الفصل 5
الـــجـــــــــــــــــــ ـ الخامس ــــــــــــــــــــزء"
::أحبك شيٌ قديم ومعروف::
::لكن الشي الذي ليس بمعروف::
::هو أنني أحبك بهذ القدر كله::
::أحببتك::
::أجل وأقسم على ذلك::
::أحببتك::
::بكل معاني الحب والوفاء::
::بكل معاني الود والصفاء::
""حبيبي""
::أحببتك::
::و لا أستطيع العيش بدونك::
::لا أحيا إلا بوجودك::
::لا أهمس بغير أسمك::
::لا أبعث سفني في غير بحرك::
::لا تطير طيوري في غير جوك::
::لا أستطيع العيش بدونك::
::حبي لك كل ما أملك::
""حبي""
::أحببتك::
::وما زلت أبحث عنك وعن حبك::
::سأشتري قلبك وحبك ولن أبيعك مهما كان::
""حبي""
::أحببتك ولن أتنازل عن حبك لأي كائن::
::سأثبت حبي لكل الوجوووووود::
::سأثبت للجميع أني أحبك::
::فهل عرفت كم أنا أحبك::
::أحــــــــــــــــــــــ ــــــبـــــــــــــــــ ـــــــــــــــــك::
في لندن..وبالتحديد في المستشفى..كان موعد عملية زياد..
كان أبو علي وعلي وثامر على أعصابهم..وطبعاً زياد ما شاء الله كان قوي وعزيمته أقوى..دخلوه غرفة العمليات وقفلوا الباب وبدوا..وطولت مدة العملية..وأبو علي واللي معه ما قدروا يتحملون..وجوالاتهم احترقت من كثر ما يدقون هله..طلع الدكتور بعد ست ساعات من العملية..وراح أبو علي عنده بسرعه..
أبو علي:بشر وش الأخبار؟!
الدكتور:ولدكم عزيمته كانت قويه مرة..فعشان كذا نجحت عمليته ولله الحمد..
راح علي عند أبوه وضمه ونفس الشي ثامر..ودق علي على هله وبشرهم..وهو وفّوا الناقص..أنواع الصراخ والتصفيق والتصفير..وكان زياد في الغرفة صاحي..وهله عنده بس باقي تعباااااااان وما يتحرك..سلموا وتحمدوا له على السلامه وطلعوا وقبل ما يخرج ثامر نادى زياد عليه..
ثامر:هلا..
زياد:جوالي معك؟!
ثامر وهو يطلع الجوال:ترى من يوم طحت وهو معي..
زياد:مشكور الله يعطيك ألف عافية..والله بدونك كان الحين في قبري..والله يقدرني وأرد لك جميلك..
ثامر:أمنعني من ذا الكلام..حنا أخوان وما بينا رسميات..اعتبرني واحد من أخوانك..فاهم؟!
زياد:خلاص..ممكن تشرف..لأني تعبان للآخر..
ثامر:وينه اللي يقول برد لك الجميل والحين يطردني..
زياد:بس بس..أبغى أرقد..أطلع وريحني..ههههههه..
طلع ثامر وهو يضحك على زياد..ومبسوط مره أن عمليته نجحت..أول ما طلع ثامر دق زياد على آمال..وبسرعة ردت..
زياد:السلام عليكم..
آمال:وعليكم السلام..
زياد:كيف حالك يا آمال؟!
آمال:الحمد لله بخير..الحمد لله على سلامتك يا زياد..
زياد:الله يسلمك من الشر إن شاء الله..
آمال:كيفك الحين..قد سوو العملية؟!
زياد:أيوه..
آمال بلهفة:ها بشر؟!
زياد:لا الحمد لله..
آمال:خبرني صديقك عن العملية والصراحة..........خفت مره..
زياد:أبشرك نجحت..وإن شاء الله برجع بعد أسبوع..
آمال وهي تاخذ نفس:الحمد لله..أهم شي سلامتك..
زياد:آمال أبغى أقولك..........ودخلت الدكتورة..
آمال:زياد وش فيك؟!
زياد:معليش بعدين أكلمك إن شاء الله..مع السلامة..
آمال:مع السلامة..
قفلت آمال وهي بتموت من القهر..كلما كلمت زياد وقف عند ذالكلمة..تبغى تعرف بأي طريقة وش بيقول..تخاف إنه شي يحطمها بس هي تسكت..ومع كذا حب زياد في قلبها كل يوم يزيد..
في بيت عم زياد (أبو طارق)..كان طارق وخوانه جالسين يسولفون..
محمد:يا خواني أبغى منكم مساعدة..
طارق:تفضل..
محمد:طبعاً أنتوا تعرفون إني أحب مزن..والصراحة أنا أبغى أتزوجها..
طارق:وأنا اللي قبلك يا حلو ما تزوجت..
محمد:محد ضربك على إيدك..عمرك بيصك الــ27 ولا تزوجت..ولا قررت من تاخذ بعد..
طارق:إلا قررت..
هيفاء:من؟!
طارق:وجدان بنت عمي صالح..
هيفاء:أيوه والله إنكم متناسبين في كل شي..
محمد:طيب وأنا ومزن..
هيفاء:ياااااااااي تجننون تاخذون العقل مرررررررره لايقين وبقووووووووه..
عزة تكذب:محمد..ترى واحد من أخويا سعيد يبغى يخطب مزن..ومصرّ عليها بعد..
محمد وهو مصدوم بقوه:أيش..يخطبها؟!
عزة:أيوه..
محمد:أكسر رقبته إذا جاء حولها بس..
عزة:حلوه ذي..توقف نصيب البنت على كيفك..
محمد:أقول طارق خلنا نخطب في ليله وحده..أنا الصراحة ما عندي صبر..أبغى البنت بسرعة قبل ما تطير مني..
وشوي دق التلفون وكان محمد عنده..
محمد:هلا..
..........:السلام عليكم..
محمد:وعليكم السلام..
..........ممكن أكلم هيفاء..
محمد:من أقولها؟!
..........:محمد ما عرفتني؟!
محمد:لا..بعدين وش دراك إني أنا محمد؟!
..........:من اللي ما يعرفك؟!
محمد:وحده معذبتني ليل ونهار..
..........:طيب ممكن أكلم هيفاء؟!
محمد:من أنتي؟!
..........:أنا بنت عمك..
محمد:تراهم واجد ما شاء الله حددي..
..........:أنا مزن..
محمد ذاب مكانه:هلا والله ما عرفتك يا حلوه..
مزن استحت:لا عااااادي..بس عطني هيفاء..
محمد:من عيوني..هيفاء كلمي حبيبة الألب..
سمعت مزن الكلمة وأنهبلت..
هيفاء:هلوين ومرحبتين..
مزن:يااااااااااااااي..أخوك ذا بيجنني..بيعذبني..بيذبحني..
هيفاء:ليه؟!
ومحمد كان حاط أذنه عالسماعة..
مزن:ما تدرين..طيب بقولك بس أمانه ما أحد يدري..
هيفاء:أبشري..
مزن:أنا أعشق وأحب وأموت في واحد أسمه محمد..
هيفاء:من أخوي؟!
مزن:وفيه غيره..
هيفاء:هههههه يا عيني..
محمد قام ينطنط من الفرحة..مزن تحبه ما هو مصدق..
مزن:من هذا اللي مسبب إزعاج..
هيفاء:هذا فواز ينطنط..
مزن:فواز..ليه أنهبل؟!
هيفاء:مدري..
وجلسوا يسولفون..وحلفت هيفاء على مزن تجي لأنها كانت رافضه..ولأن محمد طلبها بعد..
طبعاً كعادتهم البنات يجتمعون ودقوا على آمال لكنها اعتذرت لأنها بتروح عند بنات خالتها..
هيفاء:بنات أبغى أسألكم سؤال وأبغى إجاباتكم صريحة جداّ وبالله ما يطلع ولا كلمه من ذا الجدران فاهمين..
البنات:فاهمين..
مزن:ههههههههههه تذكروني بأولى ابتدائي ههههههههااااااااااااااي..
هيفاء:ههههههه والله إنك صادقه..المهم السؤال يقول كل وحده تعلمنا من تحب من الشباب؟!
هيفاء:نبدى في عزة..يالله من؟!
عزة:الصراحة ما أحب أحد..
مزن:علينا..
عزة:والله إني صادقة..
هيفاء:طيب يالله يا وجدان..وهي فيها ضحكة..
وجدان:الصراحة ممممممممم طااااااارق..ههههههههه..
مزن:حيو وجدان حيوها يهوه يا خطيره..
هيفاء:يالله يا ندى..
ندى:أنا أعشق وأموت في.........
هيفاء:هههههه بنت تكلمي..
ندى:طيب يمه يالبنت مشفوحه تبغى تعرف..أحب راااااامي..
مزن قامت تصفق:يا عيني عالعشق والحب يا طنط..
ندى استحت:خلاص عااااد..
مزن:بناااات شوفوا القلوب تطلع من عيونها كشفنااااااك..هيه هيه..
هيفاء:مزن يالله أنتي وبلا رجه..
مزن بدت حركاتها الأستهبالية تتسدح وتتبطح عالكنب..
هيفاء:قومي جاتني دانا الثانية(تقصد اللي تغني أي خدمه يا باشا)..
مزن قامت:آآآآآآآه أنا العاشقة المغرمة وياليت ما أحد يقاطعني..
والمسكينة من حظها إن محمد كان يراقبها من زمان..وهي في خبر كان وما تدري وين الغنم سارحه(هذا مثل ترى)..
مزن وكأنها تشعر:أنا المتعذبه أنا اللي أموت في اليوم ألفين وخمسمية وسبعه وأربعين مليون بليار دولار مره..بسبب حبه..أناجي الليل والنجوم اللامعة أخبرها عن قصة حبي وعشقي لهذا الإنسان الوسيم الجميل الطويل الأبيض راعي السكسوكه راعي العيون الساحرة راعي سيارة..هيفاء وش هي السيارة؟!
هيفاء:رنج روفر..
مزن:راعي الرنج روفر..آآآآآآآآه..عذبني سهرني ليالي طويلة صارت عيوني مورمه وسوداء وصرت نحيفة مثل سلك التلفون حقكم..لأن حقنا عريض شوي.. صرت صفراء مثل طقم عزه حق العيد اللي راح..بناااااااااااات..أحبه.. أعشقه.. أمووووووووت فيه..مغرمه فيه..مجنونه به..أهوااااااااااااه..وقامت تغني..
..مشكلتي أهواه وحبه هو مجنني..
..والمشكلة عن هوايا ما هو بداري..
..أخاف أبوح بهوايا لا يخجلني..
..وأخاف يزعل عليّ ويزيد في ناري..
..محتار مدري شسوي حيل شاغلني..
..مليت أفكر ولا هي نافعة أفكاري..
..مدري أعذره عشانه ما هو فهمني..
..ولا ألومه عشانه سبت أمراري..
..ساعات أرضى أقول كافي يكلمني..
..كافي أنه يسأل عليّ وياخذ أخباري..
..وساعات أطمع أبيه كل يوم يقابلني..
..جنني حبه ولا هو بحالتي داري..
مزن:هاه..تعرفون من هو؟!
هيفاء:معروووووووف..
مزن:طول المحاضرة اللي قلتها محد أنتبه..
وجدان:كني عرفت..
مزن حطت أصبعها على فمها:أصصصصص..
طبعاً البنات ما عرفوا..
مزن:هذا سلمكم الله محمد أخو السيدتان هيفاء وعزه..
قاموا البنات يصفقون وفي نفس الوقت يضحكون على كلامها..
أما محمد دوروا له..أنهبل على حركاتها وكلامها..وراح لغرفته ودق على هيفاء..
هيفاء:أعوذ بالله..
مزن:من؟!
هيفاء:محمد..
مزن:بالله خليني أرد..أبغى أستهبل عليه..
طبعاً مزن استغلت الفرصة لأن محمد من النوع اللي يصدق بسرعة..وما ينتبه..
محمد:ألو..
مزن غيرت صوتها:هلا..
محمد:هيفاء وش ذالكلام مع مزن..الصراحة جننتني..حبيتها مررررررررررررررررره..وأنفك محمد يحكي مشاعره..ومزن مصنمه كأن أحد صب عليها مويه ثلجه..تمنت إنها ما ردت أبد..
مزن:محمد أنا ماني هيفاء..
محمد أنحرج:من؟!
مزن:وحده..وحذفت الجوال على هيفاء وقامت تبكي..
هيفاء:حرام عليك وش ذالدفاشه روعت البنت..
محمد:وش دراني إن فيه ملاقيف يردون على كيفهم..بعدين من هي اللي ردت؟!
هيفاء:وحده من البنات..
محمد:مزن..
هيفاء تكذب:لا ما هي مزن..
محمد:خلاص اعتذري لي منها..
هيفاء:أبشر..
قفلت هيفاء وراحت عند مزن تهديها ومزن باقي تبكي..
مزن:أنا الهبلا اللي رديت..
هيفاء:أحسن عشان تعرفين إنك مطفوقه وملقوفه..
مزن:مطفوقه وملقوفه في عينك..
لقطت مزن عبايتها وشنطتها..وكانت مسرعه مره وما انتبهت لأنها شااااخطه عاللأخر..وضربت في محمد ضربه ملعونة جدّان..وطاحت مكانها..محمد أول ما شافها طاحت أرتاع وأبتلش ما درى وش يسوي..قام ينادي عالبنات وما أحد رد..ومزن طايحه تبكي..بكى قطع قلب محمد..
محمد:مزن وش فيك قومي؟!
مزن وهي تحاول تقوم:آآآآآه رجلي..رجلي يا محمد توجعني..
حاول محمد يقومها لكنه يستحي..وشوي صاحت مزن فيه..
مزن:كل هذا بسببك..قم عني قم..
قام محمد يلقط وجهه بعد الطرده اللي جاته من مزن..راح على طول عند البنات وخبرهم والبنات على طول راحوا لها بسرعة..
وجدان:مزن وش فيك؟!
مزن:رجلي توجعني..
قوموا البنات مزن ودخلوها للصالة عشان ترتاح..
أما محمد طلع للحوش وهو منقهر من أسلوب مزن وفي نفس الوقت عاذرها..بس كان فكره مشوش يبغى يعرف ليش مزن كانت تبكي قبل ما تطيح..قال أكيد فيه شي بين البنات..دخل ونادى على هيفاء..وجات على طول..
محمد بعصبية:من اللي خلاها تبكي؟!
هيفاء:بنت عمك ذي عليها حركات مدري وش تبي وحسااااااسه زود عــ......
محمد يقاطعها:أنا قلت أشرحي..أنا أقول ليه هي تبكي؟!
وشوي طلعت مزن وهي تعرج ناظرت في هيفاء باستحقار وطلعت..ومحمد وده يمسك هيفاء ويصفقها..طلعت مزن برا الحوش ولحقها محمد ومسكها من يدها ولفها لين حطت عينها بعينه..
محمد:مزن وش فيك؟!
مزن:..........
محمد:أمشي قدامي..وراحوا محمد ومزن وكانت هي لابسة العباية ومتحجبة..
محمد ماسك يدها:مزن بالله أن تعلميني وش فيك؟!
وبكت مزن..
محمد بحنان:مزن تراك تقطعين قلبي إذا بكيتي..قولي وش السالفة؟!
مزن تمسح دموعها:محمد..أنت كنت تراقبني وأنا أتكلم؟!
محمد مبتسم:Yes..
مزن وجها راح صلصه(ههههههه):ترى أنا اللي رديت عليك يوم دقيت على هيفاء..
محمد:كنت حااااس..قلبي قال لي أنه أنتي راعية الصوت الحلو..
مزن راحت فيها..
محمد:وهذا اللي ضايقك؟!
مزن:لا عادي..
وشوي دق جوالها..
مزن:هلا....الحمد لله....طيب....مع السلامة..
وقفت مزن ووقف معها محمد..
محمد:مزن..طلبتك لا ترديني..
مزن:آمر..
محمد:لا تزعلين مني ومن هيفاء خلاص؟!
مزن:عشانك وعشان الحب خلاص ما بزعل..
محمد وهو يبتسم:يلوموني فيك يا ناس..
وغنى أغنية (عشان الحب) حقت راشد الماجد..
.,,.عشــان الحب واللي بينـي وبينـك.,,.
.,,.عشـان الحب عشـان أيامي وسنيـنك.,,.
.,,.أبيك تراجع إحساسك .,,.
.,,.وتنسى جروحي وآلامك.,,.
.,,.حرام إن في هذا البعد تضيع أيامي وأيامك.,,.
.,,.ادري البعد اثر فيك .. وتدري البعد ذابحني.,,.
.,,.حبيبي الله يخليك أبي ترجع تريحني .,,.
.,,.عشان الحـب واللي بينـي وبينـك.,,.
.,,.أنا أترجاك لا تنسـى ليالي الحـب وسنيني.,,.
.,,.وحـاول لجل حبي لك انـك ما تخلينـي.,,.
.,,.عشان الحب .. واللي بيني وبينك.,,.
استحت مزن وذابت من صوت محمد اللي يسحر وطلعت..وركبت سيارة سعيد اللي نزل يسلم على محمد..
ركبت مزن وجلست تطالع في محمد..
مزن في نفسها:الله يا حلاته..يجنن..عيني عليه بااااارده..يا ناس أموت فيه وأعشقه..يا....قطع عليها تفكيرها خوها سعيد..
سعيد:بنت وش فيك فغرتي؟!
مزن:هاه..ولا شي سلامتك..
سعيد:أجل عاجبك محمد؟!
مزن:لا مو محمد..أنا كنت أفكر في عملية زياد..
سعيد:كح كح كح..يالغبار..
مزن:خير وش فيك؟!
سعيد:أنتي..زياد قد سوى العملية ونجحت..
مزن كأنها استوعبت..هي تدري بالخبر لكن مالقت إلا هالعذر:بالله..يارب تحفظه وترجعه وتقومه بالسلامة..
سعيد:والله إن كنك عجوز..
مزن:يا زينك لا سكت..
سعيد:أنا أسكت..أوريك يا برتني..
مزن:رجاءً لا تشبهني بهالمخلوقة المجنونة..أكرهها..
سكتوا كلهم لأنهم وصلوا البيت..
:÷:÷:÷:÷:÷:÷:÷:÷:÷:÷:÷:÷:÷:÷:÷:÷:� �:÷:
في بيت خالة آمال..كانوا فجر وأنسام وآمال جالسين في غرفة فجر..شوي دق جوال آمال وكان الرقم غريب وردت..
آمال:نعم..
........:آلو..(وكان صوت شاب)..
آمال:هلا..
........:السلام عليكم..
آمال:وعليكم السلام..
........:وصلتك الرسالة يا حلوه..
آمال:من معاي؟!
........:مو لازم مع الأيام رح تعرفين..
قفلت آمال في وجهه وعلى طول جاها مسج من نفس الرقم:
"أنا لعيونك الحلوة أحبك وأعشقك وأهواك..و لا تسأل عن أحوال أنا بسألك وشلونك؟! ترى كل البشر تفداك ترى موتي وميلادي حبيبي داخل عيونك"..
رمت جوالها في الشنطه وجات رسالة ثانيه وأخذته وكان المسج من عند زياد:
"أنا الذي خاويت كثير من الناس..وأعرف مزايا الناس بأبسط طريقه..لكن مثيلك ما لقيته بها الناس..ما هو عشان أمدحك هذي حقيقة..حقيقة تنقال يا طيب الساس..وتنحسب من شهادة رفيق لرفيقه..!! "..
وردت له بمسج من عندها:
"انتظرتك ليه طولت الغياب..وأنت لا من غبت لحظات أفقدك..جمرة أشواقي تناديك بعتاب..كيف جالك قلب تنسى موعدك..سيد الإحساس حسك كيف غاب..وعن دافئ شعوري يبعدك..تدري إن الصبر في بعدك عذاب..وتدري أنك في عيوني وأفقدك "..
ونزلت آمال مع بنات خالتها لأن أمهاتهم يبغونهم..
أم آمال:أموله..أقعدي بنقول لك شي..
آمال:طيب..وجلست جنب أمها..
أم آمال:بنتي أتمنى أنك ما ترديني..
آما:أبشري..وما عاش من يردك..
أم أحمد:طبعاً يا بنتي فيه وحده في زواج أحمد كلمتني سألتني عنك..وتبغاك لولدها..وهم ناس معروفين ما شاء الله..ما يحتاج نمدحهم..هاه وش قلتي؟!
آمال كأن أحد صفعها على وجها:لا ما أبغى..أنا ما أفكر بالزواج ألحين..
أم آمال:يا بنتي..أنتي الحين بتدخلين 24سنة ولا تزوجتي..وسنــــ.......
آمال تقاطع أمها:أنا بعدني صغيرة..ولاحقه على الهم وعوار الرأس..خلاص..
وقامت آمال على طول وراحت فوق ولحقتها أنسام..دخلت الغرفة حقت أنسام وجلست تبكي..
آمال:أعوذ بالله ما أبغى أتزوج..أفففففف..
أنسام:طيب خلاص لا تبكين..
آمال:باين أنهم يبغوني أخذه..
أنسام:لو أمك غصبتك..أبوك رح يرفض وأنتي تعرفين..
آمال:أمي ما بتغصبني أصلاً لكن أنا ما أبغى..
أنسام:لا يكون موقفه الطريق عشان زيــــــــــاد..؟!
آمال:سؤال غبي الصراحة..
أنسام:تراكم تجيبون المرض..ما أحد راضي فيكم يتكلم..قولي له أنك تحبينه وبس..
آمال:لا مو حلوه في حقي..هو اللي لازم يقول..البنت شكلها بايـــــــــخ إذا قالته..
أنسام:بكيفكم..
راحت آمال بعد كذا لغرفة فجر عشان تاخذ جوالها..وشافت عندها اتصالين..فتحته لقته من عند زياد..وشوي دق جوالها وكان زياد..وردت..
آمال:.......
زياد:آلو..
آمال:أهلين..
زياد:السلام عليكم..
آمال:وعليكم السلام..
زياد:كيف حالك؟!
آمال:الحمد لله بخير..أخبارك أنت؟!
زياد:زينة ولله الحمد..
آمال:........
زياد:وش قاعدة تسوين؟!
آمال:ولا شي..أنا توني طالعه من عند أمي وخالتي و......
زياد:و أيش؟!
آمال:ولا ولا شي..سلامتك..
زياد:آمال..أنا أبغى أقول لك شي بس ما أدري كيف أوصله لك..
آمال:عادي قل أنا أحب الصراحة وما أحب المقدمات..
زياد:بس ما أدري أخاف تتضايقين..
آمال:لا عادي..
زياد:أنا أمممممم..آمال أنا أحــــــــــبــــــــــــ ـــك..
آمال جمدت مكانها.."يالله هو يحبني مثل ما أنا أحبه"
زياد:حبيت أعلمك..لأني ما عدت أقدر أتحمل..كل يوم أقول لازم أخبرها..و لا يجي لي فرصه أبد..آمال..أنا حبيتك من أول يوم قابلتك في الحديقة..حسيت بشعور غريب تجاهك..فعشان كذا طلبتك الرقم حقك عشان أتواصل معك..ويوم رجعتي للسعودية جاني هم وحزن ما يعلم في إلا ربي ربك..وأتضح لي أن الشعور هو الحب تجاهك..وصار لي الحادث يوم كنت برسل لك رسالة..ودخلت المستشفى..وقبل ما أدخل الغيبوبة طلبت من ثامر يعطيك خبر..وكل ما دقيت أبغى أعلمك يدخل علي دكتور أو دكتورة أو أهلي..فأسكت..وجاتني الفرصة ألحين..فياليت ما يكون هذا الشي يضايقك..
آمال:لا لا عادي..زياد لحظة..
آمال:أنسام..تعالي..
دخلت أنسام عليها وبأعلى صوتها..
أنسام.نعم يا عاشقة زيـــــــــــــاد..
آمال حطت يدها على فم أنسام..وضربتها على ظهرها..
أما زياد فقال:ما يحتاج تعبر..كلمة عاشقة تكفي..
ودخلت عليه النيرس وأضطر أنه يقفل لأنهم منعوه يكلم كثير..
أما آمال شافت جوالها ولقت زياد قفل..وجاتها رسالة من عنده.."معليش يا قلبي أضطريت أقفل لأن النيرس دخلت عليّ..آســـــــــــف"
آمال:وجع يا مفضوحة..
أنسام:وش دراني أنه عالسماعة..وبعدين ما كنت أدري إن بينكم مكالمات يا حلوة..
آمال:آآآآه يا أنسام بموت..(وتمثل أنه أغمى عليها)..زياد قالي أنه يحبني بصريح العبارة..
أنسام:بالله..وأنتي ألحين ما أحد قدك..
آمال:أكيييييييييد..
أنسام:طيب قلتي له؟!
آمال:لا..
أنسام:أيوه علميه بعدين..عشان ما يقول ذي مشفوحة عالحب ما صدقت أتكلم عشان هي تنطلق..
آمال:يا ربي تراك تجيبين لي المرض إذا قلتي ذالكلام..هو ما رح يقوله فااااهمة..بعدين بالعكس ترى إذا علمتيه بيرتاح..وإذا ما علمتيه بيقول شكلي نطيت في رقبة البنت وهي ما تعبرني..
أنسام..يقولون الثقل صنعه..بعدين ترى الكلمة اللي قلتها تكفي..عاشقة تكفي عن مُحبه..فاهمة يا جونة..
آمال:فااااهمة يا الزطيّة..
ونزلوا تحت عشان يكملون سهرتهم..
مر أسبوع وكانت فيه أحداث رهيبة:
زياد وآمال..ومزن ومحمد..علاقتهم صارت قوية شوي..طارق قرر يخطب وجدااااان..سعيد سافر للندن عند زياد عشان يجون مع بعض..أحمد وأميره رجعوا من بلجيكا..
#8