته مع هالوجه غبي ثور حمار
مشعل واهو يركب السياره:منشار مو لسان
البنت:هاهاهاهاهههههههههها� � هبل
..............
(في بيت ام عبدالله)
فهد يدخل ومعاه راشد متسند عليه
ام عبد الله:وي الحمد الله ع السلامتك ياوليدي
راشد ابتسم ابتسامه باهته وحضن امه:الله يسلمك
ليث قام من الكنب وحضن راشد:حمد الله ع السلامه
راشد واهو مستغرب من شكل ليث لى مبين عليه التعب:الله يسلمك
.........
(في مزرعه عند يارا)
يارا:ااااااه يمه اهى اهى
سراج سمع صوتها ودخل وصد عنها:احم احم....حمد الله ع سلامتك
يارا:وين انا....(وشهقة من شكلها)هىىىىىىىىىى وين عباتي
سراج مازال صاد عن يارا:لما جبتك هنا كان ماعلييك عباه....جبت لك عباه(وعطاها الكيس لى ع الطاوله الصغيره)
يارا بربكه لبست العباه:ابي اروح بيتنا
سراج:خلاص انا الحين مشغول بخلي ثامر يوصلك طيب
يارا:طيب بس اهم شى اروح بيتنا
سراج:ثااامر
ثامر دخل:احم...هلا
سراج:وصل البنت بيتهم انا مارح اقدر اوصلها
ثامر ابتسم:ماطلبت شى....تفضلي اختي
يارا طلعت وركبت السياره وبعدها ركب ثامر ومشى
يارا لى جالسه وراء:البيت في حي(.....)شارع(......)بيت(......)
ثامر ابتسم ع جنب:يصير خير
.............
(في بيت ابو شوق)(في الصاله)
شوق:اقول مامي
ام شوق:هلا يمه
شوق:يعني....انا اقول لو نتحرك ونعمل لنا خطوه عشان ليث مو احسن....(وبجرائه)يعني تعرفين البنت تدور ع سترها
ام شوق:والله معاك حق....يلا عطيني التليفون
شوق ابتسمت و عطتها التلفون:ماطلبتي شى
ام شوق اتصلت ع بيت ابو ليث:الوو....موجوده ام ليث....عطيني
ام ليث:الو ياهلا وغلا
ام شوق:هلا فيك اخبارك اخبار ليث...؟؟
ام ليث:انا الحمدالله بس ليث من بعد وفات ياراوه واهو حالته حاله لا ياكل ولا يشرب والله مدري شنو اسوي له والله حالته ماتسر مره ضعفان ودبلان
ام شوق:الله كله عشانها والله ماتسوه....ومالك الا حل واحد مافي غيره
ام ليث بحماس:لى اهو
ام شوق:تزوجينه بنت الحلال لى تنسيه يارا و طوايفها
..............
(عند ريماس)
ريماس ب صراخ:اقولك تركيني
ريم ماسكه ريماس:اكيد مجنونه البنت ماتت
ريما سلى جنت:مستحيييييييل تمووووت مستحيل اهى اهى....اهي وعدتني انها ماتتركني اهى اهى ماااامتت صدقيني اهي محتاجه لى اهى اهى
ريم:استغفر الله.....خلاااااص ريماس اهدي مايجوز لى تعملينه في نفسك
.............
(في بيت ام شوق)
(في غرفة شوق)
شوق تتكلم في الجوال:لاتخافين علي قلت ل ماما واهي بتحل الموضوع
صباح بصدمه شهقة:هىىىىىىىىىى ك....كيف.....كيف قلتي لها انك حامل
شوق:هههههههههه مجنونه انا .....لاماقلت لها اني حامل بس لمحت لها عشان تسرع ف زواجي ع ليوثي
صباح:ههههه والله ماينخاف عليك
..........
(في بيت ابو محمد)
اسيل:لامستحيل
رشا:الله يخليك
اسيل:مجنونه كيف علميني كيف
رشا:سهله بس تكفين قومي معاي قبل مايروحون
اسيل:طيب يلا قومي خلينا نلبس
(اسيل و رشا لبسو عباتهم وطلعو من الغرفه مثل الحراميه الى الحوش)
اسيل:مين لى بروح يعني الشباب لى بروحون ل راشد و يستحمدون له
رشا:ع ما اعتقد محمد و ابوك و مشاري لى جابني بيتكم
اسيل:يعني اكيد كلهم في سياره وحده وانا وانتي وين نجلس
رشا:انا اقول لك وين(ودخلت في شنطة السياره)يلا تعالي دخلي
اسيل:اف(ودخلت)
(وركب ابو محمد و محمد و المشاري لى يسوق ومش والى بيت ابو عبد الله)<<<بيت راشد
.........
(انتهى البارت)
شنو بصير في رشا و اسيل؟؟؟؟
يارا هل بتوصل بيتهم ع خير؟؟؟
فهد شنو بسوي عشان رنا؟؟؟
ليث شنو بكون مصيره؟؟؟
هل احد الابطال بموت؟؟؟؟
كونوا بخير
(البارت الجاي يوم الخميس حدود الليل)
تحياتي:: مرسى احلامي