البارت السابع
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| السابع⁷ ↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
أنت أغلى إنسان في طيّة ملفي
وكل غالى فرق ما بينك وبينه🌷.
____
نكمَل..
رنيم اول ماسمعت صوت ابوها داخل دخلت تركض بخوف متناسيه ربى ومطلق الواقفين منصدمين من حركتها.
ربى تسمرت مكانها من الصدمه، سحبتتت عليها الدموع غورقت في عيونها اما مطلق الي مايدري وش يسوي ناظر ربى الي دموعها تنزل ومتسمره مكانها عرف انها من النوع الي ينصدم يبقى مكانه ركض لها ومسك يدها وسحبها وياه لخلف المقلط اجتاحه غضب عااارم من سمع اصوات الرجال الي دخلت معى ابوه ناظر عيونها البنيه وقال بكل غضب اجتاحه رص على اسنانه بحده: البييت فيه رجال ي بنت، احترمي الحدود الي انتي فيها واعرفي خطواتك وين توديها.
ربى استثقلت الرد من فرط الرعب الي استقر باقصى ضلع في قلبها حست بلغضب يعترهيا من كلامه الي شككها بانها مو محترمه ولا متربيه سكن فيها الخوف الي ترك دقات قلبها تتسارع وعيونها تذرف دموع القهر.
اما مطلق الي نفظ يدها ورد للخلف واعصابه فايره هذا هوه مطلق يحس الغيره على بنت عمه شابته وهيه مثل خواته مايرضى عليها ب الاذيه راح للمقلط اما هيه فرجعت داخله للبيت ووجها تملاها الدموع ربى الحساسه الي تربت على يد اب حنوون وام حنونه عيشوها على الدلع ولاحدن يمس خاطرها بشي يجي واحد مثل مطلق شبه نار يرمي غضبه عليها شلون بتصير حالتها.
رنيم اول ماشافتها راحت لها متفشله منها ..
رنيم : اسفه والله اول ماسمعت الاصوات دخلت خفت ورديت وماعاد ذكرتس.
ربى صاده عنها دخلت لداخل الغرفه وانسدحت على الفرشه والفت وجهها للجدر وهيه تسمح دموعها .
رنيم حز في خاطرها وتحسفتت انها تركتها قعدت عند راسها: ربى والله ماكن بقصدي خلاص!!.
ربى ناظرتها وقالت بدموع: معليكي انسي.
رنيم بعناد: انسى شلون انسى وانتي تبكبكين وش صار عليتس سواى لتس مطلق شي ؟!.
قالت كلامها ذا وقصدها انه ضربها او عصب عليها مو لشي ثاني .
ربى زاد بكاها ورنيم خافت وجات في مخها افكار سوداويه شكله ضربها اكيد..
رنيم بخوف: اهرجييي وش صار.
ربى اعتدلت وجلست وقالت: ماصار شي ببس عصصب علييي.
رنيم هدت وقالت ببتسامة: ي خبلا عادي ترا مطلق تسذا يهبدنا كلنا حتى مشيعل ماسلم منه عاد قلت من البكاء ذه كله انه اعطاتس ذاك الطراق بس الحمدالله.
ربى بشهقه: انتي ماشفتي كيف عصب علي دا كان شوي ويضربني.
رنيم مسحت ع شعرها: عادي والله ترا انا لي من العصبيه نصيب اصبري بس وخليه يستفرد فيني قسم يمعطني بعقاله تراني منتظرته بس يدش للبيت وينادي باسمي.
ربى ابتسمت وسط دموعها وقالت: اخوكي يخووف!!.
رنيم ضحكت : معليتس تراه حنين .
ووقفت: يلاه قومي قبل تدخل عواطف الحين وتستلمتس اسئاله.
وقفت ربى ورتبت ملابسها وشعرها وطلعت وياها لصاله ووجها احمر من البكاء.
__
المجلس#.
كان به اصحاب سليمان واخوه بيتقهوون وكانت السوالف عاديه لين ما انطق حمد وهاذا واحد من اهل الديره.
حمد با استغراب : وراء عبدالله ماجاء ي ابو مطلق ولا ماله في مجالسك مكان.
سليمان ناظره بحده وغضب اعتراء قلبه والشرر يتطاير من عيونه انزل راسه يناظر فنجاله هم يدرون ان بين ابو الريم وسليمان شي بس محدن يدري وش هوه لاكن حمد يحب يقط خيط وخيط ..
قال بحده بعد مارفع راسه وهوه يشوف الرجايل تنتظر منه الرد: احترم من يجيني صديق ولا عدو ، مير كل واحد وله مدخله وان كان هوه مايداني مجالسنا ف مانبيه ، من لايحطك ربح لاتحطه راس مال ي حمد وخلك دابه سليمه " انسان مسالم" وابعد عن الهرج الي مامنه سنع.
سكت حمد بعد كلامه وفهم انه ماله دخل ب الي يصير بينهم اما وهاج الي دخل للمجلس ورمى السلام وسلم على الجميع قعد جنب اخوه مطلق وسئاله.
وهاج باستغراب من الجو المتكهرب: وش فيه؟!.
مطلق الي كان يوقف معى ابوه وحتى لو مايدري وش السالفه قال بصوت منخفض : مابه شي ، هرج ماصل.
هز وهاج راسه ثم سئاله مطلق
: انت وننن كنت خابرك ذه الحزه عند امي ؟!.
وهاج ابتسم وحك حاجبه ونطق بهمس: رحت اتصدق واترزق واعين مقن الله خير.
مطلق رفع حواجبه ب استغراب ولف انظاره عليه وقال: وش تصدق به ؟! ، ماهوب نحنى نزكي كل سنه .
وهاج قال: شي يخصني ي خوك .
مطلق ناظره بنص عين وقال: انت وراك بلا الله يستر.
مارد وهاج وكانت انظاره للفارغ وكل شوي يظهر طيف محياها له يحس قلبه منشرح وقت يذكرها .
حس على عمه ذي قال : وهاج ماعندك شي تطرحه نوحي به ونتناقله خابرك ماتقعد فتره طويله بدون قصيد.
ايدوه رجاجيل الديره بان وهاج يطرح قصيده عليهم.
وهاج قال بعد ماعدل جلسته : ابشر .
ناظر للارض ثم رفع نظره وقال وهوه يدري ان القصيده ذه ماراح تمر مرور الكرام قدام اهل الديره لانه بيقولها في مجلس عمه والرجاجيل بيتناقلوها ويدري ان بيطلع عليها علوم كثيره بس لجلها نطق وقال:
صادفني بالبراقع وأعجبني
وأودعن قلبي على حد الممات
صابني سهم العيون اللي رمني
يرسل سهوم المنايا بلحظات
من عيونه يذبحن لا سلهمن
بالهدب فوق المحاجر شاعقات بالمخاطر يقتلن لا قابلني
ما حلا البرقع على ذيك المهاة
كل شمعات المودة ولعن
يوم شفته من تحت ذيك الغطاة
من نظرها صاح قلبي ضاع مني
يأخذن القلب معهن والحياة
فـز قلبي للراقع ومتمني
تلبسه كل البنات المترفات
للقلوب اللي تصادف ينهبن
يشغلن حق القلوب الخاليات
للكرامة والشهامة مثلن
يا سلام الله على باقي الصفات#.
«كل القصايد منقوله.
بعد ماخلص الكل باصوات متفرقه صح لسانك حي عينك ورد عليهم ثم ناظر عمومه الي كانو يناظرهو بنظرات بها مغزاى هاذا غير مطلق ومشعل المنصديمن ويناظرونه بدهشه تعتريهم وهااج الي كل قصيده عن الشهامه والرجوله وعن الضيف والكرم اليوم قصيده عن الحب والغزل لااا في شييي .
مطلق قال والصدمه في وجهه: صادز من متى ، وقلبك منشلع؟!.
وهاج حك لحيته وقال ببتسامه: من مبطي!!.
مطلق ابتسم وقال: من له؟!.
وهاج ناظره بغيره: مبضروري تعرف .
مطلق ضحك وقال: لاااا قلت لك بك بلا ، وشكلك منمصع.
مشعل الي كان قدامه ف الجهه الثانيه يقزه من بعيد وياشر له بيده يعني صاير لك شي وهاج ناظره وابتسم يطمنه
فلاح الي يناظره ويغمز له يعني بعدين نتفاهم.
اما حسين ماهوب داري وش كلمات القصيده حتى بس كذا يبتسم بفهواه.
__
في بيت اول مره نزوره#.
رغد وهيه قاعده فوق الشجره وتنتظر بس متى يرد اخوها فلاح عشان تمقلب فيه .
ام رغد: ررغغددد ي بنتييي.
رغد من فوق الشجره: هلااااااا يمه.
ام رغد بشهقه: هاااو بنتتت وش مطلعكك انزليييي .
رغد : يمههه خلينييي شويتيين.
ام رغد بغضب وخوف عليها: انزليي يمال الماحي شلون طلعتي انتي؟!.
رغد نزلت مبوزه : سمي .
ام رغد ابتسمت لها بحنيه وقالت: ي بنيتي خايفه عليتس وش مطلعتس ذيك لو سقطتي هاه .
رغد ابتسمت: معلي خوف ، اامري وش تبين؟!.
ام رغد قالت: ما يامر عليتس عدو ابيتس تسوين شين الا اخوانتس الصغار بيجون جوعانين.
رغد : ابشري ي الغاليه ، وراحت داخله بتسوي لهم شي خفيف .
اما ام رغد فدخلت تنتظر وليدها فلاخ واخوانه.
__
بيت ابو الريم#.
واقفه ولابسه فروت ابوها وتناظر السماء ف الحوش تحس روحها تختنق اليوم تذكرت لو كان عندها ام وش بتحس فيه وش بتكون احسيسها قلبها يعورها وضايقه فيها الوسيعه من بعد صلاة المغرب وبعد تفكيرها المفرط بان اذا انتشر الخبر تحس روحها خانقتها تحس جوفها ينحرق لو كانت امها عايشه كانت شكت لها ماتقدر تقول لصيته ذي الامور تحس انها تنحرج من جدتها تنفست بعمق وقعدت على عتبت الباب الداخلي ورفعت نظرها بهدواى وانفست الصعداء.
___
من بكره#.
واقفه تناظر رغد الي قالت انو بنات الديره كامل عازمتهم .
الريم بطفش: مودي اجي والله بس عسانتس والله.
رغد بنص عين: عشاني ولا موب عشاني جايه جايه سمعتييين .
ونزلت لثمتها : يلاه سلام.
وطلعت والريم دخلت لداخل غرفتها
صيته: روحي ي بنتي وتونسي لتس معاهم.
الريم هزت راسها: ابشري.
وراحت داخله غرفتها تدور لها شي من لبسها طلعت فستان ناعم زهري حطته على جسمها تناظره وابتسمت يهبللل.
دارت حول نفسها فتحت شعرها وناظرت نفسها مره ثانيه ثم لفت شعرها
وتنهدت طلعت على صوت ابوها الي يصرخ وو...
________
كـــــــتَ❀.