البارت التاسع
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| التــاسع⁹↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
-" وصلت بهواجيسي بلاد العجم والروم
وانا حوش... بيتي ما تعديت بيبانه :
____
نكمَل..
نزل ويا اخوانه مشعل وحسين ينزلون القطه وا وهاج ومطلق يجهزون الخيمه والشبه ؛
مشعل بصراخ: ي مطلققققق البطاريه ذه بها شحن؟!.
مطلق رفع راسه بعد ماكان مدنق يربط الحبل حق الخيمه نفظ يدينه وعقد حواجبه وقال: ايه بها شحن مير البطاريه الصغير الي يبيك شوي تشحنها.
هز مشعل راسه وهوه يشبك البطاريه لجل تشحن ناظر حسين الي كان يرتب الاغراض من مأكل ومشرب بحكم انهم بيقعدون يومين قال: حسين بالله اربط الخروف زين لايهج والله محدن يركض خلفه غيرك.
حسين هز راسه: ربطتوه ماعليك.
مشعل هز راسه بزين؛
وهاج بعد ما جهز الفرشه وركب المبه وجهز الشبه راح اخذ فروته ولبسها يدفي نفسه من برودت الجو نطق : رجال قضيتو.
مطلق الي خلص تقريباً رفع نفسه ونفظ يدينه ونزل ربطت ثوبه ونطق: انا قضيت.
راح للجلسه الي سواها وهاج وقعد قدامه ؛ اخذ يحرك الجمر بالعصاء الي معه شوي وجاء مشعل الي لف انظاره على حسين الي شكله متوهق ب الخروف مايمديه يتكلم الا وينفلت الحبل من يد حسين والخروف يهج لاعندهم لا وسط الجلسه فزو كلهم وحسن الواقف منصدم قال بصراخ: الخرووووووفف هرببببببب!!!.
مطلق فز يركض خلف الخروف الي يركض وهوه يركض خلفه وهاج راح من قدام الخروف لجل يحاصره ومشعل منسدح ضحك عليهم وحسين مفهي مايدري وش يسوي الا انه يصرخ ؛
وأخيراً مسكوه حمل مطلق الخروف وهوه يتخبط بين يدينه ووهاج راح واخذ الحبل من يد حسين الي فطس ضحك ؛
وهاج بنص عين: اضحكك علي الحرام لو ان يجيبوك مره ثانيه معانا ان اسدحك جنب ذه الخروف واشر عليه بغضب .
حسين يحرك يدينه ف الهواء ويضحك: ياخي الحبل فلت من يدي ايش ذنبي.
وهاج رمقه بنظرات وقال بعد ماربط مطلق الخروف زيين : مابه شي راح بس .
حسين ابتسم وراح لاعند مشعل الي منسدح على ظهره وحاط يده ع عيونه ويضحك بصوت عالي تقدم منه وهاج ونزل للارض واخذ رمال ورماه عليه فز مشعل وهوه يتفلل ويحك عيونه ويصرخ : وجععع دخل في فمي ي زفتتت.
وهاج نفظ يدينه ببتسامه نصر: مززدييي.
مشعل قال بعد ما اهذ في يده كومه رمل : اورييييييك ي زققق .
ركض وهاج وخلفه مشعل اما مطلق فـ ماهوه عاجبه تصرفهم قال بصوت عالي: وجععععع بزرااان تعاللل انت وياه.
وهاج الي يركض لا الخلا ومشعل خلفه وبيدينه كومه رمل : قللل لا اخوك يبتعد والله لو يوصلني شي من الي بيده والله ادفنه هنا.
حسين بصراخ : مشعللل عندك بووه.
مشعل بضحكه: ازهلهااا واناا اخوك.
مطلق اخذ رمل من جنبه ورماه على حسين وقال: عندك بوه هاه.
حسين فز وهوه ينفظ شعره الكثيف من التراب وقال بصدمه: ي خبلللل لسىى غسلتههه!!!!.
مطلق اخذ مره ثانيه ورماه عليه وبضحكه: شف كيف غداء لونه .
حسين اخذ في يدنه رمل ومايدري مطلق الا والرمل بين عيونه بضرخه: ي كلبببيي.
حسين منسدح ضحك: تستاهل.
مطلق يمسح عيونه ويصرخ: اوريييك .
اما عند مشعل و هاج الي يركض من هنا يجيه مشعل من هنا قال بعد ما وقفو الاثنين بتعب وكل واحد يلث وصدره يهبط وينزل ؛
وهاج: خلاص تعال بس دامك مصمم.
تقدم مشعل وتو بيرمي عليه الرمل الا يثبته وهاج وقال بضحكه: تخسييي ي الخبللل.
مشعل: ي كذاااببب .
وهاج دفه وبضحكه : امش امش بس شكل حسين ماله مفر من مطلق .
___
قبل ساعه#.
رنيم بصراخ: يلاااه بنااات بسرعه.
عواطف : قصريي حستسسس ي بنتتت.
ربى جت وهيه تلبس الشيله بتروح معاهم بيت رغد الي عزمتهم .
طلعو ويا بعض وفي يدينهم صواني حلا مشو لين بيت رغد والفرحه مو سايعتهم بيلاقون بنات الديره هناك اكييد وهم في طريقهم شافو مسيلم المجنون ومن شاف رنيم جاء يمهم.
رنيم بفجعه: لاااااا جاء جاء.
عواطف ارتعبت وقت شافته جاي يمهم اما ربى ف جسمها ارتجف ونزلت دموعها حست قلبها بيطلع من شافو يركض لعندهم؛
عواطف بصراخ وخوف: مسيلم اقسسم بالله تقرب لا افقش راسك بذه ، واشرت على الصينيه الي في يدها.
مسيلم لف وجهه جنب وناظرهم بهدواى ثم رفع نظره لرنيم وقال بصوت منخفض : ابييهاا.
رنيم بققت عيونها وقالت بفجعه وبصوت مرتفع: تبييي منوووه !!.
مسيلم : ابييها درنده.
عواطف خافت على اختها ويبون يمشون وهوه قاطع طريقم الا يوم يسمعون صوت ابوه الي صرخ عليه: مسسسسيييلم .
مسيلم اول ما شاف ابوه هج وابوه يركض خلفه.
رنيم ويدينها ترتجف : لا لا قلتتت لتسسس يضل تسذااا يركض وراي لااا لازم يسوون له حللل لاززم.
ربى بخوف: ورب الكعبه كنت ابغا انجلطط الافندي دا مجنوون.
رنيم تهز راسها: قل صح " ناقص عقل" وش تبيه يكون .
وصلو للبيت ودقت عواطف الباب شوي ويسمعون صوت رغد ؛
رغد من خلف الباب: منوووه؟!.
عواطف: انا عواطف.
فتحت الباب ببتسامه: ي هلاااااا نورتو.
دخلو البنات وسلمو عليها وسلمو على امها دخلو للمجلس شافو شوي من بنات الديره وتوهم واصلين سلمو على البنات وبدات سوالفهم شوي وقالت رنيم باستغراب : رغد وين خويتك الحبوبه بنت عبدالله؟!.
رغد ابتسمت: تقصدين الريم !!، ايه كلمتها شوي وبتيجي.
دخلت ميثى زوجت فلاح المجلس وابتسمت لهم بهدواى كانت لها فتره عند اهلها سلمت على البنات وهيه خجلاننه من البنات ..
رغد ابتسمت: تعالي .
تقدمت ميثى وقعدت جنب رغد
رنيم بدهشه: ذه زوجت فلاح !!.
رغد ضحكت: ايه ، ليه ماحضرتم زواجه؟!.
عواطف ابتسمت: لا والله كان به ضروف ماقدرنا نيجي.
رنيم ابتسمت: يمه البنيه صغيره!!.
عواطف قرصت اختها ف فخذها عشان تسكت بتفضحهم بسوالفها الطايشه.
قال : ماشاءالله الله يوفقهم يارب.
ميثى بمجامله وف صدرها غصه وتحس الضيقه تعتريها من يذكرون فلاح الي ماهوب داري عن هوا دارها : اميين.
ربى بصوت هامس لرنيم : مره صغيره كم عمرها ذي؟!!.
رنيم تناظر ميثى الي تناظر الارض وقالت بنفس الهمس: شيعرفني اكيد ف الطعش.
سكتت ربى باستغراب يزوجون بناتهم وهم صغار.
شوي الا وينفتح الباب وتدخل بكل زينها الريم الي شهقت بصدمه وفرحه من شافت ميثى: نوررررت نجدد ي ضايعه.
ضحكت رغد عليها ووقفت تسلم عليها تقدمت الريم تسلم عليها.
رغد: تاااخرتي!!.
الريم بصوت هامس: معلش انشغلت شوي.
رغد: عادي حبيبتي تفضلي حياتس.
تقدمت الريم وسلمت على البنات وسلمت على ميثى بحراره وحب لها : فقدانتسس ي بنت.
ميثى ابتسمت: وانا بعد فقدتس والله.
الريم: مابغيني تجين هااه.
ميثى ضحكت: عاد فقدت اهلي وش اسوي.
قعدت الريم جنب رنيم الي بدات تسولف معاه بفرحه .
وبعد مده ..
رنيم تهز راسها بحماس: ايه بالله يلاه قد لنا كثير من الزواجات نبي نفلها.
الريم قالت لحنان بنت حمد: اخذتي كل اغراضتس لان مابقى شي؟!.
حنان بخجل : ايه بس باقي شويت اغراض باخذها الاسبوع ذا .
اما عند جواهر فكانت تاكل اظافيرها بتوتر من نظرات رنيم الي ترميها عليها كل فتره وفتره تذكرت صديقتها ليلى وقال لرغد: وراء ي رغد ما عزمتي ليلى؟!.
رغد انحرجت ماهيب متعوده ترادد ضيوفها لا كن الي رد صوت ثاني وكان صوت رنيم ثالت بكل قوة : والله البيت بيتها وهيه حرر تعزم من تبي وتخلي من تبي .
جواهر بنرفزه : وانتي شدخلك !.
رنيم قالت ببتسامه استفزاز واشرت على راسها : ذااا الي دخلني .
عواطف ناظرت اختها: رنييم.
رنيم لفت على اختها وقالت: ماقلت شي .
جواهر وقفت : اسمعييي ي بنت ابوك ان كان ودتسسس ب البهاذل ف انا بنت ابوي اوريتس البهاذل الي توطي راتس .
رنيم وقفت والغضب شب في صدرها والشرر تطاير من عيونها وحست بعمق الغضب الي فتك راسها قالت بصرامه وحده: ماعاش من يوطي راسييي ي بنت ابوك لو انتس من بنات الناس ماكان سمعتس زي زفت يتناقلونها انتي وذيك الي ماتتسمى ترانا متحملينك من باب القبيله ولا والله ان ماتقعدين في مجالس بنات الشيوخ ولسانتس ذا ان ما تعزينه والله لا اقطعه لتس واعلمتس بنت سليمان وش تسوي فيتس وهلحين توكلي مابه لتس مكان ثم ناظرتها ولبنات الي يناظروها بدهشه وذهول وقالت وهيه رافعه حاجبها وبصوت شرس: من تحدانا لعناا جدوده جد جد
ومن تعدانا فضحنا عيونه عين عين
وان كاننن لتسس كلمه بعد كلام بنت الشيخ سليمان انطقي به والله مايردتس عني غير الثار توكلي.
رغد مسكت على راسها لااا الينت هاذي ماهيييه هييينه ابدد.
جواهر وقفت وقالت بقهر وصدره يعلى ويهبط من تنفسها الحار والدموع الي ف عيونها هيه ماهيه قليله ولا شي مير السمعه الشينه الي تطلع عليها هيه وليلى والكل يدري بفعايلهم الشينه الي توطي الراس والبنات يتجنبونهم مير اليوم انحرجت رغد وقت شافتها ف الشارع وماقدرت غير انها تعزمها قالت : هييين ي رنيم هييين بيننا الايام.
رنيم رفعت يدها وقالت: لاجاك تهديد من سفيه الفعايل طنش وخل النار تاكل حطبها، وقعدت وحطت رجل على رجل بستفزاز .
جواهر ناظرت رغد وقالت: شكراً ي رغد اذا ذه عزيمتس.
رغد تلي تنطق وتعتذر من الموقف المفشل بس قاطعتها رنيم يوم قالت: اقول توكلي بس .
طلعت جواهر والغصه كاتمتها.
البنات لفو على رنيم حنان بضحكه: كفووو يشيخه كفووو.
رنيم ابتسمت: كفوتس الطيب ي بنت الاجاويد.
سحر بضحكه: صدمتيني.
عواطف رمقت اختها بنظرات وهيه متفشله من رغد: اعذرينا ي رغد
الريم بضحكه: يشيخه وش تعتذري اختك رهيييبه اوقسم بالله .
ربى بضحكه: رنيم البنت منفجعه خلاص .
رنيم رفعت راسها وقالت: الي مايربوه اهله نحنى نربيه.
___
ف الليل #.
نتعرف على ميثى وحياتها#.
ميثى #.
بنت عمرها 18 تزوجت من فلاح بسبب ضروف البنت جميله ب الحيل وطيبه وخجووله بس مكدر خاطرها علاقت فلاح فيها فلاح ماهوب داري عن هوا دارها ولا هوب مهتم فيها حتى يخليها لا عند اهلها ب الايام لانه بختصار تزوجها بسبب الضروف بنتعرف عليها مع الاحداث اكثر.
___
قاعد ويا اخوانه ف الجلسه والنار تشب عليهم بدات سوالفهم ومطلق ماسك العود يعزف ومشعل يغني وحسين يسولف ووهاج يهوجس في هواجيس مالها نهايه.
مطلق بعد ماطرح العود قال : وهاااااااج .
وهاج فز : هااه وش بك؟!.
مطلق : ي خوي ارحم حالتك ، وش ذا من وقت ما خلصنا العشى ذا وانت بس تهوجس .
وهاج حك لحيته وكان لابس فروته قال: ماعليك ما عليك.
حسين بضحكه: وهااج طاح وحد سمى عليه.
وهاج ضحك: ايه بالله.
مشعل : انا للحين ودي اعرف منيه وربي فين اسذاا فضول جدتي.
وهاج بنص عين : اقوللللل مشيعل شرايك بس تغني ولا تخش بخشمك ذا كل مكان.
مشعل ضحك: لا ويغاار بعد اخخخ يالله .
وهاج لمح شي بعيد يضوي وفز برعب من عرفهه تعوذ من الشيطان وناظر اخوانه بصدمه يتوقع كل شي في ذا البر الا ذااا بذاات.
مطلق باستغراب : وششش فيك؟!.
وهاج بلع ريقه وعينه على الضواء الي يجيهم من بعيييد وهوه موقن انه هوه ومتأكد بعد قال بسرعه وهوه شكل نسي حتى كيف يقول الله واكبر: مطلق اذنننن اذنننننن.
مطلق فهم على اخوه ووقف بسرعه ولف نظره وبقق عيونه وبسرعه وبصوت عالي بدا يأذن ومشعل من فهم فز واقف اما حسين بردت اطرافه وماقدر يتحرك من مكانه..
___
واقفه ف نص الحوش وابتسمت من تذكرت وهاج وقالت: اليوم مارحت للبيت شكل انتظر لين مل.
اخذت نفس هيه ماهيه داريه عنه بس كذا استلطفت تصرفاته ناظرت الباب الي انفتح ودخل ابوها منه استغرب انها صاحيه للان : لسى صاحيه؟!.
الريم: ماجاني نوم يبه.
راح وضمها من كتفها ومشى بها لداخل: برد ي بنيتي برددد.
الريم ضحكت: مانيب حاسه فيه يبه.
عبدالله : ادخلي ادخلي واستغفري بايجيتس النوم.
ابتسمت له ودخلت لداخل انسدحت في فرشتها وبدات تستغفر لين ماغفاها النوم.
___
واقفه تمشط شعرها دخل وقال ببرود
: وين ثوبي الاسود.
ميثى شهقت بفجعه وقالت بخوف توتر غزاء قلبها وضيق تكى ف صدرها: وين بتروح؟!.
فلاح الي ماناظر ملامحها الساحره قال بعصبيه: مالتس دخللللل وين الثوب.
فزت ميثى وقالت بتوتر : ططيب.
راحت وطلعت له الثوب اخذه ودخل لدورة المياه " اكرم القارئ"
اما هيه حست الدموع غورقت عيونها بدات تنزل دموعها بضعف على حالها هيه حساسه وحساسه حييل ..
طلع وشافها تبكي طنشها بس ماقدر يطلع من جاته ريحت عطرها لف لها رغم انه مرت الأشهر ولا هوه قادر يقرب لها لا ملامحها تستفزه موب لا انها موب حلوه لا لانها جميلله وجميله حييل ف نظره مشى لين ماوقف فوق راسها وهيه قاعده على سرير رفع راسها وناظر وجهها الي تملاها الدموع نزل راسه وقبل جبينها بعمق ارتعشت وحست قلبها بيطلع من محله صابها توتر واعترها خجل شدت على يدينها الي فحظنها وغمضت عيونها ماحست بوجوده فتحت عيونها ماشافته موجود ف الغرفه تنهدت بغصه ونسدحت على السرير وغمضت عيونها لعل تنام وتنسى مرُ حياتها..
____
كـــــــتَ❀.