ﻋﺬﺑﻨﻲ أنينهآ - الفصل 38 - بقلم هدوئي كارثة - مكتملة | روايتك

اجتمعو الرجال كلهم سوا وبدو يستقبلون الناس .. الجد : يولد وين القهوة .. طالعت بعبدالرحمن : عمري سته وعشرين ومتزوج بعد وفوق كل ذا ولد .. اجل لو اكبر شوي وش بناديني قدام الناس بزر .. طالعنا بعبدالله وضحكنا : ههههه اسكت لا يسمعك موب ناقصين .. فهد : ياخي لي فترة ما لبست ثوب واحس اني مو متعود عليه .. ياسر : خف علينا يا براد بيت انت .. اقعد فيصل : هي هي بتتهاوشون زي البزران الحين .. دخلت ولقيتهم مجتمعين : اشبكم كذا مجتمعين كانكم قطاوة على تونا طالعنا ببعض وفطسنا ضحك : هههههههههههههههه عبدالرحمن : لي جيت .. طالعت في : الحريم بيسلمون على بعض وش اسوي عندهم انا .. عبدالله : لييت عزوز هنا .. طالعت فيهم باستغراب : للحين ما اتصل .. طالعت بنايف : لا والله اخر مرة كلمنا يوم ملكة انين وبعدها انقطع .. مسكت يد عبدالرحمن : متأكد انت .. طالعت في بخوف : نايف تعرف شي .. انتبهت على نفسي وحبيت اغير القصه : قصدي توأم وكذا وابثرتونا ببعض والحين موب عارفين شي عن بعض شلوون هذه .. كنت اطالع بنايف وحاس انه مخبي شي : نايف ابغاك شوي تعال .. طالعت براكان : مو الحين خلها بعدين .. جلست وانا حاس اني وحيد شفت رامي دخل وعمي ابو فارس قمت رحت لهم : السلام عليكم .. رامي : وعليكم السلام .. ابو فارس : وعليكم السلام .. طالعت برامي : فارس وينه .. رامي : والله ياخي مدري شفته جالس بالحديقة الي عند بيتهم وسألته بيجي ما رد اخذت عمي وعمتي وجيت هنا .. ابتسمت له ورجعت مكاني " ااخ يا فارس بأهم ليلة بحياتي تخليني كذا .. " لاحظت عليه انه منزعج قربت منه : شفيك .. طالعت بعبدالرحمن : تهاوشت انا وفارس طالعت في : عشان ذيك البنت صح .. هزيت راسي : شلوون عرفت .. نزلت راسي : تذكر من فترة يوم التقينا يومها قال لنا كل الي بقلبة .. ( جالسين على شط البحر كالعادة وفارس متضايق قربت منه وحطيت يدي على كتفه : ياخي قول الي بقلبك لا تظل ساكت كذا .. طالعت بعبدالرحمن : انت دكتور نفسي صح يعني تقدر تساعدني تكففى قولي وش علاجي .. طالعت في : علاجك بسيط ارميها من راسك .. طالعت فيهم : يرميها عبدالرحمن لا تكون غبي ذا مستعد يرمينا حنا ولا يرميها طالعت بثامر : ثامر .. طالعت في بعصبية : القصة لها خمس شهور وانت للحين ما نسيتها كل يوم نفس الحالة ياخي مو باقي غير تبكي عندنا .. وقفت ومسكت ثامر : ثامر شهالكلام .. وخرت عبدالرحمن عني : طالع في قال لاحد فينا متى قرر يتزوج لا وسكتنا اكتشفنا انه فلوسه تخلص بسرعه وسكتنا اخوها تزوج اختي وما خلاها فحالها وسكت عشانه بس بس عشانه هو .. طلعت خاينة وكذابة وغدارة هنا لا عاد مقدر اسكت ياخي انا كنت معه يوم رحنا لبيتهم وقالي عن حبه وقلتله لا تتسرع بس علفاضي .. وقفت وصارخت بوجهه : وش دراني انها بتخوني وبتكذب علي وبتغدر فيني .. طالعت في بعصبية : لانك غبي غبي وحمار وما تفهم وحده خلتك خاتم باصبعها .. عصبت من كلامه وجيت بضربه بس مسكني عبدالرحمن : انتوو انجنيتو اكييد .. تبونا نتضارب عشان بنت خلاص استحو عاد وش ذي المبزره .. وانت يا ثامر خلاص قلت الي بقلبك وهو قال الي بقلبه خلاص .. طالعت بعبدالرحمن وبصراخ : ما قلت شي بعد ما قلت شي هي البنت الوحيدة الي حبيتها .. الي وثقت فيها الي اعطيتها حبي كله .. هي الوحيدة الي علمتها اسراري .. وامنتها على حياتي وحياة عايلتي .. هي الوحيدة الي حسيت معاها بالامان وحسيت اني فرحان ومالك كل فرحة العالم .. هي الوحيدة الي وريتها صوري وانا صغير .. الصور الي حتى انتو ما شفتوها .. طالعت بعبدالرحمن وبعدها بفارس : شفت موريها صوره الي حتى حنا ما شفناها .. وتلومني اذا قلتلك يبيعنا عشاناها .. طالعت بفارس : طيب بسألك سؤال ولا تتردد بالإجابة وبسرعة بدوت تفكير .. طالعت بعبدالرحمن : الحين وقتك .. مسكته من يده : لو هالبنت رجعت واعتذرت منك وسامحتها ورجع كل شي طبيعي بينكم .. قاطعته بسرعه : عبدالرحمن شقاعد تخبص انت لن شفتها بذبحها انا .. طالعت بثامر : خلني اكمل .. - وطالعت بفارس - بس قالت لك عندي شرط واحد انك تترك اخوياك وما عاد تشوفهم ابدا .. تذكر ما ابغا تردد بسرعه جاوب يا فارس بسرعه .. طالعت في منصدم : يعني اختار بينكم وبينها .. هزيت راسي : يا حنا يا ذيك البنت .. ضحكت بإستهزاء : كاني عرفت الجواب .. مسكت يد ثامر وطالعت بفارس : ترددت يا فارس .. طلعت صداقتنا بالنسبة لك ولا شي قدام ذيك البنت صحيح .. طالعت في وضربتهم على كتوفهم : شقاعدين تخبصون انتو ااه .. الحين تقارنون ذيك البنت فيكم انتو وش صاير لكم تحسبوني بدون احساس لذي الدرجه يعني .. تحسبون انكم ما تعنون لي شي ابدا .. يا حيوانات انتو كل حياتي .. انتو ماضيي وحاضري ومستقبلي بعد .. وش يعني اذا ما نسيتها ما بموت .. بنساها مع الوقت بس انتو مستحيل .. طالعت في وحضنته بسرعة .. طالعت بثامر وفارس وابتسمت : نسيتوني هنا طالعنا ببعض وفتحنا يدينا : تعال تعال يا دكتورنا انت ما لنا غنى عنك .. حضنا بعض وقمنا نضرب ببعض طالعت فيهم وبمزح : اسمعو تهاوشنا وتضاربنا وتصالحنا صحيح .. خلاص السنه الجاية بنعيد هالمشهد عشان نجدد صداقتنا وكذا يعني ههههههه .. طالعنا بعبدالرحمن ورمينا عالارض وقمنا نضرب في ونضحك على بعض ... ) طالعت في وضحكت : هههههههه للحين متذكر حطيت يد على كتف ثامر : صدقني فارس يحبك وااجد ياخي تصدق فارس يحبك اكثر من اهله شتبي اكثر من كذا .. ابتسمت له وحضنته : منجد ربي رزقني باخوان من الجنة .. جيت بتكلم بس قاطعنا صوت فارس : تأخرت .. طالعت في بسرعه وحضنته : انا اسف منجد اسف ما كان لازم اقول كذا حضنته وانا اطالع عبدالرحمن : لا تعتذر ياخي انت ما سويت شي .. كل الي قلته عشاني .. طالعت فيهم وبمزح : يا عيالي الحلوين لا تتهاوشون عشان اجيب لكم حلاوة .. طالعت في وبنص عين : احمد ربك اننا بعرس ثامر ولا كان صار لك شي مو زين .. طالعت في وضحكت : متقدر اصلا انا اقوى منك هههههههه .. دخلت وشفت العيال موزعين : السلام عليكم .. طالعت بضامي وبعدها بعبدالرحمن وعبدالله " يا ربي وش بسوي مع هالمصيبة هذه بعد " ابتسمت له : تعال تعال يا ضامي .. جيت بروح له بس مسكني فيصل : لا تروح له خلك جمبي .. طالعت بفيصل مستغرب : بس الرجال ناداني .. طالعت بثامر : ثامر بكلمه بموضوع زين .. عرفت انه ما يبي يخلي ضامي يكلمني : تمام .. طالعت بفيصل : فيصل هالحركة مو حلوة طالعت بضامي : نسيت وش اتفقنا .. كنت واقف جمب نايف وياسر : شباب ما تحسون في شي غلط طالعنا براكان : مفهمت .. راكان : فيصل وفهد وضامي ذا وراهم كذا يتساسرون لحالهم شسالفة .. ياسر : يمكن شغل .. نايف : ما هقيت شغل شدخلنا حنا .. ياسر : الا سلطان وينه نايف : بروح مع نواف لجدتي .. طالعت بنايف مستغرب : وش الي جاهم كذا نايف : مدري والله .. ابو ثامر : يا ثامر .. تعال وقف هنا عشان تسلم على الناس يوليدي .. طالعت بالشباب : وش ذي المصيبة الحين .. طالعنا انا وفارس ببعض : استلم يبوي هههههه رحت ووقفت جمب ابوي وعمي وابو عبدالرحمن وبديت اسلم على الناس .. __________________________________________ كان جالس جمبي وهادي طالعت في : سلطان وبعدين خلاص ياخي .. طالعت بنواف : في حرقة بقلبي يا نواف .. في وجع غريب بقلبي .. البنت الوحيدة الي حبيتها بتتزوج اليوم .. حطيت يدي على كتفه : ياخي ما يصير الس تسوي ترا مو اول وحده ولا اخر وحده عشان كذا خلاص انساها ما يصير تفكر فيها .. طالعت في : مو بيدي يخوي مو بيدي غصبن عني حبيتها انا الي يقولون مالي بأرض المحبة مكان صرت عاشق .. وفوق كل ذا تروح مني .. وقفت السيارة : سلطان اعرف انك زعلان بس الي تسوي ماله داعي تزوجت خلاص قول الله يستر عليها ويوفقها وكمل حياتك .. نزلت راسي مو عارف وش اقوله .. رفعت راسه : لو كل شخص تزوجت حبيبته وسوا الي قاعد تسوي كان الحين نص شباب السعودية منتحرين او رايحين فيها .. خلاص ابي اشوفك تبتسم وتنسا كل شي .. طالعت في وابتسمت : كذا يعني .. شغلت السيارة وكملنا بس خطرت على بالي فكرة : تدري شلوون بنرجع طالعت في بسرعة : وييين ابتسمت له ولفينا : بنرجع للعرس وبتكون واقف مع عيال عمك .. اذا تبي تتخطى حزنك ذ واجهه مو تهرب منه عشان كذا بنرجع .. جيت بتكلم بس قاطعني : اشش ولا كلمة . سكت وانا اطالعه بعصبية .. __________________________________________ واقفات انا وسديم جمب بعض : الحين ذا عرس .. طالعت فيها بسرعة : سحر موب ناقصينك انتي بعد خلاص عاد .. طالعت فيها : شقلت انا .. ام فارس : سديم .. تعالي طالعت بسحر : اذا بتسوين شي يزعج امي او رامي ارجعي البيت من الحين .. خليتها ورحت لمرت عمي : ها عمتي تبين شي .. ام فارس : يبنيتي وين غنى ما شفتها .. سديم : راحت للعروسة فوق الحين تجي .. ام فارس : زين .. وانتي شخبارك يبنيتي سديم : بخير الحمدالله .. ام ثامر : سديم ملاك وينهي .. سديم : ملاك مدري والله .. بس تلاقينها فوق ام ثامر : مو فوق بعد .. طالعت حولي ادور عليها : خلاص بشوفها وبجي .. ام ثامر : بسرعه بسرعه .. رحت ادور على ملاك .. كنت طالعة من دورة المياه - اكرمكم الله - ودق جوالي : الوو .. الوو .. الوو قفلت وحطيته بالشنطه بس لمحت شخص واقف عند الباب وقربت بشويش وسمعته يتكلم بالجوال : ابييك تدوره ما دخلني شلوون .. اي سافر لندن وبعدها اختفى .. اسمعني ذا اخوي وتوأمي فاهم ابيك تدورونه وتجيبونه من تحت الارض .. عبدالعزيز محمد ال ... المهم اعرف هو كويس ولا لا .. جيت بروح بس صدم راسي بالباب : اووووش .. لفيت بسرعه وشفت بنت واقفه قربت منها : شقاعده تسوين هنا .. طالعت في وانا حاطه يدي على راسي : اووف .. ولا شي جيت بشوف مين واقف هنا .. قربت منها : تتجسسين عليا يعني .. طالعت في : تستهبل اكييد .. ولي بتجسس عليك مثلا وش بيني وبينك .. طالعت براسها واثر الضربه مبينه : ملاك راسك .. حطيت يدي على راسي : اووف هذا اخر الفضول الي ماله داعي .. ابتسمت عليها : حطي عليها ثلج تروح .. فتحت عيوني : ولي تضحك انت .. طالعت فيها : ما ضحكت بس ابتسمت وخرت خطوتين : افرقت على اساس يعني جيت بروح بس وقفتني : بسألك شي .. لفيت عليها : وشو .. بلعت ريقي : بس لا تفهمني غلط ممكن .. رفعت حاجبي : تكلمي .. طالعت في " يا ربي يجننن وش ذا " : انين لي تطلقت من زوجها الاول .. طالعت فيها باستغراب : ولي حابه تعرفين .. رفعت كتوفي : يعني انين بنت حبابه وكويسه وطيوبه يعني مدري .. وقفت عالحيط : انتي تهقين لي تطلقت .. طالعت في : في احتمالين اول واحد انه هو مو كويس والاحتمال الثاني انه انين ما تبي وتزوجته غصبن عليها .. طالعت فيها وابتسمت : تصدقين وش الحلو بالموضوع .. انه احتمالاتك كلها صحيحة واحتمال ثالث انه ضحت بنفسها طالعت في : بس تعرف شي اختك بنت مستحيل تلاقي مثلها اثنين .. طيبة وجمال وقلب ابيض كل هالاشياء شفتها عند اختك بس .. عبدالرحمن : انين بنت ما في زيها اصلا فريدة من نوعها .. ملاك : طيب امك لي ما جت انين كل الوقت تسأل عليها حرام والله .. طالعت فيها باستغراب : امي ما جات .. هزيت راسي ب لا خليتها ورحت بسرعه : شلووون ما جت شلووووووون وش حالة انين الحين .. رجعت داخل وشفت سديم واقفة قدامي : وش ذا الي شفته .. طالعت فيها : وشو .. مسكتها من يدها واخذتها على جمب : ملاك لا تستهبلين علي .. شلوون تتكلمين معه كذا الي يشوفكم يقول متزوجين .. طالعت فيها : عادي ترا ما سويت شي وفوق كل ذا لابسه عباتي وطرحتي وتكلمنا عن اخته بس .. طالعت في مو مصدقة : اكيييد استخفيتي انتي .. مسكت يدها : امشي بس امشي نسيتي نفسك شكلك امشي .. حطيت يدي على راسها : امشي احط لك ثلج على راسك طالعت فيها وابتسمت : الله يصبرني بس __________________________________________ كنت جالسة وجمبي سارة حطيت راسي على كتفها ونزلت دمعتي : كنت اتمنى امي تكون معايا .. حتى لما تزوجت اول مرة تمنيتها هنا والحين قاعدة اتزوج وامي مو جمبي .. كنت اسمعها ودموعي تطيح : تصدقين يا انين اني كنا اغار منك وااجد .. يعني مدري انتي كنتي احسن مني بكل شي .. وامي علمتني اكرهك من يوم جيتي .. حتى خلتني اكره اخواني .. انين امي ما تكرهك انتي امي تكره ابوي بس ما تقدر تقول .. امي تكره ابوي لانه خانها عشان كذا انتي تحملتي هالكره .. وتحملتي كل الوجع ذا .. كنت اصيح بهدوء : تصدقين اني احبها .. والله حاولت اكرهها بس ما قدرت .. حبيتها من قلبي .. حتى لو كانت تكرهني وما تبيني بس انا احبها .. هي بحسبة امي الي ما جابتني .. سارة كل الي اتمنا امي تكون معايا والله .. تكون جمبي وتمسك يدي .. تقولي لا تخافين يا بنيتي .. تقولي انا معاك .. انا ما بخليك والله ما ابغا شي ثاني .. طالعت فيها وحضنتها : انين تكفيين سامحيني .. انتي بس سامحيني والله سويت بك اشياء كبيرة تكفيين سامحيني .. حضنتها وانا اصيح بقوة : لي كذا قاعد يصير فيني .. لي كذا قاعده اتعذب والله ما سويت شي بحياتي .. لي كذا قاعد يصير فيني لييي .. كانو عهود وليين وميهاف وعبدالله وعبدالرحمن واقفين عند الباب يسمعون كل كلامهم .. مسكت يد عهود وانا اصيح : انين قاعده تصيح .. وش بنسوي مقدر اخليها كذا .. طالعت بميهاف : اشش خلاص .. بنات امسحو دموعكم مابي انين تشوفكم كذا تكفون .. كانت دمعتي على طرف عيني ودخلت عندها : عروستنا وش تسوي .. طالعت بعبدالرحمن وقمت بسرعة حضنته : تكففى خذني من هنا .. ما ابغا اتزوج خلاص .. عبدالرحمن ابي اممي .. تكففى جيببولي امي .. جيبوها حطيت يدي على راسها : انين اهدي .. خلاص ما يصير الي تسوينه .. بتخربين مكياجك .. طالعت بعبدالله : امي ما بتجي صح .. اليوم بكون وحيدة ما بكون معي احد .. طالعنا فيها : بس حنا معاك .. طالعت بالبنات وحضنتهم وقمت اصيح بكل ما عندي من الم بقلبي : تعرفون معنى ما تكون امك معاك بعرسك .. تنزفين وما تمسك لك بدلة العرس من ورا .. تساعدك تقعدين عالكوشة .. تكون جمبك وقت ما تحتاجينها تقول لك تبين شي يبنيتي .. وقت يجي العريس تقرب منه وتقوله انتبه على بنتي تراها امانة برقبتك .. انتبه على بنتي هذه نور عيوني .. ام الي يوم بتطلعين مع عريسك تمسك نفسها ما تبكي بس يوم تحضنينها تطيح كل دموعها بحضنك .. كانو البنات حاضنات بعض ويصيحون سوا وكل وحده تصيح بس مو على شي معين .. كلهم يصيحون على الم انين الي مو لاقيين له دوا .. طالعت بعبدالرحمن : ما بسامحها طول عمري .. مسحت دمعتي وجيت بتكلم بس خلاني وطلع .. طالعت بالبنات : يا بنات .. بعدنا عن بعض وطالعنا بعبدالرحمن .. مسكت يد انين : انين امسحي دموعك .. ما ابغى اشوفهم ابد انتي فاهمة .. هزيت راسي ومسحت دموعي .. طالعت بالبنات : بطلب منكم طلب واحد .. انين لا تخلونها لحالها .. ابيكم تهتمون فيها ما ابيها تحس بأي حزن اليوم ممكن .. طالعنا بأنين وابتسمنا : لا تخاف .. انين اليوم بنتنا كلنا وما بنخليها زعلانه ابد وبنفرحها بعد .. طالعت بالبنات وطلعت ورحت لابوي .. مسكت يد انين : يلا خلينا نمسح دموعنا وضبط مكياجنا بسرعة .. ميهاف : المصورة جت وتنتظر .. طالعت بسارة : سارة ممكن تطلعي جوالي وتقولين لثامر المصورة جت .. سارة : اوكي .. جلسنا نعدل مكياج انين وبعدها نزلنا وطلعت ملاك وام ثامر وسارة عشان صور ثامر وانين .. كنا جالسين نتصور انا وثامر والمصورة تقول لنا شمال ويمين وحنا مو عارفين وش نسوي وكيف نطالع ببعض او نلمس يدين بعض .. المصورة : امسك يدها وطالعو ببعض .. طالعت فيها وما عرفت كيف بمسك يدها : شسمه .. يعني .. قاطعته ام ثامر : اخلص عليها يوليدي .. باقي شغل واجد عالمسكينة .. مسكت يد انين بس حسيت بشعور غريب وطالعت بعيونها وكان فيهم شي يجذب .. اول ما مسك يدي حسيت بكهربا ضربتني حسيت بشي صعب ينوصف صراحة وش هالشعور الي صعب ينوصف ولما طالع بعيوني حسيت قلبي يدق بسرعة عجزت افهم وش هالشي الغريب .. المصورة ابتسمت : خلاص تقدرون تفكون يدين بعض قلنا صورة وحده بس .. الحين حط يدك على خصرها وانتي اعطي ظهرك .. تكفون خلونا نخلص الصور عشان نكمل مع الباقي طالعت بالمصورة بصدمة : وين احط يدي .. ام ثامر : يوليدي شفيك هذه زوجتك .. ملاك : يلا يلا .. مستحيين يعني .. طالعت بأنين : عادي .. نزلت راسي بموت من الخجل مو عارفه وش اجاوبة او وش اقوله .. سارة : اي عادي عادي حطيت يدي على خصرها وحسيت فيها ترجف ومو مرتاحة وانا كنت مو مرتاح : ممكن بسرعة .. اخذنا صور وخلصنا : اخيييرا .. المصورة : اخوان العروسة بيتصورون .. سارة : اي اكييد .. دقيقة طلعت عند الباب وناديت عليهم : عبدالله عبدالرحمن تعالو .. دخلنا وتصورنا مع انين وثامر وبعدها طلعنا كلنا ودخلو البنات وقامو يتصورون معاها .. __________________________________________ دخلنا عند الرجاجيل وشفت فيصل ونايف قدامي : السلام عليكم .. طالعنا فيهم : وعليكم السلام .. شايف جيتو نواف : وين الباقي .. فيصل : ياسر وفهد راحو عند امي مدري شتبي فيهم والتوأم مع المعرس يتصورون وحنا واقفين هنا مزهريات عند جدي .. سلطان : اشوف واجد رجاجيل هنا نايف : اي والله ابو ثامر عازم كل الربع نواف : امشو نجلس .. مسكت يده بسرعة : انجنيت انت تبي جدي يفضحك قدام الرجاجيل خلك واقف .. طالعت بفيصل : شفيك بجلس رجولي تورمت .. نايف : جدي قال لا اشوفكم جالسين كلنا بنساعد حتى عيال عم المعرس ما سلمو من جدي والمشكلة الكل يعزز لجدي كان عمي ابو عبدالرحمن او ابو ثامر كلهم معاه .. دخلنا للمجلس وشفت سلطان ونواف : اخيرا جيتو ما بغيتو ياخي .. طالعنا بعبدالرحمن : ما لنا غنى عنك يولد العم .. طالعت بثامر وسلمت عليه : مبااارك .. منك المال ومنها العيال .. ابتسمت لسلطان : عقبالك يا رب .. طالعت في " الي كنت ابيها صارت لك " نواف : يا شباب انا تعبت بجلس يعني بجلس .. كنت اطالع فيهم من بعيد " لو ما صار الي صار كان الحين واقف معهم واساعدهم بعرس اختي وتوأمي .. حسبي الله على كل من كان السبب " ابو عبدالرحمن : ضامي .. وقفت بسرعة وبدون تفكير : سم يببا .. طالعت في بسرعة انا فهد .. انتبهت على نفسي وما عرفت وش بسوي .. ابو عبدالرحمن ابتسم : يوليدي عطني الدلة الي عندك والفناجين .. مسكتها وطالعت في : انت استريح وانا اصب القهوة لا تخاف .. ابو عبدالرحمن : هذا العشم يوليدي .. جيت بروح بس مسكني فيصل : ضامي شسويت .. طالعت في : كنت قاعد افكر في ويوم ناديني مدري شصار فيني .. قلتها بدون تفكير تكففى يا فيصل خلني اسوي شي خلني احس اني اساعد بعرس اختي تكففى .. حسيت انه زعلان ويبي يسوي شي : زين .. ابتسمت له ورحت .. كنت اطالع فيهم من بعيد " كيف بكلم ضامي الحين كيف بفهم منه وش الي قاعد يصير " .. ___________________________________________