الفصل 18
تمت ملكة نايف وقوت وكانو مبسوطين وفرحانيين وتمت خطبة رامي وغنى وكانو طايرين من الفرحة
بس من جهة ثانية كان في ثلاث اشخاص يحاولون يكشفون الحقيقة . . .
جالس بالصالة أفكر بالكلام الي قالته ملاك وكيف اقدر اساعدها . . .
( ملاك بصياح : بقولك كل شي بس بيننا
هزيت راسي : لا تخافين بيننا
طالعت في وببكاء : هالشي صار قبل ست شهور .. اول ما طلع كسار بحياتنا مدري كيف جا .. ثامر اخوي كان يحبه ويعزه لدرجة انه يوم طلبني من ابوي وافق بسرعه حتى بدون لا ياخذ جوابي وثامر اخوي قالي انه رجال كويس وكفو وانا صدقت ما كان بيدي حيله .. انخطبنا وخلال فترة الخطوبة كان ملاك قدامي لدرجة اني بديت أحبه .. ما انكر اني حبيته وعشقته بعد ليين تزوجنا .. اول يوم زواج ...ما لمسني قال ورانا شغل بكرا وبنروح .. ما سألته ولا قلتله شي وفالصباح رحنا بيتهم .. مسكني من يدي ورماني بالغرفة وقالي . .
كسار ببرودة : لا تطلعين من هالغرفة لين اناديك فاهمه
طالعت في باستغراب : وين بتروح
قرب مني وبسرعه ضربني كف : ومن انتي حتى تسأليني اااه
طالعت في منصدمة : كسار ..
مسكني من يدي وقربني له : تقعدين هنا وانتي ساكته مابي اسمع لك صوت فاااهمه
هزيت راسي وانا دموعي بعيوني مدري لي سوا كذا وبعد نص ساعه تقريبا دخل الغرفه
كسار : اسمعيني الحين بنروح على الفلله حقتنا والله يا ملاك لن قلتي لاحد عن الي يصير بيننا بتندمين فاهمه
قربت منه ومسكت يده : كسار .. حبيبي شفيك لي تعاملني كذا .. شسويت لك انا .. تكفى كسار لا تسوي فيني كذا
مسكني من شعري بقوة : انتي هي تحسبيني تزوجتك عشان عيونك .. استغفر الله بس .. انا جايبك بس طعم مو اكثر فاهمه .. بس والله لن احد درا عن شي لأذبحك وارميك للكلاب فاهمه
طاحت دموعي بهدوء وانا ماشيه ورا منزلة راسي وطلعت بوجهنا حرمه تصيح
الحرمة : كسار .. لن سويت للبنت شي لا انت ولدي ولا اعرفك فاااهم
كسار بعصبية : يممممما .. والله ب...
الحرمة بعصبية : قلتلك..
مسكني من يدي واخذني بقوة وانا خايفة منه ومن كلام الحرمه .. شقصدها ما يسوي فيني شي .. وش بسوي فيني ... قلت بتصل بثامر اخوي اول ما اوصل ولما وصلنا للفله وشفتها كانت فللة اخوي ثامر ابوي اعطاه اياه بس لي كسار اخذها .. اول ما دخلنا رماني بالصاله سحبت نفسي ورحت للغرفة اخذت جوالي وكنت بتصل في بس مسكني وكان معصب وبدا يضرب بقوة بكل جهة وبكل مكان يضرب فيني لين هدا خلاني مرمية علأرض وراح .. لملمت نفسي وقمت اصيح بقوة ...
كنت اطالع فيها كيف تصيح بقوة تشهق : ملاك خلاص هدي خلاص
طالعت بعبدالرحمن : خلاني مثل خدامه عنده خلاني اخدمه والله ما ادري لي سوا كذا .. والله
عبدالرحمن : طيب شدخل رنيم بالقصة
حطيت يديني على وجهي وقمت اصيح بقووة واشهق ما قدرت اتكلم ابدااا
حسيت انها تعبانه وما تقدر تتكلم :طيب خلاص هدي شوفيني ملاك طالعيني .. نكمل بكرا شرايك
هزيت راسي وقمت بسرعه وطلعت من الغرفة وشفت ثامر واقف وحضنته بسرعه : سامحني .. تكفى
حضنتها بقوة : انتي سامحيني .. انتي سامحيني
طلعت من الغرفة وشفتهم واقفين برا :ثامر ابي منك تاخذ من عندها كل المهدئات الي عندها والادوية زين .. ماهي محتاجة شي منهن زين ..
ثامر : ان شاء الله
لفيت عليه : عبدالرحمن .. مدري وش اقولك .. يمكن انت تدري علتي وش هي بس الي بنقوله ..
ابتسمت لها : ولا يهمك .. اتكلي على الله ثم علي
مسكت يد ثامر : نروح
ثامر :امشي .. )
في شي يخص رنيم متعلق بكسار بس وش هو .. وش دخل رنيم بكسار .. وش... يوووووو نسيت اليوم ملكة ناايف .. لا حووول الحين يزعل مني ..
__________________________________________
جالسه بغرفتي وحاضنه جنى و طايره من الفرحة :جنننى اخيييرا تحقققق حلمي .. مو مصدقه
جنى : من قدك يا ماما اخذتي الي تحبينه هههه
غنى بفرحة :يا ربي احس اني ابي ارقص والله
جنى : رييم وينهي
غنى :يمكن بغرفتها
جنى : قوومي نروح لها بكرا بتتزوج الثانيه
حطيت يدي على جبهتي :اوووف والله نسيت .. امشي بسرعه
قمنا ورحنا لغرفتها : ريموووش نقدر ندخل
فتحت باب الغرفه : تعالو ... من متى تاخذون اذن
جنى : عروستنا شقاعده تسوي
طالعت بجنى وابتسمت ابتسامه صفرا : ولا شي
غنى : ايشبك كذا بكرا بتصيرين متزوجة
تنهدت وابتسمت غصبن عني : اي صح بكون متزوجه
جنى : شفتو فستان سحر اليوم
غنى بسرعه :اي شفتي يجننننن
جنى : اي والله .. اعجبني حييل
غنى : وفستان سديم حلوو بعد
جنى : اي والله .. لو ادري لبست الأحمر حقي
غنى ضحكت : ههههه لا تتهورين ذا مكشوف كله
جنى : علاقل اكون مرتبه نفسي اكثر
غنى جت بتتكلم بس جوالها دق
جنى : قومي ردي على حبيب القلب
غنى استحت وقامت تركض
جنى قامت تضحك عليها : وانا بقوم اشوف امي
طلعو البنات من غرفتي ورميت نفسي عالسرير : بكرا بكون متزوجة اااخ يا ربي وش بسوي .. يا رب ساعدني يا رب ودخلت بنووم عميق
__________________________________________
خلصت الملكة وكان الكل تعبان وكنا قاعدين نرتب اشناطنا بنرجع للبيت لان في دوام عند الشباب واعمامي
سارة بتحلطم : يا ربي يعني ما نقدر نرجع بكرا
اريان بتعب : اي والله تعبانه ومفككه الفف اوووف
عهود :والله وانا اكثر منكم حتى فستاني ما رميته من التعب بس شنسوي يبون يرجعون وراهن شغل
ميهاف : انا بحط راسي وبنام لا حد يصحيني
ام نايف جت : بنات يلا انزلو تحت
ليين : يممما والله تعبانات
ام راكان : يبنيتي كلنا تعبانين بس شنسوي جدك يبي يرجع بسرعه
ميهاف : جدي بس يحط اوامر وحنا نفذ
ام فيصل ضحكت : هههه حكم القوي عالضعيف
الحريم ضحكن : هههههههه
ام نايف : امشوو ما نبي نتأخر . . . قوت وينهي
اريام : تغير فستانها .. بنلحقكم
انين : انا بروح معهن الحقوني
رحنا للصاله انا وحريم اعمامي :بطلع اشوف عبدالعزيز اخوي زين
ام راكان : لبسي عباتك يبنيتي وخذي شنطتك وانتظرينا زين
هزيت راسي وجيت بطلع وجاني صوت ميهاف : انييين حططي معك كوكيز من الي سويتيهم عشان ناكل بالطريق
ضحكت عليها : حاضر .. ما تبين عصير
ميهاف :لا يكثر بس
رحت المطبخ وحطيت كوكيز وعصير بشنطتي وطلعت شفت عزوز اخوي بالحديقة : عزوز
عبدالعزيز : خلصتو
انين : لا البنات باقي ما خلصو ..
عبدالعزيز : طيب انتظريني بجيب المفتاح وجوالي واجيك
انين : اووكي
راح عبدالعزيز يجيب مفتاحه وقلت خلني اطلع انتظره عند السيارة
بالمجلس قاعدين كلهم ودخل عبدالعزيز : يلا خلونا نطلع
نايف : عبدالرحمن ما جا
عبدالله : اعذره يا نايف مشغول والله
سلطان : شباب خلونا نطلع ابس اوصل بسرعه فيني نووم اللللف
راكان باستهبال : انت دااايما فيك نوووم وين الجديد
فهد : ياخي والله حراام عليهم يبونا نطلع الحين
فيصل : والله يا اخوي ورانا شغل مو مثلك عطال بطال يا حبيبي
فهد : بس نطلع الساعه وحده بليل ما صارت هذه
عبدالله : للأسف فهد معه حق .. فيني نوووم والله
ابو راكان : اذا خلصتو بنطلع
طلعنا كلنا وشفنا الحريم واقفات
عبدالله : يمما .. سارة وانين وابوي تعالو معاي
نايف : عهود ولين وامي وابوي معاي
فيصل : اريام وقوت وامي وابوي
فهد ونواف : وحناا
عبدالعزيز : انا باخذ جدي وجدتي وبوصلهم زين
راكان : يمما ميهاف وابوي تعالو معاي
سلطان : نواف وفهد تعالو معاي
ابو راكان : كلكم نايمين مين بسوق ان شاء الله
الشباب ضحكو : هههههههههههههه
سلطان : لا تخاف يببا نتناوب عالطريق
طلعو الشباب كلهم وتوزعو بالسيارات
عبدالله : انين وينهي
سارة باستغراب : ما جت معانا
منيرة :احسن .. امش يلا تعبانه
طالعت بامي :بتصل بعزوز يمكن معاه
اخذت جوالي واتصلت بعزوز اخوي : عزوز انين معاك ... شلووون ...لا مو معاي ... تستهبل انت شلوون يعني ... طيب بشوف.
ساره بخوف : معاه
نزلت من السيارة بسرعه : لاااا
ركضت داخل الفلله وعزوز وراي : شوفها بالغرف
قمنا ندور بالغرف وسارة لحقتنا : سارة شوفيها بالحمام بسرعه
هزيت راسي وركضت ادور بالحمامات بس ما لقيت احد : ما لقيييتها
عبدالعزيز : انييييين
عبدالله : انييييييين وييينك
سارة: انييييييين ... انييييين وين رحتي
نزلو الشباب من السيارات ودخلو الفلله : شصاير
سارة بخوف : انييين ..
اول ما سمعت اسمها مدري شصار : شفيييييها
طالعنا كلنا بسلطان ورجعنا طالعنا بساره : شفيها
سارة : مو لاقيينها
سلطان بصدمة : شلوووووووون
فيصل : كييف يعني .. وين بترووح يعني
نايف : يمكن هنا بوحدة من الغرف
عبدالعزيز بخوف : دوورنا كل الغرف
راكان : بروح ادور ورا
سلطان : وانا بدور بالمزرعه من الجهةالثانيه
نواف : بجي معاك
نايف : وانا بروح مع راكان
فهد : بروح ادور معهم انا
عبدالله : عزوز خلنا ندور برا
ركضنا انا وعزوز وطلعنا برا شفنا الكل واقف ومستغرب من الي يصير ..
ابو راكان : شصاير يا شباب
عبدالله :انيين .. مو موجودة
ابو راكان : شلون يعني وين راحت ?
عبدالله : مندري يا عمي
ابو عبدالرحمن : شصاير يا عيال
طالعت ببوي : يببا لمن هالفلله الي جنبنا
ابو عبدالرحمن استغرب : لابو حمد ليي
ركضت بسرعه ودقيت الجرس لين فتح لي شايب كبير : السلام عليكم يا عم
الشايب : هلا يوليدي ..
عبدالعزيز : عمي بسألك الكاميرا الي حاطها ذي تشتغل
الشايب : اي تشتغل لي
عبدالعزيز تنهد براحه : ممكن نشوف تسجيلات الفيديو اختي ضايعه وقلت يمكن مبينه عندك
الشايب : تفضل يوليدي ..
طالعت بعبدالله واشرت له يجي لما جا دخلنا كلنا داخل وورانا مكان التسجيلات : تفضلو يعيال خذو راحتكم
جلست عالكرسي وقمت ادور بالتسجيلات ولقيت التسجيل
عبدالله بسرعه : هذه هي عند سيارتك
عبدالعزيز : قلت لها بجيب المفاتيح واجي
وحنا نتابع التسجيل صار شي صدمنا طالعنا ببعض انا وعبدالعزيز منصدمين : انخطفت ! ! ! !
وقفت بسرعه وطلعت من الغرفة بسرعه وعبدالله يناديني
الشايب : ها طمنوني يا عيال لقيتو شي
عبدالله بصدمه وحزن : لقيينا . .
طلعت من الفلله حقت الرجال وشفت الشباب واقفين قدامي طالعت فيهم وانا للحين منصدم من الي شفته كانت واقفه عند السيارة وجو اثنين مسكوها ورموها بسيارة ثانيه واخذوها
سلطان بخوف : شصار ..
مشيت لين وقفت عند سيارتي
عبدالله طلع من الفلله وهجمو عليه الشباب : شصاار
طالعت بالشباب : هي .. هي .. انخ..طفت
انصدمنا كلنا من الي قاله عبدالله : شلووووووون
عبدالعزيز واقف عند السيارة مو داري وش يسوي وبصرخة عصبية ضرب شباك السيارة بيده لدرجة انه انكسر وانتبهنا كلنا على صراخ اريام
اريام بخووف : عببدالعزييييييييز
ركضنا كلنا للسيارة وشفنا يده تنزف بقوة والشباب مكسور ..
عبدالله بعصبيه : شسويييت انت .. انجنييييت
نزلت من السيارة بسرعه اركض للفلله دخلت المطبخ وفتحت اول خزانه اخذت علبة الاسعافات الأوليه وركضت لعبدالعزيز : امسسك
طالعت بأريام وصديت عنها
نواف : عطيني انا اسوي له
اعطيت نواف العلبه ورحت وقفت عند السيارة جمب البنات كلنا واقفات مو فاهمات اي شي ! !
نواف مسك يد عبدالعزيز وقام يشيل القزاز الي بيده بدون لا يحس بأي وجع . .
الجد بحده : تكلموو يا عيااال شصااير
فيصل طالع بالشباب : بصراحة يا جدي .. انين انخطفت ...
الكل : شلوووووون
ابو عبدالرحمن بصدمة : انخطفت
البنات بصدمة : شلوووون
حسيت جسمي ولساني انشلو عن الحركة لدرجة اني طحت علارض
عهود بصراخ وببكا : ميييهاااف .. لا تخافين .. ما بصير شي
ليين بصدمه : شلوون انخطفت تحسبونها نكته يعني تستهبلون معاااناا .. شلووون تنخطف
سارة جلست عند السيارة تصيح : عصابات وخطف وذبح لاااا يا ربي
اريام واقفه مو معهم تصيح وتطالع بيد عبدالعزيز
وقوت قاعده عند سارة
ام راكان بخوف : يا رب احميها .. يا رب
الجدة فاطمة : يا رب احمي لي بنيتي يا رب
الجد : شلوون عررفت انها انخطفت
عبدالله : شفنا بالتسجيل حق الكاميرا
ابو نايف : نايف رح لابو حمد وخذ من عنده التسجيل خل نودي للشرطة يمكن يعرفون شي او ياخذون رقم السيارة
نايف : زين .. راكان امش
سلطان : بجي معاكم
راحو الشباب لابو حمد يتكلموت معاه
فيصل : اريام قوت عهود ولين وميهاف تعالو معاي
يمااا وخالتي ام نايف وام راكان وام عبدالرحمن روحو مع فهد اخوي زين
منيره ببرود : انا اتصلت بالسواق وبجي ياخذني تعبانه ابي انام ..
طالعت انا وعبدالعزيز بامي
فيصل بحرج : خلاص سارة روحي مع فهد زين
هزيت راسي وركبت قدام والباقي ورا والبنات مع فيصل والشباب ظلو بالمزرعه
عبدالله : بتصل بعبدالرحمن لازم يعرف
عبدالعزيز جالس عالسيارة مقهور ومعصب
عبدالله : الوو .. عبدالرحمن شسمه ابي اقولك شي بس هد اعصابك ..لا لا ما صار له شي ... بس انيين .. لا تخاف ما صار شي بس .. انيين انخطفت .. مدري شلون .. حنا بالمزرعه .. زين تعال
سلطان : اتصلنا بالشرطة .. شقال عبدالرحمن
طالعت بسلطان تعبان : شبقول يعني قام يصارخ الحين بيجي ويحرقنا ..
سلطان : عبدالعزيز مهو كويس
جلست عالرصيف : انين بالنسبة لعزوز روحه .. ولما احد ياخذ روحك وش بتحس في
طالعت بعبدالله " ليتك تدري وش احس في الحين "
نايف : شباب الشرطه وصلت
وقفنا كلنا الا عبدالعزيز جالس على السيارة
الشرطي : السلام عليكم .. انا محمد
عبدالله : وعليكم السلام انا عبدالله
محمد : انتو بلغتو عن عملية خطف
عبدالله : اي .. اختي والتسجيل موجود بس ما قدرنا نسوي شي مو عارفين نتصرف
راكان : هذا الستجيل اذا حاب تشوفه
محمد : بصراحه حنا ما نقدر نسوي شي قبل اربع وعشرين ساعه بس لما تكلم معانا فيصل وقال لنا عن الوضع تصرفنا وان شاء اللع نلاقي شي ونطمنكم .. انتو شاكيين بأحد معيين
عبدالله : انين اختي معندها اعداء ولا احد يعرفها حتى ف لي يبون يخطفونها
محمد : اسمعني وش بقولك بس لا تفهمني غلط بعطيك احتمالات .. يمكن في احد حب ينتقم من احد معين منكم فقرر يخطفها على اساس يهددكم ويمكن احد يكرهها وخطفها .. ويمكن احد من العيله نفسها
نايف : شقصدك يعني احد من عايلتنا خطفها
محمد : هذا مجرد احتمال
سمعنا ضحك عبدالعزيز : تصدق عاد يمكن صادق .. اذا في حد حاب ينتقم مننا فهالشي جايز لان في لنا اعداء وااجد .. واذا كان احد يكرهها فمن قال لك يا عبدالله ان انين ما لها اعداء في .. واذا كان احد من العايله بعد ما استبعدها .. يمكن امي سوتها ويمكن جدي ويمكن اي احد
عبدالله مسك يد عبدالعزيز : انجنيت انت شقاعد تخربط
بصراخ هز المكان : انيييييين مخطووووفه وانتو قاعدين تحطوون احتمالات
محمد : انا حاس فيك بس لازن تكون اهدا
ضحكت على كلمته : ههههههه حاس فيني .. وش حاس في بالله .. جربت هالشعور من قبل .. ما اظن .. فلا تحط نفسك مكاني لان الي احس في ما احد يحسه فيكم ابدا ..
عبدالله : راكان خذ عبدالعزيز من هنا
محمد : توأم
عبدالله هز راسه
محمد : حنا بنبذل كل جهدنا وان شاء الله نلاقاها
وصلت عندهم وشفت الشرطة عندهم نزلت بسرعه : شصااار
لفينا كلنا وشفنا عبدالرحمن جاي معصب
لفيت على محمد : توأم ثاني
محمد : اشوووف
عبدالرحمن بعصبية : شصااااار
عبدالله : عبدالرحمن هد
مسكت عبدالله من ثوبه : تتصل فيني وتقول لي انين مخطوفه وتبيني اهدي .. لا شرايك اروح اجهز لي كوب شاي
راكان فك عبدالله : عبدالرحمن ما يصير الي تسويه
عبدالله نزل راسه
عبدالعزيز : كانك تعرف ترجعها رجعها بس لا تقوم تصارخ وتضارب زين
طالعت بعبدالعزيز وجيت بتكلم بس انتبهت على يده ورحت له بسرعه : شفيها يدك
سحبت يدي منه : ولا شي
طالعت بعبدالله :شفييه
طالعت بعبدالرحمن واشرت عالسيارة
عبدالرحمن بصدمة : كسرتها بيدك
لفيت وجهي عنه : اي
عبدالرحمن : شصار .. فهموني
نايف : حسب التسجيلات انخطفت في اثنين خدروها وحطوها بسيارة
طالعت فيهم منصدم : بهالسهوله وانتو وين كنتو
نايف : كنا بالمجلس نتجهز .. يعني ما حد قال لنا انهم خلصو
عبدالعزيز : جتني تبي تروح معاي قلت لها انتظريني لين اجيب جوالي والمفتاح بس لما طلعت شفت كل البنات ومنقبات معرفتها
عبدالرحمن : طيب وبعدين ..
محمد : حنا بنبذل كل جهدنا عشان نلاقيها
طالعت بالشرطي وبحده : يا ريت نلاقي افعال مو بس كلام بالهوا
محمد : لا ان شاء الله قول وفعل .. والحين اعذروني بنكمل تحقيقات ..
__________________________________________
قاعدات بالغرفة انا وعهود ولين واريام وقوت وساره : بنظل كذا قاعدات ونصيح
عهود : وش بنسوي يعني
ليين : هالبنت وش شافت من حياتها غير التعب والذل والهم ما يصير ترتاح يعني .. يا رب انت اعلم بحالها احميها واستر عليها وابعد عنها كل شر واذى
البنات مع بعض : امييييين
بالصالة جالسات الحريم خايفات
ام راكان : منيرة هذه شطينتها
ام نايف : لا حول ولا قوة الا بالله ولا اهتمت حتى
ام فيصل : والله اني راحمه هالبنت ما شافت بحياتها غير الشقى ..
ام راكان : الله يردها سالمه يا رب
__________________________________________
واقفين عند السيارات : ها يا ولد بتجي ولا لا
رامي : لا عندي شغل بكرا من الساعه سبعه روحو انتو
فارس : ثامر امش موب جاي
ثامر : انت خسران
رامي : انتبهو
فارس وثامر ومعن : مع السلامه
معن : الساعه ثلاث الفجر ابي اعرف وش جا براسك انت واياه تكشتون الحين
فارس : فيها مطر والجو حلو لي ما نطلع
معن : يعني تبونا نخيس بالبر
ثامر : كانك ما تبي لي جاي
معن : انا مااابي جابني هالسبك الي معك
فارس : الحين ابيك تغير جو هذه جزاتي
طالعت فيهم : اقول ثامر .. وقف وقف
ثامر : لييي
معن : بروح اناااااااام
ثامر : احسن .. انزل
نزلت من السيارة وكملت طريقي للبيت وخليت الشباب يروحون لحالهم
فارس : ما بقى غيرنا
ثامر : احسن بنكشت بنسوي قهوة وبنزين القعده وبنصورها لهم عشان يموتون انهن خسرو جلسه زي كذا اورييهم
طالعت فيه وضحكت : هههههههههه تدري ذكرتني بسوالف البنات يوم يقولون بنسوي كذا عشان نقهرهم
طالعت في بنص عين : والله انك تعقب اقول لا يكثر بس زين ..
مسكت ضحكتي وجلست اطقطق على جوالي وهو يسوق
__________________________________________
الساعه اربعه الفجر والكل تعبان ومضايق وما يبون يورون بعض ..
جالس بالحديقة ادخن من ضيقتي تعبان وين هي وش تسوي .. مع منو .. تاكل تشرب .. تصيح ولا تصارخ .. كل هذه الافكار تاكل براسي احس انه شوي وبيتفجر ابي احرق هالدنيا كلها . . .
طالعت من الشباك شفته بالحديقة يدخن زعلت عليه لبست عباتي وطلعت له : لي قاعد تدخن
لفيت وراي وشفت اريام : شتسوين هنا
وقفت قباله : التدخين مو زين حقك
تنهدت وطالعت فيها : وانتي شدخلك
حزت بخاطري هالكلمه بس سويت نفسي عادي : ما دخلني بس تظل ولد عمي واهتم لك بعد
طالعت فيها بنص عين : ولد عمك .. كويس
نزلت راسي : ان شاء الله بترجع
طالعت فيها وانا قرفان نفسي : ليتها ما ترجع يشيخه
انصدمت من كلامه : شلووون
وقفت وقربت منها : تصدقين الحين افكر اقول لي ترجع وتعيش المذله نفسها .. يمكن الي خطفوها يعاملونها احسن من معاملتنا .. ويمكن تكون مرتاحه معهم اكثر مننا .. تصدقين قمت اتمنى انها تموت ولا ترجع على هالمكان الي معيشها تعب والم وجراح ..
دمعت عيوني من كلامه : طيب انا شدخلني .. هذا نصيبها من الحياه لي اتحمل كرهك لي ..
حطيت يدي على قلبي وطالعت فيها : رغم كل شي صار اتمنا اكرهك بس علفاضي .. مو قادر
طالعت في وحطيت يدي على قلبي : وانا حاولت انساك واشيلك من عقلي وقلبي بس علفاضي مو راضي ينساك _ واشرت على قلبي _
ضحكت على حالنا : هههه وصلنا لحاله ما ننحسد عليها ..
مسحت دموعي : يمكن هالشي الي صار مع انين يحنن قلوبهم عليها ويتقبلوها
جلست مكاني ومسحت على وجهي
كملت كلامي : عبدالعزيز انا مدري لي كل هالشي يصير مع انين .. رب العالمين كاتب لكل واحد حياته وهذا نصيبها .. معندي كلام اقوله لك والله . . . بس انا مابي اخسرك بسبب هالشي الي يصير
طالعت فيها وانا محتار : تكفين روحي من هنا ..
طالعت فيه بكسرة ورحت وانا ماسكه نفسي عشان ما اصيح قدامه . .
حطيت يديني على راسي : افففف بس .. انا داري يا اريام مالك دخل بس شسوي .. الكلام يطلع مني بدون لا افكر ولا احسب له حساب .. لا حول ولا قوة الا بالله .. وييينك يا انييين ويييييينك . . .
__________________________________________
نزلو من السيارة وهم مبسوطين بالصيدةالجديدة حملوها ودخلوها داخل : عمتي .. عمتي
نزلت من الدرج بوجهها العبوس والكريه : شتسوون هنا انتو .. وش الي معكم ذا
ابتسم بخبث وقرب : صيد جديد يا عممه
ابتسمت بكل فخر : والله وسويتوها .. بس مو كنها كبيرة شوي
ضحك ضحكة شر : كبيرة كفاية وفي عز طلعتها
طالعت فيهم وبصوت جهوري : حطوها بالغرفه الي فوق . . كم باقي لها عشان تصحى
طالع بوجهها النايم التعبان : يبيلها ساعتين كذا
هزت راسها : كويس .. حطوها فوق .. واي بجي اليوم زبون .. قولو لبثينة تجهز زين وروحو مابي احد يشوفكم هنا
هز راسه بسكوت وطلع فوق مع الشباب رماها بالغرفة وراح لغرفة البنات وطق الباب
البنات : من
رد بصوته الخشن : انا حسن
انخفى صوت البنات من الخوف ما غير صوت بنت واحده : شتبييييي
ضحك وعرف انها مررح وبكل حب : قولي لبثينة تتجهز يبونها ..
بكل كره وعصبية : زين .. والحين روح من هنا
حط يده على راسه وبكل رومانسية : أمرك يا عسل
جلست على الكرسي وحابسه دموعها : الله ياخذك
طالعت ببثينة الي تصيح بهدوء قامت لها : شفيك تصيحين
بثينة : ما سمعتي يبوني .. الاسبوع الي فات بغيت اموت يا فرح .. تعبت تعبت
طاحت دمعتها : طيب خلاص .. بشوف حل
بثينة : كل مرة تقولين نفس الكلام ويوم ياخذوني تقعدين تصيحين وتصارخين والعمه تضربك وترميك بالغرفة لحالك وش الفايدة .. شفتي شسوت بتسنيم يوم حاولت تدافع عن مرام رمتها من الدرج قدام الكل
ولا كانه صار شي . .
حطيت يدي على وجهي اصيح وقمت بسرعه وطلعت من الغرفه ...
جالس بالغرفة يطالع من الشباك الصغير الي عنده وشافهم يوم دخلو ومعهم بنت : الله يلعنكم من جبتو هالمرة .. انا لازم احاول اوصل لمررح بسرعه ..
سمع صوت احد ينادي من عند الباب ركض بسرعه جهة الباب : مررح
حاولت تكتم بكاها : اي مررح
تنهد بارتياح : الحين كنت افكر فيك ..
ابتسمت غصبن عنها : تبي شي اجيبه لك
بصوت خافت : مررح ابيك تسمعيني زين .. الحين جابو بنت جديده
انصدمت من الي قاله : وشهووو بنت جديده
كملت كلامي : بس مبين انها كبيرة يعني بعمرك كذا
حطيت يدي على فمي من الصدمة : المسكينة
وبصوت اخفت : ابيك تساعديني زين
استغربت منه : شلوون
ضامي : ابيك تحاولين تسرقين مفتاح الباب هذا والباب حق البنت الجديدة اكيد بكون مفتوح وابيك تقولين للبنات كلهم اننا بنشرد بعد ثلاث ساعات من الحين وانتبهي احد يدري .. بتساعديني ولا لا
انصدمت من كلامه : نشررد .. انجنيت انت اذا انمسكنا بيذبحونا يا ضامي
ابتسمت : لا تخافين ما حد بيمسكنا ..انا مخطط لكل شي بس انتبهي البنات يقولن شي زين ..
حسيت قلبي يدق بسرعه : بحاول .. اي نسيت اقولك حسن الكلب هنا
تغيرت ملامح وجهي يوم سمعت اسمه : سواا لك شي
بلعت ريقي : لا لا تخاف ما سواا لي شي ..
تنهدت براحه : روحي الحين ويوم تجيبي المفاتيح تجيني وبنبدا بالخطوة الاولى زين
مررح : زين
رحت من عند ضامي ومريت على الغرفة الي فيها البنت الجديدة دخلت الغرفة بهدوء وقربت منها وكشفت عن وجهها وانصدمت : ما شاء الله عليها تجنن وش هالجمال ذا .. اللهم صل على نبينا محمد .. وعيونها زرق بعد .. المسكينه وش جابها على مكان مثل هذا .. ااخ يا ربي ..
وفجأة جاها الصوت الي تكره تسمعه : مررح
وقفت بسرعه وبخوف : عممه ..
دخلت بهدوء : شقاعده تسوين هنا انتي
من الخوف ما طلع صوتها حتى نفس ما عادت تتنفس
عادت السؤال بس بحده اكثر : شقاعده تسوين هنا
بلعت ريقها : جيت .. اشوفها ..
هزت راسها بهدوء : اول ما تصحى تخلينها تهدا مابي صراخ فاهمه
هزيت راسي بخوف : حاضر
كملت كلامها : بروح اتروش .. وانتي روحي لبثينه جهزيها
هزيت راسي : حاضر
طلعت من الغرفه وراحت غرفتها حطت مفاتيحها عالطاوله ودخلت الحمام - عزكم الله -
اول ما سمعت صوت الماء دخلت بهدوء وبكل خفة مسكت المفاتيح بيدي واخذت مفتاح غرفة ضامي ومفتاح الباب الرئيسي وطلعت بسرعه من الغرفة .. طبعا مستحيل تشك لانه عندها من كل مفتاح نسختين .. رحت الغرفة الي فيها البنات وقلت لهن عن كل شي : اذا جاهزات بنروح اليوم .. بعد ثلاث ساعات بس الي ما تبي ما تخرب علينا
تسنيم : انا موافقه
بثينه : وانا
مرام : وانا
سحر : وانا
امينه : وانا بعد
سمية : وانا بطلع بعد
طالعت بفرح وابتهال وسميرة : ها .. بتروحون معنا
طالعنا ببعض وهزينا روسنا : بنروح
ابتسمت : الحمد لله .. بس نبي مساعده
بثينة : مني
هزيت راسي : حنا مضطرين على هالشي
ابتسمت غصبن عنها : بسوي هالشي اذا بخلينا نطلع من هنا
حضنتها بقوة : صدقيني بنتخلص من كل هالوجع
طالعت بالبنات وفتحت يديني : تعالو
حضنا بعض بقوة وقعدنا نخطط عشان نطلع
رحت بهدوء لغرفة ضامي واعطيته المفتاح ورجعت لغرفة البنت الجديدة وانتظرت عندها ..
فتحت عيوني بشويش وانا احس بوجع فظيع براسي وريحة غريبه بأنفي وما كنت قاعده اشوف زين كل شي كان مشوش شفت خيال بنت قدامي تطالع فيني ومبتسمه وبصوت خافت : ميهاف ..
ابتسمت لها كانت تحسبني اختها يمكن قربت منها وحطيت يدي على كتفها : انا مررح
فتحت عيوني اكثر شوي استوعب المكان الي انا في : ميين مررح .. ويين انا ..
ما عرفت وش ارد عليها بس كان لازم اقول لها : انتي .. انتي مخطوفه
طالعت فيها بصدمة : مخطوفه .. شلوون ..
مسكت يدها بسرعه قبل لا تبدا تصارخ : لا تصارخين والله بيذبحونك .. انا بساعدك
فكيت يدها عني وبصراخ : شهالكلام الي قاعده تقولينه .. شلوون مخطوفه .. تستهبلين انتي
حطيت يدي بسرعه على فمها : اشش اذا سمعوك والله بيذبحوك تكفين .. تكفين اسكتي وانا بفهمك كل شي زين امانه .. عشاني اسكتي شوي
هزيت راسي : طيب من انتي .. وش هالمكان .. وين انا .. قولي شي
جلست قبالها : اسمي مررح .. وهالمكان هو جهنم لكل شي سيء يصير .. وجابوك هنا عشان يتاجرون فيك مثل ما يسوون فينا .. بس انتي لا تخافين اسمعي حنا بنساعدك بس انتي ثقي فيني تكفين
كنت اسمع كلامها وانا منصدمه : جهنم .. وتجارة ومدري وشو .. مو مو قادره استوعب شي ..
حضنتها ودموعي بعيني : تكفين اهدي وانا معاك .. شسمك انتي
طالعت فيها وانا للحين منصدمه : انيين
ابتسمت لها : اسمك حلووو وانتي حلووه .. الله يحميك ويحفظك
ابتسمت غصبن علي تحسبني صغيرة
شفتها مبتسمه : وش الي يضحكك
حطيت يدي على خدها : عمري 19 سنه يقلبي
فتحت عيوني على كبرهم : شلوووون
ضحكت غصبن عني : وانتي كم عمرك
كنت اطالع فيها متفاجأة : عمري 17 سنه ..
مسكت يدها : تكفين قوليلي شلون اقدر اطلع من هنا
مررح : لا تخافين بنحل كل شي .. وبنطلع بس انتي لا تصارخين .. واذا جتك حرمه كبيرة تصرفي وانتي خايفه وحاولي قد ما تقدرين تخلينها تحس انك خايفه وخلك قاعده بالزاويه عشان ما تسكر عليك الباب وتخلي مفتوح زين .. واذا دخلو عندك شباب لا تخافين زين خلك بالزاوية وصارخي وهي بتشوفك خايفه ما بتخلي احد يلمسك زين ..
كنت اسمع لنصايحها وانا منصدمة بالحيل هزيت راسي لها
حطيت يدي على كتفها : بقولك الحين على الخطة الي بطلعنا من هنا زين ...
قلت لها كل شي وعلمتها كل شي وطلعت من الغرفه ورحت عند البنات ...
جلست بالزاوية مثل ما قالت لي وقمت اصيح وادعي ان كل شي يمر على خير ....
__________________________________________
صلينا الفجر وشبينا النار وضبطنا الجلسة وعدلنا الدلة وجلسنا حوالين النار كل واحد على جواله طالعت ببطارية جوالي لقيتها بتخلص : ثامر وين شاحنك
ثامر : بالسيارة
رحت السيارة ودورت عليه : ويينه .. مو لاقي
قمت من مكاني ورحت عنده : ياخي لو كان بعيونك ما بتشوفه وخخر اقول
طالعت في : طلعه يا كاميرا انت
دورت عليه بكل مكان بس ما لقيته : يمكن ناسي
طالعت في : تستهبل انت .. شلوون نااسي .. وانا جوالي بيطفي شبسوي الحين
طالعت في بعصبيه : فرووس ترا والله فيني نووم برووح انام لما اصحى نتهاوش مثل ما تبي زين
طالعت في وانا ابي ادفنه : طيب عطني جوالك
لفيت نفسي بالبطانيه : جوالي طافي ما في شحن
فتحت عيوني على كبرهن : شلووووووون ..
غمضت عيوني ودخلت بنومه وخليته يتهاوش مع نفسه ..
خليت جوالي ورحت اتمشى بالبر واتفقد المكان جلست على صخره كبيرة وتذكرت شي خلاني ابتسم غصبن عني