احببت صعيديا - الفصل 3 - بقلم عشق القاسم - مكتملة | روايتك

رواية أحببت صعيدياً الفصل الثالث 3 كانت انجي هتتكلم لكن فجأة سمعوا صوت ضرب نار برا سارة كانت هتطلع لكن انجي مسكت إيدها و منعتها إنجي وقفت عن الشباك أدهم أخد مسدسه هو و سليم و الجد و صلاح و طلعوا و نبهوا علي الباقي ميطلعوش من البيت طلعوا برا البيت و كان واحد بيتخانق مع واحد تاني و الخناقة وصلت لضرب النار الجد: جراااا إيه يا وسيم إيه اللي بتعمله ده!!! وسيم: إيه يا حاااج!! الجد: بتتخانج و كمان جدام بيتي!!! وسيم بأستفزاز: قولنا نرحب بالحلوة الجديده الجد: جصدك مين يا وسيييم؟؟؟ وسيم: جصدي بنت بنتك اللي كانت عايشة براا و يا عالم كانت بتعمل إيه برا الجد كان هيتكلم لكن أدهم قرب من وسيم و لكمه في وشه لكمه ورا التانيه وقعه في الأرض و فقد وعيه سليم حاول يبعد أدهم عن وسيم و نجح أخيرا أدهم و هو بيتنفس بسرعة: اسمعوااا بجي من النهااارده ملك تبجي خطيبتي و اللي هيجيب إسمها علي لساااانه مش هرحمهههه سامعين كان الكل سامع الكلام ده و مصدوم لكن ملك اللي صحيت علي الصوت كانت فرحانه و الجد كمان أدهم خلص كلامه و دخل و الكل وراه و الجد أمر أنهم يأخدوا وسيم المخزن يروقوه شوية و دخل معاهم ملك و هي فرحانه:منظرك حلو و أنت بتتكلم صعيدي علي فكره أدهم بنرفزه:بصييي يا ملك الكلام اللي قولته برااا ده مجرد كلاام وبس عشان أخرس الناس اللي برا وبسس لحد ما تسافري ملك اتصدمت لأنها كانت فرحانه لكن حاولت تبين العكس و قالت:أيوة ما أنا عارفة أنا طالعة لهدير ملك طلعت جناح هدير تجري و دخلت عيطت هدير:في إيه يا بنتي فهميني ملك بعياط:أخوكي ده زباااله بيوجع وبسسسس هدير:هو أنتي لحقتي تحبيه؟؟؟؟ ملك:نرفزته تتحب يا هدير ضحكته تتحب مشيته كل حاجه فيه تتحب منكرش إني أول مره شوفته كان نفسي اقتله و مكنتش بطيقه لكن و بدأت تعيط تاني هدير حضنتها و طبطبت عليها ملك:لااا يا هدير والله لأخليه يحبني لاازم يحبني هدير:أكيد لازم بصي يا ملك هقولك حاجه بس يعني ملك بقلق:في إيه؟؟؟ هدير:أدهم حب قبل كده و اللي حبها دي كانت من برا الصعيد من القاهره يعني أدهم كان دايب فيهاا دوب أي طلب ينفذهولها و هي كانت بتلعب بيه للأسف اكتشف بعد كده إنها بتخونه مع صاحبه و شافها معاه في السرير من وقتها و هو مش بيصدق ان في حاجه أسمها حب أصلا و بيكره البنات يمكن من قريب شخصيته الفرفوشه رجعت زي الأول لكن للأسف قلبه مرجعش بس يا ملك عشان كده أدهم مش عايز يحب تاني و حتي لو بيحبك مش هيقول لأنه مبقاش معترف بالحب أصلا حتي سارة بتحبه و هو ولا هناا ملك بصـدمـة:بتحبه!!! هدير بضحك:آه أخويا قاهر قلووب العذااره ملك ضربتها بخفة و قعدت جمبها تفكر هتعمل إيه » « » « » « في أوضة إنجي سارة بصدمة:يعني أنتي اللي ورا كل ده يا ماما؟؟؟؟ إنجي بغل:أيوة بس مكنتش فااكره أن رد فعله هيبقي كده سارة:و اديه سبني و راحلها أهو يا ماما وبعدين أفرضي كان حصل حاجه لجدو أو بابا كان إيه اللي هيحصل وقتها مفكرتيش إن ممكن وسيم ده يقول إنك أنتي اللي قولتيله إنجي:أطلعي براا سارة بصت لأمها بزعل و طلعت راحت جناحها إنجي مسكت موبايلها و أتصلت علي شخص إنجي:الو أنا معااك في اللي أنت هتعمله انتظرت الرد إنجي:تمام أنزل مصر في أسرع وقت بقي سلام و قفلت معاه و نزلت تحت » « » « » « تحت كان الجد قاعد زعلان بسبب اللي أدهم عمله صالح:خلاص يا جدوو بقي الجد:إزاي يجرح ملاكي بالطريجة دي سليم:هو ميقصدش يا جدو معلش الجد قام و دخل مكتبه و وراه صلاح سليم زفر بقوة و قال:غبيي يا أدهم مادام مش قد الكلام بتقوله ليييه من الأول غبي صالح:والله هيضيع من أيده ملك و مش هيلاقي واحده زيها أبدا و سابه و طلع سليم هز رأسه مؤيدا لكلامه و طلع و هو طالع كانت هدير نازلة سليم:ملك كويسة؟؟؟ هدير بأبتسامه:آه الحمدالله سليم هو أدهم بيحبها!!! سليم:آه يا هدير و من و هما صغيرين كمان لما شافها مره واحده بس و من وقتها و هو بيحبها و كان بيحاول ينساها بمنار لكن للأسف هدير:و هي كمان بتحبه لكن هو غبييي سليم أبتسم بمراره لأنها هي كمان غبيه مش قادره تحس بحبه ليها سليم:هنخليه يعترف أوعدك هدير:إزاي سليم:مش وقته دلوقتي هطلع أنام و بكرا نتكلم و طلع و سابها » « » « » « » تاني يوم ملك صحيت أخدت دش و أخدت موبايلها و نزلت تحت كان الكل صاحي و مستنيها عشان يفطروا ملك:صبااح الخير الجد:صباح النور يا ملاكي تعالي أقعدي ملك قعدت جمب جدها و هدي جمبها و أدهم قدامها ملك بأبتسامه:جدو أنا قررت أقعد في مصر و مش هسافر تاني خلاص أدهم سمع الكلام و بدأ يكح ملك بضحك:سلاامتك سلامتك خد أشرب أدهم أخد المياه و شرب الجد بفرحه:صحيح الكلام ده يا بتي؟؟؟ ملك بأبتسامه:أيوة يا جدو خلاص مش هسافر تاني أدهم:و باباكي ملك:أكيد مش هيوافق لكن أنا هخليه يوافق المهم هخليه يبعتلي ورقي عشان أقدم في الكلية الجد بخبث:تمام يابتي و أدهم هيبقي مسؤول عن نقل الورق بتاعك ملك:تمام ياجدو و قامت باسته و قالت لهدير:مش يلااا؟؟؟؟؟ هدير:حاضر كانوا البنتين هيطلعوا لكن الجد قاطعهم بخبث و قال:المفروض اللي لسه مخطوبه متخرجش براا من غير خطيبها يا أدهم يا ولدي أدهم بزهق:حاضر ياجدي يلا يا سليم سليم بضحك:يلاا البنتين كملوا مشي و أدهم و سليم وراهم ركبوا العربية أدهم لملك:أنتي عايزة إيه بالظبط ملك ببرائه:هعوز إيه يعني يا حبيبي؟؟؟ أدهم:حبيبك؟؟؟؟؟ ملك بغباء مصطنع:مش خطيبي تبقي حبيبي كمااان أدهم:يااا صبر أيوب و بدأ سواقه وصلوا المنطقه عشان يكملوا فيها أدهم:سليم خليك أنت معاها ممكن؟؟؟ ملك:ليه يعني؟؟؟ سليم:خلاص يا ملك معلش أدهم أخد هدير و راحوا منطقة تاني و سليم و ملك بدأوا يشتغلوا في المنطقه الأولي سليم تعب و قعد يستريح شوية لكن ملك لسه مكمله سليم بيرفع رأسه اتفاجئ باللي واقف قدامه بهيبته كلها و قال:أنت إيه اللي جابك هنا!!! يتبع…..