الجزء 37 والاخير
بقلم يقين محمد
بس مستحيل اسمح ليك تعمل كدا يكون في علمك 😡😡 طبعا كان مصدوم وقال لي عرفتي من وين 😱😱 قلت ليهو مشيت زرت أبوك قلت يمكن الظروف غيرتو بس مثل ما هو ولسا في عمايلو و علشان الشفتو مستحيل اسمحلك تعمل في نفسك وفينا كدا قال لي بقضب وكل عروقو رقبتو ظهرت الخلاك تمشئ ليهو شنو ليه تمشئ تزوريهو قلت ليهو في الحقيقة كنت شاكة انك حتتبرع ليهو واتخزت الزيارة حجة علشان أعرف قال لي وهو لسا معصب كنت تمشي للدكتور طوالي مشيتي ليهو لشنو 😡😡 طبعا كدا انا فهمت عصبيتو و قلت ليهو إنت طلعت من الموضوع دا ما موضوعنا قال لي موضوعنا اوعي ثاني مرة تمشئ ليهو فاهمة بصوت عالي كدا قلت ليهو اساسا بعد الشفتو مستحيل افكر مجرد تفكير ارجع قال لي شفتي شنو وهو بدقق علي عمل ليك شئ 😡😡😡؟ قلت ليهو ولا بقدر بس كان بتحرش في ممرضة
شال نفس قلت ليهو سيبك من أبوك انا في انك عايذ تتبرع ليهو إنت ناسي انك عندك الم من فترة قال لي اي عملت الفحوصات ومنتظر النتيجة وما ناسي قلت ليهو مستحيل اسمح بأنك تتبرع ليهو تأزى نفسك قال لي اساساً ما اخذت رائك واطلعي من الموضوع دا 😡 لما قال لي كدا حسيت بقلبي اقسم النص و قلت ليهو دا اخر ما عندك 💔💔💔 ما رد لي وعايذ يطلع من الصالة قلت ليهو قبل ما تطلع إذا كان كدا لازم تختار يا أبوك أو نحنا عاين لي و طلع طوالي دخلت الغرفة وبقت افكر ووصلت لي حل واخذت قراري مدام هو اختار واتصلت لعمو الفاتح بعد ما خلصت قفلت التلفون وبقيت أبكي 😭😭😭 وبفكر لي بكري يعمل كدا قمت صليت العشاء ونمت علي كدا صحيت على المنبه لقيت بكري مافي قلت في نفسي يعني وصلت معاهو لهنا وإنو ينوم برا صليت لما طلعت الصالة لقيت بكري نائم في كنبة الجلوس الكبيرة 😣😣💔 عاينت ليهو مسافة وطلعت تصرفو دا اثبت لي انو قراري الاخدتو صح وحأنفذو من دون ما ضميري يأنبني واصراري زاد كدا
مشيت جهزت لي حمودي لبن وجبتو ورجعت لقيت بكري في الغرفة شائل حمودي ختيت البزة وشلتو منو وقلت ليهو على ما اعتقد انك اخترت وطلعت من حق اابوتك ليهو فلو سمحت عاين لي مسافة وما اتكلم معاي 💔💔💔 شال غيار ودخل اتحمم وصلى وطلع وأصلا انا كنت لهية نفسي مع حمودي ومع كل تصرف بتصرفو بتأكد اني علي حق في الح اعملو وخاصة سكوتو 😣😣💔 مع اني كنت بتقطع من جوا بس كنت بقوي نفسي بولدي وإنو لازم احميهو من كل شئ عدا كم يوم وعلاقتي ببكري شبه معدومة اساساً ما بشوفو ألا الصباح وحيانا بنوم برا البيت 💔💔💔
وخلاص جاء زمن انفذ البفكر فيهو
جهزت شنطنا انا وحمودي ولميتهم بحيث ما يشوفهم بكري وبعد طلع خليت مأرسا تطلعهم العربية ووصيتها على البيت وطلعت 😭💔😭😣
مشيت المطار طيرتنا 8 ½ ص والحضور 5
كنت ماشى الاردن علشان حمودي الدكتور العالجو رشح لينا دكتور اردني واستشاري أطفال معروف علشان كان خايف من رد فعل جسمو على الحصل وكان المفروض بكري يمشي معانا بس هو اختار ابوهو وفضلو علينا علشان كدا كان لازم اهتم بولدي براي لانو الدكتور قال لينا انو احتمال يكون عندو سكري المهم قبل ما أطلع الطيارة رسلت ريكورد لي بكري 😭💔😣 مضومنو اني بكلمو باني طلعت من حياتو انا وولدي وانو كدا بقدر يعمل العايذو في حياتو يضحي بيها زي ما هو عايذ و لمين ما عايذ وما رسلتها لحدي لما كنا على وشك ركوب الطيارة رسلتها وعملت وضع الطيران
وصلت الاردن وطوالي اتجهت للعنوان حق الدكتور طبعا كان عندنا موعد بس كمان انتظرت زي ساعة ونص علشان قدرت اقابل الدكتور عمل فحوصات شاملة ل حمودي وبعد ما خلص بقيت منتظرة النتيجة وبعد ما طلعت دخلت ثاني للدكتور وكان معاه كل الفحوصات حقت السودان بعد مسافة قال لي الحمدلله ابنك قوي وكل فحصاتو تمام بس عندو مضاعفات نسبة للجرعة كانت قوية عليهو عمل لي ليهو نظام غذائي وفيتمينات لحدي ما يكمل السنة على كدا طلعت مطمنى على حمودي طبعا كنت على اخري من التعب 😭💔😰 لاني لحدي الان ما اكلت شئ وتعب السفر وكمان شايلة حمودي كل الوقت وطول الوقت بفكر في ردة فعل بكري لما وصلو الريكورد بعد ما طلعت من المستشفى مشيت لمطعم كانت الساعة 4 العصر وطبعاً لا صليت ولا عصر ولا ظهر نسبة لي انو ما بقدر اخلي حمودي ولانو ما معاي زول وكنت خايفة أخليهو عند زول وتحصل ليهو حاجة وانا غريبة في المكان 😣😣 عارفة ما عزر يخليني اهمل الصلاة بس كمان ماعرفت اتصرف المهم اكلت سريع وطلعت على المطار على وجهتي الثانية كان الاقلاع على الساعة 7م وصلت المطار الساعة 5 إلا ¼ عملت الاجراءات وقعت في صالة الإنتظار 💔💔 وكان حمودي نائم وخاتهو في شنطة أطفال زي السرير المصغر كدا وعليهو يد كنت حاسة بالزنب لاني ما صليت بالاضافة لكل شئ حصل معاي المهم بقيت ابكي😭😭 من دون وعى وانا ماسكة شنطة حمودي حسيت بزول ختى يدو على كتفي 😱 رفعت راسي ليقت مراة سودانية كانت لابسة توب سوداني اتكلمت معاي قالت لي مالك يابنتي إنت تمام قلت ليها الحمدلله قالت لي طيب مالك بتبكي قلت ليها ولدي كان عيان وجبتو هنا للدكتور معروف وطلع كل التشخيص القديم غللط قالت لي طيب الحمدلله علشان كدا بتبكي قلت ليها اي لاني كنت خايفة عليهو قالت لي ابوهو وين قلت ليها متوفي لما قلت ليها كدا حسيت بي سكاكين في قلبي 💔💔 قالت لي الله يصبرك وخليهو ليك قلت ليها امين ما عارفة حسيت بيها محل ثقة قلت ليها يا خالة معليش ممكن اكلفك قلت لي تفضلي قلت ليها ممكن تخلي ولدي معاك مسافة اصلي قالت لي اكيد قلت ليها بس اقعدي جنبو هو نائم قالت لي ما تشيلي همو امشي مشيت اتوضيت وجيت صليت جنبهم وبعدها شكرت المرة وقلت لها انتي ما شة وين قالت لي فرنسا وانتي قلت ليها تركيا قالت لي اهلك هناك قلت ليها اي قالت لي بالسلامه إن شاءالله 💔💔 انا ماشى لبنتي وقعدنا ندردش لحدي ما زمن طيارتها جاء وقالت لي صلي المغرب قبل امشي ثاني ما بتقدري وفعلاً صليت وهي طلعت وبقيت قاعدة لحدي ما زمني جاء طبعا مجرد ما قعدت في الطيارة نمت لاني كنت تعبانة بشكل وصلت تركيا بعد خلصت وطلعت من المطار فتحت تلفوني لقيت عمو الفاتح حاجز لي في فندق اسمو رمادا بلازا في مدينة طرابزون بعد ما خلصت اجراءات الفندق و الرسوم سيرفس وصلوني الغرفة احلى شئ حمودي ابداً ما عزبني وكان هادي بس كان بياكل وبنوم علطول رضعتو لانو اليوم كلو ما رضعتو 💔 وطوالي صليت العشاء ونمت ثاني ما صحيت إلا ببكى حمودي اكلتو ونمت راجعة الصباح بعد خلصت روتني القديم نزلت في مطعم الفندق طبعا حمودي معاي وين ما مشيت بعد فطرت في قروب عربي اقترح علي امشي معاهم قصر اتاتورك بس ما كان لي مزاج في سياحة ومشيت كلمت البنت الفي الاستقبال تشوف لي شقة صغيرة كدا للأجار الشهري وطلعت الغرفة ونمت قعدت في الفندق 3 يوم و ما طلعت نهاي ولقيت شقة مفروشة في منطقة اسمها يومرا
(بتكون من غرفة واحدة وصالة ومطبخ متكامل و 2 حمامات واحد داخل الغرفة والثاني في الصالة وكمان بلكونة رائعة ))
انتقلت طبعا حسيت براحة اكثر من الفندق وخاصة الاطلالة والزهور على البلكونة واكثر شئ فادني هو اني بعرف اللغة التركية 🙂
تميت ثلاثة اسابيع ما ح اقول رائعة بس شبه اتاقلمت بس بكري كان في كل شئ بعملو وكل تفكيري فيهو والحصل معاهو شنو 😣 وانا بفكر وقاعدة اتمشى في بارك كدا جنب العمارة وحمودي في عجلة شكل سرير ممشياها قدامي من صحيت من النوم وهو ببكي فطلعت بيهو علشان يهدأ بعد ساعتين من اللف دخلت مول قريب اشتريت اشياء للبيت ورجعت لما
وصلت العمارة أول ما دخلت لقيت بكري في مدخل العمارة 😱😰💔 عاينا لبعض مسافة ومن دون كلام وطوالي انا لملمت نفسي ومشيت طلعت في الاصانصير وهو معاي شقتي في الطابق 4 ومشينا لحدي ما دخلنا الشقة انا عرفت دا الهدو ما قبل العاصفة 🫤 شلت حمودي دخلتو الغرفة وشقلت ليهو قراءن وطلعت شائلة الاكياس ختيتهم في المطبخ وطلعت كان بكري واقف في مكانو بس عينو البتتحرك وعاملة تمشيط لكل شئ عايذة ادخل الغرفة كدا مسكني من يدي ولفتني جهتو ومن دون كلام ضربني كف 😡 👊 كنت عايذة اواصل وأدخل الغرفة بس مسكني المرة دي اقوة وانا ماسكة نفسي بالقصب علشان ما ابكي قال لي انتي عايذة تتجنني صح قولي لانك فعلاً وصلتي لهدفك بس انا بعاين ليهو قال لي اتكلمي دا شنو العملتيهو دا فهمني قلت ليهو ببرود ما مطرة اكلمك انا خيرتك وانت إخترت ثاني فشنو 🫤 ضغط راسو بيدينو وقال لي اي اختيار ولا قصدك على الهبل العملتي قبل تطفشي قلت ليهو ما كان ما هبل انا بس خيرتك وزي ما فهمتني انو ما عندي علاقة بقراراتك وبكل بساطة شتنا انا وولدك برا حياتك إنت كمان ما عندك علاقه بقرارتي اسي إنت جائي للشنو قال لي يقين بصوت عالي اتكلمي معاي عديل قبل ما اتصرف معاك تصرف ما تمام قلت ليهو اتصرف بس ما تجي ترمي علي اغلاطك انت اختر أبوك وخلاص ثاني بتسئل فينا لشنو خليك مع أبوك وريحنا ياخ قال قصدك شنو قلت ليهو قصدي ماضح قال يعني طالبه الطلاق قلت ليهو منو اسي جاب سيرتك الطلاق عاين لي بحيرة وواصلت قلت ليهو رغم كل الألم السببتو لي بس ما عايزة افصل اسمي من اسمك 💔 وما عايذة اطلق يمكن نقدر نتلم في الآخرة ونصيبنا يكون في الآخرة مدام أبوك خرب علينا في دنيا أكيد في الآخرة ما حيقدر 🫤 قال لي ودا افهمو شنو يعني قلت ليهو افهموا ذي ما عايذ وأساساً بقيت ما قادرة اتكلم من الدموع وحلقي وجعني فجئة الباب دق مسحت دموعي وفتحت كانت واحدة من جارتي تركية جايني بس لما عرفت عن وجود بكري اعتزرت ومشت قفل الباب ورجعت لقيت بكري قاعد في الكنبة وماسك راسو بيديهو دخلت المطبخ وعملت فطور وختيتو في صفرة المطبخ وعملت وجبة حمودي ومشيت الغرفة وقبل ما ادخل قلت ليهو الفطور في المطبخ إذا عايذ ودخلت اكلت ولدي وحميتو ورجعتو سريرو لما طلعت اخت العدة الأكل فيها حمودي لقيت بكري نائم في الكنبة دخلتها ولقيت الاكل في مكانو 💔 مشيت وقفت جنبو ومسافة بعاين ليهو قلبي وجعني كانت لحيتو طويلة ومهملة ووزنو نازل وحسيت حيلو مهدود بس انا كل البفكر فيهو اتبرع ولا لا قعدت على رجليني كان لا بس تشيرت رفعتو براحة علشان أشوف بطنو علشان اتأكد ما كان في أثر عملية رفع يدو من عيونو وقال لي بقضب 😡 ما عملتها وقلع التشيرت و قال لي افحصي براحتك فعلا ما كان في اي أثر لي عملي علي جسمو قال لي كدا ارتحتي قلت ليهو لأ ما ارتحت انك ما عملتها دا ما بشفعلك تخليك عننا قال لي يالله الصبر انا ما اتخليت عنكم ابداً انتي صورتي لنفسك كدا 😡 قلت ليهو تفسيرك شنو لانك تتبرع لراجل زي أبوك وتضيع حياتك وحياتنا معاك لو كان أبوك الزول البستاهل انا زاتي كنت مستعدا اتبرع ليهو بدون ما ترف لي عين بس أبوك ما بتستاهل والاحلى بقول لي بكل بساطة مستحيل اخليكم تربو حفيدي حارجع أشيلو احسن ما يطلع عديم فايدة زي ابوهو اربيهو علشان يبقى زي ويدوس الدنيا دي كلها برجلو أبوك مفكر نفسو عامل انجاز عظيم بعمايلو وعايذ يعمل ولدي زيو بس طول ما انا عايشه ما ح أخليهو يسمع عنو غير اسمو المرتبط فيهو في شهادة الميلاد و دا زاتو كثير وانت ماشي تتبرع بكليتك لزول زي دا كنت بتكلم بنفعال 😡😭💔🤷 وقلت ليهو والله اهون عندي يندفن تحت التراب ولا يبقى زي أبوك قال لي اسي وطي صوتك قلت ليهو ما عايذة اوطي عايذ يدني كف ثاني مسكت يدو قلت ليهو الاول مشيتو بس ثاني مستحيل علشان كدا امشي وخليني إتعود على غيابك احسن قال لي يالله يابنت الناس انا ما عايذ اتبرع لابوي ولا شئ أصلا ما عندي طريقة اتبرع ليهو بيها لانو انسجتنا ما مطابقة قلت ليهو عزر اقبح يعني لو انسجتكم اطابقت كنت اسي متبرع ليهو ويمكن تكون ميت 😡 قال لي لا ما كدا انا عارف من زمان انو اسجتنا ما مطابقة بس الفحوصات العملها دي ما عشان التبرع علشاني انا قلت ليهو كيف بس الدكتور قال لي كدا قال لي لاني انا قلت ليهو عايذ اتبرع علشان يعملو لي فحص شامل اساساً انا عندي جفاف في الكلى ظهر مع الفحوصات وكدا انا بس كنت عايذ أعمل فحوصات علشان أطمن لانو بجني ألم كل فترة وكنت مفكر شئ خطير 😣 قلت ليهو يعني إنت ما كنت عايذ تتبرع ليهو قال لي اي قلت ليهو طيب ليه قلت القلتو قال لي ما كنت عايذ أقولك الحقيقة واخوفك ما كنت فاكر انك حتعملي كدا لما قال لي كدا دموعي بقو زي الشلال لاني فعلاً كنت تعبانة وفكرت انو بكري اتخلى عننا دي كانت تتعباني اكثر ومشيت حضنتو وبقيت اقول ليهو انا اسفة والله ما كان قصدي انا لما اتعلمت معاي كدا كنت مفكرة انك اتخليت عننا وما فارقين معاك 😭😰 قال لي كيف ما بتفرقو معاي وانتو كل دنيتي انتي ماعارفة العانيتو في الايام الفاتت دي والعملو معاي المحامي حقك حتى قال لي انك مشيتي الاردن وثاني ما اداني اي معلومات
قلت ليهو انا عارفة انو حيعمل كدا علشان كدا استعنت بيهو 😐 وكمان علشان هو رافض علاقتنا من البداية قال لي اي ظاهر عليهو حتى بكرهني بشكل بعدني منو وقال لي وقسماً بالله ثاني تفكيري تعملي كدا إلا اقص رقبتك قلت ليهو حلالك قال لي يعني مفكرة تعملي كدا ثاني قلت ليهو على حسب عمايلك إنت من الاول لو قلت الحقيقة ما كان وصلنا ليها قال لي بس دا كمان ما بديك ألحق انك تعمل لي كدا ما شايفة نفسك العملتيهو دا عدم احترام لي ولي علاقتنا قلت ليهو انا ما كنت بفكري غير في حمودي لانو كلام أبوك خوفني لانو اداني احساس انو حيختفو ثاني 😣💔 علشان كدا خفت بجد انا اسفة قال لي اسفك مرفوض قلت ليهو طيب أعمل شنو علشان تسامحني قال لي افكر وقولك قلت ليهو ياخي انا اسفة والله العظيم ثاني ما اعيدها قعد في الكنبة وقال لي اسي انا عايذ انوم قلت ليهو طيب نوم في الغرفة جوا قال لي ما عايذ أقعد في مكان انتي فيهو وحتى لما نرجع كل زول في غرفة 😰💔 قلت ليهو بصوت حزين تمام إنت نوم في الغرفة وانا عندي شغلو وعد ما ادخل شال التشيرت من الكرسي وقال لي خليك عارفة بالكثير بعد بكرا حنرجع السودان هزيت ليهو راسي ودخل بقيت شغالة في المطبخ خلصت وصليت الظهر 😰 وبقيت الهي نفسي بأي شئ لاني وعدتو ما ادخل ومتظراهو يصحى وخايفة حمودي يصحى بقيت حايسة في الصالة بعد مسافة بكري طلع شايل حمودي وببوس فيهو 😘 اداني ليهو ومشى يصلي وانا بقيت ارضعو في حمودي بعد خلص صلاة قلت ليهو الأكل جاهز قال لي ما عايذ حانزل أكل في اي مكان ما محتاج اهتمامك كنت شوية وأبكي وبقيت افكر أخليهو يسامحني كيف لاني فعلاً غلط بالعملتو 💔 منتظراهو جاء راجع بعد صلاة العشاء وكان مظبط لحيتو بشكل وااااااو فظيع قلت ليهو مالك اتأخرت قال لي ما شئ بخصك ورقد في الكنبة قعدت قدامو قلت ليهو بكري بجد اسفة قال لي بالله اسفك دا بصرفو في اي بنك ابعدي مني عايذ انوم علي فكرة طيارتنا بكرا الساعة 9 م قمت ومشيت جهزت كل شئ ورتبت شنطنا انا وحمودي وغبار بكري الكان لابسو 💔 خلصت وانا بفكر كيف ح تكون حياتي وبكري رافض وجودي معاهو بشكل دا وبقيت أبكي بعدين قلت مستحيل إستسلم لازم اعمل شئ ظبط نفسي ولبست لي فستان اشتريتو من هنا كان طويل ونافش كدا لحمي ومعاهو هف جكت جنز ولبست الفرحة بطريقة حلوة وتعطرت وعملت مكياج
عاينت في المراية كنت طالعة اكثر من حلوة طبعا انا اتزكرت انو في حفلة في الفندق الكنت قاعدة فيهو 😈 وظبط حمودي وطلعت قفلت الباب شديد بكري رفع راسو عاين لي وتنح علي شكلي 😱😍 بعد مسافة قال احم احم على وين إن شاءالله قلت ليهو معزومة حفلة قال لي حفلة ما شايفة الساعة قلت ليهو 10م قال لي إذا عارفة طالعة لشنو ادخلي غيري منظرك دا قبل ما اتجنن عليك قلت ليهو مش إنت خلاص نهيت علاقتنا طيب مالك قال لي ما بخصك ادخلي نومي احسن ليك قلت ليهو NO انا ماشة الحفلة الشلة منتظرني واتأخرت عليهم ومشيت ناحيت الباب قال لي إذا طلعتي تعرفي انو نحنا انتهينا قلت ليهو اساساً إنت نهيتنا من زمان بالاول لما فهمتني كل شئ غلط وهنا لما ختمتها وقلتها بلسانك يعني نحن كدا كدا منتهين ضيق عيونو وقال لي يعني مصرة قلت ليهو أي قال لي النشوف حتطلعي من هنا كيف جاء علي وساقني بالقصب ودخلني الغرفة 😐 وقفلها وانا واقفة وشائلة حمودي قلت ليهو بس إنت قلت ما بتقعد في مكان انا فيهو قال لي خليك من قولي وطلعي اللبساهو دا وانخمدي قلت ليهو لأ شال حمودي رقدو في سريرو لانو طول الوقت بكون نائم بسبب الأدوية
وجاء على مسك الطرحه والهاف جكت وجراهم لحدي ما طلعو وقال لي اها كدا حتمشي تغيري ولا أطلعو كمان قلت ليهو اديني ملابسي وما في داعي لتصرفات الأطفال دي قال لي مش تصرفات أطفال تمام ومسك الفستان وشقا ا لنص من مكان السحاب للنهاية الحمد الله كنت لابسة بنطلون قلت ليهو بشهقة كدا دا شنو العملتو دا إنت مجنون قال لي اي انتي البعيش معاك بيبقى فيهو عقل 😡 قلت ليهو أعمل شنو يعني اعتزرت وانت ما عايذ تسامحني قال لي ما بسهولة دي انتي ما عارفة العشتو في الايام الفاتت وانا ما عارف مرتي وولدي وكانو وين 😡 واسامحك بالسهولة دي قلت ليهو بس ما تنسى إنت السبب الاجبرني اعمل كدا قال لي طيب انا منظري شنو قدام نفسي ومرتي طافشة بي ولادي وما عارف ليهم جهة قلت ليهو ومنظرك شنو قدام نفسك وابوك لو خطف حمودي ثاني انا ما كنت بفكر في شئ غير حمودي وبس وخوفي عليهو شوفو من الأدوية اليوم كلو نائم بسبب العملو أبوك فيهو 😡 ودموعي جو ماشين قلت ليهو انا عارفة نفسي غلط في حقك بس كمان لو انعاد الحصل حأعمل كدا في سبيل مصلحة حمودي قال لي وانا ما ولدي وخائف علي مصلحتو كمان قلت ليهو بس ما زي انا الشلتو في بطني 9 شهور وانا الاتحملت الألم علشان يطلع للدنيا إحساسك بيهو ما زي والحمدلله العملت كدا لانو الدكتور الاردني قال لي لو اتأخرتي ما كان ح اقدر افيدك قال لي كيف يعني قلت ليهو لسا في نسبة مخدر في جسمو وكانت حتعمل مشكلة في وظائف الكلى ما شايفو هادي وكل اليوم نائم دكلو بسبب الأدوية قال لي طيب نتائج الفحوصات شنو قلت ليهو نظيفة باسثناء القللتو 😣 بس المهم نظام غزائي علشان دمو يرجع زي ما كان وجسمو ما ياتأثر
عيونو دمعو مشيت مسحت ليهو دموعو وقلت ليهو
اسي هو احسن وانا متابعة مع الدكتور طوالي حضني وانا كمان قال لي انا السبب قلت ليهو لأ ما إنت بس دا مكتوب والحمدلله قال لي انا آسف بجد ما كنت عايذ اعيشك دا كلو قلت ليهو وانا اسفة والله ما ما كان قصدي اقلل من قيمتك بس قلب آلام أعمل شنو قال لي خلاص حبيبي قلت ليهو يعني إنت سامحتني قال لي وانتي سامحيني قلت ليهو اساساً انا ما بقدر ازعل منك قال لي ولا انا 😍😘 اساساً لو تعرفي مشتاق ليكم قدر شنو قلت ليهو ونحن كمان طبعا عدينا الليل كلو نحكي مع بعض عن الايام الفاتت وهو حكي لقانا كيف قال لي بعد عرفت انكم مشيتو الاردن مشيت وسئلت في السفارة ويستعنت بواسطات حتى عرفت انك في تركيا وعرفت مشيتي وين في تركيا وعرفت الفندق النزلتي فيهو وموظفت الاستقبال أدتني عنوان شقتك لما عرفت اني راجلك قلت ليهو انا كنت متأكدة انك حتلقانا بس كنت منتظراك 😘 وبستو في خدو قال لي اوعدني ثاني ما تتصرفي تصرف زي دا قلت ليهو وعد بس إنت كمان ثاني ما تخبي مني شئ لانو الاسرار بتولد الشك قال لي حاضر قلت ليهو كدا صافية قال لي اي وباسني في راسئ
طبعا رجعنا السودان ورجعت علاقتنا اقوة من قبل بس بعد رجعتنا ب 3 يوم اتوفى أبو بكري مع انو لقو ليهو متبرع بس قبل العملية مات طبعا عملنا العزا في بيتنا 😣
جاءت المصيبة اعتزرت مننا وقالت انها ما شة تعدي عدتها في بيت ابوها وعلي كدا مشت
بعد سنتين
الحمدلله حمودي اتعافة وجبنا دارين طبعا بتشبهني في كل شئ😘 والحمدلله لسا انا وبكري بنحب بعض ويمكن اكثر من قبل وبقينا نفهم بعض حتى من دون كلام ومبسوطين مع أولادنا ربنا يخليهم لينا يارب
ولسا المصنع في عهدت امجد انا بمشئ في الشهر مرة لانو بكري رفض اشتغل بعد ولادتي ب دارين😘😍
واماني جابت ليها بنت ثاني لجين وافنان اتزوجت واحد اسمو وليد ،💕
واحمد اتخرج واستلم الشركة ونزل ماما سلوى للمعاش وهي مبسوطة وسلمى خطبها ولد عمو عثمان الاصغر من امجد أسعد ومنتظرين تتخرج حتى يعملو العرس وكل اجازة بعدوها معاي في السودان 💕💕
ومظفر سمعت رجع لاهلو واتزوج بنت خالتو واستقر وعلاقتي انا بناس جدو بقت رسمية في حدود المناسبات القوية إلا جدو نجيب ورفو 💕 اساساً اتزوجت دكتور اتعرفت عليهو في المستشفى الشغالة فيها وبقت عايشة في الخرطوم 💕💕 وبنزور بعض كل ما لقينا وقت 😘...
ا
(الخلاصه)🤍🤍💛
العايذة واصلو من قصتي انو ما لازم نحكم على الناس من مظهرهم الخارجية و البقول الجواب باين من عنوانو كذاب إنت لو ما فتحت الجواب ما بتعرف الجواهو ابداً وكمان الناس البتهمها المظاهر المظاهر خداعة
وما كل شئ بلمع ذهب كمان بقول ادو اولاكم احسن ما عندكم حتى تتوقعو منهم الافضل وما كل امراة بتستاهل تكون ام ولا كل رجل بيستاهل يكون اب
وكدا بختم رواياتي وبتمنى اكون وصلت فكرتي
وبعتزر إذا جرحت اي كان بتطابق اسماء أو
احداث🫶🫶🫶
الجزء دا طولتو لانو الاخير
وبتمني ليكم قراء ممتعة
في امان الله
✋✋✋
ولنا لقاء
يقين محمد ...