البارت الاول
*روايات عربيه عالميه 🌧️❤️🩹
`بإدارة : الجوكر 𖠝🍷 ♩⁽📚🖊️₎⇣℡`
*البـارت 1☆*
*📚📚[رواية حنين العائله]🎶♥️*
.
"العائلة هي ضماد القلب الذي يعيد تسويته كلما امعن في االلتواء،الحائط العظيم الذي نسند عليه اظهرنا كلما ارهقنا هذا."
_يوم الجمعه الساعه 7ونص الصبح قام محمد سار يتصرف للصبوح ورجع وخطي يقوم مرته بهدوء وحنان :حنان ياحنان
_حنان قامت وابسرته وهي داريه ان هو يقوم بحينه ويعجبه الصبح قلص بن: هاا مالك يامحمد تشتي افعلك قلص بن وقامت
_محمد: قد شربت قمت وفعلت لي الله يحفظش صدق ياحنان ماشي غر قد اتصرفت وقلت تقومي تفعلي لنا صبوح من حقش الحالي
_حنان وكلها حب لمحمد : هاا حاضر من العيون وقامت بتلف البطانيات وبتحاكي محمد: سير قوم البنات يقومين يالله شرق عميد يعونني والكل
_محمد: زد خليهن يرقدين شويه سهل عطله حين مابش مدارس والكل حرام وبضحكه شاجي اعاونش انا
_حنان ضحكت: لاتجي ماانت ولا اجلس بس بقعتك بتعصدني عصيد
كملت ترفع الغرفه وخرجت للمطبخ تسبر الصبوح
_شويه وقد حسن قام وبيقوم حسين:هيا حسين قووم هياا نخرج نلعب في الشارع
_ حسين وهو نوم: همم.مالك خليني ارقدد واقتلب على الجهه الثانيه
_حسن وقد هو عيبكي خرج من الغرفه وسار لعند المكان الذي جالس فيه محمد :يابه قولو لحسين مارضي يقوم عميد نخرج نلعب في الشارع قد اصحابي قالو عيقومو بحينه عميد يلعبو
محمد وهو بيضحك على حسن:ياابني عاد هو بحينه مالك وبعد من قال لك اني عد.اخليكم.تخرجو الشارع
حسن وقد هو بيبكي:ياابه قد اتفقنا احنا والعيال نخرج نلعب مالكم
محمد: بس بس جي كذا لعندي لاعد تبكي سهل كما قام حسين ارجع خرجتو تلعبو
_حنان كملت تفعل الفول ووهت عليه و خرجت من المطبخ تقوم البنات وتبسر ماله حسن
_حنان: مالك.ياحسن بتبكي
_حسن وقد مسح دموعه :حسين مارضي يقوم عميد نخرج نلعب
_حنان ضحكت عليه وابسرت محمد: ياالله.قد هو صبوح سير قوم البنات وابسرت لعند حسن وحسين عاسب يخرج يلعب مع حسن
وانا اقوم اقرب الصبوح
_محمد قام وسار لغرفه البنات دخل وابسر كل واحده في جهه
واحده ك البطانيه قد بعدتها من فوقها والذي راقده وشعرها مشعفل ابسرهن وضحك على اشكالهن
تنحنح وعدل صوته وخلاه ياسعم ان هو ضابح وبيصيح: بناات يالله قياام راقداات لذلحين يالله كلل واحده تقوم بعد عملها اشتي صبووح انا جاووع
البنات فزين من الصوت الا شهد جالسه راقده
دعاء وهي داريه ان ابوه بيضحك معاهن جلست وبتتمطط : صباح الخير يابه
محمد ضحك:صباح النور يالله قومين قد الصبوح جاهز وابسري امش لا هي تشتي معاونه
دعاء قامت وبترفع بقعتها: حاضر ذلحين اجي
وابسرت لعند أيه الذي قامت طريق التلفون : اصبحنا واصبح الملك لله هيا ماقد معانا للتلفون من راس الصبح
أيه ابسرتها: مالش عليا مالشش ابسرت الساعه كم.هي ماشتي منه وعادني قمت
دعاء: ناهي شرق قومي ارفعي بقعتش وقومي هذا المجيفه بتقصد شهد وانا اسير اعاون امي
أيه بتبسر لعند شهد وبترفع البرده حق الطاقه وفتحت الطاقه: يييه ياحجه عاتقه قوميي سعليش قد الصبوح. جاهزز قوميي بس اصتبحي
شهد قامت وابسرت لعند أيه وهي ضابحه: ياادميه مابتبسريش ان به واحده راقده تجي تفتحي الطاقه وعادني قمت تشتي تمرضيني
أيه وهي بتسحب البطانيه من فوقه: قومي قومي ولا يقع بش شي ساعا الريال
شهد بتسحب البطانيه وبريحمه: قوى ياأيه خليني زد شووننهه بس قوى
أيه وهي بتضحك كيف قلبت وعادهي كانت ضابحه: قومي قومي ياكسله قدهي 8 هياا شرق علينا وبعد ياخبلا هديل عتجي عندنا اليووم نشتي نشتحط عميد نكمل عملنا بحينه
شهد قامت ولفت شعرها المشعفل وخرجت للمطبخ تسكب لها بن وابسرت امها ودعاء بيقربين الصبوح للحجره(الصاله)
شهد حضنت امها من وراها: صباحكم انا يامه
حنان: ناهي يا صباحكم انا اشربي لش بن قبل مانخطى نصتبح وادعي الجهال من الشارع
شهد وهي بتسكب لها بن وياسعم ضابحه: ليش ياامه ماتقولو لي واحلا صباح وكلام.حالي ليش اشتي ادرى
دعاء : من راس الصبح تدي لش كلام حالي اخطي ياحجه داعي الجهال
شهد ضحكت وخرجت تدق للجهال الباب من.داخل عاسب يدخلو
حسن. سمع.الباب وابسر حسين بمعنى ابسرت مسرع لو قمت بحين.كان عنلعب خيرات.حسين ابسره وخطيو وروحو البيت
_دام وقد دخلنا في الروايه.اعرفكم على الشخصيات:
الأب محمد: انسان.طيب واخلاقي ويحب مرته وبنات بيشتغل في شركه دخلهم متوسط مالهم شي عمره 40 سنه
الأم حنان: اسم على مسمى حنونه وطيبه وتحب زوجها وبناتها وعيالها ربه بيت درست لتاسع ووقفت عمرها 37سنه
البنت الكبيره هديل : مزوجه ومعاها بنت عمره سنه واسمها زهراء عمرها 25سنه
البنت الثانيه دعاء: كملت الثانويه وماعد تشتيش تدرس جامعه مخطوبه على ابن عمها بس مش هي مرتاحه له قوي عمرهاا 22 سنه
البنت الثالثه أيه: تحب خواتها قويي قوي وهن صندوق اسرارها ومابه من حاجه حاكت خواتها. وهي ذلحين صف ثاني ثانوي عمرها 17 سنه
البنت الاخيره شهد: شهد وماادراكم.ماشهد لقنه ومرحه ودائما تضحك.خواتها بمجابرتها وحركاتها وهي ذلحين صف.تاسع عمرها 14 سنه
واخيراً التؤام حقنا حسن وحسين : جو حسن وحسين بعد اربع بنات وفرحو بهم قويي المهم قدهم في صف الثاني عمرهم 8 سنين