الفصل 21
راحو البنات لأهاليهم الا بثينة وفرح وتسنيم راحو لدار الأيتام ..
طلع من غرفة المديرة وضايق صدره طالع بعبدالعزيز : مشكور وما قصرت .. ساعدتني وااجد
عبدالعزيز : افاا علييك ..
ابتسمت له : تعبت نفسك معاي .. خلاص تقدر تروح
ضحكت له : ههه يعني هذه تصريفه
حطيت يدي على كتفه : لا يا رجال .. بس بروح الحين ادور لي مكان انام في .. والصباح اشوف لي شغله احسن مو قاعد كذا ..
عبدالعزيز : شهلكلام يا ضامي وانا وين رحت .. امش معاي ..
ضامي : لا خلاص صدقني بدبر نفسي ..
طالعت في : ضامي مستحيل اخليك تروح كذا .. امش معاي .. عندي بيت لي انا خلك في لين تلقا وظيفه علاقل ياخي ..
ضامي : مدري بس ...
حطيت يدي بيده : امش اقول بس .. بس انا جوعان خل نروح نتعشى وبعدها اوديك .. لا تخاف هو نظيف كنت انام في احيانا
هزيت راسي : مشكوور يا عزوز .. وهالجميل ما بنسا طول حياتي
ضربته على راسه : اي جميل .. ترا بتزعلني منك .. ياخي اعتبرني اخوك الكبيره وانت مطرود من البيت ضحكت على تشبيهه : هههههههه ما شاء الله عليك
رحنا للمطعم واتصل فيني نايف : هلا يا عريس .. هههه لا لا تخاف .. اي بكرا الساعه 12 الظهر .. لا لا نا بتأخر .. مع السلامه .
طالعت بضامي : ها عجبك الاكل
ضامي : علاقل احسن من الي كنا ناكله ..
عبدالعزيز : ضامي عندي سفر بكرا .. وانت خذ راحتك زين .. وان شاء الله تلاقي وظيفة
ضامي : مشكور ..
عبدالعزيز : خلنا ناكل ونطلع ما نبي نتأخر
_________________________________________
جالسه بقسم الشرطة خايفة بس مو مبينه لأحد طالعت بالشرطي قالت بصوتها : ابي اسوي مكالمه ..
الشرطي : تفضلي بس لا تتأخرين
اخذت الجوال ودقت على رقمها : شلوونك .. نسيتي صوتي معقول .. اي انا .. انا الشرطة امسكتني .. اي امسكتني .. سمعيني وش بقولك زين .. يا تطلعيتي من هنا يا بقول لضامي كل شي .. ومن امه الحقيقه .. فاهمه .. اي اهددك وانتي تعرفيني يا منيرة لا قلت شي اسوي .. اي لازم تسوين الي عليك .. ما في وقت يمنيرة مافي وقت .. اذا ما تبين تنكشف حقيقتك طلعيني من هنا .. بدون سلام ..
رجعت الجوال للشرطي ورجعوها للتحقيق " اوريك يا منيرة .. اذا ما طلعت من هنا بتكون نهايتك على يدي"
__________________________________________
رجعت للبيت مع عبدالله دخلت وكانت سارة جالسه بالصالة : السلام عليكم
وقفت بسرعه وراحتلها : يا هلا .. يا هلا وغلا .. الحمدالله على السلامه
ابتسمت لسارةوحضنتها : يا قلبي انتي .. الله يسلمك
عبدالله : سارة خذي انين لغرفتها وانا بروح اتوضا واصلي العشا للحين ما صليت ..
هزيت راسي وابتسمت : من عيوني .. امشي انون
دخلت البيت وكانو واقفين بالصاله : السلام عليكم
طالعنا وكان عبدالرحمن : وعليكم السلام
رحت لانين وحضنتها : شلوونك يعيوني
انين : بخيير بشوفتكم يخويا الحلو
عبدالرحمن حضن سارة : وانتي يا مقرودة
ضحكت وطالعت في : بخير بشوفتك يخويا الحلو هه
عبدالرحمن : وين الكل
سارة : عبدالله يصلي العشا .. وعزوز مدري للحين ما جا .. وابوي بالمكتب وامي بغرفتها
انين : بروح غرفتي ..
مسكتها من يدها : غرفتك فوق جاهزة
طالعت فيها : غرفتي هنااك - واشرت على غرفة الخدامه -
مسكتها من كتوفها : من يوم وطالع غرفتك فوق .. جمب غرفتي .. وجهزتها لك .. وبتنامين فيها .. ساعتين انظف فيها واخر ما بتنامين فيها
طالعت فيها وبعبدالرحمن
عبدالرحمن : كلام سارة صح .. امشي يلا بوديك غرفتك ..
سارة : تقدرين تحركين يدك
انين : لا نواف قال لازن تظل كذا فترة
استغربت من كلامها : لي سلطان ما كان موجود
انين : مدري مشفته
سارة : دحووم .. سلطان جراحه وهالاشيا بس نواف اسعافات وكذا
عبدالرحمن ابتسم : اي صح .. شكرا على التعديل
دخلنا انين غرفتها : يلا نامي
انين : بغير ملابسي واصلي وانام
سارة : دحووم خلاص انت رح .. وانا بساعدها
طالعت فيهن وحضنتهن : الله لا يحرمني منكم .. خلكم كذا على طول ..
ابتسمنا لبعض وطلع عبدالرحمن وساعدتني سارة ابدل ملابسي وتوضيت وصليت ونمت ..
رحت غرفتي بس شفت امي واقفه قدام المرايا وباين انها متوتره دخلت غرفتها : يممما
فزت بسرعه وهي خايفه : بسم الله .. ساره خوفتيني
طالعت بامي مستغربه : يمما شفييك .. احسك متغيره في شي .. صاير معاك شي ..
منيرة تغير الموضوع : جت هذيك
طالعت بامي : يمما لها اسم .. انييين
منيرة : سارة .. لا تجننيني .. ما ابيك تخالطينها ابد
سارة : بس انيين اختي يمما
منيرة بعصبية : اي اخت هذه .. سمعيني وش بقولك اذا شفتك تتكلمين معاها والله محيحصل خييير
دخلت غرفة على صوتها : شصاير هناا
طالعت بعبدالرحمن : مافي شي
منيرة بعصبيه : اسمعني زين وش بقولك .. اذا شفت بنت هالحرام تتكلم مع سارة ما بيحصل خيير
طالعت بامي وبهدوء : اول شي انا عبدالرحمن اذا ما عرفتيني .. ثاني شي ليي ممنوع ساره تكلم انين .. وثالث شي لن سمعت كلمة بنت حرام مرة ثانيه صدقيني يا يممه ما بصير خييير .. فاااهمه .. سارة على غرفتك بسرعه
رحت غرفتي بسرعه وجلست على سريري وشفت جوالي وكان في مكالمتين من " جو " اخذت جوالي واتصلت فيها : هااي جوو .. تمام انتي شلوونك ..شفيك تصيحين .. طيب يعني اول مرة تفترقون .. والله ماني رايقه لهواش البزران حقكم .. ييي نسيت متتى .. وشهووووو اسبوع واحد .. يا ربي شلون نسيت الجامعة .. طيب طيب خلاص بشوف .. لا لا بجي لا تخافين .. تشااااو .
رميت الجوال عالسرير : اووووف شلون نسييت الجامعة لا حوووول .. شبسوي الحين .. خلني اجهز كل شي بدرس عشان ما انسا شي ..
حطيت راسي عالمخدة ودخلت بسابع نومة..
مسحت دموعي ودعيت بقلبي " يا رب انك تساعدني .. يعني وش ذنبي اذا كنت بنت حراام .. يا رب افرجها يا رب .. يا رب "
__________________________________________
طلعت الشمس ويوم جديد على حياة الكل يوم مليان بأحداث غريبه .. حزينه .. مفرحه .. محطمه ..
جالسين يفطرون وبهدوء كامل : متى موعد الطيارة
طالعت بعهود : ليي
عهود : عشان اجهز لك شنطتك
نايف : لا تعبين نفسك .. جهزت كل شي امس
ام نايف بخوف: انتبهو على انفسكم يا وليدي ..منطقه غريبه وما فيها احد
طالعنا كلنا بامي وضحكنا : هههههههههههههههههههههه
نواف : الله يحفظك لنا يا يمما .. هذه دوله موب منطقه وفيها ناس قد شعر راسي وراسك بعد
ام نايف : يعني حرام اخاف على ولدي
ابو نايف : لا لا خافي من قال .. انا بطلع للشركة مع السلامه يعيال
الكل : مع السلامه يببا
ام نايف : عهود ويين اختك
عهود : نايمه يمما .. صلينا الفجر سواا ورجعت نامت
ام نايف : هالبنت بتجنني .. بس تنام
نايف : خله يا يمما لما تتزوج بنشوف وش بتسوي
نواف : يلا يا جماعة استودعناكم ..
نايف : بتجي للمطار
نواف : اي لما تبي تطلع اتصل فيني زين
نايف : ان شاء الله
عهود : نواف نواف ..
طالعت فيها : نعمم
عهود : ابي اطلب منك طلب
نواف : وشوو
عهود : ابيك بعد ما تودي نايف تاخذني لانيين
نواف : ان شاء الله
عهود : شكرااا ..
رجعت لامي : ها يمما اشيل الفطور
ام نايف : خل اخوك يفطر زين .. ورا سفر
نايف : لا لا شيلي خلاص .. شبعت الحمدالله .. بس ابيك تسوي لي قهوة من تحت يدك
اشرت على عيوني : من عيوووني
قمت ورحت للحديقة واتصلت عليها : صباح الخير .. شلوونك .. دامك بخير انا بخير .. حبيت اتطمن عليك قبل لا اسافر تعرفين بكون مشغول وما ادري اذا كنت بتصل فيك .. لا تخافين ما بطول يومين ثلاث بخلص الشغل هناك وارجع .. وانتي انتبهي على نفسك .. اي لا تخافين افطرت وانتي .. هههه لا بتغدا بعد .. طيب خلاص شرايك امرك اشوفك واطلع .. خلاص بمرك ان شاء الله .. زين مع السلامة .
لفيت وراي ولقيتها واقفه ومبتسمه : تتجسسين علي
حطيت الكوفي عالطاولة : ما تقدر تقول تجسس جيت بالصدفة ههههه
اخذت الكوفي وطالعت فيها : شتبين الحين
جلست قباله : تحبها
رفعت حاجبي : شدخلك
عهود : كنت عارفه من الأول انك تحبها ..
حطيت الكوفي عالطاوله : شلون عرفتي
عهود : شفت صوركم مع بعض وانتو صغار قصدي صورنا كلنا بس انت ماخذ صورتها لحالها وحاطها بالصندوق الاسود الي تحت ملابسك بالخزانة
طالعت فيها بصدمه : فتشتي بغرفتي ..
قمت بسرعه وقمت اركض : لا والله بالصدفة
كانت تركض وانا اركض وراها : وقفي .. عهووود .. صدقني بتندمين .. وقفففي
كنت اركض بسرعه : نااايف .. والله كنت ارتب بخزانتك وشفته .. هههه خلاااص .. تعبت وانا اركض
مسكتها بسرعه من فنيلتها : قلتي لي بالصدفة
قمت احاول افك نفسي : والله بالصدفة
شلتها على ظهري : اجل صدفه .. بنشووف
شفته يروح جهة المسبح : لا لا لا لا ناااايف تكفففى .. لاااااوالله اسفه .. خلاص ما بعيدها
رحمتها وفكيتها : اخرر مررة
جلست علارض بسرعه : اخرر مرة
ضحكت على شكلها ورحت اجهز نفسي
__________________________________________
كنت نايمه ومرتاحه لين سمعت صوتها تنادي علي : انيين .. انييين ووجع قووومي
طالعت فيها بتعب : تعبانه ابي انام
مسكتها من يدها : قووومي سووي فطوور بسرعه
حسيت بقهر من داخلي ووقفت : ان شاء الله
نزلت المطبخ وغسلت وجهي وقمت اجهز الفطور بس كنت اتوجع بالحيل ..
دخلت المطبخ وبصدمة : انييييين ..
لفيت بسرعه : بسم الله .. شفيك
رحت واخذت الصحون من يدها : شقاعدة تسوين
تنهدت وابتسمت : اجهز الفطور
سارة : روحي غرفتك بسرعه .. بسرعه
انين : سارة امي معصبه الحين بتكفر فيني
سارة : انا بجهز كل شي .. روحي انتي
دخلت المطبخ وعصبت يوم شافت سارة : سااارة
لفينا بسرعه وشفنا امي : يممما
مسكت يد سارة : شقاعدة تسوين هنا انتي
بلعت ريقها بخوف : جيت .. بسو .. فط...
كملت عنها بسرعه : يمما سارة جت تشوف اذا خلصت ولا لا ..
طالعت بأنين وبكل قوة ضربتها كف : انتي هي .. تحسبيني ما اعرف شي
سارة تصيح : يمما ما لها دخل .. انا كنت ابي اساعدها
منيرة بصراخ : قلتلك لا تقربييين منهااا .. متفهمين انتي .. متفهمين
سارة بصياح : يممما فكييني تكفييين .. فكييني
كانت طايحه علارض تصيح من وجع يدها بهدوء
دخلنا المطبخ وشفنا انين طايحه ركض عبدالله لها وعبدالعزيز سحب ساره من يد امها : شصاااير من الصبح ..حتى نووم زي العالم ما نقدر ننام
عبدالرحمن بخوف : انيين توجعك
هزيت بالنفي بس دموعي تجاوب ..
طالعت بامي بعصبيه ولاول مرة اعصب : ليي سويتي كذااا .. كل ما اقول ابي اعطيها فرصه ثانيه تكسرينها .. لي ما تحاولين تحبينها مثلنا .. شوفي طالعي فيها .. ناقصها وجع .. حرااام عليييك .. يممه خلاص تعبنا من هالحاله كل يوم نفس هالحاله .. من يوم ما جت هالبنت وهي بس تعاني .. ما بتشوف يوم زين بحياتها يعني ..
منيرة بعصبيه : عبدالله احتررم نفسك .. انت تكلم امك ..
ضحكت بسخرية : امي .. اشك انك تعرفين معنا هالكلمه .. بس سؤال حنا شلون عيالك .. يمكن في غلط .. يمكن حنا مو عيالك ...
انصدمنا كلنا بس مو من كلام عبدالله من الكف الي جا لعبدالله من امي : احتتترم نفسسك .. فااااااهم
طالعت فيها معصب ورحت لغرفتي
طالعنا بامي ولحقنا عبدالله كلنا ..
جالس على سريره وماسك مخدته بقوة دخلنا الغرفة بشويش جلسنا كلنا حوله : عبدالله ..
طالعت بعبدالعزيز وببرود : لا تخاف ماني مضايق
حطيت يدي على كتفه وانا اصيح : انا السبب .. لو ما رحت للمطبخ ما صار هالشي ..
ضحكت على كلام سارة : هههه تكفين مابي اضحك
انيين : عبود ..
طالعت بأنين : نعمم
نزلت راسي : لي تكلمت معاها كذا
عبدالعزيز بعصبيه : ما شفتتتي شسوووت
وقفت قدامهم : شفيييكم انتوو .. هذه امكم .. امكم متفهمون .. حررام تعاملونها كذا .. انتو لازم تكونون معاها بكل شي ..
مسكت يد انين بقوة : انييين .. المثالية الزاايدة موب زينه .. خلاص .. انتي شتبين بالضبط .ِ تبين تورين الكل انك زينه .. وان قلبك طيب .. وتسامحين بسرعه تراا هالشي بضرك انتي .. بس انتي
طالعت بعبدالرحمن بصدمة من كلامه : انا اتصنع المثالية .. وابي اوري الكل اني اسامح .. انت اخر واحد اتوقع منه هالكلام
مسكتها بقوة اكثر من الأول : اذن ورينا عكس هالشي .. اذا احد صرخ بوجهك صرخي بوجهه .. اذا احد جرب يضربك اضربي .. اذا احد حاول يسوي لك شي حاسبي وعاتبي وصرخي بوجهه .. لا توقفي وتصيحين وكانك ضعيفه .. اذا ما بتتغيرين ...
طالعت في بصدمه : وش بتسوي ..
لفيت على جهة الباب وقلت لها وانا طالع : بتنقطع علاقاتنا مع بعض ... وللأبد
انصدمنا كلنا من كلام عبدالرحمن وقمنا نطالع بأنين الي واقفه مكانها منصدمة من الي سمعته ...
عبدالعزيز بتوتر : عبدالرحمن شهلكلام ..
لفيت على جهته : لا حد يتدخل .. هالشي بيني وبين انين .. وهي لازم تقرر
ركضت له بسرعه : عبدالرحمن .. تكففى لا تقول كذا .. انت تعرف اني مقدر اكون كذا .. انا شخصيتي ضعيفه من يوم يومي .. شلون بغير نفسي .. تكففى لا تسوي فيني كذا ..انت تعرف اني مقدر اعيش بدونك ..انت كل شي بحياتي .. عبدالرحمن تكففى لا تقول كذا .. عبدالرحمن تكففى ..
بعدت عنها خطوتين : اثبتي لي .. اذا كنتي تبين ما تخسريني .. سويي الي اقولك عليه .. غيري شخصيتك .. طريقتك بالكلام .. اللبس .. التعامل .. بكل شي .. عشان الكل يشوف انين القويه مو ضعيفة الشخصية ...
طلعت من الغرفة وانا مو عارف وش اسوي .. اتصلت بثامر وقلت له يجيب اخته عشان الجلسة ..
كنت جالسه انا وسارة بالغرفة : شبسوي الحين .. شلون بغيير نفسي ..انا كذا .. احس بضيقه وخنقه .. تعببت ..
مسكت يدها : لا تقولين كذا .. انتي تعرفين ان عبدالرحمن يحبك وااجد وهو قال كذا عشان يساعدك ويبي مصلحتك .. والكلام الي قاله صدق .. عشان كذا انا بساعدك ..
طالعت بسارة بتساؤول : بتساعديني بشنو بالضبط
ابتسمت لها وغمزت : بنشوف وش فايدة الاخت الكبيرة هههه
طالعت فيها باستغراب مو فاهمه شي ...
__________________________________________
واقفه قدام المرايا وارتب نفسي مو مصدقة انه بيجي يشوفني
دخلت الغرفه وشفتها تتطالع بنفسها : شوي شوي على نفسك ..
طالعت بأريام : مالك دخل .. بيجي يشوفني
ضحكت عليها وقلدتها : مالك دخل .. بيجي يشوفني ههههه
ضربتها بالروج : اقووول لا يكثثر بس ..
اريام : امي تقول صحي ياسر يفطر
طالعت فيها بعصبيه : كذاااابه .. قالت لك بس تبين تحطينها فيني
قربت منها : انتي تعرفين اذا دخلت غرفته الحين بيذبحني انتي ما بسوي لك شي ..
طالعت فيها وطلعت من الغرفه ورحت غرفة ياسر دخلت الغرفه وقربت من سريره : ياسر .. ياسر ..
رد وهو نايم : هممم ..
حطت يدها على كتفه : ياااسر قووم ..
فزيت بسرعه من يدها : قوووت .. شتبين
طالعت في بخوف : شفييك .. خوفتني
مسحت على وجهي : م..مفيني شي .. بس كنت بكابوس .. وانتي خوفتيني ..شتبين
جلست جمبه : امي تقول انزل افطر
طالعت بالساعه : اووف الساعه 10 ..
حطيت يدي على كتفه : ياسر شفييك ..
طالعت فيها بتوتر : مفي شي
طاحت دمعتي : رجعت .. للمخدرات
وقفت بسرعه : ش..شهلكلام ..
وقفت بسرعه ومسكت يد : كنت لما ادخل اصحيك تسوي نفس هالحركة.. يعني رجعت له
لفيت عليها : ما رجعت .. تعالجت انا تعالجت
طالعت في وانا اصيح : كذاااب .. كذاااب .. للحين تتعاطى ..
جلست عالسرير وحطيت يديني على وجهي وطاحت دمعتي : والله غصبن علي .. ما قدرت .. والله .. هم خلوني ارجع .. والله موب كيفي .. والله
حضنته وقمت اصيح معاه : اششش .. خلاص .. اسكت .. خلاص لا تصييح ..
حضنت قوت وكاني اتمسك بخيط يرجعني للحياه : والله حاولت ابعد .. ما قدرت .. بس امس يوم شفتهم مقدرت امسك نفسي .. والله مقدرت امسك نفسي .. قووت والله قاعد احاول ابعد بس .. بس امس خربت كل شي .. قلت ما برجع لهسم بس مقدرت .. والله مقدرت ..
زاد بكاي وانا اسمع كلامه : لا تخاف .. انا هنا بساعدك والله .. بساعدك تتعدى هالمرحله ..انت اخوي .. وحبيبي بعد .. خلاص لا تصيح .. طالع فيني .. ياسر طالعني ..
طالعت فيها بصعوبه وكملت : متذكر يوم دخنت اول مرة .. جيت وعلمتني وقلت لي خايف من ابوي .. وخايف يدري .. تذكر شقلت لك يومها ..
ياسر : قلتي لي رح صل وادعي واوعد ربنا انك ما بتسويها مرة ثانيه ..
ابتسمت له : والحين سوي كذا .. رحت توضا وصل واستغفر الله .. واوعد ربنا انك ما بتتعاطى مرة ثانية .. وانك بتحافظ على صلاتك وما بتسوي شي يغضب رب العالمين ..
حضنتها بقوة : مع انك صغيرة بس عقلك اكبر مني .. كنتي تساعديني دايما حتى وانا غلطان ..
حبيت راسه ويدينه : لانك كنت الملاذ حقي يوم اتعب من هالدنيا وكنت قوتي يوم اضعف .. وكنت ابتسامتي يوم احزن .. بس من سنتين خسرت هالأخ واليوم لقيته .. لقيت ملاذي وقوتي وسعادتي ..
وقفت ورحت لخزانتي : يلا انقلعي بتروش وانزل
ضحكت وسط دموعي : قلتلك رجع اخوي الي فقدته من سنتين هههه
طلعت من الغرفة وشفت فيصل واقف قدامي طالعت في بخوف : فييصل ..
قربت منها وحطيت يدي على راسها : صدق لما قال انك صغيرة بس عقلك كبير ..
خليتها واقفه ورحت للصالة : صباح الخير يمما
ام فيصل : صباح النور يوليدي .. وين اخوانك
فيصل : ياسر يتروش وفهد الحين بيجي
قوت : يمما .. نايف بيجي بعد شوي
ام فيصل : ما بسافر هو ..
نزلت راسي مستحيه : بيجي يشوفني
اريام : اي اي .. لي لا خل يجي فاتحين بالبيت فرع ملتقى العشاق
قوت جت بتتكلم بس جا فهد : شدخلك انتي .. يمكن غيرانه لانها للحين ما تزوجت
طالعت في بقهر : طالع بنفسك يا حبيبي
قوت : فهود شرايك نخطب لك ..
ضربتها بالخيار : فهود بعينك .. اصغر عيالك انا
مسكت الخيارة واكلتها : والله فكرة بسمي واحد من عيالي فهد عشان اقدر اقوله فهود بكيفي ..
ياسر نزل : صباح الخير
الكل : صباح النور
ياسر جلس جمب قوت : وش ذا الفطور الحلوو ..
ام فيصل ابتسمت : هذه اريام مسويته ..
طالعت بأريام وتذكرت شي
( اريام بصياح : عبدالعزيز لو كنت تحبني او لي معزة عندك ولو شي فككه
عبدالعزيز : اخوك انهاا كل شي )
انتبهت انه يطالع فيني واشرت له : يالحبيب مضيع شي بوجهي
ابتسمت لها : يمكن كل شي صار بسببي .. بس بحل الموضوع ..
ما حد فهم وش كان قصد ياسر ويمكن انا بعد ما فهمت او سويت نفسي ما افهم ..
اندق جرس الباب : ناااايف
الكل قام يطالع فيني وحسيت اني جبت العيد : قصدي .. شسمه ..
قاطعها فيصل : اريام ادخلي داخل .. افتحي له
وقفت بسرعه وفتحت له الباب
اول ما فتحت الباب طالعتها كانت تجنن .. كانها ملاك ما قدرت اشيل عيوني عنها .. وودي اخطفها واخذها معاي .. بس قطع علينا لحظتنا صوت الملقوف فهد : نححن هنننا
نزلت راسي : تفضل ..
دخلت وكان الكل جالس : السلام عليكم
الكل : وعليكم السلام
فهد : هلا هلا .. يا حي الله من جانا
نايف : شهالترحيب .. كانك تبالغ شوي
ياسر : تفضل .. خل نفطر
نايف : مشكور .. الحين افطرت .. جيت بودعكم تعرفون عندي سفره ..
فيصل : تودعنا .. ولا تبي ...
ضربته على كتفه : شرايك تسكت .. اي جاي ابي اشوف زوجتي ..
ام فيصل : تفضلو .. ادخلو المجلس
دخلنا المجلس وكانت مستحيه وشوي بتذوب بملابسها : شفييك .. شوي وبتموتين
طالعت بعيونه ونزلت راسي بسرعه : لا تحرجني
مسكت يدها : طالعي بعيوني ..
حسيت قلبي بوقف لما مسك يدي والكلام ما عاد يطلع حسيت اني بموت
ابتسمت على شكلها ووجهها صار احمر : قووت ..
طالعت في اول ما قال اسمي وبصوت خافت : لبيييه
ما تحملت نفسي وحضنتها : بتذبحيني انتي
اول ما حضنتي حسيت نفسي انقطع وكان بيغمى علي : نايف .. بمووت
فكيتها وطالعت بوجهها : بتذبحيني انتي .. لي كذا مستحيه ..
رفعت كتوفي كاني اقوله مدري
نايف : شكلي بسحب علسفرة وبقضي يومي معك
ابتسمت له : لا وين تسحب .. شغلك ذا يا مجنون
غمزت لها : انا من يوم شفتك مجنون
غطيت وجهي وانا خلاص بروح فيها : نايف تكففى خلاص .. والله استحي
وقفت وانا ابتسم لها : صار لازم اروح .. طيارتي بعد ساعه ولازم الحق على عبدالعزيز ..
وقفت بسرعه : وييين
طالعت فيها وابتسمت : تبيني ابقى هنا يعني
ابتسمت له : لو بيدي اقولك تبقى بس انت مشغول
قربت منها وبستها على جبينها : بشتاقلك ..
نزلت راسي وبهمس : وانا بعد
طلعت من عند قوت وركبت مع نواف اخوي ورحت الاقي عبدالعزيز بالمطار ...
________________________________________