فاضية المشاعر - الفصل الثاني - مكتملة | روايتك

💔 الفصل الثاني: ضحكة غريبة 💔 (من منظور شهد) من بعد ذيك الليلة، ما عدت أنظر لرهف مثل قبل. كنت أشوفها تضحك معي، بس الضحكة ما صارت تدخل قلبي… صارت غريبة، ثقيلة، كأنها تمثيل. كنت أراقبها بدون ما تحس. كل مرة تمدحني قدام الناس، عينيها تقول شي ثاني… كأنها تقول “أنا أعرفك أكثر من اللي يظنونك ملاك.” في الجامعة، كل البنات يحسبونا ما زلنا أعز صديقات. حتى الدكاترة يقولوا “شهد ورهف دايمًا مع بعض.” وأنا؟ كنت أمشي معاها فعلاً، بس المسافة بين قلوبنا كانت تكبر يوم بعد يوم. وفي يوم، دخلت القاعة متأخرة، جلست وراهم، كنت أسمع همسها هي وسارة، اللي ما كنت أرتاح لها أبدًا. ضحكوا فجأة، وضحكت رهف بصوت عالي… ضحكة كانت مختلفة، فيها سخرية… فيها “قصد”. بعدها بثواني سمعت اسمي. "شهد؟" قلت لنفسي يمكن أتوهم، بس لا… سمعتها مرة ثانية. كلمة وحده، بس كانت كافية تهزني من جوّا. رجعت البيت، وقلبي مليان وجع. كتبت في دفتري اللي ما يعرفه أحد: > “أحيانًا أكثر شخص تضحك معه، هو أكثر واحد يوجعك.” في ذاك اليوم قررت شي بسيط… ما راح أتكلم كثير، ما راح أشرح نفسي لأحد، راح أكون هادئة، وأخلي الأيام توريهم مين أنا فعلًا. وفي نفس الوقت، كانت حياتي توصل لمرحلة جديدة. جاء يوم تعرّفت فيه على بنت اسمها ليان. ما كنت أدري إن دخولها لحياتي بيغيّر كل شي. يتبع....