البارت الثالث
*روايات عربية وعالميه🌧️❤️🩹*
`بإدارة : > الجوكر 𖠝🍷 ♩⁽📚🖊️₎⇣℡`
*البـارت 3☆*
*📚[رواية حنين العائله]🎶♥️*
.
كملين.يقربين واتغدو محمد وحنان والعيال وايمن.في الديوان
والبنات لوحدهن بيتغدين
هديل وهي بتاكل: ايوه مابه من جديد مابه من اخبارر في العائله
أيه: هولاك.هم ماعيتغيرر فيهم
هديل ابسرت لعند دعاء: قصدي بيت عمي عبدالكريم مازد تحاكو من.عرس ولا شي
دعاء: ماشيي وبين وبينش والله ماقد اشتيش اتزوج ذلحين
شهد وهي بتاكل وقد لقفها ملان: لوتدري ياهديل من عيتزوج
هديل ضحكت.عليها: كملي كلي وارجع قولي لي
شهد : ابسرتي ساره بنت احمد عتتزوج وعرسها قد هو الاسبوع هذا
هديل: صوودق ماشاءالله وعتسيرين العرس
دعاء: مدري كله على النفسيه.
أيه: الا والله ان نفسنا نسير الصدق غير هميين.للجهال من عيوبه لهم
هديل: سهل الجهال عنخلي امي يجلسو يوبهو لهم.وانا اذا عتجي عتحط زهراء والكل.واحنا البنات نسير
دعاء: مايسبرش عيب من امي هاجر ( ام.ساره)هم يشتو امي يجو.مش احنا البنات.
شهد: سهل عنخلي امي يسيرو يوم الذبال ويوم الحمام.واحنا البنات نسير القاعه
أيه : الا صدق اول مره تتحاكي سوى ياشهد وبعد شكله عيوقع عرس حنان طنان.
هديل تشوقت : الا صدق مابيت ال.. هم ماشاءالله عليه ناس انيقين وذواقين.
دعاء قامت وشلت معاها الصحون: ان شاءالله اد الله العافيه
ذلحين قومي اشتحطين عميد نجلس لنا بحينه ونتجابر
هديل قامت.ورفعت باقيت.الصحون: ايوه وانا معي مجابرر ملان
دعاء وهي بتعبي ماء للغسوله وبتسكب صابون في الماء : أيه تعاوني انتي وشهد وكنسي البيت ورفعيه
شهد قامت : انا شابدل لزهراء
أيه وقد هي ضاابحه من شهد : بغيرر جنان البيت يشتي نظافه قد الجهال عصدوه عصيد كم جهدي اناا اناا تعبت
هديل بتضحك عليهاا : رعا الله ايام ماكنتي تقرحي قلب دعاء ياأيه كانت تراشيش تعاونيها وانتي ماترضي ادا لش الله شهد
دعاء ذكرت وضحكت: ايوه الله يدي للواحد على نيته كم كانت تفلجنيي
شهد ابسرت أيه وضحكت : خلاص لاعد تبكي يالله رفعي البيت وانا شكنسه
أيه ابسرتها: يهوديه
حنان جالسه هي وايمن ومحمد بيتجابرو
والجهال بيلاعبو زهراء ويضحكوها
البنات كملين العمل وبخرين البيت وتبدلين
دعاء بتفعل الحليب الشاي وتجهز البسكوت في الصحون
شهد من باب المطبخ وهي بتمشط شعرها: دعدعه امانه خلي الحليب خفيف.وثقيل اسبكيه لنا
دعاء: قد هو جاهز كملين اتجهزين نجلس لنا هياا
هديل بتغلق على بنتها الباب كرهن.رقدت
أيه ابسرتها: رقدات زهرائي
هديل: ماكرهن رقدت طلعت روحي
أيه ضحكت: يالله ها جي اجلسي قد احنا جالسات احنا وامي
هديل خطيت لللمكان الذي جالسات فيه
المهمم كمل اليوم وهن بيزبجين ويضحكين وجلسين يتجابرين من خلق الله وحنان تسكتهن وتقول لهن عيب بغير مجابره على الناس
"الأخوات هن امتزاج بين حنين الأم والأب عليك، هن مستودع الاسرار ومخزن الذكريات، اللهم أدام أبتسامتهن وأحاديثهن"