البارت الخامس
*ـ ࢪواية.اسبره الوحش 🥳🥀↻≯🍒⸙•♡»»)) 20/21/22
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
#اسيرة_الوحش
فهد: مستحيل يجدي
الجد: ايه يافهد هتعصي كلامي. ولا ايه انا قولت كلمتي الاوض كتير في القصر سجده هتنام في اوضه تانيه... ياهتنام مع اختك في اوضتها
فهد بهدوء: بس يجدي
الجد:فهد
فهد باحترام:ماشي يجدي
سجده والبنات بيكونوا.... قاعدين كاتمين ضحكتهم بالعافيه علي منظر فهد وهو متعصب
حور: خلاص يافهد انا هاخد سجده معايا في الاوضه كلها اسبوع..... وترجع تنام معاك تاني في نفس الاوضه
فهد: خلصنا بقي والا اقسم بالله اخدها واهرب من هنا
الجد بيحاول يتظاهر العصبيه وبيداري ضحكته: فهد
فهد: انا طالع انام لاني هنفجر تصبحوا علي خير
الجميع: وانت من اهله
حبيبه: ليه كده ياجدي
الجد: سيبيه لازم اعرف مدي حبه لسجده انا عارف ان حفيدي.... راجل وسند لسجده بس برضو وانتي ايه رأيك ياسجده
سجده باحترام: الي تشوفه ياجدو
&&&&&&&&&&&&&&&&&&&&&
في غرفة حور بتكون سجده وحور قاعدين بيتكلموا بيلاقو الباب بيخبط
حور: اتفضل
حبيبه بتدخل وبتقول: ممكن اقعد معاكم
سجده وحور بود: اكيد طبعا
حبيبة بتدخل وبتقعد معاهم
حبيبه بضحك: احوالك ايه من غير فهد
سجده: متدهوره والله يا اختي
حبيبه: هو الحب للدرجادي.... ياسجده علي قد مكنت فاكره اني بحب فهد عمري محسيت بالاحساس الي انتي حساه
سجده: بكره تتجوزي شخص بيحبك ياحبيبه وتحسي بالي بقولك عليه
حور: انا هنام يابنات
حبيبه: انا هسيبكم بقي ترتاحو واروح انام في اوضتي
حور وسجده بيشدوا حبيبه عليهم وبيقوللها: تروحي فين يلا ننام...... وبيناموا التلاته مع بعض سجده فهد بيكون شاغل... تفكيرها بس بتحاول تنسي مع البنات
وبتنام بعد وقت طويل
&&&&&&&&&&&&&&&&&&&&&
في غرفه فهد بيخلص شغل وبيقوم ينام بيفضل فتره يتقلب في السرير... وبيحاول ينام بس مش بيعرف وبعدين بيحاول ينام تاني فبينام بعد مده كبيره من التفكير في سجده
___
في الصباح البنات بينزلوا علي الفطار وفهد بيكون قاعد اول واحد علي السفره منتظر سجده وسجده بتقعد جنب فهد
فهد بهمس: وحشتيني
سجده بنفس الهمس: وانت وحشتني اكتر
فهد: مش هقدر استحمل.... ست ايام من غير متنامي في حضني
سجده: تعالا علي نفسك يافهد
فهد: انتي.... ولسه هيكمل كلامه بيقاطعه الجد احنا علي الاكل مش وقت كلام
فهد بغيظ: حاضر ياجدي وبيخلصوا اكل وسجده بتدخل تعمل الشاي... وبتقدمهلهم وبتدي لفهد الشاي وبيبوسها من خدها
سجده بكسوف: عيب يافهد
حور: احمد ربنا ان جدو مشفكش
حبيبه بضحك: كان هيشعلقك
فهد: اسكتي يابت انتي وهيا
الجد: فيه ايه
فهد: لا مفيش ياجدي بقلهم حاجه بس
الجد: طب خلص الشاي وقوم يلا روح الشركه
فهد: لا انامش هروح انهارده
الجد: طب كويس في قاعده انهارده بين عيلة الشافعي والمحمدي هتيجي معايا
فهد والنار هتطلع من دماغه: حاضر ياجدي ممكن سجده تيجي..... تطلعي القفطان بتاعي
الجد: لاء طلعه لنفسك
فهد: طب يلا ياجدي انا دقايق وهتلقيني قدامك وبيطلع فوق وهو هينفجر
سجده: حرام عليك ياجدو
الجد: صعبان عليكي ولا مش قادره تقعدي بعيد عنه
سجده بكسوف: الاتنين
الجد: اناعارف انا بعمل ايه
سجده: تمام ياجدو
____
فهد بيلبس القفطان وبيطلع شكله قمر فيه بملامحه الرجوليه..... وعطره الجذاب
سجده بتكون طالعه من الاوضه وبتمشي مش بتكون شايفه فهد وبتخبط فيه بتكون هتقع بس فهد بيحاوطها من وسطها
سجده: شكلك قمر في القفطان
فهد: بجد
سجده بعيون مليانه عشق: جد جد كمان انا مش هخلي جدو ياخدك معاه كده بنات البلد كلها تجري وراك
فهد بحب: ولو بنات العالم كله مشيو ورايا مش هيشغل قلبي.... وعقلي غيرك انتي ياعمري
سجده: ربنا يحفظك ليا يارب
فهد: انا مش هقدر انام تاني من غير ما اخدك في حضني
سجده: كلها ست ايام يافهدي
فهد: اهي فهدي دي لوحدها تخليني اخدك واهرب من العالم كله
سجده: خلاص مش هقولها تاني
فهد: طب انا زعلان صالحيني
سجده: انا عارفه السيد فهد بيتصالح ازاي.... وبتقف علي صوابعها علشان توصله وبتبوسه من خده
حور بتطلع علشان تنادي فهد وبتلاقي سجده وفهد واقفين
حور: جيت في الوقت الغلط
فهد: يلهوي علي الفصلان انا ماشي وبينزل بعصبيه علي السلم
سجده: علي مهلك يافهد
حور: ده سلم خايفه عليه من السلم
سجده: متنسيش انو كان متصاوب والعصبيه غلط عليه
حور: اممم يلا ننزل نفنن في المطبخ
سجده: يلا
_______
عند فهد
الجد بينزل من العربيه وبعدين فهد بينزل من العربيه بهيبته الطاغيه.... وبنات البلد كلها بيشاورو عليه وبيتكلموا علي جماله ورجولته
الجد: لو سجده شافت البنات دي
فهد بضحك: كانت هتكلهم
بيدخلوا وييقعدوا في القعده وطبعا.... بعد مبيفهموا المشكله فهد بيحكم فيها والكل بيوافق علي حكمه لانهم بيحبوه طبعا مع تقدير جده طبعا واستشارته
&&&&&&&&&&&&&&&&&&&&
فهد بيرجع القصر هو وجده وبيتغدوا وبعدين سجده بتجيب صنية البسبوسه الي عملتها وبتقدم عليهم كلهم... وبتدي فهد
فهد بغزل: اول مره اشوف بسبوسه بتعمل بسبوسه
سجده: انت بتجيب الكلام ده منين
فهد: من قلبي
سجده: طب قول لقلبك اهدي شويه علشان من كلامه الحلو ده هدوخ
فهد: اه لو جدي يحس بقلبي..... وبياكلوا البسبوسه وسط اجواء عائلية مرحه وخفة دم سجده الي محببه الكل فيها
______
في المساء البنات بيكونوا هيناموا فهد بيخبط علي الباب
حور: اتفضل
فهد بيدخل
حبيبه: ايه الي جابك هنا
فهد: جاي اخد مراتي
حور: لا يافهد جدو لو عرف هيدبحنا
فهد: بس يابت منك ليها وبيروح يشيل سجده وسط ضحك البنات وبيروحوا علي الاوضه
فهد بتمثيل: الظاهر كده ان زوجتي العزيزه تخنت
سجده بتذمر: انا والله خسيت 2 كيلو من يومين
فهد بحب: ولو تخنتي 100 كيلو علي قلبي زي العسل وبيرفعها لفوق اكتر وبيبوسها من جبينها وسجده بتبوسه من خده وبياخدها وبينيمها في حضنه وبيحس انو منامش من زمان لان سجده منامتش جنبه امبارح
&&&&&&&&&&&&&&&&&&&&
بتعدي الايام وبيكون فاضل يومين علي الفرح وبتكون العيله قاعدين علي الفطار
فهد: اسر جاي بكره ياجدي
حور بتكون قاعده علي الفطار..... وقلبها بيدق جامد وبتتوتر وفي نفس الوقت بتكون فرحانه
الجد: ينور ياولدي
سجده بتلاحظ حور وبتستغرب وفهد بيروح الشركه والبنات بيكونوا قاعدين مع بعض في الجنينه
سجده: حور
حور وهيا سرحانه: نعم
سجده: انتي ليه اتوترتي لما فهد قال ان اسر جاي
حور: لا عادي
سجده: انتي بتحبيه ياحور
حور بحيرة: صدقيتي ياسجده مش عارفه
سجده: باين عليكي ياحور من فرحتك لما فهد اتكلم وقال انو هيجي
حور: برضو مشاعري متلغبطه
سجده: متحيريش نفسك ياحور وفكري براحه وان شاء الله تطلعي بتحبيه وهو كمان بيحبك وافرح بيكي ياقمر
حور بكسوف: بس ياسجده بتكسف والله
سجده: ماشي ياست حور هقوم اشوف ليل
حور باستغراب: ليل مين
سجده: الحصان.... بتاعي سميته ليل
حور: اه ده انتي مهتميه بيه علي الاخر
سجده: طبعا فهد ادهولي هديه فلازم يكون غالي
حور: طبعا
سجده بتمشي..... وبتروح الاسطبل وبتكون قاعده بتاكل الحصان بتلاقي الي بيرفعها مره وحده علي الحصان وبتترمي في حضنه وبيجري بالحصان
سجده: فهد افرض كنت وقعت
فهد: تصدقيها انك تقعي وانتي في حضني
سجده: لو الدنيا كلها صدقت انا عمري مصدق
فهد: وحشتيني مش قادر انام انا هاجي اخدك انهارده.... وتنامي في حضني
سجده: لا يافهد انت شوفت جدوالمره الي فاتت عمل ايه انا مش هخاطر بحياتي ولا حياتك كلها انهارده وبكره
فهد: هستحمل علشانك مع ان حرام الحصان ياخد كل الاهتمام ده وانا لاء
سجده: انا بهتم بيه علشان ده هديه من حبيبي
فهد: ان كان كده ماشي
سجده: انا سميته اسم
فهد: ايه هوا
سجده: ليل
فهد: اسم جميل علشان من نقاوتك
سجده: شكرا بس انت كده مقصر... في حق الشغل طول الاسبوع مروحتش كتير
فهد: يعني كنت بروح الشركه واجي اخدك في حضني دلوقت.... لا الشركه ولا اخدك في حضني ده ظلم
سجده: براحتك يافهدي وبتحضنه جامد وهو بيكمل جري بالحصان وبيقضوا اليوم مع بعض وبعدين بيرجعوا والحمد لله.... الجد ما شفهومش
______
تاني يوم اسر بيوصل الصعيد... والعيله كلهم بيبقوا مستعدين علشان يقابلوه واولهم حور وبعدين بيوصل القصر وبيسلم علي العيله كلها.....وعينه كانت بتبحث عنها....... وبيلمحها وهيا نازله من علي السلم.... وفي نفسه هيا دي... حوريته الصغيره... الي كانت بتجري عليه وهيا صغيره.. وتلعب معاه.. معقول بقت بالحلاوة دي
اسر : ازيك ياحور
حور بكسوف: الحمد لله... انت عامل ايه
اسر: انا تمام الحمد لله
فهد: الغدا جاهز
بيروحوا يقعدوا علي الغدا وبيتغدوا وبعدين حور بتعمل الشاي وبتقدمه للعيله.... وبتكون غافله عن العيون الي متبعاها بحب
سجده بتكون قاعد جنب فهد
الجد: سجده
فهد بنفاذ صبر: هو فيه ايه ياجدي بقي انا تعبت خلاص اقسم بالله سجده مراتي وحلالي تعبت ياجدي.... عايز تختبر ان كنت بحبها اقسم بالله بحبها وبموت فيها كمان اقولك ايه اكتر من كده مش فاهم طب النوم في اوضه تانيه.... وقولنا ماشي انما تقعد جنبي لاء حرام ياناس
اسر بضحك: ههه جده معلم عليك كل ده
فهد: اسكت انت كمان
الجد: خلاص يافهد نجحت... في الاختبار
فهد بفرحه: يعتي هتنيمها في اوضتي انهارده
الجد: لا يوم فرحك ان شاء الله
فهد: ماشي ماشي ياجدي
_____
حور بتكون قاعده في الجنينه سرحانه بتلاقي الي جاي من وراها
اسر: ممكن اقعد معاكي
حور بحرج: اتفضل
اسر: انتي في كليه ايه دلوقت
حور: انا في كلية تربيه داخله سنه تالته
اسر: كبرتي ياحور من بعد ماكنتي حور ام ضفرتين الي بجبلها الشوكلاته.... بقيتي ايه من الجمال
حور بكسوف: شكرا
اسر: طب تقبلي الهديه دي مني
حور بتلقيها شوكلاته بتاخدها منه بسرعه وبتقله: طبعا
انت لسه فاكر النوع الي بحبه
اسر بهيام: وعمري منسيته ولا هنساه
حور: سرحان في ايه
اسر: ها..... لامفيش حاجه.. هقوم انا بقي وبيسيبها تفكر
_______
فهد وسجده بيكونوا قاعدين بيتكلموا اسر بيدخلهم الصالون
اسر: فهد عايز اتكلم معاك
فهد: روح المكتب وانا جاي وراك
اسر: تمام
بعد خمس دقايق فهد بيوصل المكتب
فهد: فيه ايه يا اسر
اسر: مش ان الاوان بقي ياصحبي
فهد: علي ايه
اسر: حور يافهد لما كانت لسه عندها 16 سنه طلبتها منك ومن جدو قولتولي حور لسه صغيره دلوقت كبرت وبقي عندها 20 سنه ايه المانع بقي
فهد: انا يا اسر لو دورت في الدنيا كلها مش هلاقي احست منك لحور الدليل انك داخل علي 28 سنه... وانتظرتها بردو بس الراي يرجع لحور
اسر: ماشي يافهد خد راي حور في الموضوع وان شاء الله توافق
فهد: ان شاء الله وفهد بيقول لجده وجده بيوافق بس بينتظروا راي حور الاول وسجده لما بتعرف الخبر بتفرح جدا وبتروح لحور الاوضه وبتكلمها
سجده بفرحه: حور
حور: نعم
سجده: متقدملك عريس
حور بصدمه ايه.. لاطبعا مش موافقه
سجده: طب مش تعرفي مين الاول
حور: مش عايزه اعرف
سجده: طب ولو قولتلك اسر
حور بتنط من علي السرير: بجد يا سجده
سجده: جد جد والله
حور بتتنطط بفرحه في الاوضه
حبيبه: انتي شاكلك مش بتحبيه شكلك بتموتي فيه
سجده: وهو بيموت فيها
حور: سجده الكلام ده بجد
سجده: اه والله
جدهم بينادي عليهم وبينزلوا
الجد: اسر متقدملك ياحور ايه رأيك
حور بكسوف: الراي رايك وراي فهد ياجدي
اسر بفرحه: لو الراي رايهم يبقي اتجوزك دلوقت كمان
الجد: اسر
فهد بضحك: اقعد بدل ما جدي يديك حظر يقولك اخطبها ومتشوفهاش ليوم متتجوزو
الكل بيضحك علي كلام فهد
ليكونوا قاعدين كلهم وبيضحكوا بس بيقوموا بخضه لما بيسمعوا صوت صريخ جاي من المطبخ وووووو#اسيرة_الوحش
بيجروا كلهم علي المطبخ بيلاقو ايد حبيبه محروقه
سجده بخوف: ايه الي حرق ايدك كده
حبيبه بدموع: كنت بعمل نسكافيه والمايه وقعت علي ايدي
سجده: رن بسرعه علي الدكتور... يافهد الحرق كبير
فهد: حاضر ياسجده وبيرن علي الدكتور والدكتور بيوصل وبيعالج حبيبه
الدكتور: الف سلامه عليكي يا انسه حبيبه
حبيبه بتعب: الله يسلمك يادكتور
الدكتور: ان شاء الله اجي بكره.. اغيرلك علي الجرح
حبيبه: ان شاء الله حور وسجده بيقغدوا مع حبيبه وفهد بيوصل الدكتور
فهد: حسابك كام يا احمد
احمد: عيب كده يافهد هو فيه بين الاخوات حساب (فهد كان مسافر امريكا وقابل احمد هناك لانو كان بيدرس هناك)
فهد: ماشي ياعم احمد بعد بكره فرحي ان شاء الله ولو مجتش هزعل
احمد بود: وانا مقدرش علي زعلك يافهد وان شاء الله هاجي
فهد بيوصله وبيرجع علي اوضة حبيبه
فهد: الف سلامه عليكي ياحبيبه
حبيبه: الله يسلمك يافهد
____
في اليوم التاني بيكون القصر كله رايح جاي والبلد كلها فرحانه علشان حنة فهد الراوي
بيكون فهد واقف هو واسر بيشرف علي الطباخين وبيشوف.... لو في حاجه ناقصه.... وعايزين اليوم يطلعفي افضل حال
وبعدين بيشوف علي الناس الي بتجهز للفرح وبيروح لسجده يشوفها
سجده بتكون قاعده متوتره فهد بيدخلها الاوضه
فهد: مالك ياحبيبتي
سجده: لا مفيش حاجه يافهدي
فهد: هتخبي عليا انا
سجده: قلقانه يافهد شوف حصل ايه يوم الخطوبه
فهد بحنيه: متقلقيش يا نور عيني اشغلي نفسك بالحنة وفرحتك وبس ويلا علشان تجهزي
سجده بتحضن فهد وبتقله: ربنا يحميك يافهد ويباركلي فيك
فهد: ويباركلي فيكي ياعمري
سجده: مكانش لازم فرح
فهد: انت يتستاهلي احلي حاجه في العالم هعملك اكبر فرح في مصر كلها
سجده: انتي عوضي في الدنيا يافهد
فهد: وانتي دنيتي يانجمتي
______
عند حبيبه
الدكتور بيغيرلها الجرح وبيقولها: احنا احسن بكتير من امبارح شكلك كده قويه
حبيبه بابتسامه خطفت قلبه: طبعا يا دكتور
الدكتور: شدي حيلك شويه كمان لازم اخت العريس تبقي صحتها ميه ميه
حبيبه: اكيد يادكتور وبتبتسم
الدكتور: ابتسامتك جميله
حبيبه: شكرا يادكتور
الدكتور: ممكن تقوليلي يا احمد
حبيبه بكسوف: ازاي بس
احمد: عادي هو اسم احمد فيه حاجه
حبيبه بابتسامه: ماشي يا احمد
_____
عند حور
بتكون ماشيه في وسط الستات وبتشوف لو حد محتاج حاجه بيشدها علي جنب
حور: اسر
اسر: عيون اسر
حور: ايه الي خلاك تشدني كده
اسر: قلبي
حور: بجد
اسر: اه بجد
حور: طب قوله... يهدي شويه
اسر: بلاش ميكب انهارده. ولا بكره
حور: ده ليه ده بقي
اسر بحب: علشان انتي اجمل بكتير من غير ميكب ياحوري
حور: طب سبني امشي بقي
اسر: عندي شرط
حور: ايه هوا
اسر: اسمعها منك
حور: اي هيا
اسر: بحبك
حور: طب غمض عينك
اسر بيغمض عينه.... حور بتزقه وبتطلع تجري
حور بضحك: تعيش وتاخد غيرها يا اسو
اسر بغيظ: اسو اسر.... الشناوي بقي اسمو اسو ماشي ياحور
______
في المساء بيلبس فهد عباية صعيديه باللون الابيض للاختفال بيومه علي الطريقه الصعيدية....وبيصفف شعره..بطريقه جذابه....ويضع من عطره الرجولي الساحر...وبيكون شديد الوسامه
اسر: ايه الحلاوة دي يافهد
فهد بضحك: حلاوتك يااسر
اسر: كان نفسي اشوفك عريس... وامنيتي اتحققت
فهد: عقبالك ياصحبي
اسر: حن انت وجدو عليا وخلو الخطوبه قريب بس
فهد: ان شاء الله يااسر
واسر بيكون لابس عباية باللون الكحلي...... وبيكون شديد الوسامه هو الاخر
__________
عند سجده في الغرفه بتكون بتجهز ومعاها حور وحبيبه.....سجده بتلبس فستان بسيط باللون البينك....وبتيقي سايبة شعرها مفرود.....وبتحط ميكب بسيط جدا.......وكذلك حور وحبيبة بيبقوا لابسين فساتين بسيطه...حبيبه فستان باللون النبيتي....وحور باللون الزيتي..... وبينزلوا هما وسجده تحت عند الستات فكان النساء في داخل القصر...والرجال بالخارج......الستات لما بيشوفوا سجده بيبقوا مبهورين من جمالها
احد النساء: ما شاء الله قمر يسجده... فهد عرف يختار والله
سجده: الله يبارك في عمرك يطنط... انتي للي قمر والله..... وبيبداو في رسم الحنه...... وبترسم اسم فهد علي ايدها....... والبنات بيبقوا بيرقصوا وفرحانين مع بعض... وبيجي دور ملكة الحفلة سجده... بتقوم ترقص.. والكل بينبهر من جمال رقصها..... ومش بتبقي بتفكر سجده في حاجه.. غير ان خلاص هتبقي مع فهد لاخر العمر
&&&&&&&&&&&&&&&&&&&&&
عند فهد...... بتبقي الرجاله بترقص...والجميع بيحضر لمباركة فهد وبيمون يوم ملئ بالفرحه والسعاده... وهو كل انشغاله بسجده
---------
بعد فترة بتنتهي الحنه...... وبيطلع فهد علشان يطمن علي سجده.. واول مبيدخل قلبه بيدق بشده... من جمال سجده الي واقفه قدامه.. وبتزيل المكياج... الي كانت حطاه..... فهد بيقرب منها.. وبيحاوطها...
فهد: ايه الجمال ده
سجده بتحاوط رقبته وبتقوله: مش هكون احلي منك
فهد: مين دي الي مش.احلي مني... دا انا ق
امي ست تقول للقمر قوم وانا اقعد مكانك
سجده بضحك: طب بس.. علشان بتكسف
فهد: بتتكسفي مني انا
سجده: بصراحه اه.... ويلا بقي عايزه انام مش قادره مرهقه جدا والله
فهد بتمثيل الزعل: انتي بتطرديني
سجده: والله مقصدش يحبيبي... وبتبوسه من خده.. متزعلش
فهد بحب: مين قلك اني زعلت اصلا
سجده: مين هيوصلني الفندق بكره
فهد: هيكون مين غيري
سجده: وانت مش هتكون بتجهز
فهد: طبعا انتي الاهم.. هوديكي... وارجع اجهز بقي
سجده: ماشي يحبيب القلب
&&&&&&&&&&&&&&&&&&&&
في الصباح... سجده بتصحي.. بتبدا يومها بالصلاه.... وبتجهز نفسها علشان تمشي... ودموعها بتنزل من الفرحه.. مش مصدقه ان حياتها اتغيرت للدرجه دي وربنا عوضها بفهد..... الباب بيدق وبيكون فهد
سجده: ادخل
فهد بيلاحظ دموعها: يعني ده يوم تعيطي فيه
سجده بتحضنه جامد: دي دموع فرحه يفهد.... عوض ربنا جميل اوي... وعوضني بيكي ي اجمل عوض..
حور وحبيبة بيدخلوا.... فهد: دا انتو فصلان
حبيبة: يلا يعم روميو... ورانا يوم طويل...... وسيشن... وفرح
حور: ايوا... يلا يفهد بقي
سجده بتضحك علي فرحتهم..... واستعجالهم
سجده: يلا يبت منك ليها .... وبينزلوا وهما بيضحكوا
سجده بتركب مع فهد في العربيه...... وحبيبة وحور بيركبوا مع اسر....... بيوصلوا.. وبتقف العربية قدام واحد من افخم الفنادق الي مصر..... وفهد بينزل من العربيه...... والموظفين بيجوا ياخدوا.. الفستان والحاجه... وبيطلعوها.... وفهد بيبوس سجده من جبينها...... وبيمشي.. لان معاده ييجي الساعه خمسه علشان السيشن
_____________
بتكون واقفه سجده بهيئتها الساحره.. فكانت ترتدي فستان زفافها باللون الابيض الملكي.. كان ضيق من الاعلي.. ويهبط باتساع مفرط يخفق القلوب من شدة جماله ....وحجاب يغطي كامل شعرها.... ويعتليه تاج منصع.. بالالماس فكان مصمم خصيصا لها.... وحذاء يظهر من بعيد..انه يضئ... وبيدها باقة ورود من نوعها المفضل الياسمين... وجهها.. كان مضئ من الفرحه.... وتضع القليل جدا من المكياج... ومع ذلك كانت شديدة الجمال... كان قلبها يدق بفرحه وتوتر: جي يبنات... جي
حور بابتسامه: علي وصول اهو يست.. اهدي بقي ومتوتريش نفسك
حبيبة: الحب بيعمل كل ده
سجده: واكتر من كده....... تاتي الفوتجرافر..... لتصوير سجده والبنات... طبعا البنات دول بيكونوا حور وحبيبة.. واسراء صاحبة سجده... واصدقاء حور وحبيبة...... وبتصور كل لحظه....... بعد القليل من الوقت..... تاتي حور لتخبر سجده عن وصول فهد... بيدلف فهد وهو يرتدي بدلة باللون الابيض... تظهر ملامحه الرجوليه.... ويصفف شعره بطريقه مثاليه... وكان يوجد دبوس اعلي بدلته بحرف سجده.... وكان يظهر بجمال طاغي للغايه... كل خطوه بيخطوها... قلبه بيعلن عن فرحته.... وسجده كانت عطياله ضهرها... بيقرب منها.... بيحاول يشوف وشها.... بتشاكس فيه ومش بتردي تلف... وبيفضلوا كده قليل من الوقت... والبنات بتضحك علي سجده وتصرفاتها.... ومره واحده بتلفلوا وشها..... وبيقف فهد مصدوم ومنبهر... من شده جمالها...... يمسك يديها ويقبلها برقه..... وبيحضنها حضن يعبر عن الكثير من الحب والعشق.... وفي الخلفيه صوت البنات بتزرغط بفرحه وسعاده.... وفهد عيونه بتدمع
سجده بحنيه: انت بتعيط يفهد
فهد بعشق: دي دموع فرحتي يسجده.... فرحتي اننا وصلنا لليوم ده من غير اي مشاكل.. وانك انهارده اجمل اميرة شافتها عيني
البنات: لا للدموع اليوم.... ف اليوم فرحه
سجده وفهد بيضحكوا وبينزلوا علشان يتصوروا مع بعض
&&&&&&&&&&&&&&&&&&&&&
علي سلم الفندق الفخم.... ينزل فهد وبجواره سجده وكانوا يظهران كانهم امير واميره من عالم دزني... وبحوارهم من الجهه اليمني حور... التي كانت تردتي فستانا باللون البيبي بلو وحجاب من نفس اللون.. وتضع مساحيق تجميل وكان يظهر عليها التدلل والرقي وبمجرد ان راها اسر شعر انه فقد انفاسه... وعلي الجهه اليسري حبيبة التي كانت ترتدي فستان بنفس لون حبيبة ولكن التصميم مختل فجميع الفتيات كانوا يرتدون فستان من نفس اللون وكانت رائعه بجمالها الهادي ولما راها احمد...قلبه كان يدق بشده
--------
بعد ساعات..... بينتهي تصوير سجده وفهد.... وكانت من اروع اللقطات الكلاسيكية..... وكان يغطي عليهم الحب الشديد...... وايضا تم التقاط الكثير من الصور لفهد وجميع اصدقائه... وبيخرج الجميع من الفندق الي اسطول العربيات... الي كان مكون من عربيات اصدقاء فهد... واسر واحمد... وعلي مقدمتهم سيارة فهد.... وكانت زفة ولا اروع لا تنسي
&&&&&&&&&&&&&&&&&&&&& في قاعة زفاف من افخم قاعات مصر..... كان الجميع منتظر ومتلهف لرؤية فهد وسجده..... وما ان نزلت سجده من السياره.. رات والدها... شعرت بسعاده غارمه... ونظرت الي فهد.. واومأ لها براسه... فعلمت ان فهد هو الذي دعاه لخضور حفل زفاف ابنته.... يتجه والدها نحوها.... ويقبل يداها.... ويقبل جبينها
حامد: مبروك ينور عيني... الف مبروك
سجده بسعاده: الله يبارك فيك يحبيبي
---------
بعد لحظات.... ينفتح باب القاعه ليدلف فهد بوسامته الطاغيه... والجميع يهنئه... وبعض بضع دقائق... يدلف حامد.. وبيده سجده.. التي منذ ان دلفت... لن تسقط الانذار من فوقها... فكانت رائعع وجمالها ساحر... للغاية.... يسلمها حامد الا فهد..... تنطفئ جميع الانوار... ويتسلط الضوء علي فهد وسجده فقط... وبيرقصوا رقصه سلو.... والجميع منبهر لجمالهم...
فهد بعشق: انا اسعد انسان في الدنيا دي كلها
سجده: وانا اكتر واحده محظوظه بوجودك.. مش مصدقه نفسي يفهد... وفهد بيمون سامع دقات قلبها
فهد: انا اتولدت من انهارده
سجده: بتحضنه جامد حضن يعبر عن عشق كمين وهو بيشيلها وبيلف بيها لفه طويله... بطريقه كلاسيكيه رائعه....... وبعد ذلك يمسك فهد يدها.... ويجلسان علي نقعد الزفاف والجميع ياتي للمباركه لهم...... اصدقاء فهد بيجروا عليه وبيسحبوا علشان يرقصوا... وبيقوم معاهم... وبيفضلوا يرقصوا... والجميع بيبقي باين عليهم الفرحه.. والسعاده... وكذلك سجده... البنات بيشدوها وبيرقصوا معاه.. لكن هيا كان تدور بفستانها فقط..... وتصفق وتفرح معهم.. لان فهد كان يحظرها من الرقص... وتم التقاط القصير مت الذكريات لفهد وسجده.. واصدقائهم
---------
اثناء البوفيه..... بتكون حور واقفه علي جنب حور بيروح عليها
اسر: القلب اشتكي
حور بضحك: ودا من ايه ده ان شاء الله
اسر: من معذبة قلبه
حور: انا
اسر: اومال مين يحور.... كل ده ومش حاسه بيا انا بعشقك يحور........ والله بموت فيكي
حور بكسوف: وانا بحبك ي اسر وبتطلع تجري.. اسر بيبتسم عليها وعلي كسوفها
-----------
عند حبيبة بتكون قاعده علي التربيزه بتلاقي الي شاب جاي عليها يقولها: تسمحيلي بالرقصه دي
حبيبة: اسفه مينفعش
الشاب: ليه بس
بيلاقي الي بيسحبه من كتفه: هيا مش قالتلك مش هينفع ولا انت اطرش
الشاب: وانت مين ان شاء الله
احمد: انا خطيبها يحيلتها
الشاب: طب انا اسف وبيمشي
احمد بعصبيه: وانتي سكتاله ليه
حبيبة: عايزيني اعمله ايه يعني.. انت بتتعصب عليا ليه اصلا ودموعها بتنزل
احمد باسف: بس.. بس انا اسف مكنتش اقصد... متزعليش
حبيبة: مش زعلانه
احمد: اومال ايه الحلاوة دي
حبيبة: شكرا
احمد: فنانه في الردود انتي
حبيبة بتضحك
---------
عند ابطالنا في مكان الاستراحه...
سجده: كفاية كده يفهد انا كلت كتير
فهد بضحك عليها: ما انتي مملتيش طول اليوم
سجده: هو انت بتزغط بطه بلدي... دا انا عروسه حتي
فهد برومانسيه: اجمل وارق عروسه شافتها عيني ينور عيني
سجده: يفهد.. كفاية كلام حلو بقي
فهد: انتي تستاهلي كل الحلو
----------
بعد يوم طويل من اجمل الايام بالنسبه لفهد وسجده بيختموا الفرحه برقصه سلو...... وبينتهي حفل الزفاف... وكان الجميع يخرج ويحكي بروعة وفخامة الزفاف
________
بيركب فهد وبجواره سجده العربيه وبيبقوا الاتنين في قمة سعادتهم وفرحتهم.. وعيونهم تعبر عن مدي فرحتهم.... وبيوصلوا الي القصر بزفة اخري اسطوريه.....
________
سجده بتدخل هيا وفهد اوضتهم وبتنبهر من جمال الغرفه.. فكانت مزينه بالورود الحمراء والبلالين... وكانت الغرفه مذهلة....... بتقعد سجده علي السرير وبتبقي مكسوفه جدا وفي نفس الوقت مبسوطه اوي ضربات قلبها تعلو وتهبط..... واختلط وجهها باللون الاحمر القاني من شدة التوتر... بيقرب منها فهد بهدوء وبصوت مطمئن وحنون: يلا نصلي يغالية
اومئت سجده فهيا من كثرة التوتر لاتستطيع التحدث وبالفعل بيقوموا... الاتنين يتوضوا ويصلوا... وفهد بيقيم الصلاة بيها وبيكون صوته حلو اوي.... بعد الصلاة يتلاشي خجل سجده وتهدا واحده واحده مع كلام فهد الحنين.. ليها... وبيقرب منها وبيقولها..: اخيرا هنبقي احسن زوجين في العالم... يهنايا وسعدي وزمردة قلبي...... سجده بتبتسم
وبتصبح زوجته قولا.... وفعلا... امام الله
بارت الفرحه ده... استعدوا للي جاي#اسيرة _الوحش
في الصباح..... بتستيقظ علي ضوء الشمس مسلط علي وجهها... بتبص جنبها مش بتلاقي فهد.. بتتفزع... فبتنادي باسمه... فهد يفهد..... بتلاقي الي داخل عليها وفي ايده الفطار... وداخل بيبتسملها وبيبصلها بعشق وحب
فهد: صباح الخير علي اجمل عيون في الدنيا
سجده بابتسامه: صباح النور يحبيبي... وبتسال؟... انت الي حضرت الفطار ده
فهد: ايوا طبعا... دوقت اكلك كتير... ادوقك انا اكلي بقي
سجده: يحبيبي مكنتش تعبت نفسك... كان حد تحت عمله.. او انا عملته
فهد: خلاص بقي انا عملته ونا ولا انتي واحد... قومي خدي شاور كده.. وصلي.. وانا مستنيكي....
اومأت سجده براسها وقالت: حاضر يفهود
---------
بعد القليل من الوقت... بتطلع سجده وهيا لابسه بيجامه من الحرير باللون الابيض.... واطلقت العنان لشعرها..... فهد بيبصلها وبيقول بغزل: طب هو حد بيحلي قبل مياكل يعني
سجده بابتسامه: بتكسف علي فكره
فهد: مقولنا بقي حوار الكسوف دا ننساه خالص... انتي مراتي وحبيبتي... وبنتي.. ودنيتي وكل ماليا... وبيشدها عليه وبيهمس: مش يلا ناكل بقي... قبل متهور
سجده بضحك: ناكل طبعا..... وبالفعل بيبداو ياكلوا.. مع بعض... وبعد قليل بيخلصوا اكل... سجده بتشيله... وبيكون فهد جايب من تحت.... بيبسي وحلويات... وحاجات كتير وبيقعدوا مع بعض.. بيشغلوا فيلم.... وبيتفرجوا الاتنين في جو ملئ بالحب... وفهد بيكون محتضنها اوي مانها هتهرب منه... سجده بتبصله وبتقوله: انا.. مش مصدقه الي انا في يفهد.. مش مصدقه ان الشخص الي كنت فاكره نفسي بكره.. ومش طايقه اشوفه.. بقي النفس الي بتنفسه.... وبعد مكنت فاكره حياتي ادمرت اصبحت... حياتي اجمل بكتير معا....انا بحبك اوي يفهد
فهد بحب: وانا بعشقك يعيون فهد..... بحبك.. اكتر من اي حد..... وزي مكنت مفكر انتي متجوزك علشان اردي غروري واسرك... اسرتيني انتي بنظرة عينك... وبخفه دمك.. وطيبة قلبك.... وحنيتك... انتي اجمل بنوته شافتها عيني... يست البنات.... بيفضلوا يتكلموا مع بعض كتير....... نسيبهم لوحدهم بقي
&&&&&&&&&&&&&&&&&&&&&
بيعدي يومين... وفهد وسجده مش بينزلوا تحت خالص.... غير لو فهد نزل جاب اكل او حاجه من تحت... وبيقضوا يومين من اجمل ايام حياتهم مع بعض.. يومين بيحملوا الكثير من الضحك... واللعب... والكلام.. والحب.. والمشاكسات... وهما قاعدين في اوضتهم بيلاقوا الي بيخبط علي الباب.... فهد: مين!!!
حور: احنا
فهد: المفعوصتين دول.. انا مش فاتحلهم.. بيفصلوا اي لحظه حلوه
سجده بضحك: معلش افتح لهم يفهد وحشوني والله
فهد: حاضر علشان عيونك بس... وبيروح يفتح الباب
حبيبه كل ده عقبال متفتح..... مش عايز تشوفنا ولا ايه
فهد: بصراحه اه لان انتو عيال فصلان... فتحت علشان خاطر سجده بس
حور بتمثيل الغيره: ايوا بقي... يعني احنا ملناش خاطر
فهد بضحك: بصراحه لا
سجده بضحك مماثل: ايه بتر الخواطر ده يفهد
فهد: دول عيال رخمه.. انا هنزل.. ربع ساعه وتنزلوا.. انتوا فاهمين.. انا عايز اقعد انا ومراتي
حبيبه ماشي يعاشق يولهان.... فهد بينزل وحور وحبيبة بيجروا علي سجده بيحضنوها..... حبيبه: والله وحشتينا يسجده
سجده: انتو اكتر والله
حور: يبختك يسجده
سجده بضحك: عقبالك يحوري وانتي وحبوبه.. واشوفكوا كده عروسات قمرات
الاتنين في نفس واحد: يارب
سجده بخبث: اومال الجرح عامل ايه يحبيبة... هو الدكتور احمد بيجي يغيرلك عليه
حبيبه بتوتر: ااا... اه.. اه... انا بقيت كويسه كمان
حور بتفهد سجده وبتقول لحبيبة: انتي طبعا.. مش عايزه الجرح يروح خالص
حبيبة: ايه الي انتي بتقوليه ده.. هو في حد يحب نفسه مجروح
سجده: لو الجرح ده هيجيب الدكتور احمد... يبقي تحبي صح
حبيبة بتتوتر وخدودها بتحمر....
حور: متتكسفيش يحبيبة... الموضوع باين خالص
حبيبة: انا... هو مش في دماغي اصلا
سجده: لا والله هو كمان واقع صدقوني... مش بعيد نلقوه جاي يتقدم
حبيبة بلهفه: بجد يسجده
حور بضحك: واضح انو مش في دماغك
سجده: ان شاء الله يبقي نصيبك يحبيبتي
حبيبه بصراحه: يارب يسجده... انا شكلي وقعت ومحدش سمي عليا... وبيضحكوا مع بعض... بيعدي نص ساعه... وفهد بيجي
فهد: يلا يبت منك ليها بره.. انا سبتكم نص ساعه زياده
حور: احنا هنطلع... بس بكره ان شاء الله هتنزل انت وهيا
سجده: ان شاء الله يحوري.... وبيطلعوا... وفهد بيروح علي سجده.... وبيحضنها... وبيقول عيال بارده... بعدوني عنك نص ساعه
سجده بضحك: يحبيبي دي نص ساعه بس
فهد بهيام: ولا عايزه ابعد عنك ثانيه واحده بس يسجده
&&&&&&&&&&&&&&&&&&&&&
تاني يوم بينزل فهد.... هو وسجده علي الفطار.....وسجده بتروح علي جدها وبتبوسه وحشتني اوي اوي اوي يجدو
الجد بحنيه: انتي اكتر... يقلب جدك
حبيبة: استاذ روميو حن عليكي وخلاكي تنزلي
حور بتهمس في ودنها: اسكتي...بدل ميسمعك... ويكسفك.. زي مكسفنا امبارح كده
حبيبة بضحك: لما اسكت..... بيفطروا.. وبعد كده سجده بتكون قايمه مع البنات يدخلوا المطبخ يعملوا الشاي... ويقفوا مع بعض....
فهد: اقعدي هما هيعملوا
سجده: يفهد عادي هروح معاهم
حور: خليكي يسجده.. احنا هنعمل... وبيدخلوا يعملوا.. الشاي وبيطلعوا.. والقاعده مبتخلاش من كلام حور وحبيبه.. وفهد يكسف فيهم... وباقي العيله بيضحكوا
حبيبه: لا يفهد... احنا زعلانين وبشده كمان... انت مش طيقنا للدرجاد
فهد بحنيه: امشي يهبله..... انت اخواتي وحبايبي... ازاي مش هطيقكم دا انتو الغالين... وبيبص لسجده وبيقول: بس مش اغلي من سجده طبعا
حبيبه: ربنا يخليكم لبعض يفهد ويحميكم ويحرسكم من العين... واهم حاجه من عيني انا وحور... وفجاه بيلاقوا احمد داخل عليهم.. حبيبة قلبها بيدق بسرعه وسجده وحور لاحظوها
احمد: السلام عليكم
الجميع: وعليكم السلام
احمد: انا كنت عايزك في موضوع يفهد... سجده بيجي في. دماغها انو هيتقدم لحبيبة وبتدعي ان كلامها يطلع صح..... وحبيبة بتتوتر وبتفكر هو عايز اي
فهد: اتفضل ي احمد... وبياخدوا. وبيدخلوا مكتبه
فهد: خير ي احمد
احمد: احم.... بصراحه كده... انا عايز اطلب ايد الانسه حبيبه
فهد بابتسامه وانا عمري مهلاقي لحبيبة عريس احسن منك ي احمد.. بس الراي الاول والاخير لحبيبة
احمد: انا ان شاء الله منتظر ردها
فهد باحراج: معلش ي احمد نسيت والله... تشرب ايه
احمد: لا ملوش لازمه والله
فهد: والله متمشي غير لما تاخد واجبك.... وبالفعل بيجيبله عصير وبيشربه.... وبيمشي
____________
بيبقي الجد وفهد وسليم قاعدين.
فهد: عايز اقلكم حاجه
سليم: قول يفهد
فهد: الدكتور احمد متقدم لسجده
الجد: احمد طيب ومحترم... ومشفنلش منو غير كل خير
سليم: بس لازم نشوف راي حبيبة الاول
الجد: ايوا طبعا
-----------
بيكون سجده وحور وحبيبه قاعدين بيتكلموا... فهد بيروح عليهم وبيقول لحبيبة جدي عايزك.. يحبيبه التلاته بيبصوا لبعض... وبيعرفوا ان كده احمد اتقدملها... حبيبة بتروح وبتقول: نعم يجدي
الجد: بصي يحبيبة الدكتور احمد متقدملك... وانا شايف انو شخص كويس ومحترم وهيحافظ عليكي... بس الراي ليكي انتي طبعا
حبيبة:.......
الجد بابتسامه: السموت علامه الرضا
حبببة بكسوف: بصراحه يجدي انا موافقه
الجد: يبقي علي بركه الله قولوا يفهد يولدي.. يجيب اهله ويجي يتقدم
فهد: حاضر يجدي.... وبيرن علي احمد بيعرفه انهم وافقوا وبيبقي مبسوط جدا... وكمان حور واسر قروا فاتحتهم مع حبيبة واحمد والاتنين دول بيبقوا سعداء اكتر من اي حد.... لانهم بيحبوا بعض من الطفوله
---------
عند البنات.. بيبقوا قاعدين بيلاقوا حبيبة داخله تجري عليهم... اتقدملي... مش مصدقه نفسي.. اتقدملي يحور... اتقدملي يسجده....حور وسجده بيفرحوا اوي وبيحضنوها
_____________
بعد مرور يومين.... احمد بيجيب اهله..... وبيروح يتقدم لحبيبة.. ومامته بتحب حبيبة جدا وكذلك اخواته... وبباه... وبيتفقوا علي كل حاجه ..... والاتنين بيفضلوا يبص لبعض كل شويه... وقلبهم يدق... بسرعه ...... وكذلك اسر بيتقدم لحور.. وبيقروا فاتحه الاربعه.... لكن اسر وحور بيكونوا امثر اتنين سعداء.. لانهم بيحبوا بعض من الطفولة وبينتهي اليوم علي خير....
__________
في المساء........ سجده بتطلع الاوضه.. وبتاخد شاور وبتروح علي التسريحه علشان تصفف شعرها.... وهيا قاعده علي الكرسي بتسرح... بتلمح ورقتين وملفوفين بشريطه حمرا...... فبتمسكهم بسرعه وبتفتحهم.. بتلاقيها تذكرتين سفر لفرنسا... بتبقي واقفه مش مصدقه.. ومبسوطه.... فهد.. بيدخل... بتجري عليه وبتقوله بفرحه: دول لينا يفهد
فهد: لا
سجده باحباط: افتكرتهم لينا
فهد: يعني هيكونوا للجيران يعني يسجده
سجده: يعني دول ليا وليك بجد
فهدبابتسامه: اه بجد ينور عيني
سجده بتحضنه وبتقول: شكرا يفهد... انا بجد مش مصدقه اني هروح البلد الي بحبها مع الشخص الي بحبه وبعشقه كمان
فهد: انتي بتشكريني يسجده.... انا كلي ليكي... وبعدين لو السفر لفرنسا هيخليكي تديني حضن حلو اوي كده اسفرك كل يوم.....
&&&&&&&&&&&&&&&&&
بعد مرور اسبوع
بتبقي العيله قاعده... واحمد بيدخل عليهم... وبيسلم علي الجميع... وبيقول للجد.... كنت عايز اقولك حاجه يجدي...
الجد: قول يولدي احمد: بصراحه ياجدي انا عندي شغل في امريكا فهتجوز انا وحبيبة.... واخدها معايا امريكا ولما نرجع اجازه اوعدك انها تقعد معاك ومع العيلة براحتها وانا.... والله بحب حبيبه وهشيلها في عيني وعمري مهزعلها
الجد باقتناع بعد مشاف نظرة الحب... في عينه: انا عن نفسي موافق.... نشوف راي حبيبه بقي موافقه تتجوزك وتسافر معاك ولا لاء
احمد بيبص لحبيبه وبيتمني انها توافق
حبيبه بكسوف وحب: موافقه ياجدي
الجد بفرحه: يبقي علي بركة الله
فهد: الله يسهلكوا
اسر: انت هتقر عليهم
فهد: مليش نفس يعني ما انت من قبل الفرح وانت بتقر وبتحسد كمان
اسر: ما انت بردو.... هتسافر فرنسا وتسبلي الشغل كله يابختك
فهد بضحك: اوعدك لما تتجوز هشيل انا الشغل مكانك وسافر البلد الي تحبها
اسر: افتكر وعدك
فهد: عمري وعدتك وخلفت
اسر: بصراحه لاء
حور بتميل علي سجده وبتقولها: هو احنا لبسنا في طفلين ولا ايه
سجده: شكلنا بس انا بقي الطفل بتاعي احلي طفل في الدنيا
حور بضحك: انتي وقع من الدور المليون بقي
سجده: بالظبط كده
حبيبه بتقول لحور: عقبال متقعي زيها
حور: انا وقعت اه بس لسه في الدور العاشر
حبيبه: ههههههههههههه
سجده: علشان خاطر المناسبة الحلوه دي هقوم اعمل احلي صنية كيكه انا وحور وحبيبه
اسر بضحك: طب بلاش حور بالله عليكي
حور بغضب طفولي: قصدك ايه يا استاذ اسر
اسر: انا خايف عليكي بس ومش عايز اتعبك
حور: لا متخافش عليا
سجده وحبيبه: لا مسيطرة ياحور
حور: اومال
احمد: طب استاذن انا بقي
اسر بضحك: والله متحصل لازم تدوق الكيك المحروق من ايد حور
فهد بضحك: لو سمعتك هتنفخك
اسر: الحمد لله مسمعتش
________
بعد فترة البنات بيخلصوا عمايل الكيك وبيخرجوا بيلاقو الشباب في الجنينه وبيطلعوا
حور: اتفضلوا كلو يلا
اسر بهمس: ربنا يستر ومنروحش المستشفي
حور: اسر
اسر: اصل انا الحجات الحلوه الي بتتعمل با الايدين الحلوين دي بتجبلي هبوط
حور: لا كل متخافش مش محلينها جامد
فهد: بتعرف تنقذ نفسك انت
اسر: منكم نستفيد يافهد
فهد: انا
اسر: يعني انا
حبيبه: بقولكو ايه
الجميع: قولي
حبيبه: تعالوا نلعب لعبه
الجميع: ايه هيا
حبيبه: الصراحه
الجميع: موافقين
بيبداو اللعب والدور بيجي علي اسر يسال حور
اسر: بتحبيني
حور بتتكسف وبتبصله وبتبص علي فهد فهد بيضحك وبيعمل نفسه مش واخد باله وحور بتهز راسها بمعني. اه
فهد بيبصلهم وبيمثل انو غضبان
اسر: فيه ايه يا فهد خطبتي ها
فهد: لسه متخطبتوش
اسر: انت العقد الي جدو عملهالك هطلعها عليا
فهد: كتم يلا بدل اقوم امرجحك
اسر: وعلي ايه لما احب اتمرجح المرجيحه اهي هركبها عادي جدا
بتلف الازازة والدور بيجي علي سجده تسأل فهد: ايه هيا اقصي طموحاتك: انك تفضلي جنبي طول العمر .... واهرب بيكي واعيش انا وانتي بعيد عن العالم كله ومحدش يفرقنا ابدا
اسر: ايوه يا عم روميو
فهد: يبني انت لو عدوي مش هتعمل معايا كده
الجميع بيضحك.... علي مشاجرة فهد واسر
دور حور تسال حبيبه: ايه اكتر شئ بيعجبك في احمد
حبيبه بتبص لاحمد وبتقول: اخلاقه وانو عارف دينه كويس. وحنين....والاكتر بقي انو دكتور شاطر جدا واحمد بيبتسملها بحب
فهد يسال احمد: حبيت كام مره
احمد بهيام: مره واحده ومين هيا حبيبه وحبيت كل حاجه فيها
اسر: عم روميو التاني
فهد: حتي احمد مسلمش منك
حور تسال سجده: بتحبي فهد قد ايه
سجده بحب: قد الدنيا دي كلها واكتر من نفسي
اسر: چوليت الاوله اهي
حور: طب فهد واحمد مسلموش منك سجده كمان ذنبها ايه
اسر: خلاص والله مهقول حاجه تاني
وبيكملوا لعب واليوم بيعدي جميل جدا
________
يوم الخطوبه بتكون خطوبه حور واسر... وحبيبة واحمد مع بعض.... بيحضر اهل احمد واهل اسر وبعض معارف فهد والعيله وبيكون يوم مبهج وبيكون حبيبه وحور طلعين قمرات حيث حور ترتدي فستان باللون البينك وحجاب من نفس اللون وحذاء ابيض وحبيبه ترتدي فستان باللون الزهري وحجاب باللون الابيض وحذاء من نفس اللون فبيكونوا قمرات... وتتوسطهم نجمته ومحبوبته بجمالها وبرائتها حيث كانت ترتدي فستان باللون الزيتي وحجاب باللون الكافيه ولم تضع اي مساحيق تجميل
كل واحد بياخد عروسته وبيلبسها الشبكه
وسجده بتكون واقفه فرحانه جدا فهد بيروح عليها وبيقولها: طالعه قمر لدرجه اني عايز اخبيكي من عيون الناس كلها
سجده: انت الي قمر
فهد: طب بقولك ايه
سجده: قول
فهد: تعالي نطلع اوضتنا علشان عايزك في موضوع
سجده بضحك: مينفعش يافهد دي خطوبة اخواتك
فهد: ماشي يا سجده هانت بكره هنسافر ونروح فرنسا وميبقاش في حد معانا واستفرد بيكي لوحدي بقي من غير محد يضايقنا
سجده بتضحك علي كلامه وبتقوله: ماشي يافهدي انا موافقه
فهد: طب بلاش فهدي دي دلوقت علشان هتجننيني واخدك واطلع جري علي فوق
سجده: حاضر وبيفضلوا يتكلموا ويضحكوا مع بعض وبيكون شكلهم قمر لدرجة ان المعازيم بيسيبوا العرسان وبيبصوا عليهم
بينتهي اليوم بسعاده
_______
في الصباح بيجي موعد الطيارة وسجده وفهد بيودعو العيله والعربية...... بتيجي تاخدهم وبتوصلهم المطار وبيركبوا الطيارة..... ولما الطيارة بتطلع سجده بتمسك ف فهد بخوف وبتغمض عيونها وبتغرز ضوافرها في ايده جامد لدرجة انها بتجيب دم
فهد بيحاول يهديها : اهدي ياحبيبتي متخافيش انا معاكي
سجده بتهدي من كلامه وبعد مبتهدي بتلاحظ اثار ضوافرها علي ايده وايده بتجيب دم
سجده بتطلع منديل وبتمسح الدم وبتقوله بدموع: انا اسفه والله مكنت اقصد... غصب عني والله
فهد بحنيه وبيحضنها وبيقولها: ولا يهمك يعمري
......انتي تعملي الي انتي عيزاه وانا استحمل...الطيارة. بتوصل وسجده بتكون مبسوطه جدا وماسكه في ايد فهد بحب وفهد بيكون مبسوط انها مبسوطه والعربيه بتوصل وبتوصلهم الفيلا
سجده: واو هيا قدام البحر
فهد: انا عارف انو انتي بتحبي البحر.... فاختارتها قدام البحر وبيديها المفتاح وبيقولها: اتفضلي يا اميرتي افتحي قصرك
سجده بتبصله بعشق... وبتاخد المفتاح وبتفتح الباب وبتتصدم من الي بتشوفه
ياتري سجده شافت ايه؟!!!!!