ﻋﺬﺑﻨﻲ أنينهآ - الفصل 27 - بقلم هدوئي كارثة - مكتملة | روايتك

واقفة انتظر عبدالله عن الباب : طيب ما حاولتم انتو عبدالله : انين تعرفين عزوز اكثر مني اذا اشتغل ينعزل عن العالم .. انين : بس موب كذا يومين ما يتصل ما سواها عبدالله : خلاص بتصل في بعد شوي وبشوف .. طلعت من غرفتي ولقيتهم يتكلمون : صباح الخير طالعنا بسارة : صباح النور .. عبدالله : بأذن الظهر اي صباح ذا .. طالعت بعبدالله : شتبي يعني .. انين : الحين مو وقت هواشكم .. سارة : وين بتروحين بعد انين : بروح لميهاف سارة : يعني ما بتروحين معانا الصالون انين : لا لا حبيبتي ما ابغى .. روحي انتي وتسنيم وانا بلاقيكم ببيت ميهاف عبدالله : مين بروح الصالون بعد سارة : انا وتسنيم واريام وقوت .. عهود وليين بتجهزون بالبيت انين : كويس .. خلاص انتي روحي الصالون وانا بلاقيكم ببيت ميهاف اوكي .. عبدالله : انيين بنروح .. جيت بطلع بس ناداني عبدالرحمن : انين لفيت عليه : لبيييه .. عبدالرحمن : ابيك تعالي .. طالعت بعبدالله : ما بتأخر .. عرفت انه بكلمها عن الخطبة : خذي راحتك رحت لعبدالرحمن : امرنني .. مسكت يدها ودخلت الغرفة : تفضلي ادخلي .. حسيت اني خايفة مدري لي : دحووم احس اني خايفة شصاير .. ابتسمت لها : انيين بصراحه جدي قرر شي .. طالعت في بتمعن وخوف كملت كلامي : ويبي يزوجك فيصل .. وقفت بسرعه من صدمتي : شلووووووووون مسكتها بسرعه : دقيقه دقيقه .. صبر شفيك طالعت في وانا ابي اصيح : تبوني اتزوج اخو زوجي القدييم .. شلوووووون كذا .. قعدتها عالسرير : انيين هدي اول شي ..مين قال اني وافقت اصلا .. مستحيل اخلي احد يلمس منك شعره من هذه العايله ..عيال عمي على عيني وراسي بس زواج ما زواج مستحيل .. خلاص هالشي مستحيل يصير اسلمهم اختي بيديني .. حضنت عبدالرحمن : تكففى مابي مابي .. فكيتها عني : بس سويت شي ثاني .. مسحت دموعي : شسوييت .. حطيت يديني على وجهها : تعرفين ثامر خووي .. هو طلب يدك .. للزواج طالعت في بصدمة : ث..ثامر .. ششلون .. وافقت جلست جمبها : انين انتي تعبتي وااجد بحياتك وصار لازم ترتاحين .. تصدقين حتى لو ما في حب بينكم بكون في احترام .. ثامر رجال والنعم في وكفوو وبعيشك احسن عيشه وبيحترمك وما بضرك بشي .. انين صدقيني لو مو واثق بثامر ما كنت طلبت منه هالشي .. ابي منك تصلين استخارة وتوافقين قبل كل شي .. طالعت في احس براحه من كلامه بس بنفس الوقت في خوف : وجدي .. وابوي واخواني عبدالرحمن : ابوي موافق واخوانك موافقين طالعت في وبالتحديد : وجدي ... مسكت يدينها : اذا انتي وافقتي ما حد بوقف بطريقك .. انتي للحين صغيرة وياسر .. ياسر ما لمسك بعد يعني انتي للحين .. قاطعته بسرعه : عبدالرحمن .. ياسر ما لمس مني شعرة اصحك .. جت بتقوم بس مسكتها : انيين وقفي .. ما كان قصدي شي صدقيني دخلنا الغرفة انا وسارة : انين وافقي صدقيني بترتاحين وبتطلعين من هالبيت احسنلك .. كنت واقفة ومصدومة : بتتزوجين مرة ثانية .. طالعت بساره : وش يدريني انا .. وش يدريني كل شي يطيح براسي يا ربي .. عبدالرحمن : انتي فكري وصلي استخارة وابس جواب اليوم .. طالعت بعبدالرحمن : طيب انا مابي اتزوج .. عبدالله : تبين يعني تعيشين بهالعذاب عبدالرحمن : صدقيني ثامر ما بقصر معك وبتكونين سعيدة معاه .. مسكت يد سارة : شرايك .. طالعت فيها ببإبتسامه : تبين الصدق لو هالعريس لي بوافق ولا ابقى هنا ثانية وحده .. وانتي سوي مثل ما قال عبدالرحمن فكري زين وصلي وشوفي نفسك اذا ارتحتي على بركة الله مثل ما يقولون .. طالعت فيهم : طيب خلوني افكر .. بس ياسر عبدالرحمن : صدقيني ياسر تغير وانا متأكد انه يبيك تكونين سعيدة .. ابتسمت له : ان شاء الله .. طلعت من الغرفة مع عبدالله ورحنا بيت ميهاف : انت موافق .. ابتسمت لها : ايووه .. انين بس قدامي كذا ولا موافق صدق .. عبدالله : صدقيني موافق .. وابيك تتزوجينه اليوم قبل بكرا .. ثامر اكثر من اخو لنا ونثق في وااجد ولو ما نعرفه ونعرف نيته ما وافقنا .. طالعت في بصدمه : وافقتم .. غمضت عيوني بقوة " اووف يا ربي " : اي وافقنا قصدي يعني اكييد ما بنرفض يعني .. طالعت في : انتو وافقتم صح .. تنهدت وطالعت فيها : اي .. وافقنا بس قلنا له بننتظر موافقتك .. غمضت عيوني وانا احس بضيقة " اااخ يا ربي .. وش الي قاعد يصير معاي .. اتزوج ياسر وسلطان ببالي والحين يبوني اتزوج ثامر .. بس خلاص تعبت .. انا مابي اقعد هنا .. اوافق على ثامر .. الحب مو كل شي في اشياء اهم .. زي الاحترام والثقة وبعدين الحب .. اخواني يبون مصلحتي وما عندهم نية لغير هالشي .. لازم افكر زين .. اذا احد درا عني وعن سلطان ما بخلونا بحالنا وامي بتسوي اي شي تخرب بيننا .. بس وش يضمن لي انها ما تخرب زواجي بثامر .. ااخ يا ثامر من وين طلعت لي انت الحين .. " حطيت يدي على كتفها : تفكرين بامي صح انين : مدري وش افكر في .. يعني امي معقول ما بتسوي شي طالعت فيها وبجدية : مستعد اسوي اي شي ولا اخلي احد يخرب زواجك او يخرب حياتك .. طالعت في وانا ابتسم وصلنا بيت ميهاف ونزلت رحت صوب الباب ودقيت الجرس .. فتحت الباب وشفتها قدامي حسيت بشعور غريب وابتسمت غصبن عني : السلام عليكم طالعت في ونزلت عيوني بسرعه : وعليكم السلام قمت اطالع فيها ونسيت ادخلها لين سمعت صوت امي تنادي : مين يا سلطان .. لفيت بسرعه : هذه ان... بنت عمي محمد انين .. ام راكان : هلا بأنين هلا ببنيتي .. ادخلي .. مخليها واقفه برا شهالتصرف يا سلطان نزلت راسي ورحت ورا امي : شلوونك يا بنيتي انين : بخير .. وانتي شلونك ام راكان : نحمدالله ونشكره .. تبين ميهاف هزيت راسي : يا ريت .. حاولت اتصل فيها ما ترد علي وما اشترت فستان للملكة وتبيني انا اشتري لها حاسه صاير معاها شي .. ام راكان : هي من امس بغرفتها سلطان : وما تقوليلي يمما ام راكان : والله ي يمما التهيت ونسيتها تعرف وراي شغل وااجد .. انين : لا تخافين خالتي بشوفها انا وبكلمها .. ام راكان : مشكوره يبنيتي .. اطلعي لغرفتها فوق وانا بجيب لكم شي تشربونه .. انين : لا خالتي والله ما يحتاج لا تعبين نفسك .. ام راكان : شدعوه يبنيتي .. انتي اطلعي وانا بلحقكم ابتسمت لها وطلعت لغرفة ميهاف ودقيت الباب رفعت راسي بشويش من تحت البطانية : ما ابغى اكل خلاص فكوني .. دقيت الباب مرة ثانية : هذه انا انين .. وقفت بصعوبة ورحت صوب الباب وفتحته : ادخلي وقفلي وراك .. قفلت الباب ومشيت وراها منصدمة من شكلها : ميهاف وش ذي الحاله .. رميت نفسي عالسرير : اي حاله .. مسكتها من يدها : شصاااير معك انتي .. طالعت بأنين : تبين تعرفين شصار معايا .. بقولك شفت فارس ورحت مثل الغبية اعترفت له بحبي وتعرفين شسوا .. اهاني وكسر قلبي بعد .. وقالي اني مجنونه طالعت فيها منصدمه : نعمممم .. شسويتي .. انتي انجنيتي ولا شلوون .. كيف كيف سويتي كذا انتي تعرفينه عشان تعترفين له .. ميهاف شصاير لك .. ذا واحد شفتي وانعجبتي في مو اكثر .. تروحين تعترفين له بحبك .. بدت دموعي تطيح : انين ذا مو اي واحد .. مو قادره اشيله من راسي .. كل يوم افكر واتصل اسمع صوته احس اني بموت والله .. تعبت يا انين تعبت من التفكير في .. تعبت مسكت يدينها : خلاص انسي .. رب العالمين عطانا نعمة النسيان .. انسي وخلاص لا تفكرين في .. انتي كذا تعذبين روحك وهو ولا على باله ..كلهم كذا يخلون البنات يتعذبون ولا يهتمون .. رميت نفسي بحضنها : لييي سواا كذا ليي .. والله احبه يا انين .. مو حب عادي انا عشقته عشقته من اول مره شفته .. هو صار عندي روتين .. كل يوم افكر في وابني احلام اني اكون معاه وجمبه وهو بلحظه وحده دمر كل احلامي وكسر قلبي خلا كل شي بنيته بالأرض ليي سوا كذا .. قمت اهدي فيها وانا مو عارفه وش اقول : خلاص هدي هدي يا قلبي .. هدي .. الله يريح بالك يا رب ويجبر بخاطرك يقلبي ويعوضك غيره واحسن منه بعد ويسعدك ان شاء الله .. كنت اصيح بقوه واشهق : مابي غييره .. مابي غييره ابيه هو ابيه هو .. ما ابي احد غيره .. تكفييين يا انين قوليله اني احبه وما اقدر اعيش بدونه .. والله ما اقدر اعيش بدونه .. مسكتها بقوه من يدها : ميهاف شصاير لك انتي .. وين ميهاف القويه الي كانت تشجعني وتعطيني قوه وين ميهاف الي م تنزل دموعها الا على شيئين انا والافلام .. وين ميهاف الي كل حياتها طقطقه وفلله وتحب الحياه .. اسمعين زين لو ما رجعتي ميهاف الي قبل والله اني ما اكلمك ابدا .. طالعت بأنين وانا تعبانه : بس يا انين انا حبيته شلون بنساه .. شلون بشيله من تفكيري .. حطيت يدي على كتفها : بتشيلينه من تفكيرك وبتنسينه بعد شوفيني انا .. نسيت كل شي صار معاي وقاعده ابدا حياه جديده بعد .. حضنتها بقوه : ابييك جمبي دايما .. ابتسمت لها : يا قلبي .. ما ظنيت اكون جمبك دايما طالعت فيها بسرعه : لييي .. طالعت فيها : بس هالشي بكون بيني وبينك هزيت راسي : اكيييد انين : عبدالرحمن اخوي قالي انه صديقه ثامر .. يبي يتزوجني .. طالعت فيها بصدمه : شلووووووووون .. استغربت من ردة فعلها : شفييك .. ميهاف : بتتزوجين .. شلوون .. مستحيل انين : وش الي مستحيل .. طالعت فيها منصدمه " يا ربي سلطان وش بسوي .. هو يحبها " : يعني انتي تبينه .. ضحكت على كلام ميهاف : انا الي ابيه مستحيل يصير .. تمنيت يصير شي بس صار عكسه وبتزوج ثامر .. صحيح للحين ما عطيت اخواني موافقتي بس بوافق .. ميهاف : بس انتي ما تبينه .. انين : ما تفرق اهم شي يحترمني .. الحب مو كل شي بالدنيا .. طالعت فيها بتمعن : انتي تحبين شخص ثاني صح ابتسمت لها : ما تفرق .. مسكت يدها : تحبينه .. هزيت راسي بشويش : مدري اذا هو حب بس شاغل تفكيري .. بس ما في امل من هالحب بيتدمر بين ايديهم .. ميهاف : بس هو ... " ما رح اقول لها انه يحبها بتزعل وش بسوي الحين .. يا ربي لي كذا يصير معاها " اسمعيني صلي استخاره وقرري احسن .. هزيت راسي : بصلي .. بصلي .. ميهاف : انين .. اذا صليتي و .. يعني كان كل شي كويس .. بتوافقين .. اخذت نفس طويل : تصدقين يا ميهاف .. من يوم كنت صغيره ما كنت افكر بالزواج ابد ولا خطر ببالي ويوم غصبوني بياسر شفت اسوأ ايام حياتي .. شفت ايام اسوأ من الي شفتهم عند امي ويوم فقدت ذاكرتي ورجعت اتذكر .. قلت يا ريت ما تذكرت شي مابي اعيد ذيك الايام ولما سلطان طلع بحياتي حسيت بشعور غريب حسي اني لقيت نفسي .. لقيت انين بس هالشي ما تم جدي يبي يزوجني فيصل .. الي هو اخو زوجي السابق .. بس كلام عبدالرحمن عن ثامر ريحني وخلاني ارتاح لو شوي .. اكذب عليك لو قلت لك مو مرتاحه .. بالعكس احس اني مرتاحه وماني خايفه اني اوافق .. خايفه اني اخسر نفسي اذا وافقت .. اخسر انين الي لقيتها .. بس خايفه بعد اني القا انين جديده تنتظرني هناك .. مسكت يدها : سوي الشي الي تشوفينه مناسب لك .. واسمعي كلام اخوانك لانهم يبون مصلحتك ويحبونك واذا ارتحتي لثامر وافقي بدون تردد وانا بكون اول وحده تدعمك وتوقف معاك .. صدقيني اذا انتي كنتي مرتاحة ما بكون عندي شي اخاف عليه .. طبعا غير قصة حبي الفاشلة .. ضحكت لها : ربي لا يحرمني منك .. حضنتها : ولا منك .. انين : جبتلك فستان .. ان شاء الله يعجبك ميهاف : حتى لو ما عجبني بلبسه .. انين : البنات بروحون للصالون .. ميهاف جت بتتكلم بس قطع عليهم جوالها : هذه لين .. هلا .. بخير انتي شلونك .. قاعده وعندي انين .. شتبين .. اي لي .. احلفي .. زين بكلمها بس ما اعرف مقاسها .. متأكده .. خلاص بكلمها وبجيب وحده وبوديها لك مع السايق .. اي بجهز نفسي انا وانين بالبيت .. لا تتأخرون .. سلام . انين : شصاير طالعت فيها وضحكت : ههههه نايف .. يبي يسوي مفاجأه لقووت .. انين : وش هي .. ميهاف تضحك: بيتزوجون ههههههه انين : واااو ..اخيرا ضحكتي .. قومي تروشي خل نساعد امك بالترتيب .. ميهاف : اوكي خلني اتروش .. __________________________________________ صحيت من النوم وقمت اتقلب بالسرير وتذكرت الي صار امس .. ( دخلت البيت وشفتهم جالسين بالصاله : السلام عليكم .. ابو ثامر وام ثامر : وعليكم السلام .. جلست عالكنبه : يببا .. يمما في موضوع كذا بكلمكم في .. ابو ثامر : وشوو كنت متوتر وخايف : بصراحه .. يببا انا ابي اتزوج ام ثامر : هذه الساعه المباركه .. ابو ثامر ابتسم : ايشبك خايف كذا ... ثامر : يببا البنت موجوده وانا ابيها ام ثامر : من هي .. من اهلها ابو ثامر : مررام .. خلني اتكلم .. الولد بيتزوج البنت موب اهلها .. كمل يثامر .. طالعت بامي وابوي : هي اخت خوي عبدالرحمن .. تعرفه يببا وتعرف ابوهم .. وحتى ولدهم بيخطب الريم بنت عمي .. وهي بنت ما شاء الله عليها اخلاق وادب .. ابو ثامر : والله ابو البنت سمعته بالطيب سابقته وعايلتها ما شاء الله عليها ما اكبر العايلات وجدها طيب ورجالن كفوو ..واخوانها ما عليهم كلام يوليدي .. بس انت متأكد الزواج ما به لعب وضحك يوليدي .. الزواج مسؤوليه ثامر : وتهقى يبو ثامر ولدك ما عنده مسؤوليه ام ثامر : شسمها البنت يثامر .. ثامر : اسمها انين .. ام ثامر : شرايك يرجال ابو ثامر : خلاص يوليدي .. بكرا اتصل بابو عبدالرحمن واكلمه .. ودي اشوف عيالك قبل لا ربك ياخذ امانته يوليدي .. حبيت راس ابوي : الله يطول بعمرك يببا .. ام ثامر : ملاك شفيك واقفه تعالي .. طالعت وراي وشفتها مبتسمه قمت ورحت لها : شفيك مبتسمه .. قربت منه وهمست له : اخت عبدالرحمن صحيح هزيت راسي : اي هي .. حضنته بسرعه : مبرووووك يا عيون اختك وربي اني فرحت من كل قلبي .. هالبنت ما عرفتها ودخلت قلبي شلون لو اعرفها .. ضحكت لها : ان شاء الله تتعرفين عليها قريب .. ابو ثامر : يببا ثامر اليوم ملكة الريم بنت عمم خلكم جاهزين زين .. هزيت راسي : ان شاء الله يبوي .. جاهزه للملكه طالعت بثامر مترددة : مدري .. يعني قاطعتها : لا حبيبتي بتروحين .. وفي لك عندي مفاجأه .. امشي اخذتها للغرفه حقتي واعطيتها كرتونه كبيره : خذي طالعت في منبهره : وش ذا .. ابتسمت لها : مفاجأه فتحت الصندوق وكان في فستان كحلي مع كعب واكسسوارات طالعت في منصدمه : هذااا ليييي انا .. ثااامر .. ابتسمت لها : لأحلى ملاك عندي اغلا منك انا رحت له وحضنته بقوه : يا قلبي .. هههه احس اني ببكي .. الله لا يحرمني منك .. حبيت راسها : كل شي يهون عشان عيونك .. اهم شي ابي اشوف الابتسامه حقتك .. ابيها ترجع طفشت من دموعك .. هزيت راسي وانا ماسكه نفسي مابي اصيح : احبك وربي احببببك .. هههه لما شفتها فرحانه كذا حسيت بشعور غريب حسيت اني انا فرحان اكثر منها .. ) طلعت من الحمام - اكرمكم الله - ولبست ملابسي واخذت جوالي اتصلت بعبدالرحمن : شلوونك .. الحمدالله بخير .. وينك .. ما عندك اجازه .. ياخي بتنجن انت من ورا هالعياده .. هههه زين اسمعني ابوي وامي وافقو ومعندهم مشكله .. اي اي .. خلاص خل يخلص عرس ولد عمك .. مفهمتك .. عبدالله بيخطب احلف .. متى .. هههه بيدخل القفص اخيرا .. وعزوز .. مسكين .. طيب اسمعني ابوي بيتكلم مع ابوك وبيضبطون كل شي .. زين اكلممك .. اي جاي اكييد .. مع السلامه . حطيت جوالي عالطاوله وقمت اضبط شعري وانشد : اعتذرلك والخطا مهو خطاك .. الخطا حبيت في ذمه وضمير .. اهديتك ثوب مهو بمستواك .. كان فيه الطول وانت الي قصير .. دخلت غرفته وكان ينشد وعايش جوه : شلونه العريس الحلوو طالعت فيها : بخير وانتي .. جلست عالسرير : تمام .. ثامر توديني للمستشتفى طالعت فيها : ملاك تروحين تلومين نفسك لي يا قلبي .. نزلت راسي : طيب شسوي يا ثامر مو قادره اتحمل وجودها بهالحاله .. رحت ومسكت يدها : انتي مالك دخل .. صدقيني بلاقي كسار وبخلي يندم على الساعه الي انولد فيها وانا ثامر .. طالعت في بحزن : تكففى يا ثامر مانبي مشاكل .. كسار ما ندري وينه .. حي ميت زين ولا موب زين مريض ولا بعافيته .. منعرف شي شديت على يدها : احسنله يكون مييت لاني بذبحه بيدي .. صدقيني نزلت دمعتي : انا ما قلتلك الي صار عشان تسوي كذا .. هذا السبب الي خلاني ما اقولك .. حطيت يدي على وجهها : بسبب هالشخص خسرت خواتي .. وحده بغيبوبه والثانيه كانت بتصير مجنونه وتبيني ما اسوي شي .. طالعت في بعصبيه : ثامر تكففى خلاص .. كسار سوا الي سوا بس ابوي كان لازم يعاقبه بدل ما .... سكت بسرعه ووقفت " يا ربي وش سويت .. اووف الله يلعنك يا ابليس " مسكتها من يدها بسرعه : ملاك شقصدك .. كنت احاول افك يدي : ثامر فكني .. تكففى .. ثامر فك يدي .. فكيت نفسي منه ورحت غرفتي وقفلت الباب وراي : يا ربي وش سويت .. وش خبصت انا ..الحين بروح لابوي وبقوله .. وابوي بيعلم ثامر بكل شي .. لا لا يا ربي ساعدني .. يا رب ثامر ما يروح لابوي .. لا حول ولا قوة الا بالله " كنت واقف مكاني مو مستوعب شي من الي قالته احاول اربط كل شي : ابوي وكسار .. وش العلاقه يا ربي وش السبب .. اكييد بلقا شي بمكتب ابوي .. الا ما القا شي .. طلعت من غرفتي ورحت مكتب ابوي ودخلته ورحت ادور بين الاوراق والكومبيوتر ولقيت ملف بالخزانه مكتوب عليه خاص - سالم ال ... - اخذته وفتحته وكان في اوراق وصور بس مفهمت منه شي وكان في رساله جلست عالكرسي وقمت اقراها .. ( سالم .. ادري انه مالي وجه اتكلم معاك بعد كل شي صار .. بس ابيك تسامحني وتحللني .. صدقني كل شي صار غصبن علي الطمع ضرني وانا اخوك وخلاني ما اشوف شي غير الفلوس .. بعد كل الي سويته فيكم مالي وجهه اواجهكم او ابرر لان مافي تبرير مقنع اقوله لكم .. كل الي ابيه منك تنتبه على عيالي بنت وولد كسار والين .. عيالي .. انا ما اقدر اعيش بهالعبء طول حياتي .. حتى حرمتي طلبت الطلاق ما تبي تعيش مع واحد مثلي حرامي وخاين العشرة .. تقول اني ما استحق اكون مع العيال .. ابيك تسامحني وتحللني وتقول لعيالي انه ابوهم كان رجال كويس لا تقول لهم اني كنت حرامي وما اتأمن ابدا .. علاقل تكون نظرة عيالي لي كويسه بدون احتقار .. مع السلامه .. جاسم ) رجعت الورقة للملف وشفت الصور كان في صور لابوي وعمي وباين الي معهم جاسم ابو كسار .. وفي اوراق نقل املاك من ابوي بإسم كسار وملاك واملاك بإسم الين مرت فارس واملاك بإسمي واسم رنيم .. حطيت راسي عالمكتب " اذا في املاك بإسم الين وكسار لي حاولو ينتقمون ويدمرون حياتنا .. وش السبب اذا ابوهم يبي السموحه من ابوي .. معقوله ما يعرفون بهالشي .. بس شلون صار كذا شلووون .. الا في سبب ولازم اعرفه " .. طلعت من المكتب واتصلت برامي نتقابل .. رحت الاستراحه وكان جالس ياكل : السلام عليكم طالعت في : وعليكم السلام .. ثامر : صحه .. رامي : على قلبك .. تعالي كل معاي .. طالعت في وضحكت : يشييخ كانك تعزمني على مفطح كلها ساندويشه وش باكل بالله هههههه ضحكت على كلامه : هههههههه عاد بهذه صدقت بس تعرف لازم السوالف هذه .. جلست وتمددت : بتجي اليوم .. هزيت راسي : اي اكييد .. تعرف غنى بتروح ولازم اكون بعد .. ثامر : وسديم شصار عليها رامي : بتجي بعد طالعت في متفاجأ : احلف .. شلوون رامي : سوت لنا فصيحة بالمستشفى واخر شي قرر نواف يطلعها بس ممنوع تتحرك وترقص وتعرف هالسوالف ثامر : كويس تغير نفسيتها .. الا رامي بقولك شي رامي : قول شصاير .. ثامر : بصراحه .. بخطب اول ما قال كذا شرقت بأكلي وقمت اكح : شلووون .. من انت .. انت .. بتخطب .. شلووون طالعت في منصدم : وراك منصدم .. هزيت راسي بالنفي : ماني منصدم بس كان قصدي يعني انت قلت مالي بالزواج وسواليفه شصاير .. شغير رأيك .. طالعت في تنهدت وابتسمت : تقدر تقول لقيت الي ابيها .. ابتسمت : ومن هذه ثامر : اخت عبدالرحمن خووي تعرفه .. رامي : اي اعرفه .. الله يهنيكم .. ثامر : بس تكففى انتبه تقول لاحد .. رامي : ولا يهمك .. __________________________________________ @ كان الكل يجهز لملكة الريم وراكان .. جنى وغنى والريم وملاك وسحر وسديم راحو سوا للصالون يتجهزون .. وقوت واريام وسارة وتسنيم وليين انجبرت تغير رأيها وتروح للصالون مع قوت .. انين وميهاف وعهود يتجهزون سوا .. الكل كان يساعد ويجهز نايف تكلم مع عمه وقررو ما يعلمون قوت يبي يسويها مفاجأه خلصو البنات ورجعو البيت .. _ الريم كانت لابسة طرحه بيضا بياض الثلج .. ماسكة من عند الصدر .. ضيقة من عند الخصر مع مسكة فيها كريستال ابيض ومنفوشه وطويلة من ورا .. وكعب ابيض مليان كريستال كانه زجاج .. ورافعه شعرها فوق ومسويته كيرلي من تحت مع تاج بسيط فوق .. وحاطه مكياج خفيف يبرز جمالها الطبيعي مع ايلاينر راسم عيونها .. وروج خمري جاي على شفايفها بالضبط .. _ _ ملاك كانت لابسه فستان كحلي بيد وحده .. طويل للأرض فاتح من اليمين لين الركب .. مع مسكة تحت الصدر تلمع بالحيل باللون السكري .. وطبقة فوق الفستان تجي من عند الصدر لين الرجلين شفافه وتلمع .. وجايبه شعرها على جهة وحده .. وحاطه مكياج خفيف يبرز عيونها الوسيعة مع الآيلاينر روج زهري .. وكعب زهري طويل _ _ جنى وغنى لابسات فساتين مثل بعض .. يجي ابيض من فوق لين الصدر وينفش تحت باللون الأسود لين الركب .. يجي ماسك عالرقبة ينربط من ورا .. * بس جنى رافعة شعرها كله فوق .. وحاطة مكياج ثقيل شوي وخلاها تبين قاسية شوي يلائم شخصيتها .. وروج احمر يكسر اللون .. ولابسه كعب ابيض قصير .. * غنى مسوية سنبله بشعرها من فوق لين تحت ومنزله خصلتين من الجنب .. وحاطه بس كحل وروج خمري نفس الريم .. ولابسه كعب اسود طوييل وااجد .. _ _ سحر لابسه فستان ذهبي فاتح شوي بيد وحده .. طويل يجي ضيق من الصدر لين الخصر ومنفوش شويه لين تحت .. ومخليه شعرها على طوله وحاطه في شباصه لون الفستان من ورا .. وحاطه مكياج خفيف شوي يبرز جمال سمارها .. وروج احمر نفس جنى .. ولابسه كعب ذهبي لون الفستان .. _ _ سديم لبست فستان بيربل باربي قصير .. في لمعه حلوه تلفت النظر .. ومزين بكريستال من عند الصدر .. ونفخت شعرها من قدام وخلته على طوله من ورا .. وحطت بس ايلاينر وكحل وروج بيربل خفيف .. ولبست شوز واطي عشان ما تقدر تتحرك زين .. - اجتمعو البنات بغرفة الريم وجالسين يلبسون الاكسسوارات ويساعدون جنى ترتب الاغراض ونصهم تحت يستقبلون قرايب العروسه _ أنين لابسة فستان اسود طويل ماسك بالرقبه .. مع فتحه من عند الفخد من فوق لين تحت .. وفتحه من عند الصدر على شكل قلب .. وفي لمعه قويه سكريه تشد الناظر .. ومسويه شعرها كيرلي كله ومخليته على طوله .. وحاطه ايلاينر اسود ثقيل وكحل وروج احمر .. ولابسه كعب اسود قصير في لمعه _ _ ميهاف لابسه فستان كحلي وابيض يجي كتف .. ومنفوش على شكل وردة قصير من قدام وطويل من ورا .. ومسويه سشوار وجايبه كله من فوق عالجنب .. وحاطه مكياج خفيف مع روج زهري خفيف .. ولابسه كعب زهري طوييل _ _ عهود لابسه فستان بينك قصير لين الركب .. يجي كتف وماسك من الخصر بمسكه ورده .. ورافعه شعرها بشباصه زهرية .. ومكياج خفيف مع ايلاينر .. ولابسه كعب كحلي _ _ ساره لابسه فستان احمر طويل مع كتف طويل .. وفاتح اخره من ورا .. وفي فتحه كبيره من الظهر مع قطعة شفافه .. ورابطه شعرها من ورا ذيل حصان وحاطه بس كحل وروج احمر وكعب اسود طوييييل _ _________________________________________