ﻋﺬﺑﻨﻲ أنينهآ - الفصل 39 - بقلم هدوئي كارثة - مكتملة | روايتك

انطفئت أضواء الصالة وكان في ضوء واحد على أول الدرج والشموع بكل مكان عالدرج .. نزلت بخطا مليانة خوف عهود وليين قدامها يرمون الورد وسارة وميهاف وراها يرمون ورد .. الكل يطالع بالملاك الي نازلة ماسكة الورد بيدها وباين انها ترجف .. ام راكان واقفة عند آخر الدرج مسكت يدها ومشت معاها لين الكوشة والبنات يرمون الورد .. ام فيصل : ما شاء الله علييك يبنيتي .. تطيحين الطير من السما .. ابتسمت لها ونزلت راسي .. ام راكان قربت منها : ارفعي راسك يا انين .. هالوجه الحلو مو لازم يتخبا .. طالعت فيها ودموعي بعيني " لو الزمن بصالحي كان الحيين انا متزوجة سلطان بس ربي ما كتب لنا الله يرزقه ببنت الحلال الي تسعده يا رب " جيت جمبها : ها وش شعورك .. طالعت بملاك : عادي خايفه شوي .. ابغا موية هزيت راسي : الحين اجيبلك .. شفت ملاك تنزل وطلعت جلست جمبها : انين حبيبتي ابتسمي شوي ما يصير جالسة كذا كانك بعزا تكفين عشاني .. مسكت يد سارة : خايفة يا سارة .. جينا ووقفنا جمبها : انون هدي وابيك معانا بعد شوي اوكي .. طالعت فيهم : تبوني بإيش ?? طالعنا ببعض وضحكنا : بتعرفين بعد شوي .. طالعت فيهم بخوف : انتبهو تسوو شي .. ميهاف : صدقيني بتكونين مبسوطة يقلبي .. ابتسمت لهم : ربي لا يحرمني منكم .. بدو البنات يطلعون يسلمون على انين ويباركون لها والحريم بعد .. ونزلت الشلة كلها ترقص مع بعض عهود وميهاف وسارة وليين .. قربت من قوت وانا ماسكة نفسي ما ابغا اضحك : طالعي بميهاف شوي وتطيح بالكعب .. قوت : روحي لها حرام .. رحت دخلت بالمجموعة وقربت من ميهاف : يا بنتي بطيحين بالكعب .. مسكت يد أريام : اصلا هو انكسر ومو عارفة وش بسوي .. أريام : اطلعي فوق جبت معايا واحد احتياطي .. البسي بسرعة وتعالي .. بستها على خدها : اموووت فيها يا ناس .. ارقصي مكاني .. خليت البنات يرقصون وطلعت فوق بسرعة غيرت الكعب : اووف لي الغرفة مكتومة كذا .. رحت افتح الدريشة بس طاحت اسوارتي تحت : اوووف ذا الي كان ناقصني انا .. نزلت ورحت للحديقة بجيبها : اااووخ والله الهوا يرد الروح .. جيت بروح بس شفت اثنين واقفين بعيد عني شوي ويتكلمون : ذا مو فيصل .. ومين الي معاه قربت شوي بسمع كلامهم .. جلست عند الشجرة اطالع بفيصل : اختي بتتزوج وانا مو قادر حتى اشوفها او ابارك لها .. فيصل : ضامي تحمل بس كم يوم .. تحملت تسعطاشر سنة ما بتتحمل هالكم يوم .. طالعت بفيصل : واذا ما صار الي نبغا .. اذا انين ما تقبلت وش اسوي انا .. انصدمت من الكلام الي قاعديت يقولونه " ضامي .. وانين .. اخوان .. لا لا مستحيل اكيد في شي غلط اكييد في شي غلط " طالعت في : هالناس خلت حياتنا لعبة .. فرقوني عن اختي وتوأمي وفرقوني عن اخواني وابوي وامي بعد .. حطيت يدي على كتفة : صدقني بيدفعون الثمن كلهم .. وبيتحاسبون وبترجع انت واختك سوا وعايلتك واخوانك وانا اضمنلك يا ضامي .. ما بهدا ولا برتاح الين ترجع لعايلتك .. طالعت بفيصل : من حظي الحلو عندي ولد عم زييك .. ما قدرت اوزن نفسي ورجعت لورا والدموع متجمعة بعيوني : مستحيل .. شلوون كذا شلووون ضامي يكون ولد عمنا واخو انين .. وتوأمها بعد .. كنت طالع اتنفس من الزحمة الي داخل وشفت بنت واقفة " هالبنات يطلعون كذا بدون لا يفكرون ولا يلبسون عباياتهم " طاحت دمعتي وانا افكر بأنين ووش بتسوي اذا عرفت لفيت بروح وما انتبهت قدامي : بتدمر .. انين بتدمر والله شلووون كذا يسوون فيها .. طالعت فيها ودققت بملامحها " هذه ميهاف .. اي هي اكييد .. وش فيها تبكي " جلست عالكرسي الي جمب الباب : ضامي .. وفيصل شلوون كذا .. شلوووون جيت ووقفت جمبها : ميهاف .. طالعت في ومو مستوعبة بعد : روح من هنا ماني قادرة اتكلم .. لاحظت دموعها تطيح بسرعة ومضايقة : شفيك مضايقة اليوم عرس بنت عمك .. طالعت في وبعصبية : شدخلك انت اااه .. شدخلك شتبغا مني انت بالضبط .. قلتلك احبببك كسرت قلبي جيت وعطيتني احلام جديدة والكل يقول انسي وقررت انساك واشيلك من حياتي وكل ما ابغا انساك تطلع بوجهي .. شتبغا مني تبغا افكر فيك واقهر قلبي زيادة يعني خلاص ياخي رووووح اطلع من حياتي وراسي وتفكيري وقلبي .. مسكت يدها بسرعة وهي تبكي وتصارخ بقوة : ميهاف شفييك هدي .. طيب برووح بس اهدي ايشبك كذا تصارخين ومضايقة وتبكين مستحيل يكون مني انا .. فكيت يدي منه بقوة : ايووه انت مالك دخل تدري لي مضايقة لاني اليوم عرفت انه صديقتي عندها توأم ما تدري عنه وهي جالسة داخل زي الغبية مو فاهمة شي .. طالعت فيها بصدمة : مين قصدك .. مرت ثامر جلست عالكرسي وانا منهارة : اي انين .. الكل يدري الا هي وش بسوي الحين .. مستعدة اكذب على الكل الا انين شلووون بخبي عليها هالموضوع المهم .. هالموضوع الي بغير حياتها كلها .. جلست جمبها : ميهاف انتبهي تقولي لها .. هي شافت بحياتها الي ما ينشاف انتي كلمي اخوانها وهم بحلون الموضوع .. طالعت في بسرعة : صح صح .. معاك حق لازم اكلم عبدالرحمن بسرعة .. لازم طالعت فيها : اسمعي انتي الحين هدي اذا احد شافك بالوضع ذا بشك بشي .. ادخلي اشربي مويا وغسلي وجهك زين .. هزيت راسي : اي صح .. لازم اهدا صح لازم اهدا .. انين بتكشفني كذا .. انا لازم اكون هادية .. وقفت بروح بس انصدمت يوم شفت واحدة واقفة قدامي .. طلعت وشفتهم واقفين مع بعض قربت منهم : ميهاف .. وقفت بسرعة وطالعت بعهود : عهووود .. طالعت فيها بأسى : اعرف انك تحبينه .. ومو قادرة تنسينة .. بس ما توصل لدرجة ذي .. طالعت بالبنت : اسمعيني انا .. قاطعته : انت اسكت لو سمحت .. فوق الكلام الي قلته لك .. يعني تبيها تفكر فيك وتقهر نفسها وانت تروح وتتركها .. مسكت يد عهود : عهود تكفيين اسكتي خلاص القصة مو زي كذا .. هو جا هنا صدفة والله .. طالعت فيها : وجلستكم هنا صدفة بعد .. مو مصدقة يا ميهاف مو مصدقة .. تدرين لو شافك راكان او سلطان او اي احد وش بسوي فيك .. بيذبحك انتي غبية بيذبحك .. طالعت في بعصبية : يعني انتي تجلسين مع عبدالله عادي وتتكلمين معاه صح .. مسكت يدها بقوة : انا وعبدالله من يوم كنا صغار نحب بعض فاهمه .. والكل يدري اننا نحب بعض والحين متزوجين .. طالعت بالبنات : لو سمحتم هدو شوي .. بتتهاوشون الحين يعني .. طالعت في بعصبية : انت السبب .. البنت قالت لك تحبك وانت خليتها ولا سألت عنها وقلت لها انها مو محترمة وكسرت قلبها وش متوقع مني ..ولا الي يقهر انها تدافع عنك الحين كانك زوجها .. طالعت بعهود ونزلت راسي : انا اسفه .. سامحيني والله ما كنت بجلس معاه ولا بكلمة بس كنت مضايقة وهو جا هنا صدفة والله العظيم صدفة وقمت اصارخ عليه والله بس هو عيا يروح والله يا عهود .. انا ميهاف نسيتي .. مسكت يدها : ميهاف والله انا خايفة عليك والله .. انتي اختي الصغيرة والي يرميك بوردة ارمي برصاصة .. انتي قطعة من قلبي .. ليين وانين وسارة وانتي كلكم قطعة من قلبي .. وما ارضى اشوف وحده فيكم زعلانة عشان واحد ما يبيها او كسر قلبها .. انا وعبدالله نحب بعض من سنين وهو جا وتزوجني يعني لا كسر قلبي ولا زعلني .. بس ها حتى تفكير ما يفكر فيك ولا يبي يتزوجك انتي لي مو قادرة تفهمين .. نزلت راسي مو لاقية كلام اقوله لان كل كلامها صحيح .. طالعت بميهاف منزلة راسها وكلام بنت عمها صحيح مية بالمية " انا سبب هالمشكلةولازم احلها فورا .. كلام ثامر كان صحيح .. بالأخير انا الي بخسر " : انا بتزوج ميهاف .. طالعنا في منصدمات : شلووووون .. طالعت فيهم : انا قلت لامي بتزوج ميهاف .. طالعت في : مو مصدقة انك وصلت لهالمستوى .. وش شايفني عندك لعبة .. بتتزوجني عشان ما ازعل .. شفقان علي يعني .. طالعت في باستغراب : وشوو .. شلوون جا ببالك كذا .. ترا امي من زمان تبيك لي من يوم ملكة راكان واختي ريم وبملكة ثامر بعد كلمتني .. مسكت يد ميهاف : اذا تبي تتزوج ميهاف تعرف ابوها روح له وهو يقرر .. امشي ميهاف البنات يدورون علينا .. دخلت مع عهود وانا مو مصدقة : هو مو شفقان علي صح .. طالعت فيها وحطيت يدي على كتفها : صلي استخارة احسن .. هزيت راسي ودخلنا اول ما شفت انين تذكرت كلام فيصل وضامي " وش بسوي الحين .. شلوون بخبي موضوع زي هذا عن انين " ام راكان : ميهاف .. طالعت بامي : ها يمما .. ام راكان : وين كنتي انين تسأل عنك .. هزيت راسي وطلعت عند انين : تبين شي .. طالعت بعيونها : وش فيك .. كنت تبكين .. جيت بتكلم بس تدخلت عهود : ايووه تقول انين بتخليني وبتروح .. مسكت يدها : انا اخلي روحي ولا اخليها .. تعالي هنا بحضنك .. طالعت بعهود وحضنت انين بقوة " يا رب صبرني .. صبرني يا ربي " .. جالسة انا وسديم وسحر وجنى سوا : بنات خلنا نقوم نرقص .. طالعت فيها : غنوو اجلسي احسن لك .. بنادي امي ترا .. طالعت بسديم : حراام عليكم برقص خفيف .. طالعت فيها : قومي قومي .. طالعت بسحر : والله .. هزيت راسي : ايووه .. وبعدين احب هالاغنية قمت انا وسحر وجت معانا جنى ورحنا نرقص وسديم جالسةلحالها .. طالعت فيها وجيت جلست جمبها : سدييم .. طالعت بليين : هلا .. ليين : لي جالسة لوحدك هنا .. سديم : ولا شي بس تعرفين مسوية عملية وما اقدر ارقص وانا اصلا ما احب الرقص .. طالعت فيها : تصدقين عاد .. امي كانت جالسة تتطالع بك .. اول ما قالت لي كذا حسيت الجو حار ومو قادرة اتكلم : ها .. ليي طالعت فيها بنص عين : ارتاحي حبيبتي .. ترا انا ونواف توأم منفصل هههههه طالعت فيها بسرعة : شلووون .. طالعت فيها وانا اضحك : لا لا مو توأم حقيقي .. بس هوا ما يخبي عني شي ابدا عشان كذا اقولك وعلى فكرة هو كلم امي .. فتحت عيوني : هاا .. حطيت يدي على كتفها : اهدي اهدي .. ايشبك والله انك خوافة .. طالعت فيها : وش قال .. طالعت فيها وانا ابتسم .. ( قبل أيام :- كنا جالسين بالصالة انا وامي ونزل نواف بشويش طالعت في وهزيت راسي له : يمما .. ايش رايك نزوج نواف .. نايف تزوج وخلاص باقي نواف ونخلص .. ام نايف : والله يبنيتي انا ودي ازوجه اليوم قبل بكرا بس عاد ابغا له بنت مزيونة مثله .. طالعت بنواف وابتسمت : والي يقولك عنده البنت المناسبة .. ام نايف : ومين هذه بعد .. ليين : تتذكرين يمما سديم .. البنت الي جلست معاها بعرس راكان .. الي سألتيني مين هذه ومين بنته .. نسيتيها يمما .. ام نايف : هذه بنت ام رامي صحيح .. طالعت بامي : يا زينك يمما .. ايووه هيا بنت محترمة وحلوة وكيوت .. ام نايف : والله يبنيتي بنتن زينة .. بس مو كل بنت زينه بنخطبها لاخوك .. مسكت يد امي : يا ماما يا حبيبتي .. انا جلست مع البنت وتصدقين عاد وش احلا شي بالموضوع انها تلائم راسك تماما .. ام نايف : شلوون يعني .. ليين : تصدقين تحب المطبخ واجد .. وتحب تطبخ وتصدقين قالت انها شطورة بشغل البيت .. ام نايف : ليينوو اعرفك يون تكذبين .. طالعت بليين بعصبية .. اول ما شفت نظرات نواف خفت وطالعت بأمي : هي قالت تحب بس تطبخ والله .. يعني هم عندهم خدامة بالبيت تسوي شغل البيت .. ام نايف ابتسمت : الله يصبرني عليك .. بس عاد نشوف راي اخوك .. سويت نفسي اسمع بالسماعات ومو معاهم .. ام نايف : نواف .. نواااف طالعت بامي : تنادين علي يمما .. ام نايف : اي اي انادي عليك .. الي يشوفك يقول ما كانت اذنك معانا بالسالفة .. طالعت بامي " هذه امي ولا المحقق كونان " : كنتي تبين شي يمما .. ام نايف : اختك تقول في بنت عاجبتك وتبيها صحيح .. طالعت بامي بسرعة : يمما قالت لك عاجبتها هي موب انا .. طالعت بنواف وضربت جبهتي : الله لا يبارك بعدوك ام نايف : وما كنت تسمع بعد .. المهم وش رايك تبي البنت .. وقفت وطالعت بامي : سوو الي تبونه يمما .. انا بتجهز بطلع .. عندي دواام ام نايف : خلاص اجل ما تبيها يعني وقفت بسرعة : مين قال .. ام نايف : انت الحين قلت .. طالعت بامي : يمما ترا عارف هالحركات .. ام نايف ابتسمت : انا بكلم ابوك وبنشوف .. ) ليين : وابوي قال بنصبر شوي وبنشوف .. طالعت فيها ووجهي صار طماط وقمت من مكاني بسرعة .. ضحكت عليها : هالبنت خجولة وااجد .. __________________________________________ جالس بصدر المجلس بين ابوي وعمي وفارس وعبدالرحمن يطالعون فيني ويضحكون اخذت جوالي وارسلت لبعدالرحمن علمجموعة {ثامر : وربي بدعي عليكم .. طالعنا انا وفارس بالرسالة وضحكنا عبدالرحمن : خف علينا على اساس دعواتك كلها مستجابة .. فارس : ها بشر وش شعورك .. ثامر : ياخي احس اني مسجون .. فارس : انت الي بتتزوج تحمل .. عبدالرحمن : اجلس زي الناس ترا جدي ما يرحم .. ثامر : ودي اتربع يا اخوان فارس : هههههههههه لي ما تتثلث عبدالرحمن : هههههههههههههههههههههه مروق ثامر : يا سرابيت ذا وقت مزحكم الحين فارس : ايشبك معصب ابتسم يقميل 😉 عبدالرحمن : فارس احس ثامر بقون وبيتوطا ببطنك الحين 😂 ثامر : لا مو احساس حقيقة 😒 فارس : خلاص خلاص بسكت 😐 عبدالرحمن : شباب دقيقة في عندي اتصال برجع لكم .. } اخذت جوالي وطلعت برا : ايووه عرفت شي .. فرنسا .. متأكد .. طيب تعرف ليي .. شلوون يعني .. مين هذه .. بنت رجل اعمال .. كم عمرها .. اي ابي عمرها .. كبيرة طيب وش يسوي عندها .. مفهمت وش دخل .. يعني يروح لشركاتهم .. طيب اعرف اذا لنا تعامل مع هالشركة ولا لا .. انتظرك قفلت منه ورجعت مكاني وشفت فارس يطالع فيني رحت وجلست جمبه : شفيك تطالعني كذا فارس : شفييك صاير شي .. تنهدت وطالعت في : عزوز .. قاطعته بسرعة وبصوت عالي : شلون نسيته وينه هو .. طالعت في ومسكت يده : فارس هد بتفضحنا انت .. احس عزوز قاعد يسوي شي رايح فرنسا ومقابل بنت رجل اعمال كبير بفرنسا بس المشكلة انها كبيرة بالعمر ما فهمت وش يبي .. جيت بتكلم بس دق جوال عبدالرحمن : رد وتعال علمني وش صار .. طالعت في وطلعت : ها شصار .. من سنين شلوون يعني .. بأي سنة بالضبط .. الخمسة وتسعين .. طيب اسمعني انت خلك مراقبة من بعيد وأمن له كل الحماية اللازمة ما ابغا يصير معاه شي فاهمني .. لا لا خلهم يراقبونه من بعيد ما ابغا يحس بشي .. زين واذا صار شي كلمني .. مع السلامة جيت بدخل وشفت نايف قدامي : بسم الله شفيك .. روعتني مسكت يده واخذته على جمب : عبدالرحمن خل عزوز يسوي الي يبيه ويرجع .. طالعت في مستغرب : مفهمت .. طالعت في : انت فاهمني زين لا دور ورا عزوز خله يسوي الي يبيه ويرجع ويتفهم كل شي .. طالعت بنايف : يعني انت كنت عارف وساكت هزيت راسي : ايووه لاني وعدته وحلفت وما اقدر اقول شي بس الي ابي منك تخلي يسوي الي يبيه ويجي لو سمحت .. طالعت في : انت تعرف وش بسوي صح ما رضيت اتكلم خليته ورحت .. ناديت عليه بس ما رد دخلت عند فارس : في شي مو فاهمة .. فارس : مثل .. عبدالرحمن : فارس يبغا يسوي شي كبير انا حاس بهالشي .. فارس : بس وشهووو عبدالرحمن : مدري مدري نايف موب راضي يعلمني او يقول شي .. فارس : لا تضغط عليه تلاقي عزوز موصي عبدالرحمن : واضح .. حسيت في شي شفتهم قلبو جديين ارسلت لهم { ثامر : تراكم خوفتوني شفيكم قلبتو جديين 😯 فارس : سالفة طويلة بعدين نتكلم فيها عبدالرحمن : عبدالله موب معانا شفتو ثامر : لا والله اخر مره كان واقف معايا فارس : تلاقي مشغول .. عبدالرحمن : ذول يختفون ولا يسألون .. ثامر : ياخي لا تخاف هنا وين بروح .. فارس : يا شباب انا جعت والله .. عبدالرحمن : ياخي انت دايما جوعان انتظر العشا وش اسويلك .. ثامر : كل تمر 😂😂 عبدالرحمن : ههههههههههههههههه اي والله فارس : تستهبلون اقولكم جوعان ما اكلت شي من امس .. عبدالرحمن : اسمع في بقالة بعد شارعين من هنا امش اشتر لك شي تاكله لين العشا ثامر : منجدك انت .. فارس : فكره حلوه بروح بسرعه وبجي } وقفت بسرعة وطلعت للسيارة بس شقت عبدالله جالس على السيارة قربت منه : بسم الله شفيك .. طالعت بفارس : ولا شي .. باين عليه مضايق : عبود شصاير .. لي مضايق نزلت عن السيارة : ماني مضايق .. مسكت يده : عبود نسيت عندك توأم تبيهم يتضايقون معاك الحين .. طالعت بفارس : وين بتروح انت .. وقفت جمبه : ماني قايل لين تعلمني شفيك طالعت في : الحين يعني لما تصارخ على بنت شلون تراضيها .. طالعت في بنص عين : الموضوع كذا اجل .. طالعت في : فارس لا تقوم تستظرف يا تتكلم يا تتوكل .. ضحكت على شكله : ياخي الحريم ذول معقدات .. يبونك مهند ولا بوراك عشان يرضون .. طالعت في وابتسمت : الحل .. حطيت يدي على كتفه : مزعل اختك يعني .. طالعت في : الموضوع اكبر .. لو اختي براضيها بسرعة بس هذه زوجتي .. طالعت في كاني اقوله رحت فيها : انت بمصيبة يا ابني .. اسمع بروح البقالة اشتري شي اكله تخاويني .. طالعت في : جوعان هزيت راسي : مييت جوع حطيت يدي على كتفه : لا تتعب نفسك وتروح داخل في بوفيه مفتوح الحين اجيب لك صحن تاكل انتظرني بالحديقة .. طالعت في وحضنته : يا قلبي انت احبببك والله احبببك .. طالعت في بقرف : وخخر الله يقرفك بس شوي وتبوسني امش امش اخذت جوالي ودقيت على عهود : الوو .. عهود اطلعي عند الباب ابغاك شوي .. لا لا تخافين .. انتظرك .. رحت وقفت عند الباب لين جت : للحين زعلانة طالعت في ورفعت حاجبي : ايش رايك .. مسكت يدها : عهود تكفيين خلاص والله اني مضايق وموب عارف وش اسوي .. طالعت في " يا عومري باين انه متضايق " : خلاص طيب .. حضنتها بسرعة : يبنتي احبببك والله .. ما كان قصدي اصرخ عليك او اني ازعلك والله حسيت بشعور غريب : عبدالله .. طالعت فيها : قلبه انتي .. مسكت يده : انا ما كنت زعلانة بس حسيت بشي غريب يعني مدري .. مسكت يدها وبستها : خلاص يا قلبي .. اي صح نسيت اسمعي ابغاك تحطي صحن اكل وتجيبي بسرعة .. طالعت في وابتسمت : جعت .. هزيت راسي : لا بس فارس جوعان وكان بروح البقالة وقلت له في داخل .. حطي لي وجيبي هنا مابي اتأخر عليه عهود : اوكي .. اي صح متى بيدخل المعرس عبدالله : والله ما اعرف بسأل ثامر الحين .. انتي روحي جيبي الاكل لين اسأله .. راحت تجيب الاكل وطلعت جوالي وارسلت لثامر عالمجموعة { عبدالله : ثامر متى بتدخل .. عبدالرحمن : وينك انت خوفتني .. فارس : عبدالله متى بتجي بموت هنا .. عبدالرحمن : وينكم انتو .. ثامر : عمي يقول نص ساعة كذا .. عبدالله : دحووم لا تخاف عليا انا هنا ما طلعت بجيب اكل لفارس فارس : بخيس بالحديقة تكففى جوعان .. ثامر : ما رحت البقالة .. عبدالله : لا قلت اجيب له اكل من عند الحريم احسن يروح الحين للبقالة لي .. عبدالرحمن : يا شباب بتدخلون كلكم فارس : انا عن نفسي بدخل والله عبدالله : وانا بعد عبدالرحمن : انا مجبور ثامر : ليي عبدالرحمن : البنات مسويات مفاجأة لإختي ويبوني معاهم عبدالله : ولي محد قالي .. فارس : لي يظل شي بفمك انت 😂 ثامر : الله يستر من مفاجأتهم .. عبدالله : ترا الحزب ذا اخطر من داعش انتبه 😂 فارس : عبدالله مطووول اقووولك بمووت جووع شفييك انت 😡😡 عبدالرحمن : عبود خذ له الاكل لا يطلع الحيوان الي بداخله الحين .. فارس : ما الحيوان غيركم والله اقول لكم جوعان قاعدين تستظرفون .. } طالعت بعهود وانها جايبة صحن كبير : كل ذا ابتسمت له : وانت بعد كل .. اخذت الصحن وصورت لفارس { عبدالله : شرايك بالصحن ذا 😍 فارس 😭😭 ابغا بسرعة ثامر : انا جعت بعد 💔 عبدالرحمن : وانا بعد 😂💔 عبدالله : اطلعو اذا تقدرون 😂 ثامر : اوريك يا عبيد 😒 عبدالرحمن : يا كلب انا توأمك اشفق علي 💔 عبدالله : جوالي بخلص شحن .. سلام 🌚 } طالعت بعهود : اسمعي خذي جوالي واشحني معاك زين .. هزيت راسي : اوكي حبيبي .. طالعت فيها : لببى حبيبتي يا ناس اخذت الصحن ورحت للحديقة وكان يروح ويجي : شفييك تروح وتجي كان احد سارق لك شي .. طالعت في : ياخي وش ذي الحيونه الي فيك عطني الصحن بس .. اعطيته الصحن وجلس عالكرسي ياكل : شوي شوي بتختنق .. طالعت في : ما جبت شي ينشرب .. ضربته على كتفه : اقول شي انت زودتها ترا شرايك بعد اجيب لك حلا .. طالعت في : هههه ما تضحك جلست جمبه : اخلص بسرعة بندخل داخل قبل لا احد يحس بغيابنا .. هزيت راسي : اوكي خلص اكل وحطينا الصحن تحت الكرسي ورجعنا للمجلس .. __________________________________________ كنت جالسة جمب امي : يمما ابوي شلوونه .. ام فارس : ابوك بخير يبنيتي انتي طمنيني شلوونك وشلون زوجك .. طالعت بامي وابتسمت : بخير مرتاحين ام فارس : ما عرفتي غنى اختك حامل طالعت بامي بفرح : منجد يمما فرحتيني والله .. ام فارس : والله انا فرحت يبنيتي وانتي يبنيتي ما طولتي .. طالعت بامي : يمما انا مو جاهزة الحين وراكان بعد يوم نكون جاهزين بنجيب عيال .. قربت من ريم : ريمموو متى جيتي .. وقفت وحضنت غنى : قبل شوي جيت مبروووك سمعت انك حااامل ابتسمت لها : اي .. مسكتها من يدها : ورامي شلونه معاك .. طالعت بريم : والله يا رييم مبسوطين ومرتاحين سوا واهم شي يحبني .. ضحكت لها : يا قلبي الله يوفقكم سوا .. ام راكان راحت للبنات : يا بنات بيدخل المعرس طالعنا انا وميهاف ببعض : بسرعة طالعت بليين : شفييهم .. ليين : مين .. سارة وميهاف قصدك هزيت راسي .. غمزت لها : مفاجأة .. عهود مسكت المايك : يا جماعة بيدخل المعرس .. الي تبي تتغطا تغطت والباقي جلسو عالكراسي .. دخل ثامر وعبدالرحمن وعبدالله وفارس ورامي وكل العيال .. وام ثامر ورا بالبخور والبنات الصغار معطينهم ورد يرشو عليه .. طالعت في وقربت منها وبستها على راسها ولبستها طقم الماس اعطتني اياه امي يوم دخلنا وجلست جمبها .. العيال كلهم واقفين على جمب والبنات عالجمب الثاني .. ميهاف وسارة راحو الدي جي وحطو اغنية تركية مخصصة للأفراح .. طالعت بالبنات وغمضت عيوني : ما اصدق .. طالعت في : شصاير طالعت بثامر : هالاغنية حقتنا .. نزلو البنات كلهم عهود وليين وميهاف وسارة ومعاهم تسنيم وأريام وقوت ومسكو يدين بعض وقامو يدبكون ويوم تجي الطبلة يصفقون مع بعض وكان شكلهم رووعة .. ميهاف وسارة ركضو سحبو انين مين جمب ثامر بدون لا يسألونها وحطوها بالنص : يلا .. طالعت فيهم وكاني اقول لهم تكفون لاا ميهاف مسكت يد أنين وبدت ترقص معاها .. كنت اطالع فيها وهي ترقص ما قدرت اتحمل وجيت بطلع بس مسكني نواف وخلاني جمبه .. كان الكل يطالع البنات وفرحان وعاجبهم رقصهم يرقصون بتناغم مع الاغنية .. وانا ارقص طالعت بعبدالرحمن وشفته يضحك وخطر على بالي الموقف نفسه .. __________________________________________