الفصل 12
الـــجــــــــــــــــــ� �ـ الثاني عشر ــــــــــــــــــــزء"
بسْ طلبتك ..
تكفىَ خــلّك، لا تروح
مَا شبعت للحين منـِّـك
خايف إن رحت .. الجروح ..
ترجع، وتســألني عنِّك ..
وانَااا مَا صدَّقت .. شِفتك !
.................................................. ........................
لآ تِطَآلعني وروحِ ..
خل عندُك شُويهُ كرآمه ..
صدقِني ..
مآ ينفعك..
كثر آلنوحِ ..
وبتنفقع عندك آلمرآرٍهـ ..
مسِتحيل ..
تِسمع مني كلمه مسموحِ..
وربي ترآني آعتبرهآ حقآرهـ
"
"
طَيبُ وٍ بعدين .
بكيت..
ندمتِ..
تحسفت..
خسرت..
وش تبيني أسوي معك ألحين..
تبي ترجعُ ..
آسف .. آنت وين و آنا وين
.................................................. ....................
الساعة خمس العصر..وعند طارق ووجدان..وجدان قاعدة تنادي طارق..
وجدان:طارق..طارق..تعال بسرعة..
طارق:وش تبغين؟!أنا جالس أحلق..
وجدان:طيب تعال سكر الفستان ما هو راضي يتسكر..
طارق:هههههه..أنحفي وبعدين يدخل فيك..وأنتي تاكلين 24ساعه..
وجدان:يووووه تعال بسرعه..
طارق:ما عندك غيره؟!
وجدان:بتجي ولا لا..
طارق:الله يعيني..طيب طيب جاي..
طبعاً العزيمة اليوم كانت عند أبو طارق..كانوا البنات متجمعين وكانوا مزن وهيفاء جالسين يسولفون عن آخر الموديلات للفساتين والجزم.."وأنتوا بكرامة"..والتسريحات الجديدة وكل شئ..
مزن:شفتي الفستان اللي على أليسا في العرّاب أمس؟!
هيفاء:أيوه شفته يجنن ياخذ العقل..
مزن:يوه هيفوه أبعديه عني..
هيفاء:خير وش فيك؟!
مزن:الصرصور جالس على كتفي..يــــــــمــــــــــ ـه..يــــــــمــــــــــ ـه..
هيفاء:خليه يستانس على كتفك..بعدين شوفي كيف يناظر فيك..طيب أنا أعلم محمد..
البنات:هههههههههه..
مزن:بنات بلا نذالة أبعدوه..تقوله وهي مغمضة عيونها ومنزلة راسها..
هيفاء:لا بنادي محمد عشان يبعده عنك..ههههههه..
طبعاً قامت مساعدة العايلة على ما قالوا عفاف وبعدته عنها..وأول ما بعدته عنها قامت مزن على طول وراحت لغرفة هيفاء وهي متحلفة فيها..
دخلت أم علي وهي تصيح عليهم..
أم علي:فضحتونا في الرجاجيل من اللي يصيح طول الوقت؟!
هيفاء:بنتك مزن يا خالة هي اللي تصيح..
عفاف:لا بس عشان الصرصور جاء على كتفها وجلست تصيح..
ندى:وقامت مساعدة العايلة عفاف وبعدته..
وجدان:لا يا خالة الصراحة اللي كثر صياحها كذا البنات رفضوا يبعدونه عنها وجلست تصيح..وهي الصراحة ما تنلام..والله إني بغيت أقوم أنتف البنات عشانها..يا قلبي عليها..
عزة تصفر وتصفق:وينك يا طارق وينك..تعال أسمع وجوج وش تقول..
وجدان:أنا قلت الصدق ولاّ كان راحت فيها مزن وعشان خالتي بعد ما تخانقها بسببكم..
أم علي:توني أدري أنكم أنذال..والله يعطيك العافية يا بنتي..
عفاف:ولو مزن أختي وماني نذلة مثل الباقين..
هيفاء:عاد حطيتوها سالفة والصرصور ما ياكل..يوم إنكم مكبرين الموضوع..تحطون من الحبة قبة..
شوي دخلت أم طارق عليهم..
أم طارق:حياكم الله على العشاء..
قاموا البنات عند المغسلة يغسلون وكانت آخر وحدة هيفاء..وهي تغسل إلا بالموية الباردة تنكب عليها وتغسلها كلها..
مزن:أحسن تستاهلين عشان تعرفين إن الله حق..
هيفاء:طيب يا مزن..
طبعاً كانت مزن في الحمام واستغلت الفرصة أن هيفاء موجودة عشان توريها..يوم إنها رفضت تبعد الصرصور..تورطت هيفاء باللي فيها..فدخلت الحمام ونزلت ملابسها وجلست تنادي على البنات ومزن طبعاً هربت من زمان..وتنادي هيفاء وتنادي عشان عالأقل أحد يجيب لها لبس عشان تلبس..بس العرب يتعشون وما يسمعون..وتنادي هيفاء ولا حياة لمن تنادي..
عزة:بنات وين هيفاء؟!
البنات كلهم:ما ندري!!!!!
ومزن عارفة طبعاً بس تسوي نفسها ما تدري..
خلصوا البنات من العشاء وقاموا..
سيما:بنات ما صارت ذي البنت وينها؟!
مزن:هي أختك روحي شوفيها..
طبعاً راحت سيما وهي مارة من عند الحمام سمعت أحد ينادي من الحمام راحت ولقتها هيفاء..
سيما:وش تسوين عندك؟!
هيفاء معصبة:قاعدة أزحلق عالصابون..غبية أنتي شايفتني غرقانة روحي جيبي لي لبس..قد لي ساعة أنادي ما أحد رد عليّ..
المسكينة هيفاء جلست في الحمام ثلث ساعة وحست نفسها بتنجن يوم ما أحد سمعها..
سيما:ليه طيب؟!
هيفاء:مالي خلق أتكلم روحي جيبي لي لبس بسرعة..وقاعدة تقول:ما عليه يا مزن بتشوفين..
راحت سيما تجيب لها لبس وهي تضحك على أختها..
عند الشباب كانوا سعيد وفواز يلعبون بلاي ستيشن..
فواز..أيوه أيوه أيوه قووووووووووول قووووووول..
سعيد:خلاص يا الخبل عورتني في أذني من كثر الصياح..
فواز:مقهور أنت عشانك ما فزت هاه أعترف عادي؟!
معروف عن سعيد إنه يتنرفز ويعصب بسرعة..سكر سعيد البلاي ستيشن بسرعة وقام..
فواز:الله يشفيك يا رب..
وقام وهو يضحك على ولد عمه..
عند البنات لبست هيفاء وطلعت وهي محترة من مزن بس إنها قالت..
هيفاء:بعدين يا مزن رح أخربها عليك مع محمد ورح أنشب لك في حلقك..طيب..
طبعاً راحت عند البنات وعلمتهم بالسالفة وجلسوا يضحكون عليها وعلى أفكار مزن..
.................................................. ..........
[طبعاً أنا بوضح لكم..الجزء اللي أكتب في بدايته لقبي هذا أنا كاتبته..والجزء اللي عليه لقب أختي هو اللي كاتبته]..
(ضايعه بدنيا المتاهات)..
في نفس الوقت كانت فجر عند أهلها وعلموها بسالفة أحمد وتضايقت من سواة أخوها..
فجر:يمه لا تلومينه أميرة جننته وأنتي عارفة..
أنسام:حتى أنتي قلتيه بنفسك أميرة غيرت ولدي علينا والصياح كل يوم نسمعه في جناحهم..أحمد يبغى له دكتور نفسي..
أم أحمد:بلاكم ما تدرون..أحمد ما سوى كذا إلا إنه يحب آمال مو من سواة أميرة..وهو بعد قال لي إنه يبغى يطلق أميرة عشان يتزوجها بس طلع يوم طلاقهم هو يوم ملكة آمال..بس الصدق والله إني تعبت منه كل يوم أكلمه ويقول مالكم شغل فيني..أنتوا كلموه وشوفوا..
فجر:ما توقعت إن أحمد يحب آمال لهالدرجة..بس قد قالت له أنسام مو لازم تاخذ أميرة تزوج آمال ترى في النهاية بتندم أنت لا شفتها تزوجت وخلتك..بس يقول لا أميرة أنا أحبها وما أقدر أستغني عنها وآمال ما أتوقع إنها بتتزوج أكيد بنتظرني لآخر عمرها..
أنسام:إن شاء الله يسمع لنا يمه..أنتي أدعي بس..
بعد مرور أسبوعين..كان أبو طارق عند أبو علي عشان يخطبون مزن لمحمد..كلموهم وقالوا لهم بيعطونهم خبر بعد رد مزن..طلع علي ونادى مزن وراح بها لغرفته..
علي:مزن أنتي عارفة ليش أنا ناديتك؟!
مزن مستغربة:لا!!!!!
علي:طيب أنا بدخل في الموضوع بسرعة..محمد ولد عمي جاء خطبك ونبغاك إحنا تفكرين زين وتردين علينا..ونصيحتي لك وافقي لأن محمد ما يتعوض مرة..
مزن مصدومة مرة من اللي سمعته:طـــ...ــيـــ..ــــب..
قامت مزن وراحت لغرفتها وطاحت عالسرير وجلست تبكي..
.."ليه يا محمد..أنا ما أقدر..مشعل بيذبحك لو درى"..بعدين تذكرت تهديد مشعل لها..
مشعل:أنتي لي واللي يقرب منك أدفنه وهو حــــــــــــــــــــي..سم عتي..
بكت مزن لين نامت مكانها..
في الأسبوع اللي بعده كانت وجدان جالسة مع طارق بالصالة..
طارق:حبي ممكن تجيبين لي عصير..
وجدان:حاضر..
قامت وجدان وهي تحس بدوخة مسكت الجدار وبغت تطيح..طار لها طارق ومسكها وجلسها عالكنب..
طارق:وش فيك حياتي؟!
وجدان:لا ما فيه شئ..
طارق:ألبسي عبايتك خليني أوديك المستشفى..
وجدان:لا ما يحتاج..هي دوخة بسيطة..
طارق:أقول قومي وبس..
قامت وجدان بمساعدة طارق ولبست عبايتها وعلى طول عالمستشفى..وهم في المستشفى كان طارق جالس مع وجدان جات لهم الدكتورة وهي مبسوطة..
الدكتورة:مبروك يا مدام دا أنتي حامل..
طارق فرحان:صدق..
الدكتورة:أيوه..
قام طارق وهو متشقق وأخذ وجدان وراحوا للسيارة..
طارق يحب يدها:مبروك يا بعد عمري..
وجدان:الله يبارك فيك..
طارق:آه..أخيراً سمعت هذا الخبر..كنت أتمنى يجي لي طفل منك أنتي وبس..
وجدان استحت مرة..
مشى طارق ودق على أمه يبشرها وأنتشر الخبر بعد كذا في العايلة كلها..
في بيت أبو علي كانوا العيال كلهم جالسين ومزن وعفاف في المطبخ..دخل علي وسحب مزن وطلع..
علي:هاه وش قلتي؟!
مزن:أنا موافقة..
علي:مبروك يا حلو..
مزن استحت:الله يبارك فيك..
راح علي يبشر أبوه اللي بدوره رح يبشر أبو طارق..
بعد يومين كانت عايلة أبو علي معزومة عند أبو طارق..ومزن من السحى جلست ما تقدر تروح..جلست في البيت لحالها..
في بيت أبو طارق..
هيفاء:مزن الزفتة تتغلى..
عزة:بعذرها..خليها تثقل شوي..نفسي أشوفها ثقيلة..
البنات:ههههههه..
هيفاء:بنات عندي نكتة..
البنات:وش هي؟!
هيفاء:فيه تكرونية تسولف مع خويتها قالت لها:أتهداك وش أسم هبيبي؟!قالت الثانية:يبدا بهرف أيش؟!قالت:يبدا بحرف ألف..قالت:أهمد..قالت:خطا أبودي..
البنات:هههههههههههههههههه. .حلوووووووووة..
هيفاء:أدري إنها حلوة..طيب وجدانوه..في أي شهر؟!
وجدان:في الثاني وبعد أسبوعين بدخل في الثالث..
هيفاء:يااااااااي بصير عمة..
ندى:وأنا يااااااااااااااااااي بصير خالة..
هيفاء:لا عاد تمطين الياي حقتك وبلا تقليد..حقوق الفرحة محفوظة..
ندى:أقول أسكتي وبس..يا شينك لا تكلمتي..
هيفاء بغرور:لا يا حلوة..أنا ما تقدرون تستغنون عني أبد..صح؟!
البنات:لا..
هيفاء:وجع..
ندى:ههههااااي..تكشيمه لقطي وجهك عانيه في المطبخ..
في بيت أبو علي قامت مزن عند التلفون اللي قاعد يدق..
مزن:نعم..
........:السلام عليكم..
مزن:وعليكم السلام..
........:أحد من العيال موجود؟!
مزن:لا..
........:طيب ممكن تطلعين أبي أعطيك أغراض تعطينها للوالدة..
مزن:طيب لحظة..
........:مع السلامة..
قفلت مزن وراحت عند الباب بسرعة..وأول ما فتحت أنفتح الباب بقوة ودخل ولد ومسك مزن من فمها وربطها بقطعة قماش..وسحبها معه لبرا..طبعاً مزن جالسة تصيح لكن صوتها ما ينسمع..قطها الولد بالسيارة وربط إيديها ورجليها وركب قدام وشخط..وصل الولد لعمارة ولبس مزن عبايه ودخل وصل لحد الشقة وفتح الباب ودف مزن بقوة..وطاحت على طول..طبعاً الولد شال القناع اللي بوجهه..وأول ما شافته مزن أغمى عليها من الروعة..راح الولد جاب ماء وكب عليها لين صحت..وجلست تبكي..وفتح الولد القماش وقعدت تترجاه مزن وتبكي..
مزن وصوتها مبحوح من الصياح:مشعل الله يخليك رجعني للبيت..أنت تدري وش رح يصير لو دروا إنه أنت اللي خطفتني..
مشعل:أنا قلت لك لا توافقين على اللي بيتقدم لك..أنا اللي بتزوجك..صح؟!
مزن تكذب:مشعل خوي علي هو اللي أجبرني لأن قبله جاوا أصحاب أخواني وهو رفض..وهم يبغوني أوافق على محمد وبس..مشعل الله يخليك لا تسوي فيني شئ..
طالع فيها مشعل وهي خافت..تقدم منها وهي تمشي على ورى..وتقدم...وتقدم...وتقدم...و� �وي صاحت مزن..
مزن:مشعل إصحى يا مشعل..مشعل لا تقرب..وصفقته مزن وطاحت مكانها تبكي..أما مشعل حس إنه فاق..رجع جلس عالكنبة وحط راسه بين يديه وجلس يبكي..
مزن:مشعل ليه تسوي كذا..ليه؟!
مشعل قام وجلس عندها:مزن..أنا أحبك وما أبغى غيري ياخذك..أنا أبغاك أنتي وبس..أحبك يا مزن والله إني أحبك..
مزن:طيب ليه يوم إنك تحبني خطفتني؟!
مشعل سكت شوي ورد:مزن أنا أبغى أحرق دم ولد عمك مثل ما أحرق دمي..
مزن:وش ذنبه هو ما يدري..أنت تعرف إنك بتحرق دمه ودم أهلي وأهلك وأنا الضحية..صح؟!
مشعل:صح..
مزن:طيب رجعني؟!
مشعل:لا..تقعدين هنا 3أيام أو لين أقرر..
مزن تبكي:ليه؟!وأهلي يا مشعل بيخافون عليّ؟!
مشعل:أبغى أشبع منك بعدين أرجعك..
مزن قلبها طاح ببطنها من الخوف:كـــــــيــــــــــ� �؟!
مشعل:لا تخافين..أنتي بنت خالتي وما أقدر أسوي فيك شئ..بس أبغاك تجلسين معي قبل تصيرين حلال غيري..أحبك يا مزن..
مزن بكت من كلامه:طيب إذا أنت تحبني ليه تأذيني؟!حرام اللي تسويه حرااااااااام..
مشعل وهو يبكي:أدري إنه حرام بس.............وفجأة صاح:غصب عني يا مزن غصب عني..
وقام وضمها بدون أي شعور منه..مزن بكت على صدره..صحيح إنه غلط بس هي عارفة إن مشعل ما هو بوعيه..فكها مشعل وشافت مزن دموعه..
مشعل:مزن لا تبعدين عني..
مزن:ما هو بكيفي..
مشعل:ليه ما هو بكيفك؟!
مزن:أنت عارف إني بعد شهر أتملك..يعني خلاص بصير حلال محمد..
مشعل طاح مكانه وجلس يبكي مثل الأطفال..أما مزن شالت نفسها وراحت لغرفة موجودة ونامت وهي تبكي من الخوف..
نرجع لبيت أبو علي..رجعوا للبيت وكلن راح لغرفته..وشوي جاء رامي نادى على مزن وما فيه رد..دخل غرفتها ودور فيها وما لقاها..راح يدور في الدور كله ونفس الشئ..نزل تحت وما لقاها..خاف رامي وجلس ينادي..
رامي:زياد......زياد..تعال بسرعة..
زياد كان قاعد يكلم آمال وسمع صوت أخوه..
زياد:دلوعتي..لحظة رامي يناديني..
آمال:خذ راحتك حبيبي..
نزل زياد وشاف رامي شكله مرتاع..
زياد:خير وش تبي؟!
رامي:زياد مزن دورتها في البيت ما لقيتها..
زياد:يمكن في غرفتها..
رامي:دخلت غرفتها وهي مفتوحة أصلاً..وما لقيتها..زياد يعني وين بتروح..ما هي بزره هي..
خاف زياد من كلام أخوه..وطلع يدق على جوال مزن وكان موجود بغرفتها..طلع زياد وراح عند أخوه علي وعلمه وقام علي معهم ودقوا على عفاف وسألوها وقالت إنها ما تدري..وبدوره جات عفاف عند أهلها وهي مرتاعة..
عفاف شوي وتبكي:البنت وين بتروح؟!
علي:ما أدري..خلونا نقعد للفجر ونشوف..
جلسوا كلهم ودخل عليهم سعيد وخاف من جلستهم..
سعيد:خير وش فيه؟!
علمه علي بالسالفة كللها وسكت سعيد..وقام ودق على محمد..
في بيت أبو طارق كان محمد في المطبخ ياكل..وشوي دق جواله ودق قلبه..
محمد:هلا أبو عسكور..
سعيد:محمد تعال لبيتنا بسرعة..
محمد:خير وش الحاصل؟!
سعيد:أنت تعال بسرعة..
محمد كان حاس إن فيه شئ فعشان كذا طلع وركب سيارته وأتجه لبيت عمه..نزل ولقى سعيد جالس بسيارته..
محمد:سعيد وش فيه؟!
سعيد:مزن..
محمد خاف:وش فيها؟!
سعيد:ما لقيناها بالبيت..
محمد:كيف ما لقيتوها؟!
سعيد:يعني البنت شكلها..........أنخطفت..
محمد صنم مكانه وحس إنه بيموت..مزن تنخطف مستحيل..ركب سيارته ومشى بدون ما يدري هو وين رايح ودموعه عشر عشر..فجأة دق جواله..وشاف الرقم غريب..ورد..
محمد:نعم..
........:إذا تبغى حبيبتك أبعد عنها..
محمد عصب:يا الكلب يا الحقير_وجلس يسب_رجع البنت الحين..
........:لا ما يصلح..البنت تراها عندي..إذا ما فسخت الخطبة راح أذبحها الحين..
قفل محمد في وجهه وراح لبيت عمه..ودق الباب ودخل بسرعه بدون ما يشوف من اللي فتح له..
محمد:يا عيال فيه واحد دق عليّ يقول إن مزن معه..
قاموا كلهم وراحوا عنده..
علي:عطني رقمه..
أخذ علي الرقم منه ودق..ولقاه مقفل..
علي:الحقير مقفل جواله..داري إنا بندق عليه..
عفاف تبكي:والسواة الحين؟!
سعيد:ما عليك أنتي اهدي..وإن شاء الله بنحلها..
شوي دق جوال محمد..
محمد:نعم..
........:محمد البنت أفسخ الخطبة منها..
وشوي سمع محمد صياح عنده..
........:يا محمد ألحق عليّ..آآآآآآآه..
........:بتسكتين أنتي..
محمد:يا الكلب لا تضربها ولا تلمسها..
........:آآآآآآآآي..خلاااااااا� �اااااص..
........:شف يا محمد ترى البنت بأعذبها لين تموت سامع..وقفل..
محمد:الكلب قاعد يضرب مزن..
زياد:لحظة يا شباب شوي وراجع..
راح زياد لغرفة أخته وأخذ جوالها..وجلس يقلب وصل عند رسالة..
.."مزن لو أدري إن أحد خطبك ما بتلقين خير"..
ولقى الرقم غريب..نزل وعطاه محمد ولقاه ما هو نفسه..
زياد:يا شباب أنا مزن قد قالت لي:إن مشعل دايم يهددها لو خطبت..
سعيد:أنت مستحيل مشعل يخطفها..مستحيل يا زياد..فكر فيها..
محمد:كل شئ جايز ذا الأيام..
سعيد:يعني تتهم ولد خالتي يا محمد هاه؟!
محمد:أنا ما أتهمته لكن كل شئ عادي يصير..
سعيد:محمد أنت كأنك تتهمه..
علي:صلوا عالنبي..
محمد وسعيد:اللهم صلي وسلم عليه..
علي:أنتوا أصبروا لين ما تطلع الأدلة..
في شقة مشعل..قامت مزن طبعاً وسمعت مشعل يكلم محمد وجلست تصيح وضربها مشعل..عشان ما تفضحه..
مزن:بأي حق تضربني؟!
مشعل:تنطمين..أنا قلت ما بسوي لك شئ لكن أنتي ما تفهمين..
مزن:أكرهك أكرهك كره الموووووووووووت..
سكتت وجلست تطالع فيه وكان يفكر..
مزن:طيب وش السواة الحين..أجلس كذا يعني؟!
مشعل:حبيبتي خلاص أسكتي..
مزن:تجيب المرض ذا الكلمة على لسانك..لو إني دارية كان قلت لهم تراه مشعل..
مشعل:مزونوه خلااااااااااص أنطمي..
اليوم الثاني أنتشر خبر خطف مزن..وأبو علي وأم علي تعبوا لمّا دروا..والبيوت كلها محزنة..
هيفاء:حرام والله..مزن تنخطف ليه؟!
محمد:أنتي خلاص صجيتينا..من الصبح وأنتي تجاغرين..
هيفاء:يوم إنك ما تدري وش تعني لي مزن..
محمد قام:وأنا وش أجل..تراها أغلى عندي أكثر منك بمليون مرة..
وطلع منقهر من هيفاء..
مرت يومين وكل ما لها السالفة تتأزم..مزن باقي عند مشعل اللي قال لها ما بيأذيها..وأبو علي وأم علي حالتهم النفسية والصحية معدومة..ومحمد لا أكل ولا شرب ولا نوم..أخوانها بلغوا الشرطة لكن ما فيه فايدة..والبنات فاتحينها مناحة وبكااااااااااااااااااء..
في اليومين اللي بعدها أخذ مشعل مزن وقال لها إنه بيرجعها..
مشعل:مزن سألتك بالله..وأوعديني طيب..
مزن:وعد..
مشعل:إنك ما تخبرينهم إني أنا اللي خطفتك..
مزن:وعددددددد..
مشعل:قولي لهم اللي خطفني ما أعرفه وإنه لابس قناع وطول وقته برا بس يجي يطل عليّ ويروح..
مزن:طيب..
راح مشعل ونزل مزن عند بيت قريب من بيتهم وراح..أما مزن ما قدرت تخلف بوعدها..وراح تقول لهم بالخطة اللي قالها لها مشعل..
كانت العايلة كلها مجتمعة عند أبو علي..وقام محمد من المجلس وطلع وهو فاتح الباب لقى مزن بوجهه..
محمد:مـــــــــــــــــــ� �ــــزن..وين كنتي؟!
مزن بكت أول ما شافت محمد..ودخلت بسرعة عند الحريم..أما محمد راح عند الرجال وعلمهم وراحوا أخوانها وأبوها عندها..أما مزن أول ما دخلت لقت عزة بوجها صاحت عزة وضمتها وبكت..
عزة:مزن كيفك؟!
مزن:وديني عند أمي..
خذت عزة مزن وودتها عند الحريم وأول ما شافوها صاحوا كلهم..
أم علي:مزن تعالي..
راحت مزن عند أمها وضمتها وجلست تبكي وبكت أمها معها..وكل اللي بالمجلس بكوا..وسمعوا بعدها صوت سعيد وراحت عفاف عنده وقال لها إن الوالد يبغى مزن..راحت تنادي مزن وراحت عندهم مزن وسلمت على أبوها وأخوانها..
سعيد يشاورها:آه ليتك تدرين..الحبيب رايح فيها بعد ما غبتي عنه..
مزن استحت مره وراح وجها أحمر..
بعدها راحت مزن عند البنات وقالت لهم إنها ما تشوفه طول الوقت وهي لحالها والولد ما تعرفه..
وجدان:أبد مما عرفتيه؟!
مزن:يووووووه وأنا من صبح وش أقول؟!
وجدان:ما أدري قلت يمكن شبهتي..
مزن:كيف أشبه وهو لابس قناع..
هيفاء:طيب كيف صوته وعيونه كيف حلو ولا لا؟!
مزن:مسخنة أنتي..إلا يروع كأنه عفريت..
البنات:هههههه..
بعد مرور شهر تملكت مزن..وبقى على زواج زياد شهرين..وسعد خطب عزة وملك بنفس اليوم..سعيد قرر يخطب لكن للحين ما يدري من ياخذ..رامي صار يموت في شئ أسمه ندى..وصار حبه لندى حب إسطووووووووووري..
كان سعيد جالس مع عفاف ف بالصالة..وقولها إنه يبغى يتزوج..
عفاف:طيب وش رايك بهيفاء؟!
سعيد:هيفاء..يوووووه ذيك جنيه..بتجنني أنا وعيالي..
عفاف:ضامن مستقبلك مره..
سعيد:أكيد..أنا سعيد ولد مشاري..
عفاف:طيب من تبي؟!
سعيد:أبغى..وحده مثل مزن حلوه مررررررررره..
عفاف:من وين أطلع؟!
.........:وش عندكم..
سعيد:تعالي أنتي..
مزن:هلا..
سعيد:أنا أبغى أخطب..وما في راسي حد..وأبغاك تختارين لي وحده حلوووووووه..
مزن:أممممممممم..لقيتها..
سعيد وعفاف:من؟!
مزن:عفاف تعرفين وجنات؟!
عفاف:وجنات!!!!!
سعيد:لا يكون أخت المغنية جنات اللي تغني"بحبك"..
مزن:أقول أسكت بس..هاه عرفتيها؟!
عفاف:لحظة......................أهااا عرفتها..
مزن:وش رايك فيها؟!
عفاف:يووووه ما شاء الله تتحدى بنات العالم كلهم..
سعيد:حلوه هي؟!
مزن:كلمة حلوة قليلة بحقها..وما تجي عندها بعد..ذي ملكة جمال..
سعيد:أجل خطبنا..بس تعرفونها..
مزن:yes..عسل مررررررره وأخلاق..الصراحة لو أتكلم فيها ما بوفيها حقها..
عفاف:خلاص كلم أمي وأبوي وشف..وما أتوقع بيرفضون..
سعيد:خلاص إن شاء الله..
قام سعيد وقامت مزن تكلم محمد وراحت عفاف عند أمها وأبوها..
في باريس كانت آمال تتقضى حق زواجها..وما خلت شئ إلا وأخذته..ولبسها رووووووعه..وفستانها حق الزواج تصممه في لبنان لأنها تعرف وحده هناك تصمم..ولبسها وتصميمها جنااااااااان..كانت هي شبه قاطعه على زياد..وما تكلمه كثير مثل أول..ودايم يرسل لها عشان ترد وهي رافضة مره..وفي يوم كانت هي تتمشى وسمعت أحد يناديها..
ود:أموله..
لفت آمال جهة الصوت وتفاجأت..
آمال:ود..لا ما أصدق..
سلمت عليها وضمتها..
ود:كيفك؟!
آمال:بخير..كيفك أنتي؟!
ود:بخير وسهالة..هههههه..
آمال:تقهرني هالكلمة..
وكان فيه ولد يطالع في آمال من زمان وهي مطنشته..شوي قام الولد ومر من جنبها وكلم ود وراح..
آمال:ود من هذا؟!
ود:هذا أخوي أيمن..
آمال:آهاااا..
ود:تعالي أنتــ......
وقطعت جملتها على صوت جوال آمال..واستأذنت آمال وراحت..وهي رايحة لحقها أيمن..
........:لو سمحتي..
آمال لفت:هلا..
أيمن:أنتي صديقة ود؟!
آمال:أيه..بغيت شئ..
أيمن ما يدري وش يقول:لا بس حبيت أعرف..
آمال:آهاا..يالله سلملي على ود..مع السلامة..
راحت آمال وكانت أمها اللي متصلة..وصلت الفندق وراحت عند أمها وقالت لها عن ود وأخوها أيمن ووش سوى بها(الوضع فري..عاااااادي)..
أمها:أمولتي انتبهي الولد يمكن قصده شئ ثاني..
آمال:عاد قالوا لك مدمغة..أكيد ما بجي بطريقه..يكفيني زيودي حياتي..
أمها:ههههههه..
آمال:ليه تضحكين؟!
أمها:شكلك مره يحزن..
آمال:ليه؟!
أمها:لا ما فيه شئ..بس قضيتي كل شئ؟!
آمال:بس بقى لي الأشياء البسيطة وبخلص..
أمها:طيب متى ما خلصتي قولي عشان نحجز ونرجع..
آمال:لا نبغى نقعد شوي..
أمها:عاد كأن زياد ما بيطلعك..
آمال:لا عشان آخر سفرة تكون معكم..
أمها:إن شاء الله تجين وتسافرين معنا بعد..
آمال وهي قايمة:إن شاء الله..
.................................................. .............................
(جزء..مملوحة بس مجروحة)..
راحت آمال وتذكرت إنها ما كلمت الشغالة عشان تدخل الأغراض..
أما أيمن هذا اللي ما نام طول الوقت..يفكر في آمال جذبته بجمالها وهدوئها..فكر يروح عند أخته عشان ياخذ معلومات أكثر عنها راح ودق الباب ودخل..لقى أخته تكلم بالجوال..جلس على طرف السرير واستناها لين تخلص..
ود بعد ما قفلت:هلا أيمن..
أيمن:من كنتي تكلمين؟!
ود:هذي صديقتي ريوف..
أيمن:المهم جيت عشان أكلمك بسالفة..
ود:تفضل قول اللي عندك..
طبعاً ود تحب أخوها أيمن كثير وما ترضى شئ يصير له مهما كان وعمر الحين25سنة..
أيمن:أنا بصراحة ما أدري وش أقول لك..صديقتك آمال أعجبتني وحبيتها وإذا ما هي متزوجة أو مخطوبة أتمنى إنها تكون من نصيبي..
ود:الصرااااااحة..حتى أنا ما أدري وش أقول لك..بس هي متملكة وزواجها قريب بس في السعودية مو هنا..
أيمن:يالله الله يوفقها وين ما كانت ويسعدها..ما أطول عليم شكلك بتنامين صح؟!
ود:الله يوفقك إن شاء الله وراح أدور لك عروسة حلوووووووه..وإذا على النوم والله إني أبغى أنام ميتة نوم..تصبح على خير..
أيمن:وأنتي من أهله..
طلع أيمن ودخل غرفته وسكر على نفسه وهو يفكر..
أيمن:يالله وش هالحظوظ معاي..وما عمري تهنيت بحياتي زين..أمي وأبوي فقدتهم والشغل ما جاء لي نصيب فيه..وكل ما حبيت لي وحدة يا تطلع مخطوبة أو متزوجة..أو تحب غيري..يالله توكلت عليك..وأنا لازم أغير من حياتي..حياة الطيش والهبال والترقيم..والسهر والدش والأشرطة الخربانة..راح أتوب عنها..
قام وراح يتوضأ وأخذ السجادة وصلى وتاب لربه..وعهد عهد إنه يتوب توبة صادقة وما يرجع لحياة الغفلة..وكان هو دايماً ينام على صوت الأغاني..أما الحين قرر ينام على صوت القرآن..
أيمن:إن تقربت من ربي إن شاء الله رح يوفقني..
:::::::::::::::::::::::::::::::::::::::::::
نرجع للسعودية..كانت جالسة لوحدها في الصالة وتفكر..وكانت الساعة تقريباً 3الفجر..وقطع عليها تفكيرها صوت في المطبخ..وكان صوت يخوف..المهم هي سمت بالله وراحت..ويوم دخلت لقت شئ أسود قدامها وصاااااااااااحت..
في نفس الوقت كانت هيفاء جالسة مع سيما ويسولفون..
سيما:حرام عليك ليه؟!
هيفاء:بس بكيفي عشان المرة الثانية تتأدب..
سيما:بس أنتي قلتي مع محمد رح تنشبين لها مو شئ ثاني..
هيفاء:خلاص بكيفي مالك دخل فاهمة..
سيما خلاص بكيفك بس من حفر حفرة لأخيه وقع فيها..
هيفاء طفشت من أختها:خلااااااااااص تراك طفشتيني أطلعي وبس..
سيما:يلا تصبحين على خير..
هيفاء:وأنتي من أهله..
نرجع لصاحبة المطبخ اللي جلست مرعوبة من اللي شافته..شافت بسه سوداء..ترووووووووع وتماوي قدامها..(أكره البساس مووووووووت ما أواطنها بعيشة الله)..
مزن:بسم الله الرحمن الرحيم..من اللي جابها؟!
زياد من وراها:بوووووووووووووو..
مزن صاحت:يااااااااااااااااااا� �ااااااااه..وجع يوجعك روعتني بغيت تاخذ عقلي..جعلك المرض إن شاء الله..
زياد:بسم الله خير وش فيك مرعوبة؟!
مزن:شوف شوف أعمى أنت..(وتأشر على البسه)..
زياد يستهبل:وين؟!
مزن:اللي جالسة تناظر فيك..
زياد:هههههه..يا حليلك يالبسه..(ويقرب منها ويقول)..يا زينك..
مزن:زياد الله يخليك طلعها..تراها مسببة لي رعب..
زياد:طيب بس أمسكي الشماغ والجوال..
مزن:طيب هاتها..
راح زياد عند البسه عشان ياخذها ويقطها برا وشوي وهو مقرب منها هربت البسه من عنده ومرت من عند مزن ومشخت رجولها..وطلعت بسرعة ولحقها زياد وفتح باب البيت وطلعت..أما مزن ما أنجرحت كثير بس أوجعتها شوي وراحت وغسلت رجولها..وحطت لصق جروح وتطمن عليها زياد وراحوا ينامون..
أما زياد كان فيه نوووووم بس ما جاه النوم ولا هو بحوله..فتح جواله وتردد يكلم آمال ولا لا..وأرسل لها رسالة..
" أح ــــــــــبكـ"
"من شروق الشمس لين الليل "
"يغشاني"
"أح ــــــــبكـ"
"وإن غشاني الليل ونامت بـ الهنا"
"جفونكـ"
"أح ـــــبكـ"
"لين ما يعجز يردد نطقها لسانـــي"
"أح ـــــــبكـ"
"وإن عجز لفظي عيوني ودمعي"
"يقرونـــــــك"
"أح ــــــبـــــكـ"
"وأع ــشــــقـــكــ وأهــــواكــ"
"محبه طعمهــا ثاني"
"محبه اكبر من الحب"
"محبه شخص مجنونكـ"
"أح ـــــــــبكـ"
"حب سامي عن سواليف الهوى"
"الدانــــي"
"محبه طاهرة فيها ملامــــح طهر"
"مكنونكــ"
في الطرف الثاني كانت آمال في المطبخ تشرب موكاتشينو وتفكر في حبيبها وعمرها وروحها زيــــــــــــاد..وشوي وبدون سابق إنذار جاء صوت رسالة..فهي ارتاعت وأنكب شوي من الموكاتشينو عليها..سمت بالله وراحت عند الطاولة وأخذت جوالها..وفتحت الرسالة وقرتها وردت عليه..
مـا لـعـب فـي [ حـسـبـتـي ]
غـيـرك ~ وربـي
لـيـن وصلـّنـي غـرامـك للـ // هـبـال
لـيـن صـاروا يـنـشـدون ~ الـناس ~ وشـبـي ؟!
ويـن روّح كـل أبو هـاك ~ الجـمـال ؟!
جـاي تـسـألني بعد | وش كثر حبي |
يا عـسـانـي مآ عـدمـك ,, هـذا سـؤال ..؟!
طبعاً زياد كان ينتظر منها رد..وشوي جاه الرد وقرى الرسالة وأرسل لها..
صدقيني .. إنـك أحلى من خلـق ربي أكيـد
.............ولو يجيبوا الزين / عندك يـستحـي يوقف معاك
بس ( إنتي ) شي ثاني شي في،،ذاته فريد
.............[ كيـمـياء الحسن ] فيك ِ ناتجة عن ~ احتكاك
بين { ذرات ~الأناقة والحلا ودم الوريد
.............ممّـا يُثبت .. إنـ / حُسنك في ؛ أساسـه ؛ ارتباك
انشطارك و التفاعل يبقى.. بــ العالم وحيد
.............أي فلزّي و لا فلزّي ، والله إن ع ـينك .. هلاك
اجتمع ؛ فيك ِ؛ المُسلَّم و الطبيعي بـ العنيد
.............يعني [ غيّرتي / مفاهـيم ] البشر للي .. قراك
- يمكن -إنك جيل آخر من زمن قادم بعيد
.............و يمكن إنك من { مجرة ~ ما وصلناها هناك
المُهم اللي ، أعرفه ، إني برجع من جديد
.............( أدرس الجينات ) وأكتب ما فهمته عن حلاك
بعد هذا يمكن *أنشر*ما عرفته بـ البريد
.............و أحـفظ ؛ حقوق البراءة ؛ ضد شرع الانتهاك
طبعاً آمال أنجنت على الرسالة..وحست فيه كثيييييييير..وقالت خلاص رح أكلمه..ودقت عليه..أما زياد أول ما شاف الرقم نط من السرير ما يدري هو فرحان ولا مستغرب ما يدري وش فيه..على طول رد وما صبر..
زياد:هلا والله بملاك عمري وروحي وحياتي كلها..مشتاااااااااااااق لك..
آمال:هههههه..طيب الناس تبدأ بالسلام أول..
زياد:ههههه..السلام عليكم..هذا من كثر الشوق يا روحي..
آمال:وعليكم السلام..هذا أنت حالك كذا عاد كيف أنا..وش راح تقول؟!
زياد يصيح:يا وييييييييييل قلبي يا ناس..
آمال:زياد..زياد..خلاص أسكت وش فيك تصيح..
زياد:فيه أحد يسمع هالكلام ويسكت ويا ليته من أي أحد من أمولتي..
آمال:فديت اللي يقول أسمي ويدلعه بعد..
زياد:فديتك أنا قلبي..هاه طمنيني عليك..خلصتي المقاضي محتاجة شئ؟!
آمال:والله بخير حبيبي..أما المقاضي بعد شوي..ومحتاجة كثيييييير..
زياد:طيب ليش ما قلتي لي..أرسل فلوس اليوم..كم تبغين؟!
آمال:لا لا لا أنا محتاجة شئ ثاني..
زياد:آمري يا روحي..
آمال:محتاجة لك كثيييييييير..
زياد:يا عمري أنتي..بس أبشري ما طلبتي شئ..
آمال:الله يخليك لي ويخلينا لبعض..إلا كيف مزن والأهل وعماني وبناتهم..
زياد:كلهم بخير ويسلمون عليك..
آمال:الله يسلمهم..زياد قلبي..
زياد:يا قلبه أنتي..
آمال:الله يخليك..بس ماما تناديني أبروح لها ممكن؟!
زياد:خلاص روحي بس لا تقطعيني أبد..
آمال:زيودي..
زياد:هلا..
آمال:أموووووووووواه..(بوسه). .
زياد:أمووووووووووووووواه..
آمال:أبوك يا التقليد..
زياد:هههههه..
آمال:يالله باي حبيبي..
زياد:انتبهي على نفسك يا عمري..خلاص..
آمال:لا توصي حريص..بعدين ترى قد لي ساعة أقول باي..يالله باااااااي..
زياد:بااااااااااااي..
زياد حالته ما تنوصف أبد..أنبسط إن آمال صارت تكلمه بعد مقاطعه لمدة أسبوعين و3أيام..(كأنها واحد مسوي إضراب عن الطعام..هههههه..)..ونام وهو كل تفكيره في آمال..
الساعة 10 الصباح..
وجدان:طروووق يالله قوم..
طارق:يالله يالله قاااايم..
وجدان:قد لي ساعة رايحه جايه ولا قمت..
طارق:يالله قمت..نعم وش تبغين؟!
وجدان:أنا عازمتك على فطور يالله قوم..
ضمها طارق بقوووووه وباسها..
طارق:يا بعدهم ليه متعبه نفسك..
وجدان:لأنك تستاهل الدنيا وما فيها..يالله خلص لا نتأخر..
طارق قام وباسها على جبهتها ودخل وأخذ له شور سريع وطلع ولبس وطلعوا للمطعم يفطرون..
في الطرف الثاني كانت فجر تصحي ولدها يزن..
فجر:يزن......يزوني........يزن حبيبي..
يزن:..........
فجر:يزوني حبيبي قوم..
يزن:.............وكان وجهه أحمر..
فجر مسكته من عند جبهته لقت حرارته عاليه مررررررررره..فارتاعت وراحت تدق على زوجها عمر عشان يجي يودي ولده للمستشفى..
فجر:ألو..
منصور:هلا..
فجر:ممكن أكلم الأستاذ عمر بن أحمد..
منصور:من يبغاه؟!
فجر:يوووووه فاتح تحقيق أنت..بسرعه أنا زوجته..
منصور:بس هو الحين مشغول..
فجر عصبت:أنا أقول عطني إياه بسرررررعه..
منصور:يا أختي هو مشغول..
طبعاً منصور يشتغل عند عمر في شركته..وهو مغازلجي فأعجبه صوت فجر وحب يستهبل عليها..وهو كذاب عمر مو مشغول..
فجر:حسبي الله عليك من رجال..
منصور:طيب أنتي وش تبغين فيه عشان أقول له؟!
فجر:قول له ولدك تعبان مرررره وخله يجي يوديه للمستشفى..
منصور:خلاص يا أختي حصل خير رح أكلمه..
فجر على طول قفلت في وجهه..وراحت عند ولدها يزن ولقت الحرارة كل مالها تزيد..وراحت جابت كمادات على بال ما يجي زوجها يوديها للمستشفى..
منصور:يا أستاذ عمر الأهل اتصلوا ويقولون إن ولدك تعبان وحرارته مرتفعه مره ويبغونك تروح توديه للمستشفى..
عمر خاف وبسرعة راح بدون ما يقول شئ..وصل عند باب البيت وشاف فجر تكمده..
عمر:فجر حبيبتي وش في يزوني؟!
فجر على طول سمعت صوته وخافت وراحت عنده..
عمر:خير وش فيك جايه وش تنتظرين؟!
فجر:يزوني حرارته مرتفعه مرررره ما أقدر ألمسه من الحرارة..
راح عمر عند ولده وبسرعه شاله وراحوا المستشفى وطول ما هم في الطريق فجر تصيح خايفه لا تفقد ولدها..
عمر:فجر خلاص عورتي قلبي ولدك إن شاء الله بخير..
فجر:أول مره تجيه هالحالة عمر تكفى بسرعه على المستشفى..
عمر فيه طبع يمشي بالسيارة ببطئ..وثاني شئ إن بيتهم بعيد عن المستشفى والطريق زحمة..
فجر:بسرررررعه أسرع ولدي خايفة عليه..
أسرع عمر سرعة جنونية..وولدهم يزن عمره سنة ونص..وشوي أنطق الكفر من حرارة الأرض لأنهم كانوا في النهار..وتقلبت فيهم السيارة وراحوا على جنب الطريق..
فجر تصيح:آآآآه آآآآه آآآآه ولدي وينه..يــ....ز...ن ويــ...نــ...ك؟!عــ...مــ...ر لا تــ...مــ....و...ت..
جلست تصيح لمّا شافت الدم ينزف من صدر عمر وولدها طايح..طبعاً جات الإسعاف وشالوهم وودوهم المستشفى..ويزن ودوه لقسم العناية الخاصة بالأطفال..وفجر ودوها لغرفة عاديه..لأن جاها رضوض وكسور..وعمر دخلوه العناية المركزة..
عند وجدان وطارق اللي يفطرون في المطعم..
وجدان:هاه حبيبي وش رايك نروح نتمشى..
طارق:أنتي ما تطلبين..أنتي تامرين أمر..
وجدان:عساني ما أنحرم منك إن شاء الله يا عيوني..
نزلوا طارق ووجدان في مكان شبه فاضي من الناس وجلسوا يمشون ورجعوا للسيارة وشغل طارق شريط راشد الماجد وكانت على أغنية القلب سلم لك أمره..
القلب سلم لك أمره..في حالتي أنت أدرى
ياللي حنانك وطيبك..تنحط ع الجرح يبرا
شفاف يا نور عيني..حبوب قلبك يبيني
زهرة شبابي وسنيني. تفداك ألفين مرة
الله لم تكلم..كنك تغني ترنم
والورد منك تعلم..والشعر يضيع شعره
حنون ربي يصونك..في طيبتك في عيونك
دنياك حبي وكونك..يطيب عمري ويعطره
فديت صوتك فديتك..شفتك عشقتك هويتك
يا ليت تدري يا ليتك..غلاك يا كبر قدره
طارق:هذي إهداء لحبيبة روحي..
وجدان:يا عمري عليك أنت مشكوووووور..
وشوي طلعت سلسال قلب من شنطتها وراحت للسيارة وطلبته يجي..علقت السلسال في المراية حقت السيارة اللي داخلها..
وجدان:هذا قلبي نصه لي ونصه لك أنت..
نزلها طارق من السيارة وضمها لصدره قدام الناس..
وجدان:طارق يا ويلي فشله خلاص خلها بعدين..
طارق:وش دخلهم الحين أنتي حلالي وبكيفي..
وشوي فكها وراحوا جلسوا مكانهم وهم مبسوطين..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,
(جزء ضايعه في دنيا المتاهات)
في المستشفى..فجر طلع عندها كسر في الرجل اليسرى وجرح في وجها..ورضه أسفل الظهر..وتمزق بالفخذ..(أنا صار لي رضه بأسفل الظهر وتمزق في الفخذ مثلها..وكانت من طيحه من فوق كرسي عالي على السيراميك بقوووووه..بغيت أموت منها..وفي المدرسة بعد..وطول الوقت طايحه على السرير مع إجازة أسبوع من المدرسة..وآلامها مره توووووووجع..وصارت لي أعراض جانبية من آثرها تتعبني إلى يومكم هذا وبتستمر معي إذا كبرت إن شاء الله..والله لا يصيبكم مثلها قولوا آمين..آميييييييييييين)..
بعد ما هدى الوضع راحت الدكتورة عند فجر عشان تاخذ من عندها رقم أهلها..ودقوا عليهم..
في بيت أبو أحمد كان أحمد نازل وسمع التلفون يرن..نادى أنسام عشان ترد ونزلت أنسام طيران وردت..
أنسام:نعم...وعليكم السلام...أيوه...أيش؟!...فجر وعمر ويزن...طيب...طيب...مع السلامه..
أنسام:أحمد بسرعه روح جهز السيارة..
أحمد:ليه؟!
أنسام وهي طالعه من الدرج:فجر ورجلها وولدها صار لهم حادث..
راح أحمد بسرعه شغل سيارته وطلعت أنسام معه وراحوا للمستشفى وللقسم الطوارئ..قابل أحمد واحد من الدكاترة وسأله عن عمر وفجر وولدهم..وعلمهم بالغرفة والأطباء المسؤولين عنهم..راحت أنسام تشوف أختها وأحمد راح عند الدكتور عشان يسأله عن الحادث..
في غرفة فجر كانت الممرضة عندها وهي شبه مغمى عليها..دخلت أنسام عليها وسلمت وراحت على طول ضمتها وبكت..
أنسام:فجر كيفك؟!
فجر:وين عمر ويزن؟!أنسام:موجودين بس أنتي كيفك؟!
فجر:بخير..
أنسام:وش قالوا معك؟!
فجر:كسر في الرجل اليسرى وجرح بوجهي ورضّه بأسفل الظهر وتمزق بالفخذ..
أنسام:الله يقومك عالسلامه..والحمد لله إنها جات على كذا..
بعد مرور أسبوعين تحسنت حالة عمر وفجر ويزن..آمال رجعت من باريس وتجهز أغراضها لأن الزواج باقي عليه أسبوعين..سعيد خطب وجنات ووافقت عليه..وسعد وعزه علاقتهم رسميه شوي لأنهم ما يعرفون بعض كثير..ومزن باقي على زواجها شهر..
في بيت أبو بندر كانت أميرة جالسة مع أهلها..وأختها وجدان عندهم لأنها بالشهور الأخيرة..كانت أميرة مسرحه وتفكر في حالها..والمسكينة مقهوره لأن زياد أخذ آمال..يعني اللي فازت بها آمال..وهي اللي خسرت..كل يوم تعاتب نفسها على اللي سوته..وفجأة حست أن أحد يكلمها..
سعد:بنت ساعة أنادي ما تسمعين؟!
أميرة:كنت أفكر..
سعد:طيب..ترى فيه واحد تقدم لك..ونبغى رايك..
أميرة:من هو؟!
سعد:أسمه تركي بن محمود الــ....... ونبغاك تفكرين زين..
أميرة قامت وهي ساكته..دخلت غرفتها وحست بالكتمه..جلست على سريرها وأخذت دفتر وجلست تكتب..
:/:أنا الصادق أنا الكاذب أنا الطيب أنا الخوان:/:
:/:أنا اللي لا بغيت أضحك بكيت بكل إحساسي:/:
:/:أنا الشاكي أنا الظالم أنا بين البشر أنهان:/:
:/:أواصل كل عذالي وأهجر هلي وناسي:/:
:/:أنا دمعه طفت شمعه تضوي فرحتي أزمان:/:
:/:وصار الحزن هو فرحي حنون بوجه أنفاسي:/:
:/:أنا اللي قلبي مو ملكي دفنته بداخلي بركان:/:
:/:وأنا اللي لا نويت أذكر طبيعي أقول أنا ناسي:/:
:/:أنا مو قصدي أتفنن ولا ودي أكون فنان:/:
:/:أنا ودي أوري الناس حقيقة فكري في راسي:/:
:/:لأني مهما أسوي أهيم بعالم النسيان:/:
:/:ولا أرضي حتى من أهوى وأزعل مني جلاسي:/:
:/:أعيش وما فهمني صح شخص أحسبه إنسان:/:
:/:لأنه ما عرفني زين خذلته لأخر أنفاسي:/:
:/:يا قارئ حروفي لا تدفق إذا أختلت مع الأوزان:/:
:/:صحيت من حلمي الواقع بصدمة دقت أجراسي:/:
نزلت الدفتر وراحت توضت وصلت واستخارت وحست بشعور متضارب شئ فيه راحه وشئ لا..قامت وقالت..
أميرة:الوقت قدامي طويل عشان أستخير..
راحت عند الجوال وجلست تقلب فيه..وشوي دق الباب عليها..وكان أخوها سعد..
سعد:ممكن..
أميرة:ممكن..
دخل سعد وجلس قدامها عالكنبة وجلس يطالع فيها..وحس أنها مره متضايقة وحزينة..
سعد:أميرة..فيك شئ؟!
أميرة:لا..
سعد:أميره لا تكذبين كل شئ باين بعيونك..
أميرة:ماني أكذب..بس رجاء لا عاد تكلمني..
سعد:ليه؟!
أميرة:بس كذا مزاج..
سعد:الأشياء هذي ما فيها مزاج..قولي ليه؟!
أميره حطت عينها بعين سعد:تذكر يوم جاب أحمد ورقة طلاقي..وش قلت لي..؟!..قلت:أتحدى إذا جاء أحد يخطبك..صح؟!
سعد:أيه..بس ذاك الوقت كنت مقهور وطلع مني الكلام بدون قصد..
أميره:آهاااا..بدون قصد..طيب ممكن تطلع أبغى أنام..
سعد:إن شاء الله..
طلع سعد وهو مستغرب من أسلوب أخته معه..معقوله قد لها كم شهر وهي شايله عليه..طلع سعد برا البيت ودق على زياد وراح معه..
في بيت أبو طارق كان محمد جالس مع خواته هيفاء وعزة..وكل شوي وهو يطالع بجواله..
هيفاء:محمد حشا ما صار جوال..
محمد:مالك خص يالحشريه..
هيفاء:مالك خص ولا مالك معاذ..بس طيب أنا أعلم مزن..
محمد:ليه وش بتسوي..بتضربني أجل..
هيفاء:لا..بس ما ترضى إن أحد يجرح مشاعري الشفافة..أو يغلط عليّ..
محمد:أقول بلا مشاعر شفافة ولا ثقيلة..والثقة الزايده ذي مالها داعي..وأسكتي وريحيني..
عزه:محمد ترى مزن دقت عليّ اليوم تقول....
محمد متحمس:وش تقول؟!
عزة:ما قالت شئ..ههههههه..
محمد:طيب يالنذله..أعدتك هيفاء..
هيفاء:أختي ولازم تكون من نفس طينتي..
محمد:وليه وش طينتي أنا؟!
هيفاء:بيضاء..ههههههه..
سكت محمد لأن جواله دق وكان رقم غريب..
........:ألو.."وكان صوت بنت"..
محمد:هلا..
البنت:السلام عليكم..
محمد:وعليكم السلام..
البنت:هذا جوال محمد؟!
محمد:محمد مين؟!
البنت:أمممم يا ربي..أيوه محمد سلطان..
محمد:لا غلطانة..
البنت:طيب آسفة..باي..
قفل محمد وهو شوي ويرجّع من صوت البنت..
هيفاء:وش فيك كأن كبدتك حايمة..
محمد:كلمتني بنت يا ويلي يالصوت..يفقع..
عزة:هههههه حلوه يفقع..
هيفاء:تزوجيها طيب..
الكل:هههههههه..
محمد:يا ربي مزن من يومين لا ترسل ولا تدق ما أدري وش فيها..
هيفاء:بدت حركات المعرسات..
عزة:هذي حركه تعطيك فرصه عشان تشتااااااااااق يا حلو ههههههه..
دخل عليهم فواز وشافهم يضحكون..
فواز:ضحكونا معكم..
هيفاء:خير قاط عمر في السالفة بالغلط..
فواز يتريق:هاهاهاها تضحكين مره..
هيفاء:أقول أنت وطلال وبندر وسيما ما لكم دور كثير بالقصة..
فواز:أحسن خليني أرتاح من المشاوير..لأن مو رايق حق الروحه والجيّه..
هيفاء:ذي دايم تقولها..مو رايق مو رايق..
محمد:يالله أنا طالع..
دق التلفون وكانت هيفاء عنده..
هيفاء:نعم..
مزن:السلااااااااااااام وعلييييييييييكم..
هيفاء تبغى تسمع محمد:هلا مزن..هلا والله..
وقف محمد مكانه ورجع لهيفاء وأخذ السماعة منها..
مزن:هيوفتي كيف حمودي..تدرين ما أبي أقاطعه لكن تعرفين أبغاه يشتاق لي..ههههه حلوه صح؟!
محمد:لا مو حلوه..
مزن:محمد..
محمد:لا خويه..
مزن:أوريك بس ما عليه..
محمد:ما تقدرين..
مزن:ما عليه..أنا قلت ما عليه..
محمد:يطاوعك قلبك..
فواز:ههههههااااااااي..أما خوي ذا كأنه من العبيد..
ضحكوا كلهم ومزن سمعته..
محمد:سمعتي وش يقولون عني؟!
مزن:حط عالسبيكر..
حط محمد عالسبيكر..
مزن:سيداتي سادتي..أسمعوا..والله ياللي يتكلم على حمودي لأوريه شغله سامعين..
فواز:يطاوعك قلبك..
ضحكوا كلهم عالكلمة..
مزن:أيوه وبقوة بعد..
هيفاء:يا مصيبتي دا أنتي بتؤلي إيه..(مصري)..
مزن:أنا بؤل..ألبي يطاوعني كتير بأه..
هيفاء:لك حنشوف..أول ما بشوفك رح أزبحك..(لبناني)..
مزن:لا حبيبتي ما تأدري..عندي اللي عم بيحميني..
هيفاء:وش رايج بطراق يعدلج مخج..يخليج تعرفين من تحاتين..(خليجي..بس الدولة..؟؟؟؟؟)..
مزن:شنو تقولين..لا يا أختي..أنا مو مستعده كلش..وراي عرس..وما أبي ريلي يجوفني مكفخه منج..يالسبّاله..
هيفاء:الله ياخذتس يا أم لسانين..راسي صدع منتس..(أموت بلهجتي يا ناس)..
مزن:عشان تعرفين من هي مرت خوتس..وبنت عمس..زييييييييين..
فواز:حلوه بنت عمس..
مزن:تزوجها أجل..
فواز:هههههههااااااااااااا� �ااي..
قفل محمد السبيكر وطلب من مزن أنها تفتح جوالها عشان يكلمها على راحته..