حنين العائلة - البارت الخامس - بقلم الجوكر | روايتك

روايات عربية وعالميه🌧️❤️‍🩹* `بإدارة : > آلُجوكر 𖠝🍷 ♩⁽📚🖊️₎⇣℡` *البـارت 5☆* *📚[رواية حنين العائله]🎶♥️* *_______* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ . - في بيت اول مره نزوره بيت اخو محمد.. العشي الساعه تسع الليل سليم بيفتح الباب حق البيت وهو بيترجوم وبيضحك شكله ساعا السكران ام سليم خرجت من الغرفه اول ماسمعت الباب وابسرته كيف هو وهي داريه ان هو مع الحبوب المخدرات الذي بيشربهن: وين انت من قبل امس لاتصال ولا رساله وين انت سليم. وهو بيخطى لعند الغرفه وبيبسر امه ويضحك: مالشش ياحجه ماهو ماتشتي مني ورتجم لفوق الفراش الذي كان في الغرفه ام سليم وهي ضابحه من حالت ابنه: عتستحي على نفسك عتبطل شرب هذا السم من بي علمك منن وقد هي بتبكي بحرقه الله ينتقم من كان السبب في دمارك ياابني سليم وهو مغمض عيونه ويده فوق راسه: ياسعم مش انتي داريه من خرب حياتنا ليكن والله لا اقلب عيشته اصبري بس عليا ام سليم وبتنزل دموعها على خده سارت تدي له قلص ماء بتمسك راس ابنها: قوم ياولدي قوم اشرب لك الماء سليم قام وشرب الماء ورجم القلص ورجع رقد ام سليم ابسرت ابنها وبتبكي على حالته وبتجابر روحها: من حين مات ابوك ياولدي وانت على هذا الحال مفلت لي انا واختك ماتجي الا نص الليل قد لنا خمس سنين وانت من سنه لسنه وانت بتدهور وبتضيع حياتك بهولا السمم الهاري كيف كنت من قبل ماتفلت ولا فرض وتصلي الا في الجامع وذلحين ماعد بتضرب ركعه مش انا داريه ماجرى عليكك ياولدي وبتبكييي بحرقه حرقه على ضناها الذي كيف كان وكيف رجع بعد موت ابوه الذي غير حياتهم دخلت ترقد عند بنتها وغلقت الباب وجلست تدعي الله يهدي ابنها ويبعد عنه الاصحاب السوء الذي بيعلموه ويحرضوه يفعل المحرمات الذي لا ترضي الله ولا رسوله لوما غلبها النوم ورقدت نتعرف على الشخصيات: عبدالكريم اخو محمد الكبير مات قبل خمس سنوات وعنعرف في البارات الجايه كيف لوما مات ام سليم مسكينه ومقهوره من حالها و حالت ابنها بس ساعات توقف مع ابنها وتزيد تحرضه وتعلمه ينتقم من الشخص الذي كان سبب الحادث وساعات تقوله ابرد ياولدي الله عيحاسبه وينتقم.منه ساعا الذي تقولو متناقضه لان الحزن دمرها هي وعيالها لذالك ماعد هي بحسها بعد موت ابو سليم انقطع راتبه وخرجوهم من البيت لان كان هو مستأجر بس محمد وباقي اخوته جمعو وفرقو وعمرو لهم بيت شعبي بسيط غرفتين وحمام ومطبخ على قد الزلط وهي ذلحين تسير تنظف بيوت.الجيران ويدين لها مادا الله وتصرف على حالها هي وبنتها مع ان هو محد بيفلتها من.اخوت ابو سليم.واصل وهم يتصرفو لها بس مابتكفيها لان سليم واصل وهو يشتي زلط ويجنن لامابش سليم: انسان دهور حياته وعتمت عينه عاسب الاتنقام ماعد يعرف احد معه غايه واحده وهي ان هو يشتي ينتقم لأبوه حتى امه ماعد بيبسرها حتى ماهو داري هي بتاكل بتشرب جاوعها مريضها صح كان يحب ابوه قويي بس واحد يتحمد الله ويدعي ان الله يعصم قلبه مش يتشرد سعما سليم فعل وقل الايمان لعب دور في سليم لان ايمانه ضعيف بعد موت ابوه ماعد كمل دراسته وصاحب له اصحاب سوء بمعنى الكلمه هم فعلو دور كبير في سليم وهو خاطب بنت عمه ايوووه لاتستغربو هي دعاء وعنعرف في البارت الجايه كيف ولمه رضي محمد ان سليم.يكون زوج بنته عمره 25 سنه ملاك اخت سليم مات ابوها وهي صغيره بعد حاله تحب عمها محمد قويي كملت ثالث ثانوي وبس ماعد درست جامعه لان مابش معاهم.زلط عمرها 18 سنه. ملاحظه محد عارف من اعمام ولا اخوال سليم  ان سليم بشرب لان ام سليم بتفتجع على سليم عاسب لايحبسوه _ نرجع لبيت محمد.. البنات كملين اتبدلين وصلين ورقدين.على طول قدهن تاعبات من العرس حنان وقد هي ضابحه من حسين مارضي يرقد يشتيها تجلس عنده: هياا حسين ارقد غمض عيونك وانت عترقد اشتي اسير ابسر مايشتي ابوك حسين وهو يفتجع يرقد وحده: يمه قوى. اصبرو زد شويه لما ارقد قد بين اغمض عيوني مارضي يجي النوم حنان: قد هي عشر قد حسن رقد والبنات رقدين وانت جالسه منشف حسين وهو بيتقعم: هيا ابسرتو قد بين اتقعم قد عترقد زيدو حكو ظهري وانا عترقد حنان وقد هي عتضربه بتصابر روحها مصابره دخلت يدها في ظهره وبتحك له شويه ورقد حسين حنان. قامت دفتهم بالبطانيه سوى وخرجت وغلقت الباب وسارت لغرفه البنات ابسرتهن وقد هن في سابع نومهن غلقت عليهن وسارت لغرفتها محمد كان بيدرس قرآن ابسرها دخلت : مالشش تأخرتي او واحد من الجهال ولا البنات مريض حنان: ماشيي الا حسين مقدر يرقد بيفتجع وحده قال اجلس عنده لما ارقد جنني في روحيي محمد ضحك وكمل يدرس قرآن حنان وهي بتخرج البطانيات من تحت السرير: اجلس اتضحوك عليا والتعب عليا محمد : كان.عد تقولي لي وانا شجلس عنده انا حنان بتجهز بقعتها ترقد: قد كملنا.. تصبح على خير ارجع طفي السراج لا تخليه مسرج وغلق الباب محمد: وانتي من اهله ..  حااضر تمامم ــــــــــــــــــــــــــــــــــــــــــــــــــــــــــ ‏"احلا حاجه في تيه الدنيا هاذك الحاجات الذي محد يقدر يشتريها مثل شخص يحبكم بكل عيوبكم وحضن من يبسركم كل حياته، وصحبة اصحاب اوفياء ،ودعوت أم راضيه عليكم، والرقده وانتو مطمأنين وهادئين، هولاء الحاجات مايتعوضين ولا احد يقدر يشتريهن ابداً" بقلمي🖊️🤍 _اليوم الثاني عند عائلة محمد: دعاء بتفعل الغداء والبنات والجهال في المدرسه وحنان خرجت تبسر جارتها مريضه ومحمد في العمل دعاء بتسمع الباب بيدق سارت تفتح: مننن ساره بنت الجيران صاحبت دعاء: اناا سااره افتحي ليي دعاء ابتسمت وفتحت لها الباب: حياا حياا بالقاطعه الذي لاعد بتسأل عليا ولا عد ابسرتهاا ساره وهي بتحضنهاا: الله يحييش ياقلب والله ماغير انشغلت مع الجامعه بسس ولا والله انش في حسي دعاء: انا داريه الله يعينشش صدق ويوفقش ساره: جي سجلي معي معهد انجليزي مارأيش هو عصر والكل دعاء: الله يعينشش ماقدرت لو شي اني درست جامعه وسجلت يختيي ماتعجبني. الدراسه الصدق يجيني طااوي ساره وهي داريه ان هي تكره الدراسه بشكل عام ضحكت.عليها: قدش راكنه عتتزوجيي لوما مادرستي دعاء ضحكت عليها: ادخلي من الفلسفه ادخلي جالسين باب الباب ساره: ماشي ماعد عتدخلش قد تأخرت الا قلت اجي ابسرش وابسر لأنتي عتجي معي السوق اشتري لي شنطه.قدش داريه مامعي لا خوات ولا صحبات مامعي الا انتي صاحبتي دعاء: جبرشش صدق ليكن انتي داريه بأمي الله يحفظهم مايرضوو يخلونا نخرج لوحدنا الصدق ساره: اتجهزي وانا عد احاكي امي حنان انا هو الا بسرعه لسوق وروحنا عاسب اشتي ازيد اشتري لي قلافد جنب الشنطه دعاء: ان شاءالله سابر الا لا تتشوقي خيرات يقع لش كسفه من امي ساره وهي بترد البرقع: ماعليش شي عليا اتجهزي ولا تتأخري الله معشش قد تأخرت على امي دعاء وهي داريه بأمها ان هي ماعد ترضى بس تسايرها: يالله الله معش غلقت.الباب وسارت تكمل باقي الغداء حنان جت من.عند جارتها وبتجابر دعاء: مسكينه صدق لوتبسري كيف العمليه الذي فعلتها رحمتها من قلبي دعاء: يووه الله يشافيها صدق حنان : ابسرتها ورحمتها من قلبي دعاء : الله يشافينا ويعافينا محمد فتح الباب ودخل : السلام عليكم دعاء وحنان : وعليكم السلام حنان : حياا بك محمد: الله يحييش هاا بنتي هاا جي شلي من يدي التفاح. وقطعي لنا دعاء وماقد كمل كلام وقد سارت: حااضر هاتوهن حنان ومحمد جالسين في الحجره ( يعني الصاله) محمد: والجهال والبنات مالهم اتأخرو قد هي واحده حنان: قد هم عيجو بعض الأحيان يجلسو لواحده ونص محمد: الله يعينهم ويوفقهم اليوم اتصلي سليم وقال امه وأخته عيجو عندكم الخميس ويجي نتجابر ونحدد يوم للعقد حنان: حياا بها هي وبنتها وشورغين عيونها مسرع يعقدو زد سنه سنتين ورجع سهل محمد وهو الكل غاثي ان هو عيفارق بنته: قد هي سنة الحياه.وبعد قدلها سنتين.مخطوبه ولو هو عليا مااشتي ازوج ولا واحده لااخليهن عندي حنان وقد عيونها مغورات دموع: الله يسخر لها ويسخر للباقيات محمد: يارب العالمين وسمعو دقت الباب محمد قام فتح الباب وان قد الجهال جو حسين وحسن بيدرسو مدارس خاصه والبنات حكومي حجفو ابوهم.وتعلقو فوق ظهر وبيلعبو معه وهو يحمل ويخليهم يلاحقوه حنان دخلت المطبخ تعاون دعاء بقراب الغداء: الله يحفظش ياابنتي صدق ويرضى عليش دعاء: ياربب قد البنات عيجين كم قد الساعه حنان: ايوه قد عيجين مادام الجهال جو وهن قد عيجين. وبتصيح.: حسين حسننن يالله اتبدلو غداء وغسلو ايديكم حسين وحسن وقدهم بينهلو من الحمله: حاااضرر البنات جين معاهن.مفتاح. دخلين.ابسرين ابوهن.سلمين عليه وحبين.راسه ودخلين غيرين الده حق المدرسه وخرجين يعاونين امهن ودعاء حنان بتمكن شهد السفره: هاا افرشيها في الحجره وجي كلي تفاحه شهد بزتها: حااضر ايه بتاكل تفاحه وبتبسر مابه من غداء: قدنيي جااوعه ميته جوع دعاء بتغرف الرز لصحن: يالله هيا قد احنا بنقرب شهد دخلت للمطبخ وبزت لها تفاحه: الله والشمم قدني ميتته جوع حنان: ياميته جوع قربي وشلي الخبز معش عميد لا تموتي جوع شهد ضحكت: ناهي هاتوه ايه شلت.صحن.الغداء وخرجته للحجره ودعاء شلت الماء وقربو كلهم وتغدو شهد: قد اليوم اخر يوم لي ماعد شاسير المدرسه حنان وهي بتسكب ماء لحسين: لمه ماعدتسيري شهد: ياسعم فعلو لنا عطلها. نذاكر حين انا وزاري ايه: هاذا لاذكرتي ونجحتي هاا لما رسبتي شهد : ابسرو ياابه بنتكم.تجلس تتمحنك.عليا وتقول لي ان.انا عترسب اشهدو عليها محمد: بنتي عتنجح.وترفع روسنا لمه تجلسي تقولي لها عترسب ياايه عيبب هي اختش ايه : ياابه مابتبسروش مابتذاكر والله حين كنت تاسع ماكنت.ارقد من الهم.وهي مكيفه مابتفتح كتاب حسين: وانا ياابه جيت الاول عتدو لي هديه حسن: وانا ياابه والله اني جيت الثاني عتدو لي هديه سعما حسين محمد: محلاكم.وانتو شاطرين وبتنجحو ابشررو من العيونن اعرفو احلا هديه حنان: ماشاء الله عليهم صدق الله يوفقهم دعاء: هو حين بن اذاكر لهم لوشي ان هم راسبين شهد: مابتلمحي يادعاء تشتي هديه مع الجهال كلهم.ضحكوو عليهاا وكملو يتغدوو دعاء قامت تصلي والبنات رفعين حق الغداء وايه غسولت المطبخ وشهد كنست البيت حنان وهي في الغرفه بترفع الده.حق الصلاه: ايهه جهزي نار نبخر البيتت ايهه من المطبخ وهي بتنشف القاع حق المطبخ: حااضرر. لابعد العصر البنات اتبدلين وجالسات يذاكرين ودعاء جالسه عند التلفون والجهال بيلعبو وحنان هي ومحمد في الديوان مخزنين وجالسين يتجابرو