ﻋﺬﺑﻨﻲ أنينهآ - الفصل 37 - بقلم هدوئي كارثة - مكتملة | روايتك

صحيت لصلاة الفجر وكانو البنات نايمين عندي وقمت اصحي فيهم للصلاة : عهود ميهاف قومو للصلاة .. بنات تحركو يلا .. رفعت راسي بشويش : شفيك .. مسكت يد ميهاف : يلا عالصلاة .. قومي قمت وانا دايخة وفيني نوم : فيني نووم الف .. رحت لعهود : عهود .. عهود فتحت عيوني بشويش : هاا .. مسكت يدها : قومي يلا الصلاة بتروح عليكم .. هزيت راسي : دقيقة بس .. طالعت فيهم : بروح اصحي الباقي بسرعه قومو .. يلا تحركو .. طلعت من الغرفة ورحت لغرفة تسنيم وكانت نايمة عندها اريام : تسنيم .. اريام قومو .. فزيت بسرعه : شصاير طالعت بأريام بخوف : بسم الله عليك .. لا تخافين ما في شي .. قومي للصلاة سندت راسي عالحيط : مالي ساعه نايمة .. قربت من تسنيم : تسنيم .. تسنيم طالعت فيها بتعب : قمت قمت .. طلعت ورحت غرفة سارة وكان عندها ليين : صباح الخير .. صاحيات اشوفكم .. طالعنا بأنين : ما نمنا للحين طالعت فيهم بعصبية : يا سلام وبتنامون بالعرس يعني .. قومو صلو ونامو طالعو عيونكم شلون مفقعه .. بروح اصحي ابوي .. دخلت غرفة ابوي بس ما لقيت امي " امي موب هنا .. غريبة " : يببا .. يببا ابو عبدالرحمن صحا : ها .. انين في شي انين : لا يببا بس أذن الفجر ابو عبدالرحمن قام : صحي خواتك .. انين : صحيتهم يببا .. ابو عبدالرحمن : بروح اتوضا وانزل المسجد .. قفلي الباب وراي .. انين : اخواني بجون الحين ابو عبدالرحمن : لا بعد صلاة الظهر .. طلع ابوي للمسجد ورجعت للبنات : اسمعو مين بتنام الحين .. البنات مع بعض : انااا طالعت فيهم : لا والله .. لا تنسون ورانا عرس واخواني بجون بعد صلاة الظهر .. سارة بنعس : خلاص بنفرش بغرفتي وبنام سوا كبيرة وبتسعنا كلنا .. ولما يجون الشباب صحينا زين .. عشان لا نتأخر تعرفين ورانا صالون رجعت غرفتي ورميت نفسي عالسرير وكنت بنام بس مدري لي خطر على بالي ضامي : لي سوا كذا .. يعرف اني متزوجة متأكدة في شي ولا لي كانو فيصل وفهد معاه .. وش السالفة يا ترا .. غمضت عيوني ودخلت بنوم عمييق .. __________________________________________ صحيت الصبح ونزلت عالفطور : صباح الخير ام فارس : صباح النور .. تعال افطر جلست وبديت اكل : الا وين الباقي ام فارس : فارس راح عند ثامر وجنى بغرفتها الحين جت من السوق راحت مع اخوك طالعت بامي : يمما شسويتي بقصتي .. ام فارس : يوليدي لي مستعجل .. في وقت طالعت بامي : تكفين يمما كلميهم اليوم .. ام فارس : ان شاء الله ان شاء الله .. جيت بتكلم بس سمعت صراخ جنى : يمممما .. يممما .. الحقيييي .. يممما وقفنا بسرعه وركضنا لجنى : شصاير .. شفيك .. حضنت امي بسرعه : يممما غننى حااامل .. غننى حامل هههه ام فارس بفرحة : وشوو .. حامل .. بنتي حامل الحمدالله .. معن : خرعتيني قلت صار لك شي .. ضربت معن على كتفه : يا غبي بتصير خال .. وانا بكون خاله وامي. جده .. واااااااو ام فارس : خلني البس واروح لها بتطمن على بنتي بشوفها .. معن : يمما بتروحين لها الحين من صباح الله .. بتخرعينها كذا .. جنى : بتشوفينها بالعرس لا تخافين .. معن : يلا يمما بلبس وبطلع للعيال اكييد يحتاجون مساعدة .. استودعناكم .. ام فارس : ربي يحميك يوليدي .. حطيت يدي على كتف امي : اوكي يا ام فارس .. والحين خلنا نفطر ونبدا نجهز نفسنا بنروح للصالون ورانا شغل .. ام فارس : وش بياخذني معاكم للصالون .. بروح اشوف مرام ( ام ثامر ) اكيد تبي مساعدة .. وانتي خلي السواق انتي والبنات بس لا تتأخرون يبنيتي ما نبي نتأخر .. جنى : اوكي ماما .. الا ابوي وينه ام فارس : للحين نايم .. طالعت بامي مستغربه : نايم للحين .. بطلع اصحي .. طلعت غرفة ابوي ودخلت عنده : يببا .. يببا ابو فارس بتعب : تعالي يا جنى .. قربت من ابوي وكان واضح عليه التعب : يببا شفيك .. وين ابو فارس الي يصحا من الفجر ويتم صاحي .. شسالفة يبببا ابتسمت على كلامها : شسوي يبنيتي .. كبرت وعجزت وما بقى شي عندي من القوة .. حضنت ابوي : لا تقول كذا يببا .. انت قوي وما في شي يخليك ضعيف ابو فارس : يبنيتي الواحد مننا يتمنا شي ويصير له شي ثاني لان هالشي مو بيدينا .. رب العالمين اعلم بحالنا واعلم بكل شي خير لنا .. حسيت بشي غريب ببوي : يببا في شي مخبي عني .. حاسه في .. يعني مدري ابو فارس : كل شي بوقته حلو يبنيتي .. طالعت ببوي " شسالفه .. ابوي متغير وااجد .. وضعفان .. متأكدة في شي " __________________________________________ صحيت من النوم وما شفتها نايمة : قووت .. قووت .. وين راحت هذه قمت ورحت غسلت وجهي وطلعت للصالة : قوت .. لفيت عليه : هلا حبيبي .. تعال جلست عالكرسي : اشوفك صاحية بدري جلست جمبه : نسيت اليوم عندنا مناسبة .. نايف : ايوالله نسيت .. ابتسمت له : افطر بسرعه عشان توديني لبيت عمي البنات مجتمعات كلهم .. طالعت فيها بنص عين : وعيال عمي بعد طالعت في اضحك : العيال كلهم نايمين بالاستراحه حتى اخواني فيصل وفهد وياسر .. نايف : اجل خلني افطر والحق عليهم هزيت راسي : اي صح حبيبي .. شسمه الفستان الي جبته طلع ضيق طالعت فيها : قوووت .. مسكت يده : تكففى تكفففى ثواني ببدله وارجع .. حبيبي انت .. بليييييز ابتسمت لها : خلاص خلاص باخذك .. وقفت وبسته على خده : حبيبي .. ربي لا يحرمني منك .. مسكت يدها : اذا كذا ما بتطلعين فكيت يدي وشردت بسرعه : خلص فطورك لين البس عباتي .. خلصنا فطور ورحنا نبدل الفستان ومن هناك رحنا بيت عمي ابو انين .. __________________________________________ كنت جالسة انا وامي نرتب الشنط القديمة حقت ثامر : يمما وين بروحون شهر عسل ام ثامر : والله اخوك ما يبي .. طالعت فيها : شلوون .. لي ام ثامر : يقول انين ما تبغا .. خلهم على راحتهم ملاك : ثامر وين الحين ام ثامر : اعتقد نايم .. روحي صحي طلعت لغرفة فارس وجيت بطق الباب بس سمعت صوته يتكلم مع احد .. كنت قاعد انا وفارس نتكلم عن عرسي : فارس قلتلك ما ابغا اطول بهالموضوع .. طالعت في بعصبية : هذه زوجتك الحين .. لا تجنني شفيك انت .. وقفت وطالعت في : نسيت تزوجتها لي انا فارس : لا ما نسيت .. عرفنا ما تحب البنت بس تعذبها كذا ما بسمح لك انا .. طالعت في : ياخي من قالك بعذبها .. اذا ما حبيتها اكون اعذبها شهالكلام .. جلست جمبه : ثامر اسمعني .. يمكن هالبنت تكون حب حياتك وتكمل عمرك معاها طالعت في وابتسمت : هالحب ما يواتيني .. والحين خلصني من هالمحاضرة حقتك لان راسي بينفجر منك ومن سواليفك .. مسكت يده : ثامر انتبه تجرح البنت .. هالمسكينة شافت بحياتها اشياء ما تنحمل .. ويكفي زوجها الاول سوا فيها اشيااء ماتصير بالعدو .. هزيت راسي : لا تخاف .. بحاول اني اسعدها ضربته على كتفه : لا تحاول .. ابيك تسعدها فاهم .. وقفت وشلته معي : مو كانك طولت عندي .. جلست عالسرير مره ثانية : الحين دورك تسمعني ثامر : وش صاير .. بعدت عن الغرفة بشويش " انين كانت متزوجة من قبل .. وثامر اخوي ما يحبها طيب لي مجبور يتزوجها .. وش السالفة " طالعت في : بنت عمها قالت لك هالكلام .. هزيت راسي : تدري يوم كانت تتكلم .. حسيت بالبنت يعني حسيت بعذابها انا بعد ما كان لازم اسوي الشي الي سويته واعطيها امل .. انسدحت عالكنبة : مدري والله وش اقولك .. انت لي ما تحاول تكلم امك وتخطبها .. طالعت في وضحكت : هههههه اخطبها مجنون انت مقدر .. ثامر : وش الي يمنعك .. فارس : اليين طالعت في : تدري شلوون .. اقول تكلم امك وتخطبها وكذا نكون عيال عم تزوجنا بنات عم شرايك .. طالعت في وضحكت : ههههههه اكيد استخفيت انت قال بنات عم .. وقفت وطالعت في : صدقني بتخسر حب جاك من الله .. احمد ربك في احد حبك لنفسك مو عشان فلوس او انتقام .. طالعت في ونزلت راسي وكنت عارف انه يقصد الين : وبعديين .. ضربته على راسه : تبي تتضايق تضايق بس انت الي بتخسر بالاخير صدقني .. طالعت بثامر : انت مو قادر تفهمني .. انا للحين احب الين احبهها طالعت في وبديت اعصب : انت شفييك ااه . تبي تجنني يعني هذه بنت كذابه ونصابة وحقيره بعد .. خدعتك واخوها بغا يذبح اختي ورنيم نايمة بالمستشفى .. مو مصدق انك تفكر فيها للحين .. خلاص انساها انساااااهاا .. طالعت في وتضايقت من كلامه وخليته بالغرفة وطلعت منها .. جلست عالكنبة افكر بالكلام الي قلته : استغفر الله بس .. يا رب سامحني كيف كذا تكلمت .. لا حول ولا قوة الا بالله .. __________________________________________ راحو البنات الصالون يتجهزون بس الحلو بالموضوع انهم كلهم حاجزين بنفس الصالون دخلت وشفت بنات واجد قربت من ليين : ذي مو اخت ثامر .. قربت من ميهاف : اي والله اخته .. دخلنا وطالعنا فيهم : السلام عليكم .. البنات : وعليكم السلام .. قمت وسلمت على عهود : وش ذي الصدفه عهود : والله كذا بنتسلا ميهاف : شلوونكم .. سديم : بخير وانتو ميهاف : اخر رواق يقلبي ملاك : انين وينهي عهود : انين ما تحب شغل الصالونات بروحون لها البنات عالبيت ومعاها قوت بنت عمي .. جنى : هذا يعني صبغت وخلصت .. طالعت فيها وضحكت : انين تصبغ شعرها هههه مستحيل .. طالعنا بميهاف : شرايك نبدا .. جلسنا الي تسوي شعرها والي اظافرها ولا مكياجها لين صارت الساعة ثلاث العصر : بنااات عبدالله متصل فيني اربع مرات .. يا وييلي طالعت فيها بخوف : وعبدالرحمن متصل فيني مرتين بعد .. مسكت يد ساره : اتصلي في بسرعه اخاف اتصل بعبدالله نتهاوش الحين .. اخذت جوالي واتصلت بعبدالرحمن : هلا .. للحين لي .. احللف .. شلووووون .. طيب طيب بتصل وبشوف .. اوكي خلاص .. سلام طالعت بعهود : مصيييبه .. طالعنا كلنا بسارة : شصااار ساره : المصورة يبغا لها ساعتين حتى توصل والصالة صار فيها حريقة .. كل البنات بصوت واحد : شلوووووووووون طالعت فيهم : لا لا تخافون سيطرو عالحريق هو بس الغرفة الي جمب غرفة انين صار فيها حريق بسيط بس قالو بسيطرون عليه .. ليين : يعني بيكملون العرس ولا شلوون ملاك : خلني اتصل بثامر وافهم منه .. الكل كان خايف ومتوتر الا وحده جالسة بالزاوية وفرحانه باللي صار " الحمدالله الي صار هالحريق .. ان شاء الله يلتغي الزواج " ضربتها على كتفها : شفيك .. وين رحتي طالعت بسديم : ما في شي .. رجعت للبنات : لا تخافون لا تخافون .. مو حريق ولا شي تعرفون الشموع حقت الزينة ماسكه بالورد وانشعلت النار بس مو شي خطير لحقو عليه .. بس الحمدالله محد كان بالغرفة .. عهود : الحمدالله .. يلا بنات عبدالله بكون هنا خلال دقايق .. طالعت بملاك بحقد " مبسوطه انه اخوها بيتزوج هالبنت .. ليتها النار مسكت فيها وانحرقت وارتحت منها .. بتاخذ ثامر مني .. بس ما بخليها تستانس .. اوريهم " خلصنا وطلعنا مع عبدالله وفهد ولد عمي .. عبدالله بعصبية : كلمتك اربع مرات لي ما تردين كنا خايفة منه ومتوترة : ما سمعته .. كنت مصمته الجوال .. طالعت فيها : عهود .. هالحركات ما ابغاها سارة تهدي الوضع : عبدالله وراك عالبنت ترا كلنا ما انتبهنا حتى انا عبدالرحمن متصل فيني ما رديت شفيك .. طالعت بسارة : انتي اسكتي .. تسنيم : انين راحت الصالة ولا بعدها عبدالله : اعتقد راحت هي وثامر .. بينتظرون المصورة وبعدين بينزلون . ليين : عهود عطيني شنطتك شوي .. عهود : ايش تبغي فيها .. ليين : باخذ اكسسواراتي .. اعطيتها الشنطة وانا معصبة وزعلانة : خذي .. وصلنا الصالة ونزلنا كلنا الا عهود : افتح لي الباب طالعت فيها : عهود شفييك .. لفيت عنه : ما فيني شي .. افتح لي الباب مسكت يدها : زعلتي مني .. خلاص اسف طالعت في وشديت يدي : تصارخ علي قدام البنات وتعتذر بيني وبينك .. طالعت فيها بنص عين : شسوي يعني .. اوقف بنص السعودية واعتذر منك طالعت في وانا مابي اصيح : وتستهبل علي بعد .. لو سمحت عبدالله افتح الباب .. طالعت فيها : زين .. انزلي يلا فتحت لها الباب ونزلت بدون لا تتطالع فيني عارف انها مضايقة وعارفة اني ما احب حركات البزران هذه .. دخلنا كلنا الصالة وكانت تحفففففة .. ممر الدخول مقسوم رجال ونساء .. وكانت الازهار الي حاطينها تجنن لونها ابيض على شكل قوس .. ويجي ممر وااسع يدخل عالصالة من الداخل في ساحة كبيرة للرقص وفي فوق اضواء بكل الألوان وحركات خفيفة .. وعالجنب في طوايل تصميمها كلاسيكي .. يعني لا فخمة ولا متوسطة .. وفي صدر الصالة في مسرح وفي طريق ملون بالورد الابيض كان ممر طويل مليان بالشموع الصغيرة والورد الأبيض كان منظره سااااااحر .. وبالأخير في كوشة كبيرة كلها ابيض وعلى شكل قلب كبيييييير وبالنص يجي المكان الي يجلسون في العرسان .. وفي على الجنب الطوايل والجنب الثاني بوفيه مفتوح وشكله طالع رهيييب .. وفي بالجهة الثانية درج يودي للطابق الثاني الي فيها غرفة العروس وغرفة الانتظار وغرفة ثانية لعائلة العروس وغرفة للتصوير .. كان المكان فخخم جدا جدا جدا .. والزينة اختارتها انين بمساعدة ثامر طبعا 😍 طلعنا لغرفة انين وفتحنا الباب بس الصدمة كانت باللي شفنا .. كنا نطالع فيها بصدمة .. ميهاف : مين هذه .. ملاك : انين عهود : ملاك مو انين ليين : مستحيل اصدق هذه انين .. جنى : طالعة .. مدري وش اقول سارة : بسم الله عليك من العين تسنيم : صلو على النبي بتحسدونها سديم : البنات معاهم حق يخقون .. اذا انا خقيت شحال ثامر طالعت فيهم وضحكت : خلاص عاد .. يكفيني احراجات .. دخلت الغرفة وشفت جيش كامل : بسم الله شصاير هنا .. طالعنا بقوت : وش مسويين بأنين .. ضحكت وطالعت فيهم : والله عاد ما سوينا شي حمام مغربي على جلسة تركية على عناية بالبشرة على تنظيف للوجه وشوية لعب بالعيون والشعر والفم وطلع معانا ذا الملاك الصغير الحلو .. قربت من انين : قلبببي طالعه تجننييين .. حضنت ميهاف بقوة : مشكورة كنت واقفة اطالع فيها وانا قلبي مليان كره لها " مو حلوه .. عادي اصلا تقرف .. سحر تضحكين على نفسك البنت طالعه تجننن وش ذا .. في احد عنده الجمال ذا كله " فكيت ميهاف : لي تبكين .. طالعت فيها : مدري .. كذا نزلو دموعي كنا واقفات نطالع فيهم : خلاص عاد بتبكونا .. طالعت بسارة وعهود وليين : تعالو انتو بعد .. حضنتهم كلهم وكنت احاول قد ما اقدر اني ما اصيح : بفقدكم والله .. عهود بصوت باكي : يا حيوانات بتخلوني ابكي واخرب مكياجي .. كنا نطالع بالبنات حاضنين بعض ويصيحون .. ملاك تلطف الجو : خلاص عاد بتقلبونها دراما بنصيح كلنا ترا .. قوت تمسح دموعها : تصدقون وحنا نسوي شعرها قامت تبكي .. ميهاف : انا اعرف لي .. طالعت فيها : لي يا ست ميهاف .. حضنتها بقوة وبمزح : لانها بتكون مسؤولة عن موت ثامر اليوم من هالجمال هههههههههه ضحكنا كلنا على كلام ميهاف : هههههههههههه دخلت ام راكان : يا بنات الي ما لها شي هنا تنزل تحت العريس بيدخل .. كنت بطلع وتذكرت شي : اي صح .. خلونا نتصور قمنا نتصور كلنا مع بعض وصورت انين لوحدها وخليت عهود تصورني معاها .. ملاك : انا ببقى معاها هنا .. هزيت راسي : اوكي .. @ خليني اوصف لكم أنين :- .. فستان العرس يجي ماسك على الصدر لين نص الخصر .. مع نفشة كبيرة لين تحت .. ويجي في ذيل طوييل من ورا .. وفي حزام ابيض عند الخصر على شكل وردة بسيط .. مع كريستال صغير على كل الطبقة الي فوق .. من بعيد يبين كانه لمعة سكرية .. ومن تحت يجي طبقتين واحده بيضا سادة .. وفوقها قطعة شفاف مليانة لمعة ثقيلة تجذب العين .. وتسريحتها بسيطة ورائعة بنفس الوقت .. مسوية بف خفيف فوق .. وماخذة نص الشعر ومسويتة كيرلي وحاطته ورا .. والنص الثاني مسشورينه وحاطينه عالجنب .. وحاطة تاج لونة ابيض الماسي .. في لمعة حلوة كانه الماس حقيقي هدية من ام ثامر .. ومو حاطة اي خصل زيادة على شعرها يعني تسريحة تقدر تفكها براحة .. ومكياج هادي وبسيط لا ثقيل ولا خفيف .. حاطين لها ميك اب هادي يلائم وجهها .. مع ايلاينر جميل بارز عيونها .. وكحل يعطي عيونها نظرة تجذب .. وبلاشر يحدد وجهها الجميل .. مع سموك هادي على عيونها .. وروج احمر ساطع .. @ دخلت عندها وانا مستحي ومنزل راسي بالارض .. رفعته بشويش ويا ريتني ما رفعته كيف بنزله الحين " بسم الله ما شاء الله .. تبارك الله .. اللهم صل وسلم على نبينا محمد " .. كنت احاول اتهرب من نظراته لي " يا ربي بيغمى علي وش ذا .. لي يطالعني كذا كانه مو شايف بنت بحياته من قبل " قربت منه وضربته على كتفه : ها عجبتك .. ما كنت حاس بالي قاعد اقوله : وش ذا الجمال في كذا .. نزلت راسي وانا اتمنا تنشق الارض وتبلعني " اوووف يا ربي وش ذا " مسكته من يده : ثامر حبيبي شفييك مو كذا طالعت بملاك : ها .. شلون طالعت في وقمت اضحك : الرجال خق خلاص .. راح فيها ملح وربي قربت من ملاك بشويش وبهمس : هذه انين هزيت راسي : ايووه قربت منها عشان ما تسمعنا انين : هي حلوه كذا هزيت راسي وانا ماسكه نفسي مابي اضحك : الا احلا من كذا .. طالعت بأنين ورجعت لملاك : لي احس الكلام مو قادر يطلع مني يوم اطالع وجهها .. طالعت في : جمالها الغى كل شي .. والحين بتركم لحالكم المصورة بتجي خذو كم صورة وبعدها لما نناديكم انزلو اوكي .. اول ما طلعت ملاك طالعت بأنين : اجلسي لا تتعبين الحين .. جلست وانا ميته خوف .. طلعت جوالي التهي في عشان ما اطالعها .. كان السكوت سيد الموقف لين جتني الكحة .. قمت اكح بقوة واحس اني بختنق .. وقفت بسرعه ورحت لها : شفييك .. انين .. شفييك طالعت في وبصعوبة : موويه .. ابي مووويه رحت بسرعة وصبيت لها موية : خذي اشربي شربت وانا احس روحي بتطلع .. حطيت يدي على ظهرها لا اراديا : انتي بخير حسيت بشعور غريب يوم حط ايده على ظهري وما كنت مرتاحة : بخيير .. بس شرقت انتبهت على نفسي ووخرت عنها .. طالعت في : مشكور .. هزيت راسي : م سويت شي .. نزلت راسي " يا ربي وش بسوي الحين .. احس بشعوى غريب احس بنار داخلي .. اوووف بس جالسين كاننا اغراب الي يشوفنا ما يقول ذا عرسهم محد يكلم الثاني .. والحل الحين وش بسوي .. يا ريت لو ميهاف هنا " طالعت فيها : مو كاننا زودناها شوي طالعت في مو فاهمة شي : مفهمت حطيت بشتي عالكنبة : يعني نتصرف كاننا اغراب فتحت عيوني : هاا .. " يقرا افكار ذا ولا شلون " طالعت فيها : يعني خلنا نتصرف عادي شرايك .. مو كل الي تزوجو حبو بعض صح يعني مو لازم نحب بعض عشان نمون على بعض .. خلنا نكون طبيعين احسن من الجلسة ذي .. طالعت في وابتسمت : قلت الكلام الي براسي .. ضحكت لها : خلاص اجل .. نتصرف عادي يعني الخجل وكذا مو ضروري طالعت في : يعني انت غريب عني شوي .. ما اقدر اتصرف معاك على طبيعتي بسرعه خلني اتعود بالاول .. كذا بكون مرتاحة اكثر يعني خلني على راحتي واسوي الشي الي يريحني عشان اتعود اسرع ممكن .. هزيت راسي : اووكي .. اتفقنا ابتسمت وطالعت في : اووكي .. اتفقنا __________________________________________