البارت الخامس
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| الخـَــامس⁵ ↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
لك يلتفت القلب و يماري فيك الضمير
لو راعيّ القلب ماله في دروب الالتفات!! .
____
نكمَل..
لقت بنات عمها وبفرحه
: رنووووم عوااطففف.
رنيم راحت وحضنتها: اشتقنالتسسس.
ربى بضحكه: احح وانا بعد ي دوبه.
رنيم ابتعدت عنها: دوبه بعينتس .
ربى ضحكت عليها وراحت لعواطف الي بادلتها الحضن : كيفتسسس عساتس زينه؟!.
ربى ببتسامه: الحمدالله وانتي اخبارك.
عواطف : زينه زينه .
ام مطلق ابتسمت: نورتونااا .
ام حسين : بنورك اخباركم واخبار الشباب.
ام مطلق : الحمدالله يسرتس الحال الا انتو اخباركم .
ام حسين ابتسمت : الحمدالله على كل حال .
عند البنات .
رنيم قاعده متربعه وجنبها اختها وقدامهم ربى ضيفتهم عواطف وبدات سوالفهم.
ربى بضجر: اخخخ لو تعرفون كيف اطفش هناك بروحي.
رنيم ابتسمت : هلحين انتي عندنا مابه ضيقه .
عواطف: ايه ، وبعد خلاص خلصتي مدرسه مابه عذر تردون.
ربى قالت بحماس: ايووه اقسم بالله لا افلهاا معاكم.
رنيم ضحكت على حماسها: ازهليها انتي بس والله لا تشوفين الفله على كيف كيفتس.
__
مجلس#.
قاعد يقهوي عمه وبعد مده من السوالف والسوئال عن الحال قال
: وانت ي مطلق ما ودك تعرس؟!.
مطلق شرب قهوته وحطتها وقال بجديه: بايجي الخير ي عمي .
ابو حسين : ي ابني اعرس وشوف بزارينك شف كم عمرك الي بسنك بزارينهم بطولهم .
مطلق هز راسه: ان شاءالله خير خير .
: السلام عليكم.
وقف : ي هلااا.
ابو مطلق ابتسم لا اخوه: حياااكم الله نورتونا ونروتو نجد .
ابو حسين تقدم من اخوه الكبير : بنورك ي خوي وسلم عليه سلام الخشوم.
ابو مطلق: كيف حالكم واخبار اشغالك !.
ابو حسين قعد وقعد جنبه اخوه: الحمدالله طيبين ، وشغل ماشاءالله في نعمه.
ابو مطلق : الحمدالله ، ثم لف على ابنه
: مطلق ازهم على اخوانك خلهم يردون .
مطلق طلع جواله: ابشر الحين.
طلع جواله واتصل على وهاج ..
___
وعند وهاج بعد ماخلصو الصلاه ردو للمجلس اليوم الثاني من العزاء والكل قايم معاهم وقف عند الباب ف الشارع ينتظر مشعل اخوه وشاف ابو الريم طالع هوه يعرفه عز المعرفه بس مايدري ان الريم بنته وبرضوه يعني بينهم سلام وكيف الحال بس يستغرب من عمه الي مايطيق يسولف معاه أبداً.
وهاج: هلا عمي تبي شي محتاج شي؟!.
ابو الريم لف له وقال : لا الله يعافيك ، بس انتظر الاهل.
هز وهاج راسه ورد للخلف شوي وطلعت صيته وشافت وهاج وابتسمت بهدواى بدون ماتقول شي وطلعت الموتر شوي وطلعت الريم الي قالت بصوت مرتفع وماهيب منتبه لوهاج..
: يببه نسييت ماخذ غرض لي.
ابو الريم ابتسم لها: انهجي.
راحت الريم راده لداخل.
اما عن وهاج اول ماسمع صوتها الي يعرفه ومن عادها صغيره لف منصدم ذاا ابوهاا ابتسم بفرحه هاانت ي وهاج هاانت دامه ابوها ناظر زولها وهيه رايحه ثم نزل نظره بسرعه من حس ابوها يناظره.
شوي وطلعت وراحت للموتر وركبت ف الخلف وابوها طلع وحرك رادين لبيتهم اما وهاج فاتسعت ابتسامته يوم شافها وانطق :
*أعذب قصيد الكوَن كله صوتس*، ايه بالله.
سمع صوت جواله يرن عفس ملامحه: ماجاز لهم يتصلون الا هالحين ، رد
: هلا مطلق.
مطلق: تعال انت واخوانك الاااان للبيت عمي جاء .
وهاج ببتسامه: ابششر الحين.
: تبشر ب الجنه يلاه.
قفل من اخوه وراح متصل على مشعل الي تأخر عليه ..
بصوت مرتفع: مشعلللل .
مشعل بفجعه: هااه وش فيه؟!.
وهاج بنص عين : تعال انت وحسين عمي وصل.
مشعل: وجعع قول تسذا ماهوب مشعللل كأنه مدري وش صاير.
وهاج ابتسم : مابه شي تعال ابسرعه.
مشعل: الحين وانا عندك .
سكر من اخوه ووقف ينتظرهم .
حسين: اش بوه؟!.
مشعل يمشي وياه راجعين: عمي جاء.
حسين ابتسم : واخييييراً.
مشعل ناظره بصدمه: لاتقولي مشتاق ومدري وش مثل البزران ترا بهفك.
حسيت تراجع قليل وقال: لا لا ما اقصد كذا .
مشعل ابتسم: ايه واضحح.
حسين يبررر: لا اقصد يعني ا...
مشعل ضحك: بس بس مصدقك والله خلاص.
حسين حك شعره وابتسم .
وصلو لوهاج الي سفل فيهم ليه تأخرو وركبو الموتر وحركو رادين للبيت.
___
وصلو ونزلت صيته ونزلت الريم وبعدها ودخلو للبيت .
ابو الريم : يلاه انا باروح لمجلس الديره.
الريم هزت راسها وراحت قبلت كتفه ويده: انتبه على روحك يبه.
ابتسم لها ومسح على شعرها : معليك ابوك ذيب .
الريم ناظرته: وطلق ذيب والله.
ضحك عليها وطلع من البيت وهيه لفت وشافت صيته الي تناظرهم بثبات قالت: يلاه.
دخلت صيته وبعدها الريم خلعت عباتها وفتحت شعرها تدلكه: اخخ راسيي يعورنييي.
صيته ناظرتها وبا اهتمام: سوي زيت .
الريم وهيه قاعده ومتكيه ظهرها للجدر ورافعه راسها وعيونها مغمظه ويدينها ف شعرها : ان شاءالله ، شوي وبقوم اسويه.
صيته لفت واخذت الشنطه حقتها تدور فيها رفعت راسها وقالت: وين سبحتي؟!.
الريم نزلت يدينها وناظرت جدتها : ف شنطتي ، وقفت وراحت طلعت سبحت جدتها الي نستها ورجعت لها الريم ثم راحت تجيب زيتها .
صيته اخذت سبحتها وقالت: الحمدالله ذكرتينها.
الريم : ايه ماشفتها بيدينتس الحلوين قلت اكيد نستها.
ابتسمت صيته لها وقالت: امس مارحتين لبيت ضاري.
الريم فزت متذكره : يووه شكلهم بلايا عشاء اكيد هلحين.
صيته ناظرت الساعه الي ف الجدار وكانت ٧ العشاء: مابتقدرين تطلعين الحين الدنيا ظلمه.
الريم وهيه رايحه المطبخ: لا لا ان شاءالله الناس كلها تمشي ف الشارع مابه خوف.
صيته : انتبهين على نفستس ولا ازهمي على رغد.
الريم : معليتس بنت ذيب.
ابتسمت صيته: زين نشوف.
راحت الريم وسوت شي خفيف للبيت الي باتودي لهم الاكل عليه ..
____
دخلو وردو السلام
وهاج: ي هلاااا واناا اقول وش بها نجد منوره اليوم.
ابو حسين ابتسم له يحب الولد ذا: بنوررك اخبارك عساك طيببب.
وهاج: الحمدالله ، وانت اخبارك عساك طيب وكيف الاهل.
ابو حسين : الحمدالله بخيرين.
مشعل : افااا ونحنى .
ابو حسين لفه له وضحك: تعال تعال ي المفهي اخبارك.
مشعل ابتسم له: بخير دامك بخير ان شاءالله.
حسين راح وحظن ابوه الي انفجع: اشتقتت لك يبه.
ابو حسين ضحك: اصطلب ي ولد.
ابو مطلق ما جازت له الحركه: حسينوه.
حسين ابتعد عن ابوه وقال: اخبارك واخبار امي .
ابتسم لا ابنه المشفوح: الحمدالله وانت اخبارك هنا.
حسين: في احسن حااال.
ابو حسين : الحمدالله ادري ب اخوي مابيقصر معاك.
مطلق : اكييد ي عمي ماعليك.
ابو مطلق لف على وهاج وقال: وهاج.
وهاج : سم .
ابو مطلق: سم الله عدوينك، تعال.
وقف وهاج وراح لا عند عمه الي قاله : رح لاعند خواتك وشوف اذا يبون شي.
فهم عليه وهاج وقال: ابشر.
طلع وهاج وراح ينادي عواطف من عند الباب
: عواااطف.
عواطف : هلااا اجيتتت.
جت وقال: تبون شي ناقص شي.
عواطف تفكر: لا مابه شي طل شي موجود.
وهاج : متأكده ولا به شي.
رنيم الي جت تركض وصوت منخفض: وهاااج.
وهاج لف براسه يناظرها خلف عواطف : لبيييه.
رنيم ابتسمت: لبييت حاج ان شاءالله .
وهاج : اميين وياتس ، وش تبين؟!.
رنيم ناظرته : وهاج جيب لنا مفرحات ولا اي شي.
وهاج اشر لعيونه: ابشري وانا اخوتس.
عواطف ظربته ف كتفه: موب كل شي تقوله رنيم تجيبه.
رنيم : اقول خلي عنتس الحسد ذا .
وهاج مبتسم على تصرفاتهم: معليتس وانا اخوتس باجيبهم لتس وضرب جبهت عواطف باصبعه : خليها تدلع على اخوها وش حراتس.
عواطف ابتسمت وحطت يدها ع جبينها: لا ولا شي والله بس كثثر العطاء يورث الحسايف.
وهاج وهوه ماشي قال: معليتس مابه حسايف لخواتي.
راح يجيب لهم مفرحات من البقاله وفي طريقه..
____
وبعد مده خلصت واخذت الاغراض ولبست عباتها ولثمتها ومشت طالعه بعد ما قالت لجدتها طلعت من البيت وشافت بزران يلعبون مشت لبن نص الطريق تذكرت كلامه : يمههه ي اذا جون هذوناك هلحين ناظرت الطريق من خلفها ثم ناظرت امامها بتوتر وكملت طريقها ماشيه بس عكر طريقها مسيلم المجنون الي اول ماشاف الاغراض في يدها جاء صوبها الريم انفجعت : يمهههه وراحت تركض ومسيلم خلفها يركض ويخربط ف الهرج.
الريم تبكي وتركض : يمهههههههه لاا.
مسييلم يرفع العصاء حقته بتهديد: هاااااتيييييي درنننندههه هاااتيييي.
الريم حست خلاص شوي وبتفقد وعيها لفت من الفه الي ماتدري وين وشافت رجال يمشي قدامها راحت ووقفت قدامه: داخله على الله ثم عليك انا في وجهك به واحد يلحقنيي.
وهاج منفجع: وش في من انتي ومن يلحقتسس؟!.
الريم بسرعه وانفاسها متضاربه وتاشر خلفه : في وجههك مممنه .
وهاج لف وشاف مسيلم الي يركض وفي يده عصاته جاي طاير يمهم وبسرعه قال لها: هووه ذا.
الريم هزت راسها وهيه تبلع ريقها وانفاسها متسراعه: اييه.
وهاج ناظر مسيلم الي يركض بسرعه وقال ونظره لها: بيتس له طريق من هنا.
الريم بخوف: مدري ايه ممدري.
وهاج ولف يناظر مسيلم الي باقي شوي ويكهربهم الاثنين ب العصاء الي معه قال: اركضي وانا بركض بعدتس وخذينا بيتكم.
الريم فتحت عيونها بصدمه وماخلصت كلامها الا وشافت نفسها تركض وكان وهاج قد ركض قدامها وهيه خلفه منفجعه .
وهاج يركض والمشكله ماديري وين بيتها والريم تركض خلفه وشكلها ناسيه وين بيتها وهاربه معى وهاج « و ياقوي انقذهم هه.
وهاج لف من فتحه ثانيه الاوقدامه اربعه كلاب وهاج في نفسه عضت كلب ولا ضربت مجنون اركض ركض وهاج الا ويسمع ثلاثه كلاب تركض خلف الريم الي ماتت بكي وهيه تركض .
وهاج مايدري وش يسوي ومايدري من ذي البنت لانه ماقدر يميز صوتها من بكاها وبصوت عالي : ي اختييي روحييي من هنااك .
والريم مستمره تركض خلف وهاج والكلاب خلفها وهاج لمح بيت بابه مفتوح وركض داخل له والريم خلفه سكرو الباب ووقفو وانفاسهم متضاربه والريم عيونها كلها دموعه وترتحف : اهىىى يمهه اهىى.
وهاج ميز الصوت وقال : شهرزاد.
الريم ماهيب حوله تبكي ومرعوبه : يمهه توبه والله توبه.
وهاج بخوف وقت عرفها : وشش مطلعععك ذه الحزززه هااااه.
الريم ببكى وانفاسها متضاربه قالت: كككنت ببودي ذاا لبييت ضااري اهىى.
وهاج عصب وقال: تسستهبلي طالعه بروحتس في ذه الحزه تودين اكل ان كان صار لتسس شييي خبلا انتي ولا وش شلون خلاتس ابوتس تطلعين.
الريم ببكاء: اوصصص اوصصص خلاص.
وهاج لف وجهه ومسح على لحيته وقال: الله يهديتس بس ماقلتس لتس المره الاوله لاتطلعين بروحتس .
الريم تمسح دموعها وناظرته باستغراب وتو تستوعب من ذا: انتت ف كل مكان طالع لي.
وهاج قال: لو ماكنت انا كان هلحين مسيلم اخذ اغراضت ومكهربتس بعد .
الريم مسكت اغراضها بقوه وقالت: ممشكور والله خلاص بطلع.
وهاج قال: لا تشكريني ، وبسرعه انا وش قلت لتس؟!.
الريم : خلاص والله توبه.
وهاج يبي يتكلم الا سمع صوت الرجال العجوز الي طلع لهم من داخل البيت وتكلم بعصبيه : وجععععع ي عيال ال*** خليتو بيوت الناس وجيتو تترمصصو وسط بيتي يا ***.
وهاج طير عيونه فاهم غلللطططط وش بيسوي وش يقوله.
الريم انصدمت ونزلت دموعها بخوف لو ينتشر الخبر ذا معى انها ماسوت شي بس اهل القيل والقال مابيرحموها تخبت خلف وهاج الي متوهق وقال: ي عمي فاهم الموضوع غلط والله.
الشايب الي شكله مايشوف ولا حتى صفر ف الميه لانه يكلم الجدار قال : غللط قلتت وانا سامعك باذني تسولف معاااهاا.
وهاج : ام البلشه ، ي عمي والله فاهم غلط وقص له السالفه الي ماصدقها وقال: عياللل منن انتو.
الريم كردت فعل مسكت ثوب وهاج من الخلف وقبضت عليه وهاج لف لها وياشر لها يطمنها قال: نحنى موب من الديار ذي غريبين.
الشايب عصب: اذلفوو لابارك الله فيكم تحسبن صدقت سالفتك التسذوب ذه اطلعو من بيتي قبل افضحكم الحين .
وهاج ماقدر غير انه يمسك يد الريم وماهوب مركز اببدد بس يبي يطلع من المصايب الي هلت عليه وطلع من المكان بسرعه بعد ماحس المكان امن والريم رمت يده وردت يدها لحظنها وهاج ابتسم بهدواى وقال : خلاص امشي وبمشي خلفتس .
الريم بسرعه: لا لا خلاص شكراً ماقصرت وجت تبي تروح وعاندها مشى خلفها : لو اخليتس تروحين بروحتس مانيب رجال امشي.
الريم ابتسمت ف سرها ومشت حست ب الامان شوي وهوه خلفها يمشي مشت لين بيت ضاري وقف وهاج بعيد عن البيت دلخت الريم بعد مادقت الباب
زهراء ابتسمت: حستبس مانتس جايه.
الريم: افاااا ، بس كنت بعيده عن البيت شوي خذي هاذي الاغراض وانا باروح.
زهراء : ادخلين ي بنت والله جدتي لها شوق لتس.
الريم ابتسمت لها وقالت: وينها بسلم عليها.
زهراء : اظخلي حياتس داخل.
دخلت الريم للبيت المتواضع الصغير وشافت جدت زهراء قاعده وابتسمت لها سلمت عليها: كيفتس ي خالتي اخبارتس.
الجده: الحمدالله واناي اخبارتس عساتس طيبه وكيف صيته.
الريم: تسلم عليتس،.
: الله يسلمها ، جيتي بفي ذه الحزه بروحتس.
الريم ف نفسها لو تدرين وش صار بس قالت: معليتس مابه خوف علي.
ابتسمت لها وقالت: حفيدت صيته اكيد مابه خوف عليتس.
وقفت الريم ونزلت غطاها وقالت: يلاه استائذنكم.
طلعت بعد ماودعت زهراء ولمحت وهاج قاعد بعيد على جواله واول ماسمع فتحت الباب رفع راسه لها وقف وانتظرها .
الريم مشت لين مامرت جنبه وسمعته يقول: ساعه كم تجين لذا البيت.
الريم باستغراب: شدخلك؟!.
وهاج: يالليييل الزقاقه اقول اهرجي قبل هلحين اخلي مسيلم يركض بعظتس لين ويصلتس بيتكم ركض.
الريم بتفكير: وهيه تمشي خلفه قالت: الساعه خمس تقريباً.
وهاج هز راسه وبطى مشيته عشان تمشي قدامه مشو يوا بعض لين قريب بيتها ورد بعد ماقال: انتبيهين على نفستس ي بنت ولاتطلعين ذه الحزه.
الريم سكتت ومشت لبيتهم وهوه راح للبقاله يجيب لخواته مفرحات.
رجع للبيت وراح ينادي رنيم
رنيم جت تركض له: تاخرررتت!!.
وهاج مد الكيسه: لقيت واحد من الشباب .
رنيم هزت راسها بتفهم وقالت ببتسامه وهيه تاخذ اكياس المفرحات: مشكوورر قسم افضل وهاج ف العالم .
وهاج ضحك عليها: خبلا.
ورد رايح للمجلس شافهظ يسولفون ابوه وعمه واخانه وحسين.
___
دخلت وشافت ابوها الي رايح وجاي خايف عليها قال اول ماشاف زولها داخله: الريييم.
الريم : هاه يبه.
ابو الريم: ليييه تطلعيييين هلحززه ي بنتيييي مجنونه .
الريم قالت بهدواى: اسفه ي يبه والله بس عشان الاجر.
ابو الريم حظنها من كتفها: ي بوي والله اني اخاف عليتس مابيتس تطلعين مره ثانيه بروحتس.
الريم هزت راسها ببتسامه : ابشرر يبه وعد ما اطلع بروحي ف ذه الحزه.
___
منسدح جنب اخوانه وماجاه النوم كل شوي اخذ يشم ريحت يده الي ملاها عطرها بعد مامسك يدها لف يدينها تحت راسه وناظر السقف ببتسامه والدنيا هاديه واخوانه نايمين وكل شوي يطري عليه زولها وعيونها.
___
اما عندها ف كانت مثل كل يوم قاعده ف السطح وماده فرشتها ومنسدحه وتناظر النجوم والقمر تذكرت الموقف وضحكت : اخخ ياربي .
تذكرت وهاج وابتسمت : والله انه كفو .
لفت وحضنت نفسها وتذكرت شكله شعره الناعم وعيونه الحاده عوارضه وخشمه حواجبه الكثيفه وطوله طوييل حيللل طويل دقت راسها: الرييم خلي الخبال عنتس وش الافكار ذه مسرع قزيتي الولد اوفففف اخذت غطاها وغمضت عيونها بتنام فسطح مكانها المفضل.
____
كــــــت❀.