ﻋﺬﺑﻨﻲ أنينهآ - الفصل 7 - بقلم هدوئي كارثة - مكتملة | روايتك

أبعترف .. للدنيا و لكل العيون أبعترف .. إني قبل ما احبها ما اعرف و لا ادري من أنا .. و من هو أكون أبعترف .. إني لقيت بحبها شي مختلف أبعترف .. إني أموت بحبها أبعترف .. و شهودي قلبي و قلبها أبعترف .. إني بدون عيونها أضيع في شرق الحياة و غربها كل ما أقول لها أحبك .. عشت عيد و تقول لي ما اسمع .. عشان أرجع و اعيد أحسها أقرب لي من حبل الوريد مهما أكون بعيد و الا قربها هي عيني و من غيرها مقدر أشوف هي شمسي و مزني و هي أحلى الوصوف و اغلى ثلاث حروف في كل الحروف و اجمل هديه في حياتي حبها هذا أنا بكامل ودادي أعترف إني معاها صرت شخصٍ مختلف أحبها من ياء قلبي للألف و الحب توقيعي لها و لقلبها طقينا على باب ياسر عشان نقوله اننا بنروح : ياسر ..ياسر وقفت بعصبية : نعمم جعلك بالعما ان شاء الله : حنا بنروح مع امي كنت اسمعهم واحاول اصرخ بس النذل مسكر لي فمي ومو قادرة اصرخ ياسر : زين .. قمت اصيح وانا احاول افك نفسي كان رابطني من يديني ومسكر فمي وباين انه معصب والجنون مسيطر عليه طالعت فيها وللصراحه ما كنت صاحي كان تأثير المخدر كبير كنت اضحك واعصب بنفس الوقت وكنت اشوف شي قدامي وابي اذبحها مدري لي اخذت الحزام وبديت اضرب فيها بكل قوتي كنت ابي اطلع كل حرتي فيها واضربها على ظهرها كان قاعد يضربني على ظهري عروس بعدني ما مر اسبوع وقاعد يصير فيني كل ما يضربني يخطر ببالي شي دموعي تطيح وكل شوي الوجع يزيد واعتقد ان الدم يطيح احس بشي يمشي على جسمي كنت اصرخ بس صوتي ما ينسمع مسكتها من شعرها : خربتي حياتي كلكم خربتو حياتي انتي مصيبه نزلت علي شلون بتخلص منك ااه ..مافي حل غير انك تموتين عشان ارتاح منك انتي مصيبه ..انتي حرمتيني من البنت الي احبها انتي حرمتيني منها والحين انا بحرمك من الحياة هذه بذبحك انتي سبب كل مشاكلي سبب كل مشاكلي كنت اسمع كلامه واصيح بكل ما عندي وعيوني حمرا من البكا كنت اتمنى يفكني واقوله يفكني لو احب رجوله المهم يفكني يفكني فكيت فمها وانا اشوف الدم على كل وجهها : انتي سبب كل مشاااكلي اول ما فك فمي قمت اصارخ : سااااااعدوني في احد هنا ضربتها على وجهها : هههه ما في احد صارخي بكل ما عندك ما حد بسمعك اليوم اخر يوم لك يا انين اليوم بتموتين عشان انا اعيش انتي بتموتين وانا بعيش انتي ما كان لازم تجين على هذه الحياة كان ماسك شعري ويتكلم بطريقه غريبه كانه مجنون او مدري لحظتها كنت خايفه منه واصيح على امل احد يسمع صوتي : فككني ياسر فككني حراام عليك والله ما سويت لك شي والله تكفى فككني ..والله مستعده احب رجولك بس فكني تكفى فككني خلني اروح خلني تكفى ياسر فككني فكككني مسكتها من شعرها اقوى من قبل : خلاص حبي رجولي وانا افكك واخليك تروحين ما ترددت نزلت عند رجوله وحبيتها بس حسيت بشي ضربني على راسي وشفت الدم يطيح على الارض اول ما نزلت عند رجولي شفت التمثال مدري كيف مسكته وضربتها على راسها كاني اضربها بوردة مو مزهريه شفت الدم قاعد يطيح بكل مكان وانا اضحك كاني مجنون مسكتها من شعرها وطالعت بوجهها وكان كله دم طالعت بوجهه وكنت دايخه وكنت اشوفه اثنين كان يضحك بطريقه غريبه مدري كيف اوصفها مثل ضحكة الاشرار كنت ادعي يجي اي احد وياخذني من يدينه مسكتها وحطيتها على الدريشه وكنت برميها : خلاص يا انين هذه اخر دقايق عندك وش بتقولين عادي ترا اسمعك قولي الي تبينه واذا عندك اي امنيه قولي اسمعك البيها لك كانت حالتي لا احسد عليها كنت بين يدين مجرم ومجنون يتعاطى ويضربني كانه يرمي على ورد عنده الضرب شي عادي بالتماثيل بالصحون بالحزام بأي شي يعجبه يضربني والحين بيرميني الرؤيا عندي شوي شوي تختفي ومو قادرة اركز : فككني تكفى ياسر تكفى فككني ..يا مجنون فككني نزلنا من السيارة وحنا فرحانين : فيصل فيصل : نعم طالعت في وضحكت : ولا شي هههههه طالعت في بنص عين : لا تسوي خوويي ضربته على كتفه : من زي... انصدمت لما شفت المنظر الي قدامي وبصراخ : فييصل طاالع طالعت وين ما قالي فهد وشفت بنت على حفة الدريشة وياسر واقف يضحك : هذا المجنون وش بسوي طلعنا نركض للفله بس مسكني فهد : اسمع لازم ما نخلي ينتبه لانه مجنون ويمكن يطيحها هزيت راسي وطلعنا لجناح ياسر وفتحنا الباب بشويش وشفنا واقف وماسك يدها وهي تصيح ووجهها مو مبين من الدم ابدا شفتهم واقفين عند الباب وزاد بكاي : ساعدوني تكفوون ..احد يساعدني فككني يا مجنون فكككني طالعت فيها وقمت اضحك : ههههه افكك انا الحين بسوي شي مفيد بحياتي بذبحك واتريح منك ومن مصايبك بفتك منك ومن قرفك وبرتاح انا لاخر حياتي قربت من ياسر بشويش وفيصل من اليمين وبسرعه مسكت يد ياسر وفيصل مسك انين من يدها حسيت اني بطيح بس فيصل مسك يدي وسحبني لتحت وفهد طاح على ياسر وقام يضرب في : يا نذل بتذبح البنت تبي تذبحها يا مجنون تبي تذبحها طحت بالزاوية اصيح بقوة جاني فيصل بسرعه : انين طلعي من هناا بسرعه بسرعه فاهمه مسكت نفسي وبصعوبه طلعت بدون عباية ولا حتى شيلتي معاي وصلت الدرج وفجأة رجلي انعوجت وطحت عن الدرج وبصراخ : اااااااه .. طلعت وشفتها طايحه عند الدرج وجيت بنزل بس مسكني شي وطالعت وراي لقيت ياسر : شسويت انت شسويت طالعت بفيصل وانا اضحك : الحين بذبحها وبرتاح منها وبحركه سريعه ضربت راس فيصل بالدرج وطاح عالدرج رفعت راسي عن الارض وشفت ياسر وفيصل بنص الدرج واقفين قمت بصعوبه وانا احس جسمي مكسر تكسير والدم يطيح بكل مكان فجأة حسيت بيد ياسر تمسكني وقمت اصيح : فككني تكففى خلاص مسكتها من كتفها وضربتها اول كف وثاني كف وثالث كف وجيت بضربها اخر كف في احد مسك يدي طالعت لقيت فيصل وراسه عليه دم مسكت يده وانا معصب وراسي كان يطيح دم : انت انجنيت اكييد اول شي حرمتك بتذبحها وفهد ضربته وانا ضربتني انت اكيد انجنيت ما فيك مخ ابدا مسكت ياسر من جاكيته ودفيته على الكنبه وطحت عليه بالضرب بكل قوتي وبصراخ : انيين طلعي برااا البيت بسرررعه طللعي براا البيت يا انييين طلعي بسرررعه وقفت على رجولي وانا دايخه ورحت جهة الباب ولفيت وراي وشفت ياسر وفيصل يتضاربون وفهد نازل عن الدرج ماسك راسه فتحت الباب وطلعت بصعوبه وانا اصيح بكل ما عندي وقفت بنص الشارع وانا مو عارفه وين اروح ومو عارفه وين بيت اهلي كل شي بمخي انمسح وبالي عند ياسر وفيصل وخايفه والي يمر من عندي يطالع فيني بنظرات غريبه طحت بنص الشارع على ركبي وقمت اصرخ : لييييي..عزووووز وينك تعال تكفى يا عزوووز تعال ..محتاجتك ..تعاال طالعت حولي وما عدت اشوف شي كل شي حولي بدا يتلاشى شوي شوي وقفت وانا اميل شمال ويمين وحسيت اني اسمع صوت احد يناديني ..ظليت امشي وانا مدري وين اروح او وين اوجه بالزبط ________________________________ كنت انا وثامر بالسيارة ونتكلم عن موضوع ملاك اخته : بصراحه انا ابي اعرف شي واتمنى تساعدني عشان اقدر اساعد اختك طالعت في وانا خايف من السؤال الي ببالي : اسأل وانا بجاوبك ان شاء الله طالعت في وسألته : من رنيم ووش قصتها مع اختك غمضت عيوني وفتحتها وانا كنت خايف من هذا السؤال : تصدق كنت حاس انك بتسألني هالسؤال .. عبدالرحمن : طيب ابيك تعلمني عشان نقدر نساعد اختك يا ثامر تنهدت وانا مو عارف كيف اقوله : بصراحه انين اختي هي وملاك كانو قراب من بعض كل شي مع بعض حتى يوم ابوي غصب ملاك على كسار رنيم كانت بتتزوجه بس ابوي غصب ملاك عليه ملاك عانت كثير مع كسار طالعت في مصدوم : ملاك وكسار تزوجو طالعت بعبدالرحمن : للاسف اي ابوي ما علم احد وبعد كل شي سوو كسار واخته ابوي زوجه ملاك طبعا بعد تهديد كسار لابوي ابوي ضحا بملاك بس الحلقه المفقودة مع ملاك ورنيم وكسار وما حد يدري عن شي طالعت بثامر مستغرب : شقصدك حسيت اني لازم اقول لعبدالرحمن : رنيم دخلت بغيبوبه من يوم زارت ملاك ببيتها وهناك ما حد يدري وش صار ومن يومها كل ما نسأل ملاك تفقد اعصابها وكسار اختفى يومها وابوي قال لنا ان رنيم سوت حادث مع السواق ودخلت بغيبوبه وملاك على حالتها هذه مرات تصيح تبي كسار ومرات تصيح تبي رنيم عبدالرحمن : طيب ملاك تدري ان رنيم سوت حادث ثامر : لا ما تدري كل الي تعرفه ان رنيم مو موجودة بالبيت عبدالرحمن : والشرطه ثامر : ابوي رفض ان احد يعرف لان اسمه واسم العايلة طبعا اهم من اختي عبدالرحمن : والين ما حد يدري وينهي ثامر : للاسف لا وثامر اختفى من يومها استغربت من هالقصه لان باين ان في شي غريب فيها .. طالعت قدامي وشفت شي غريب بنت تمشي وتميل شمال ويمين : استغفر الله العظيم والله هالزمن يخوف شوف هالبنت طالعع بالليل وباين انها شاربه شي لا حول ولا قوة الا بالله طالعت وشفت البنت : ياخي والله حرام هالبنت دقيقه خل نشوفها لا تظلمها كذا ركنت على جنب ونزلت من سيارتي انا وثامر وقمت انادي على البنت الي قدامي تمشي : يا بنت يا بنت ..التفتي هنا تعالي يا بنت ثامر : ياخي فكك منها موب ناقصين مشاكل عبدالرحمن : ياخي حرام نتركها كذا سمعت احد يناديني وكاني اعرف هالصوت لفيت عليه وشفت الملاك حقي واقف شفت اخوي وعزوتي عبدالرحمن طبعا هو ما عرفني لان وجهي كله دم وحالتي حاله وهدومي مشققه وبصوت متقطع : عبد ..الرح..من طالعنا بالبنت حالتها حاله هدومها متشققه والدم مالي وجهها دمعت عيوني وحسيت اني ابي اركض واحضنه بس مو قادرة اتحرك والرؤيا عندي ضعيفه وبصوت عالي شوي : عبدالرحمن انتبهت زين للصوت وجيت بقرب : انيين هزيت راسي ببطئ وانا اشوف كل شي قدامي اسود ومو قادرة اركز ابدا انصدمت من المنظر الي اشوفه هذه اختي انين هذه انين مو قادر استوعب ابدا بس صحيت على صراخ ثامر : انتببببههههييييي ما شفت الا جثتها طايرة وطاحت علارض وقفت ابو عشر دقايق استوعب وش الي صار وش الي صار ..وووش اللي صااااار ..طالعت بثامر لقيته حاط يدينه على وجهه وطالعت بالسيارة الي ضربت انين وقفت والي فيها نزلو واقفين عند انين واختي حبيبتي مو مبين شي منها غير الدم الي متناثر على الارض ظليت واقف مكاني مو قادر استوعب اي شي للحين جا الاسعاف وجت الشرطه وانا واقف مكاني شفت سيارة جايه من بعيد وبتخبطها وصرخت وقلت لها انتبهي بس ما لحقت وكانت السيارة داعمتها وطارت بشكل مو طبيعي وطالعت بعبدالرحمن كان في حالة صدمه وانا ما عرفت وش اسوي تجمعو الناس وجت الاسعاف خذوها والشرطه واقفين وعبدالرحمن للحين مكانه رحت له ومسكت كتفه : عبدالرحمن ..عبدالرحمن ..عبدالرحمن قمت اهزه من كتوفه : عبدالرحمن عبدالرحمن اصححى على نفسك عبدالرحمن طالعت بثامر الي واقف قدامي قاعد اسمع وش يقول بس مو قادر اركز اطالع حولي واشوف الشرطه يتكلمون معاي والدم علارض يعني بصراحه الشعور الي كنت احس في يصعب تفسيرة او شرحه ما قدرت اتحمل هدوئه هذا وصمته او بالاحرى صدمته واضطريت اني اصحي وفضربته كف على وجهه : ااااصححححى الشرطي جا بيتكلم مع عبدالرحمن : لو سمحت اخوي ممكن اسألك كم سؤال لفيت على الشرطي : لو سمحت الحين هو مصدوم من الي صار الشرطي : طيب تعرفون البنت لفيت على عبدالرحمن وبعدها على الشرطي : تكون اخته ..اخت عبدالرحمن الشرطي : طيب اسمها الكامل لو سمحت اذا تعرفه نزلت راسي ورفعته : انين محمد ال .... الشرطي : كثر الله خيرك ..تقدرون تروحون المستشفى وتستلمون جثتها لما سمعت هالجملة من الشرطي انصدمت : جثتها ..م..ماتت الشرطي : والله اتوقع اذا عاشت هذه معجزة الحادث صعب ..صعب جدا ما تحملت كلامه وهجمت على الشرطي : انجنيت انت اااه انجنيت اختتتي عايشه فاهم ما صار فيها شي فااهم مسكت عبدالرحمن بسرعه وبعدته عن الشرطي : انا اسف اخوي تعرف صدمه الشرطي هز راسه : ولا يهمك تقدرون تروحون ________________________________ ام راكان : والله مدري وش فيهم ذول استغربت من امي : شفيك يمما ام راكان : والله يبنيتي رحت لبيت عمك ابو علي شفتهم مو على بعضهم وحتى عروستهم ما بينوها لنا قلت اروح احسن لي راكان : عادي يمما وش يعني ام راكان : يوليدي والله مدري هالانين شلون بتتحمل هذا ياسر الله يعينها ..الا يا ميهاف شلون ليين ميهاف : احسن الحمد الله يدها بخير كسر خفيف ما فيها شي تذكرت وش صار اليوم بالحمام - اكرمكم الله - وابتسمت بدون لا احس وانا بستمتع بهالحرب مع هالجنيه هذه بس الحلو انها اخت معن " والله وعرفت تلعبها يا راكان بوريك يا ريم بوريك " ام راكان : وش تفكر في يمما قفلت جوالي وطالعت بامي : افكر بالسفره الثانية من بخربها لي ضحكت على شكل راكان وهو متحمس للسفره حقته : هههه عادي تعوضها يخوي طالعت بميهاف بنص عين وصديت عنها ________________________________ جالسه بغرفتي افكر باللي صار معي " انا السبب شلون ادخل حمام الشباب بدون لا اطالع اففف يا ربي وش بسوي الحين انا ضربته كف ..هذه قويه بحق رجال .. لا يا ريم انتي الحق معاكي هو الي تجرأ وفك لثمتي شلون يسوي كذا ..مو متربي ..يا ربي وش اسوي الحين وطلع يعرف معن اففف بس ..يا رب وش الحل الحين ..معقول يخطفني ..يا ربييي يسويها باين انه شرير ..اكييد ولا عضلاته يمما يخوف والله ..بس مزيوون ..رييم شصار لك تضربين الرجال والحين تقولين مزيون ..لا انا اكييد انجنيت اكييد ..يا ربي استر علي يا الله .. دق باب غرفتي : ميين فتحت الباب بقوة : معن طالعت بمعن وباين انه معصب : ش..شفيك رحت لها ووقفت عند سريرها وانا معصب : شمسويه انتي اااه ..شلوون تسوين كذا حسيت قلبي طاح من مكانه : ش..سويت انا مسكتها مت يدها : شسويتي ااه تبين تفضحيني انتي ما تفهمين ابد ..بزر بزر انتي دموعي قامت تطيح واحس ان نفسي انقطع : والله بالغلط والله كنت ..كنت ..معن سامحني اخذتها من يدها لغرفتي : تبين اسامحك ااه افرضي حطيت منه انفضح قدام الناس يقولون معن يحط عطر بنات تبين يشككون فيني وبأخلاقي مجنونه انتي مجنونه طالعت بمعن وطالعت بالعطر الي بيده ومسحت دموعي : اي عطر .. طالعت فيها بعصبية : اي العطر هذا كنت بحط منه لو ما قريته بالغلط كان الحين حطيت منه وفضحت نفسي قدام الناس سحبت العطر من يده : انا اسفه اخر مرة خلاص ما بعيدها ..بروح غرفتي سحبت نفسي بهدوء وطلعت من الغرفه شفتها سحبت نفسها بشويش ورميت نفسي عالسرير عشان انام شوي وصلت غرفتي ودخلت وسكرت الباب وراي ورميت نفسي عالسرير : يا ربي كنت بنهي مستقبلي الحين بغبائي ..رييم خلاص انسي هالموضوع هذا وان شاء الله ما بصير شي بس نامي الحين وارتاحي ________________________________ رجعنا البيت وشفنا الباب مفتوح : يا ربي هالخدامه لي تخلي الباب مفتوح ابي اعرف دخلنا وشفنا شي خلانا ننصدم ياسر طايح علارض وفيصل يضمد راس فهد وراسه بعد عليه ضماد : يمما اسم الله عليكم شصاااير ياسر وقف وضحك : هههه ولا شي بس .. ما كمل كلامه الا وفيصل ضربه وخلا يطيح علارض غايب عن الوعي ام فيصل بصراخ : شسوييت ذبحت اخووك دخلت البيت وشفت البيت فوق تحت : شصاير هنا طالعت بابوي : تعال يببا تعال شووف ولدك وش سواا ضرب فهد وضربني وكان يبي يذبح زوجته ..تدري يببا وش سوا فيها ..كسر كل شي فالبيت على راسها وتدري وش بغا يسوي بعد ..كان يبي يرميها من الدريشه انصدمنا من كلام فيصل : شلووووون ام فيصل : شقاعد تقول انت ابو فيصل انصدم : شهللخرابيط كنت معصب واصارخ : اي خرابيط بسببك البنت كانت بتمووت يببا بسببك انت وجدي وعمي كلكم السبب كلكم بسببكم البنت بغت تموت اليوم انصدمت من هالكلام فوق ما حرقها بغا يذبحها : ووين هي لفيت حولي وبعدين طالعت بقوت : مدري طالعت بفصيل بعصبية : شقصدك متدري فيصل بصراخ : مدري خليتها تشرد من هالمجنون هذا الي بغا يذبحها ابو فيصل بعصبية : خليت البنت تطلع من البيت لو شافها احد وش بقول سمعتنا بتصير بالارض وقفت وانا معصب : سمعتك اهم من حياة البنت انتوو شنوو يقولك بغاا يذبحها كان يبي يرميها من فوق من الطابق الثالث يبي ينهي حياتها ما تفهم اننتت ام فيصل بتعب : لا ..مستحيل ..اااه ..ااااه طالعنا بامي الي كانت طايحه علارض : ييمما ركضنا لها كلنا وفيصل شالها : قوت اريام تعالو معاي ..فهد اتصل بالشرطه خلهم يجو يشيلو من البيت هالحيوان هذا -وراح - ابو فيصل : فهد لا تتصل ..يا ويلك لن اتصلت فاهم قلت وانا مقهور من ابوي : طبعا لان سمعتك اهم شي عندك ..يا خسارة يا ييببا يا خسارة طلعت ورا فيصل بسيارتي وخليت ابوي وياسر بالبيت ________________________________ ماسكه ليين من جهة ونايف من جهة : شوي شوي بشويش طالعت فيهم وضحكت : ترا يدي مكسورة مو مشلوله الله يهداكم ام نايف بخوف : اقول سكتي نعنبو ابليسك شوفي حالتك كيف طالعت بامي : يممما شفييك نايف : يمما خلاص البنت تعبانه حضنت نايف بقوه : جعلني فدوة للي خايف علي يا ناس ضربتها على راسها : اقول امشي وانتي ساكته وصلنا غرفتها ودخلناها : عهود انتبهي عليها هزيت راسي : اوكي طلعت ورحت لغرفتي انا ونواف نواف : ياخي الشباب ساحبين علينا نايف : عبدالرحمن مع ثامر وعبدالله عنده شغل عبدالعزيز مدري راكان بالبيت وسلطان بالمستشفى نواف : وشلون عرفت يا حبيبي نايف : مصادر خاصه ..بدخل اتروش وانام تعبان ومفكك الف نواف : زين نام يا قلبي طالعت بنواف : شصااير يولد اشوفك محترم ضحكت وطالعت بنايف : قبل شوي شفت حكمة تقول الرفق بالحيوان واجب عشان كذا مسكت المخدة وضربته على وجه : يا كلب بغرفة البنات جالسات : ها قولي شلون طحتي ليين تتأفأف : اففف لي تذكريني عهود : تكلمي خلصيني ليين : جوالي طاح ولما نزلت اجيبه عباتي علقت بالدرج الزفت ذا وطحت وفي رجال شسمه يا ربي ..شسمه شسمه ..اي اي معن جا بيمسكني بس ما قدر قام طاح فوقي وهبدني هبد الله يسامحه فتحت عيوني وطالعت فيها : طاح فوقك اجل وقدام الناس ..واااو خطير ضربتها بالدبدوب : اقوول لا يكثر بس ..اتصلي على ميهاف قالت اتصلو فيني قبل لا تنامون رحت جبت جوالي وانسدحت جمب ليين وحطينا السماعات واتصلنا بميهاف : الوو ميهاف : امووت عالنعومه انا تراني بنت عمك موب حبيبك عهود بعصبية : كلي تبن زين .. ميهاف ضحكت : ههه شلونك لينو ليين : بخير يا مال العافية ان شاء الله ميهاف : بنات اليوم امي راحت بيت عمي ابوي علي تقول انين ما نزلت وما كانو مبسوطين ومدري شي زي كذا وروحت عهود : اكييد ما بكونون مبسوطين الله يسامحهم بس ميهاف : افكر اتصل على قوت ابي اتكلم مع انين مشتاقه اسمع صوتها واشوف وش مسويه مع هالجن هذا عهود : زين اتصلي وقولي لنا ميهاف : اوكي خلكم عالخط شوي بس .......اتصلت بس ما حد يرد .. عهود : جربي مرة ثانيه ميهاف : لا مابي يمكن نايمه خلاص بكرا الصبح اشوفها عهود : اوكي .. ________________________________ جالس انا وعبدالله بالمكتب طبعا بعد ما خربت سفرة جده رجع عندي عالمكتب : شرايك ناكل بيتزا عبدالعزيز : لا مو بنفسي عبدالله : شفييك اشوفك مضايق عبدالعزيز : تحس نفس احساسي .. عبدالله : عبدالرحمن قصدك .. عبدالعزيز : اي احسه مضايق او شي مدري عبدالله : مدري يمكن عادي او شي عبدالعزيز : وين جوالي اتصل في .. اخذت جوالي واتصلت على عبدالرحمن : ما يرد .. عبدالله : حاول مرة ثانيه حاولت مرة ثانيه بس ما يرد : ما يرد وقفت على رجولي : دق مرة ثانيه دقيت مرة ثانية بس علفاضي : ياخي ما يرد حسيت ان في شي صاير بس احاول اكذب احساسي : دق واذا ما رد نروح نشوفه دقيت اخر مرة ولما جيت اسكر فتح : الوو عبدالرحمن وينك لي ساعه ادق الوو ..الوو رديت وانا خايف من الي بقوله : عبدالعزيز لاحظت ان ذا مو صوت عبدالرحمن : من معاي مدري وش اقول لهم : انا ثامر .. زاد خوفي يوم عرفت انه ثامر : لي وين عبدالرحمن ما يرد على جواله غمضت عيوني وقلت كل الي داخلي بسرعه : حنا بالمستشفى لان اختك دعمتها سيارة وقفنا انا وعبدالله نطالع ببعض لدقايق مو مستوعبين وش الي قاله ثامر مرت خمس دقايق وما سمعت رد منه : عبدالعزيز وين رحت ..اسمعني تعالو للمستشفى بس تكفى خلك هادي زين كل شي بخير وانت... ما كملت كلامي لان الخط كان فاصل : يا رب هونها عليهم .. طلعنا انا وعبدالله نركض من الشركة وطبعا عبدالله يسوق عني لاني للحين منصدم وصلنا للمستشفى الي قال لنا عليه ثامر وسألنا لين وصلنا وشفنا عبدالرحمن جالس علارض وثامر واقف جنبه مشيت ببطء عكس عبدالله الي كان يركض : وينهي..وين انين شصاير وش جابها هنا ..وكيف ..تكلمممو مسكت عبدالله من كتوفه : عبدالله اهدا اهدا زين ما في شي مو صاير شي كل شي ت.. قلت وانا اصارخ : وش الي زين ..شايف حالة عبدالرحمن شايف شلون منصدم معرفت وش اسوي عبدالله من جهة وعبدالعزيز وعبدالرحمن الي للحين منصدم نزلت عند رجول عبدالرحمن : عبدالرحمن شصار ..انا عبدالعزيز قدامك طالعيني علمني وش الي صار شفيك تكلم لي كذا ساكت طالعت بعبدالعزيز ودمعتي طاحت : شفتها قدامي ..كان الدم عليها ..عيونها وفمها ..وملابسها ..السيارة ضربتها ووطاحت .. لما طاحت دمعة عبدالرحمن حسيت دموعي بطيح حسيت بخنقة وحسيت بقهر كبير حسيت بضياع والي خلاني اضيع اكثر كلامه الي قاله شفتها فرصه اروح واتصل على فارس عشان يجي بسرعه ..الوو فارس ..تعال للمستشفى بسرعه ..لا تخاف لا تخاف ..مستشفى ...بسرعه لا تتأخر . طالعت بالتوأم كانو جالسين جمب بعض وكل واحد حابس دمعته وللحين ما عرفنا اذا البنت حيه ولا ميته ________________________________ كنت نايم وصحيت على اتصال ثامر : هلا ثامر ..لي المستشفى شصاير ..اي مستشفى ..زين بجيك بسرعه . سكرت من ثامر وفزيت بسرعه للحمام - اكرمكم الله - وغسلت وجهي ولبست ملابسي وبسرعه للمستشفى ..وصلت هناك وسألت عنهم ورحت لهم وشفت التوأم جالسين جمب بعض وثامر جالس عالكرسي وحاط يدينه على وجهة : شصاير ..شفيكم ..لي كذا قاعدين وقفت ومسكت يد فارس واخذته بعيد : اسمع ..اختهم داخل وحالتهم ما تسر عبدالرحمن شاف الحادث وانصدم واخوانه يوم عرفو انصدمو رغم انهم كبار بس الاطفال الي داخلهم مسيطرة عليهم ومنصدمين اطالع بثامر وبطريقة كلامه : يعني البنت ماتت هزيت راسي : مدري والله ماتت ولا لا رحت لعبدالرحمن ومسكت يده : قوم معي فكيت يد فارس : انا بخير بستنا انين تجي ثامر : عبدالله قوم معاي طالعت بثامر : عارف انكم بتحاولون تخففون عنا بس لا تخافون خلونا حنا كذا مرتاحين اخذت جوالي واتصلت على راكان : الوو راكان راكان : اررحب بعبود وين انت عبدالله : راكان حنا بالمستشفى فزيت من مكاني بسرعه : بالمستشفى ليي عبدالله : انين بالمستشفى كلم ابوي خله يجي لاني اتصلت جواله مقفل راكان : زين لا تخاف بشوفه ونجيكم سكرت من راكان ورجعت لاخواني : عبدالرحمن عبدالعزيز قومو عن الارض قعدو عالكراسي الدكتور شكله مطول فقدت اعصابي وما قدرت اتحمل : لهم ساعه داخل لي ما حد يجي يقول لنا اي شي لمتى بننتظر هنا ااه لمتى مسكت عبدالرحمن من كتوفه : عبدالرحمن هد شفيك الحين احد يطلع ويطمنا .. بس الي خوفنا هو هدوء عبدالعزيز توقعنا هو الي يصارخ ويكسر ويقلب المستشفى كله ________________________________ ام راكان بخوف : يا يمما تكلم شصاير لي بتروح المستشفى راكان : يمما ..زوجة ياسر بالمستشفى ومن طريقة كلام عبدالله الهادية باين انه في شي خطير ام راكان : الحين طريقته بالكلام هادية في شي خطير راكان يلبسه جاكيته : لان يمما عبدالله ما يكون هادي الا في شي كبير دخلت غرفة راكان وانا مستغربه : وشهو طالعت بميهاف : ولا شي حسيت ان في شي صاير : شصاير تكلمو مكشوفين ام راكان بخوف : انين بالمستشفى فتحت عيوني : شلووون بالمستشفى ليي راكان : ميهاف سمعيني م.. حسيت ان السبب ياسر : ابي اروح تكفى خذني معك تكفى تكفى راكان : ما عندي خيار ثاني لحقيني بسرعه ام راكان : طمني يمما راكان راكان : زين يمما زين نزلت لسيارتي ولحقتني ميهاف بسرعه ميهاف : الوو عهوود ..سمعيني انين بالمستشفى مدري لي تعالي ..مدري حاولي تجين بأي طريقه ..زين زين راكان : لي علمتيها مسحت دموعي : لان لازم تعرف رحنا انا وراكان بس تفاجأت اننا واصلين بيت عمي ابو عبدالرحمن جالس انا ومنيرة ونتكلم : وين العيال منيرة : عبدالرحمن بالعيادة وعبدالعزيز وعبدالله يمكن بالشركة ابو عبدالرحمن : مستفقد لانين بالبيت منيرة بكره : بكرا تجي سارة وتنسى انين ابو عبدالرحمن : متى بتوصل منيرة : بكرا او بعده مدري والله ..بروح انام عندي اجتماع بكرا ابو عبدالرحمن : زين وان... دق الجرس وفتحت الخدامه ودخل راكان بسرعه : عمي ..اسف اني جيتك بهالوقت بس في شي صاير .. ابو عبدالرحمن وقف بسرعه : الشركه ..وش صاير معقوله يا عمي اول شي خطر على بالك الشركه : لا يا عمي مو الشركه انين بالمستشفى واتصلو فيني الشباب يبون تروح لهم منيرة بعدم اهتمام : انا بطلع انام واذا تبي تروح قفل الباب وراك طالعت بعمي وحرمته وما كانو مهتمين ابدا كانه شي عادي وانا خايف اكثر منهم والبنت ما تعني لي شي عمي اخذ جواله وجا معانا ورحنا للمستشفى ولقيت نايف ونواف وفي بنتين واقفات اكييد عهود ولين : وش جابكم نواف بنعس : صحتنا عهود تبي تجي وجينا طالعت بالتوأم كانو جالسين وباين خايفين وللحين ما حد قال لنا شصاير وش في : تكلمو انين ويينها شصاير عليها مسكت يد ميهاف اهديها : ميهاف هدي شفيك طالعت براكان وبصراخ : وين اهدي شايف اشكالهم طاالع فيهم كيف كيف يصيحون انين شفيها شصار لها تكلمممو كنا نطالع ببعض وحنا مو فاهمين شي ابدا وبعد شوي طلعت الممرضه وقفت بسرعه ورحت للممرضه : انين انين شلونها شصار لي طولتو الممرضه : بصراحه استاذ ما بقدر احكيلك اي شي بس حالتها صعبه كتير ..عنده ارتجاج بالمخ ونزيف داخلي انصدمنا من الكلام الي قالته : ارتجاج وشو الممرضه : استاذ انا لازم روح ناقصنا دم ولازم احكي مع المستشفيات وقفت من مكاني : خذو مني ..انا اعطيها الممرضه : هيك ما بيزبط لازم نعمل تحاليل ونشوف فصيلة تلائم لدمها مدري شلون تجرأت وتكلمت : انا اعطيها طالعت براكان وقلت نفسه : وانا بعطيها ميهاف وراكان كانو مستعدين يعطوها وفجأة جا فيصل : وانا شوفو اذا دمي يلائم طالعنا ورانا ولقينا فهد وفيصل وروسهم مضمدة : شصاير فيصل : بعدين خلينا نسوي التحاليل طالعت بثامر وتكلمنا مع بعض : اذا سمحتو لنا حنا بعد بنتبرع تقدرون تشوفون دمنا الممرضه : طيب تعالو معاي كلكم ورح نشوف مافي وقت جلست انا وليين ونايف ونواف والتوأم كل واحد بجهة ومو عارفين وش نسوي وفجأة قام عبدالعزيز يصارخ : وش صااار تكلم وش الي صاااار ابي افهم كيف وصلت للمرحله هذه ابي افهم وش صاير معها لي ما تتكلم وقفت وانا اصارخ : مدري مدري وش صاير معها شفتها بالشارع مليانه دم وملابسها مشققه ومدري وفجأة سيارة جت وضربتها مدري كيف صار كذا مدري ابو عبدالرحمن : وين زوجها طيب طالعت بابوي وبصراخ : اقسم بالله يا ييببا لو طلع لياسر يد بهالقصه انا بتصرف معه لو انع اخوي فااااهمين كلكم وخلني اشوف احد يوقف بطريقي ابو عبدالرحمن : يا عبدالعزيز ما يصير تصارخ كذا حنا بمستشفى ولازم نكون هاديين عبدالله : جدي لا يدري عن شي ابدا نواف : جدي راح مكه عمره يعني ما ظنيت يجي لاسبوع مدري لي قمت اصيح : اكييد هو السبب اكييد ما في غيره مسكت يد عهود : خلاص هدي ..هدي طلعو الشباب كلهم ورحت لفيصل مسكته : تكلم انين وش خلاها تطلع من البيت بهالحاله وانت وفهد كيف عرفتو اننا هنا وشصاير معكم ..تكلم ابي اعرف كل شي نزلت راسي وانا مستحي من الي سوا ياسر : ياسر ..ك..كان ..بيذ..بحها انصدمنا كلنا من الي سمعنا رجال بيذبح حرمته : شلوووووون طالعت بعبدالعزيز : عبدالعزيز اسمعني الي صار صعب اقوله لك حنا رجعنا البيت وشفنا ياسر ماسكها وبيرميها من الدريشه بس انا لحقتها وضرب فهد على راسه وضربني وكان بيذبحها ومدري خليتها تشرد قبل ليمسكها حسيت الدم يغلي بعروقي وحسيت اني بحرق كل شي قدامي دفيت فيصل عني وبصراخ : والله لذببحككك يا يااااسر قمنا نركض ورا عبدالعزيز الي طلع من المستشفى طحت علارض اصيح بكل ما عندي : الله ياخذك يا ياسر يبي يذبحها يبي يذبحها ليي وش سوت لك وش سوت لك لي تعذبها حرام عليكم شتبون فيها شتبون .. وقفت ورحت لعمي : قلت لكم ان يتعاطى قلت لكم لا تزوجونها ياسر قلت لكم لا بس ما رديتو علي زوجتوهم دمرتو حياتها الله لا يسامحكم لي كذا سويتو فيها ليييييييييي رحت لميهاف ومسكتها : خلاص خلاص سكتي سكتي تكفين خلاص .. ما كان بالمستشفى غير انا وميهاف وليين وعبدالرحمن وصديقه ثامر والباقي لحقو عبدالعزيز الي طلع وهو حاط ياسر براسه ....... وصلت بيت عمي ابو فيصل ونزلت مدري كيف فتحت الباب وشفت ياسر جالس عالكنبه رحت له ومسكته من رقبته : يااا كللللب شلون تمد يددك علييهااا شلووووون والله لذبحك يا كلب يا حيوووان مسكت عبدالعزيز من رقبته : بذبحها لا تنسى انها حرمتي وانا حر وش اسوي فيها ضربته على وجهه اول مرة وثاني مرة وثالث مرة لين طاح علارض وطحت اضرب بكل قوتي : والله لذبحك والله هذه انيين شلون تمد يدك عليها شلوووون والله لاندمك يا ياسر والله لاخليك تندم عن كل كف عطيته لها دخلت البيت وشفته يضرب بياسر وقمت اصارخ : لااااا ياسر ..عبدالعزيز تكفى فكه تكفى فكككه طالعت بأريام الي تصيح : مابي اسمع صوتك فاهمه ورجعت اضرب بياسر الي طايح علارض والدم يطلع من خشمه وفمه وراسه مسكته ووقفته : هذه اختتي نوور عيوني وانت تجرأت ومديت يدك عليها - ضربته على وجهه وطاح عالكنبه - رحت بسرعه لعبدالعزيز ومسكت يده ودموعي تطيح بقوة وبصراخ : تكففى عشااااني يا عبدالعزيز عشاااني فكككه فككه تكفففى هو مريييض مرريييييييض مررييض ياسر مرييييييييض مرررييييض عبدالعزيز عبدالعزيز عشاني اذا لي خاطر عندك فكككه كنت اترجا في وهو يضرب بياسر وبصراخ : تكففى يا عبدالعزيز لو حبيتني لو شوي تفكه كنت بضربه بس لما قالت كذا يدي وقفت وطالعت فيها : للاسف اخوك محا كل من قلبي انصدمت من كلامه : لهذه الدرجه رميت ياسر على الارض : واكثر يا اريام واكثر كنت بروح بس سمعت شي وقفني : صدقني برجع اجيبها وبرجع اعذبها رحت لياسر وبصراخ : اسسكتتت خلااااص خلاص خلااااااص خلاااااااص خلااااااص ضحكت وانا مو داري عن شي : بذبحها يا عبدالعزيز والي بيدك سوي سووي شفت جنون الانس والجن قدامي ومسكت التمثال الي عالطاوله وجيت بضربه بس وقفني صوت : لاااا عبدالعزيز انتببببه طالعت لقيت فيصل وراكان وفهد وعبدالله اخوي وفارس : لاااا حد يقرب بخلص عليه قربت منه بسرعه ومسكت يده : انجنيت انت تبي تذبحه وش بقولو الناس وش بقولون ااه رميت التمثال علارض : ما يهمني الناس اهم شي اختتتي الي طايحه بالمستشفى قربت منه وحضنته : خلاص فككه يا عزوز خلاص انين لو تعرف بتزعل منك طاحت دمعتي : انين بتموت يا عبدالله بتموت وبسببه بسبب هالكلب حسيت دمعتي بطيح بس قدرت امسك نفسي : انين بتصير زينه وبنخليها تتطلق منه ونريحها بس الحين لازم نكون معها وجمبها صح طالعت بياسر الي مرمي عالارض : والله لن صار فيها شي ما يفكك من يدي غير الموت يا ياسر ..والله رحت له : امشي معاي بسرعه طالعت بفارس : ماني بزر امشي لحالي راكان : فيصل فهد خلكم هنا وانتبهو لانفسكم لو تاخذون هالمجنون للمستشفى يكون احسن طالعت بحالة عبدالعزيز : اخوي سبب كل هالمشاكل وابوي يهمه كلام الناس حطيت يدي عكتف فهد : حياة اخوك وصحته اهم من كلام الناس يا فهد رجعنا للمستشفى معدا عيلة عمي ابو علي لانه المصيبه الي هم فيها كبيرة وااجد ________________________________ الممرضه : استاذ فيصل واستاذ فارس واستاذ راكان انتو تقدرون تتبرعون فيصل موب هنا وما في غيري انا وراكان : فيصل موب موجود انا وراكان نكفي الممرضه : اي تكفون بس بسرعه لو سمحتو جلسنا حوالي ثلاث ساعات ..تخيلو الموقف عبدالرحمن وعبدالعزيز وعبدالله جالسين جمب بعض وكل واحد يكابر بدمعته ميهاف ولين وعهود يصيحون بقوة وحاضنات بعض وفارس وراكان بالغرفه داخل ونايف ونواف كل شي يروحون يجيبون اكل وشرب لنا وعمي ابو عبدالرحمن جالس وباين انه متضايق بس كانه متضايق على شخص عادي مو بنته وانا جالس اطالع فيهم واتذكر البنت الملاك الي شفتها يوم عرسها هي نفسها البنت الي كانت غرقانه بالدم ..شفقت عليها وااجد وما تمنيت كذي يصير فيها باين انها عانت كثير بس الي مو قادر افهمه لي زوجها سوا فيها كذا ..معقوله هي مو كويسه او مدري حرام اظلم البنت بس ما حد يسوي كذي الا وفي شي كبير صاير بينهم ..الله يستر علينا بس طلع الدكتور وكان باين انه تعبان هجمنا عليه كلنا : دكتور ..شصار تكلم عبدالله : انين بخير فيها شي تكلم مسكت الدكتور وبقوة : ليي ساكت تكللم مسكت يد عبدالعزيز اهدي : ما يصير كذا طالعت بثامر : طيب خلي يتكلم لي ساكت طالعت بالدكتور : ياخي شايف حالتهم تكلم ميهاف بصراخ : شفيييك سااااكت شصار انفتح باب غرفة العمليات وطلع سلطان ورحت له بسرعه : سلطان سلطان شصار طالعت فيهم وانا خايف اقول لهم : يا جماعه الي صار انه ..يعني مدري كيف اشرح لكم قمت اصارخ على سلطان : تكلم شصااير تكلم ناظرت بعبدالعزيز : تعرضت لاصابة بالرأس باين انه راسها خبط بقزاز السيارة وشفنا جرح ثاني براسها طبعا غير العلامات والحروق الي بجسمها واثار الدم وخسرت دم كثير وبصراحه اكثر معجزة انها للحين عايشه لان الحادثة الي تعرضت لها ما اقدر اوصف لكم قديش صعبه ظلينا نطالع بسلطان طبعا ما فهمنا عليه وش نوع الاصابات بس الشي الي فهمنا ان حالتها صعبه ....... تعرفون شعور انك تخسر شخص غالي على قلبك ..شخص تحبه بجنون كانه كل شي بحياتك ..انين شخص نقي ..صافي ..ما في شخص كامل وهي مو كامله صح بس فيها شي مو موجود عند احد ..يمكن تحسون من وصفي لشخصية انين اني ابالغ وهالصفات مو موجودة بس هالصفات موجودة ..انين بكلمة تقدر تدخل قلب اي احد حتى ما يحتاج تتكلم يكفي ابتسامتها الي ترد الروح ...................... طحت على ركبي ودموعي تطيح بكل ما عندي وبصراخ : انييييين ..لييي تركتيني ..لي انتي كذبتي علي انتي كذبتي علي ..قلتي لي بتظلين معانا وما بتتركيني انتي وعديتني انك بتشوفيني لما اتزوج وبتحطين راسي بالكيكه قوووووومي انييين قوووومي ..انتي كذااابه انتي كذااابه قووومي ..انين قومي والله اعطيك الي تبينه واوعدك ما اتمسخر عليك والله اصير عاقله ولا اسوي مشاكل بس قومي انييين ..قووومي رحت حضنت ميهاف الي كانت بكلامها تقطع قلبي : خلااااص سكتي ..تكفييين تكفيين ميهاف بصياح : عهوود تكفين خليها تقووم ..خلييها تقوم ..هي قالت انها بتظل معانا لي سوت كذا ليي ..لييي حضنت ميهاف بقوة : خلاص يا قلبي خلاص قومي معاي خلينا نرجع البيت قومي .. دفيت عهود عني : وخخخري ما بروح من هنا بدونها لو انام علارض ما اخليها كنت اطالع بهالبنت المسكينه وافكر معقوله في صداقه زي كذا ..يعني مدري تصيح وتصارخ وكانها توأمها مو بنت عمها .... رحت لميهاف ومسكتها من يدها : قومي معاي يا ميهاف ما يصير الي تسوينه ما يصير حضنت راكان بقوة : راكان هذه انين ..انين وش سوت بحياتها هالمسكينه عشان يصير فيها كذا ..والله ظلم الي يصير معاها حرام هالبنت تتعذب كذا والله حرام كل شي سوته انها حبت عايله كرهتها حبت عايله عذبتها وش ذنبها هي وش ذنبها ... شلت ميهاف من الارض : قومي يا قلبي قومِ قمت مع راكان بس حسيت بدوخه قوية براسي وطحت بحضنه حسيت انها مو طبيعيه تتنفس بسرعه وتشهق وفجأة طاحت بحضني : ميهاف ميهاف ..شلتها بين يديني وخليت الممرضه تدور لي غرفه احطها فيها ..... طالعت ببوي كان جالس ويطالع بهدوء ولا كانه شي صاير : عادي عندك صح يببا طالعت بعبدالرحمن : شقصدك يا عبدالرحمن عبدالرحمن : قصدي انك مو حاس بتعب او شي او مو حاس بتأنيب الضمير مو حاس انك لازم تروح الحين تقول لاخوك يخلي ولده يطلق بنتك ولا شلون ..ما سمعت سلطان وش يقول الحين ..يقول اثار حروق وعلامات بجسمها هالشي ما خلا الدم يغلي بعروقك يا ييبا وتبي تروح تذبح ياسر ..ولا عادي ..اكييد عادي انين بالاخير بنت حراام صح ... ابو عبدالرحمن بصراخ : عبدالرحمن احترم نفسك فاهم انت تكلم ابووك وفي ناس هنا طالعت بثامر وفارس الي كانو منصدمين : ذوولي ناس يا يببا ..ذول اخواني ذوول الي يوقفون معي قبل اي احد ذوول الي يعرفوني اكثر منك ومن امي يا يببا ..ذوول خايف منهم ليي وش بسوون مثلا ..زين انا بريحك يا يببا طالعت بثامر وفارس : اختي انين جت بالحرام ..يعني بنت حراام والسبب ابوي هالبنت هذه الي ما سوت شي بحياتها كان كل ذنبها انها بنت حرام عشان كذا الكل كان يكرها ما تحملت كلام عبدالرحمن وقمت اصارخ : لا تقوول بنت حراام ..انين بنت عمي انين اختي الي ما جابتها امي انين صديقتي واختي وحبيبتي والله ان سمعتك تقول عنها شي يا ويلك فاااااهم رحت لعهود ومسكت يدها : عهود خلاص دفيت ليين عني : وش الي خلاص ما تشوفينه يقول انين بنت حرام ما اسمحلك تتكلم عنها كذا فاهم قربت من عهود وحضنتها : خلاص يا عهود ما يصير كذا هدي هدي حضنت نواف اخوي : ليي لييي ليييي ..حراام والله والله والله ارحموها شوي ارحموها شوي رحت لنواف : نواف خذ عهود وليين للبيت وانا بظل هنا مع الشباب طالعت بفارس : وحنا بنروح الحين وبنجي الصباح احسن خذو راحتكم انتو خليت نواف ياخذ عهود وليين وراكان مع اخته بالغرفه داخل وفارس وثامر راحو لبيتهم وانا ظليت مع الشباب : عبدالرحمن خذ اشرب موب زين تظل بدون اكل وشرب طالعت بنايف وانا عارف انه يبي يخفف عني : نايف صدقني انا بخير ..خليني لحالي بس تكفى طلبتك جب شي لعزوز وعبود ياكلونه حطيت يدي على كتفه : ابشر بعزك رحت الكافيتيريا وجبت ثلاث وجبات للشباب وكوفي عشان ياكلون بس لقيت اثنين عبدالرحمن موب موجود والشباب نايمين على كتوف بعض طالعت بالغرفه الي داخل وشفت عبدالرحمن عند اخته داخل فتحت الباب ولاول مرة اسمع عبدالرحمن يصيح : انيين ..وش صار بوردتي لي كذا ذبلانه ..ليي كذا تعبانه انين اخوك هنا عبدالرحمن شوفي جيتك ..ما تبين تتكلمين معاي ..شوفي انين قومي وانا اجيب لك جوال جديد ..واعلمك شلون تستخدمينه لا تخافين بس قومي ..تصدقين اشتقت اكل من تحت يدينك ..اشتقت نقوم نلعب مع بعض بالمويه والمخدات ..سمعي انين قومي وانا اوعدك ان كل شي بيتصلح والله بس انتي قومي ..والله اسوي لك الي تبينه بس قومي قوومي يا انين تكفييين قووومي يا انين ....... رحت عنده وحطيت يدي على كتفه : قوم يا عبدالرحمن ما يصير تدخل هنا ..قم يخوي قم اخذته برا الغرفه وهو يمسح دموعه : بروح الحديقه اتنفس نايف : خذ راحتك .. تركت نايف وطلعت للحديقه اشم هوا دق جوالي وكانت امي : هلا يمما ..اي للحين ..ان شاء الله ما فيها شي ..لا لا تكفين يمما خلك بالبيت ما له داعي تجي ..زين انتبهي لعهود كانت تعبانه ..كويس انها نامت بكت كثير اليوم ..والله يمما مدري عن شي ..زين اكلمك اذا صار شي ..فمان الله ..... جالس مع ميهاف بالغرفه وسلطان كل شي يدخل ويتطمن عليها : شفييها سلطان : لا تخاف بس نزل ضغط الدم مو شي خطير تعبت راكان : وش بصير مع البنت الحين سلطان : بنحطها بالعنياة المشددة عشان نتطمن عليها لان حالتها صعبه والله يا راكان راكان : طيب والاثار الي بجسمها وشو سلطان : بصراحه لقيت اثار ضرب وحرق على جسمها وباين انه هالمجنون معذبها بقوة وضاربها على راسها بالقرب من الاعصاب والله ستر انه ما صار شي راكان : لا حول ولا قوة الا بالله لهذه الدرجه سلطان : وللأسف لازم نبلغ الشرطه ..انا طبيب ولازم اني اسوي كذا راكان : ونواف لي ما دخل معك بالعمليه سلطان : نواف ماله دخل بهالاشياء اختصاصه غير عني راكان : اهاا ..اسمع انا بروح البيت ارتاح الساعه ثنتين الفجر وبجي الصبح زين وانت انتبه لميهاف سلطان : زين لا تخاف ..راكان لفيت عليه وحسيت انه خايف من شي : سلطان صاير شي حاس ان صاير معك شي ما عرفت وش اقول لراكان : هاا لا ما في شي رحت له ووقفت قدامه وحطيت يدي على كتفه : سلطان انا عارفك زين شفيك نزلت راسي : راكان بصراحه ..انين ..شسمه ..يمكن ما ترجع مثل اول ..يعني يمكن يصير عندها مشاكل ..وانا ما قدرت اقول كذا قدامهم بس لازم يعرفون .. انصدمت من كلام سلطان : شلووون يعني ممكن يصير لها شي سلطان : حنا بنتتظر لين تصحى ونفحصها زين عشان نتأكد انها بخير ..واتمنى تكون كذا راكان : سلطان انتبه الشباب يدرون الي فيهم كافيهم ..خلنا لين تصحى ونشوفها ..بروح الحين انتبه على نفسك .. هزيت راسي وطلعت مع راكان لغرفتي صحيت بشويش وسمعت كل كلامهم وحسيت ان قلبي يتقطع ..يا رب انين تصحى وتكون بخير ..يا رب لا تحرمني منها يا رب ..... ________________________________ جا الصباح وكل الشباب تجمعو بالمستشفى عشان يوقفون جمب عبدالرحمن وعبدالله وعبدالعزيز كانت حالتهم صعبه وااجد ..وما نلومهم ابدا هذه يعتبرونها روحهم مو بس اختهم .... فارس : شباب تكفوون تعالو معاي كلو لكم شي موب زين تبقون كذا بدون اكل مسكت يد عبدالرحمن وعبدالعزيز : تعالو خل ناكل لازم نظل بقوتنا رحنا مع عبدالله وجلسنا بالكافيتريا كانو الشباب كلهم هنا راكان ونواف ونايف وفارس وثامر وفيصل وفهد عبدالرحمن : مشكورين يا شباب بس صدقوني ماله داعي كل ذا تقدرون تروحون على اشغالكم لا تتعبون معانا ثامر : وش هالكلام يا عبدالرحمن انت اخونا وحنا بنظل جنبك والي تبي بنسوي لك انت ابشر .. فيصل : عبدالرحمن ..عبدالله عبدالعزيز انا مدري وش اقول لكم اعرف ما يحق لي اتكلم بس صدقوني اني مستحي منكم وانا كنت قادر اتكلم معكم لحالنا بس اخترت قدام الشباب لان الكل يكون شاهد على كلامي و... قاطعت فيصل : فيصل انت مالك دخل ..بالعكس انا اشكرك لانك ساعدتها وما خليتها بين يدينه ..ابي منك تتصرف عادي لان انت مالك اي علاقه ابدا فهمت ابتسمت لعبدالرحمن وانا الي قالقني سكوت عبدالعزيز : عزوز لي ساكت طالعت فيهم ووقفت : انا بطلع للحديقه اتنفس شوي .. عبدالله : خلك معانا طالعت بعبدالله : عبود بظل لحالي شوي طلعت للحديقه وجلست على الكرسي اطالع بالناس الي قدامي حسيت اني مخنوق وابي الحين اقوم احرق هالمستشفى من القهر الي فيني احس بشي غريب داخلي انا عايش هدوء مو طبيعي ..وفجأة شفت بنت جالسه جمبي جيت وشفته جالس على الكرسي باين من تعابير وجهه انه تعبان رحت وجلست جمبه عالكرسي طالعت بالبنت وكنت بقوم بس وقفني صوتها : عبدالعزيز خلك جالس شوي طالعت فيها : اريام هزيت راسي يوم قال اسمي : اي اريام طلعت جوالي وسويت نفسي مو فاضي : شتبين ولي جايه هنا وجالسه جمبي كنت اصيح من اول وجفا عبدالعزيز لي زاد الحرقه بقلبي : لي كذا مجافيني ما كنت عارف لي كذا تتكلم او انا وش بقول : وش بيننا عشان اجافيك يا بنت عمي نزلت دمعتي وكانها سكين بقلبي : عبدالعزيز انا ما دخلني والله ..وش ذنبي انا ..عبدالعزيز تكفى لا تعاملني كذا والله ما دخلني والله صوتها وهي تتكلم وباين انها تبكي خلوني العن نفسي الف مرة عالكلام الي بقوله لها بس انين فوق كل شي : انت مالك دخل بس ياسر يظل اخوك وبسببه اختي تصارع الموت داخل تصدقين اني للحين ما صارخت وما سويت شي تدرين احس شي مكسور داخلي تعرفين وش يعني انين بالنسبه لي ..كم مرة بقول لكم انا انين هي كل شي لي بهالدنيا انين هي بنتي الصغيرة انين اختي وقلبي انين هي امي انين الي قاعده تموت بسبب اخوك هي كل شي بحياتي ..تصدقين الحين اسأل نفسي لي احب انين كذا ..الحين عرفت الجواب ..تعرفين وش يعني يكون عمرك ثمان سنوات وتبدين تطبخين لاخوانك وتنحرقين بالمطبخ وما تتكلمين ..تعرفين وش يعني تغسلي ملابس اخوانك وانتي بعدك صغيرة ..تعرفين وش يعني تعيشن مع ثلاث اولاد وتلبسين من لبسهم وتنسين انوثتك وشخصيتك ..تعرفين وش يعني ما تعرفين تستخدمين الجوال ..تعرفين وش يعني تصحين الساعه خمسه عشان تقومين اخوانك وتسوين لهم فطور وتجهزيهم للدوام الصبح وامك نايمه ..تعرفين وش يعني تحسين انك ام وانتي عمرك ما تجاوز العشر سنين ..اكيييد لا ..بس تعرفين انين سوت كل هذا ..انين تحملت كل شي ..انين كانت امنا وابونا واختنا بوقت واحد وتعرفين كم عمرها كانت ثمن تسع سنوات بس ..هذه انين يا اريام ..هذه اختي ..هذه امي وابوي ونور عيوني يا اريام ..وهي فوق قلبي وحبي وكل شي بحياتي ..عشان كذا لا يجي يوم فبالك تقارنين نفسك فيها تعرفين لي ..لانك قدامها ما تعنين لي شي ..حتى لو كنت اعشقك واحبك من عشر سنوات تبقين صغيرة قدامها ..حتى لو هالكلام بيجرحك بس لازن اقوله يا اريام ..انا حبيتك ومن عشر سنوات بس حب انين بقلبي اكبر من حبي لك .... قمت من مكاني وكنت بروح بس وقفني بكاها : تكففى يا عبدالعزيز والله انا احببك والله لا تسوي كذا لا تخليني كذا والله ما دخلني بشي والله ..عبدالعزيز تكففى انا ما دخلني ..والله خليتها ودخلت داخل وانا احس قلبي انكسر بس هذا هو الشي الصحيح قمت اصيح واشهق بقوة وانا احس ان دقات قلبي بدت تضعف : انت السبب يا ياسر الله لا يسامحك حرمتني من حبي الوحيد حرمتني من الشخص الي حبيته حرمتني من الشي الوحيد الحلو بحياتي ...... ________________________________ جالسين نفطر انا وامي وابوي الريم والتوأم ام فارس : الا وين فارس يا معن معن : يمما صديقه مسوي حادث وهو عنده ابو فارس : من صديقه هذا معن : يببا تعرف محمد ولد عبدالرحمن ال... ابو فارس : اي عرفته معن : بصراحه عياله بالمستشفى وفارس وثامر معهم تعرف يببا من هم بالثانوي مع بعض ابو فارس : اجل لازم نروح نزورهم طالعت ببوي بسرعه : هاا لا ييببا ماله داعي ابو فارس : معن وش القصه يببا نزلت راسي وانا عارف اني مقدر اكذب على ابوي : بصراحه يببا بنته هي الي بالمستشفى يببا هذه قصه طويله وحرام نقعد نتكلم بالناس عشان كذا خل فارس اذا جا يقولك انا الحين بطلع عندي شوية شغل ..فمان الله ام فارس : طيب كمل فطورك يوليدي معن حب راس امه : شبعان يالغاليه - وطلع - الريم : يببا وش صار بموضوعي ابو فارس : كلمت مكتب الxxxx وبدورون لك على محل مرتب الي تقدرين تزبطين به مطعمك وحلوياتك فرحت من قلبي على هالكلام : صدق يببا ام فارس هز راسه : اي يبنيتي قمت وحضنت ابوي : ربي يخليك لي يببا غنى : يببا نقدر نروح انا وجنى لسديم وسحر ابو فارس : روحو بس لا تتأخرون الريم : لا يببا ما بنتأخر ام فارس : وش فيك يا رجال اشوفك مضايق ابو فارس طالع ببناته : ما فيني شي ما فيني شي ..بطلع غرفتي همست لجنى : احس ابوي في شي ..مو على طبيعته صح جنى بهمس : معك حق له كم يوم متغير الريم : بنات مشو خلونا نظب الطاوله ونلبس ونروح للبنات قمنا انا وجنى وشلنا الصحون مع الريم ورحنا غرفتنا الريم : يمما ابوي شفيه ام فارس بقلق : والله يبنيتي مدري ..له كم يوم متغير وبصراخ : يممممماااااا يبببباااااا لحقوووووو قمنا نركض لغرفة التوأم بسرعه كلنا : شصاير حضنت ابوي بقوة : يببا نجحنا يبااا نجحنا ابو فارس حضن بناته : الف مبروك يا بنات رحنا لامي وحضناها : يممما نجحنا وبعلامه كامله بعد الريم : الاخبار الحلوة قامت تجي بسرعه ..الله يديم فرحتنا يا رب الكل : امييين ابو فارس " يا رب ساعدني احافظ على بناتي ومستقبلهن " ام فارس : وش تفكر في يا رجال ابو فارس : ولا شي ..انا بطلع تبون شي ام فارس : سلامتك ..انتبه لنفسك ________________________________ ابو رامي : رامي اسمعني وش بقول لك رامي : سم يببا بس وش القصه مجمعنا من الصبح هنا ابو رامي : ابي منك شي واحد يا وليدي وابيك تسوي لي رامي : على هالخشم يبوي ابشر ابو رامي : ابي منك تتصالح مع عيال عمك وابيك بشي ثاني بس موب الحين ..بنصبر شوي ما عرفت وش ارد على ابوي : تبيني اتصالح مع عيال عمي ابو رامي : يوليدي حرام تتخاصمون اكثر من ثلاث ايام وانتو لكم ست اشهر ما تشوفون بعض وهالشي موب كويس لكم هم بالاخير سندك بالحياة من بعدي لن صار لي شي هم بوقفو معك يوليدي رامي : يببا الله يهداك وش هالكلام الله يطول بعمرك لا تقول كذا سديم : ابشر يببا ورامي من الحين بيتصل بعيال عمي وبيكلمهم ..صح يا رامي ام رامي : اي يا ابني اعمل هيك كرمال ابوك حرام هالشي كلام امي ابوي صحيح مالي غير عيال عمي : خلاص يببا انا بتصل فيهم ..بتصل فيهم فرحت من قلبي ان رامي بيتصالح مع ثامر " اخييرا ..يا رب تجمعني بثامر ..يا رب " دق جرس البيت وفتحت الخدامه ودخلو ثلاث بنات منقبات : السلام عليكم الكل : وعليكم السلام ورحمته الله وبركاته الريم : عمي انا رييم ابو رامي وقف : هلا هلا ببنيتي الرييم تعالي يببا لي واقفه هنا تعالي سديم : ريمووو حضنت سديم لاني لي مدة ما شفتها : شلونك سديم : زي العسل وانتي الرييم : زي القشطه طالعت بالبنتين الي منقبات وما عرفت من غنى فيهن واضطريت اني اطلع : يببا بروح الشركه عندي شغل هناك ابو رامي : زين انتبه لنفسك ام رامي : انتبه حبيبي خليتهم وطلعت وانا حاط ببالي اكلم ابوي بمضوعي انا وغنى ..اخذت جوالي واتصلت على فارس ________________________________