الفصل الثالث
💔 الفصل الثالث: أسرار في الخفاء 💔
(من منظور شهد)
من يوم دخلت ليان حياتي، حسّيت بشي مختلف.
كانت بسيطة، ما تتصنّع، تحب تسمع أكثر مما تتكلم.
ضحكتها حقيقية، ما فيها غموض ولا منافقة مثل رهف.
في البداية، ترددت أقرّب منها.
قلت لنفسي: “خلاص يا شهد، لا تثقي بأحد ثاني.”
لكنها كانت تبهرني كل يوم بلطافتها، بكلامها الصادق.
كأنها جت تمسح شي من جوّا قلبي كنت فقدته.
وفي الوقت نفسه، رهف ما كانت عاجبها الوضع.
بدأت تسألني:
– “مين هذي ليان؟ صرتي تقضي وقتك معها أكثر مني.”
كنت أردّ بهدوء:
– “هي زميلة… بس.”
بس أنا كنت أعرف إن الغيرة بدأت تأكلها من جوّا.
الأيام تمشي، وبدأت ألاحظ أشياء غريبة تصير حولي.
ناس يبتعدوا عني بدون سبب، إشاعات صغيرة تنتشر في القاعة.
كلمات مثل “شهد تغيّرت… شهد مغرورة…”
وأنا ما كنت أعرف من وين تطلع.
في يوم، وأنا خارجة من الجامعة، سمعت صوت ريم تناديني.
ريم؟ ما كنت أعرفها كثير، كانت قريبة من رهف سابقًا.
قالت لي بصوت خافت:
– “شهد، انتبهي من اللي حولك… مو كل الضحك حقيقي.”
نظرت فيها باستغراب، بس قبل أتكلم، راحت.
تركتني واقفة، وقلبي ينبض بسرعة.
مين قصدت؟ رهف؟ سارة؟ ولا غيرهم؟
رجعت البيت وأنا حايرة،
فتحت مذكرتي وكتبت:
> “بعض الأسرار تمشي حولنا، تبتسم، وتتصرف كأنها صديقة.”
كنت أحس إن شي كبير مخفي،
شي لو انكشف… راح يغيّر كل شي.
يتبع....