ﻋﺬﺑﻨﻲ أنينهآ - الفصل 41 - بقلم هدوئي كارثة - مكتملة | روايتك

صار وقت اروح .. حان وقت اودع خواتي واخواني وعايلتي كلها .. صار وقت اتركهم .. كنت حابسة دموعي لين وصلت باب الصالة والبنات حابسات دموعهن .. كنا نكابر وما نبي نبكي عشان ما نأثر على بعض .. ماسكة يد ثامر ومن حزني قاعده اشد على يده بدون لا انتبه .. نزلت اول دمعة من عيني لما سمعت صوت ميهاف تصيح وتناديني .. سمعت صوت اكثر شخص يخليني ضعيفة ويسيطر على عواطفي .. كنا نمشي وراها وحنا حابسين دموعنا ما تحملت وناديت عليها ودموعي بدت تطيح : انيييين . لفيت عليها بسرعة تركت يد ثامر وركضت حضنت ميهاف وجلسنا نصيح مع بعض : تكفيين لا تبكين لا تعذبيني .. كنت احضنها بقوة : انين لا تروحين لا تتركيني .. كنت اطالع فيهم وهم يبكون وكانها ما تزوجت كانها ماتت استغربت من حبهم لبعض " كل ذا بكا عشانها تزوجت .. اجل لو ميته وش بتسوي .. ثامر شقاعد تخربط بسم الله عالبنت " طالعت بميهاف : خلاص لا تصيحين تكفين مابي اروح وشايلة همك .. مسكت يد انين وانا اصيح : انتبهي على نفسك زين ولا تزعلين ابدا واذا تضايقتي من شي اتصلي فيني او تعالي عندي .. قربت منهم وحضنتهم وانا اصيح : بنشتاق لك وبنفقدك والله .. طالعت بليين : انتبهي على نفسك زين واي وقت تحتاجين تتكلمين اتصلي فيني .. طالعت بأنين وانا اصيح : لي عودتيني عليك لي .. حضنت ليين بقوة وانا اصيح .. طالعت فيها ومسحت دموعها : خلاص لا تبكين زين واسمعيني زين اي شي يصير معاك كلميني انا اختك الكبيرة فاهمة .. حضنت سارة : وانتي انتبهي على نفسك بعد واتصلي فيني كل ما تفضين وانتبهي على دراستك ووقت ما يكون عندك عطلة تعالي السعودية سارة تكفيين لا تخليني .. حضنتها وانا ابوس راسها : اشش خلاص يعني تبين يخرب مكياجي غصب .. طالعت فيها وحضنتها بقوة : انتبهي على نفسك يا سارونه .. نزلو دموعي غصبن عني وحضنتها بقوة .. فكيت سارة وطالعت بعهود الي تحاول تمسك نفسها قد ما تقدر عشان ما تصيح : خلاص ابكي .. هزيت راسي ب لا : ما ابغا ماني طفله ابكي .. مسكت يدها : عهود بتركم وما بتشوفوني كل يوم وما بتكلم معاكم كل يوم .. قاطعتها بسرعة وانا ابكي : لا تكلمينا ولا تجي بعد اهم شي اتطمن انك بخير ومبسوطة بحياتك وما ابغا شي ثاني .. حضنتها بسرعة وانا اصيح : بشتاقلك وبشتاق لجلساتنا سوا وبشتاق لكل شي كنا نسوي سوا بفقدكم .. كنت واقفة انا وعهود حاضنات بعض وجت ميهاف حضنتني وليين حضنت عهود وسارة حضنتنا كلنا وصرنا كلنا كتلة وحدة وما ينسمع منا غير بكانا وشهقاتنا .. كانت العيلتين واقفات رجاجيل وحريم والكل يطالع الي ما بكا تأثر الكل كان متأثر من المنظر الي قدامهم والبنات اكثرهم بكو والحريم بعد الكل كان ساكت ويطالعهم .. طالعت بعبدالله اخوي : خلنا نودعها وتروح .. طالعت بعبدالله ومسحت دمعتي : زين .. ابو عبدالرحمن قرب من سارة : يبنيتي ما يصير الي تسونه البنت بتروح بيت زوجها ما بتهاجر .. وخرت عن انين وانا ادخل داخل بسرعة .. ابو عبدالرحمن : يببا انين انتبهي على رجلك وانتبهي يا بنيتي البيوت اسرار والي يصير ببيت زوجك يظل ببيت زوجك واهم شي تكونين مبسوطة يا بنيتي واي شي تحتاجينه تجيني .. حبيت راس ابوي ويدينه : انا مرتاحة يا يببا ابغاك انت تكون مرتاح وانتبه على سارة وتسنيم وامي واخواني بعد .. قربت منها وحطيت يدي على راسها : بتخلص منك الحين .. طالعت بعبدالرحمن وارتميت بحضنه : بتتخلص مني اخيراا .. حضنتها وطاحت دمعتي : بشتاقلك .. كنت اصيح بقوة : وانا بعد بشتاقلك بشتاق لكم كلكم والله .. فكيتها ورجعت ورا .. طالعت بعيونها ومسحت دموعها : ما ابغا اشوف هالعيون تبكي من اليوم وطالع فاهمة ابي اشوف بس ابتسامتك الحلوة .. حضنته وانا خلاص مو قادرة .. فكيتها وطالعت فيها حبيتها على راسها : انين خلاص لا تبكين والله دموعك غالية عندي وما اتحملها .. قربت منها ومسكت يدها وطالعت فيهم : اسمعيني يا انين واوعدك قدام اهلك كلهم واهلي بعد انك بتكونين مرتاحة ومبسوطة وما بخلي شي يزعجك او يزعلك .. طالعت بثامر وابتسمت .. عبدالرحمن : ثامر خذ انين وتوكلو انتو .. كان ثامر ماسك يدي ركبنا بالسيارة وطلعنا .. ابو ثامر : يلا يا عيال توزعو مع بعض وكل واحد يروح بيتهم .. ابو عبدالرحمن : عبدالرحمن خذ خواتك وروحهم عندي مشوار بروحه .. نايف : والله انا باخذ زوجتي وبتوكل .. راكان : وانا بعد والله تعبت .. عبدالله : والله وانا باخذ زوجتي وبتوكل .. نواف : يمما انتي وليين وابوي تعالو معايا .. معن : يمما جيبي جنى وتعالو وابوي بجي معاي .. فارس : يببا انا بروح عندي شغله بسويها .. رامي : سديم سحر غنى اركبو السيارة وانتي يمما خل نروح .. سلطان : ميهاف نادي امي وتعالي .. فيصل : يمما اريام امشو خل نروح .. ياسر : فهد بتجي معايا .. فهد : لا بروح انا وضامي .. البنات ودعو سارة وراحت مع عبدالرحمن على المطار .. __________________________________________ كانت جالسة وهي هادية وتصيح بهدوء : انا ما فهمت يعني لي كل ذا البكا .. طالعت في ومسحت دموعي : هالبنات مو أي بنات ذول قطعة من قلبي تصدق تعرفت عليهم من شهور قليلة وصارو اغلى شي بحياتي .. طالعت فيها مستغرب : مفهمت كيف من شهور .. ابتسمت غصبن عني : سالفة طويلة يعني كنا نعرف بعض بالاسامي بس ما تقابلنا الا يوم زواجي من ياسر .. سكت بسرعه " اووووووووف وش الي قلته ذا يا ربي وجعع " طالعت في ومدري لي تضايقت من جابت سالفة ياسر : الي يشوفكم كذا يقول من يوم ولدتو وانتو مع بعض .. طالعت في وابتسمت : معاك حق البنات يعرفون بعض من زمان وانا ميهاف مع بعض لين ما وقفت عند الثانوي وبعدين افترقنا .. طالعت فيها مستغرب : ما كملتي ثانوي .. نزلت راسي : لا .. وصلنا الفندق : انزلي .. نزلت معاه ومسك يدي : طرحتك بتضايقك بساعدك لين نوصل الغرفة .. هزيت راسي وطلعت معه .. __________________________________________ دخلت الغرفة ورميت نفسي عالكنبة : اووف جدي خلانا خدام عنده .. طالعت في : ما شاء الله العرس كان فخم جدا هزيت راسي : اي والله تعبانين في .. طالعت في : راكان بسألك بنات عمك دايما كذا .. انسدحت عالكنبة : مفهمتك .. تربعت وطالعت في : يعني تفاجأت منهم اليوم مثلا الي يشوفهم يقول خوات طالعت فيها وابتسمت : اصلا حنا كذا من يوم كنا صغار دايما سوا وما نترك بعض حتى بعد ما تغطو البنات علاقتنا زي ما هي ما تغيرت ابد .. كنت مستغربه من طريقته : يعني تجلسون مع بعض عادي وكذا .. هزيت راسي : ايووه يعني كل جمعة نجتمع ببيت جدي العيال والبنات الحريم مع بعض والرجاجيل مع بعض وحنا اذا طفشنا ننادي البنات ونجلس نلعب سوا طبعا هنن يتغطن .. طالعت بعيونه : يعني ما حبيت ولا بنت من بنات عمك .. طالعت فيها وابتسمت : كان تبين الحق حبيت بنت عمي ليين يعني كنا نحب بعض .. فتحت عيوني : شلوون هي بعد كانت تحبك .. هزيت راسي : يب يب بس هالكلام من زمان الحين كبرنا ونسينا .. طالعت في : يعني كنتو تفرحون يوم تلعبون سوا عشان تقدرون تشوفون بعض .. طالعت فيها وهزيت راسي : ايووه يعني كنا ننتظر يوم الجمعة على احر من الجمر عشان نشوف بعض مو بس انا عبدالله كان يحب عهود الا كان يموت فيها بس يسوي فيها ثقيل عشان ما نكشفه بس كنا كاشفينهم وشوفيهم الحين متزوجين وعزوز يحب اريام بنت عمي طبعا قليل الي يعرفون لان عزوز ما يحب يبيين لاحد و ونايف كان يحب قوت من زمان يعني تقدرين تقولين كلنا نعرف بعض بس ساكتين عشان ما نفضح بعض .. طالعت في باستغراب : عايلتكم غريبة طيب لي ما يتزوج اريام للحين .. سندت راسي عالكنبة : الحين صار مستحيل مو صعب بس .. الريم : لي يعني عادي بنت عمه .. راكان : لان ياسر وعبدالعزيز بينهم تتش قووي من يوم زواج انين .. طالعت في مو فاهمة شي : مو فاهمة يعني قصدك ياسر كان يبي يتزوج انين .. هزيت راسي : كيف كان يبي يتزوجها وهي كانت زوجته اصلا .. طالعت في بصدمة : شلوووون .. طالعت فيها وعدلت جلستي : القصة وما فيها ان ياسر كان متزوج انين بس للأسف كان مدمن وكذا يعني وعذبها وطين عيشتها ولعن خير خيرها وخلاها تنام بالمستشفيات وعيشها بحالات نفسية لين كرهت حالها المسكينة ويوم كان يبي يذبحها بس انقذها فهد اخو ياسر وعزوز طلعو جنون الانس والجن عنده وراح ضربه وما خلا في عظمة سالمة لين عمي خلا يسافر ويتعالج ورجع بعد كم شهر وطلب السماح منهم وسامحو الا عزوز للحين ما يواطنه ولا يكلمه عشان كذا مستحيل يتزوج اريام لان عزوز معروف عنه اذا كره شخص مستحيل يتقبله بسهولة .. طالعت في وقمت اضحك : هههه انتو غريبين والله يعني مدري في شي غريب بعايلتكم .. راكان : الحق كله يرجع على جدي لانه هو الي غصب انين وياسر يتزوجون رغم معارضة الكل على هالزواج .. الريم : ثامر يعرف انها كانت متزوجة .. راكان : اي يعرف اصلا هو والتوأم ما يخفون عن بعض شي .. طالعت باستغراب : التوأم !! هزيت راسي : دحيم وعزوز وعبود توأم .. طالعت في وابتسمت : والله مدري وش اقول يعني ما عندي شي طالعت بعيونها : بس تصدقين اشتقت حق ايام زمان انا ونايف وسلطان ونواف وفهد وعهود واريام وليين وقوت كنا مجموعة مدمرة اي شي نحطه براسنا نسوي ومحد يقدر يوقف بطريقنا حتى بيوم في واحد من عيال الحارة ضرب ليين واريام وجو يبكون وانا قلت بسوي فيها عنتر نزلت مع الشباب وسوينا هوشة كبيرة بنص الحارة .. طالعت في : عشان ليين .. هزيت راسي وضحكت : اي هههه مدري لي حسيت بشعور غريب حسيت اني مو طايقة اسمع بسيرتها : يعني لو للحين تحبها كنت بتتزوجها .. راكان : يمكن بس خلاص هالقصة صار لها سنوات وليين اعتبرها مثل اختي مو اكثر حتى كل البنات كلهم بحسبة ميهاف .. وقفت وطالعت في : بروح انام نعست .. رجعت انسدحت عالكنبة : وانا فيني تعب الف .. __________________________________________ طلعت من الحمام - اكرمكم الله - ولقيت عهود تنشف شعرها : زعلانة طالعت فيها : مدري زعلانة ولا فرحانة جلست جمبها : يعني الحين انين تزوجت وسارة سافرت وانتي بتتزوجين بعد اسبوع .. حضنتها : يا قلبي انتي .. بس انا هنا بتم جمبك وبخلي عبدالله كل يوم يجيبني ما بخليك ابد مجنونة انتي .. ليين : الا عهود شفتي حرمة راكان اليوم مدري حسيتها غريبة طول الوقت هادية وما تتكلم وااجد يعني استغربت .. طالعت في : تصدقين وانا بعد لاحظت هالشي الكل كان يرقص ومبسوط وهي جالسة جمب امها كانها مغصوبة انها تجي .. ليين : تتوقعين هي وراكان متفاهمين .. يعني اقصد ما في مشاكل بينهم .. عهود : والله مدري بس يمكن في شي احنا ما نعرفه خلينا من العالم وارسلي رسالة لسارة خلينا نتطمن عليها .. ليين : ما لحقت توصل يا غبية .. نامي وبكرا نكلمها الساعة ثنتين الفجر والله تعبت وماكله هم كيف بصحا لصلاة الفجر .. عهود : والله فيني تعب يهد جبال .. ليين : الا ما قلتلك عبدالله اليوم كان بياكلك بعيونه من الغيرة ضحكت طالعت فيها : ادري والله شفته بس ما خليته ينتبه .. رميت نفسي عالسرير : ما قال لك شي بالسيارة وانتو جايين .. حطيت راسي عالمخدة : كان بيتكلم بس كنت مضايقة وتم ساكت .. غمضت عيوني : احسن .. وامي قالت لي قبل شوي في شي بتكلمني في الله يستر .. عهود : متتى بكرا .. طالعت فيها ولقيتها غاطه بالنوم وغمضت عيوني ونمت .. __________________________________________ طلعت من غرفة سديم وكنت بروح غرفتي بس سمعت صوت بكا من غرفة سحر دخلت عندها وشفتها تبكي : سحر شفييك .. طالعت بغنى : ما فيني شي .. جلست جمبها : سحر شلون ما في شي وصوت بكاك واصل لبرا الغرفة قوليلي شفيك طالعت فيها وبعصبية : شدخلك انتي ااه .. مسوية فيها مرت الاخ الحنونة الي تهتم بالكل اسمعيني مو ناقصة حنانك انا فاهمتني .. والحين انقلعي من غرفتي .. طالعت فيها بصدمة : سحر شفيك ما سويت شي كنت ابغا بس اساعدك .. وقفت ومسكت يدها : لا يشيخة تساعديني .. ما ابغا منك اي شي بس انقلعي .. كانت ماسكة يدي ورمتني لورا بس الله جاب رامي ومسكني : اااااه .. دخلت الغرفة على صراخ سحر وما شفت غير غنى طايحة بحضني : غنننى .. وقفت مكاني بسرعة : يا ربي وش سويت .. دخلت الغرفة بسرعة وشفت رامي طايح وغنى فوقة : غنننى .. شفييكم وقفت ومسكت يد غنى ورحت لسحر وبكل قوتي ضربتها كف انصدمنا كلنا من الي صار : راامي .. وقفت منصدمة من كف رامي .. رحت له بسرعة : رااامي شسوييت انت .. طالعت بسديم : انتي لا تتدخلين فاهمة قربت منه ومسكت يده : رامي كيف كذا تمد يدك عليها طالعت بغنى : كانت بتذبحك وبتذبح الي ببطنك وتدافعين عنها .. ام رامي جت على اخر الكلام : وشووو .. طالعت بامي واشرت على سحر : بنتك هذه انجنت خلاص بغت تذبح غنى .. تحمد ربها اني مسكتها قبل لا يصير شي ولا كنت ذبحتها .. ام رامي طالعت بسحر : وش الي يقوله اخوك نزلت راسي معرفت وش اجاوب : يمما ان.. قاطعتها ام رامي : انتي وش تبين بالضبط ااه وش تبين .. قربت من عمتي : هي مو قصدها صدقوني كانت معصبة وسوت هالشي وهي مو بوعيها .. عمتي تكفين خلاص لا تزودوها عليها شوفو كيف تبكي ومضايقة .. رحت لها ومسكت يدها : كل ذا عشان ثامر تزوج صح .. سحر ثامر عمره ما فكر فيك ولا يحبك هو يعتبرك بحسبة اخته يعتبرنا كلنا بحسبة خواته .. شيلي من راسك ومن تفكيرك .. ام رامي : اسمعيني يا سحر اذا جبتي على لسانك سيرة ثامر لا انتي بنتي ولا انا امك فاهمتني .. ذا اخر كلام اقوله لك .. ام رامي طلعت من الغرفة ورامي وراها وغنى طلعت وظلت سديم عندها : تخيلتي وش بصير لو غنى جاها شيي .. وش بسوي رامي ولا ابوي ولا امي حتى فكرتي .. كنت جالسة عالسرير وابكي : والله ما قصدت اني اسوي لها شي .. غصبن علي والله طالعت فيها : سحر انتي مو منتبها لنفسك شلون صايرة .. وقفت وطالعت فيها : شلون صايرة .. طالعت بعيونها : للأسف صايرة ما تنطاقين ابد .. ولا تتعاشرين وكل هالشي بسبب شي سخيف .. يا خسارة زعلانة على اختي الي راحت .. طلعت من غرفتها ورحت غرفتي : الله يهديكي يا سحر الله يهديكي .. جلست على الارض وانا اصيح : وش الي سويته وش الي سويتتته انا يا ربي .. كان جالس عالكنبة جيت وجلست جمبه : لي ضربتها يا رامي .. طالعت بغنى : لما شفتك طايحة ما تحملت .. مسكت يده : بس كذا زعلتها انا صح تضايقت منها بس ما توصل لهنا .. لو عمي كان هنا بيزعل واجد منك .. طالعت فيها ووقفت : غنى خلاص ما ابغا كلام زياده بهالموضوع روحي نامي وارتاحي .. وقفت ورحت بدلت ملابسي ونمت .. __________________________________________ كنت سانده راسي على المقعد وحسيت بأحد جلس جمبي وانصدمت يوم شفته جالس جمبي : ياسر انت .. طالعت فيها وسويت نفسي منصدم : سارة وش تسوين هنا طالعت في بنص عين : العب كورة شرايك وش تسوي هنا سندت راسي : والله مسافر على لندن رفعت حاجبي : لا يشيخ كذا مرة وحده تستهبل انت من متى تحب لندن انت طالعت فيها وابتسمت : كويس متذكرة شي يخصني للحين لفيت عالجهة الثانية " سارة لا تتحمسين واجد بتجيبين العيد " : المهم وش بتسوي بلندن انت .. لي تبي تروح .. ياسر : نسيتي اني اتعالج هناك سارة : لا والله ما نسيت بس يمكن انت نسيت انك خلصت علاج من شهر تقريبا .. طالعت فيها وبعصبية : هووو خلاص عاد جاي عشانك ارتحتي الحين يعني ابتسمت غصبن عني : عشاني انا طالعت فيها ولفيت وجهي : سارة ترا برجع مكاني اذا تميتي كذا .. ضحكت على كلامة : احد يدري انك مسافر ياسر : قلت لفيصل اني بروح اغير جو سارة : وكم بتجلس ياسر : لين ترجعين طالعت في بصدمة : مستحييل بتقعد لين اخلص دراسة يعني هالسنة كلها بتكون بلندن .. هزيت راسي : ايووه عندك اعتراض هزيت راسي : لا ابد .. لفيت راسي عالجهة الثانية وابتسمت " جاي عشاني .. بيقعد ليين اخلص دراستي يعني يحبني للحين .. هوو سارة هدي شوي وين قمتي تبنين احلام نسيتي وش خبصتي بلندن وش بسوي الحين لازم الاقي حل قبل لا ياسر يعرف شي " ياسر : سارة سارة : هلا طالعت فيها : بس لا تفهميني غلط هزيت راسي : وشو ياسر : انين مبسوطة مع ثامر .. مدري لي اختفت ابتسامتي : شلون يعني .. طالعت فيها : جدي غصبنا على الزواج وانا عشان انتقم من جدي حطيت انين هدفي ويوم العرس ضربتها قدام الكل وبالبيت بعد ما خليتها ترتاح كل ما يجي ببالي كنت اضربها .. صدقيني الحين اتمنا اي حادث يخليني افقد ذاكرتي الي سويته فيها والله ما اتمنا لعدوي .. وكل الي ابغا الحين تكون مبسوطة مع زوجها .. طالعت في ودموعي بعيني : لا تخاف انين مبسوطة ومرتاحة مع زوجها .. استغربت من دموعها : طيب الحين انتي لي تبكين وش قلت انا .. مسحت دموعي : حبيت انين صح .. طالعت في وقمت اضحك : هههههههههههههه منجدك مين ما يحب انين يعني .. كنت امسح دموعي وتنزل من جديد : معاك حق مين ما يحب انين .. طالعت فيها وابتسمت : بس ما انا ما حبيتها .. حبيت بنت وحده بحياتي وبس وللحين مو قادر اشيلها من راسي او من قلبي .. طالعت في : ياسر لو سمحت قوم من هنا وقفت وطالعت فيها : سارة كنتي اول بنت حبيتها بصدق ومن قلبي وبتكونين اخر وحدة .. لفيت وجهي عنه : روح لو سمحت .. جلست على مقعد ثاني وكنت اطالع فيها تبكي " كان لازم اتفلسف واخليها تبكي " كنت اصيح بس مدري لي غمضت عيوني " للحين يحبني بس مو قادر ينسى الي سوا بأنين .. وشلون انا بكمل حياتي كذا .. شلون بقوله عن حبي وهو تزوج انين وعذبها .. لي كذا صار فينا واذا عرف شي عن الي كنت اسوي بلندن اكيد بيكرهني وما بكلمني ابدا وش بسوي الحين وش " وقفت بسرعة ورحت له : انت ما تقدر تجي معايا لندن .. ارجع تكفى مستحيل اخليك تجي معاي لندن مستحيل .. طالعت فيها مستغرب : وليي يعني وش الي صار .. صاير شي طالعت في وزاد بكاي : ما بخليك تجي لندن مستحيل تفهم مستحيل .. مسكت يدها وجلستها جمبي : سارة باقي نوصل ساعة وش الي مستحيل شصاير قولي .. طالعت بعيونه : لانك بتكرهني اذا رحت لندن فهمت الحين بتكرهني .. استغربت من كلامها : سارة مو فاهم شي .. غطيت وجهي وانا اصيح : انا ماني البنت المحترمة الي تحسبها الحين انا بلندن ما خليت شي ما سويته فهمت الحين .. كنت احاول استوعب كلامها : شلون يعني .. كنت اصيح بقوة واشهق والكل يطالع فينا : انا سويت اشياء .. قاطعتها بسرعة : اششش خلاص اسكتي مابي اسمع شي خلاص .. كان بكاي يزداد : انا اسفه والله كنت اقلدهم بكل شي والله مدري شلون سويت كذا انا اسفه والله والله ندمانة على كل شي صار مسكت يدها وبصراخ : اسفه وين اصرفها هذه ااه انتي تدرين وش سويتي فيني الحين .. كنت اصيح بقوة واشهق : ياسر والله اني ندمانة وكرهانة نفسي والله .. فكيت يدها : سارة قومي من عندي بسرعة .. طالعت في وانا اصيح : ياسر .. طالعت فيها وبصراخ : قووووومي قمت بسرعة ورجعت مكاني وانا اصيح : استاهل كل شي سويته رجع براسي .. انا سبب كل شي صار فيني والحين بسببي كل شي انتهى خلاص .. ياسر بروح مني .. انا السبب انا السبب .. كنت جالس وراها واسمع كل شي تقوله وكنت اسمع بكاها .. كنت احس اني بقوم الحين اصارخ بكل ما عندي البنت الي حبيتها طلعت .. غمضت عيوني وقمت اضرب المقعد : لييي .. لييي لييييي ليييييي لييييييي كنت احس بضربات المقعد من ورا ومع كل ضربة يزداد بكاي .. __________________________________________ خلصنا عشا وقمت ارتب الطاولة كان جواله عالطاولة ويرن اخدته ورحت الغرفة : ثامر .. طالعت فيها : هلا مديت له الجوال : كان يدق وجبته .. اخذته منها ورديت : هلا فارس .. ليي .. مفهمت شلون يعني .. خلاص انا بكلمهم .. لا ما بروح .. خلاص انت رح وكلمني .. وانت بخير حطيت الجوال عالطاولة وانتبهت عليها تاخذ المخدة : صاير شي .. طالعت في : لا ليي ثامر : لي ماخذه المخدة وين بتروحين .. انين : لا بس كنت برتب السرير .. انتبهت عليها حاطة طرحتها على راسها جلست عالكنبة وابتسمت : انين في شي .. طالعت في وهزيت راسي : لا .. طالعت فيها : ولي حاطه طرحتك على راسك .. جلست عالسرير : مدري مقدرت اشيلها .. ابتسمت لها : اسمعي اعرف انك للحين ما تعودتي علي بس خلنا نبدا بداية حلوه شرايك .. يعني نتعرف على بعض اكثر عشان نقدر نتأقلم مع بعض .. انتي شيلي طرحتك وخذي راحتك صدقيني ما بزعجك ابد .. كنت متوترة وبشويش فكيت طرحتي وطاح شعري كله بحضني .. كنت اطالع بشعرها منصدم من طوله : ذا شعر .. كنت اتهرب من نظراته : اي احبه طويل يعني ما احب اقصه ابدا .. طالعت فيها : يعني شعرك طويل وااجد شلوون كذا تحملتي .. ابتسمت : مدري كذا طالعت فيها : كل يوم اكتشف شي جديد فيك .. لميت شعري وربطه : يعني انا ما في شي عندي مميز جدا .. يعني عادي ثامر : كلميني عن نفسك طيب طالعت في وابتسمت : امم ما اعرف اتكلم كذا انت اسأل وانا بجاوبك ثامر : فكرة حلوة .. اول سؤال كم عمرك طالعت في : متعرف كم عمري ثامر : نوو كم انين : عمري تسعطاشر وبعد شهرين بدخل عشرين سنة ثامر : العمر كله يا رب ..طيب وش تحبين كنت العب بأصابعي من التوتر : يعني انا من يوم كان عمري 16 سنه ما طلعت من البيت يعني اغلب وقتي اقضي بالبيت وبغرفتي ما عندي هوايات او شي احب اسوي دايما .. يعني اذا مليت كان عندي مكتبة بالبيت عزوز اخوي جاب لي كتب اقراها وكنا اقراهم كل يوم .. وغير كذا احب ازرع ورد احبهم واحب العب بالمويا وااجد بس ما يخلوني لاني كنت امرض بسرعة .. كنت اطالع فيها وهي تتكلم وكانت بريئة واجد : طيب وش اكثر لون تحبينه انين : كل الالوان ما تفرق عندي .. ثامر : طيب مين تحبين اكثر عبدالعزيز ولا عبدالرحمن ولا عبدالله طالعت في وابتسمت : ما افضل واحد على الثاني كلهم قطعة من قلبي .. طالعت فيها وضحكت : قبل شوي قلتي انه البنات قطعة من قلبك طالعت في : اخواني هم كل شي بحياتي وسارة اختي وعهود وليين وميهاف ذولي قطعه من قلبي .. طبعا احب كل بنات عمي بس ذول لهم معزة خاصة عندي .. ثامر : طييب .. وش بسألك بعد .. مدري ما عندي اسأله طالعت في : قلتلك حياتي عادية يعني حياتي شوي غريبة .. ثامر : غريبة .. من اي ناحية بالضبط انين : انا قضيت حياتي كلها بين اربع حيطان يعني تقدر تقول احب الوحده اكثر من الجمعة .. وكل ما اكون لحالي اكون مرتاحة وتعودت على هالشي يعني ما احب اني اتدخل بكل شي ولا احب اسوي كل شي .. ثامر : طيب لي ما تغيرين نفسك .. انين : كذا مرتاحة .. بس الشي الواحد الي ابي اغيره بنفسي هو دموعي .. يعني ابكي بسرعة واتضايق بسرعة .. ميهاف كانت تقول خلك باردة ولا تهتمي ابد بس انا ما قدرت .. اتضايق بسرعة وازعل بسرعة ومع كل ذا ما اتكلم .. طالعت فيها مستغرب : بصراحة مو عارف وش اقولك .. ممكن اسألك سؤال .. هزيت راسي : تفضل .. طالعت بعيونها : لو امك جت وقالت تبيك معاها بتروحين .. نزلت راسي : امي ميتة من زمان .. ثامر : اعتبريها عايشة .. وقفت وطالعت في : ما بسامحها طول حياتي .. عمري ما كرهت احد بحياتي بس هي كرهتها حتى قبل لا اشوفها بسببها هي انا عايشة حياتي بالغصب .. شفت العذاب بعيني وسكتت .. الام تسوي اي شي عشان عيالها بس هي وش سوت لي .. جابتني على هذه الحياة ويا ليتها ما جابتني .. مهما كانت ظروفها او اسبابها ما بسامحها .. وقفت ومسكت يدها : انين شفيك خلاص .. هدي ما كان قصدي ازعجك او اضايقك فكيت يده : لا ما صار شي بس صدقني لو امي عايشة بتكون اخر انسانه ممكن اسامحها بحياتي .. ياسر الي عذبني وقهرني سامحته بس هي مستحيل اسامحها .. مسكت كتوفها : اوكي خلاص هدي .. والحين انتي نامي وارتاحي .. طالعت في : وين انام ?? اشرت لها عالسرير : انتي نامي على السرير وانا بنام عالكنبة .. طالعت في وطالعت بالكنبة : بتتحمل النومة عالكنبة .. ضحكت لها : لي شايفتني وشو .. بنام عالكنبة عادي وش فيها انين : لا ما قصدت كذا بس يعني ما اقدر انام عالسرير وانت عالكنبة ما برتاح خلني انام انا عالكنبة وانت عالسرير .. طالعت فيها : انين منجدك بخليك تنامين عالكنبة وش شايفتني .. جلست عالكنبة : فهمتني غلط .. قلتلك من قبل خلني على راحتي عشان اتعود وما احس اني غريبة يعني خلني اسوي الي يريحني .. طالعت فيها : طيب عندي حل انا .. شرايك احنا الاثنين ننام عالسرير وخلاص فتحت عيوني من الصدمة : شلوووووون طالعتها باستغراب : يا بنت لا تخافين ما بلمسك ولا بقرب منك انتي بجهة وانا بجهة .. وبعدين نسيتي اني زوجك لا تخافين .. طالعت بخوف : انا وانت .. طالعتها : بتنامين ولا شلووون .. وقفت ورحت اسندحت عالسرير وبعدت عنه يعني شوي واطيح من السرير وجلست افكر بالبداية الي بديتها مع ثامر وهل هي بداية كويسة ولا لا .. __________________________________________