البارت الثالث
*⌯{📚}↵روايه#| يَ أول مُواليِف قلبيِ،واخـر حُب! .*
*⌯{✒️}↵للكاتبه#|حليِمه،عبد.السَلام.ai.
*⌯{📜}↵ البَـــارت#| الثـالث³↓.*
〰️〰️〰️〰️〰️〰️〰️
**
استغَفر اللّه واتوبَ إليِه.
اللهمَّ اكفِنِي بحلالِكَ عن حرَامِكَ،
وأغْنِنِي بفَضْلِكَ عمَّن سواكَ.
اللهُمَ صلِ وسلم وبارك على سيدنا مُحمد🌷🤍.
☐اتمنىَ الروايهَ ماتلهيكمَ عن الصلاهَ!!.
____
اقربي ترا مافيه بعدك ولا قبلك جليس
من عرفك " يحسّ نفسه عن العالم قنوع "
____
نكمَل..
سراج بلع ريقه يوم فهم كلامه وقال:
خلاص حصل خير مابه شي .
وهاج ناظره باستغراب وبغمزه: اوفف لييه طيب ي اخي انا ودي ادخل السجون .
رزيقه مسكت على صدرها: هاااو وششش قلتتتتت انت ماتشوف حالتك عشان تسامحه لعنبوك جايبني لين هنا وجايب الادمي " العسكري" وهلحين تقولل مابه شيي ليييه لعبببب بزرران هوه.
سليمان ناظرها بشمئزاز وقال: ي حرمه الهرجه هرجت رجال لاتدخلين نفتس فيها وابني ان كان سواء لوليدتس شي ف أنا باتصرف معاه وابنتس بعظمت لسانه انطق ان مابه شي ف لا تكبرينها.
رزيقه ناظرته بقهر ومسكت يد ابنها وسحبته : امششييي لاجاربوك من ولددد امششششي .
وهاج كتف يدينه وناظرهم وهم رايحين ورفع يده وي اشر لهم ب معى السلامه والابتسامه شاقه الوجه
سليمان ناظر العسكري المنصدم من الي صار سحبو عليه وهوه جاي فازع لهم : العفو منك ي خوي ، هرج حريم مامنه سنع
العسكري : مابه شي وياريت مايوصلنا بلاغ ثاني عشان ذي المره مشت المره الثانيه مابتسلم.
سليمان: شكراً ان شاءالله ، يلاه معى السلامه.
راح العسكري وبقي فلاح الي اساساً جاء لبيت سليمان عشان وهاج وماحصله وانتظره ف المجلس عند ابوه ، ومطلق ، وحسين
سليمان لف لا ابن اخوه وقال : وش موسي فيه انت ؟!.
وهاج ابتسم: كلها كم كسر يستحقه ي عمي لاتكبرونها.
سليمان هز راسه وقال بعد مازار ثغره طيف ابتسامه: ايه بالله .
حسين ضحك: شفتو شكلوه ورب البيت انوه منضرب ضرب سنه قدام .
وهاج : خله يستاهل.
فلاح ب استغراب: وش مسوي عشان تضربه؟!.
وهاج بهدواى: كلن على افعاله ، معليكم تعالو خلن ندخل بس.
فلاح قال: اعذروني باروح كنت جاي احاول معاك تجي معانا بس شكلك صامل بقرارك.
وهاج هز راسه :.ايه ، الله يوفقككم.
استاذن فلاح من سليمان ومشى من عندهم دخلو للبيت وشافو البنات واقفات بشرشف الصلاه وامهم الي كانت تبكي قالت: حبييبي وهاج .
وهاج راح لين عندها وحضنها: معليتس يمه ماصار شي ذا سراجوه يهايط.
سليمان رمى عليه السبحه : على اخرررر عمرييي تجي الشرطه لين بابي.
وهاج حك حاجبه الي حطت السبحه عليه: اححح ، يا عمي تدري انه مهايط والله ماينفع بترله.
مطلق ابتسم: معليك سراج معه قل صح " ناقص عقل " ماعليك منه يبه .
سليمان قال وهوه يسمع اذان المغرب : يلاه يلاه بس خلونا نلحق على الصلاه .
رنيم قبل لايطلعو اخوانها قالت: هيييه وهااج وين الاغراض الي اوصيتك عليهن.
وهاج رفع الكيسه الي ف يده وقال: ذي نسيتها ورمها عليها وقال
: شوفيهن كلهن عاد مادريت وش هن كل اسم افضع من الثاني ، وهاه ترا اخذت لك ولعواطف وياشر لعواطف الواقفه مبتسمه له
: ترا حقتس معاه لاتبلعه بروحها
التقطت الكيسه وضحكت عليه
رنيم : الحققق ابويييي ، وزلج الباب معاك.
طلع وهاج بعد مقفل الباب خلفه وشاف عمه ومطلق وحسين يمشون قدام ركض لين وصل لهم وتمو ماشيين للمسجد ..
ف البيت#.
دخلو لداخل البيت ورنيم فاتحه الكيسه وتقسم المفرحات الي وصت وهاج بينها وبين عواطف وكان جايب من كل شي اثنين ..
عواطف وف يدها البسكوت : صلي وقومي جهزي العشاء .
رنيم وف يدها شكلاته قالت : وانتي؟!.
عواطف قعدت وحطت مفرحاتها ف حظنها وقالت: معلي صلاه ، ورفعت نظرها لها وقالت انهجي صليي احتريتس هنا انا يلاه.
رنيم الي كانت تسمع كلام اختها وتحترمه قالت وهيه تحط كيستها عندها :طيب طيب ، لاتعصبين.
عواطف ابتسمت لها ثم لفت لا امها الي من اول مدخلو دخلت تصلي المغرب.
__
نزلت شرشف الصلاه وقعد تسبح شوي ناظرت البيت بضيق تملللل بروحها تحس انها بتختنق مابه معاها خوات يونسونها وجدتها بس تتعشاء وتنخمد وابوها برضوه ، تقعد بروحها ف البيت مثل السكنيه تناظر الجدران ولا تطلع لها للحوش وتضل تناظر السماء لين يجيها النوم وتدخل لداخل تسمع اصوات بيوت الجيران بس ماتقدر تطلع عند احد لان ابوها مايبيها تطلع لا احد ..
وقفت وراحت طالعه للحوش تناظر السماء والشف الاحمر بدا يزول والقمر بدا يبان بوضوح اخذت نفس ثم رجعت لداخل شافت جدتها قاعده تقراء قران راحت وقعدت يمها تناظر لسقف بمللل ...
صيته لفت عليها : وراتس تهوجسين.
الريم بملل: لا ي يمه بس تسذا طفشانه.
صيته باهتمام : وليه ماتطلعين للحوش.
الريم رفعت اكتافها بملل وقالت: تسحلتبه " مليت منه".
صيته قالت بتفكير ولسى ماتكلمت من الاتصال الي وصلها على جوالها النوكيا القديم اخذته وناظرته وهيه تعفس عيونها قالت وهيه تاشر لريم : من هوه؟!.
الريم اخذت الجوال وناظرت الاسم وقالت ببتسامه: اختي منيره آل**.
صيته قالت وهيه مبتسمه: عسى خير ان شاءالله افتحي عليها.
فتحت الريم الاتصال واعطته جدتها.
صيته قالت: ي حييا الله منيره ... هااااه ي هلا والله الحمدالله طيبه ... بصدمه لاحول ولا قوة إلى بالله .. ان لله وان إليه راجعون ... هلحين جايه يلاه في حفظ الرحمان.
قفلت منها وقالت ومن حواها حزين بسس باين الثبات في وجهها : لا حول ولا قوة إلى بالله.
الريم بفجعه: وش فييه؟!.
صيته الت وهيه توقف : منيره اختي وفاتها المنيه وتصلت علي بنتها .
الريم تدري ان ذي صديقت جدتها المقررربه وكانت دايم تقص لها عليها قالت: بتروحين هلحزه؟!.
صبته هزت راسها وقالت: ايه ، كزي جيبين عباتيي وا ازهمي لا ابوتس " اتصلي لا ابوك" خليه يجي ياخذنا لهم انهجيي " اسرعي".
الريم راحت وجابت عبات جدتها وشيلتها وغطوتها واخذت جوالها واتصلت لا ابوها تعلمه يجيهم بسرعة وقال لها انه شوي بعيد .
صيته قالت بحزم : جيبي مفتاح الموتر.
الريم بققت عيونها: يمهه.
صيته بعصبيه وهيه تلبس برقعها : توحين وش اهرج بهه اقحصيي جيبي المفتااااح.
الريم انفجعت وراحت تشوف مفتاح ابوها في جيب ثوبه لقته وجت تركض شافت جدتها تحتريها عند الباب مدته لها طلعت صيته وناظرت الموتر الي لها سنيين ما ساقته بس اليوم يوم مو عادي اليوم صديقت عمرها فارقتها فراق ماعاد باتسمع لها شين الااذا جاتها في حلمها طلعت ذبيحتها وثبتتها ف الخلف وطلعت مكان السايق وطلعت الريم جنب جدتها وتدعي في سرها عسى ماتذبحهم اليوم وتلحق خويتها ناظرت الطريق بتوتر شغلت جدتها وحركت والريم تفرك يدينها بتوتر وخوف من سواقت جدتها الي كانت تسابق الريح اول مره تعرف ان جدتها تسوق وشكلها محترفه فيها جاتها الضحكه استغفرت ربها جدتها وين وهيه وين..
__
ف المجلس حق رجال الديره كانو كل مشايخ الديره مجتمعين مثل كل يوم بعد الصلاه يجتمعون في ذا المجلس ويتشاورون في امور الديره ويطرحون القصايد ويتناقلوها وبعد الصلاة العشاء واحدن منهم يعزمهن عنده عشاء وبعده يردون لذا المجلس والشباب يجهزون بيالات القهوه ومن كل بيت يجيهم حلا .
شيخ القبيله: وش العلم الي وصلنا امس يا سليمان .
سليمان قال بقهر من عبد العزيز الييد اليمين لشيخ القبيله ومابه سالفه تصير الا يوصلها لشيخ : مابه شين كبير ي شيخ مير كلها هرجه ماصله لورعان .
الشيخ هز راسه بتفهم لانه يحترم سليمان ف ما حقق وراء السالفه كثير ويدري انه مارواهم اذاء لاهوه ولا عياله ويدري باحترامهم ف الديره
سكت المجلس يوم جاهم المرسول ويقول : السلام عليكم ورحمة الله .
الكل باصوات متفرقه : وعليكم السلام ورحمة الله.
المرسول الي ينشر الاخبار بين القابيل قال : جيت اوصلكم علم.
الشيخ اعتدل وقال: سم.
الرمسول : سم الله عدوينك ثم نطق ، جيت اوصل علم ان الشيخه منيره آلنهيان وفاتها المنيه اليوم الساعه خمس العصر .
الكل باصوات متفرقه لاحول ولا قوة إلى بالله ، ان لله وان إليه راجعون .
وقف الشيخ وقال : الكل يجهز نفسه وعوالته وذبايحه بانسري لهم .
وقف كل من ف المجلس بيتفرقون لا اهاليهم عشان ياخذو زوجاتهم و كل واحد منهم يجيب معه ذبيحه وبيحركون لا قبيلة آل نيهان والي كانت معروفه ومن ضمن القبايل الكبيره « اسماء القبايل من عندي مالهم علاقه ف الواقع.
الكل طلع من المجلس ومابقي احد غير المقهوي والعامل الي ينظف المجلس.
___
واقف يناظر خواته جاهزات وباقي امه الي كانت تلبس عباتها
مطلق الي ثبت الذبيحه ف خلف الموتر حقه تقدم منهم وقال : باقي امي.
وهاج هز راسه بايه وقال : مشعل ابطى .
مشعل من خلفه : هاذاني اجيت.
سليمان تقدم منهم وقال: ي الله ي رجال الاوادم تنتظر.
حسين : انتظر ي عمي باقي عمتي ما تجهزت.
سليمان بعصبيه: مشعل ادخل على امك وقل لها تنههج الرجال ينتظرون.
مشعل : ابشر.
دخل وشاف امه جاهزه بس كانت تقفل بيبان البيت : يلاه يمه.
: يلاه ي بوي .
طلعت معه وشافتهم مستعدين بيحركو
مطلق وابو مطلق وام مطلق وحسين في سياره مشعل ووهاج وعواطف ورنيم في سياره ومشو محركين خلف سيارات رجال الديره .
___
تناظر الطريق بخوف سواقت جدتها تخووف ناظرت البيت الي كان قدامه سيارات وشاصات ورجال يوووه وش بيدخلنا بينهم هلحزه ، الريم اول مره تجي لذا المكان كانت بس تسمع عن منيره وبناتها وعيالها وكانت تعرفهم وهيه صغيره بس هلحين ماعاد تعرفهم كثير لان لها مبطي من الديره .
وقفت صيته الشاص ونزلت وقالت لحفيدتها: حولتس" انزلي".
نزلت الريم وهيه تمسك شيلتها زين قفلت جدتها الشاص ومشت باستعجال والريم خلفها ماسكه طرف عباتها تضايقت من صوت الحريم والبكاء الي وصلهم قبل يدخلون للبيت واول ما دلخت صيته قالت بثوت جهوري : سلااام ربي عليكم ي اهل الدرا اذكرو الله.
الكل رد السلام وباصوات متفرقه ، لا الله إلى الله .
الكل وقف وراح يسلم عليها والريم تسلم على الجميع تقدمت صيته وقعدت في بدايت المجلس جنب خوياتها من بنات القبايل الثانيه وكانو كل واحده اقواى من الثانيه مابه واحده منهم نزلت دموعها الا بنات المرحومه الي كانو يبكون الحريم يهدونهم .
اما عند الريم الي تناظر الكل بضيق تحس قلبها يعورها عليهم تذكرت امها ونزلت دموعها وهيه تناظرهم يبكون على امهم رغم انهن كبار ف الين ومعولات " عندهم اولاد" قعدت تبكي ومحد حولها الكل منشغل ب العزاء والبيت الي في ساعه ملاه الناس والحريم والرجال .
__
وقبل نص ساعه بعد ماسمع ب الخبر عرف ان امه اكيد قد راحت دخل لبيته وشاف الموتر موب موجود عرف انها ساقت بعد مده طويله خاف عليها من وعرت الطريق رغم ان المسافه ماهيب بعيده بس لان نظرها ضعف ولا امه بنيتها سليمه اخذ سيارته الثانيه وراح طلع ذبيحته وحرك رايح لهم.
___
ناظرت الغرفه الي حطو بها المرحومه عشان بناتها يودعونها توهم حطونها واول من وقف رايح يشوفها جدتها صيته وخوياتها هم الي دخلو ف البدايه والصدمه انهم مانزلو ولا دمعه رغم انهم شافو صديقتهم ف الكفن الابيض« اللهم انسئالك حسن الخاتمه ، وجنبنا فتنت المسيح الدجال.
طلعو من الغرفه وكانت الريم قاعده ف الصاله ماقدرت تدخل للغرفه وتشوفها مثلهم ناظرت البنات الي ف سنها واكبر منها بشوي يناظرونها ابتسمت لهم بحزن شافت رغد الي جات من غرفه ثانيه لها وقالت بثوت منخفض : انتي هنا وانا ادور لتس بعيوني ماشفتس.
الريم وهيه تناظرهت حست براحه يوم شافتها: ليه وين كنتي .
رغد : زحممه كنت ف الغرفه ذيك واشرت بعيونها على غرفه في نهايت الصاله من الجهه الشمال.
الريم هزت يبراسها وقالت: قلبي عورني عليهم .
رغد بحزن: ايه والله الله يعصم قلوبهم.
الريم : امين وبصوت منخفض ويعصم قليبي معاهم.
___
عند الرجال #.
كانو قاعدين بصمت وكل شوي يدخل واحد يعزي اولادها ويسلم على الموجودين ويقعد طان الجو كئيب وبه واحد من عيال المرحومه يقول قصيده حزينه على امه والكل ينصت له بحزن
:أمي نظر عيني دوا كل علة
من كفها الطاهر شربت الزلالي
وجه سموح وبسمته ما تم له ##
شلال حب ما ترده جبالي طيبة على طيبة وهي الطيب كله##
أصل وفصل والشأن في الناس عالي وفي الجد صالح الحق دايم تسله##
ما همها من كان ولو كان خالي ويا رائد من هو كان حضنك محله##
يد في لو هبت هبوب الشمالي ولا يا عرب ما قلت شعر أتسلى حبيت أبين للملا رأس مالي##
يمه خيالك مسكنه داخل العين أذكر زمان أول وأنا في الدلالي
أذكر تعبتي معي وإنتي تربين إليا سمعت الصوت يرتاح بالي
وأنسى هموم الوقت وفرقا المحبين يمه ترى الجنة معك والمعالي##
يمه قدم رجلك أحطه على العين ##
بس لاتفرقين وتتركين قلبي بالف عله.
الكل : حي عينك ، صح لسانك.
وبعد ساعات كانت بلحيل طويله
___
عند الحريم #.
الريم تعرفت على بنات جديدات وكانو طيبات معاها والي عرفته انهم من حارتهم بس ماتعرفهم وحبتتهم بحيل بس استغربت يوم جديتها قالت لها اقعدين عندي ولا تسولفين لبنيات احد وهاذا الي صار استاذنت منهم وقعدت عند جدتها وعيونها بها النوم.
اما عند صيته الي لمحت حفيدتها تسولف معى بنات سليمان مباشره اندهت عليها وقالت لها تقعد.عندها ماتبي اي صله فيهم ليه ماحد يدري وش السبب.
وقفت الريم وناظرت الساعه كانت ثنيت الفجر تبي ترد لبيتهم وتريح بس ابوها هلحين موب موجود اكيد عند الرجال تنهدت وطلعت للحوش تشم لها وشيت هواء كان محد فيه سمعت صوت من الجهه الثانيه والي واضح انها لرجال خافت وجت تبي ترد بس الصوت موب غريب عليها.
وهاج يكلم ب الجوال: ابشرر هلحين انا والشباب نذبحهم .. االان الاان.
وقفل شاف بنت لابسه عبايه واقفه تناظره واول ماحست عليه انه شافها دخلت لداخل ما اهتم كثير وؤجع لشباب يكلمهم عشان يذبحون الذبايح .
الكل وقف معى اولاد منيره والشباب كانو يساعدونهم حرفياً بكل شي وكانو كانهم يد واحده .
___
ثاني يوم#.
صحت من النوم على صوت ابوها الي يقولها تجهز عشان يوديها عند جدتها الي نامت في بيت العزاء امس روحها ابوها بعد مانادها يسئلها على امه وقالت له يروحها لانها تعبت.
زقفت وتجهزت لقت الفطور جاهز وكان ابوها مسويه ابتسمت له بحب
: شكراااً يبه ماقصرت.
ابتسم لها وقال: يلاه عشان نروح لجدتس.
قاعده جنب ابوها ف السياره وقالت: يبه كنت تدري ان ميمه صيته تسوق؟!.
الوها هز راسه لها با ايه
الريم باستغراب: ورا ما علمتوني؟!.
ابوها: عادي أصلاً هيه من مبطي ماعاد ساقت وشكل امس اطرت تسوق.
هزت الريم راسها ب ايه وسكتت تناظر الخط وقف ابوها من شاف سياره مغرسه ف وسط الطريق وشكل صاحبها متوهق نزل من السياره وقال لريم تقعد مكانها.
ابو الريم : سلام ي الاخو تبي مساعده.
وهاج لف عليه وكان مستعجل : ايه بالله ي عمي .
ابو الريم سكت بصدمه وو...
_____
كــــــت❀.