الفصل 8
الـــجــــــــــــــــــ� �ـ الثامن ــــــــــــــــــــــزء"
في بيت أبو أحمد كانوا أحمد وأميرة جالسين والجو بينهم متكهرب شوي..
أميرة:أحمد..أبغى أعرف أنت يوم تجي آمال عندنا وأنت تفغر فيها..عاجبتك هي؟!
أحمد بدهشة:وش الكلام هذا؟!خرفتي أجل؟!
أميرة:لا ما خرفت..بس أنا أشوفك دايم..
أحمد:أميرة بلا هبال..
أميرة وهي تصارخ:هبال أيش..أنا ماني ماليه عينك..إذا هي عاجبتك خذها..وريحنننننني..
ما حست أميرة إلا بذاك الكف اللي على خدها طرحتها على الأرض..
أحمد معصب:يمين بالله لو تكلمتي..إن ما تلقين مني خير فاهمة..
طلع أحمد وترك أميرة طايحة..ودخلت أنسام عليها.. وتفاجأت من شكلها..
أنسام:أميرة وش فيك؟!
طالعت فيها أميرة وقامت وخلتها..
أنسام:خييييييير وش ذا النظرات؟!
أميرة:مالك خص..فاهمة يا أخت أحمد..وأعوذ بالله منكم..العيشة عندكم تقصر العمر..
أنسام عصبت:احترمي نفسك..تراك أنتي اللي جيتي برجليك ما أحد جابك..سامعة..
سكتت أميرة منها وطلعت..وشافت أحمد يكلم بالجوال وهو يضحك..
أميرة بنفسها:والله لأوريك يا أحمد..بس أستنى لي..
طلعت لغرفتها ودقت على خوها بندر عشان يجي يأخذها..
أميرة:خلاص..قلت لك تعال وبس..
بندر:وزوجك وش بيقول؟!
أميرة:بندر بتجي ولاّ لا..
راحت أميرة تجهز لبسها عشان تروح لبيت أهلها..نزلت وشافت أنسام قاعده مع أحمد..
أحمد:على وين؟!
أميرة ما ردت عليه وكملت طريقها..لحقها أحمد ومسكها ولفها بقوة..
أحمد:أنا أكلمك هنا..على وين رايحة؟!
أميرة:البيت اللي كنت فيه معززة ومكرمة..
أحمد:آهاااااااااه..لا يكون هنا ذليناك..
أميرة:حاسب نفسك ثاني مرة..سامع..
أحمد صرخ في وجها::أميييييييييييييرة..
ارتبكت أميرة من صرخته ووقفت زي الآوادم..
أحمد:أرجعي فوق وأنتي ساكتة..
أميرة:ماني راجعة..
أحمد:أنا قلت بترجعين يعني يترجعين..
أميرة بإصرار:لا يعني لا..ما تفهم أنت..
أحمد فقد أعصابه:أنتي طالق..طالـــ.....
أميرة وهي تصرخ:لا يا أحمد..لا تكمل..
أحمد:أطلعي..برااااااااااا..
أميرة:أحمد حرام عليك..
أحمد:أميرة براااااااا,,قبل لا أثور فيك..
وفي ذاك الوقت دخلت آمال على صراخهم..
آمال خافت:خير وش فيكم؟!
أحمد:أنتي مالك خص..أدخلي وأنتي ساكتة..
آمال:إن شاء الله..
دخلت آمال وسمعت أميرة تناديها..
آمال:نعم..
أميرة:أنتي السبب في كل شئ..حسبي الله عليييييييييك..
آمال أنصدمت:أميرة خير وش فيه؟!
أميرة:اسألي ولد خالتك العاشق..
أحمد:أنتي ودك بكف ثاني..
أميرة:عانها بشحمها ولحمها..خذها إذا أنت تبغاها..
أحمد طلعت الدخاخين من أذانيه:أميييييييييرة..براا� �اااااااااااااااااااا..
آمال:أميرة تكلمي وش السالفة؟!
طلعت أميرة عند أخوها وهي ميتة بكاء..
أما عند أحمد وأميرة..
آمال:أحمد وش السالفة؟!
أحمد:سوء تفاهم بس..
آمال أنقهرت من بروده:وش ذا السوء التفاهم اللي دخلني بينكم؟!
أحمد ما يبغى يعلم آمال السبب:لا هي تقول إني اكتشفت أنك تحب بنت خالتك..وقلت لها هذا قبل بس أللحين أحبها كبنت خاله لا أقل ولا أكثر..
آمال:آهاه..الحمد لله إنك علمتها بالحقيقة..وعلمها بعد وقول إن آمال بعد ما تحبني..هذا كاااااااان حب مراهقة..
أندهش أحمد من رد آمال:
أحمد:آمال عيب عليك ذا الكلام..احترمي نفسك أحسن لك..
طالعت فيه آمال بنظرات إستحقاااااااار وراحت..أما أحمد فجلس يأكل بنفسه..وبنفس الوقت مقهور من كلامها ونظراتها..
راحت آمال وقابلت أنسام وراحوا لغرفتها..وجلسوا يولفون..
آمال:أخوك ذا تعبان أشك في عقله الصراحة..
أنسام:ما أدري وش فيه أنقلب بعد زواجه..
آمال:تعالي..أميرة وش سالفتها؟!
أنسام:أنا أعلمك..أنا كنت واقفة برا الصالة وفجأة سمعتهم يتخانقون..فما حبيت أتسمع..لكن فيه شئ شدني وهي قاعدة تقول له(وتقلد أسلوب أميرة في الصراخ):إذا هي عاجبتك خذها وريحني..فقلت:يا ربي من هي ذي اللي تقصدها..ورجعت تصارخ:أنك دايم تفغر فيها ومدري وش..فعرفت بعدين..أنها تقصدك..
آمال:ترى أحمد كان يطالع فيني دايم..بس ما كنت أعبره..وتراه كذب عليّ يوم كنت عند الباب..
أنسام:سمعتكم..بس ما عليك طنشي..أحمد أهبل..وأميرة ما تناسبه..
وشوي أنفتح الباب بقوووووووووووة وبغى ينكسر..
........:وليه ما تناسبني؟؟؟؟؟!!!!!!
أنسام:أنا ما رح أكذب والصدق بقوله..
أحمد:أنسام أمسكي لسانك..قبل لا أذبحك..
أنسام:يااااااااي خوفتني..روح أحسن لك جب مرتك..قبل لا تغسل شراعك..وتنشر سيرتك عند خلــــ........
مسكها أحمد وجلس يضربها..أما آمال جلست تصارخ عليه..
آمال:أحمد..فك أنسام..أنت نذل ما عنك حشيمة..أنت أناااااااااااني..
أحمد:بتسكتين يا بنت الكلب..
آمال صاحت صيحه هزت الحي حقهم:كل تراب وأحترم نفسك..يا حقير..أنا أشرف منك ومن عشرة من أمثالك..
صفقها أحمد وطاحت وسال الدم من فمها من قوة الصفقة..أستغرب أحمد من اللي سواه..آخر ما توقعه أنه يمد يده على بنت خالته..أما آمال فجلست تبكي..وهي بتموت من أحمد..
آمال:أصبر عليّ يا ولد خالتي..الأيام والليالي جاية..وأعرف إني ما رح أسامحك على الكف ليوم الدين..
طلعت آمال بسرعة ووراها أنسام..أما أحمد جلس على الكرسي وهو مستغرب من اللي سواه..بس ما لام نفسه..من يوم ما تزوج أميرة وهو طايح بمشاكل..
أنسام:آمال الله يخليك وقفي...
آمال:من أنا عشان يصفقني..ويتلفظ علي بألفاظ مثل وجهه..
أنسا:أمسحيها في وجهي ذا المره..الله يخليك..
آمال:عشانك..ولا لو ما تكلمتي كان وصل الخبر عند أبوي عشان يأدبه..
أنسام:غبيه فكري فيها..لو قلتي له..رح يحرمك منا..وتصير مشاكل..
آمال:كيف لي مافكرت فيها..زين إنك لحقتيني..
وكملوا سوالفهم وجلستهم بين اللي تمسح الدم واللي تمسح الجروح..وبعدها رجعت آمال البيت وشافتها أمها..
أمها:أموله..وش ذا اللي بوجهك؟؟؟!
آمال أرتبكت:هاه.. لا... تضاربنا أنا وأنسام..
أمها: أنسام..وليه؟؟؟!
آمال تدور كذبه: كنا نلعب وما كانت قاصده فضربتني..بعدين عادي ماما مافيها شئ..
أمها:مافيها شئ..وش الكلام ذا..لا تخلين أحد يمد يده عليك..لو كان راس بالدنيا..
آمال:أنتي ليه ماخذه السالفه جد..
أمها:آماال..إحنا ما مدينا إيدينا عليك....يجي الغريب يمد يده..ليييه؟؟؟! وعلى أي أساس؟؟؟!
آمال وهي مصدعه:ماما خلاص...ريحييييني...راسي مصدع..وأنا ماني بزر عشان أخلي أي واحد يمد يده عليّ...
طلعت آمال وهي تفكر بكلام أمها...يس ما تدري وش تسوي..قعدت شوي وجاء في بالها زياد..فأحتارت ..وقالت:ما فيه إلا عزه..دقت على عزه شوي وردت...
عزه:حيا الله هالصوت ..ياهلا..
آمال:الله يحيك..كيفك يا عسل؟!
عزه:الحمد لله بخير.. كيف أحوالك؟!
آمال:تمام التمام..عزوو أنتي فاضيه ألحين؟!
عزه:أفضي نفس عشانك..
آمال:مشكوووره يا عمري بس حبيت أكلمك في موضوع مهم..
عزه:كلي آذان صاغيه..قولي يا بعد عمري..
آمال:يوووه ياعزه أحرجتيني...
عزه:هههههههه..طيب يالله قولي حمستيني...
آمال:أ.....ممممممم.... زياد.... ياعزه.. زعلان مني...
عزة متفاجئة:يا لهوووووووووي..ليييييييه؟!
آمال:أنا أقولك السالفة..مره رحت السوق أنا وبنت خالتي..وكان فيه شباب يلحقونا وبالصدفة كان زياد ذاك اليوم في المحل..و.......شافني وأنا أكلمهم ولمحته بعد ما طلع..فأخذت من واحد منهم ورقة وراح زياد بعد ما شافني..وزعل..يحسب إني أبغى أكلمهم..وأنا أصلاً أخذت الورقة من الولد وشقيتها ورميتها بالزبالة الله يكرمك قدام الولد..ولما رجعت دقيت عليه وما رد فأرسلت ولا رد جلست لليوم الثاني ونفس الشئ فعرفت إنه زعلان مني ومن الموقف اللي صار لي..ومن بعدها ما صار يرد عليّ أبد..كنت أبغى أوضح له..بس ما فيه فايدة..طول الوقت مقفل جواله ولا إذا دقيت ما يرد ولا يحطه مشغول..وأنا والله إني تعبت..(وبكت آمال)..تعبت يا عزة مدري من وين أفهمه..عزة..أنا أحب زياد موووووووووووت..ما أقدر أتركه كذا..ولا أبغاه يزعل مني..وأسمعي طلبتك إذا كان لي معزه عندك..
عزة:أطلبي..وأمري بعد..
آمال:قولي لزياد........ترى آمال تحبك وتموت فيك..بس خلاص إذا بتجلس زعلان..الله يحفظك..لأنها أخذت منك موقف..
عزة:وش موقفه؟!
آمال:إساءة الظن..والتطنيش..علمني من البداية..هو جاء خطبني وعطاني معها درس..
عزة:أمولتي..لا تتسرعييييييين..بعدين أنا عارفة أن الكلام مو من قلبك..صح؟!(طبعاً آمال فيها صفة شينه وهي التسرع الفظيع..ويمكن بتسرعها هذا تهدم علاقتها بزياد..خلونا نشوف نهاية تسرعها الطايش)
آمال:آآآآه..والله مو من قلبي..بس وش أسوي..تعبت مره..
عزة:آمال أسمعيني..زياد ما سوى الشئ هذا إلا لأنه يغار عليك..وهذا يثبت أنه يحبك..وترى زياد فيه صفة التسرع..ولعلمك..ولا أقول خلاص..بس أنتي حاولي معه..وأنا رح أكلمه بعد ما تحاولين..خلاص حبيبتي..
آمال:آه..هم وأنزاح مني..والله بدونك كنت بضيع..مشكورة يا عزة على الخدمة..
عزة:ولو ما سوينا إلا الواجب..أموله..إذا بغيتي شئ ما يردك إلا لسانك..
آمال:الله يعطيك ألف عافية..ويسعدك إن شاء الله..ويالله ما أبغى أطول عليك..الوالده تناديني..
عزة:خذي راحتك يا حلوة..
آمال:يالله باي..
عزة:باي..
#12
قفلت آمال وطاحت على سريرها وتنفست بعمق..ونزلت لأمها..لأن عشاهم جاااااااااااااااهز..
أما عزة بعد ما قفلت من آمال..احتارت كيف تعلم زياد..قالت ما فيه إلا طريقه وحده..خليني أنفذها أحسن..راحت عزة عند أخوها طارق وطلبته الجوال وعطاها..أخذت رقم زياد وسجلته بجوالها..ورجعته لخوها..دخلت غرفتها.. ودقت ولقته مقفل..فأرسلت له رسالة.."زياد..يا ليت ترد عليّ..عشان أكلمك..بنت العم(عــــــــزة)"نزلت جوالها ودعت ربها إن المشكلة تنحل..
في بيت أبو علي..كان الكل جالس في الصالة ويتوسط الجلسة أبو علي..طالع على طول في زوجته لأنا كانت تكلمه..
أم علي:أبو علي..ما عطاك أبو آمال الرد..
زياد أنقلب وجهه,,وأنخبص..
أبو علي:لا والله..يقول البنت بعدها ما فكرت ولا ردت..لأنها بفترة اختبارات..وبتاخذ راحتها في الرد إذا خلصت..
زياد بنفسه:والله وعرفتي تصرفين يا آمال..لكن ما عليه أصبري عليّ..
أم علي:الله يقدم اللي فيه الخير..وصدت لزياد..وأنت ما ودك تجهز عمرك؟!
زياد:في أيش؟!
أم علي:تجهيز البيت والمهر..
زياد:بعهم ما ردوا..وبعدين يمكن البنت ما توافق..
مزن:من هي اللي ما بتوافق؟!
زياد:البنت اللي خطبتها..
مزن:لا يا عيوني..وحده زيها تتمنى ولد مثلك..فدييييييييييييتك يا بعد حيي..
زياد:هههههههه..يعني فرحانة فيني..
قامت مزن عند أخوها وضمته..
مزن:فرحانة فيك وأحبك وأموت فيك بعد..
زياد:شكراً شكراً..
رامي:الحمد لله..أقول مزن وش رأيك تقلبين الجلسة ذي رومنسية؟!
مزن:عااااااادي..إذا تبغى..يا كازانوفا..(يعني عاشق)..
الكل:ههههههههه..
أبو علي:علي..تعال أبغى أكلمك..
علي وهو قايم:يالله معك..
راحوا أبوعلي وعلي للمكتب..جلس أبو علي وعلي كان واقف وأشر له يجلس وجلس مقابل أبوه..
أبو علي:علي أنا أبغى أكلمك بموضوع وأتمنى أنك ما تردني..
علي:ما عاش من يردك..تفضل..
أبو علي:شف يا ولدي..أنت كبير وعمرك ظني 31..واللي مثلك قد عنده ولدين ولا ثلاثة و......
علي يقاطعه:أبوي..معليش..الموضوع هذا لا تفتحه معي..أنا قلت ما أبغى أتزوج..يعني ما أبغى أتزوج..وياليت تنسون السالفة بالمره..
أبو علي:علي..أجلس وخلني أكمل كلامي..
علي:حاضر..
جلس علي وهو متضايق للآخررررررررر..
أبو علي:يا علي..أنا ما قلت الكلام هذا إلا لأني أبغى يا ولدي مصلحتك..وترانا نبغى نشوف عيالك قبل لا نروح من الدنيا..كنا نتمنى من إيمان الله يرحمها لكن مقدر ومكتوب..
علي:بعد عمر طويل إن شاء الله..بس يا بوي أنا إلى اليوم ماني مقرر أتزوج..وأنا خايف أخذ البنت وما أسعدها معي..تعرف إني للحين ما نسيت إيمان ولا رح أنساها بعد..
أبو علي:عارفين يا ولدي..بس لمتى الواحد يقفل على عمره ولا يتزوج..أنت شوف طريقك اللي بترتاح فيه والله يوفقك..
علي:آمين..بس أنا ما برتاح إلا إذا ما تزوجت..وإذا فكرت أتزوج قلت لكم بإذن الله..
أبو علي:إن شاء الله..
قام أبو علي وجلس علي لحاله..
علي:أنكم ما تدرون إن البلا مني أنا عــــــــــــــــــــــــ ــــــــــقــــــــــــــ ــــــــــــــــيــــــــ ــــــــــــــــــــــم.. مو إيمان..
فعشان كذا علي رافض الزواج مره لأنه خايف تكون البنت ما تبغاه بعدين إذا درت إنه عقيم..
طلع وراح جلس مع أهله وباله وفكره بـــــــــــــــــعــــــ ـــــــــيــــــــــد..
طلع زياد من عند أهله وهو يفكر بآمال..كان ينقهر إذا تذكر الموقف اللي صار بالسوق..ودق جواله وأنهبل يوم شاف رقم آمال..وما رد..كان قلبه يتقطع إذا رفض مكالمة منها..فركب سيارته البانوراما البيضاء..وجلس يحوط بالشوارع وما يدري وين يروح..
أما آمال..كانت شوي وتنفجر من الصياح..كل هذا يسويه زياد فيها..فتذكرت عزة وأرسلت لها رسالة..تطلبها تدق على زياد..دقت عزة على زياد بعد ما أرسلت لها آمال..وما رد عليها..أرسلت ولا فاد..فأرسلت لآمال..تقولها إن زياد مقفل جواله وما هو راضي يرد..
في بيت أبو بندر..كانت أميرة في غرفتها تبكي من القهر..حست بالإهانة من أحمد..جرحها وأهانها قدام حبيبته القديمة(آمال)..ما جاء في بالها أبد أنه راح يضربها أو يطردها من بيته..هي حبته موووووووت..وتركت زياد عشانه..وتحدت الكل لأجله..وفي الناهية ينكر الجميل..جلست تبكي إلى حد ما نامت..
أما أحمد..فكان عايش بين نارين..نار أميرة ونار آمال..يحس بالموت إذا فكر في آمال..وعمره ما توقع إن أميرة رح تتصرف كذا..كان طايح بمشاكل كثيرة..بعد زواجه منها..أولها إنه عقيم..والثاني خسارته بالأسهم..والثالثة المشكلة اللي حصلت بينه وبينها وبين آمال..
كان يفكر ويكلم نفسه:أنا ما أدري وش صايبني..من يوم ما تزوجت أميرة وأنا من مشكلة في مصيبة..وآمال اللي كل ما شفتها تذكرت الأيام اللي كانت بينا..وحبنا الأول..
قرر أنه يروح عند أنسام يعتذر منها..ويطلبه تعتذر له من آمال..طلع وأتجه لغرفة أنسام..دق الباب..
أنسام:مــــــــــــــــــ� �ــــــــــــــــــــــــ ـــن؟!
أحمد:أنا..
استغربت أنسام..وش جابه في هالوقت..فتحت أنسام الباب وراحت..وعرف أحمد إنها بعد زعلانه..
أحمد:أنسام..ممكن..
أنسام:نعم..
أحمد:أنسام..أنا أسف على اللي سويته أمس معك..اعذريني..كنت معصب مره..
أنسام:زين إنك جيت تعترف بغلطك..
أحمد:أنسام..تكلمي زين..
أنسام:طيب أنا وش دخلني عشان تجي تضربني وتصفقني كذا..ولاّ الأمرّ آمال يوم صفقتها..والحمد لله إني لحقتها..ولا كان قد علمت بوها..وأنت تعرف وش بيسوي؟!
أحمد:أنا عارف إني غلطت..وأميرة هي اللي عصبت بي..فعشان كذا عصبت عليكم..
أنسام:طيب وش فيها قاعدة تبالع وتخانق كأنك أصغر عيالها..ولا كأنها ست البيت كله..
أحمد:مشكلة صايرة بينا..
أنسام:أحمد..بقول لك شئ بس لا تزعل..
أحمد:قولي..
أنسام:أحمد..ترى أميرة ما هي مناسبة لك..وأنا ألاحظ من يوم ما تزوجتها وأنت منقلب..دايم معصب..تدخل تخانق وتطلع تخانق..وفوق كذا طايح بمشاكل ومصايب..ودايم نفسيتك زفت..وأخلاقك معنا ما هي زينة أبد..أنت ما كنت كذا قبل زواجك..قبل كنت هادي وكنت مرح وتحب السوالف والتنكيت..بس أللحين انقلبت 180 درجة عن أول..وترى أمي والله إنها متضايقة مره..بس تسكت عشان ما تزعلك..وفجر نفس الشئ صارت ما تجي إلا قليل..عشان ما تخانقها ولا شئ..وأنت تعرف فجر ما تداني أبد..وأبوي دايم مسافر ما نشوفه كثير..بعدين ترى الشرع محلل أربع..إذا ما ارتحت معها تزوج عليها..ترى راحة نفسك وبالك أهم من كل شئ..
أحمد:أنهبلتي..بعدين كل شئ مقدر ومكتوب..ولا اعتراض على حكم الله..
أنسام:أحمد..ترى والله إن تتعب..وشف أنا ما قصدي أفتن بينك وبين أميرة..لكن!!الواحد يدور راحته لو على موته..
وش له وش للشقى..
أحمد:أميرة زوجتي للنهاية..وما بأخذ غيرها..
أنسام براحتك..
أحمد:طيب اعتذري لي من آمال..
أنسام:ما أتوقع أنها رح تسامحك بهالسهولة..أنت ما سمعتها يوم قالت:والله ما أسامحك على الكف ليوم الدين..
أحمد:...................خلاص اعتذري وبس..
طلع أحمد وراح لغرفته وكلام أخته يدور في راسه..
اليوم الثاني صحت أم بند وشافت بنتها جالسة بالصالة..واستغربت من وجودها..وراحت عندها..
أم بندر:أميرة..وش اللي جابك؟!
أميرة:.....................
أم بندر وهي تدقها:أميرة وش فبك؟!
حضنت أميرة أمها وجلست تبكي..
أميرة:أحمد يمه..طردني......من بيته..
أم بندر شهقت:إهــــــــــــــــــ� �ــــــــــــــــــــــــ ـئ..من صدقك أنتي,,ولا تضحكين..
أميرة:يمه..أكذب على أيش..السوالف ذي ما فيها كذب..
أم بندر:طيب وليه؟!
علمت أميرة أمها بالسالفة كاملة..
أم بندر:يا ربي..الرجاجيل ما منهم ذولا عيونهم طويلة..ما ينفع معهم..
أميرة:يمه لا أحد يدري..خلاص..
وقامت أميرة لغرفتها وجلست أمها تفكر في حالها..