البارت الثامن عشر
*– ࢪواية :«تدري بالي فيني لاتزودها علي».*
*– الباࢪت:«18».*
*– الڪَاتبه :«زينب محمد».*
ــــــــــــــــــــــــــــــــــــــــــــــــ
*قناه : روايــات سعوديــه🩷🎀 .*
`` ```https://whatsapp.com/channel/0029Vatlmi0DzgTIpXl79x1T```
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*____________*
بيت ابو مشاري"
محمد بخوف:نتالي منو سوئ فيك كذاا
نتالي وقفت وضربت فيه:كل ذا منك يالحقير انت السبب حسبي الله عليك انت السبب
محمد يحاول يهديها:نتالي خلاص تكفين هدي بتتعبين حالك
نتالي عطيتهه كف:تراني تعبت الله ينتقم منك يالي ماتستحي ماتوقعت منك كل ذا انا اشلون كانت اصدقك وحبيتك اشلون وانت واحد كذاب حيوان حقير
محمد قاعد يسمع كلامها ويحس بسكاكين تنغرس بصدره نطق بقهر:اضربني سوي الي تبين تراني استاهل
نتالي دفشته:ترى الضرب مايفيد انت كسرتني ابوي امي صقر اخوي كلهم يناظرون فيني بحقد وكره دمرتني والحين جاي تبي تشوف اشلون صرت صحح
محمد:نتالي تكفين تسمعيني ترى والله ماسويت"سكت وقت شاف نتالي تناظر لخلفهه بخوف
محمد :نتالي شفيكك
نتالي نطقت بخوف:صقر والله العظيم انا مالي شغل والله اهو الي جاء
محمد صكر عيونه بقوة وبداخله"ياالله شسويت انا وش يفكني الحين من المصيب ذي رحت فيهااا
صقر سحب محمد وضرب فيه بقوة:انت مسويهااا يالكلب طعنتني من ظهريي اشلون تجيك القوة تسويهاااا
محمد:صقر اسمعني بفهمك السالفهه
صقر ضربه بكس بوجهه:وشش عاد تبي تفهمني تراني دريت بكل شي مسويهه يالنذل"جاء يضربه البوكس الثاني محمد تصدي لها:اقول ترى الي صار فيكك كل ذا من ورئ بلويكك يالكلب
صقر:وش من بلويي اقول لاترد الغلط عليي وانت الغلطان
محمد:ترى الي سويتهه باختك تستاهل انا سويت كذا عشان انتقم منكك
صقر بعصبيه ضرب محمد لكمات بكل وجهه:شسويتت فيككك يالكذاب عشان تسوي باختيي
محمد مسك يد صقر ولويها:شسويت ناسي صحح بسببك اختي موتت حالهااا بسببك خسرت اختي
صقر:اختك الي جاتني شدخلني انا
محمد بقهر رمي صقر للأرض ونزل فيه ضرب:لاتكذب ولاتحط الوم على اختي"ويضرب فيهه بدون رحمه
نتالي خافت :محمد تكفى بيموت فكهه
محمد العصبيه والقهر عاميينه المهم عنده يبرد حرتهه فيه
نتالي حاولت تبعد محمد من صقر بس محمد كان اقوئ"ركضت تصارخ وتنادي في ابو مشاري
نتالي:عمييي تكفى صقر بيموت
ابو مشاري:اشلون وينهه
نتالي:بيموتهه تكفى تعال
مشاري وعبود ركضو للخارج وشافو محمد يضرب في صقر بقوة
سحبو محمد من فوق صقر الي كل وجهه دم
محمد :فكونييي عليهه والله بموتهه فكونيي
مشاري:محمد انجنيتت
محمد:مشاري فكنييي ولا تدخل
عبود:اذكر الله وقلنا وش سوى فيكك
صقر وقف:مشاري لاتترك ذاا الكلب
مشاري:الحين شفيكم
صقر:ذااا الكلب اهو الي لعب على نتالي
ابو مشاري:وششوو
محمد:ترى صقرر فاهم غلط
عبود:وشش غلط تراني شاهد
محمد:عبود انت خليك ساكت
عبود:لييييه ماتبي اتكلم بالحقيقه
محمد:مشششاري كلم عبود يسكت احسن له
مشاري:عبود انت روحح وحنا نتفاهم معه
عبود:ليييهه عشاني بتكلم بالحقيقه
صقر:عبود انت وش تعرف عن محمد
عبود:شفتهم مره كانو بالحديقه حقت بيتكم
صقر:ولييييه ماعلمتني من زمااان
عبود ناظر نتالي:لانو في حد مهدد فيني ومدري وش
صقر تقدم من نتالي ودفشها بتجااه محمد:خذهااا معاد نبيهاا
نتالي ناظرت صقر بصدمهه
.
.
ـــــــــــــــــــــ
في المستشفئ"
رعد دخل الغرفه ونفجع لين شاف ميار تبكي حط الاكل بالطاولة وتقدم منها:ميارر بسسم الله عليك شفيكك تبكين
ميار ناظرت رعد وزاد بكاها اكثر
رعد بخوف:ميارر تكلمني شصار فيكك
ميار قاعدة تبكي من غير ماتجاوب عليه
رعد ساعدها تجلس مسح دموعها:خلاص ترى قلبي يوجعني مابي اشوف دموعك
ميار:رعد
رعد:عيونهه تكلمي وش تبين
ميار:انت اخوي جد
رعد:ااييي "طلع الورقة من جيبت البنطلون"وذا التقرير تبع التحاليل الي سويناهم تراكك اختيي
ميار للحين ماوقفو دموعها"افااا الحين ليييه تبكين
ميار:مادري
رعد:اشلون ماتدرين ترى ماحد يبكي من غير سبب
ميار مادرت وش تقول:اها لاني خلاص مادري
رعد:وش
ميار تبي تصرف الموضوع:جوعانه ابي ااكل
رعد:زيين ياعيني.....
ميار:رعد متى بطلع
رعد:بكره
ميار:لا ابي اليوم
رعد:ليييه اليوم خليك لبكره عشان اطمن عليك اكثر
ميار:مابيي اكره المستشفئ
رعد:كلها يوم بس وبكره اطالعكك
ميار:مابي
رعد:زيين لين تخلصين تاكلين
ميار:الحين خلصت يلا
رعد:وش خلصتي باقي مااكلتي كل الاكل
ميار:شبعت الحمدالله
رعد:متاكدة
ميار:ايييهه يلا نطلع
رعد:طيب قومي بنروح
.
.
ــــــــــــــــــــ
في الاستراحةة"رقم"17
عبدالله دخل الاستراحةة وبيده الحلا
عناد:خيرر وش جايب معك
سامي:سلامات ياخي شفيه كتفك
عبدالله:صار حادث بسيط"حط الحلا بالارض"تعالو ااكلو
عناد:وش المناسبه
عبدالله:تعال ياخي تراني شوي وبطير من الوناسه
سامي:علمنا يمكن حنا نطير بعد
عبدالله:لاا الا شخباركم
عناد&سامي:تماامم
سامي:منو مسوي الجرح ذا
عبدالله:سالفهه طويله
عناد تعدل بجلسته:وحنا جالسين يلا علمنا بالسالفه كلها
سامي:ايييه والله مانت طالع لين تعلمنا
عبدالله:زيين زييين"وسرد لهم كل السالفهه
عماد:اما عاد مسوي لي فيها البطل
سامي:انخبلت انت اذا جاتك الرصاصه بمكان ثاني
عبدالله:تراني علمتكم بالسالفهه مب عشان كل واحد يجيب كلام
عناد:هههههههه بس وربي انك مجنون ماتفكر عدل
عبدالله:ادري خليت العقل لك عشان تفكر بدالي
سامي:هههههههههههه
عناد:اسكت ترى مايضحك الا اقول بتوافق يشتغل معاهم
عبدالله:ان شاءلله بشوف الشغل اشلون
سامي بعمزهه:انا من رائي تشتغل عشان فارست احلامك يمكن يصير نصيب
عبدالله حب فكرت سامي:ان شاءلله
عناد:المهم الحين هات الحلا ناكل
عبدالله:ااكل منو ماسك فيك"ورد يفكر بكلام سامي وبنفسه يتكلم"الحين جد اذا صرت اشتغل عنده يصير في نصيب فيها ان شاءلله يااارب
.
.
ـــــــــــــــــــــــ
بيت ابو مشاري"
صقر تقدم من نتالي ودفشها بتجااه محمد:خذهااا معاد نبيهاا
نتالي ناظرت صقر بصدمهه
ابو مشاري:صقرررر مايصير تسوي كذاا
صقر:ليييييييه مايصير تراهااا تستاهل ارميهاا للشارع تعيش معا الكلاب
ابو مشاري عطا صقر كفه:عيب الي تسويهه واختك احترمهاا
صقر بعصبيه:ترفع يدك عليااا عشانهاا عشان ذي اﻟـ*** وش بقئ وش خلت عشان احترمها تراها ماتسوئ ريال واحد
نتالي انهارت بالارض تبكي
محمد بصراخ:صقررررررررر تراني سكت لك كثيرررر تراها اشرف منكك يالخسيس والله اذا تتكلم عليها بحرف ياويلك
صقر:وش بتسوي باالله انقلعع من وجهيي
محمد تقدم من ابو مشاري:عمي انا طالب نتالي على سنة الله ورسولة
ابو مشاري:يصير خير
محمد:تكفى لاتردني
ابو مشاري:تعال معا الاهل وخير ان شاءلله
صقر:لا مب له لزوم الاهل ياخذها الحين والا قسم باالله ماتعيش لبكره
ابو مشاري:صقررررر خلاص اسكت ولاتدخل
صقر:مب ساكت ياخذهااا من قدام وجهيي
مشاري:شفيكك ترفع صوتك بوجهه ابوي اسكت
صقر:انت خليك بعيد ولاتدخل
عبود:اقول احترم حالك احسن مانرميك بالشارع
صقر:اصلاً مب قاعد عندك "سحب نتالي معه
ابو مشاري:صقررر وش تسويي فكهاااا
نتالي:صقر فكنيي شسويت فيكك فكنيي مالك شغل فيني ومنو انت عشان تعاقبني فكنيي
صقر رميها للشارع:انتي واحده مب مننا وانسي انك واحده فينا
ابو مشاري:صقررر لاتضن ابوك مب موجود مافي احد وش التصرف ذا السخيف
صفر:عميييي انت لاتدخل ممكن
محمد:ياعمي انا باخذها ماقدر اخليها هنأ اكثر بروح اجيب الشيخ ونملك
صقر دفش محمد:اقول توكل اذلفففف قبل ارتكب فيكك جريمهه
ابو مشاري:صقرررررر
صقر:خليهههه يروح من قدامي قبل اموتهه
محمد ناظر صقر بحقد وطلع من البيت......
.
.
ــــــــــــــــــ
في السياره
فهد:ويين ذاا راح ومارد
سطام:اقول فهد انزل السوبر وشف وش عاد يشتري
فهد:زيينن بروح اشوف احس انو يشتري ﻟـ10سنين لقدام وش ذا ساعه منتظرين
سطام:تمام ياخي انزل وروح شف وش عادي باقي
فهد:طيب"نزل فهد من السياره ودخل السوبر يدور وين صقر
لف السوبر كامل وطلع لسطام
سطام:ويننهه
فهد:مب فيهه
سطام:اشلون
فهد:لفيت السوبر لف مالقيت له حسس
سطام:متاكدد
فهد:ايي والله متاكد حتى اتصل عليه مايرد علييي
سطام:الله يستر وين راح ذا
فهد:مادري"رن جوال فهد وطلع الجوال وشاف المتصل محمد
سطام:منو
فهد:محمد"هلااا يامحمد خير وينك
محمد:فهد ابيك تجيني معا سطام للاسراحهه وينكم للحين
فهد:حنا عند السوبر وقفنا عشان صقر وللحين مارد
محمد:لاتتعب حالك تراه بيت ابو مشاري
فهد بخوف:خيير وش صايرر لاتقول
محمد:تعال بسرعه ياخي مب وقت الاسئلة
فهد:تمام الحين نجييك"طلع السياره"سطام خلينا نروح للاسراحهه
.
.
ــــــــــــــــــــ
الصبااااااحح"
بيت رعد(ابو صقر)
دخل الغرفهه وفتح البردايات والتفت ﻟـ ميار الي نايمهه تقدم منها وجلس طرف السرير:اريج حبيبي
ميار فتحت عين والثانيه مغمضه:وش تبي
رعد:ترى الساعه11كل ذا نوم يلا قومي
ميار:احلف عاد
رعد:والله الساعه11:12
ميار فزت:اشلووون كل ذا الوقت نوممم وماحسيت
رعد:لانك كسلانههه
ميار:لا بس اول مره يعني انام كذا
رعد:ليييه ومن زمان اشلون
ميار:عادي الا وين بتروح كاشخ
رعد بأبتسامة:بطلع معاك المطعم نفطر وبعدين نروح السوق ابيك تشترين الي تبينن
ميار:طيب مشكورر
رعد:يلاا سريعع روحي غيري ملابسكك تراني انتظرك تحت
ميار:زييينن"خذت لها ملابس ودخلت الحمام(الله يكرمكم)
.
نزل رعد للصالون وشاف عبدالله معا تميم وناصر
رعد:ياهلاااا بالي جانا
عبدالله:هلاا فيكك
تميم:اهوووو رعد معاد نشوف لك حسس ياخي كل وقتك معاهاا تراني اخوك
رعد:اقول قم اذلف من قدامي
ناصر:ترى كلامه صح مين امس معاد شفناك يعني خلاص الحين ننسئ انو نشوفك
رعد:لا وش ذا الكلام
تميم:انا الصراحه جاتني فكره
رعد:وش
تميم:اذا قلت لك اني ابيهاا تعطيني ياها ومنها اقعد معاك وياها وش قلت
عبدالله التفت ﻟـ رعد بخوف وبداخله"ماخلصت من مشاري يجيني ذا حسبي الله بسس وش من عالم ذولا مايبون الواحد يرتاح
رعد يناظر تميم بنص عين
تميم بضحكه يدري انه جاب العيد:شفيكك ياخي والله امزحح
ناصر:الحين مب موقت مزحكم اتركو عبدالله يتكلم باليي يبيهه
رعد التفت ﻟـ عبدالله:السموح منك كل من ذا الثور"ويأشر باصبعه ﻟـ تميم
تميم:فاااااا الحين انا ثورر
رعد:اسسكتت خليهه الرجال يتكلم
تميم:زييين عبدالله تكلم
عبدالله:رعد صراحه انا فكرت كثير بعرضك للشغل
رعد بمقاطعه:لاتقول رفضتت ياخي والله ابيك تشتغل
تميم:شفيكك تقاطع خليهه يكمل
عبدالله:تراني فكرت زينن وكلمت ابوي وامي انا موافق اشتغل بس ابي اعرف شوي عن الشغل وشلون يعني
تميم:لاتخاااف انا اعلمكك كل شي
رعد بأبتسامةة:تدري احلاا خبر سمعته مبروكك ياخي
عبدالله:الله يبارك
.
.
ــــــــــــــــــ
في الاستراحةة"مافي غير صقر
صقر:انتت من جدك تتكلم اشلون مليووون وانا ماخذيت منك غير ﺑـ500
الرجال الشايب:مالي شغل ياتجيب فلوسي يباخذك السجن
صقر:طيب انا ابي اعرف اشلون صارت مليون فهمني السالفهه
الرجال الشايب:صقر عطني فلوسي والا"طلع المسدس وحطهه براس صقر"قسم بفضيه براسك
صقر بخوف:راشد اذكر الله شفيككك خلينا نتفاهم
راشد:وش قلت فلوسي تعطيني الا افضيه براسك انت ومشاري
صقر:فلوس ماعندي فلوس كل شي راح مني
راشد:مالي شغل ابي فلوسي وبسس شقلت بتجيبهااا
صقر:هديي لاتعصب والله الحين ماعندي فلوس عطني فرصه لين اجيبها
راشد بابتسامة خبيثه:مابي انتظر لين تجيبها
صقر:طيب شسويي من وينن اجيبهاا
راشد:عندك خوات ابي واحده فيهم
صقر:خوات شدخلهم بالسالفهه
راشد:بدال فلوسي وش قلت
صقر تذكر سوات نتالي وسوتها:اكيددد موافقق
راشد:جد
صقر:والله موافق
راشد:زيينن بجيكك اليوم العصر نملك
صقر:تمامم زييننن
محمد سمع كلام صقر وراشد وطلع من الاستراحهه من غير مايدرون.
.
.
ــــــــــــــــــ
في السوق"
رعد:اريجج
ميار:الحينن ليييه تقول اريج تراني احس اني شخص ثاني
رعد:وانتي الحين شخص ثاني اريج خالد اﻟــ......
ميار:رعد
رعد:عيونهه وش تبينن
ميار:ابي اشوف اشلون كان ابوي وامي
رعد ناظرها:الليل اعلمك كل السالفهه وترى عندي فديوهات كان ابوي يصورفيهم
ميار:اجل خلينا نرد الحين البيت ابي اشوفهم
رعد:الحين تاخذين كل شي وبعدين تشوفين
ميار:خليهم لبكره
رعد:اليوم يلاا يمكن بكره ارد للشركة
ميار:طيب زيين
.
.
ــــــــــــــــــ
بيت ابو مشاري"بعد العصر"
صقر دخل البيت :عميييي
ابو مشاري:خييير شجابكك
صقر:ترى في رجال جااي الحين ويبي نتالي
ابو مشاري:وش يبيهاا
صقر:يبيهاا والحين جااي يبي الملكهه
ابو مشاري:وشش تتكلم فيههه اشلون كذاا تجيب اختك لاي شخص
صقر:عمي انا اعرف راشد رجال ونعم فيه بس ماكان يستاهل نتالي مسكين الرجال يفكر ميار لسا موجوده
ابو مشاري:صقر خلاص اسكت اذا ذا كلامك لييه مارديته
صقر:الرجال حرجني حالف مايتزوج الا اختي وانا وافقة عليهه وانت تدري بنتالي شسويت
ابو مشاري:طيب لين يجي وبشوفه اشلون
صقر:طيبب"انا بروح ﻟـ مشاري
ابو مشاري:زيين
نتالي سمعت كلامهم وردت للغرفه تبكي
مشي صقر لغرفهه مشاري ودخل بسرعه وقفل الباب
مشاري:خييررر شفيك كذا داخل
صقر:مششاري رحنااا فيهااا
مشاري:اشلون
صقر:راشد يبي الفلوس والا بنروح فيها
مشاري:شدخلني براشد تراني تركت الشغلهه ذي
صقر:تركتهااا بسس باقي مارديت فلوس راشد
مشاري:اهو عطاني سنهه عشان اجيبها
صقر:بس الحين يبيهاا تووه الظهر جاي ويبي الفلوس
مشاري :واشلونن تصرفت
صقر:باخر لحظه نجيت فيهاا قال يبي واحده من خواتي
مشاري:شقلت له
صقر:واففةة بس ابيك تكلم عمي ان راشد رجال كفو وحنا نعرفه من زمان
مشاري:طيبب صقر مشكور بس اتوقع ابوي مايوافق ماشتوف راشد رجال في اﻟـ40اشلون يعني ونتالي توها في اﻟـ17او18
صقر:ولو تراك خووي المهم ابيك تروح تكلم عمي عشان يوافق ومب ضروري فارق العمر المهم تتزوج ونخلص منها
مشاري:تممام الحين اروح لهه
صقر راح ﻟـ امه وفهمهاا ورد لغرفة نتالي:وانتي وش مبكيك قمي يلا تجهزي ترى الحين الرجال بيجي ويبي يشوفك
نتالي بصراخ:اطلعععع يالكلب اطلععع
صقر طلع وطق الباب بقوة خلفه
.
.
ــــــــــــــــــ
في الشركةة"
تميم:ماششاءلله ماتوقعتك كذا تفهم سريع
عبدالله:كل ذا بفضل الله ثم بفضلك وبعدين تراني درست سنتين ووقفت بعدها
تميم:ليييه وقفت ماخلصت
عبدالله:الظروف ياخي شسويي
تميم:ياعيني يلا الحين انا بروح اشوف باقي الاشغال وانت كمل شغلك
عبدالله:تمام
طلع تميم واتصل ﺑـ رعد وكلمه بذكاء عبدالله وفهمه السريع للشغل
ناصر:تميم
تميم:هلا
ناصر:ترى بكره محاكمت ابو صقر
تميم:جد
ناصر:اييهه ان شاءلله يكون كل شي لصلحنا
تميم:ان شاءلله
ناصر:وين عبدالله
تميم:بمكتبه وش تبي منه
ناصر:بروح اقعد معاه شوي ونسوالف اذا ماعليك امر كلم السكرتير يجيب قهوة للمكتب
تميم:اقول تعال مافيك تروح له
ناصر:خيرر ليههه
تميم:الحين مشغول مب فاضي لك
ناصر:بروح اشوف
تميم:لااااا قسم بكلم رعد
ناصر:افاااا طيبب مب رايح لهه عمئ
تميم:ناس ماتجي الا بالعين الحمراء
ناصر:مالتتتتت
تميم:الحين روح شف شغلك عشان بكره
ناصر:ادري يلا سلام
تميم:الله معك
.
.
ــــــــــــــــــــ
بيت ابو مشاري"
دخل محمد ومعاه الشيخ سلم على ابو مشاري الي مستغرب وراح قعد والشيخ جنبه وبعدها ﺑـ10دقايق
دخل سطام وفهد للمجلس ونصدمو ﺑـ محمد الي كاشخ والشيخ موجود
محمد:يالشيخ الحين الشهود اجو خلينا نملك
الشيخ:زيين بسم الله
راشد:وشش تملككك انهبلتتت انت
محمد:لا مانهبلت بسس انت من جدك تبي تتزوج واحده اصغر من عيالك
راشد:شدخلك انت قم اذلففف يلاا
الشيخ:الحين منو المعرس تراني عندي شغل مابي اتاخر
محمد:انا المعرس
صقر:لاتصدق راشد المعرس
مشاري:اييي يالشيخ راشد اهو العريس"وقف مشاري واخذ محمد معه للخارج
محمد:وش تبي
مشاري:الحين تنقلعع من بيتنا مابي اشوف لك حسس
محمد:ليييه وش بتسوي
مشاري:والله يامحمد اذا ماتروح الحين صدقني امك معاد بتشوفها
محمد بصدمهه
عبود من خلف مشاري:مششششاري للحين ماتركت نذالتك وتبي ميار تجيكك صدقني ماهيب جايهه لك وانت كذا
مشاري:عبود انت شجابك
محمد مشي بسرعه ورد للمجلس"
محمد:يابو مشاري انت اشلون ترضئ تزوجها للشايب ذا
ابو مشاري:شفيهه رجال ونعم فيه ومشاري وليدي يعرفه
محمد:بسس ذاا خداع تدري لييهه بيتزوجها عشان عند صقر ومشاري فلوس له
ابو مشاري:وششش
محمد:الي سمعت توجهه لسطام:سطام وين الفلوس
سطام عطيهه الفلوس بالشنطة
محمد اخذها ورميها لقدام راشد:ذي فلوسك خذهااا وترى حطيت عليها اضافي
راشد ناظر محمد وفتح الشنطة يشوف الفلوس بسرعه ونصدم من كثرها"وقف بسرعه وطلع من المجلس والابتسامةة شاقةة وجهه
محمد بسخريةة:روح الله لايردك "والتفت ﻟـ ابو مشاري عشان يملكون الحين.....
.
بالداخل"
نتالي ببكئ:يمه تكفين مابيه مابيهه اشلون اتزوج واحد كبر ابوي
ام صقر:وششش ماتبينن بتاخذيهه غصب عليكك
ام مشاري:نتالي اشلون الحين ماتبيهه ترى اذا حد غيره ماكان رد لك وياخذك
نتالي:شفيكم عليييي انتوو انا شدخلني عشان اتحمل اغلاط صقر شدخلني وزواج ماني متزوجهه مب غصب
دخل صقر وبيده الكتاب عشان نتالي توقع وابو مشاري معه
صقر:وش تتكلمين لك عين ترفضين يالوصخهه
نتالي بعصبيه:صقر انت اخر واحد يتكلم مالك شغلل فيني لاتضن اني ميار اسكت لك دوم وارضئ في كل شي
صقر تقدم منها يبي يضربها ابو مشاري وفقه:صقررررر اعقللل
صقر:ماتشوف وش تتكلم الي ماتستحي
ابو مشاري:خلاص هات انا بكلمها
صقر:الحين توقع والا قسم باالله ماتشوف شمس بكره
ابو مشاري:صقررر اطلع
صقر:مب طالع لين توقع
نتالي:مب موقعهه اهوو غصب اذلفففف
صقر سحبها من شعرها:والله بتوقعين وغصب عليكك والا برميك للشارع
نتالي:ارمييي اهون من اني اتزوج الشايب
صقر:غصبب عنككك تتزوجيين انا ماجيت اخذ برائيك جيت ابيك توقعينن والا
ابو مشاري:صقرر قصر صوتكك ترى الشيخ بيسمع
ام صقر:نتالي وقعين واسمعي كلام اخوكك ترى كل ذا عشان غلطكك
نتالي:حتى انتي يمه
ام صقر:اييهه يلا وقعي مابي فضايح مره ثانيه يكفي الاولى وش مسويهه مابي ننفضح قدام خلق الله
نتالي ناظرت امها بانكسار خذت الكتاب ووقعت نطقت بوجع:ذا بيكون اوراق موتي كلكم تخليتو عني بس انا بريحكم مني للأبد معاد ابي اعيشش"طلعت سكين صغيرة وقطعت الوريد"نطقةة بوجع:بريحكم مني"وطاحت بالارض ويدها تنززف..........
ام صقر بصراخ:نتاااالييييييي شسويتييي
صقر واقف بصدمهه من حركتهااا وشلون سوت كذا
ابو مشاري:لاحول والا قوة الا باالله شسوت البنت
.
.
ـــــــــــــــــــــــ
في السووق"
ميار بتعب:رعدددد خلاص والله تعبت
رعد كل الاكياس بيده:من وش تعبتي ترى انا الي ماخذ كل شي وش معك باالله
ميار:كل شوي روحه رده الا اقول هات باخذ منك
رعد:لا والله ماتخذين شي انا باخذهم
ميار:مابي اتعبك
رعد:وش من تعب يلا وش عاد تبين
ميار:خلاص معاد ابي شي
رعد:زييين خلينا نروح مطعم تراني جوعان
ميار:زييين
مشو حاسبو الاغراض وطلعو من السوق للمطعم.
خلصو ياكلون وردو البيت
وقف رعد السياره ونزل
ميار تناظر فيه بستغراب:لييه وقفت هنأ بيت منو ذا
رعد التفت لها بأبتسامة:بيتنا
ميار:مب انت خذيت
رعد:اييه بسس بقعد معك بذا البيت احسسن مابي شي يذكرك بالماضي وكل شي عشيه الحين وترى ناصر وتميم بيقعدون بذاك البيت عشان كذا ماتقدرين تاخذين راحتك يلاا انزلي بعلمك بغرفتك
ميار بحماس:طيبب "نزلت من السياره ومشت معا رعد للداخل
رعد علمها على كل البيت ووصل الحين لعند غرفتها"اريج ترى الغرفه ذي لي وهذي بتكون لك عشان اذا تبين شي تجيني بسرعه
ميار:الحين ابي اشوف الغرفهه خلينا ندخل
رعد:زين ادخلي
فتحت ميار الباب وباندهاش:ووووااااااااوووو رعد منك جد ذي غرفتي
رعد:اكيدددد
ميار نطت على السرير:تهبببببللللل اشلون جهزتهاا بذي السرعه
رعد:عشانك بسوي كل شيي
ميار وقفة تشوف كل ارجاء الغرفهه
رعد وقف ومكتتف بالباب:عاجبتك
ميار:يب مررررره
رعد:حلووووو الحمدالله"دخل للغرفه وقت اجين ثلاث حريم وبيدهم الاكياس"دخلو لغرفه الملابس يرتبوهم وطلعو للغرفه يسلمو على ميار
رعد:روز، جيلان، لمئ
ميار بستغراب:اييه منو ذولا
رعد:ذولا الشغلات حقتك اي شي تبيهه اهم يسوو عنك طيب واي واحده ماتسمع كلامك علميني وانا بجيب غيرها
ميار:يييي ترى مابي انا بسوي كل شي لحالي
رعد:لاااااا من اليوم مابتسوين شي
ميار:بسس
رعد:كلامي ماعيدهه اذا تسوين شي تراني بزعل منك
ميار:طيب رعودي
رعد:الحين غيري ملابسك وتعالي غرفتي
ميار:تمام
طلع رعد من غرفة ميار وتوجهه لغرفة وطلع كل السيديات والبوم الصور
بغرفةة ميار"
جهزت لها الشغالة ملابس لبست ميار وطلعت للغرفة وهنأ الشغالة مشطت شعرها
والشغالة الثانيه اجت تحط الميك اب ﻟـ ميار
ميار:لا مابي
الشغالة:متل مابدك
وقفة ميار وطلعت من الغرفة ﻟــ غرفة رعد"
.
.
ــــــــــــــــــ
في الشركةة"
اخذ عبدالله الملف وتوجهه لمكتب تميم
دخل بعد ماطق الباب
تميم:هلاا عبدالله تفضل
عبدالله:زاد فضلك جيت ابي تشوف لي الملف ذا
تميم:زيين اقعد بشوفه الحين
عبدالله:طيب"عطئ الملف تميم وقاعد يناظر فيه لين يخلص يقراءة
تميم حط الملف بالطاولة:كل شي تمام
عبدالله:معاد يبي تعديل
تميم:ايييه الملف جاهزة باقي رعد يوقع عليه
عبدالله:تمام"اخذ الملف وكان بيطلع وقفه تميم"عبدالله
عبدالله:هلا
تميم:تعال ابي اقلك شي
عبدالله:طيب تفضل
تميم:بسألك مشاري متى تزوجها
عبدالله:منو
تميم:اخت رعد
عبدالله :مادري الحين مشغول مب وقت السوالف
تميم:ايه والله انك صادق السموح منك
عبدالله :ولو عادي
طلع من المكتب بسرعه وبداخله يدعي ان تميم مايكون يبيها ﻟـ ميار يارب صبرك الحين من وين جاني ذا نشبهه الله يعيينن للايام الجايةة
.
.
انتهي البارت الثامن عشر "
توقعاتكم
*_تتوقعون نتالي تموت؟!!*
*_مشاري بيطلق ميار او لا؟!*
*_وش بيسوي عبدالله عشان تميم ماياخذ ميار؟!!*
*____________*
> *يتبــ؏ . .*
*استغفر الله*
*سبحان الله*
*الله اكبر*
*الحمد لله*
*لا اله الا الله*
*____________*
إشراف|غيداء النجد.
تفاعلكم لنستمر🩷.