الفصل 25
*#لي_يكون_حلالي*
{ البارت 25 } *#بقلم_إلين_بت_علي*
§§§§§§§§§§§§§§§§§
*اجعلني يا الله .. فتاة تقيَّة نقيَّة إذا رآها النبي ﷺ تبسم ونظر إلى حبيبة قلبه*
*#وقَال* :
*هذه حفيدتُكِ يا عائشة*
*فى يوم الجمعه :*
*اللهُم لاتدع لي أمراً إلا يسرته ولا حلماً إلا حققته ولا أمنيه إلا أسعدتني بالعيش في جمال واقعها ولا دعاء إلا اثلجت قلبي بقبوله .*
💗🤲
§§§§§§§§§§§§§§§§§
#آمل .......
الصباح صحيت بدري لأنو الجمعه والكل في البيت لا شغل لا جامعه
مشيت علي البنات دور دور كل وحده نايمه زي اهل الكهف
شديت حيلي وصحيتهم ونضفنا البيت كلو لا خلينا زايه لا غرفه وبعدو ناس البيت بدو يصحوا
إلين سوت الكيك والقهوه لي اعمامي وحبوبه وجدو
والشباب وناس عمتي ومنى وساره مشوا يجهزوا ملابس الأولاد
وانا قلت اصبح عليهم واقعد شويه
عندنا شجره كبيره ظليله كدا في نص الحوش بنقعد فيها الصباح والمساء اما خبوبه وجدو بقيلوا فيها
( عصافير الحب 😂 )
المهم مشيت والونسه والتشغيلات وكدا
في الاثناء دي قلت اطلع غرفتي
طلعت ولقيت فوني بتصل *وكان انور*
الصراحه من غير مبالغه الحاجه الوحيده الما بندم عليها انو انور حا يكون راجلي
المهم اتونسنا وصبح علي وقال انو جاين هو واهلو يحددوا يوم العرس
©©©©©©©©©©©©
بعدو فصلنا ونزلت تحت شفت البيت جايط
سألت إلين في شنو
#آمل : في شنو
#إلين : عمي قال في ضيوف جاين نجهز
مقيل وضيافه كتير لأنو اربعه عائلات كبيره
#آمل : عرفت انو واحد منهم ناس انور بس الباقين منو
#هند : ي بنات تعالوا ساعدونا ارح
#منى : في شنو
#هنادي : ضيوف جاين ارحكم يلا
وبدينا نسااعد فيهم بعدو خلوا لينا باقي الشغل انا وساره ومني وإلين وبدينا جهزنا الكيك والقهوه والشاي والعصير والفاطائر
حرفيا م خلينا شي ونحن م عارفين الجاي منو 😂
بعدو الرجال طلعوا الجامع ورجعوا ونحن كنا في الصاله تحت وسامعين الجوطه وكدا
ما ركزنا وكملنا ونستنا اصلا الصواني جاهزه في المطبخ شالوها وضيفوا
بعد شوية نسمع ليك حبوبه وخالاتي بزغرتن
¥¥¥¥¥¥¥¥¥¥¥¥¥¥¥¥
اتفاجأنا في شنو
( جرب احساس في بيتك زغروته الشمار م بياكلك😂 )
المهم مرة نتاوق بي الشباك ومرة بي الباب
*حاله بطاله😂 وكمان جروها لي العصر طلعوا لي الصلاه وطواالي سألنا في شنو*
#هنادي : شمار طاازه اليحركن 🙂
#منى : النبي كلمونا عشان نزغرت
#هنادي : في عروسات بتزغرت ؟
يلا طيروا
وطلعتنا برا المطبخ ورحعنا الصالة
€€€€€€€€€€€€€
#منى : انتوا فهمتوا حاجة من كلام النسوان ديل 🙂
#ساره : يب 🙂
#إلين : انها النهايه 🙂
#آمل : وبعلي طبعا حا تعرسوا 😂😂😂😂😂😂😂😂😂😂😂😂😂😂😂😂
#منى : انا م عاوزه 🙂
#إلين : انا صغيره 🙂
#ساره : انا بعد ايمن م عاوزه 🙂
*طبعا في الحظه دي قربو ياكلو ساره 😂 وكلهم عاينوا ليها 🙂*
#إلين : حلفتكم اكفتوها
£££££££££££££££££
طبعا دا كلو وعمتي وبتها م ظاهرين عليم ربي بخبثوا في شنو
اما جود نايمه
#جود : بنات 🥱 في شنو
#آمل : جود م لقيتي الحمام جاينا كدا ؟ 🙂
#جود : والله سمعت لي واحده بتصرخ قولته النلحقها
مالكن هسي 🥱
*طبعا عين فاتحه وعين مغمضه 😂*
#منى : لعلها الزغروته افتكرتيها مرا بتصرخ 🙆♀️
#جود : تزغرت كيف يعني
#إلين : حبيبي انستري اول شي وتاني النبي اجري غرفتك نومي 😂
#جود : حا امشي لأني م قادره بعدين احكوا لي التفاصيل
#إلين : انقلعي 😂
#ساره : ماشاء الله جود دي اتغيرت 360 درجه
#إلين : اتعودت على الوضع
¶¶¶¶¶¶¶¶¶¶¶¶¶¶¶
في الاثناء دي جو الرجال
بعد شويه نادونا كلنا
لبسنا تياب وجينا انا ومنى وساره
امل ما معانا
#ادم : ديل بناتي
= = ماشاء الله ربنا يحفظهم
وين فيهم ساره
#ادم : تعالي ي ساره
#ساره ...
نادونا الرجال ومشينا عليهم م رفعته عيني بس لمن ناداني الراجل مشيت على اتجاه اعمامي ورفعت عيني شفت حمد ومعاهو كم شاب
م ركزت لانو اخواني كانوا موجودين
نزلت شوية ورجعت
#هاشم : إلين وين فيهم ي علي
#علي : إلين ومنى تعالوا
#منى . ....
نادوني مشيت عليهم اصلا ما فكرت ارفع عيني
#سلمت
وسمعتهم بتكلموا قال ليهم كلمت البنات ؟
هنا اتختت في راسي انو ديل عرسان وانا اصلا ما بحب فكرة العرس دي طوالي خوفته ..
#إلين ... ابوي ناداني مشيت عليهو سلمت وانا راجعه شفت منى صرت وشها
طوالي عرفتها سمعت الكلام
والله حتى انا خفت
&&&&&&&&&&&&&
بعدها الرجال حددوا عرس آمل بعد شهر لأنو انور حا يسافر ويسوقها معاهو
والزغاريت ما تديك الدرب
والحلو نحن كنا مع امل
ومنى حكت السمعتو
بعد شويه جو اعمامي وابوي
#علي : طبعا يا بنات انتوا ماشاء الله كبرتوا ووصلتوا سن العرس
بعد كدا بتمسكوا بيوت
الليلة الرجال ديل جونا
*وامل جاها عريس*
وحظكم حلو اخوات ماشين لي اخوان
#ساره : كيف ما فهمت
#ادم : ساره اتقدم ليك حمد صاحبو لي وليد وود عمو
#ساره : عمي انا هسي العرس ما ممكن افكر فيهو
#ادم : ساره استخيري وهسي حاليا ماف بت تقول م دايره عرس
انا بسألكم بكره
ونحن لو م واثقين فيكن ما كان سألناكم
#علي : اي حاجه لي مصلحتكم
ويا إلين اتقدم ليك وليد ود هيثم
ومنى اتقدم ليك سفيان ود هاشم
*سفيان ووليد وحمد اولاد اعمام*
#ادم : نحن حا نطلع فكروا واستخيروا
#ساره ..
الصدمه كانت في نص قلبي انا م عاوزه اعرس
ولا كمان حمد لي
هي الشغله دي عاوزه تخرب حياتي
انا م عاوزه
م عاوزين يفهموا
ياخ حمد دا عارف اي شي يلعن ابو دي عيشه يا
#منى ....
واو انا اعرس لا لا م متخيله وكمان واحد ما بعرفو
انا م عاوزه اعرس انا م عاوزه ياخ
اما إلين كانت ساكته
#آمل: ي بنات شيلوا السلبيات بالله عليكن
ي ساره في احسن من حمد دا
ساره سكتت وطلعت
#آمل : منى والله وليد وحمد لو م بعرفوا سفيان دا م كانو جابوا
منى سكتت وطلعت
#امل: 🙂🙂🙂 ليو انتي ارحم
#إلين : امم 😪
*ما كان ينبغي علي أن اخذ الوعود على محمل الجد ، لكنني ظننت الجميع مثلي حين أعدهم بشيء حتمًا سأفعله 🤍🥀*
*فتكم بي العافيه نتلاقه في بارت جديد وبالنسبه لي البنوته السألتيني من اسمي لا انا م اسمي إلين وانا فعلا رواياتي كلها بي اسم إلين وشفت سؤالك دا في كل الكومنتات بتاعت رواياتي ومشاء الله عليك متابعه😂🎀🤍 وصراحة اناكمان حبيتك ي قلبي اممم وسر الأسم ان شاء الله حا اوريكم ليهو في نهاية الروايه دي باااي حبيباتي*😂🤍
💦 *Dode* 💦
يتبـــــــــــــ💜 ــــــــــــــــع
*#سرالختم_0121045450*
*#تنسيق_ونشر*