البارت الثاني
*روايات عربية وعالميه🌧️❤️🩹*
`بإدارة: الجوكر 𖠝🍷 ♩⁽📚🖊️₎⇣℡`
*البـارت 2☆*
*📚📚[رواية حنين العائله]🎶♥️*
*_______*
.
كملو اصتبحو والبنات بيتحانبين ويزبجين والضحكه ماليه المكان .
_حنان: انا والجهال عنخرج مع ابوكن اتصرف للغدا وأنتين رفعين البيت وامحطين المطبخ واجي والبيت بيلمع هديل وزوجها عيجو اليوم عندنا
ولاتنسي يادعاء ارجع سوقي الحمام(وانتو بكرامه) حق الديون بكلوركس قد هو مصفر
دعاء: حاضر يمه
حنان : خاطركن هاا
شهد: هذه المحاضره كلها سعم ياامه مدري وين عتسيرو انتو عتسيرو لهنيه ها السوق جنب اذني
حنان: بطلي حقش اللقانه هذا اتحاكي سووى انا امش وخرجت وغلقت الباب
شهد فتحت عيونها: مالهم امي عليا
أيه بتضحك عليها : قومي قومي.غسوليي من.البهرره هذا تفجعي واحد
شهد قلبت عيونها وتحاكت بزنط: انا تاسع ماشفعلش عمل معي مذاكره لفوق راسي
دعاء: تقول تيس بينازع ماهو قلابت العيون هذه وبعد سعم بتجي أوائل الجمهوريه يالله لقد جيتي 70 قدش مره
أيه خلاص قد هي عتموت من الضحك: بيقع لش قصف جبهات من الصبح قومي قومي عاونيني بالمطبخ هياا من الخباله
شهد ابسرت دعاء وقلبت مشافرها: شكرا شكرا يادعاء
دعاء ابسرتها وضحكت: لا شكر على واجب ياحبيبتي
أيه من المطبخ بتصيح: هياا هيااا شرااااق ياااجييفه ياااودللله (ياسعم كسله)
شهد قامت وبزت الإم بي ثري ودخلت المطبخ وبتبسر أيه وهي متحمسه: افتحي لنا من حقش الاغاني الحاليه افتحي عميد نتحمس ونكمل العمل
دعاء بتكنس الحجره(الصاله) وبتسمعها صيحت : ماهووو ماهوو ياشهددد جمعهه جمعهه الناس يفتحو قرآن يصلو على النبي وانتي تشتيي اغانيي
شهد اصترعت ونست ان هي جمعه: ييوه والله اني نسيت ان هي جمعه وبتبسر ايه بتضحك عليهاا شورغين عيونها بدموع: سهل سهل اجلسي اضحكي عليا والله مااعاونشش وقاامتت
أيه وهي كاتمه ضحكتها: خلاص خلاص هاا ارجعي هاا لاعد تبكيي ماعد شازيد اضحك عليشش جي عاونيني
شهد ابسرتها: اتراشيني خيرات وانا اجي
أيه : يلللعن ماعدني مكمل لاعد اراشيش
وبتدهفها تخرجها من المطبخ اخرجي اخرجي من عندي يالله مشتيش معاونتشش شكمل امد الريح
دعاء بداعي شهد: شههد ياشهد ابسري لي الكلوركس لاهو في المطبخ اديه لعندي وجي اكنسي الديون بسررعه
شهد سمعتها وقالت: ححاضر من عيونيي يادعدعه الان اجيي اعاونشش
أيه ابسرتها وطنشتها وكملت الغسوله
_البنات كملين العمل ورجعين البيت ساعا الشمعه
محمد دخل وبيداعي دعاء : جي يابنتي هاا امسكي المصروفف من يدي
دعاء مسكت المصروف من يد ابوها ودخلته المطبخ
شهد حملت.للباب: ابه اشتريتو لنا سكريم ولا جعاله ولا مد الله
محمد: ايووه كان كيف هيذاك مع حنان. عادهي بتراشي اخوتش ياكلو شويه شويه السكريم عميد لا يمرضو
شهد ضحكت : ولا يقع بهم شي بين هذا الحمى
حنان وهي داخله.من الباب : قوى لعيالي دلا
أيه حملت لعند امها: امه انا اشتي بالشوكلاته انتو داريين ان مايعجبني الا بالشوكلاته
حنان: لاعد تتضاربي انتي وشهد قد اديت كل واحده مايعجبهاا
شهد ابسرت امه وابوها ومبتسمه: عيجبرنا الباريي بعافيتكم صدق ويخليكم لناا
البنات : آمين
_حنان والبنات بيفعلين الغداء وشهد ياسعم.بتذاكر وهي بتلعب هي وحسن وحسين بطه ومافي حسها من المذاكره
محمد كمل يتروش وتبدل وتعطر وسار لعند المطبخ: يياه ياامره الجهال اشلهم معي ولا ماشي
حنان: ماشي ابرد لك.منهم عادهم ماقد تبدلو ولا قد ححمتهم سير بس انت عميد لاتتاخر على صلاه الجمعه
محمد : كان خاطركم.هاا وخرج وغلق الباب بعده
حنان بتصيح : شششهد شهههدد
ماهذه البنت عتفلجني وتقرح قلبي
أيه: يخخ كريها الصدق مارضت اليوم.تعاونيي في الغسوله كسلله
حنان: الله يهديها بس وانتين كن.علمنها بحلا ودارنها وهي عتستمعكن
دعاء وهي بتزحوق في المزحقه: سهل عادهي غاويه عتكبر وتعقل سعما أيه كبرت وعقلت وابسرتها وضحكت
أيه بتقصقص السلطله لفت.لعندها.وبسرتها بنظرات: سعم ان انا كنت نفس شهد مدلعه وماقالت ضحكو لها.
قد كنت في سنها افعل الغداء وحدي
حنان وهي بتحشوش اللحمه : بس لكن.هدار كملين فيسع شرق ورجعت تداعي شهدد
شهد وهي ضابحه خسرت في العبه: ماهوو يمه ماتشتوو مني بتبسروني بين اذاكر
حنان ابسرتها بنظرات خلتها تفتجع: اينن مذاكره هوذ بتلعبيي بين اسمع اصواتكم وعاد هي عتكذب ضغطت اللحمه وجت لعند شهد ومسكت اذنها: عتستحي على نفسش قدش بطولي وعادهي عتكذب وتتقارح.فوقي
شهد وهي ماسكه ليد حنان: ايي ايي ياامه بتوجعونيي
خلاص هاا ماتشتو ياروحي انتوو ماافعل لكمم
حنان فلتتها وابسرتها بحده: سيري حممي اخوتشش الماء قد هي دافيه وكاسريه لاتقع.حاميه قوي
شهد: حااااضر أوامر ثانيه.
حنان: ابدئي بحسين ورجع بحسن وجهزي لهم.الده الذي عيلبسوهن.قبل ماتتحمميهم عميد لايستبردو
شهدد: حااضر من العيوننن
أيه: نااس ماتخطى الا بالصميل
شهدد وهي بتحطم: امه اشهدو على بنتكمم.ابسروو كيف بتتذرب
حنان: بس هاا.وانتي كملي السلطه هذا الذي ماعد كملت
شهد ابسررتها وضحكت عليها ومدت لها لسانها وهربتت
كملين البنات وحنان الغداء وشهد حممت اخوتها وبدلتهم.وعطرتهم.
_شويه وقد الباب بيدق حمل.حسين يفتح.الباب وهو فاارح قد هو فاقد لهديل
هديل دخلت وفي يدها بنتها واليد الثانيه الشنطه حقها حطت الشنطه وحجفت حسين وحبته : يووه حياا بحسينيي جبرنيي والحلا
حسين بيهزر زهراء: اسكه ابسرهاا قووى خليني ابزهاا
حنان جت: حياا حياا ببنتي وحياا بزهاري حقيي
هديل مكنت دعاء زهراء وبتحب امها في ركبها وتسلم عليها : الله يحييكمم يايمه
شهد: حياا بالقاطعه حقنا الذي ماعد بنبسرها من مره
هديل وقد هي فاقده لخواتها واخوتها قويي وبتسلم على شهد: ماافعل لعمل زوجي بيحنبني معه مابين اقددر اجي
أيه : ابردي لش.منها جي اسلم عليش قدني فاقده لشش خيراتت
هديل حجفت أيه وبتسلم عليهاا
اما دعاء جالسه تتهازر هي وحسن وحسين على زهراء هم يشتو يشلوها وهي ماخلتهم عميد عادهم مايقدرو يشلوها سوى
شهد وهي بتشل زهراء: هاتي زهرائي هاتيها حبيبت خالتهاا وبتحببها
وزهراء تبكي
دعاء بتسلم على هديل وبيتحاضنين قدلهن خيرات من بعض
أيه حملت تشتي تهزر زهراء من عند شهد وشهد بتحمل وزهراء في يدها
محمد جاء وبيسمع ملاحقه وزهراء بتبكي
هديل ابسرت ابوها وحملت تحب ركبه وتسلم عليه: جمعه مباركه ياابه كيف حالكم
محمد وهو حاضن لها : على الجميع ياابنتي الحمدالله وانتي كيف حالشش وابسر زهراء وهي عند أيه اسكه ادي هذا النتفه لعندي
ايه مكنت ابوها زهراء وجلس يلعبهاا وهي تتكركر وتتضحوك
زوج هديل جاء من الجامع ودخل الديوان ومحمد دخل معه وفي يده زهراء
البنات بيحتشرين ويقربين الغداء لمحمد وأيمن ( زوج هديل)
أيه بتغرف في صحن بطاطه مهروسه وشويه رز ومرق وبتهرسهن وابسرت لعند هديل: هديل سري ادي زهراء اغديها قد زوجش في الديوان وابي شلو زهراء معاهم
هديل : عتفعلي فيني خيرر اسير اديها ذلحينن
طبعا البنات مايقابلين زوج اختهن