ﻋﺬﺑﻨﻲ أنينهآ - الفصل 47 - بقلم هدوئي كارثة - مكتملة | روايتك

دخلت البيت وكان هادي جدا ما في أي حركة حطيت الاغراض بالمطبخ وطلعت فوق بس لفت انتباهي صوت بكا ركضت بسرعة للغرفة وفتحتها شفتها طايحة علارض وتبكي رحت لها بسرعة وانا خايف : رييم رييم حبيبتي شفيييك .. ريييم طالعيني ليي تبكين .. طالعت في بسرعة وحضنته بقوة وانا اصيح بقوة : لا تخليني لا تبعد عني الله يخليك بعدتها عني بصعوبة وطالعت بوجهها كان احمر احمر من البكا وعيونها منفخة : رييم قوليلي شصااير .. احد سوا لك شي .. احد دخل عالبيت .. احد قال لك شي .. تكلمي لا تخوفيني حضنته وانا اصيح : ابوي يا راكان ابوي بمووت .. ابوي بيموت وبيتركنا ابوي ابوي ابوي .. كنت حاضنها وانا مو فاهم شي : ريم حبيبتي .. قلبي اجلسي ارتاحي هنا واهدي وبعدين تكلمي احسن .. جلست عالكنبة وانا ماسكة بيده مستحت دموعي بس ما قدرت اوقفهم : جنى اختي شافت ملف ابوي بالمستشفى عند اخوك سلطان .. ابوي معاه ذاك المرض .. ابوي ما بقى له شي يا راكان .. ابوي بموت ما بقى له الا شهور او ايام قليلة .. انصدمت من كلامها : انتي متأكدة هزيت راسي وقمت اصيح : ابوي كل شي بحياتي يا راكان اذا صار له شي بموت والله .. حضنتها بقوة : لا تخافين ما بصير له شي .. انتي اهدي الحين خلاص طالعت في : ابوي خلاص بروح يعني .. مسكت يدينها وابتسمت : حبيبتي رييم .. الموت مقدر ومكتوب وكل شخص يومه قرييب .. يمكن ابوك اذا ما مات بهالمرض يموت كذا صح ..ووبعدين في ناس كثيرة مريضة بهالمرض وشوفيهم عايشين اكثر مني ومنك ويمكن حنا نموت وهم بعدهم عايشين .. لا نصدق كل شي يقولونه الدكاترة .. رب العالمين هو الي يكتب للشخص يومه مو الدكاترة .. وش يعرفك يمكن بكرا انا اموت .. حطيت يدي على فمة : بعيد الشر .. لا تقول كذا والله اذا صار لك شي بنجن انا حضنتها وانا خايف عليها : ما في مهرب من حكم رب العالمين .. طالعت في ومسكت يده : اليوم جنى قالت الحب لازم يكون في تنازل وتضحيات .. صح انا عنيدة وراسي يابس وما اتنازل بسهولة بس الحين بقولها لو وش ما صار يصير طالعت فيها مو فاهم شي : رييم مو فاهم شي غمضت عيوني : راكان انا احبببك طالعت فيها وحضنتها : اعرف يا قلب راكان انتي اعرف والله حضنته وانا اصيح بكل ما عندي .. كانت تصيح بقوة ما كنت قادر اسمعها تصيح وما اسوي شي كان يعذبني انينها : رييم شرايك بكرا تروحين عند ابوك احسن يعني بدل ما نروح معاهم للبر تروحين عند ابوك كم يوم .. طالعت في وابتسمت : والله راكان : اي يعني تهتمين ببوك رييم : بس محد يعرف الا انا وجنى طالعتها مستغرب : يعني فارس ومعن ما يدرون عن اي شي هزيت راسي : لا ابوي قال لجنى انها ما تعلم احد ولا بيزعل منها راكان : بس كذا ما يصير لازم يقول لهم حرام رييم : ابوي قال بيجمعنا كلنا ويقول لنا راكان : الله يشفي يا رب ويطول بعمره والله ماني عارف وش اقول طالعت في ونزلت راسي .. كنت حاب اغير الجو عندها حضنتها وضحكت : واخيرا اعترفتي انك تحبيني هههه طالعت في وابتسمت غصبن عني : راكان منجد مالي نفس اضحك حطيت يدي على كتفها : راكان ابوك محتاج دعم مو تزودونها عليه عشان كذا ما ابغا اشوف دموعك ذي ابغا اشوف الابتسامة الحلوة ابتسمت ووقفت : معاك حق لازم ندعم ابوي ونكون معاه مو نحبط معنوياته وقفت ومسكت يدها : والحين يا زوجتي الحلوة شرايك نسوي شي ناكلة لاني جوعان هزيت راسي : خلاص شوي وبيجهز الاكل جت بتروح ومسكت يدها : وين وين طالعت في : بجهز العشا حطيت يدي بيدها : بنجهزه سوا امشي طالعت في وابتسمت : اوكي نزلنا وحضرنا العشا سوا وتعشينا وبعدها نمنا __________________________________________ صحيت الصبح ونزلت حضرت الفطور ودخلت غرفة امي وابوي وصحيتهم : ييما .. يببا ابو عبدالرحمن : في شي يببا تسنيم : يببا حضرت الفطور امس قلت لي صحيني عالسبعة ابو عبدالرحمن قام : خلاص يبنيتي روحي صحي اخوك وانا بصحي امك طلعت من الغرفة ورحت غرفة عبدالرحمن ودقيت الباب بس محد رد دخلت وقربت منه : عبدالرحمن .. عبدالرحمن فتحت عيوني بشويش : وش في تسنيم : ابوي يقول اصحا طالعت فيها وغطيت راسي : قولي لابوي بلحقه عالشركة وطفي النور وراك وسكري الستاير وانتي طالعة طفيت النور وسكرت الستاير وطلعت .. نزلت تحت وكانو امي وابوي جالسين يفطرون : يببا عبدالرحمن يقول بيلحق عالشغل ابو عبدالرحمن : زين منيرة : تسنيم انا اليوم معزومة عند وحدة من صديقاتي تبين تجين معايا ولا تظلين هنا لحالك بالبيت طالعت بامي : مدري يمما يعني في بنات بعمري هناك ولا شلون منيرة : والله مدري بس تبين تجين ولا لا تسنيم : خلاص بجي معاك احسن ما ابقى لحالي بالبيت منيرة : خلاص جهزي نفسك بدري عشان ما نتأخر عالجماعة ابو عبدالرحمن : تبون اوصلكم ولا تروحون مع السواق منيرة : والله بكيفك عاد تسنيم : سارة ما قالت متى بتجي منيرة : لا والله بس اتوقع هالأيام ابو عبدالرحمن : بطلع للشركة انا ولما يصحى عبدالرحمن خلو يلحقني بسرعة طلع ابوي ورتبت الطاولة وامي طلعت مع السواق وانا قمت ارتب بالبيت .. دخلت غرفة امي وقمت ارتب فيها : ابي اعرف الخدامة شلون تلحق على كل ذا الغرفة كبيرة ويلعب فيها الحصان والله .. قمت ارتب واشيل الشنط انظفهم والصناديق الي فوق الخزانة .. دخلت الغرفة وشفتها تنظف : الله يعطيك العافية داخلة بقوة طالعت بعبدالرحمن : والله شفت نفسي فاضية قلت انظف واتسلا دخلت عندها : تبين اساعدك نزلت عن الكرسي : بس ابغاك تنزل لي الي فوق عشان انظف ركبت عالكرسي ونزلت العلب الي فوق وشفت علبة سودا : هذه العلبة لها ذكريات اخذتها وجلست عالأرض : فيها كل صورنا وحنا صغار انا وعزوز وعبود وسارة وانين جلست جمبه : منجد فتحت العلبة واخذت الالبوم وقمنا نتفرج عالصور : هذه صورتي يوم انولدت كنت صغير اخذت الصورة ولفيتها : مكتوب عبدالعزيز اخذتها بسرعة : امماا .. طالعت في وضحكت : هههههه كلكم تشبهون بعض يعني صعب احد يفرق بينكم عبدالرحمن : معاك حق امي ما تفرق فينا حتى لفت انتباهي صورة بنت : هذ سارة هزيت راسي : اي كانت حلوة وهي صغيرة .. ما كانت تشبه احد فينا حتى امي وابوي تسنيم : اي صح لاحظت هالشي عبدالرحمن : هالصور كل ما نشوفها نفرح ونبدا نستهبل على بعض شفت ورقة طاحت من الالبوم اخذتها وفتحتها وقمت اقرا فيها .. كنت قاعدة اقرا ومنصدمة من الي اقرا .. طالعت بعبدالرحمن وطبقت الورقة بسرعة .. لاحظت عليها تغيرت : شفيك هزيت راسي بتوتر : لا مفيني شي مسكت يدها واخذت الورقة : وش فيها الورقة غيرتك كذا جيت بسحبها منه : عبدالرحمن لا تقراها تكففى فتحت الورقة وبديت اقرا فيها .. ( اختي منيرة .. الي صار معاك مو بيدك ربي ما كتب بنتك تعيش والله يرحمها .. اعرف انك الحين زعلانة ومضايقة والحين بعد رسالتي بتتضايقين اكثر .. لنا سنوات ما تقابلنا من وقت ما رحت من البيت انا جبت بنت بس زوجي ما يبغاها وانا مو هاين علي اذبح بنتي عشان كذا خذيها انتي وربيها وعيشيها احسن عيشة ولا تنقصين عليها شي وابي منك تسمينها سارة على اسم امنا .. وانتبهي تقولين لها الحقيقة هذه بتكون بنتك الحقيقية انتبهي عليها يا منيرة وعامليها كانها بنتك الي جبتيها وانتبهي احد يعرف بهالشي حتى زوجك لا يعرف خلي يكون سرنا الأخير .. اختك ) كنت اقرا وانا منصدم : سارة .. سحبت الرسالة منه : عبدالرحمن طالعني .. انت ما قريت شي ولا ما لقينا شي انسا كل شي شفنا هنا .. اطلع انت الحين وانا برتب الغرفة وبلحق تكففى يخوي انتبه احد يعرف .. وقفت وانا مو عارف وش اسوي : سارة مو اختي .. هي مو اختي طلعت برا الغرفة بعد ما رتبتها وشفته جالس عالدرج : عبدالرحمن طالعني .. طالعت بتسنيم : سحر مو اختي .. مسكت يده : اسمعني انا خبيت الرسالة عندي ومحد بلاقيها ابد وهالسر بتم بيننا مفهوم .. تكففى ما نبي نخرب حياة سارة لو سمحت لا نقول لها شي لو سمحت لو سمحت .. طالعت بتسنيم وحضنتها .. حضنت عبدالرحمن وانا خايفة " يا رب وش ذي المصيبة الي طلعت الحين " وقفت وطالعت فيها : معاكي حق بننسا كل شي وما بنقول لاحد .. اسمعي ما صار شي ولا قرينا شي ولا حتى شفنا شي مفهوم هزيت راسي : تمام طالعت فيها : جهزي نفسك بعد صلاة العصر بنطلع البر تسنيم : ان شاء الله .. جيت بروح بس تذكرت امي : اي صح مقدر اجي .. بروح مع امي انتو روحو وسلم لي على انين والبنات اوكي طلعت غرفتي وقفلت الباب " سارة موب اختي هي بنت خالتي .. وش بسوي الحين شلون بطالع بوجهها انا شلووون " __________________________________________ صحيت من النوم وطالعت حولي ما لقيتها وشفت الفطور عالطاولة ابتسمت وقمت تروشت بس استغربت انها مو بالغرفة : وين راحت اخذت الفطور وقمت اكل .. دخلت الغرفة وشفته يفطر : صباح الخير طالعت فيها وابتسمت : صباح النور .. رتبت السرير وطالعت في : خلص فطورك وقهوتك تحت واي صح عمتي تبغانا مدري وش في ولا تنسا بعد صلاة العصر بنطلع طالعت فيها وابتسمت : يعني ذا جدول اليوم ولا شلوون جلست جمبه : تقدر تقول كذا وقفت ورحت ازبط شعري : وين السشوار حقك .. بنشف شعري قمت واخذته من الخزانة : انشف لك جلست عالكرسي وقامت تنشف شعري : متأكدة تبين تروحين البر هزيت راسي : اي لي لا نغير جو ثامر : يمكن تمطر بعد طالعت في بسرعة : احلف .. طالعت في بنص عين : تحسبين بخليك تلعبين بالمطر مرة ثانية ضحكت وكملت شغلي : لا لا ما بلعب خلصت ورجعت السشوار مكانة : خلينا ننزل عمتي تبغانا ضروري مسكت يدها ونزلنا : صباح الخير ابو ثامر وام ثامر : صباح النور ثامر : قالت لي انين انه في موضوع مهم ام ثامر : ثامر هالموضوع مهم لدرجة كبيرة .. وانا مو عارفة شلون بقول لكم بس انتو مجبورين تسمعونه انين : عمتي اي شي تبغينه قوليلي وانا اسوي لك وانا مغمضة ام ثامر : يبنيتي لكم شهرين متزوجين وبتفوتون بالثالث بعد يومين وللحين ما حملتي طالعت بعمتي منصدمة : شلوون طالعت بامي : يممما شهالكلام ام ثامر : اسمعوني زين اعرف هالكلام مو وقته بس طالع رامي حرمته حامل وانتو للحين ما صار شي وتبوني اسكت حسيت انه الجو حار ومو قادرة اتنفس : وش تبين يعني .. ام ثامر : انا خطبت لثامر وقفت بسرعة من الصدمة : شلووووون طالعت بامي منصدم : خطبتي لمنن ?? ابو ثامر : انين يببا لا تزعلين من عمتك كل الي تبي ولد يحمل اسم عايلتنا وقفت وطالعت بامي : يممما شسويتي انتي .. شلوون تخطبين لي وانا مدري .. شلوون قدرتي تسوين كذاا ام ثامر : ثامر انا امك وعارفة مصلحتك زين فاهم وانا قررت وانتهى جيت بتكلم بس انين مسكت يدي : ثامر امك صادقة هي عارفة مصلحتك طالعت بأنين : انين لا تبدين انتي بعد طالعت في وطلعت للغرفة بسرعة لحقتها بسرعة وانا معصب : انين .. انين جلست عالكنبة ودموعي تطيح بشويش : ثامر ارجوك لا تقول شي طالعت فيها : انسي كل شي قالته امي تحت ما رح يصير شي ابدا طالعت في وهزيت راسي : لا يا ثامر هذه امك .. سمعتها وش قالت تبي تشوف ولدك تبس تشوف حفيدها مسكت يدها : وانتي بتجيبين لها هالحفيد وقفت وطالعت في : انت مو فاهم امك خلاص خطبت لك .. انا مو زعلانة منها بالعكس متفهمة موقفها بس لو قالت من زمان .. مسكت يدها بسرعة : يعني انتي استسلمتي وتبيني اتزوج الحين طالعت في وقمت اصيح : لا ما ابغاك تتزوج ولا ابغا اشوف وحده ثانية معاك .. بس وش اسوي اقول لعمتي لا مقدر يا ثامر مقدر .. طالعت فيها وحضنتها : خلاص طيب لا تصيحين اهدي .. انطق الباب ودخلت ام ثامر : ثامر انين بتكلم معاكم .. اسمعوني ما كنت ابي اسوي لكم مشكلة صدقوني كل الي كنت ابي ازوج ثامر وافرح في واشوف عياله وانتي للحين ما حملتي وقلت يمكن ... قاطعتها بإبتسامة : لا عمتي ما في شي من هالكلام انتي تبين تشوفين عيال ثامر وهالشي من حقك صدقيني .. طالعت بامي : مين هي ام ثامر : سحر بنت عمك طالعت بامي منصدم صدمة اكبر من الي قبل : شلووون .. سحر بنت عمي ام ثامر : اي وتكلمت مع ابوك بالموضوع ومعنده اي مانع وابوك تكلم مع عمك وعمك وافق وكل شي جاهز .. كنت حابسة دموعي غصبن عني : وانا بكون معاك وبجهز لكم كل شي طالعت بأنين وبعيونها كانت حابسة الدموع بعينها : بكيفك يمما بس لا تلوميني اذا البنت طلبت الطلاق بعددين .. انين جهزي نفسك باخذك انتي وملاك عند زوجة فارس وبنروح من هناك طالعت في وهزيت راسي .. __________________________________________ كنت قاعدة اربط شعري وشفته دخل الغرفة : تبي شي طالعت فيها : دورت على التيشيرت الاسود حقي ما لقيته بغرفتي وكنت بسألك عنه وقفت وطالعت في : فارس صدقني هالحركات مو لك انا حطيت كل الي تبغا بالدولاب طالعت فيها : ميهاف لي قاعدة تبنين حواجز بيننا ما سويت شي يستاهل كل ذا ميهاف : بجون ملاك وانين بعد شوي وبنطلع سوا وجهزت كل شي فارس : تاخذين اذني يعني طالعت في وضحكت : ههه لا قاعدة بس اعطيك خبر مو اكثر جت بتطلع ومسكت يدها : ميهاف قاعد اتكلم معاك شفييك طالعت في وانفجرت : شتتبغاااا بعد .. اااااهه خلاص ياخي فكني منك وخخخخر عني ولا تلمسني .. هذه غلطتي انا من البداية اني حبيتك وعلقت نفسي فييك .. بس زي ما حبيتك بنساك وبشيلك من حياتي وبمحيك نهائيا .. بنتظر كم شهر وبتطلق وبرتاح .. حتى لو بعيش عند اهلي طول عمري ارييح ما اعيش مع واحد تزوجني بس عشان ينسا زوجته القديمة ويخليني تسلية عنده .. لي ما علمتني من الأول لييي , لي ما قلت لي انا متزوج كنت بفهم وببعد وما بسوي اي شي من الغباء الي سويته لي خبيت عني وخليتني زي الغبية امشي وراك وورا الأحلام لي دمرت حياتي لييي .. تعبت والله كل يوم اقول انه حلم واني بصحى والقا جمبي انا ويحبني بس علفاضي كل يوم اصحى على نفس الشي واتذكر كل شي سويته فيني ليي عذبتني كذا معاك .. كانت تبكي وتصارخ وتضرب نفسها ما كنا قادر امنعها او اوقفها لانه ما عندي اي كلام اقوله وكل كلمة قالتها صحيحة مسكت يدها بس رفضت وبعدت عني راحت الغرفة وقامت تبكي بزيادة مرت ساعات وهي بالغرفة وانا جالس عالكنبة برا كان ودي ادخل بس ما تجرأت .. شفتها طالعة من الغرفة وقربت عندي : فيك شي ميهاف : البنات بجون بعد شوي وبنظل هنا لين العصر وبعدها بنروح وقفت وطالعت فيها : طيب انا بطلع .. طلع فارس من البيت وكان ثامر واقف برا دخلو البنات عند ميهاف .. __________________________________________ جهزو الشباب كل شي الخيم المفارش العزبة ما نسو اي شي وراحو .. عبدالرحمن وابوه وجدهم وفيصل وضامي وسلطان سبقوهم كلهم عشان يضبطو المكان وحطو الخيم طبعا وحده للشباب ووحدة للبنات وكانو مضبطينها وفارشين كل شي وبدوو يوصلون شوي شوي اول شي : عبدالله وعهود وجدتهم .. وبعدين فارس وثامر ومعاهم ميهاف وانين وملاك ولحقهم نايف وقوت وام نايف وابو نايف .. فهد جاب امه وابوه واريام واخر شي وصلو معن وليين .. اما الريم وراكان للحين ما جو سلطان : راكان وينه ما جا فهد : مدري والله فارس : بتصل في .. اخذت جوالي وبعدت عنهم واتصلت براكان : يولد ويينك .. لا محد بالبيت .. اي ابوي جا معانا .. خلاص الحقونا .. سلام رجعت لهم : بيوصلون بعد ساعة ثامر : خلنا نشب النار بتظلم عبدالرحمن : امش يلا الشباب تجمعو سوا حوالين النار والبنات جالسات سوا بالخيمة .. كنا جالسات وكل وحده تبتسم غصبن عنها طالعت بعهود : تسنيم لي ما جت عهود : بتروح مع عمتي لبيت صديقتها ميهاف : اووف منيرة تبي تسنيم معاها طالعت بميهاف وابتسمت : تصدقين ولا لا امي تعلقت بتسنيم طالعت بأنين وضحكت : ههه نكتة حلوة جنى : بنات شرايكم نتمشى برا ليين : اي والله قومي جنو انا وانتي طالعت بليين : امشي .. طلعت انا وجنى ولاحظت عليها مضايقة : جنو حبيبتي لي مضايقة كذا طالعت بليين : امم مو مضايقة بس احس اني وحيدة شوي .. يعني توأمي تزوجت ورييم بعد ومعن وفارس تزوجو وانا لحالي حطيت يدي على كتفها : يا قلبي انتي .. امم شرايك نتسلا شوي دامنا جالسين كذا طالعت فيها : شلوون يعني مسكت يدها ورحت لخيمة الرجاجيل وقمت انادي على فهد ولد عمي : فهد .. فهد .. سمعت صوتها وعرفته " ليين تنادي على فهد .. وش تبي في .. انا زوجها وما نادتني " وقفت وطلعت شفت ليين : هلا ليين قربت منه شوي : ابغا الكيس حقك طالعت فيها بنص عين : لا يشيخة وشرايك اعطيك سر المهنة طالعت في بترجي : تكففى يا فهد البنات جالسات كاننا بعزا وابيهن يفكن شوي .. بليييز واعطيك الي تبغا والله طالعت فيها وابتسمت : الي ابغا عرفت من ابتسامته انه يبي شي : اعرفك حقير ومستغل بس معلش .. الي تبغا المهم عطني الكيس بسرعة رحت للسيارة وطلعت الكيس واعطيتها اياه : خذي بس لما تخلصي بترجعيهن وحدة وحدة وترجعين عشان اقولك الي ابغا هزيت راسي واخذت الكيس ورجعت عن جنى : جبته تعالي طالعت وكان بيدها كيس : وش ذا فتحته وجت بتصارخ بس حطيت يدي على فمها : اشششش لا تصارخين هذه العاب مو حقيقية طالعت فيها بخوف : يمما يمما .. جتني قشعريرة وش بنسوي في غمزت لها : بنهدي للبنات طالعت فيها بسرعة : حرام عليك .. نسيتي قوت حامل طالعت فيها بسرعة : اووف راح عن بالي .. دقيقة انا بحل هالشي اخذت الجوال وارسلت لقوت رسالة " قوت بنسوي مقلب للبنات اذا بتخافين اطلعي برا " انتظرت شوي وجاني الرد " لا تخافين بصور المقلب المهم يكون مرتب " ضحكت وحطيت الجوال بجيبي : جاهزة طالعت فيها وضحكت : اي ههه رحنا بشويش ودخلنا الخيمة وبدون لا البنات يحسو بشي حطينا الافاعي والصراصير وكل الي معانا بالكيس .. غمزت لجنى اذا جاهزة وهزت راسها وانتظرت شوي وبسرعة قمت اصارخ : انييييين تحت حيييييية .. بنااااااات قووووومو قمنا بسرعة وقمنا نصارخ وطلعنا برا بسرعة وحنا نصارخ : يمممممما .. يممممما .. انييين تعالي مسكت يد ميهاف وطلعنا عالسيارة فوق وحنا ميتات خوف : يممما .. عقرب عقرب طلعنا من الخيمة بسرعة وحنا نطالع فيهم يصارخون ويصيحون : شصاير .. شفيكم ركضت بسرعة لعبدالله : الخيييمة مليانه صراصير وافاعي .. تكفى عبدالله شيلهم طالعت بعهود وركضت داخل ولحقوني الشباب وقمنا نطالع ببعض وطلعنا شفنا فهد طايح علارض يضحك : ههههههههههههههههههههههههه ههههههههههه استغفر الله ههههههههههههههههه طالعنا انا وجنى ببعض وفطسنا عليهم ضحك : ههههههههههههههههههههههههه ههههههههههههههه يفوز هالمقلب وربي ههههههههههههههههه عبدالرحمن : فهد ما تخلص استهبالك انت طالعت بعبدالرحمن اضحك : هههههههههههه هالمرة مالي دخل .. ليون جتني واخذتهم طالعت بليين : لييين طالعت بعبدالرحمن اضحك : هههههههههههه شفتهن جالسات كانهم بعزا قلت احركهم ههههههههههههههه بس بغو يموتو ههههههههه طالعنا انا وميهاف وانين ببعض واريام وهجمنا على فهد : يا حيووان حتى هنا تبي تقطع قلوبنا ما يكفيك الي تسوي فينا .. كانت انين وميهاف وعهود واريام يضربون فهد بشنطهم وهو يضحك وليين وجنى جالسات علارض يضحكون .. رحت مسكت يد انين : انين خلاص بتذبحونه طالعت بثامر وقمت اضحك : هههههههه بعدنا عن فهد وطالعت في : صدقني يا فهيد ما يمر كذا .. بتشوف برجعها لك طالعت بعهود وضحكت : اووه خفت خفت هههه لفينا وشفنا ليين وجنى يضحكون قربنا منهم وقامو يركضون وحنا وراهم .. قمنا نطالع ببعض انا وعبدالله ونايف وفيصل وفهد وسلطان وطالعنا بثامر وفارس ومعن : ترا حنا متعودين من صغرنا على هالمزح .. يعني حنا تربينا سوا ونعتبر بعض اخوان عشان ما تتضايقون من الي صار حبيت اقولكم فارس : الحين انتو كذا مقالبكم فهد يضحك : ييوو ما شفت شي بعد ههه نايف : تضحك يا حيوان نسيت زوجتي حامل فهد : زوجتك تدري بكل شي ما شفتها تصور ثامر : الله يستر بعد وش في .. عبدالله : اصبر وبتشوف .. ما بيسكتون الحين بيرجع لنا مقلب اكبر من الي صار فارس : وش دخلنا احنا عبدالرحمن : الشلة الي شفتها قبل شوي انين وميهاف وليين وقوت واريام وعهود المقالب بدمهم يعني توقع اي شي منهم .. كنا نمشي مع بعض ليين وصلنا صخرة كبيرة وجلسنا نطالع ببعض ونضحك : ههههههههههههههههه شرايكم بالمقلب طالعنا بليين : تستهبلين كذا .. انين : والله ضربتيها عهود : بنات تدرون وش ودي الحين .. اريام بمزح : تلعبين كورة طالعت بأريام وضحكت : اي والله هههههه طالعت فيها : وش كورة يا بنتي طالعنا بأنين : انتي ما كنتي معانا .. كنا كل ما نطلع البر نجيب كورة معانا ونلعب فريقين شباب وبنات ونتسلا ابتسمت لعهود : نيالكم كنتو تتسلون مع بعض ملاك : لي وانتي وين كنتي طالعت بملاك : انا ما كنت اجي معاهم جنى : ليي عهود : لان عمتي ما كانت تسمح لها حبيت اغير الموضوع : نلعب كورة طالعنا بقوت : لي لا .. اريام : خلني اتصل بفهد اخذت جوالي واتصلت بفهد وحطيت سبيكر : الوو فهد .. فهد : شتبغين اريام : جبت معاك كورة فهد : لا والله وش تبين فيها اريام : حابين نلعب كورة فهد ضحك : ههههههه لا والله اريام : تكفى فههد فهد : حبيبتي انتي انجنيتي تراكم متزوجات وكل وحده زوجها هنا وقوت حامل قوت : فهد انا ما بلعب بشجع بس فهد : لا جد والله عهود : فهد تكففى فهد : يا بنت الحلال ابوي وعمي وجدي وفي ناس هنا ليين : بنلعب ورا هنا وين ما جلسنا محد بشوفنا انين : فهد تكفى هذه اول مرة اجي البر فهد : طيب طيب لا تبكون بشوف الشباب اريام : بسرعة ننتظر قفلت من فهد وطالعت بالبنات : يا رب يوافقو رجعت للشباب : يا عيال ابغاكم تعالو طلعنا كلنا لفهد : شصاير طالعت بعبدالرحمن : البنات يبغون يلعبون كورة سلطان بصدمة : نعمم فيصل : الحين ثامر : البنات عبدالله : اكييد فكرة عهود نايف : ذول انجنو اكييد طالعت فيهم وسويت منصدم : يا سلام منصدمين عيال عمي شصار الحين زمان لما كنتو تلعبون كورة تترجون البنات عشان يلعبون شصار الحين تغيرتو ولا وشو طالعت بعبدالرحمن : مو قصة كذا بس يعني حطيت يدي على كتف سلطان : وش القصة يعني يا دكتور .. او خايفين تنهزمو زي كل مرة طالعت بعبدالرحمن وضحكت : ههههه تنهزمو طالعت بفارس : اي احيانا ننهزم .. عبدالله : لان زوجتي الله يسلمها تلعب احسن مني ومنك والله فهد : يعني بتلعبون ولا لا نايف : شباب بلا استهبال البنات متزوجات ثامر : حتى حنا كنا نلعب مع بعض .. فارس : بس الحين كبرنا نايف : ونسيتو جدي هنا بعد فهد : البنات قالو ورا محد بشوفنا عبدالله : خلاص بنلعب .. وبكذا بشوف زوجتي سلطان : انا الحكم كلعادة فهد : اوكي بجيب الكورة انت اسبقوني راح فهد يجيب الكورة وحنا رحنا ورا عند البنات طالعنا فيهم وكانو جايين كلهم طالعت بأنين : كلهم جايين .. مسكت يد ميهاف : يا ويلي عهود : لا تخافون وقفو كنا لابسات عباياتنا وشيلاتنا وهم كلهم لابسين ثواب واشمغة كان منظرنا يجلط النظر والله تقول مهرجين عبدالله : تبون كورة يعني ميهاف : تذكرنا اخر مرة خسرتو قلنا نعطيكم فرصة تحسنون ادائكم عبدالرحمن : وانين انضمت لكم اشوف طالعت بعبدالرحمن بخوف : لا والله ان.. مسكت يدها : وش يعني كسبنا لاعبين طالعت بعهود : الحين بيزعل مني قرصتها بجمبها : انكتمي سكت وطالعت بثامر وشفته يبتسم اريام : المشكلة عبدالعزيز موب هنا طالعنا كلنا بأريام : شلوون انتبهت على نفسي : قصدي شسمة .. يعني فريقكم ناقص كيف بتلعبون ________________________________________