سعادتي سبب عذابي - الفصل 07 - بقلم محمد سرالختم و عسجد Asgad - مكتملة | روايتك

🤗 *#سعادتي_سبب_عذابي*🤕 💥تاليف💥 *#محمد_سرالختم&عسجد_Asgad* 💥 *Part No :: 07* 💥 *﷼💔﷼💔﷼💔﷼💔﷼💔﷼* لينا سيد اكملت دراستها بتفوق ودخلت الجامعة التي تتمناها وسبقتها في نفس الكلية اثنتان من صحباتها نتعرف عليهن غفران لونها فاتح وذكية جدا وشعرها طويل وعندها وجنات وهادئة يعني جميله شديد فهيمة بت هادئة شديد والكلمه لا تخرج منها الا في محلها سنفورة وباسمه دائما وصوتها واطي وحلوه بالجد في دفعتها التانية امونة بنت مجتهدة وسمراء السمار الجميل داك وبتلبس نظارات *( ناس النظارات كلهم شاطرين )* وفرفوشة وحقانية جدا وما بترضي الحقارة سارة تعتبر اصغر الدفعة ولو شفتها تقول شافعة 🫣🫣🤣🤣 حلوه ولونها قمحي وهادئه ومسالمة جدا لكن عقلها كبير وطموحة نون ودي اول الدفعة الثانية لونها فاتح وسنفورة ايضا وعندها تطلعات اكبر منها جميلة ولكن كل همها الارتباطات والعرس 😂 بقية صحباتها نلقاهم في اثناء السرد لينا دخلت الجامعة اثناء فترة الثانوي هي وكل الدفعة كانت علاقتهن قويه جدا مع استاذ احمد كان بالنسبة لهن الاستاذ والاب والاخ وكل اسرارهن وقصصهن معه يعني مافي بينهم حاجز والثقة كانت عالية ولينا بالاخص كانت تكن له اعجاب شديد وتحكي له كل تفاصيل حياتها وساعدها كثيرا في تجاوز كثيرا من المطبات وكان ياخذها معه بعد اذن اهلها الي العمل معه في شغله الخارجي فهي لها دراية كافية في ذلك ولاتحب العطالة والعمل السهل مثلا في يوم وهم في مكان عمل ما #لينا : يا استاذ سؤال #احمد : اتفضلي بنتي #لينا : انت مشغلني معاك حسنة ولا عشان محتاج لي في الشغل 😒 *( السبب عشان الوقت دا الشغل كان في مرحلة ساهلة )* #احمد : ليه السؤال دا ؟؟ #لينا : شايفاك من يومين ولحدي اليوم مديني شغل بسيط 😁 #احمد : يعني انتي عايزه الصعب طيب خلي الفي يدك دا وامشي جيبي العدة التانية من المخزن 😝 #لينا : حاضر استاذ جيت انا #احمد : امشي اعملي كذا وكذا *( طبعا دا كان المفروض في المرحلة الجاية )* لينا مشت حسب التوجيهات اشتغلت اليوم دا كله وتاني يوم وخلصت لكن شوف الحصل شنو في اليوم التالي #لينا : استاذ شوف يدي صارت كيف 🤣 اخواتي قالوا لي صار ماعندك انوثة 🥴 *( طبعا يدها صارت فيها بقع مائية زي حقت الحريق الا شالت دواء تبع خالها وعملته )* وعشان نعرف قوة علاقته بها وباسرتها كانت اسرتها تستعين به اذا صعب عليهم التحكم فيها كانت اذا تعصبت تصرخ بطول حسها او تمشي السطوح او مرات تمرض عديل مثلا في يوم الاستاذ احمد وهو راجع من المدرسة الي البيت تلفونه رن ☎️☎️📞 #ام لينا : الحقنا يا استاذ لينا عامله مشكلة مع اختها الكبيرة وغلبنا نسيطر عليها 😢 #احمد : طيب انا في الطريق غيرت مسار العربية واتوجهت لبيتهم وصلت ووجدتهم كلهم مع بعض في الهول حتي والدها الا لينا في الحجرة حكوا لي الحصل بالتفصيل استشفيت منه ان لينا ما غلطانة لكنها عصبية ولا تحب الظلم نادوها لي لوحدها وتحدثت معها كثيرا وغلطتها بالتعدي علي اختها الاكبر منها ولازم تتنازل وتعتزر فعلا اعتذرت وانتهي الامر وللاسف هذه ليست اول ولا اخر مشكلة بينهما والسبب كما قلت لكم الخلل داخل اسرتها وهذا سنحكي عنه بالتفصيل في الحلقة القادمة *اختاري العارفك بتبكي من اقل شي ❤* *اختاري العارف عيوبك وعايزك ❤* *اختاري البهظر معاك ويتظارف عشان يشوفك مبسوطه اختاري البفهمك صح المهما اتزهجتي وغلطي معاهو بفتش ليك عذر ❤ اختاري البقدرك وبحترمك ويستحملك ❤ والبخليك مبسوطه دايما الما بهون عليهو زعلك🤍 اختاري البحبك م عشان انتي سمحه ولا شينه ولا عشان عاجباهو حاجه معينه فيك 🌸 البحبك بالجد من قلبو ويخاف عليك زي نفسو وبخاف الله فيك 🌸و البحبك قبل م بخاف عليك من الناس بخاف عليك من نفسو اختاري البثق فيك شديد وتكوني واثقه انو هو البقدر يسعدك اختاري البحبك عشان انتي انتي و بس 💙😍* *﷼💚﷼💜﷼💚﷼💜﷼💚﷼* *يتبـــ سرالختم & عسجد ــــــــع* *#للمراجعة_والتنسيق_والنشر* *#0121045450*