البارت السادس
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#|السَادس⁶ ↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
اقربي ترا مافيه بعدك ولا قبلك جليس
من عرفك " يحسّ نفسه عن العالم قنوع "
____
نكمَل..
صحت مروووقه اليوم لاتبي شي يعكر مزاجها ساوت الفطور وافطرت ويا ابوها اما صيته ف ماكانت تحب تفطر غير تمر وقهوه لين الغداء وهلحين واقفه قدام مرايتها ترتب شعرها اليوم اكيد بيجون ضيوف عند ابوها واكيد حريمهم معاهم ابتسمت لنفسها ف المرايه وهيه تقول : اللهم كما حسنت خلقي حسن خولقي .
لفت وراحت فاتحه الباب طلعت وشافت صيته واقفه وبتبدا تصلي صلاة الضحى ابتسمت بحب تحببب جدتها الي ربتها .
راحت وقعدت تنتظر رغد الي تجيها كل صباح.
شوي وسمعت باب البيت يدق وقفت وراحت اخذت الشرشف وحطته على راسها وطلعت للحوش
الريم: منوه؟!.
رغد بصوت عالي: افتحييييي حرقتني الشمسسس افتحييي .
الريم ضحكت وفتحت لها الباب
رغد دخلت ورفعت لثمتها وقالت: اخخخ اعوذ بالله جهنم موب حر وش ذااا؟!.
الريم ابتسمت لها: وعليكم السلام.
رغد لفت لها وقالت بضحكه: السلام عليكم.
الريم : ادخلي ادخلي بس ، معي لتس سالفه بتخلي شيبتس يطلع وانتي بنيه.
رغد ضحكت وعرفت من الي قالته الريم انها سالفه حصلت لها وخطيره بعد: يلاه يلاه دخلينا ودي اسمعها.
الريم : حياتس .
رغد ابتسمت: البقى.
دخلت الريم ويارغد الي مرت على صيته وسلمت عليها ثم راحو لغرفت الريم .
قعدت رغد بعد ماخلعت عباتها وقالت: جيبي قهوتس.
الريم: ابشري هلحين اجيبها .
راحت الريم وجابت قهوتها وقعدت تقهوي رغد ثم قالت: اسمعي العلم.
رغد اعتدلت ف جلستها وقالت: سمي.
الريم: تعرفين انه انا كل يوم اودي اغراض لبيت ضاري .
رغد عوجت ثغرها: ايه ادري ذه علمتس؟!.
الريم ضربتها ع فخذها: لا يـ الهبله خليني اكمل لتس.
رغد بحماس: قولي .
الريم : امي تدرين روحت من بيت الشيخه منيره المغرب عاد انتو روحتو قبلنا المهم ذكرتهم وقلت والله ان اودي لهم شين ويوم طلعت كان الدنيا مظلممه.
رغد تقاطعها بشهقه: شلووووون طلعتيييي ي هبلااا كيف خلاتس ابوتس تطلعين.
الريم ابتسمت: ابوي ماكان موجود وجدتي سكحت لي عاد تراني مانيب ببزر .
رغد: جدتس ذي مدري وين هوه مخها معى احترامي.
الريم بنص عين: رغيييد ترا ازعل.
رغد: خلاص اسفه يلاه كملي.
الريم ابتسمت: لاتتاسفين ي الخبلا ، المهم ويوم كنت رايحه اشوف لتس ذاك المجنون ذي يقولون عنه ولد حصه.
رغد شهقت : مسييلمممم!!.
الريم تهز راسها وبتاييد: ايييييوه هووه ، عاد جاء لين عندي وانا اركض لتس ذاك الركض وابكي ويا رحيم انقذني ودي اشوف اي احد ولا لقيت الا يوم لفيت شفت رجال و...وخلصت لها الباقي.
رغد ماتدري ان وهاج نقذ الريم اكثر من مره والريم ماقالت لها منوه.
رغد : ماااعرفتييين ولدد منوووه؟!.
الريم هزت راسها ماتدري صدق ولد منوه ولاتدري وش اسمه ف قالت: لا ما ادري من هوه .
رغد بتحسف: ليتسس تدرينن.
الريم رفعت حواجبها: وليه؟!.
رغد بضحكه: يمكن يصير تسذا ولا تسذا.
الريم اخذت اقرب مخده وهفتها فيها وقالت: وجعع وش تسذا ولا تسذا هااه!!.
رغد ضحكت: ولا شي ولا شي الا اسمعي .
الريم : وش ؟!.
رغد: اذا انتشر العلم وذاك العجيز نشره.
الريم هزت راسها: لا ما اعتقد لانه ماعرفنا.
رغد هزت راسها: صح .
____
نايم في امان الله الا يحس بضربه الي حطت ظهره فز واقف وناظر من ذا كان بيعطيه كف يهف وجهه بس مسك نفسه يوم شافه عمه
سليمان: قممممم قامت قيامتك ماتشوف الشمس وين قدها وانت راقد في ذه.
وهاج ابتسم وعيونه تملاها النوم وقال بكسل: هلا عمي.
سليمان: عمي عمت عينك قم تحرك شفلك شغل منسدح في ذه كانك نفاس.
وهاج بقق عيونه بدهشه وسمع ضحك الشباب الواقفين عند الباب يناظرونه
ابو حسين بضحكه: ي سليمان وش نفاس الرجال طول بعرض.
وهاج حك ولسى منصدم: ي كبرها ي عمي.
سليمان : مزدي اخوانك من الفجر يقيمونك حتى صلاه ماصليت.
وهاج نزل واخذ فرشته وقال: والله صليت قبلكم بعد.
سليمان لف وعصاته ف يده وقال: انهج روح للمحل يلاه وقال لمطلق وحسن ومشعل وانت ي مطلق روح للعزبه وانت ي مشعل وحسين شوفو اصحاب البيت اذا ودهم اغراض .
طلعو من المجلس وراح ابو مطلق وابو حسين لمجلس الديره والشباب تفرقو وهاج وقف ولبس ثوبه وتجهز دور مفتاح المحل ف جيبه مالقيه فتش عليه بس برضوه مالقيه راح داخل للبيت بيسئال خواته .
: ياااولدددددد.
ام مطلق: ادخل .
دخل وشاف عمته ام حسين وربى الي لابسه شرشفها وقاعده قال وهوه غاظ بصره: كيفتس ي عمتي اخبارتس.
ام حسين ابتسمت ترحم ذا الولد: الحمدالله وانت اخبارك ي ابني عساك طيب.
وهاج هز راسه: طيب الحمدالله، وانتي ي ربى عسات طيبه.
ربى ابتسمت بهدواى وقالت لوهاج الي تعتبره مثل اخوها: الحمدالله طيبه.
وهاج ناظر عواطف الي فهمت عليه ولحقته وهاج قال لها بصوت منخفض : وييين مقتاح المحلل ملقيته ف جيبي؟!.
عواطف قالت: موب انا الي غسلت ثيابكم امس ف الليل ذه رنيم.
وهاج بسرعه: روحيي ناديها بسرعه.
عواطف : طيب الان.
راحت عواطف تنادي رنيم الي جت تركض مفحطه .
وهاج بصرخه: بشششويششش!!.
رنيم مسكت على اخر لحظه يده ولا كان هلحين راسها منفقش.
ضحكت وقالت: وش تبي؟!.
وهاج قال بضحكه: مهفه قسم بالله ، وين مفتاح المحل؟!.
رنيم تفكر قالت بعد ماناظرت وهاج وبفهواه: مدري!!.
وهاج ناظرها ورفع حواجبه: وش مدريي؟!.
رنيم تحك شعرها: مدري مذكر .
وهاج قال بعصبيه يدري عمه بيسو فيها مشكله: رنيييم وين المفتاح.
رنيم وفهاوتها مستمر: مدريي موب عارفه وييين؟!.
وهاج قال بنفاذ صبر: رنييييييم الحيييين تدورييينه ولا والله ما اخليتس تقعدين يلااه.
رنيم راحت تركض وهيه تهز راسها : الاان بدوره لاتعصببب.
رحت تدور للمفتاح الي ضيعته واخييييراً لقته ووهاج واقف واشوي ويضربها من فهاوتها جته بضحكه: لقييييتههه.
وهاج قال بقهر: وربك لو ماكان لقيتيه كان انجلدتي.
رنيم ابتسمت: مابنجلد من اخوي حبيبي معليك.
وهاج طيف ابتسامه على شفايفه وقبل يطلع قالت : جيب لي اي شي زين من السوق.
وهاج لف لها: ابي افهم عندتس ثنين اخوان بعد غيري وعمي وراء بس انا تلين مني؟! .
رنيم ابتسمت: عشان اماري فيك قدام بنات الديره اقول شوفو اخوي وش يجيب لي.
وهاج : زين زين ابشري يلاه .
وطلع ؤنيم ردت لداخل.
___
ف مجلس الديره #.
الكل يسولف في مواضيع متفرقه لين نطق ذاك الشايب بعلم خلا كل المجلس يلتفت له وكان شايب اعمى وماعنده اولاد قال: ي شيخ.
لف المجلس وكل انظارهم له
قال: امس يومن كنت باجي لك كان به اثنين رجال وبنيه مدري حرمه وكانو ف الحوش عاد يشهد علي الله مادخلتهم انا وما ادري عنهم الا يوم قفتطهم انا ويوم سئالت اولاد من قالي الرجال انهم مانهم من ذه الديره .
الشبخ باستغراب قال: شلون دخلو لديره والناس كلها تمشي؟!.
الرجال قال : الله واعلم ما ادري .
الشيخ بشك: ماكنت تدري وش يسوون؟!.
ابو الريم قال: وش بيسوون اكيد شي لايرضي الله ولا خلقه .
الشيخ: اعوذ بالله .
ابو مطلق قال: متى حصل ذا؟!.
رجال قال: بعد صلاة المغرب.
ابو مسيلم: اكيد احدن شافهم ماهوب ب العقل الاغراب تدخل ومحد يعرفهم.
الشيخ : صح شوفو اولادكم وسئالو كود احد يدري وش العلم.
___
العصر كانت الريم واقفه تتجهز عشان تروح لذلك البيت بس شد مسامعها كلام ابوها الي يتكلم فيه معاها .
ابو الريم : عاد قال الرجال انه سمعهم في حوشه والله يعلم اولاد منوه لعنت الله على التربيه.
الريم ارتجفت عضامها بخوف حست تلدنيا تدور فيها وشششش ذااا مسرع الخبر منتشر: لاحول ولا قوه.
ابو الريم : اللهم صن بناتنا واحفظهم يارب.
الريم غطت وجهها عشان مايشوف ابوها توترها قالت: يلاه يبه معى السلامه.
ابو الريم : الله معتس ي بنتي .
طلعت الريم والهواجيس غاثتها خايفه يعرفونها حست الدموع غورقت عيونها بتنفضح عاد محد يفهم الهرج سواء خطر على بالها وهاج لو بيدها تكلمه يتصرف بس تخاف يتكرر الموقف وبعد تخاف يقول انها بلايا حيا وش تسوي ي ربي .
اما عند وهاج الي بعد ماعرف انها في ذه الساعه تطلع من بيتهم وعد نفسه مايخليها بروحها راح للبقاله واخذ اغراض عشان ماحدن يشك فيه وراح واقف متتظرها شافها تمشي بتوتر راخ لين ما مشى خلفها الريم حست عليه وخافت لفت وشافته وهاج اول مالمح الدموع ف عيونها انجن قال بصوت منخفض: بنتتتت وش بتس تبكين؟!.
الريم ساكته وتمشي وعيونها ف الارض ودقات قلبها متسارعه كل ماتتذكر كلام ابوها.
وهاج خاف وش صاير لها: شهرزاد وش صاير لتسسس تكلمييي احد ماذيتسس؟!.
الريم قالت بصوت باكي: انتشرت سالفة امس.
وهاج طير عيونه : شلون؟!.
الريم بصوت منخفض وهيه تمشي بشويش ووهاج قريب منها بس يناظر للارض : ذاك الرجال ذي دخلنا بيته هوه ءي نشر السالفه.
وهاج قال يطمنها: معليتس مايدري من نحنى اعرفه ذاك ماحتى بيميز من نحنى .
الريم خايفه : خايفه!!.
وهاج ابتسم وقال بهدواى: لاتخافين وانا معتس .
الريم سكتت ماردت له ماتظري وش ترد فيه أصلاً كلمته الجمتها وقعدت تناظر الارض وهيه ماشيه لين وصلت تقدم وهاج وانصدمت ردت للخلف ووهاج دق الباب الريم تناظره وقال: خبلللل انتت وش بك؟!.
وهاج لف عليها وقال بهدواى: وش بي؟!.
الريم تناظره وقالت: لييه تدق الباب وش فييك؟!.
وهاج رفع الكيسه الكبيره الي فيده قال: حتى انا اتصدق كوب بس انتي.
الريم ناظرت الكيسه وسكتت تنتظر وش بيصير زهراء من خلف الباب: منووه؟!.
وهاج : هذا من فاعا خير ورد رايح يقعد ف المكان الي كان امس ينتظر الريم فيه وهوه ماسواى كل ذا الا عشان يلتقي فيها.
الريم دخلت وسلمت على زهراء واعطتها الاغراض
زهراء: منوه حاب ذا اول مره؟!.
الريم رفعت اكتافها: مدري رجالن غريب ، يلاه استودعتس الله .
زهراء ابتسمت: في حفظ الرحمان .
طلعت الريم من البيت وشافت وهاج ماراح سفهته ومشت راده بس حست فيه يوم يمشي خلفها قالت: وششش تبي انت خلاص ي خوي حزاك خير انقذتني مرتين يكفي.
وهاج قال : وش امشي مثل الاوادم وش دخلني فيتس.
الريم سكتت متفشله ومشت ونفس الشي وصلها لين بيتها ورد مروح ما سمع عمه يتكلم بسالفه ذيك أبداً.
___
عند مطلق الي كان قاعد ف الحوش ومايمديه يدخل الا يشوف واحده طايره تركض وتصرخ ف الحوش واخته رنيم تركض خلفها وف يدها ضب مايدري من جابه لها ناظر البنت الي شعرها يصل لين خصرها ونحيله وبشرتها بيضاء وتركض ف كل مكان وتصرخ وشكلها ماهيه داريه عنه مطلق غض بصره وقال بعصبيه من صوتها : رنييييييييم.
رنيم الي توها شافته قالت بصدمه: مطلققققق.
ربى لفت وشافته وشقهت بصدمه الا يسمعون ابو مطلق وابو حسين الي داخلين للحوش ووو....
____
كـــــــــتَ❀.