البارت السادس
*روايات عربية وعالميه🌧️❤️🩹*
`بإدارة : > آلجوكر 𖠝🍷 ♩⁽📚🖊️₎⇣℡`
*البـارت 6☆*
*📚[رواية حنين العائله]🎶♥️*
*_______*
.
الباب بيدق شهد قامت تفتح: حياا بساره حياا ادخلي
ساره دخلت: الله يحيشش كيف حالشش
شهد : الحمدالله
ساره: وين هي دعاء
شهد : هيذا داخل لحظه ادعي ها لش
شهد سارت للغرفه حقهن: دعاء جاوبي ساره
دعاء وهي ذكرت ان هي عتجي عاسب يسيرين السوق: يووه ونسوه نسيت حتى محاكي امي
ايه: ماهو ماتحاكيها
دعاء وهي خارجه لعند ساره: قالت تشتي اسير السوق معاها
شهد: ماعيرضو يخلوش
دعاء قد خرجت وابسرت ساره وبتسلم عليها
ساره: يوه ماقد لبستي مالش
دعاء: والله امي ماعيخلوني مالش انا داريه
ساره : اسكه ادعيهم وانا شاحكيهم قد انا مريعه لش
دعاء سارت لديون: امه جاوبو ساره بنت ابي عبدالرحمن
حنان: ماتشتي مني
دعاء: تشتيني اسير معاها
حنان خرجت من الديون وسارت لعند ساره: حياا ببنتي حياا
ساره : الله يحييكم كيف حالكم
حنان: الحمدالله وانتي كيف حالش وكيف امش
ساره: الحمدالله ادا لكم العافيه
حنان: قلتي تشتيني مافي نفسش ياابنتي ماتشتي
دعاء جالسه تبسرهن سكته
ساره: الا قلت قووى خلو دعاء تجي معي لسوق عميد اشتري لي شنطه وقلافد للجامعه
حنان: يووه ياابنتي والله ان ابوهن ماعيرضى
ساره: مابش من يسير معي قووى ياامه حنان تراشوه انتو
حنان: ماينفعش وحدكن وتسيرين السوق الله يرضى عليش يابنتي
ساره: هو الا لاقبل المغرب واحنا هانا والله العظيم
حنان ابسرت دعاء كيف شكله نفسها تسير وفي نفسها يالله اخليها اليوم سهل تخرج.تغير جو: سابرر ليكن بشرط
فرحين البنات
حنان: قبل المغرب وانتين هانا ماشتيش تتاخرين وشحطه ومابش ضحوكه في الشارع
ساره: والله مانتأخر والله ان هو الا نشتري بسرعه ونجي ولا عنتضحوك ولا شي
حنان: يالله سابرر
وابسرت دعاء قومي اتجهزي هاا
دعاء: وابي من عيقلهم ماعيرضو
حنان: سهل شاقوله انا
دعاء قامت تتجهز وهي فارحه
ايه بتبسرها: وين عتسيري
دعاء : عنسير السوق انا وساره
شهد: وامي هيذا مابيرضو لمه ماانتي رضيو لش
دعاء بتجهز لها زلط في المحفظه: ماعليش مني يووه والحسد
شهد: ناهي ياحجه اشتري لنا جعاله معش من عند السوبر
ايه بتخرج زلط من الشنطه حق المدرسه: هاا اشتري لي بطاطيس وسكريم بالشكولاته وحبه سعيد
دعاء بزت الزلط: ناهيي وانتي ماتشتي ياشهد
شهد ومابش معاها زلط كملتها في المدرسه: ماشتيش ولا شي اصلا مابش معي زلط
دعاء بتلبس البالطو وتتبرقع: سهل ششتري لش انا ماتشتي
شهد فرحت: قوليي والله
دعاء: هياا بغير خباله ماتشتي الادميه مريعه عيب
شهد: نفس ايه الا السكريم ادي لي بالحوامض
دعاء : تمام الله معاكن
ايه وشهد : مع السلامه
خرجت لعند ساره وسارين السوق
حنان: سهل وانت خليه تغير جو شويه وبعد قد هي عاقله
محمد: سابرر قولتي لهن لايتأخرين
حنان: ايوه ايوه
_عند البنات وصلين السوق ودخلين محل شنط وبيدورين شنطه
ساره : اين احسن هذه ولا هذه
دعاء: البني حاليه الصدق
ساره وهي بتقلب الشنطه وبتبسر داخلها: تقولي والا الاسود احسن
دعاء: الاسود حالي بس قد معش اسود
ساره : الا صدق والله جي نبسر بكم هي
سارين حاسبين ورجع سارين يكملين يشترين القلافد
دعاء وهي قلقه: هياا ساره قد هو شرق ايحين عد عنوصل البيت
ساره: يالله هاا اكمل احاسب الرجال وخطينا
دعاء: قد هي عتوقع خمس ونص
ساره وهي بتخطى بسرعه: يالله خفي ارجلش وخطي بسرعه
دعاء بتخطى بعدها بسرعه وبتبسر سياره بتلحقهن: ساره به سياره بتلحقني من حين خرجنا من السوق قد انا مفجوعه
ساره التفتت وابسرتها وهي داريه ان هي بتلحقهن بس ماتشتي تفجع دعاء: سهل ندخل الحارات امد لوما تسير السياره
دعاء وهي قد بطونها في القاع: يالله هياا اقطعي الخط
قطعين ودخلين من الحارات
والسياره جالسه تلحقهن
دعاء قد هي بتبكي: السياره بتلحقنا ياساره
ساره وهي لاتقل عن حالت دعاء : ماافعل انا قد بتبسريني بين اخطى بسرعه ومش انا داريه بالحارات هذه اول مره ادخلها
دعاء: جي نحمل
ساره وهي مفجوعه: ههههه عتلفتي الانتباه اكثر خليش طبيعي وبس واخطي عادي
دعاء : بعدش
اما السياره دخلت بعدهن وخطيت من جنبهن وقطعت عليهن الطريق
الرجال الذي في السياره فتح الزجاج: هيااا مال القمار حقنا بيحملين
البنات خلاص ماعد دريين مايفعلين صنمين بقعتهن وزد ابسرين السياره وفيه ثلاثه رجال
واحد من الرجال نزل وهي بيضحك ويقول لصحابه: الان اديهن لعندك ريع
ساره وقد هي بطونها في القاع بس بتتصنع القوه: ماللك ياقليل الحياا مابش معك مكالف في البيت مابتستحي على وجهك اخر من قبالنا قبل لا الم لك خلق الله
اما دعاء بتبكي ومنزله للخنه.حق البرقع وماسكه يد سارره بقووه
الرجال قرب لعندهن. وهن خطيين من الطريق الثاني
لحقهن ومسك دعاء من يدها: اوقعي ساعا صاحبتش ساكته ومنزله راسها
دعاء خلاص ماعد قدرت تتحاكا من الفجيعه هزرت يدها من عنده واول.مارفعت راسها اتصنمت اكثرر وعجمت ووقفت بقعتها
الرجال بيبسرها وضحك : هياا معيي وبيأشر لصاحبه بمعنا افتح السياره
ساره بتسحب دعاء وصيحت بكل قوتها وبتبكيي : يااااااغغغغاارتتتت الللله غيرررو علينااااا ياااغااارت الللههه سااعدوناا
الرجال بيبسر مابش احد وبيضحك وبيأشر لصاحبه
ساره بتلطم دعاء وبتكبي : دعاااااء دعاااااء مالشش مالششش مصنمههه احملييييي معيييي مااااالششش
دعاء في عالم ثاني ومصدوم من الشخص الذي امامها
ساره صيحححت اكثررر والرجال بيحاول يسد لقفها والرجال الثاني بيسحب دعاء
هاذك الساع خرج شيبه بعكازته من البيت سايري. للجامع وابسرهن وحمل لعند الرجال وبيضربه بالعكازه : يااديوووث ياااقليل الشررف فلتت بناتت خلق اللله فلللللتهن.
بعض من الرجال الذي كانو في البيوت سمعو صياح واحد ابسر من الطاقه والثاني خرج واول ماابسرو الرجال والبنات خرجوو الرجال ابسروهم وهم بيصيحو ويحملو لعندهم طلعو السياره وهربووو
واحد من رجال الحاره: عليهم غضب الله عليهمممم لعنت اللله هولا النجسييين مابششش معاهمممم مكالفففف اللله لاابراهممم ولا سامحهم
ساره بتبكي وبتقوم دعاء الذي قد هي مدوخه من الفجيعه