الفصل 2
حتى لو رحَلْت ..
ورحلَت معك كل أطيافك
بين يدي لازالت بقاياك
أقلبها كل حين
وأحتضن رُفاتها بين يدي
أهمس لها لعلها تسمعني
وتهدهد بعضا من رجفاتي
يحرقني أنين الذكرى
ويحرق جثمان صلابة ادعاء
ويذرو عطر زهور يانعة
بدا ذبولها يعصف برونقها
قاعدة ارتب شنطتي وانا احس بضيقة بصدري يا ربي وش اسوي والله تعبت والله وش اسوي ...دموعي تنزل بقوة وضيقتي ما لها تفسير كل شي حولي يخنقني مدري وش اسوي
انين بصراخ : ليييييييي -وقامت تصيح وهي حاضنه شنطتها بقوة -
سمعنا صراخها من الغرفة رحنا نركض لها بسرعه وحنا خايفين عليها
عبدالرحمن بسرعه : انييين
انين تصيح : لييي لييي لييي
عبدالعزيز حضن اخته بسرعه : شفيك شصاير سوت لك شي تكلمي
عبدالله بخوف : انين شفييك لي تصيحين تكلمي
عبدالرحمن فكها من عبدالعزيز : انوون -ومسح دموعها - تعزيني
انين هزت راسها
عبدالرحمن : طيب اضحكي
انين غطت وجهها : تعبت يا عبدالرحمن تعبت مابي اتزوج مابي مابي مابي مابي
عبدالرحمن حب راسها : ابشرري يا بنت ابوي
عبدالعزيز ابتسم : انين تكفين خلاص مابي اشوف دموعك ابدا
عبدالله : يلا مشينا بنروح بيت جدي بيفرحون بك
انين : وامي بتبقى لوحدها
عبدالعزيز بسخريه : عندها بدل الخدامه تسعة لا تخافين وبعدين اليوم عندها حفلة يعني ما بتفرق معها اذا كنا هنا ولا لا وانا عارف لو بقيتي بصيرون الخدم عشر -وطالعها بعيونها -
انين فهمت نظرته : خلصت شنطتي
عبدالله : مشينا
طلعنا من غرفة انين ورحنا الصالة وشفنا امي قاعده تكلم الخدامه
منيرة : ابي طقم الصحون الجديد ...ولا تنسين تأكدين على الحلا فاهمه ابي كل شي فخم ...واي نسيت ابي الضيافة خفيفه لان صديقاتي مسويات دايت مفهووم
الخدامة : مفهووم مدام
منيرة : اقوول صح قولي للطباخ يكون الاكل فخم ...امم يسوي لنا ايطالي احسن ومابي يستخدم زيت زين ...وتأكدي من الحديقه برا ابي المنظر يكون مرتب والكل يتكلم في
عبدالعزيز بحزن : كل اهتمامها المنظر الخارجي وحياتها الي برا بس عيالها ابد ما اهتمت لهم
عبدالرحمن بقهر : خلونا نطلع بسرعه قبل ليجي ابوي ويقعد يحقق معانا
عبدالله : مشينا
________________________________
فاتحين اغاني ويرقصون ومو مهتمين بشي كل الي يبونه ينسون همومهم لكن نسوها كيف نسوها عن طريق الحرام ...يحسبون المخدرات تنسيهم ...يحسبون الكحول ينسيهم ...لكن هذا ما هم عليه من معاصي وذنوب ....
ياسر بقهر : ياخي هالجو موب عاجبني
راشد وهو طافي : جبت لك ..احلا البنات والمخدرات وموب عاجبك .
ياسر : موب قادر اسيطر على نفسي يبون يزوجوني بنت ما اعرفها ولا تعرفني وغصبن علي
راشد : طيب عندي لك حل
ياسر وهو يشرب : سمعنا
راشد : تزوج وحدة من هالبنات
ياسر فتح عيونه : وشووو قلت ..انا اتزوج بنت من ذول
راشد يطالع في : ولي يعني لا
ياسر : ما اخذ بنت ترقص مع عيال ولا تطلع معاهم انجنيت انت احسب كم شخص نام معها ولا مدري وش سوا معها
راشد ضحك : ههههههه يعني ترفض هذه ونرفض ذيك ...شتبي انت بالضبط ..يعني بنت عمك ذي وش ناقصها مثلا
ياسر : موب ناقصها شي
راشد : طيب عندي اقتراح ثاني
ياسر بعصبية : يرحم امك اقفل فمك انت واقتراحتك الي مثل وجهك ذي
راشد : لا لا ذي كويسه ..اسمع املك عليها وخلها تشوف الويل يعني علمها من هو ياسر تقدر تشوف اي حجه عشان تضربها وسو الي تبيه فيها وبعدين طلقها وارميها عند اهلها
ياسر طالع في مصدوم : بس هذه بنت عمي
راشد : ياخي بنت عمك ولا لا ما بتفرق معك يالذيب افااا اعرفك
ياسر متردد : بس ابوي وعمي
راشد : لا تنسا بتصير زوجتي ...بس انت لا تخليها تروح من يدك بس مو تحبها وتخليها عندك
ياسر بحقد : والله ما تبقى
راشد : كفوو ...والحين خل نكمل السهرة
________________________________
عهود بصراخ : جددددي
الجد " عبدالرحمن " : هلا هلا وغلا هلا ببنيتي
عهود حضنت جدها : اشتقتلك يبووي شلونك عساك طيب
الجد : الحمد الله انتي شلونك شخبارك
عهود : بخير دامني شفتك بخير يا نور عيني
الجد : وش جابك انتي
عهود تضحك : جيت ساري ماني داري هههههه
الجد يسوي معصب : انعدلي يبنت
عهود حبت راس جدها : موب بس انا جيتك يا جدي جيت وجايبه معي جيش رعد الشمال كله
الجد ضرب عصاته : اجل اليوم بيتي بصير حضانه
عهود شهقت : وشهوو حضانه افاا يجدي جيتك انا واريام وقوت ميهاف ولينو
الا بدخلة لين : لينو بعينك اصغر عيالك انا
ميهاف حبت راس جدها : شلونك يالغالي
الجد : الحمد الله شلونك يبنيتي
ميهاف : نحمد الله
اريام حبت راس جدها : علومك يالغالي
الجد : اطمنك يا يبنيتي وانتي وش علومك
اريام : مية مية جدو حبيبي
لين حبت راس جدها : اشتقتلي يا جدي
الجد : اي بالله اشتقتلكم ولشقاوتكم
لين : وحنا اشتقنا لك
الجد : هاا وش مصيبتكم هالمرة
قوت : شقصدم يجدي يعني حنا ما نجيك الا وقت المصايب
الجد : انا ما قلت كذا
اريام : ابوي بزوج ياسر غصبن عليه
الجد : ما قلت لكم ما تجوني الا وراكم مصيبه
قوت : والله يا جدي البيت معفوس عفس وفي عاصفة جايه
الجد : لا تخافون كل شي بينحل ...عيالي ما عادو جوني كل واحد لاهي بحياته وشغله ونسو ان عندهم اب وام هنا
ميهاف : اعذرهم يبا
الجد : فاطمه ...يا فااطمه تعالي
فاطمة دخلت : شفي...ميهاف ..لين هلا هلا ببناتي
البنات راحو لجدتهن حضنوها
اريام : شلوونك يا جدة
الجدة : بخيير بشوفتكم يا عيوني شلونكم انتو
ليين : الحمد الله يا جدة
دخلنا المجلس انا وعبدالله وعبدالعزيز وانين
عبدالرحمن : السلام عليكم
البنات تغطو بسرعه والشباب لفو عالجهة الثانية
الجد : هلا هلا ...اليوم عيد عندي عيالي كلهم اجتمعو عندي
عبدالرحمن راح لجده وحب راسه : طمنا عنك يا جدي شلونك
عبدالعزيز : شلونك يا جدي
الجد : عاد كل واحد يقول من هو
عبدالرحمن : انا دحووم
عبدالعزيز : وانا عزوز
عبدالله : عاد ما ظل غير يعني انا عبود
الجد ضحك : ههههه شلونكم
الشباب صوت واحد : الحمد الله
الجد انتبه عالبنت الي معهم : مستحيه
واقفه وخايفه من ردت فعلهم في بنات كثير هنا وانا ما اعرف ولا وحدة فيهم مسكت يد عزوز كاني بزر خايف يضيع امه
عبدالرحمن : عرفتها
الجد وقف : شلون ما اعرفها ...تعالي
رحت بدون شعور حضنت جدي بقوة وكاني حسيت بأمان كبير جدي هو دايما واقف معاي ويحبني وااجد ما يحسسني اني غريبه بينهم ابدا لي اربع سنوات ما شفته والحين شفته وكنت اسعد انسانه
ليين بهمس لاريام : من هذه
ليين بهمس : اتوقع الفرنسية
ميهاف راحت بسرعة لها : انين
انين لفت عليها وبشوق : ميهاف
ميهاف دموعها قامت تنزل وحضنتها بقوة : اشتقتلك ..اشتقتلك
انين تصيح : وانا بعد اشتقتلك ...اشتقتلك وااجد
ميهاف تصيح : شلوونك ..شخبارك
انين : تعبانه ..تعبانه يا ميهاف تعبانه
ميهاف زادت ضمتها : يا عسا فيني ولا فيك يا نور عيوني يا عسا فيني ولا فيك يا قلبي
الجدة : انين يمما
انين فكت ميهاف : كبرتي وااجد
الجدة ضحكت : هههه وانتي بعدك صغيرة
انين حضنت جدتها : اشتقتلك يا جده اشتقتلك
الجدة تمسح دموع انين : مابي اشوف دموعك هذه مفهوم
انين حضنت جدتها : احضنيني بعد
عبدالرحمن : تستقبلنا عندك يا جدي
الجد بمزح : قالو لك فاتح فندق ببيتي
عبدالعزيز : عاد انا ملقوف وما افهم بقعد هنا وغرفتي نفسها
عبدالله وقف : نعمم يا قلبي وش قلت لا يا بابا الغرفة لي انا
عبدالرحمن : من اكبر واحد فيكم ..انا عشان كذا الغرفة لي
عبدالعزيز : اقوول الخلا بس انا باخذها
الجد : يولد انت واياها شفيكم عز الله ما تستحون تتهاوشون عالغرفة بوجودي قومو من هنا اقوول قوومو
عبدالرحمن ضحك : ههههه اقول انقلع انت ووجهك كانه انا
عبدالعزيز : اقول دحووم قول ما
عبدالرحمن : يااا ليييل ...ماا
عبدالعزيز ضحك : ههه ماابي هههههه
عبدالله ضحك : هههههههههههه اووووم
عبدالرحمن : عزوز قول ت
عبدالعزيز ضحك : ت ههههه
عبدالرحمن ضحك : تبن زين ههههههه
انين انضمت لهم : شباب قولو ف
الشباب ضحكو : ف
انين بعصبية : فضحتنووونا انت وهو اركدو كانكم بزارين
ميهاف ضحكت : هههههه الا البزارين ما سووها
لين بضحك : مجاانين
الشباب طالعو فيها بسرعه
لين انتبهت ع نفسها وحطت يدها ع فمها
عبدالعزيز ضحك : هههههههههههههههههه جدي حنا بنطلع الحين عندنا شغل انين بتبقى هنا
الجد : زين بتتأخرون
عبدالرحمن : لا كل ابوها ساعه ونجي
الجدة : انتبهو على نفسكم زين
عبدالرحمن : ابشرري يا جده فمان الله
الكل : فمان الله
طلعو الشباب وراحو مع بعض
الجده : ميهاف خذي انين وطلعو غرفتكم وانتو يا بنات ولا جهز العشا اناديكم
البنات مع بعض : ابشرري
الجد : وانا عندي شغل بروح وبجي
الجدة : وين يا رجال
الجد : بجي بجي - وطلع -
ميهاف مسكت يد انين : مشينا الغرفه -وطلعو
عهود تطالع لين : بسرعه سحبت علينا الكلبه
لين : يا ربي ودي اشوف وجهها لي متنقبه
عهود طالعت فيها : اماا سؤال وانتي لي متنقبه
اريام : لي مستعجلين الحين نشوفها ونشبع منها بعد امشو نغير ونشوفهن
قوت : مشينا
بالغرفه عند ميهاف وانين
انين : طمنيني عنك
ميهاف : ماني بخير
انين : ليي عسا ما شر
ميهاف : لي ما رفضتي ياسر
انين تغير وجهها : كيف عرفتي
ميهاف : لي بقا احد ما عرف ..تقدري تقولي انك اخر وحدة عرفتي
انين بصدمة : الكل عرف يعني
ميهاف هزت راسها
انين رمت راسها بحضن ميهاف : طيب شسوي قولي لي والله تعبت تعبت امي تعذبني وابوي من جهة يبيني اتزوج ياسر وانا اصلا ما اعرفه ولا عمري شفته شسوي قولي لي ...شفت فرحة ابوي بهالزواج فرحة مو عاطيها احد والله مدري وش اسوي ابي اموت ابي امووت
ميهاف مسكتها من كتفها : اقوول كلي تبن زين وش ابي اموت هذه ..خلاص كل شي بينحل انتي اصبري اصلا جدي بعده ما عرف ما ظنيت يوافق ..وبعدين انتي لا تفقدين الامل كل شي بينحل
انين حضنتها : اشتقتلك وربي اشتقتلك لي ثلاث سنوات ما شفتك ...
ميهاف : يا قلبي انتي وانا بعد اشتقتلك والله
انين ضحكت : هههه تصدقين دحوم قالي ان يبيني اعيد الترم
ميهاف طالعت فيها : كذااابه ..ومنيرة
انين : عبدالرحمن قال ما حد له دخل بس ابوي جاب لي الخبر الي صدمني وقال لي عن زواجي
ميهاف : طيب انتي وش موافقه
انين : لا لا مابي اتزوجه ماني مرتاحه ابدا
ميهاف : طيب صليتي
انين : لا
ميهاف نومت انين بحضنها وقامت تلعب بشعرها : صلي واستخيري الله كل شي من الله حلو ويمكن في خيرة لك بعد
انين : ان شاء الله
اندق باب الغرفه
ميهاف : تفضل
دخلت اريام ووراها لين وبعدين قوت وعهود
ميهاف : يمما وش ذا جيش
انين قامت وعدلت قعدتها
عهود " ما شاء الله عليها تجنن هالبنت وش هالجمال " : سحبتي علينا يا كلبه
ميهاف حضنت انين : من شاف احبابه نسي اصحابه وانا شفت توأم روحي ونسيت نفسي
لين " ما شاء الله تبارك الرحمن ": شوف النذلة تقولها بوجهنا بعد
انين تكلمت : تفضلو قعدو معانا
ليين : اكييد بنقعد يعني بنخليكم لحالكم
انين سكتت
ميهاف : انون لا تزعلين منها تراها كذا دايما همجيه بكل شي
ليين شهقت : انا همجيه يا كلبه
انين ابتسمت : لا عادي ما زعلت
اريام : انا اسمي اريام
انين ابتسمت : انتي اريام اجل وانا انين
قوت : وانا قووت
انين : يا هلا
لين : وانا ليين
عهود : وانا عهود
انين ابتسمت : هلا فيكن اسمي انين
عهود ضحكت : اشبك كذا مستحيه
انين بخجل : مدري كذا استحيت
اريام : ما شاء الله عليك انتي مررة حلوة
انين ابتسمت : مشكورة وانتي بعد حلوة يا حظ ع - وانتبهت ع نفسها -
اريام خافت وابتسمت لها
عهود لاحظت : شصار كملي
انين اختبصت : هاا لا ولا شي
ميهاف : انين ذولي بنات عمنا
انين " عندي بنات عم وااجد وانا مدري "
قوت : لي سكتي تحشين فينا صح
انين ضحكت : هههه حشا للٰه بس كنت اقول ان عندي بنات عم وااجد وانا مدري عنهم
ميهاف : شتبين فيهم انا اغنيك عن الكل
انين حضنتها : انتي دنيتي اصلا يا قلبي
عهود : ما شاء الله وش هالمحبه هذه من ساعه بس
ميهاف : من قال من ساعه هالمحبه ليها سنوات بس ما احد يدري
قوت : شلون يعني
ميهاف : شفيكم انا وانين كنا بنفس المدرسه ونفس الفصل ونفس الطاوله
عهود : اهاا بس ما شفناكي بالثانوية
انين نزلت راسها : ما كملت ثانو...
قاطعتهم ميهاف : وش نبي الحين بهالكلام حنا الحين اجتمعنا شرايكم نلعب
انين : وش نلعب
قوت : وافقتي على ياسر
انصدمت من سؤالها ما توقعت تسألني اصلا
ميهاف تغير السيرة : يلا قومو نلعب
قوت مصرة : جاوبيني لي سكتي
لين تضرب قوت : شفيك
قوت : جاوبيني انين وافقتي على ياسر ولا لا
مدري وش اسوي حسيت اني محاصرة ومقدر اقول شي ولا افتح فمي بكلمة
اريام بعصبية : قوت وش هلكلام خلاص
قوت صامله : اريام وانتي -تأشر على لين - مابي اسمع صوت
عهود بعصبية : قوت يكفي
قوت : انين جاوبيني تبين ياسر ولا لا
دخلت الغرفه وانا مصدومة من كلام قوت
اريام : جده
الجدة فاطمة : وش كنتي تقولين
اريام تضيع السيرة : جده كنا نلعب و..
قاطعتها وانا معصبه : قوت وش كنتي تقولين
قوت بعصبية : اي يا جده ابوي يبي يخطب انين لياسر اخوي غصبن عليه
الجده بعصبية : لي هو يعرف انين اصلا ولا في يوم شافها او يعرف شكلها كيف ابوك ذا
قوت : استغفر الله العظيم جده كنت اسألها هي موافقه ولا لا
الجده بعصبية : انا ما بوافق اصلا بستنا يخرب مستقبل البنت اخوك ذا داشر وين بأمن على بنيتي معاه
سمعت صراخهم من فوق قلت اكيد في مصيبه صايرة : شفييكم شصاير لي تصارخون
الجده : اسمع يا رجال وش عيالك بسوون بزوجون هالمسكينه -تأشر على انين - لياسر
وقفت مكاني مو مستوعب الي اسمعه بزوجون انين لياسر : شلوووون
ليين : جدي اسمعني انت هد ما بصير شي بس انت هد
اريام مسكت قوت من يدها وبعصبية : امشي معاي
عهود تضايفت وطلعت برا
ميهاف تواسي انين : يا قلبي انتي لي تبكين خلاص هدي تكفيين لا تبكين امانه
انين تصيح : لي كذا يصير معاي لي والله تعبت يا ميهاف والله لي امي جابتني على هذه الحياة ليي جابوني عشان اتعذب وانذل ليي جابوني دامهم يكرهوني ويخلوني اذوق المر بنات عمي الي كنت متحمسه اشوفهم خلاص مو قادرة اتكلم معاهم ...اخواني مو قادرين يساعدوني تعبت يا ميهاف وربي تعبت وشبعت تعب
كلامهم كان يغرس خناجر بصدري بنيتي تتعذب وانا موجود ...الحق علي الي خليتها تعيش مع منيرة الحيه ولا ابوها ذا الي ميدري عن شي : انين يمما قومي تروشي وصلي لك ركعتين وبإذن الله كل شي ينحل يبنيتي
الجد : اي يا بنيتي قوومي وابشري باللي يسر خاطرك يا بنيتي
ميهاف : قومي يا قلبي يلا تكفين عشاني
ابتسمت لهم وانا عارفه قد ايش يحبوني ويبون مصلحتي قمت ودخلت الحمام -اكرمكم الله - وتروشت حسيت المويه جديده علي حسيت ان كل تعبي راح حسيت اني انين جديدة بس باقيه انين الضعيفه والجبانه الي الكل يمشيها بشوره وعلى هواه ......
________________________________
عبدالرحمن يضحك : انين بتفرح فيهم
عبدالعزيز : ياخي والله اني خايف
عبدالرحمن : لا تخاف كل شي بينحل صدقني
عبدالله جاهم : ها شباب خلصتو
عبدالرحمن يضحك : شباب شرايكم نفترق
عبدالعزيز : لي يعني
عبدالرحمن : مو شايف الناس كيف تطالع فينا
عبدالله ضحك : ههههههههههههههه
عبدالرحمن : امشو نروح
عبدالعزيز : بمر ستار بكس تبون شي
عبدالله : جب لي كوفي معك
عبدالرحمن : وانا بعد
عبدالعزيز : زين اسبقوني بجيكم
الشباب : اوكي
رحت ستار بكس وخذيت ثلاثه كوفي وجيت برجع بس وقفني شخص : مععن
معن : هلا
عبدالعزيز : شلوونك يا ولد
معن يطالع في : عفوا اخوي ما تذكرتك
عبدالعزيز : يالخسيس ما تذكرتني اجل
معن يطالع في : طيب ذكرني
عبدالعزيز ضحك : واحد ضرب ثلاثه
معن فتح عيونه : دحووم
عبدالعزيز ضحك : لا موب دحوم
معن : اجل عزوز
عبدالعزيز ابتسم : اي عزوز شلوونك يا الدوب
معن : الحمد الله انت شلونك
عبدالعزيز : بخير وين اختفيت وفارس الكلب وينه
معن : ياخي اركد وخل عنك الغلط وش ذا حشى لسانك موب رايق ...فارس تعرف محامي وشغله فوق راسه وانا داشر هههه
عبدالعزيز : وفرحان بنفسك داشر
معن ضحك: ههههه امزح معاك يا رجال اشتغل مع ابوي بالشركة
عبدالعزيز : كويس...اوووه نسيت الشباب ينتظروني امش معاي
معن : والله ...شسمه
عبدالعزيز : امش بس وخذ هذه امسكها - واعطاه كوب كوفي -
معن : تراني واحد من ربعك موب اشتغل عندك
عبدالعزيز : لا يكثر وامشي
وصلنا السيارة وباين انها بتنحرق الا شوي
عبدالرحمن بعصبية : لا يا شييخ كان نمت
عبدالله : وين كنت ااه
معن : السلام عليكم
الشباب : وعليكم السلام
عبدالعزيز : لقيت الورع ذا بطريقي وجبته
عبدالله : كاني شايفك
معن يضحك : كانك هههه لا ياخي شايفني
عبدالرحمن : معن لا
معن ضحك : اي معن
عبدالرحمن : شلوونك يا ولد
معن : الحمد الله
عبدالله حضنه : شخبارك
معن : بخير وانت
عبدالله : الحمد الله ...وش تسوي هنا
معن : جاي افحص دمي
عبدالله : سامج
معن : موب كثرك
عبدالرحمن : الا فارس وين
معن : مدري عنه بس مشغول وااجد
عبدالرحمن : محامي صح
معن : اي محامي ..كيف عرفت
عبدالرحمن : اخر مرة تكلمنا من ست شهور وبعدها قال انه بروح امريكا يدرس حقوق ومدري وشو وما عاد اتصل النذل
معن : اعذرة يا دحووم والله الي صار معه مو هين
عبدالرحمن : معن تكفى لا عاد تجيب هالسيرة مرة ثانيه
معن : اجل يبو محمد اخليكم الحين والله مشغول
عبدالرحمن : بيننا اتصال
معن : اكيييد
عبدالرحمن : فمان الله
رحنا انا واخواني للبيت ومعن توكل على شغله
عبدالله : والله اني راحم فارس
عبدالرحمن : عبوود مابي اسمع هالسيرة مرة ثانيه تكفى
عبدالعزيز : شفيك انت
عبدالرحمن : ما فيني شي يلا نزلو
عبدالعزيز : انا بروح الحديقه ورا وانتو دخلو عند انين بتنفس هوا نقي واجيكم
عبدالرحمن وهو يلم الاكياس : قول بتدخن
عبدالعزيز ارتبك : لا مو دخان بس كذا
عبدالرحمن صد عن اخوه ودخل
عبدالعزيز يناديه : دحوووم دحووم
عبدالله حط يده ع كتفه : انت تدري انه ما يحب يشوفك تدخن صح
عبدالعزيز خل اخو وراح الحديقه
عبدالله : الله يهديك يا عزوز
رحت وانا متضايق من عبدالرحمن لي متضايق مني بس هو معاه حق يعني انا اخي دوون يعصب ويزعل مني وهو يسامحني يكره يشوفني ادخن بس وش اسوي خلاص مقدر اعيش بدون ما ادخن : لي كذا يصير معانا لي - جاني صوت ما توقعت اني في يوم اسمعه قريب مني ..صوت اتمنى اسمعه كل يوم ما تصدقون لو قلت لكم اني ما قد شفتها بحياتي الا مرة وحده ومن يومها اعشقها اعشقها عشق ما يعلم به احد غير الله -
اريام : الدخان موب زين
عبدالعزيز : وش جابك هنا
اريام : عادي شفتك قاعد قلت اجي اشوفك
عبدالعزيز : وانتي اي شخص تشوفينه قاعد هنا تجين تكلمينه يعني
اريام مستغربه : تراك ولد عمي وانا متغطيه وببيت جدي يعني ما سويت شي
عبدالعزيز : اريااام دخلي داخل
اريام ابتسمت بدون شعور : عزو...عبدالعزيز شفيك
احس انها تخدرني بكلامها مابيها تسكت ابيها تتكلم معاي كل ثانيه
اريام : شفيك سكتت
عبدالعزيز : دخلي داخل يا بنت
اريام : زين بدخل بس جاوبني على سؤالي
خفت من سؤالها خفت تسألني السؤال الي ببالي : وشو
اريام : انين بتوافق على ياسر
عبدالعزيز عقد حواجبه : شدخلك انتي
اريام : عادي بس اسأل
عبدالعزيز بنبرة حادة : حتى لو وافقت انا ما بخليها
اريام : طيب زين شفيك اكلتني بقشوري
عبدالعزيز : طيب يلا الحين دخلي داخل
اريام : زين بدخل بس انت بعد لا تدخن
عبدالعزيز : وش دخلك انتي ادخن ولا لا
اريام : دخلني
عبدالعزيز : يا لييييل يبنت الناس الكلام معاك ضايع انا بدخل خلك هنا يخطفوك
اريام ضحكت : ههههههههههههههه شايفني بزرة
يا لبــى هالضحكة والله وراعيها : هذا الي اشوفه والحين داخل
اريام لفت حالها وراحت : ذابحه نفسي عالوقفه معك يعني
ابتسمت عطفولتها : يا بنت غطي شعرك زين
اريام طالعت في : وانت لي تطالعني
عبدالعزيز : موب ميت عليك يا بنت عمي بس موب حلوة تدخلين وشعرك مكشوف من ورا
اريام ضبطت شيلتها : مشكور -ودخلت -
جلست عالكرسي واحس قلبي بيطلع من مكانه احس اني سعيد حتى السيجارة ما ابيها
شفته جالس مبسوط وفرحان : ايووة ايووة وش يصير من ورايا
عبدالعزيز وقف بسرعه : انين من متى وانتي هنا
انين جلست جمب اخوها : من يوم ما روميو قالت لجولييت الدخان مضر
مسكتها من اذونها يعني اني بعاقبها : ومن متى تتجسسين علي
انين : اووو عزوز اذووني ..خلاص اخر مرة بس ترا حرام
عبدالعزيز : يرحم امك لا تبدين والله ما شفت وجهها يا بنت الحلال شفيك انتي
انين : ما يصير تكلمها حتى
عبدالعزيز : ادري يا انون ادري
انين : اجل معناته ابيك توعدني ما تنعاد
عبدالعزيز يطالعها بنص عين : نعممم
انين : ترا دحووم وعبوظ ينتظرون مني خبر
عبدالعزيز : يا مقرودة ...زين اوعدك
انين ضحكت : هههههه يا قلبي انت -وباست خده - احووووبك احووبك احووووبك
عبدالعزيز ابتسم : وانا احووبك يا قلبي
انين : خلاص انا الحب الوحيد بحياتك
عبدالعزيز ضحك : ههه اي انتي الحب الوحيد بحياتي مابي غيرك
انين حضنته : ربي لا يحرمني منك يا رب ولا يفرقنا عن بعض
عبدالعزيز يحاوط اخته : امييين يا رب
تطالعهم من بعيد والنار تشعل بقلبها " ذول اخوان وين الاخوة بالقصه لاصقين ببعض كانهم عشاق والله العشاق استحو يسوونها طيب يا عزوز طيب "
ليين : اروم وش بلاك واقفه هنا
اريام : ما فيني شي شتبين
ليين لاحظت البنت والشاب الي جالسين وحاضنين بعض : مين ذوول
اريام تخفي غيرتها : مدري
ليين : ذي انين ولا غلطانه ...اي بالله انين
اريام : والي معاها عبدالعزيز
ليين : يحليلهم الله لا يفرقهم
اريام : وش انتي الثانيه
لين : شفيك بالله باقي اخوان يخافون على بعض كذا
اريام : باين انهم اخوان
ليين لاحظت عليها : شقصدك
اريام انتبهت على نفسها : ولا شي امشي ندخل بردت
ليين " وش وراك يا اريام " : امشي
عبدالعزيز : شرايك ندخل احس صارت برد
انين : عزوز
عبدالعزيز : سمي
انين : سم الله عدوك ..عزوز مابي اتزوجه
عبدالعزيز مسك يد اخته : قلتلك ابشري باللي يسر خاطرك وان شاء الله يصير كل خير
فهمت من كلامه انه ما يقدر يسوي شي يا رب افرجها يا رب وارحمني برحمتك
عبدالعزيز : لدرجة ذي وجهي حلو
انين انتبهت عنفسها : هاا لا
عبدالعزيز يطالعها : يعني ماني حلو
انين : ياخي خرشتني ...امش ندخل بس
عبدالعزيز مسك يدها : امشي
دخلنا الصاله وكان الكل موجود بالصاله جدي وجدتي وبنات عمي واخواني
الجد : تعالو يا عيال تعالو
عبدالرحمن : قلت بتروح تاخذ هوا نقي اشوفك سحبت الاوكسجين كله
عبدالله : وانتي قلتي بطلع انادي عزوز شصار
عبدالعزيز يطالع فيهم : شحارق رزك انت واياه
انين : يعني ما نقدر نتكلم كلمتين انا واخوي
عبدالرحمن : حشا ذي صارت روايه
عبدالعزيز : اقول لا يكثر بس لي متجمعين
الجد : في شي بناقشه
عبدالعزيز : وش هالشي
الجد : زواج ياسر وانين
انين انصدمت : زواجي
عبدالرحمن وقف : جدي هالزواج ما بتم
عبدالعزيز : ما بتم لو على رقبتي
عبدالله : نعطي انين لياسر لا انتو انجنيتو
الجد : انا ما قلت اني موافق يا شباب
عبدالله : كلامك كذا يقول يا جدي
الجده : يا بنيتي انتي تبينه
عبدالعزيز : جده تكفين مابي كلام كثير بهالقصه هالزواج ما منه امل ابدا انسووو
دخل بكل هيبه وبصوت عالي : وش الي يمنع
عبدالرحمن لف : يبباا ...
ابو عبدالرحمن : سألتك وش الي يمنع هالزواج
عبدالعزيز : يبا ياسر واحد ما يتأمن له داشر
ابو عبدالرحمن : بعد الزواج يعقل
عبدالرحمن بعصبية : يبا انت بتخلي بنتك تجربه لياسر يعقل ولا لا
ابو عبدالرحمن : نسيت اني ابوك يا ولد
ضرب بعصاته ارض المجلس: ترااني هنا
ابو عبدالرحمن : سامحني يببا
عبدالرحمن : جدي قول شي بتخلي هالزواج يتم
الجد بحدة : قررت وانتهى
ابو عبدالرحمن : وش قرارك يبوي
الجد : بنشوف رأي ياسر
واقفه مكاني مصدومه من الي اسمعه جدي الشخص الاخير الي توقعت يسوي فيني كذا اخر شخص توقعت يخذلني و....
ابو عبدالرحمن : ها يا انين وش قلتي
عبدالله : وش فيكم انتو البنت ما تبي تتزوج
عبدالرحمن : يببا تكفى لا تسوي كذا
انين بتبلد : موافقه
انصدمنا كلنا او خاصتا حنا اخوانها انصدمنا منها كيف توافق وحنا نحاول نقنع ابوي كيف توافق
عبدالرحمن بصدمة : شلوون
عبدالله : انين لا تسوين كذا
عبدالعزيز راح لها ومسك كتوفها : انسي
انين دموعها بعينها : موافقه
ما تحملت كلامها وعطيتها كف
عبدالرحمن انصدم : عزووووز
عبدالله بصراخ : عبدالعزيزز
الجد : انيننن
واقفه مكاني بعدني مصدومه من كف عزوز ..عزوز اخوي وصديقي الوحيد ضربني كف
عبدالعزيز بصراخ : شفييك انجنيتي ااه من دقايق كنتي تترجيني انك ما تتزوجينه شصار لك ااه فقدتي عقلك انتي اصحي لا تكونين ضعيفه خلك قويه لمتى بيتحكمون بحياتك لمتى بمشونك على كيفهم لمتى بتكونين خدامه عندهم لمتى بتظلين عبده لمتى بيقرروت عنك مستقبلك اااه لمممتتتىىى
طالعت في ودموعي تطيح وحسيت الدنيا تدور فيني وكل شي حولي يدور وفجأة
عبدالرحمن بصراخ : انييييين
عبدالعزيز مسكها بين يدينه : انينن انيين اصحي تكفين قوومي
الجده : يمما بنيتي شصار لها شفيها
الجد : عبدالله اتصل بالدكتور
عبدالعزيز شالها : ما يحتاج باخذها بنفسي للمستشفى
الجد : الدكتور يج...
قاطعته وانا اصارخ : انا باخذها للمستشفى
عبدالرحمن وعبدالله راحو معاه وابو عبدالرحمن والجد والجده بالسيارة الثانيه والبنات بالسيارة وراهم
وصلت المستشفى وانا اسوف ميه واربعين وقلبي يدق بسرعه وخوف
عبدالرحمن : شيلها زين
عبدالعزيز : اذا صار لها شي ما بسامح نفسي
عبدالله : ولي يسلمك كلام الافلام خله بعدين
عبدالرحمن : نبيي دكتوور بسرعه
الممرضه : دخلها هنا وشوي انادي الدكتور
عبدالعزيز : اي تكفين بسرعه بسرعه
بعد خمس دقايق جا الدكتور : لو سمحتو اطلعو برا
عبدالرحمن : لا بظل معاها
الدكتور : لا تخاف مراتك هتبقى كويسه
عبدالله : يا مال الوجعع هذه اختنا
الدكتور : انا اسف ما تخافوش عليها هتبقى كويسه
انتظرنا برا انا واخواني وجدي وابوي والكل بس للاسف ما شفت الخوف الا على وجه جدتي كانهم مو مهتمين بالبنت الي داخل ابدا
عبدالرحمن مسك كتف عبدالعزيز : لا تخاف
عبدالعزيز : اول مرة امد يدي عليها
عبدالله : عزوز انت كنت معصب انسا
عبدالعزيز : لو صار لها شي ما بسامح نفسي
عبدالرحمن : رجعنا لنفس كلام الافلام خلاص
طلع الدكتور وهجمنا عليه كانه عدونا
عبدالرحمن : ها بشر
عبدالعزيز : شصار عليها
الدكتور : ما تخافوش صار عندها انخفاض بالدم وده بسبب تعب مفيش حاجه خطيرة
ميهاف تصيح : طيب بشوفها تكفى يا دكتور
الدكتور : هي دلوقتي نايمه لما تصحى ابقي ادخليلها
الجده تصيح : انت السبب انت -وتأشر على الجد - تبي تزوجها لياسر
عبدالرحمن : عبود اخذ جدي وجدتي وروحو البيت وخذ البنات
الجده : ماني برايحه من هنا
عبدالرحمن : جده موب زينه لك القعده هنا تكفين روحي على شاني وخذي البنات معاك
الجد : عبدالرحمن معاه حق امشي ...بجمع الكل اليوم وبننتهي من هالسالفه كلها
عبدالله : طيب انا ابي اظل هنا
عبدالرحمن حط يده عكتفه : حنا هنا لا تخاف بس انت الحين رح وصلهن وتعال زين
عبدالله : عزوز وينه
عبدالرحمن قام يتلفت حوله : كان هنا مدري وين اختفى
عبدالله : باخذهم وارجع بسرعه
عبدالرحمن هز راسه
دخلت عندها عالغرفه وشفتها نايمه كانها ملاك صغير فمها الوردي وعيونها الصغيرة كانها طفله صغيرة تمنيت لو اني اقدر اخلصها من كل هالعذاب هذا ...انين يوم جت عندنا البيت خلتنا نحس اننا اخوان من صدق يوم تمشي تمسك بيدينا الثلاثه وتمشي معانا ويوم تلعب تجيني كانت اقرب لي حتى من امي اسراري الي ما علمتها توأمي قلتها لها وانا اعرف انها تتعذب وتخبي علينا ...ابوي الله يسامحه يوم غلط غلطته ما فكر بالنتيجة وللأسف النتيجة هذه جت غالية على قلوبنا رغم صغر سنها تعلقت بأنين وااجد حتى قمت احس انها توأمي انا واذا صار لها شي معرف وش بسوي.
صحيت بشويش وحسيت بدوخه وراسي يعورني حسيت بأحد ماسك يدي لقيت عزوز بس واضح انه سرحان كان يحرك حواجبه ويعقد وجهه كانه خايف من شي : وش تفكر في
عبدالعزيز بحزن : شلوونك
انين بتعب : الحمد الله بخير
عبدالعزيز : سامحيني تكفين
انين مسكت يد اخوها : اششش
عبدالعزيز : مدري كيف مديت يدي عليكي
انين شدت على يده : عزوز خلاص شفيك
عبدالعزيز يمسح على راسها : ارتاحي
انين : طييب لي مكشر كذا
عبدالعزيز : انين مدري وش اقولك صدقيني اني تعبت والله ابوي وامي وجدي وانتي ...مابيك تتحملين شي انتي مو قده يا انين
انين بكسرة : ما افرقت يا خوي من زمان وانا متحملة اشياء ما يعلم بها الا الله
عبدالعزيز : طيب لي وافقتي ليي
انين بحزن : لاني مجبورة اوافق يا خوي هذه سمعة ابوي وجدي وهالشي خلا ابوي يفرح والناس وش بتقول البنت ما تبي ولد عمها وبيصيرون يتكلمون على ابوي ما ارضاها يخوي
عبدالعزيز بعصبية : انين لا تصيرين البنت المثالية الي خايفه على ابوها وتهتم له لو ابوي مهتم بك كذا كان قلت مستعدة تسوي له الي يبيه بس ابوي مو مسوي لك شي طول الوقت مسافر ويحسب انك مستانسه
انين : عزوز يا قلبي لا تخاف علي اذا رب العالمين كاتب لي اتزوج ياسر ذا بتزوجه ولو مو كاتب لي صدقني ما بتزوجه
عبدالعزيز : مدري وش اقولك ...انين ياسر ذا موب زين موووب زييين
انين : رب العالمين كريم يخوي ....
دخلت الغرفه وشفتهم يتكلمون وباين انه الحوار ساخن بينهم : هاا وش شلونها تاج راسي الحين
انين ابتسمت : بخير الحمد الله يا عزوتي ع
عبدالرحمن مسك يدها : عساكي بخير
انين : الحمد لله يخوي
عبدالرحمن : تتغلين علينا يلغلا
انين ابتسمت : الله يعين زوجاتكم على هالدلع
عبدالعزيز ضحك : هههههه لا الدلع ذا بس لكي
انين بغرور : اكييد بس لي
عبدالرحمن : عاد موب لايق عليك الغرور كانكي عنزة رافعتن خشمها
انين شهقت : الله يقلع العدو انت وتشبيهك
عبدالعزيز ضحك : هههههههههه حطم ام الجبهة
انين غطت وجهها : الا والله ما بقى فيها جبهة
عبدالرحمن : خلك عندها بروح اشوف شي وارجع ما بطول
عبدالعزيز : ابشرر
ابتسمت براحه رغم كل المصايب الي مريت فيها بس ربنا عوضني بثلاث اخوان قلبهم علي يخافون علي من الهوا ..يحبوني ويحترموني ويخافون علي يا رب احفظهم لي يا الله ولا تفرقنا .....
طلعت اشوف جوالي كان قاعد يدق برا : الوو ...وعليكم السلام والرحمة ارحببووو ...يا هلا هلا ...الله يبقيك ...الحمد الله انت شلونك ...الا عرفتك يبوي الي ما يعرفك يجهلك شخبارك علومك ...هههه لا الحمد الله ...هلا ...اي سم ...اي ...اي دايما ...لا عادي اي وقت فاتح ...افا عليك ما نقرب لبعض بس نبقى ربع واخوان ...يا هلا ...الله يحيك ويبقيك ...اخذ راحتك ...فمان الله ...
شفته واقف وملتهي وجيته بشويش وبصرخه : دحوووووم
عبدالرحمن نقز : الله يسم عدووينك يا الكلب
عبدالله فطس ضحك : هههههههههههههههههههه
عبدالرحمن عصب : يالنذل حنا بمستشفى موب بالبيت خرشتني بسم الله علي بسم الله احس قلبي طاح
عبدالله قعد عالكرسي يضحك : هههههههههههه انت شفت وجهك ههههههههههههه يا ربي
عبدالرحمن مسكه من يده : اورييك يا حيوان
طلعت لهم وانا اسمع صوت ضحكهم : ترانا بمستشفى موب بالبيت
عبدالله : راحت عليك لقطه
عبدالعزيز : كل تبن زين انت وضحكك ذا
عبدالرحمن : انين نامت
عبدالعزيز : لا
عبدالله : بدخل لها انا
عبدالرحمن : كلنا بندخل يبوي
دخلنا كلنا وكانت مبتسمه وتطالع فينا
عبدالله : ولي هالابتسامه
انين : لاني قاعده اشوف قدامي ثلاث فرسان يجننون
عبدالرحمن : وانتي الاميرة الصغيرة مثلا
انين : يب اكيد
عبدالعزيز : الا انتي ملكه
انين طالعت فيهم : لي تحبوني كذا
عبدالرحمن : كيف يعني
انين : اول شي قعدو ...يعني لي تحبوني وتخافون علي كذا كنتم تقدرون تعاملوني مثلهم
عبدالله : بقولك سر بس بيننا ولا تزعلين
انين : قول
عبدالله : تدرين اني ما كنت احبك يعني شفت امي تصارخ وتقول مابيها ولا تجيبها ومدري وشو كرهتك شوي وقلت لا جت بظل اضرب فيها لين تروح من بيتنا
عبدالرحمن كمل : ويوم ابوي جابكي كنتي بعدكي صغيرة وكنتي شقرا وكانت عيونك صغيرة تجنن وكنتي تبكين تبكين تبكين بقووة بس تدرين ان صوت بكاكي كان مثل موسيقى مدري كيف اوصفلك اياه
عبدالعزيز كمل : وشفنا فيك الطفوله الحلوة البريئة والنقية شفنا ابتسامتك الصافية وقلت لهم انا بربيك واخذتك بيت جدي يومها وظلينا نهتم فيك لدرجة قمنا نحس اننا ابوكي وامكي انين انتي الشعور الوحيد الصادق بحياتنا انتي اكثر وحده تعرفين طبعي عصبي ومالي خلق احد الا انتي معاك اضحك كاني بزر انتي حافظة اسراري بعضها اخواني ما يعرفوها انين انا اعتبرك بنتي الصغيرة ما اعتبر نفسي اخوكي انتي دنيتي وما ارضى عليكي اي شي اي شي تبينه انا حاضر لو تبين عيوني
عبدالرحمن : يولد ما خليت لنا شي وش بنقول حنا الحين ااه
عبدالله وعبدالعزيز ضحكو
ما حسيت الا دموعي تطيح من عيني مدري لي بس حسيت اني محتاجه اصيح ودي اصيح اخواني معاي وسندي وظهري وما يتخلون عني ابدا ويوقفون معاي لين اخر الطريق
عبدالله : يبنت الحلال انتي ما تكملين يومك بدون لا تصيحين يعني لازم كل شوي تصيحين خلاص تعلمي انك لا عاد تصيحين على كل شي فاهمه
انين : طلبتكم
الشباب : عطيناك
انين : لا تتدخلون بأي شي بيصير ...حتى لو شفتوني اتزوج ياسر لا تدخلون تكفون
عبدالله بعصبية : شلووون يعني
انين : عبوود تكفى عشاني سوو الي قلت لكم عليه
عبدالعزيز : ليي طيب لييي
عبدالرحمن : انين انتي عارفه وش تطلبين منا
انين : تكفووون عشاني
عبدالله : استغفر الله العظيم بس
عبدالرحمن : انين ليي كذا تسوين
انين مسكت يده : صدقوني كل شي بينحل
عبدالعزيز : بشوف الطبيب ونطلع
انين : عزوز تعال
عبدالعزيز : بشوف الطبيب -وطلع -
انين " لي كذا تسوي فيني يا عزوز انت تدري غلاك بقلبي ليي كذا تسوي ليي "
عبدالله : جهزي نفسك بتروحين معانا جدي قال ان بجمع العايلة كلها
انين هزت راسها : ان شاء الله
عبدالرحمن : انا بطلع
انين : دحووم
عبدالرحمن طالع فيها وراح
انين بحزن : والله مو قصدي يزعلون مني
عبدالله : انتي عارفه انهم يبون مصلحتك
انين : وانا ابي راحة ابوي يا عبدالله
عبدالله : راحة ابوي على حساب حياتك ما تمشي يا انين انتي عارفه ان ابوي ما يهتم بك كثر ما تهتمين في
انين : اهم شي انه ما يعاملني بكره حتى لو يحبني شوي راضيه يا عبدالله
عبدالله : للأسف مقدر اقولك شي بس الله يهدي بالكي
انين مسكت يده : لا تخليني يا عبدالله تكفى
عبدالله : لا تخافين
عبدالرحمن : يلا قومي
انين قامت وضبطت شيلتها ونقابها وطلعت مع اخوانها
________________________________
قاعدين انا وراكان كل واحد عينه بجواله من الطفش مندري وش نسوي : ياخي ملييت
راكان : وش اسوي لك
سلطان : شرايك نطلع
راكان : وين
سلطان : مدري اي مكان
راكان : شرايك نشوف الشباب
سلطان : زين
اخذت جوالي ودقيت على نايف : هلا وينك ...السلام عليكم كذا ارتحت ...لا يكثر وينك ...عز الطلب انا وسلطان مندري وش نسوي ...اي زين ...اسمع بشوف فيصل وفهد ونجيكم ...لا ليي ...اي سمعت ...زين يوم نجي نتكلم زين ...سلام
سلطان : ها وش صار
راكان : الدور على سيارتك
سلطان طالعه بنص عين : نعممم يا روح اخوك
راكان يضبط تيشيرته : مثل ما سمعت وانا بسوق قمم يلا
سلطان : زين قمم يا تبن
طلعنا ورحنا بيت عمي ابو فيصل
سلطان : انزل
راكان : تعبان انت انزل
سلطان : راااكان انزل
راكان : يا الحبيب نسيت اني اخوك الكبير
سلطان : يا ليييييل زين بنزل بنزل
نزلت ورحت دقيت الجرس وطلعت لي الخدامه
سلطان : وين فهد وفيصل
الخدامه : بابا فهد نام وبابا فيصل في لعب
سلطان : زين في احد داخل
الخدامه : لا بابا ما في
دخلت ورحت للمجلس لقيته يلعب بلايستشن : اقوول انت قم
فيصل نقز : اعوذ بالله من الشيطان الرجيم وش جابك انت
سلطان : قمم راكان براا بنروح
فيصل : ياخي قول السلام عليكن قول شي موب كذا تدخل كانك جني
سلطان : بتقوم ولا لا
فيصل : زين بقوم على وين
سلطان : بنقابل الشباب
طلعنا من المجلس ولقينا فهد قدامنا : صحيت
فهد يلعب بشعره : لا بعدني نايم
سلطان : زين قدامي
فهد : على وين
سلطان : بنروح نغير جو
فهد : ما غسلت وجهي طيب
سلطان : ياخي بنروح للاستراحه وهناك تغسل امش بس
فهد يتثاوب : زين زين
راكان : لي تأخرتو
سلطان : شسوي الاول يلعب والثاني نايم شلتهم وجيتك
راكان : زين يلا بنروح نايف ينتظرنا
الشباب ركبو وراحو
فهد : ياخي فيني نووم
فيصل : وش السبب
راكان : الطفش وانا اخوك
دق جوال فيصل : هلااا يببا ...لا مع العيال ...بنروح الاستراحه ...راكان وسلطان وفهد ونايف ونواف ليي ...اي ...الحين لي ...ابشرر ...فمان الله
فهد : شصاير
فيصل : راكان حول على بيت جدي
راكان : ليي
فيصل : مدري ابوي دق يبينا
راكان : يا ليييل شصاير الحين
فيصل : يقول يبي الكل
سلطان : بتصل على نواف يلحقنا
فهد : احس القصه عشان ياسر
فيصل يتنهد : في غيره يعني
راكان : اذكرو الله ان شاء الله ما في شي
________________________________
اريام : ابي اعرف لي تبكين انتي
ميهاف تصيح : بعد ثلاث سنين اشوفها وكل ذا صاير معاها وربي ظلم
ليين : ميهاف خلاص لا تبكين ان شاء الله ما فيها شي
قوت : لي مكبرينها ومعطين هالبنت اكبر من حجمها
ميهاف بعصبيه : انتي لا تتكلمين
قوت : ميهاف لا تغلطين
ميهاف : انتو لي تعاملونها كذا اااه وش سوت لكم هي
عهود : عاد انا ما اكرهها ولا احبها بعد
سمعت كلامهم وابتسمت مدري لي دخلت الغرفه : اريام كرهك لي ابرره لك ...قوت انا ما اعرفك صح بس يشهد علي ربي اني حبيتكم انا ما اعرف احد غير سارة وميهاف سمعت فيكم بس ولا مرة شفتكن ويوم التقينا قلت بنصير صديقات بس شكلي طلعت غلطانه اشوف ان مو مرحب فيني بينكم او معكم ...انا ...انسو تعبت وانا اقول قصتي
قمت وحضنتها بسرعه : احبببك يا انين احببك
انين : وانا احبك يا قلبي وانا
قمت وحطيت يدي عكتفها : انين لا تزعلين مننا حنا ما عشنا معك ولا نعرفك
انين : عهود صح انا عاذرتكم والله بس انتو بعد اعذروني ...
عهود : خلاص انسي كل الي صار زين
ليين : على فكرة حنا ما نكرهك حنا مو متعودين عليك مو اكثر
انين ابتسمت
قوت : اعذريني يا انين انا ما بعاملك مثل ما يعاملوك بس ما بكون بيني وبينك ميانه لاني ما اعطي الشخص الثقه بسرعه
انين : حقك
قوت : سمعيني انا من النوع الي اتكلم بسرعه وما افكر بس ما احب اخالط ناس ما تدخل جووي يعني
انين : عادي
اريام وقفت : عاد انا اعذريني للحين ما اعتبرتك بنت عمي
انين ابتسمت : بس انا اعتبرك اكثر من بنت عمي ...سمعوني يا بنات انا كل الي ابي منكم نكون بنات عم بس مو اكثر نتكلم مع بعض نكون مع بعض بس كذا اما صديقات وكذا ما احس هالشي بكون الحين
ميهاف حضنتها : انتي توأم روحي وصديقتي وقلبي وبعدين بنت عمي
انين : يا قلبي انتي
سمعنا صوت جدتي تنادي من تحت ونزلنا
اريام : هلا جده
الجده " فاطمه " : تعالو المجلس جدكم يبيكم . انين انتي بعد
انين : لي في شي
الجده : تعالي وبعدين تعرفين بسرعه لا تتأخرون
رحنا ضبطنا شيلتنا ونزلنا المجلس بس تفاجأنا بكل العايله موجودة حتى الشباب
الجد : تعالن يا بنات اقعدن هنا
ابو عبدالرحمن : شصاير يببا لي مجمعنا هنا
الجد : اشوفكم نسيتو ان عندكم اب وام تسألون عليهم تجونا وقت ما تبون وتروحون بسرعه نسيتونا
ابو فيصل : ييا وش هالكلام انت تدري اننا مشغولين
الجد : وهالشغل اشغلكم عن بر ابوكم وامكم
ابو نايف : حنا مقصرين وااجد بحقك يبووي
الجد : الحين موب هذا موضوعنا ابي اعرف وش الي صاير ولي تبون تزوجون ياسر وانين
ابو عبدالرحمن : يببا البنت كبرت ولازم تتزوج
ابو فيصل : وياسر يببا لازم يتزوج بيفضحني
الجده : وش دخل بنيتي تزوجونها غصب
ابو فيصل : يمما ...شسمع يعني حنا قلنا نزوجهم يعني البنت هذه ...
الجده بعصبية : عليييي احترم وجودي انا وابوك تتكلم على بنيتي بحضوري
ابو فيصل : يمما مو قصدي يعني ...
الجد : اقطع الحديث يا علي وياسر وش قوله
جاهم صوته من اول المجلس : انا موافق يا جدي
لفينا عليه ودخل بكل ثقه وغرور
عبدالرحمن طالع بأنين
ياسر : انا موافق يا جدي
الجد : ياسر كلنا نعرف وش تسوي كيف بنخليك تتزوج البنت
ياسر يتمسكن : يبا انا بتغير وبصير احسن من الاول انت خلك واثق فيني
ابو عبدالرحمن : يبباا خلينا نزوجهم ونفرح فيهم
ابو نايف : اي يببا خلنا نعطي فرصة يتغير
عبدالعزيز بعصبية : شفييكم انتو لي مخليين اختي تجربه عندكم لي ما تزوجنه اي وحده من بنات عمي عندكم بنات يغطن عين الشمس لي بس اختي يعني
عبدالرحمن : ما عندكم جواب صح بس تبون تزوجون انين اقولكم لي ...لانها مو شرعيه وجت غصبن عليكم كلكم كنا صغار بس كنا نفهم يا جدي كنتو تبون ترمونها بس جدتي هي الي ربتها بس ابوي اخذها ورماها عند امي الي عذبتها
قررت انهي هذا النقاش الي قاعد يصير بين اخواني وجدي وابوي : انا موافقه
عبدالله : انين
انين بحدة : طلبتكم يا اخواني وانتم وافقتو
عبدالعزيز : يعني انتي موافقه
انين هزت راسها : اي
عبدالعزيز : زين يا انين انتي وافقتي وتبين هالزواج انسيني فاااهمه وانسي اني ممكن اوقف معاكي او انصحكي فاهمه
انين انصدمت : عبدالعزيز
عبدالرحمن : انين حنا نصحناك وانتي ما رديتي علينا تبين تخربين حياتك على حساب ابوي وجدي انتي حرة
عبدالله : شباب شهلكلام خلاص
عبدالعزيز : انا بطلع
عبدالرحمن : خذني معاك
انين وقفتهم بسرعه ودموعها تطيح : عزوز شفيك عبدالرحمن لا تسوون فيني كذا مقدر بدونكم انتو سندي بهالدنيا شبسوي بدونكم
عبدالرحمن : انين حنا نبي مصلحتكي بس انتي تبين مصلحتهم على حساب مصلحتك
ارتبط لساني مو قادرة اتكلم : بس ...يعني...
عبدالعزيز : لا تقولين شي هذه حياتك وانتي ادرى بها امش دحووم
كلامهن كان سكين ودخلت قلبي ما توقعت بحياتي ان يصير معايا كذا اخواني يتخلون عني وانا محتاجه لهم ما توقعت ابدا يخذلوني وتنهز الثقة الي بيننا ....
الجد : انيين وياسر زواجهم تحدد خلاص ...يوم الجمعة
انين انصدمت : بعد يومين
الجد : اي بعد يومين بتملكون بس الزواج انتو قررو
ياسر : ابشررر يا جدي " والله وطحتي يا انين انا اوريك ما اكون ياسر لو ما طينت عيشتك يا بنت الاجنبية "
حسيت اني فقدت اخر امل لي بهالحياة تمنيت لو موتي قرييب ولا اشوف اخواني يتخلون عني وانا بهالموقف هذا ....
ياسر راح لانين : مبروووك يا بنت عمي
طالعت في وانا اشوف شي غريب بعيونه مقدرت اتحمل الموقف حسيته ثقيل علي رحت اركض لغرفتي وانا دموعي تطيح
جتني ميهاف وعهود وليين وقامو يخففون عني ويحالون يهدوني
ميهاف : انين حبيبتي خلاص تكفين ما يصير الي تسوينه
انين تصيح بقوة : ليي خذلووني ليي كنت اتوقع اي شي الا انهم يخذلوني يا ميهاف اخواني وسندي تخلو عني يا ميهاف تخلو عني ...
عهود : يا قلبي لا تقولين كذا يمكن حزت بخاطرهم لانك وافقتي وهم رافضين
انين بكسرة : والله اني ما ودي اتزوج مابي والله مابي بس مقدر اكسر كلمة ابوي وجدي انا شفت ابوي كيف فرحان والله مقدر اسوي في كذا كييف برفض ولد عمي ابوي يبي يزوجني
ليين : لي ما يزوج سوير ااه ولا انتي كبش الفدا حقهم انيين لا تصيرين مثل القطوة كل من جاكي اكل غداكي يبنت افهمي لا تصيرين غبيه كذا خلك فاهمه وش يدريكي يمكن ياسر يكون كذاب وهو لا تغير ولا شي ااه
ميهاف : شقصدك
ليين : ياسر داااشر يبنت افهمي وهو له فعايل تسود الوجه الله لا يبلانا وسبحان الله بين ليلة وضحاها قال بتغير وهو من كم ساعه قلب الغرفه فوق روسنا عشان عمي غصبه
عهود فكرت فيها : اي صح كيف كذا هو دخل الغرفه وقام يصارخ وكذا بسرعه تغير
ميهاف حضنت انين : يا قلبي انتي وش قاعد يصير فيك لي قاعده تتعذبين كذا ليي
انين ضحكت : حظي الاقشر وانا اختك
ميهاف : ولك نفس تضحكين بعد
انين : والله من كثر المصايب الي صارت معايا احس قلبي تخدر ما عاد تفرق معاه اي مصيبه ما عاد يأثر علي شي لان مشاعري تبلدت
عهود : انين لا تقولين كذا كل شي وله حل ان شاء الله انتي خلي ثقتك بربنا كبيره وبإذن الله كل شي ينحل يا قلبي
انيين رفعت يدينها للسما : يا رب يا كريم ارحمني برحمتك وساعدني يا الله مالي احد غيرك انت ملجأي عند ضيقتي يا رب العالمين سخر لي الشي الي يكون خير لي يا رب
البنات : آمييين
________________________________
شفتهم قاعدين بالحديقه رحت لهم وانا معصب : انتو كييف تسوون فيها كذا حراام عليكم الي سويتو فيها
عبدالرحمن : عبوود تكفى
عبدالله : ليي سويتو كذااا ليي حراام عليكم
عبدالعزيز : عبدالله تكفى وخخر عني
عبدالله : تدرون وش تحس في الحين تلاقونها متحطمة من داخل
عبدالرحمن : حنا قلنا لها من الاول بس هي ما ردت علينا
عبدالعزيز : الشباب جو غير السيرة
راكان : ها شباب شبنسوي
فيصل : وربي ان ضايقن صدري مدري لي
فهد : انا فيني نوم تصدقون
نايف : الله يغربل عدوك توك قايم نوم متشبع انت خلاص كل حياتك نووم
فهد : احسن من اقابل وجهك ذا
نواف ضحك : هههههههه اووووم الفشلة
نايف : كل تبن بس
عبدالرحمن : انا بطلع الحين
راكان : وين بتروح
عبدالرحمن : مدري -وراح يمشي -
عبدالله : انا بروح معه
عبدالعزيز : انتظروني بجي معاكم
راكان : ياخي بلشة التوأم صعبه
فهد ضحك : هههههههههه
فيصل : شفيك تضحك
فهد صد عنه : مالك دخل بروح انام
فيصل : جعلك بل ...ماني قايل امش نام
راكان : وش بنسوي حنا
نواف : شراكم نروح الاستراحه
نايف : اي نلعب شوي طفشنا ياخي
سلطان : مشينا اجل
فيصل : مشينا مشينا
نايف : وش صار على مريضتكم
نواف : يووووه اسكت يا رجال والله بلشه
سلطان : تصدق اني راحمها لها فترة بغيبوبه
فيصل : الله يشفيها بنت من هي
سلطان : تعرف المحامي ثامر
فيصل : ثامر ولد سالم ال....
سلطان : ايوووة
فيصل : الله يشفيها ويشفي جميع مرضانا
الشباب : اميييييين
________________________________
غنى بصراخ : اقووولك هاتي
جنى : والله ما تحصلي والله
غنى : سمعي عطيني اياه بالحسنا احسنلك
جنى : وش بتسوين يعني
الريم بصراخ : وجععععع انتي وهي خلاص فضحتونا كل ابوها اسوارة
غنى : لا مو مجرد اسوارة
جنى : طبعا من حب...-وش كنت بقول انا -
غنى بتصيح : انقلعي خليها معاكي مابيها
جنى : تعالي تعالي خذيها والله امزح معاك
غنى طلعت مع الدرج : خلاص خذيها
الريم : يا لييييل شوفيها
جنى دمعتها طاحت : يا ربي قاعده تصيح
الريم : روحي
دخلت البيت لقيتها قاعدة بالصالة : شتسوين
الريم : ولا شي طفشانه وانت وش بتسوي
معن : مدري والله ما في شي اسوي
الريم : وش فيك
معن : ما فيني شي
الريم : معن عارفتك شفيك
معن : خايف على فارس
الريم : يا ليييل ما خلصنا من هالقصة
معن : مو شايفه كيف يشغل نفسه بأي قضية صاير ياخذ اي قضية المهم يشغل نفسه
الريم : يشغل نفسه وينسى
معن : لا حول ولا قوة الا بالله .. وين البنات
الريم : بغرفتهم
معن : وامي وينهي
الريم : امي نامت وابوي بعد نام
معن : فارس بغرفته
الريم : يب
معن : زين قومي ارتاحي وانا بروح اشوفه
الريم : اوكي تصبح ع خير
معن : وانتي بخير
طلعت على غرفة فارس ودقيت على الباب بس ما رد فتحت الباب ودخلت : فارس فروس فااارس
فارس : وجعع شفيك تراني هنا ماني بالمريخ
معن : شتسوي عندك
فارس : ارقص ما تشوف
معن بخوف : يا حمار انزل عن الدريشة
فارس ضحك : هههه يا غبي تحسب برمي نفسي يعني لهدرجة
معن : ياخي يرحم امك انزل تكفى
فارس : تعال اجلس جمبي
معن راح وشده تحت : اقوول انزل لا اهبدك
فارس تربع علارض : خفت علي
معن طالع في بنص عين : وليي اخاف عليك
فارس ابتسم : معوون باين عليك خايف علي
معن : كل تبن بس
فارس حضن اخوه : يا حبني ليك
معن ضحك : هههههع تأثرت باللهجات اشوفك
فارس : من كثر ما سافرت وانا اخوك
معن : الله يقويك يا خوي ويهدي بالك
فارس : معن لا تخاف انا مافيني شي نسيت كل شي
معن : انت تنسى اسمك ولا تنسى الي صار معك ..المهم تدري من شفت اليوم
فارس : من شفت
معن : شفت ثلاث اشخاص تعزهم وااجد
فارس استغرب : انا اعزهم ... من هم
معن : تذكر الجامعة واصحابك
فارس : ياخي انا مو متذكر اذا تعشيت ولا لا تبيني اذكر ايام الجامعه تستهبل انت
معن ابتسم : شفت التوأم
فارس : دحيييم
معن ضحك : ايووة دحييم ونسخه هههه
فارس ضحك : ههههه ياخي تصدق مشتاق لهم
معن : اليوم قابلتهم وتكلمنا شوي
فارس : تصدق لي فترة ما كلمته
معن : لي انت تدري عن شي اصلا حابس نفسك هنا ولا جيت تطلع تروح المحكمة صاحي انت
فارس مسح وجهه : ضايقن صدري ياخوك وعلتي كبيرة ...لا من صاحب احكيلة ولا من عشير اشكيله
معن يعزز له : يا سلام يا سلام صرت شاعر بعد يا فروس
فارس : اصغر عيالك انا اقول انقلع برا بس
معن قام : اصلا كنت بروح لان اشكالك ما تنعطى وجه يا درج بروح انام ابركلي من القعده معاك
فارس : الي يسمعك يقول ذابح نفسي على القعدة معاك يعني
معن ابتسم وطلع وبهمس : ربي يريح بالك يا فارس
★عايلة ابو فارس =خالد وزوجته امينه
فارس 26 ( طويل ومعضل وااجد رياضي بشكل مو طبيعي رومانسي جدا بس عصبي شوي ما يحب يزعل خواته واي شي يطلبنه يجيبه لهم يثق بالناس بسرعه وما يرضى بالغلط ابدا حلوو وخققه )
معن 25 ( طويل بس موب معضل واجد ما يحب نظام الرياضة والكلام ذا مملوح ورزه يتعامل بهدوء ويكره احد ينتقده لانه ماشي على نظامه هو حاب يجرب كل شي بنفسه ما يعصب الا اذا كان شي يستحق ولا حياته فلله )
الريم 23 ( مزيوونه تبارك الله تشبه امها عيونها وسيعه وفمها الصغير الوردي ضعيفه بدون رياضه ما تحب تخالط احد تحب تظل لحالها وذكية جدا تفهم الشخص من نظراته )
غنى 18( طويلة وضعيفة شعرها موب طويل مثل اختها وطبعا تشبه جنى نسخه ثانية بس الي يفرق لون العيون جنى بني وغنى اسود تحب الهدوء عكس توأمها رومانسية وتعيش بأحلام تتمنى تتحقق )
جنى 18( هي وغنى توأم يسموهم توأم المشاكل متعلقات ببعض لدرجة مو طبيعيه كل شي مع بعض لدرجة ان كل ملابسهم نفس بعض ..جنى طويله وضعيفة شعرها طويل اسود وبشرتها جايه ع بياض تحب الحركة والهواش وتهتم بنفسها وااجد )
\\