ﻋﺬﺑﻨﻲ أنينهآ - الفصل 32 - بقلم هدوئي كارثة - مكتملة | روايتك

صحيت من النوم وطالعت ما لقيته نايم عالكنبة والبيت معفوس عفس وكل شي مكسر ومخترب حطيت يديني على راسي موب عارف وش اسوي .. وقفت وطالعت بالساعة وكانت ثلاثة العصر : الحين وش بقول لفيصل وسارة .. الله ينتقم من كل شخص كان السبب بدمار حياتي .. طلعت الغرفة وتروشت ونزلت اخذت جوالي ودقيت على فهد : السلام عليكم فهد : وعليكم السلام .. شلونك الحين ضامي : مدري .. مدري يا فهد فهد : ضامي اذكر الله ما يصير الي تسويه .. ضامي : وش اسوي يا فهد كل شي بحياتي اخترب وانعفس وصار فوق تحت .. فهد : متى بتشوفهم ضامي : بعد شوي فهد : خلاص قبل لا تاخذ الفحص قول لهم على كل شي صار امس معانا وبعدها افتحو وتأكدو ضامي : واذا كلامها طلع حقيقة فهد : اذا حقيقة بنشوف وش يصير ضامي : تكففى يا فهد انتبه احد يعرف شي فهد : افااا عليك يولد العم ضحكت غصبن عني : ما لحقنا بعد فهد : دخلت قلبي ورب البيت .. ضامي : اكلمك لما اخلص .. فهد : ان شاء الله .. وانتبه على نفسك زين طلعت من البيت ورحت الكوفي الي تقابلنا في ولقيت فيصل ينتظرني : السلام عليكم وقفت وسلمت عليه : وعليكم السلام انتبهت على الجرح الي بيده : عسا ما شر شصاير بيدك يا ضامي طالعت بيدي وابتسمت : لا تخاف ما في شي .. ساره ما جت فيصل : لا والله .. مالي مده جاي انا قربت منهم وشفتهم جالسين : السلام عليكم طالعنا فيها : وعليكم السلام .. جلست قبالهم : ها .. شصاير طالعت فيها ومديت الظرف لضامي : تفضل اخذته من فيصل وحطيته عالطاولة : في شي بقوله لكم بالأول .. طالعنا في : وشو ضامي : امس بليل رحت للسجن .. وشفت ذيك الحرمة .. سارة : طيب .. طالعت بسارة وابتسمت : وقالت لي مين انا .. ومين هم اهلي فيصل : من ..هم .. تكلم شقالت لك ( دخلت المركز وشفت الضابط : السلام عليكم اخوي .. الضابط : وعليكم السلام .. تفضل ضامي : في عندكم متهمه ابي اشوفها .. هي .. امي ممكن اشوفها بس خمس دقايق .. الضابط : عطني اسمها الله لا يهينك .. ضامي : اسمها خديجة ... الضابط : اي هذه .. هذه مسوية لنا دوشة هنا تبي تشوفك .. انت ضامي صح هزيت راسي ب اي : اي انا .. تكففى خلني اشوفها ما بطول .. الضابط : زين بس لا تطول .. يا حارس .. الحارس : تفضل رحت مع الحارس لغرفة : انتظر هنا بجي .. انتظرت بالغرفة لين شفتها تدخل مع الحارس : انا برا بنتظركم جلست قبالي بوجهها القاسي وابتسامتها الغريبة : شلونك .. ام ضامي : اخيرا جيتني .. طالعت فيها بحزن : ابي اسألك كم سؤال واروح ام ضامي : ومتأكد اني بجاوبك .. ضامي : اي بتجاوبيني .. ما عندك خيار .. وانا بساعدك تطلعين من هالمكان بأسرع وقت .. ام ضامي : ولي لازم اصدقك .. ضامي : لان ما عندك اي خيار .. ام ضامي : وش الي تبي تعرفه .. طالعت بعيونها : مين اهلي .. مين انا .. ام ضامي : للحين ما عرفت اهلك .. توقعت قالولك او عرفوك .. تنفست بشويش : اسمعيني .. مابي اعصب .. قوليلي كل شي .. ام ضامي : تعرف بقولك .. مو عشان بتساعدني .. عشان انت مالك ذنب باللي صار .. طالعت فيها : زين قوليلي كل شي ولا تكذبين علي لو سمحتي .. ام ضامي : قبل تسعطاشر سنة جتني وحدة تبي ترمي طفل .. يومها كان زوجي متوفي وما جاني عيال اخذتك منها وربيتك .. وكانت تسأل عنك كل اسبوع .. وبيوم جاني سؤال من انت .. يعني كنت صغير ومو باين انك سعودي .. رحت وسألتها .. مين هالولد ووش قصته .. قالتلي انه زوجها خانها مع وحدة اجنبية والنتيجة انت واختك التوأم .. بالمستشفى قدرو انهم يخطفونك وياخذونك منها وقالو لها انك ميت والبنت اخذها ابوها لان الحرمة ما تقدر تربيكم .. وبعدين قالو انها ماتت .. يعني امك ميتة .. كانت دمعتي على طرف عيني : طيب مين هي هذه الحرمة ومين ابوي .. ام ضامي : هالحرمة هي منيرة .. مرت محمد ال .. هالرجال هو ابوك رجال غني وربي معطي .. وامك اجنبية ما اعرف اسمها .. منيرة من حقدها على امك اتفقت مع الدكتور وقالو لامك انك مت .. طبعا ابو امك مشترك معاها .. كانت لعبة حقيرة منهم عشان يفرقوك عن اختك التوأم .. طاحت دمعتي ومسكت يدها : ولي ما حسيت بإختي .. لي ما حسيت بتوأمي ام ضامي : مين قال انك ما حسيت .. يوم كنت تمرض فجأة .. وتقوم تصيح .. وتتضايق بدون سبب هالشي لحاله كافي .. اختك ما اعرفها بس هالحرمة عذبتها .. كانت دايما تعذبها ما توفر فرصة ما تهينها فيها وتعذبها .. وتعايرها بإنها بنت حرام .. طالعت فيها : وانتي شلووون عرفتي كل ذا .. ولي كانت تقولك كل شي .. كيف تعرفين هالأسرار عنها ولييي ?? ام ضامي نزلت راسها : لان منيرة هذه .. هي اختي .. اختي من امي وابوي .. طالعت فيها منصدم : شلوووون .. ام ضامي : اي .. انا شردت من اهلي من يوم كنت صغيرة كنت احب واحد وتزوجته .. وسكنت بالفلله الي كنت فيها انت والبنات .. بس هو كان وده ولد يشيل اسمه واسم عايلته .. بس ربي ما رزقني ولد وجبت بنت .. بس هو ما يبي بنات عشان كذا ..ذبح البنت .. وبعدها انا ما جبت عيال ويوم منيرة جابتك لي قلبي حن عليك بس هو ما لحق يشوفك ومات .. وانا ما بقى لي شي فلوسي خلصت وكل شي عندي تدمر .. وقمت اشتغل بتجارة البنات .. كنت اطالع فيها مصدوم لساني عجز يتكلم او ينطق حرف وقفت بشويش وانا اطالع فيها طلعت من الغرفة ورحت لفهد بالسيارة .. طالعت بوجهه وبعيونه وواضح انه كان يبكي : ضامي شفيك .. شصاير .. طالعت بفهد : خذني للبيت مسكته من يده وركبنا بالسيارة ورحنا للبيت اول ما وصلنا دخل بدون لا ينطق بحرف : ضامي والله خوفتني شصاير .. شسالفة .. طالعت في وطاحت دموعي : كنت لعبة بين ايديهم انا واختي وامي .. كنا لعبة بينهم .. بين ناس حقيرة ما تعرف الله .. كنت اسمعه بدون لا افهم شي : مو فاهم شي .. طالعت بفهد وبعصبية : لييييي سووو كذاا .. لييي فرقووونا .. ولييي حرمونا من بعض ليييي .. مسكته من كتوفة : ضااامي هد .. صل على النبي .. علمني شصاير .. دفيته عني ووقمت اكسر بكل شي حولي : كذبووو عليها .. وقالو لها اني مت .. هم السبب بموت امي هم السبب بموتها .. مسكته وانا خايف عليه : ضااامي ضااامي .. اسمعني قولي شصاير .. طالعت بفهد وانا اصيح : انين اختي .. انين توأمي يا فهد توأمي .. نصي الثاني .. طالعت في مصدوم فكيته ورجعت خطوتين لورا : مين انين .. انين بنت عمي .. طحت على ركبي : حرموني منها يا فهد .. حرموني توأمي وامي واخواني .. حرموني عيشتي وحياتي كلها .. جلست عالكنبة من الصدمة : انين اختك .. وعمي ابوك .. ش..شقاعد تقول انت .. طالعت في : اخذو مني كل شي ورموني مثل الكلب .. ذبحو امي بقهرها .. وحرموني اختي وتوأمي .. واخواني وابوي .. حرموني عايلتي كلها .. نزلت لمستوى بسرعه وحضنته : خلاص هد .. هد .. اشش اذكر الله .. خلاص كنت اصيح كاني بزر : ليي سوت فينا كذا .. لي دمرت عايلتنا ليي .. لي احرمتنا من بعض .. لييي كنت حاضنه وانا منصدم ومتأثر بنفس الوقت : ضامي طالع فيني .. يمكن هالمعلومات غلط .. هزيت راسي ب لا : مستحيل .. حتى سارة قالت لي نفس الشي .. طالعت في : سارة .. شدخلها قلت له على كل شي : وبكرا بنتأكد حطيت يديني على راسي : يا ربي هالسالفه كايدة .. جدي لن عرف فيها بدمر الدنيا .. وش السوات الحين وش بتسوي .. وقفت وانا مدري وش بقول : مدري يا فهد مدري .. بكرا بنتأكد من الفحص .. مسكت يده وطالعت في : صدقني من يوم شفتك وانا حاس بشي بقلبي .. سوا طلعت ولد عمي هالشي بفرحني وانت ما كنا ولد عمي عز الله انك اقرب منهم كلهم لقلبي .. حضنته وانا احس بشعور غريب : مشكور يا فهد على وقفتك جمبي .. وما خليتني لحالي طالعت في : خلاص رح ارتاح ونام .. شف كيف تعبان وحالتك بالوييل طحت عالكنبة : تعبان يا فهد تعبان .. جلست عالكنبة قباله اطالع في : تخيل تطلع ولد عمي .. لو كنت من زمان كنا بنكون فريق الحين .. وكنا فرحانين ومحد بقولك شي .. بس الحين بتصير مصايب والكل بحلل من عنده وما بخلوكم بحالكم وبيتكلمون .. طالعت في وكان نايم : نمت .. قمت وجبت شي اغطي في وطحت عالكنبه الي قباله ونمت .. قمت الفجر وصليت وشفته نايم ما حبيت ازعجه رحت المسجد صليت ورحت البيت كملت نومي ) طالعت في ودموعي بعيوني : يعني انت اخوي نزلت راسي وانا اخفي دموعي : مدري .. وامي .. ذبحوها ذبحو امي .. مسكت يده : لا امك عايشة .. امك عايشة .. فيصل : طيب افتح الظرف .. فتحت الظرف بشويش وانا ارجف ودقات قلبي تتسارع طالعت بالنتيجة وطالعت بسارة : وش بنسوي الحييين .. سحبت الظرف من يده وطالعت في : النتيجة ايجابية .. يعني انت ولد عمي .. وقفت بسرعة وحضنته وانا ابكي : تكففى سامحها .. سامح امي .. حضنت سارة وانا اصيح : انتي اختي .. انتي اختي .. مسامحها .. مسامحها كنت اطالع فيهم ودموعي بتنزل : سارة .. ضامي اجلسو خلاص .. هدو تكفون ما يصير كذا .. باقي بعد اشياء وااجد ما عرفناها ونسيتو انه باقي الشباب وانين وجدي والعايلة كلها .. طالعت بضامي : ما نقدر نسوي شي الحين .. انين زواجها تحدد وعزوز موب هنا .. وابوي قاعد يدور عليك .. طالعت فيها بسرعة : شلووون .. زواج انين .. من من .. ومتتى فيصل : ثامر ولد سالم .. انت متعرفه ضامي : الا اعرفه .. ثامر .. بس متى صار هالشي سارة : امس بزواج راكان طلبوها .. ضامي : توأمي بتتزوج .. وانا ماني قادر اسوي شي .. يا رب .. حطيت يدي على كتفة : لا تخاف يا ضامي .. صدقني كل شي بينحل .. وانا بحل الموضوع بنفسي .. سارة : وانا من عندي ما بقول لاحد ليين نلقا الوقت المناسب .. امي اذا عرفت الحين يمكن تسوي شي وانا مابي هالشي يصير .. وفوق كل ذا سفرتي قربت وكل شي فوق بعضه .. ضامي : ومتى بترجعين .. سارة : هالسنة ضيعت مادة واجد بس عندي عطلة قصيرة بعد شهرين لمدة اسبوع وبحاول اجي عالسعودية ضامي : بننتظر شهرين .. واااجد فيصل : خل ننتظر يمكن بهالشهرين نقدر نمهد الموضوع للعيلة .. وبعد بخليك تجي معانا للمناسبات وتتقرب من العيلة .. ضامي : مدري يا جماعة خايف .. خلنا نعلم انين سارة : لا لا الا انين .. زواجها قريب واذا قلنا لها بتتلخبط وبتزعل وتنهار انا اعرفها صدقوني .. خلنا نصبر .. فيصل : ساره معاها حق .. خل نصبر شوي .. واذا على انين لا تخاف بتكون بزواجها .. ابتسمت له : وبتشوفها بطرحة العرس لا تخاف طالعت بسارة : مشكووورة .. مسكت يده : اخوي وحبيبي .. بسوي اي شي عشانك .. وبكون معاك فيصل : شباب .. الحين خلونا نرجع للبيت .. وانتي يا سارة انتبهي احد يعرف شي اوكي هزيت راسي : ولا يهمك .. ضامي ناقصك شي طالعت فيها وضحكت : اي ناقصني اشياء واجد طالعت في : يا قلبي انت .. اصبر شوي وكل شي بكون بخير .. فيصل : ضامي وين بتروح الحين ضامي : الشركة .. فيصل : اوكي خلاص .. سارة اوصلك البيت طالعت في بإستغراب : لا عادي .. بروح لحالي البيت موب بعيد .. فيصل : وش يعني .. خلني اوصلك .. ضامي : اي خليه يوصلك .. احسن .. اعذروني بروح الحين .. مع السلامة .. طلعت من الكوفي وانا احس بشعور غريب .. شعور عجزت افسره !! هل انا مبسوط اني لقيت اهلي .. ولا حزين لاني لقيتهم .. انين وعبدالعزيز وعبدالرحمن وعبدالله وسارة اخواني .. كلنا اخوان .. يعني في عندي اب وجد وعم وعيال عم .. بس لي مو مرتاح لي احس اني خايف منهم .. اذا انين ما تقبلوها لحد الحين انا وش بسوون معاي .. مابي افكر بهالموضوع وااجد .. طلعت مع فيصل وانا مستغربة : لي اصريت توصلني .. يعني مو من عاداتك .. فيصل : كنت ابي اتكلم معاك بموضوع مهم .. حالة ضامي موب عاجبتني .. وعيشتة .. يعني كيف بياكل وكيف بيشرب .. اعرف هو رجال وكبير بعد بس يعني ما نقدر نخلي على اكل المطاعم والعيشة كذا .. هو عارف اهله بس موب قادر يكلمهم .. سارة : معاك حق .. نفس هالموضوع مشغل بالي .. بس مدري وش بسوي .. يعني اذا بنعرفه عالعايلة ما هقيت الكل يتقبلة حتى كصاحب او كصديق للعايلة .. وفوق كل ذا بننتظر شهرين .. فيصل : عشان كذا لازم نعلم عبدالله او عبدالرحمن كذا بكون الشغل اسهل شوي طالعت في بسرعة : مستحيييل .. يمكن ما يتقبلون هالفكرة .. فيصل : لي لا .. بالعكس احساسي يقول غير هالشي .. انا متأكد انهن بيتقبلونه .. صدقيني سارة : مدري .. خايفة .. فيصل : انتي ادخلي البيت الحين .. وانا بفكر بالموضوع .. سارة : ان شاء الله .. مع السلامة فيصل : مع السلامة .. ساره .. طالعت في : هلا فيصل : شسمه .. خلاص ولا شي .. طالعت في بتفحص : في شي .. قول قربت منها شوي : شسمه .. انتي تطلعين كذا دايما .. يعني مدري طالعت بنفسي : قصدك بالعباية .. اي دايما فيصل : لا مو قصدي .. يعني بدون نقاب او تغطين وجهك .. هزيت راسي : اي دايما .. لي فيها شي .. عادي كلنا كذا نطلع بدون نقاب .. بدخل الحين .. شفتها تدخل ولفيت كملت طريقي للبيت : شدخلني انا تلبس ولا ما تلبس .. استغفر الله .. الحين تفكر بشي ثاني .. لا حوول بس .. وش يعني عادي بس يعني هي حلوه وتطلع كذا بدون نقاب ما يصير .. __________________________________________ صحيت من المخدر وشفتهم حولي كلهم : يمما .. يببا .. ام رامي : الحمدالله على سلامتك يقلبي .. طالعت بامي : يمما ابي موية .. عطشانة ام رامي صبت موية وعطتها : خذي يبنيتي .. ابو رامي : شلوونك الحين يببا .. ابتسمت لابوي : بخير .. وين سحر .. ورامي ام رامي : راحو يتطمنون على الطبيب طالعت فيهم باستغراب : اي طبيب .. ابو رامي : نواف الله يشفي .. هالولد طله كفوو .. تبرع لك بكليته .. ربي يطول بعمره ويعطي الي يتمناه يا رب .. طالعت بامي منصدمة : شلووون .. هو تبرع لي .. انا .. نواف .. ام رامي : ارتاحي يبنيتي .. الحين يجون اخوانك وتشوفينهم .. ابو رامي : انا بروح الحين .. برد بليل ان شاء الله .. انتبهي عليها .. ام رامي : ان شاء الله .. سندت راسي عالمخدة " نواف هو الس تبرع لي .. هو الي عطاني كليته .. كان يقولي مستحيل يصير لك شي .. نواف هو الي تبرع لي .. لازن اشوفه .. ضروري اشوفه .. " دخلنا انا وسحر الغرفة وشفناها صاحية : الحمدالله على السلامة .. طالعت فيهم بسرعه : نوااف شلونه .. طالعت فيها مستغرب : بخير .. بس وش عرفك انتي انه نواف .. ام رامي : ابوك علمها .. شلونه الحين رامي : بخير يمما .. اي يمما بروح البيت غنى لوحدها مابي اخليها لحالها ام رامي : اجل خذني معاك يمما .. بروح اجيب ملابس لاختك واجيب لها اكل .. سحر : وانا بظل عندها هنا .. رامي : اجل يمما خل نطلع .. انتبهي لها .. هزيت راسي : بعيوني سديم .. اول ما طلع رامي وامي طالعت بسحر : شلوون نواف .. كيف هو .. متى تبرع وشلوون .. جلست عالكرسي : نيالك يا بنتي عندك احد يحبك كذا .. تبرع لك بكليته .. ومستعد يضحي بروحه عشانك .. سديم : سحر موب وقتك الحين .. شلونه .. شخباره .. هو بخير .. سحر : اي بخير .. لا تخافين .. سديم : ابي اشوفه .. تكفييت خوذيني عنده سحر : انتي مجنونة .. مستحيل حاولت اقوم بس كنت احس بوجع : اااخ .. وقفت بسرعه ومسكتها : اجلسي يا مجنونة .. صار لعقلك شي .. كيف بتقومين .. جرحك جديد بعده ومستحيل اخليك تتحركين .. طالعت فيها : سحر تكفييين .. جلست عالكرسي : انسيي .. مستحييل ضربتها بالمخدة : حيوااانة .. سحر : الا صح .. شدي حيلك زواج ثامر قريب طالعت في مستغربة : واشوفك مرتاحة كنت ماسكة نفسي مابي ابين ضعيفة : وش اسوي يعني .. اروح اموت طالعت بعيونها : سححر .. تراني حافظتك .. اعرف انك زعلانه ومضايقة .. وضيقتك ما بتخلينها بقلبك واجد .. وش ناوية تسويين .. نزلت راسي : اتمنى اوقف هذا العرس .. وثامر يكون لي لوحدي .. بس ما اقدر .. ابوي بيذبحني وثامر ما بقصر بعد سديم : والحل .. طالعت فيها وابتسمت : بحط بقلبي واسكت .. حتى لو اموت بضيقتي ماني متكلمة .. مسكت يدها : صدقيني بتلاقين احد يحبك .. ويحترمك وبكون احسن من ثامر .. ضحكت غصبن عني : ههههههه .. مستحيل احب بعد ثامر .. او يدخل قلبي احد غيره غمضت عيوني : نعست .. سحر : طيب نامي .. وانا بطلع اجيب شي اشربه سديم : جيبي لي معك .. سحر : وش تبين .. سديم : اي شي .. سحر : اوكي .. ما بطول .. وبشوف لي شاحن .. طلعت من غرفتها ورحت الكافيتيريا وجيت اثنين شاي : يا ربي وين بلاقي شاحن الحين .. شفت واحد جالس ويشحن جواله وقربت منه : لو سمحت اخوي .. طالعت بالبنت : هلا تفضلي .. ابتسمت : ممكن استعير شاحنك شوي بس .. جوالي بيطفي علي واخوي لازم يتصل فيني .. طالعت بالشاحن " بس ذا لسلطان .. يلا عادي " : اي اختي اكييد .. خذي .. اخذت منه الشاحن : وين الاقيك عشان ارده .. وقفت واخذت الجوال : في دكتور هنا اسمه سلطان هو ولد عمي وانا جاي عنده .. غرفته فوق تقدرين تساألين عنه وتجيبي لي .. هزيت راسي : ان شاء الله .. اي صح عفوا وش اسمك طيب .. لفيت عليها : فهد .. اسمي اخذت الشاحن ورحت الغرفة : سدييم .. سدييم فتحت باب الحمام وما لقيتها : وين راحت هذه يا ربي .. معقوله راحت له .. اووف منك سديم اووف وش هالمبزرة .. دخلت غرفته وشفته نايم قربت منه وحطيت يدي على راسه : يا قلبي انت .. سويت كل هالشي على شاني .. حسيت بشي على راسي وصحيت بسرعه وانصدمت يوم شفتها قدامي : سدييم ابتسمت له : لي سويت كذا .. لي حاولت اقوم بس ما قدرت : انتي انجنيتي .. كيف قمتي ممنوع تتحركين .. جلست عالكرسي : لما قالولي انك انت الي تبرعت لي خفت عليك .. وجيت اشوفك طالعت فيها : خفتي علي .. هزيت راسي : اي خفت عليك لي ممنوع اخاف يعني عليك .. دخلت الغرفة وشفتها جالسة : انتي انجنيتي .. كيف تقومين من سريرك .. نواف : تكفين خذيها ممنوع تتحرك .. مسكت يد سديم : قومي بسرعه .. قمت مع سحر : ايشبك معصبة سحر : معصبة من غبائك يا ماما .. نواف : انتبهي عليها .. سحر : لا تخاف .. طلعنا من غرفة نواف ورحنا غرفتنا : اجلسي هنا .. خلني اشحن جوالي سديم : من وين جبتي الشاحن .. سحر : شفت واحد معه نفس جوالي وطلبته .. وكان كويس وعطاني .. سديم : وكيف عطاك .. سحر : اسمه فهد .. ولد عمه دكتور هنا اسمه سلطان .. ذا الدكتور نفسه .. سديم : اها .. اجل بنام انا .. سحر : انخمدي .. __________________________________________ واقفه انا وتسنيم ومعصبات : الحين انتي من عقلك تبين تاخذين كل ذا معاك طالعت فيهم : اسمعوني انتي وهي .. ملابسي ماني مغيرتهم .. فاهمات تسنيم : بس يا انين ما يصير كذا .. اليوم بتجي ام ثامر وبتشوفك سارة : يا ربي صبرني لاذبحها .. اسمعي انتي .. بتصل بالبنات الحين .. غبية انتي .. تسنيم اتصلي بعهود خلها تجي لانتحر .. تسنيم : زين .. طلعت ورحت غرفة ساره واخذت جوالها وجيت بطلع بس شفت امي قدامي : يمما .. منيرة : وصمما ان شاء الله .. ماني امك .. وش تسوين بغرفة سارة .. تسرقين بعد .. نزلت راسي وانا خايفة : لا .. بس الجوال .. منيرة قاطعتها : وجوالها بعد .. جيت بتكلم بس جا عبدالله : شصاير هنا منيرة : هالملعونة تسرق من غرفة سارة وقفت جمب تسنيم : يمما .. الحين تسنيم بتسرق من غرفة سارة .. ووش بتسرق جوالها .. يعني تسنيم ما معها جوال .. طالعت بعبدالله : والله ما كنت اسرق .. ساره تبي جوالها بتتصل على عهود والله حطيت يدي على كتفها : روحي عالغرفة رحت بسرعة عالغرفة عند البنات .. طالعت بامي : يمما .. خلاص .. يعني الحين مو لاقية شي تلصقينه بالبنت غير السرقة .. تكفيين يمما اليوم بتكون عندنا مناسبة اليووم .. ما نبي يصير شي .. ارجووك تصرفي عادي اليووم .. منيرة : مو ناقصني غير اكون موجودة عشان بنت اللذينا .. طالعت فيها وبأسى : ما في امل .. ما في خليتها ورحت غرفة البنات لان صوتهم عالي : شصاير شصاير .. لي كل هالصراخ رحت لعبدالله : اسمعني زين .. بتفهم هالغبية هذه اني ابي ازبطها .. مابس اذبحها .. بتجنني .. ضحكت على شكل ساره : ههههه طيب فهميني شصاير .. لي كذا معصبة .. مسكته وقربته من انين : شف .. هالملابس تنلبس للشوفة .. شف بس طالعت بملابس انين وكانت لابسه تنورة وفنيلة : انين منجدك انتي .. تبين تلبسين هالملابس طالعت بعبدالله : شسوي .. شف وش بتلبسني مفصخ كله .. عبدالله : انين الفستان عادي بس انتي مكبره الموضوع .. اليوم الرجال بشوفك لازم تكونين حلوة يقلبي .. اليوم ملكتك شفيك انتي .. طالعت بعبدالله : ولي مستعجلين كذا طيب .. سارة : العرس مطول .. نسيتي عبدالله : حنا مو مستعجلين .. اجل تبين تقعدين سنه ولا شلوون .. طالعت فيهم : اتفقتم علي يعني .. تسنيم : انين الساعه خمسة العصر والبنات الحين قاعدات يساعدونا .. انين : طيب عهود وينهي طولت .. سارة : عهود وليين يجهزون الحلا والعشا نسيتي .. وبجيبونه معهم .. تسنيم : واريام وميهاف مدري عنهم .. والباقي على وصول .. طالعت بعبدالله : وامي .. شبتسوي .. دخلت الغرفة : انا هنا .. طالعنا كلنا بامي مستغربين .. عبدالله : شسالفة .. منيرة قربت من انين : بتتزوجين .. وبفتك منك عشان كذا بسعا لك بزواجك عشان ارتاح من وجهك حسيت بسكين دخلت قلبي من هالكلام : اذا ما تبين تكونين بزواجي عادي .. منيرة : كيف ما بكون .. لازم بالاخير انتي بنت زوجي صح ولا لا .. عبدالله : يمما اذا بتسوين مشاكل ما نبي هالوقفة هذه فاهمه .. منيرة : لا ما بسوي مشاكل .. هاليوم بكون لانين سارة : يمما تكفيين .. خلاص .. منيرة : سارة .. وفري كلامك وجهزيها خلنا نفرح فيها نرتاح .. طالعت فيها والدموع بعيني لين طلعت من الغرفة جلست عالسرير سارة : امي مو ساكتة لله كذا .. وراها شي عبدالله : عهود متى بتوصل سارة : مدري .. طالعت بتسنيم : اتصلي فيها .. تجي هي واختها ومرت عمي .. بسرعة هزيت راسي واتصلت فيها : عهود .. اسمعي .. عبدالله يقول تعالي انتي ولين بسرعه وجيبي امك .. اي .. اوكي ننتظرك .. طلعت جوالي : بطلع الحين .. بروح اشوف ابوي .. وعبدالرحمن قاعدين يزبطون المكيفات بالمقلط وبساعدهم .. تسنيم : وحنا بنجهز انين بسرعه .. طلعت من الغرفة وانا احس بشي بصير " قلبي ناغزني من امي .. لازم اكلم عبدالرحمن بسرعه .. ولا بصير شي .. اقل شي يكون عنده علم " طالعت بسارة : امي تبي تتخلص مني .. جلست جمبها وانا خايفة : يا ريت .. الشي اكبر من كذا .. امي واعرفها .. تسنيم : بنزل تحت برتب .. مسكت يد انين : يلا يا عروسه .. خليني اجهزك ابتسمت لها : بس مابي ثقيل .. طالعت فيها : اعرف .. حافظتك كنت اسشور شعرها واشوف كيف بسوي لها والمكياج والفستان .. كنت قاعدة ارتب الصالة وازيح الكنب ودق الجرس ورحت افتح : هلاا .. ادخلوو ليين : وش ذا الحرر يا ربي ام نايف : وين عبدالله .. تسنيم : بالمقلط .. الحين بيجي .. عهود : تسنيم تعالي شيلي معاي .. بسرعه رحت وشلت مع عهود : وش ذا عهود : سويت حلا .. والعشا وصيت عليه ام نايف : نادي عالخدامه تساعدك يبنيتي .. تسنيم : جيني .. جيني .. يا جييني .. جيني : نعم ماما .. تسنيم : تسنيم .. تسنيم اسمي يا جيني .. تعالي شيلي معانا .. شلنا الحلا وحطينا بالمطبخ : جيني طلعي الصحون الجديدة وحطي الحلا بالثلاجة .. بسرعه حبيبتي ورانا شغل .. جيني : تسنيم .. ماما منيرة جابت دوا .. وتبي انا حطو في اكل .. طالعت فيها منصدمة : شلوووون .. جيني : ها ماما .. وانا خايفه .. طالعت فيها : عطيني اياه .. وقوليلها حطيتي .. اخذت من جيني الدوا ورحت لعهود بسرعة : عهود .. تعالي ابغاك شوي .. رحت معاها : شفيك كذا خايفة .. تسنيم : جيني قالتلي .. انه امي عطتها دوا تحطه بالاكل .. وانا اخذته منها .. وش بسوي اذا قلت للبنات انين بتزعل واذا بقول لاخواني بسوون مشكلة .. وانين بتزعل بعد .. طالعت فيها بتوتر : والحل .. ابو عبدالرحمن قرب منهم : الحل عندي .. طالعنا ورانا : يبببا .. ابو عبدالرحمن : وين الدوا طالعت بعمي : عمي .. تكفى ما نبي يصير شي .. والله انين بتزعل ابو عبدالرحمن : لا تخافين يبنيتي .. بس هالقصة زادت عن حدها وصار لازم تنحل .. خليت البنات وطلعت الغرفة بسرعة : منييرة .. كانت واقفة قدام التسريحة : شتبي بعد .. قربت منها ووريتها الدوا : وش ذا منيرة بخوف : مدري .. ووش دراني انا .. ابو عبدالرحمن بصراخ : تكلللمي .. سمعنا كلنا الصراخ ورحنا غرفة امي وابوي : يمما .. يباا .. شصاير .. منيرة : ولي تصارخ علي .. ابو عبدالرحمن : تحملت كل شي سويتي وانا ساكت .. عذبتي هالمسكينة وانا سااكت .. وحتى يوم جت تسنيم بعد ما خليتيها من شرك .. وسارة بعد تبين تخلينها تكره خواتها .. وش تبين انتي .. وش تبين بالضبط اااه .. اسمعيني زين .. الله ان ما غيرتي هالحركات لاطلقك وارميك فاهمة .. منيرة : تحسبني مالي احد .. مو منيرة الي تتهدد .. وبعدين قبل لا تحاسبني رح شف هالبنت .. انا ما يشرفني احط ببيتي بنت حرا .. ما كملت كلامها غير والكف بنص الموضوع .. كلنا انصدمنا من الي صار .. ابو عبدالرحمن : انتي طا.. قاطعته بسرعه وانا اركض له : لا يببا .. تكفى .. تكفى لا تسوي كذا تكفففى .. ابو عبدالرحمن : انين .. ابعدين عن وجهي طحت عند رجول ابوي : تكففى يببا .. خلاص .. خلاص مابي هالشي يصير .. خلاص .. لي تبي تسوي هالشي الحين .. كنت تقدر تسوي من تسعطاشر سنه .. الحين خلاص فات الاوان .. ابو عبدالرحمن : ولاني ما سويته من زمان لازم اسوي الحين .. طاحو دموعي : اليوم بتزوج .. خلاص .. علاقل خلو هاليوم حلو بحياتي .. خلاص تعبت .. والله تعبت والله .. ابو عبدالرحمن نزل لمستوا انين : سامحيني يبنيتي .. تكفيين سامحيني .. مسكت يد ابوي : علاقل لين اطلع من هالبيت .. خلكم كويسين معاي .. قاعده اترجاكم .. بس لين اطلع من هالبيت .. قربت من امي : يمما .. اليوم انين بتكون متزوجة .. وبتروح بعد كم يوم .. لو سمحتي .. ما نبي مشاكل مع الجماعة .. منيرة بحقد : اجل كلكم مع هالانين .. اذن اسمعوني .. انا بطلع من هالبيت .. ومابي اشوف وجهها لين تطلع .. ويوم تتزوج وتروح بجي .. طالعنا كلنا بامي منصدمين من هالحقد الي بقلبها اتجاه انين .. عبدالرحمن : ما قد شفت بحياتي كره مثل ال اشوفه الحين .. سارة تصيح : يمما تكفيين .. ابو عبدالرحمن وقف : هذا احسن حل .. خلها تروح احسن .. عبدالله : وانا اقول كذا بعد .. مسكت يد انين وقومتها : قومي .. طالعت بسارة : بس هي بتروح .. مسحت دموعي : كذا احسن لنا .. تسنيم الحقيني عالغرفة .. رحنا الغرفة وكانو البنات هناك طالعت بعهود ورميت نفسي بحضنها : امي بتروووح .. ما بتكون هنا .. لي كذا يصير معايا .. لي بتروح وبتخليني .. طالعت فيها وانا اصيح " ااخ يا يممما لو تشوفين الحب الي بقلب انين اتجاهك .. بس الكره الي بقلبك اتجاه انين اكبر .. وضامي بعد يكره امي .. وش بصير الحين .. وش بسوي .. " حطيت يدي على كتف سارة : انتي بخير طالعت بليين وابتسمت : اي بخير .. بنات يلا خلونا نخلص باقي نص ساعة على اذان المغرب الناس بيجو بعد المغرب بسرعة .. وقفت بسرعة وحضنت سارة وهي حضنتني بدون لا نقول شي .. كنت اعتذر لها ببكاي وهي تعتذر لي بعد .. كان الموقف صعب علينا احنا الثنتين .. علاقتنا تحسنت بعد تعب ووقت طويل مابي اخسرها هي الثانية .. ليين : خلص عاد .. خلصونا من هالمسلسل الهندي ..نبي نخلص عاد .. بدينا نجهز بعض ونساعد بعض وجو ميهاف واريام وخالتي ام راكان وخالتي ام فيصل وساعدونا بالترتيب .. __________________________________________ دخلت غرفته بسرعة : يلا اخلص بنطلع .. طالعت بملاك : يا سلام وش ذا الجمال كله .. قربت منه ومعي البخور : يا سلام وش ذا الجمال كله _ ملاك لابسة فستان كحلي طوييل .. فاتح من عند الصدر بس موب وااجد .. فاتح من الاكتاف ومخصر من عند الخصر .. مع نفشة بسيطة من تحت على شكل وردة بسيط .. ومسوية شعرها ذيل حصان .. وحاطة بس ايلاينر بدون كحل وروج زهري خفيف .. وكعب كحلي عالي واجد _ ابتسمت له : حلو .. ثامر : قمر .. اقري على نفسك لا تنحسدي حضنته : ربي لا يحرمني منك .. ام ثامر : يا عيال بنطلع .. اخلصو يلا ملاك : يمما البنات ما بجون .. ام ثامر : ما في غير جنى وغنى بجون .. تعرفين سديم تعبانه واختها عندها وريم تزوجت من يومين .. والشباب ناطرينا برا .. ثامر : ولي كل ذولي بيروحون ما يحتاج .. ملاك : لازم كلنا نروح افا علييك .. ام ثامر : خلصوني يلا ..