الفصل 17
واقفات انا وسحر نحاول نلاقي فستان للخطبه وحوسه وبصراخ : سححر ركزي معي .. مو لاقيه شي البسه شسوي
طالعت فيها وانا ابي ادفنها : سدييم والله بذبحك عوفتيني حياتي .. سمعي شرايك نروح السوق نشتري لك فستان وتفكيني من همك
طالعت فيها بحزن : الحين انا هم عليك .. خلاص روحي مابيك تساعديني
حطيت يدي عراسي : سدييم لا تسوين فيها البريئه امشي قدامي بسرعه
ابتسمت لها وطلعنا : يمما بنطلع انا وسديم نشتري فستاتين ونجي ما بنطول
ام رامي بعصبيه : انتو كل يوم فساتين .. يا ربي صبرني .. طيب لا تتاخرو ماشي
البنات بصوت عالي : اوووكي مامي
طلعنا وشفنا رامي وقف ويكلم بالجوال والابتسامه واصله اذونا قربنا بشويش او سحر قربت بشويش وبصوت عالي : غنوو ترا ما بنطير بنجيكم اليوم بليل تحملي عااد ههه
نقزت من مكاني ولفيت بسرعه :يا حيوانه
ضحكت على منظره : شوي شوي لا يقرح لك عرق
مسكتها من عبايتها : ترا بتوطا ببطنك هنا
سديم بخوف : لا لا تكفى خلاص حنا كنا رايحين نشتري فساتين .. شرايك تودينا
ابتسمت لسديم :عشان عيونك اوديك
ركبنا مع رامي ورحنا معاه
__________________________________________
كنت قاعده اجهز نفسي وانا كرهانه نفسي : جنوو خذي هذه لغنى بتلبسها
طالعت بريم الي كانت موب طايقه شي : ريم شفيك
طالعت بجنى وتنهدت : مفيني شي تعبانه شوي
جنى : تبيني اقول لمعن او فارس ياخذك للمستشفى
ابتسمت لها :لا حبيبتي ماله داعي .. روحي اعطي جنى الطقم ذا لتنجن وانا بسوي تعديلات عنفسي وانزل اوكي
هزيت راسي : اوكي حبيبتي
جلست عالسرير ونزلت دمعه حاره من عيوني على الي قاعد يصير فيني .. يا رب انت اعلم بحالي والي قاعد يصير فيني .. يا رب ابعد عني كل شر واحميني مابي اطيح بمشاكل .. يا رب ابعد راكان عني .. يا رب ساعدني اتخطى هالمصيبه بدون مشاكل ... يا رب
__________________________________________
واقفات كلنا قدام المرايا نطالع بقوت : تجنننيين
ساره : حطي رووج احمر وتطلعين امييره
اريام : واااااو قووت طالعه قمرر
انين : بنات وش ذا قولو ما شاء الله
عهود : ما شاء الله .. الله يحميك يا قلبي
ميهاف : بنات ابي اتزووج اليووم
طالعنا كلنا بميهاف وضحكنا : هههههههههههههه
طالعت بقوت وشفتها متوتره حطيت يدي على كتفها : شفيك يا عروسه
طالعت بأنين وأنا ندمانه : مدري وش اقولك .. انتي ..
قاطعتها بسرعه وانا اعرف وش بتقول : اششش اليووم ملكتك يعني اليوم وناسه وفلله وبنفرح مانبي شي يعكر مزاجنا زين
هزيت راسي وحضنتها : منجد قلبك عسل
طالعت فيها وغمزت لها : ادري
فتحت عيوني بسرعه وبصرخه : بنااااااااات
طالعنا كلنا بليين : شفييك
ليين : نسيت نواااف اووف
نزلت بسرعه ورحت للباب وشفت نواف واقف قربت منه بشويش وبخوف : نواف
طالعت فيها وانا جنون الانس والجن بوجهي : انسه ليين لي ما اخذتي راحتك اكثر وتأخرتي بعد
طالعت في بخوف : صدقني نسيت كنت اساعد البنات بالتجهيزات ونسيتك
قربت منها وبصراخ : ليي ساعه مزروع قدام الباب استنى ببطاقة الإحوال حقت وجهك
طلعتها بسرعه : هذه هي خذها بس لا تصرخ تكفى
سحبتها من يدها بقوه : انقلعي من وجهي
ركضت للغرفه عند البنات وخليت نواف تحت
اخذت البطاقه ورحت مع سلطان للمول : ما بنتأخر بنشتري ثوب وشماغ ونروح زين
هزيت راسي : وبشتري لي عطر الي عندي خلص
جيت بتكلم ووصلتني رساله من نايف " جب لي معك شرابات جديده وعطر انت تعرف اي نوع احب .. لا تخاف بحاسبك " طالعت بسلطان :هيا خذلك .. العريس يبيني اجيب له شرابات وعطر جديد .. لا حول وش ذا
طالعت في وضحكت :هههههههههههههههههههههههه� � شرابات هههههههههههههههه عريس استغفر الله هههههههههههههههه والله مدري لي اضحك هههههههه
طالعت بسلطان وقمت اضحك : ههههههههههههههههه استغفر الله بس هههههههههههههههههههههه
وصلنا المول : انزل ما نبي نتأخر تدري جدي يبينا عالموعد بالضبط
طالعت بسلطان : بتكون بكرا بخطبة راكان صح
هزيت راسي : اخووي يا سبك اكييد بكون
ضربته على كتفه :ما السبك الا انت .. ادخل بس
دخلنا المول ورحت اشتري لي ثوب واشوف وش يعجبني
__________________________________________
واقفه قدام الفستان اقيمه حلو ولا لا : في منه بس بينك
الموظفه :لا والله مافي غير احمر واسود
سحر : طيب الاحمر حلو وش في
سديم : حلوو .. بس مدري
سحر : سديم لا تجننيني رامي قال ما بينتظر واجد
طالعت بسحر : شوفي في محل فوق بروح له وانتي انتظري هنا اوكي
هزيت راسي : احسن تعبانه اطلع وانزل ..
طلعت من المحل ورحت مع اتلفت حولي واشوف الفساتين المعروضه عالواجهه وفجأه صار شي خلاني اتجمد مكاني .. كان في واحد يمشي قريب مني ومن الخوف قمت امشي بسرعه او اركض مدري وش صار لي
الشاب : لي تمش بسرعه ترا ما بسويلك شي كله رقم
لفيت حولي ما لقيت احد حسيت قلبي بوقف من الخوف دخلت اول محل قدامي وكان في شباب وبدون ما احس دموعي قامت تنزل واشهق بقوه والشاب واقف لي برا ينتظر ..
حطيت يدي على فمي اكتم شهقاتي وقرب مني واحد
الشاب : اختي انتي بخير
طالعت في وقمت اصيح بدون شعور : خ..خايفه
رحمتها وما عرفت وش اسوي طالعت بسلطان :شسوي
سلطان : طيب اختي قولي لنا يمكن نساعدك
طالعت برا ولقيته يطالع فيني : ذاك الي واقف برا يحاول يتحرش فيني ساعدوني تكفون .. اختي بالطابق الي تحت ومو عارفه اوصل لها واخوي برا بالسياره خايفه اطلع .. ولي يستر عليكم ساعدوني
تكفون ...
طالعت فيها وبعيونها كان باين الخوف فيهم عطيتها مويه تشربي : خلص لا تخافين بنساعدك بس خذي اشربي واهدي .. سلطان تصرف معه وانا بوصلها لاخوها زين
سلطان : ولا يهمك
طلعت معها وانا اشوفها ترجف : ايشبك ترجفين لا تخافين انا معاك ..
هزيت راسي : مشكور
الشاب وقف قدامها : انا قلتلك رقم بس شكلك تلعبين عالعالي
طالعت في بخوف ورحت ورا الي معاي
نواف : اقوول يالحبيب ضف وجهك من هنا احسلك
الشاب : ويدافع عنك بعد .. مو هينه والله بثواني ضبطي وخليته خاتم باصبعك
سلطان بعصبيه : انت هي ترضاها عخواتك ولا على امك يصير فيهم كذا
الشاب : مالك شغل انت خلك برا الموضوع
دموعي قامت تنزل وبدون شعور مسكت ثوب الي معاي : تكفى استر علي بيفضحني ..
اول ما مسكت يدي حسيت بنغزه بقلبي لفيت عليها : شلونك بالركض
فتحت عيوني على كبرهم :ركض
ابتسمت لها : مجبورين نركض من هنا لين الطابق الي تحت عشان نوصل لاختك
طالعت في بصدمه : والناس وش بتقول علينا
طالعت بعيونها : مو مهم الناس .. امشي بسرعه
طالعت في وهزيت راسي ب اي : بسرعه
نواف : بسرعه
الشاب جا بيضرب سلطان بس نواف ركض بسرعه ودفه خلاه يطيح عالارض ومسك يد سلطان وقامو يركضون بنص المول وسديم بالنص
سلطان بخوف : شفيكم تركضون
نواف : تبي نفضح البنت كان لازم نركض
وصلنا الدرج ونزلنا تحت وصلنا عند المحل الي خليت سحر عنده دخلت بس ما لقيتها جلست عالكرسي وقمت اصيح ...
دخلت وشفتها تصيح : شقصتكم انتو يالبنات تموتون بالبكاء
طالعت في بخوف : اختي موب هنا .. كيف بوصل لها
طالعت فيها وضحكت منجد بريئه : معقوله .. طيب سمعتي بإختراع اسمه الجوال ..
حسيت من كلامه انه يتستهبل علي بس معاه حق اخذت جوالي واتصلت بسحر : الوو سحر .. وينك .. مفيني شي .. اسمعيني .. تعالي عنفس المحل الي كنا في زين .. بسرعه ..
سلطان : نواف خلينا نروح
نواف : انتي بخير
طالعت في وابتسمت : مشكور .. ما بنسا الي سويته معاي لاخر عمري
ضحكت وباستهبال : لا لا تنسينه بجي يوم وبتردينه لي زين
هزيت راسي : صدقني الي سويته لي ما بعوضك اياه ابدا ..
ابتسمت لها : لا تخاذين كلامي جد استهبل معاك ..
طالعت فيهم : اسف اذا قاطعت كلامكم الحلو والتضحيات بس استاذ نواف عندنا ملكه ولازم نلحق عليها
طالعت بسلطان وضربته بالقنينه : كل تبن زين
نزلت راسي بسرعه ورفعته على صوت رامي
رامي : سدييم
رفعت راسي بسرعه : راامي
ركضت بسرعه وحضنته : ابا اروح بسرعه تكفى
سحر بخوف : شصاير .. انتي بخير
هزيت راسي : بخير .. خلونا نروح
مسكت يد سديم وطلعنا من المحل
لفيت راسي وطالعت بالشاب الي انقذني تركت يد رامي : بجيب المويه
رجعت بسرعه واخذت القنينه وطالعت بنواف : شكرا
ورجعت لرامي بسرعه وطلعت معاه
ابتسمت وطالعت فيها : الله يستر عليها
رحت له وضربت كتفه : شصار روميو عشق من النظره الاولى
طالعت في بعصبيه : اي عشق يرحم امك .. انا ابي هالنذل بكسره تكسير شلون يسوي كذا مع البنت ما عاد به حيا ولا خجل ولا غيره وش ذا
مسكته من يده : امش امش بس خل ناخذ اغراضنا ونروح ورانا شغل
__________________________________________
بمكان آخر بعيد عن الأنظار .. يحمل الكثير من الألم والحزن والخوف ..
جالس بالغرفة معصب .. بس وش الجديد كل يوم على هذه الحاله بس الي مصبره على هذه الحاله شي واحد بس ..
دخلت الغرفة تصيح بقوة : ضاااااامي..
قمت بسرعه من مكاني ورحت لها : شفيييك
حضنته بقوة وانا خايفه : دووري .. دووري قررب
انصدمت من الي قالته بعدتها عني بسرعه :شلوون
طحت علأرض وكنت اصيح واشهق بقوة : سمعت امك تتكلم مع واحد تقول في بنت جديدة اسمها مرح تقدرون تاخذونها
نزلت لمستواها وحضنتها :والله الذي لا اله الا هو لن قرب منك احد لأدفنه بالحيا والله ..
حضنته بقوة : مابي اظل هنا .. ابي ارجع لأهلي والله تعبت كل يوم اشوف البنات كيف .. كيف يطلعون من الغرفه تعبانات ويصيحن والله اتعب يبوني الحين ان..
قاطعتها بحده : قلتلك والله طول ما راسي يشم الهوا ما حد يلمس شعره من راسك فاااهمه ..
دخلت الغرفة بوجهها العبوس وحدتها وبصراخ : مررح
وقفنا بسرعه وبخوف : يممما
ام ضامي بحدة : ضااامي لا تدخل
وقفت قدامها بحدة : يممما لا تقربين
ام ضامي شدت مرح بقوة : تعااااااالي
وقفت ورا ام ضامي وبخوف وانا اطالع ضامي
ضامي : ابي اطلع من هالغرفة
ام ضامي : وين بتروووح
قربت منها بحده : برووح ادور على اهلي
ام ضامي بتوتر :انت ولدددي انا
طالعت فيها وبعصبيه : ما حلمتي اكوون ولدك فاهمه
ام ضامي ضربته كف : انت ولددي انااا .. انااااا
ضامي : صدقيني بيجي يووم وبخليك تندمين على كل شي سويتي بهالبنات ..
ام ضامي : اشوف قلبك حن شصار
صارخت عليها : حابستني بهالغرفه كاني اسير بهالزنزانه هذه
ام ضامي لفت وجهها : بتم بهالغرفه ليين تمووت ..
جيت بطلع بس بسرعه دفتني ورا وطحت عالسرير
وطلعت وسكرت الباب بقوه
ام ضامي بصراخ : اذا فكرتي تدخلين هالغرفه مرره ثانيه بذبحك فاهمه
هزيت راسي وكنت اصيح بقوه هذه حالنا من سنوات
( من سنوات جيت على هالمكان .. هالحرمه خطفتني من أهلي يوم كان عمري 11 سنه وجابتني على هالفلله ... من برا مبينه انها فلله بس من داخل سجن .. حتى السجن ارحم شوي من الي نعيشه هنا
بهالمكان في اكثر من عشر بنات .. طبعا كلنا مخطوفات .. البنات هنا يعيشن فترات مخيفه ومو طبيعيه .. يجون شباب هنا يقعدون ساعات بالغرفه ما ندري وش يصير بس يوم كبرنا فهمنا وعرفنا كل شي صارت البنت الي تدخل تتمنا تموت بالداخل ولا تطلع لان الي يصير صعب ..
يوم شفت ضامي اول مره كان عمره 14 او 13 سنه والحين عمره 19 سنه كان يوم يشوف البنات يصيحون يصيح معهم كان يقول لا تصيحون انا بحميكم من شي هو ما يعرف وش هو .. بس الحين صار يستحي يطلع ويشوفنا امه حبسته بغرفته .. حتى هذه مو غرفه .. باب حديد وفي حدايد عالشباك عشان ما يشرد .. للأسف الفلله بمكان بعيد وما يزوره ناس كثير .. صار عمري 17 سنه وجا اليوم الي كنت ادعي الله ما يجي يوم اتمنا امووت ولا اعيش هاللحظه هذه ...
ضامي مو ولدها الحقيقي هي جابته وربته هنا وتبي يصير مثل الشباب الي يجون هنا بس هو كان احسن وكان محترم ... حبينا بعض من سنه او سنتين وصرنا نخاف على بعض ونعشق بعض بالحيل بس هالحب بينتهي بسبب ناس انانيه . . . )
__________________________________________
واقفه قدام المرايا مو مصدقه انها بتكون حلال رامي قريب .. اللحظات هذه
( غنى لابسة فستان أبيض لفوق الركبه منفوش قصير من قدام طويل من ورا بحبال ماسكة عالرقبة شفاف من الصدر ومن الظهر ..لابسه كعب عزكم الله ابيض بلمعه ...
ومسويه شعرها كيرلي ومسكته بشباصه بيضا تلمع ومسويه مكياج خفيف مع آيلاينر يبرز عينها وروج احمر )
دخلنا الغرفه وكانت واقفه قدام المرايا مبتسمه وقفنا وراها وابتسمنا : طالعه قمر.
لفيت على معن وفارس وحضنتهم : ربي لا يحرمني منكم يا أحلا إخوان
دخلت ريم : وانا أبي حضن بعد
فتحت يديني : تعالي
رحت حضنت فارس ومعن وغنى : بتقلبونها جو هندي
وبصوت عالي : وصلووووووو
لفينا على جنى :تعاالي نحضنك طيب
رحت لها وحضنتهم :خلصونا .. غنى امي تقول انزلي مع ريم فارس ومعن اطلعو للمجلس عند ابوي ..
وصل ابو رامي ورامي وام رامي وخطبو غنى لرامي وكل شي مشى بخير وتيسرت الامور ...
__________________________________________
( واقفه بفستانها الأبيض والأسود .. كان من فوق اسود شفاف وينفش من تحت باللون الأبيض .. كان السواد بلمعه .. كانت أميره بفستانها
ومخليه شعرها على طوله ورافعته من فوق مع مكياج بسيط يبرز جمالها )
دخلنا الغرفه وشفناها جالسه عالسرير متوتره : شوي شوي بتاكلين نفسك
طالعت بعهود خايفه :اليوم ملكتي .. يعني مدري خايفه وااجد
انين : فكييها يا بنتي اليوم لازم يكون اسعد يوم بحياتك يا حبيبتي
اريام : شرايك بفستاني
قووت : ما شاء الله تهبلون.
( انين كانت لابسه فستان ازرق سماوي ضيق طويل لتحت الركبه في فتحه من عند الصدر يمسك من الرقبه وجايبه شعرها عالجنب وساره مسويه لها آيلاينر يبرز عيونها الزرقا مع روج احمر )
( عهود لابسه فستان نفس اللون بس يجي قصير فوق الركب نازل من الكتف شفاف من الظهر ضيق من الخصر ورافعه شعرها فوق ومنزله شوي منه عالوجهه ومو حاطه شي غير كحل وروج احمر )
( ليين لابسه فستان نفس اللون بس يجي كتف نص البطن مع تنوره منفوشه ويجي البطن مكشوف ومسويه شعرها كيرلي خفيف مع مكياج عادي بارز بياضها وروج احمر صارخ )
( اريام لابسه فستان نفس اللون بس يجي عريض من الصدر ضيق للخصر ومنفوش ليين الركب مع لمعه سكريه خفيفه تبرز الفستان ومرجعه شعرها ورا وجايبته عالجنب مع شباصه نفس لون الفستان وبدون مكياج بس آيلاينر )
( ساره لابسه فستان نفس اللون ماسك من الرقبه ضيق لين الخصر قصير لين الركب وفوق وطويل من ورا مع مسكه من الصدر شاده عليه ورافعه شعرها فوق ومنزلته من ورا عالخفيف مع مكياج ثقيل شوي يتناسب مع ملامح وجهها )
( ميهاف لبست فستان يجي على شكل بنطلون نفس اللون ضيق من الصدر لين الخصر ويجي البنطلون فضفاض ومسويه شعرها عالجنب ورابطته ومسويه مكياج خفيف جدا )
نزلو البنات مع بعض وكان في معازيم اقارب العروس والعريس وكان في اغاني وفرح الكل كان فرحان ومبسوط
انين : برووح اجيب العصائر واجي
عهود :لا تتأخرين اوكي
هزيت راسي ورحت بسرعه المطبخ وبديت اجهز الكيك واحضر العصائر : يا سلاااام وش هالحلو والله يا انين طلعتي محترفه ههه
لفيت اجييب العصير وانصدمت من الي قدامي : انت شقاعد تسوي هنا
ابتسمت لها : كنت جاي اخذ مويه
طالعت في بعصبيه :سلطان الي تسويه غلط .. لو سمحت لا عاد تسوي كذا .. ارجووك انت مو ملاحظ كمية الإحراج الي قاعد تحطني في
قربت منها : انين شفيك ما بسوي شي
بعدت ووقفت ورا الكرسي : سلطان حررام تتطالعني حرام تكلمني .. حرام توقف كذا قدامي وانا ما احل لك .. لو سمحت لا تحطني بموقف محرج كذا .. اطلع لو سمحت
هزيت راسي وطلعت بدون ما اتكلم ..
جلست عالكرسي وحطيت يدي على راسي : يا رب صبرني .. صبرني يا الله
دخلت وانا مضايقه عليها : لي سويتي كذا معاه
لفيت بسرعه ولقيت عهود : عهوود
جلست قبالها : اي عهود
وقفت وبديت اجهز العصائر : لي جيتي هنا
ساعدتها بالترتيب : جيب اشوفك .. تحبينه
طاحت من يدي الكاسه عالطاوله : شهلكلام الفاضي
طالعت فيها شلون متوتره :تحبينه صح
طالعت فيها بعصبيه : عهوود .. خلاص مابي اتكلم بهالسيره هذه .. مفهوم
مسكتها من يدها :انتي انحرمتي من الحياه مره .. لا تخسرينها مره ثانيه .. ما رح تتكرر صدقيني
طالعت فيها واخذت العصائر وطلعت من المطبخ ...
_____________________________________________