البارت الرابع
*روايات عربية وعالميه🌧️❤️🩹*
`بإدارة : > الجوگر 𖠝🍷 ♩⁽📚🖊️₎⇣℡`
*البـارت 4☆*
*📚[رواية حنين العائله]🎶♥️*
*_______*
.
"صباح السعادة لكل من بدأ يومه بابتسامةو لكل من بدأ صباحه بكلمات طيبة فكم زهرة في القلب كانت بذرتها كلمة طيبة.🤍"
يوم جديد لعائله محمد يملئها من الحب والحنان
دعاء بستشور شعر شهد وبتبسر أيه: مالشش وانتي ماتقومي تتبدلي قد هديل عتجي
أيه وهي توريها اثنين.فساتين: مادريت ماابدل اين هذا ولا هذا ألبس
دعاء: البسي هذا الوردي حاليي
شهد : نطقم كلناا نلبس سوى
أيه وهي بتدور التلفون: اسكه اتصل لهديل ابسر مالبست عميد كلنا نلبس سوى
دعاء وهي بتمشط لشهد قد كملت تستشور لها: ايوه ضخمم
شهد قامت وبتبسر شعرها في المرايه: كيف افعل شعريي اخليه مطروح ولا ارفعه
أيه وهي بتجاوب التلفون: اسمعي نبسر هديل مالبست ورجع عنبسر كيف نفعل شعورنا
هديل جاوبت: هاا مالشش قد انتين جاهزات شويه واجي عاسب ايمن عيوصلنا
أيه : تمام مالبستي عميد نطقم معش لان اكثر الده حقنا سوى
هديل وهي بتتمسكر وحاطه التلفون فوق التسريحه وفاتحه المكرفون: لبست الفستان الأحمر هذاك الميدي
أيه : يااسلام.قد نسيته وهو انيق الصدق خلاص نص ساعه واحنا جاهزات
هديل: يالله الله معاكن
أيه غلقت التلفون وابسرت لعند البنات: نلبس الفساتين الحمر
دعاء وهي بتسشور لنفسها: يالله اشتحطين وابسرت ايه وانتي ماقد ملستي ياجده
أيه وهي خارجيه من الغرفه للحمام (وانتو بكرامه): يالله اتغسول بساعتي واجيي
شهد قد هي بتلبس الفستان: نخلي شعورنا مرفوعه لان الفستان مرقب اومه
دعاء: ايوه نرفعه ونخليه ذيل حصان حالي
شويه وقد البنات جاهزات مريعات لهديل باقي لهن يلبسين العبايات ويكملين البعسسات حقهن بس
حنان دخلت وابسرتهن شهد عاديه بتتصبغ وأيه بتفعل لها مسكره ودعاء بتجهز الشنطه حقهن للعبايات
حنان ابسرت لعند ايه: ايوه ايوه ومسكره وحركات وبتره قدش مزوجه ماعد باقي
دعاء ابسرت امها: قووى لأمي لاتكونو تربطو كل شي بزوج.ابردو خلونا نفتهن ونتبتر ونتمكيج
شهد : اصلا هو الا خفيف مش هو خيرات فعلنا
ايه: وبعد قد البنات بيفعلين اخس مننا قد احنا المأدبات
حنان ابسرت بناتها كل واحده تحاكت وفي نفسها هو صدق مش هن فاعلات قوي هو الا خفيف: ساابر قذا فعلتين وكملنا هياا قومين البسين قد ايمن بيطرق
البنات قامين ولبسين العبايات وهديل دخلت زهراء لعند امها وبتمكنها : هاا امه اوبهو لها من الجهال ليضربوها وحقها الده في الشنطه
حنان وهي ماسكه زهراء وبتحبها: حياا بروح جدتها حياا وابسرت لعند هديل ناهي تمام وانتين لاتتأخرين تنزف الحريوه وروحتين
هديل وهي خارجيه والبنات بعدها: تمام حاضر
حنان بتودعهن: الله معاكن اقرين على نفوسكن وسلمين على هاجر مني
دعاء: الله معاكم . حاضر تمام
طلعين السياره وشويه ووصلو القاعه نزلين البنات
أيه: الدعوه معش يادعاء
دعاء وهي منزله للخنه حق البرقع وبتتحاكا بصووت واطي: ايوه ووطي صوتش بتبسري كميه رجال
هديل عادهي في السياره بتحاكي ايمن: جي لنا سبع ونص ياروحي عميد زهراء لاتشغل امي
أيمن : حااضر من العيون
هديل وقدي نازله.من السياره: تسلم ليي عيوونك.الله معك في امان الله وغلقت الباب ولحقت خواتها
البنات مريعات لهديل عند باب القاعه الداخلي
جت هديل ودخلين القاعه
هديل بتبعد العبايه : وين الشنطه حق العبايات.
شهد وهي بتعطف حقها العبايه ودخلها الشنطه: هيذه عندي جي حطي حقش
أيه: افعلي لحقش العبايه علامه ياشهد عميد مش نختبص وقت الروحه
دعاء بتسبر شعرها عند المرايه: هديل اديتي معش المشط
هديل بتتعطر: ايوه ومكنتها
كملت دعاء تتسبر وتعطرت من حق هديل العطر وبتسبر لشهد شعرها: قد هو سابرر لاعد تخربيه
شهد ابسرت نفسها في المرايه وبتتحلا لروحها : جبرنيي بس والحلا فوقي
أيه كملت وبتدور العطر: دعاء وين اديت العطر مابحدوه في الشنطه
هديل وهي بتمكن ايه العطر : هيذا في الشنط الصغير دخلته عميد لتعطرنا واحنا جالسات بدل ماافتح الشنطه الكبيره
أيه بتتعطر: زد حطي المشط والكل
دعاء وفي يدها الشنطه الكبيره:هياا كملتين
شهد ابسرت خواتها : جبرناا صدق والله ان احنا تحفه حين احنا مطقمات الاربع شكلنا حالي
هديل وهي بتخبي المشط في الشنط الصغيره وخرجت لبان وبتمكن خواتها: قولي ماشاءالله وكل واحده تقرى على نفسها
أيه وهي بتاكل البان: عينفسونا سعم ان احنا جميلات قوي
دعاء.وقدهن داخلات: من قال لش يانظر والله ان احنا قبلات ياسلام وبعد الجمال مش هو كل شي اهمشي الاخلاق
شهد: نطلع طالع عميد نبسر الزفه والحريوه سوى
هديل : ايوه هيذكه البقعه فاضي
_دخلين البنات وجلسين في الكراسي جمعه وجلسين يحشين من هذك وهذه وكيف هي هذه والفستان هاذاك حالي لوماا كمل العرس
هديل : هياا بنات قومين قد ايمن جاء سرت اتصله من عند الحارسه وقال قد له ربع ساعه مريع
دعاء وهي مسنبه : ياخزاء البلا من ايمن صدق ولأحراج
شهد ماسكه للشنطه وبتخطى بعدهن وأيه بتحطم كان عد نفسها تجلس العرس وقع حالي
البنات روحين البيت وهديل نزلت تبز زهراء وكان قد هي راقده: الله معاكم يمه وسامحوني اشغلتكم
حنان: سهل مابش شي جبرهاا ماشغلتني ولا سلمي على ايمن ها وقولي له يسامحنا تعبنه(ياسعم حين وصل البنات)
هديل وقد هي في الباب: الله يسلمكم سهل مابش شي
حنان غلقت الباب بعدها ودخلت عند البنات وان قد حسين وحسن بيتهازرو على الببسي
دعاء شلته عليهم: مابش ولا لواحد يالله
حسن والدموع قد بينزلين: لمه وانا قدني مريع لكن
حنان: سير ادي اثنين قلصات من المطبخ. ونقسمه بينكم
حسن حملل قبل ماتكمل امه الحكا
حنان ابسرت بناتها وبتتحيلا لهن شهد ممدده والصندل فوقها وايه عاد هي بالعبايه وجالسه عند التلفون ودعاء جالسه تقسم لخوتها من الوجبات الذي قسمو
حنان: ايوه كيف وقع العرس جابرني وسلمتين على هاجر
ايه فلتت التلفون وابسرت امه: لو تبسرو على عرس كان عاد نفسنا نجلس وقع عرس جنن الصدق
شهد: ايوه الصدق وساره وقعت قمريهه تشدف واحد ماشاءالله
دعاء: ليكن خواتها مدري كيف لبسين شوعه مطرزات والوانهن مش هن حاليات
حنان: وهاجر تعصبت ولا تكوفرت
دعاء: قد هو جنن تتكوفر وقد هي جده مابلا تعصبت ليكن.وقعت حاليه ماشاءالله
حنان : ماشاءالله ومن جاء من الجيران.
شهد: امي عاتقه وامي صفيه قاطعتها ايه: كلهن جين معا بناتهن
حنان: سلمتين عليهن وجابرتنهن ولا جلستين خازيات
دعاء: هديل سارت تسلم عليهن وسألين عليكم مااحنا ماسرنا الصدق خزاء
جلسين يتجابرين من العرس مجابر العرس ماتكمل هههه