الفصل 3
الـــجـــــــــــــــــــ ـ الثالث ــــــــــــــــــــزء"
"بكرة يمكن أموت ومابي أشوف في عيونك دموع"
"أبي أسمع ضحكتك تضوي الوجود وأنا بالكفن ملفوف وتحت الأرض مدفون"
"هاذي وصاتي والقدر علي مكتوب تكفى تذكرني ولو بنثر الورود"
"وإني بيوم كنت موجود وفي بالك محفوظ"
في السعودية وصلت طيارة أبو آمال وعياله..نزلوا وخلصوا إجراءات العودة وراحوا مع السواق حقهم للبيت..في البيت كانت آمال مترددة تدق على زياد..عشان تخبره بالوصول وماحست إلا وهي داقه عليه..تفاجأت آمال..الجوال مقفل شافت الساعة عرفت إن الوقت متأخر0قفلت جوالها وحطت رأسها ونامت..
في بيت أبو علي..كانت أم علي صاحية وكانت الساعة 3فجر..كانت تحس بخوف من شيء ماتعرفه..دقت على عفاف وما كانت ترد..وشوي دخل عليها سعيد وتفاجأ بوجود أمه صاحيه في هذا الوقت..
سعيد:السلام عليكم..
أم علي:وعليكم السلام..وينك يا ولدي؟!
سعيد:كنت مع أخوياي..يمه وش مصحيك ألحين..من عادتك تكونين نايمة..
أم علي ما كانت تبغى تخوف ولدها:لا مافيه شيء بس كنت أتسنن وقلت أقعد شوي أحسن..
سعيد:يمه تخبين عليّ..أنا عارف من يوم دخلت والخوف باين في وجهك..قولي وش فيك؟!
أم علي:ياولدي حسيت أن قلبي أنقبض فجأة..مدري ليش..دقيت على عفاف وما ترد..وأكيد أنها نايمة..بس طلبتك..
سعيد:أنتي ما تطلبين..أنت تامرين آمر..
أم علي:دق لي على زياد..خلني أتطمن عليه..
سعيد:يا يمه الله يهديك الوقت متأخر..وتلقينه نايم ألحين..ليه تدقين وتخسرين على نفسك..
أم علي والعبرة تخنقها:يا ولدي..خلني أتطمن على أخوك..والله ياقلبي أنه يوجعني..دق لي..وبكت على طول..
سعيد:يا يمه خلاص لاتبكين..رح أدق غير إني واثق أن ما فيه شيء..
وهو يدق..دق تلفون البيت وكان من جنب سعيد..
سعيد:نعم..
............:السلام عليكم..
سعيد:وعليكم السلام..
..............:هذا بيت أبو علي؟!
سعيد:أيوه..خير يا خوي؟!
.............:لا بس أنا ثامر خوي زياد..من لندن..
سعيد:هلا والله..
ثامر:بغيت أقولك خبر أن زياد........صار عليه حادث..ويبغاكم تجونه..لأن حالته خطيرة..وهو بين الحيا والموت..
أخذت أم علي السماعة يوم شافت سعيد يبكي..
أم علي:آلو..ولدي وش في؟!
ثامر:خالتي..زياد يبغاكم تجون..لأنه بين الحيا والموت..
صرخت أم علي صرخة قومت أهل البيت كلهم وأغمى عليها..
نزل أبو علي يهديهم وهو ما يدري وش السالفة..راح رامي عند بيت أخوه علي لأنه جنبهم..دق الباب بقوة وحد رد عليه..ودق الجرس وشوي سمع صوت علي..فتح علي الباب وشاف رامي شوي ويبكي..
علي:رامي خير وش فيه؟!
رامي:ألحق على أمي..لقيناها طايحه..وسعيد منهار قاعد يصيح ويبكي..
علي:خلاص رح كلمهم..أنا بجهز السيارة وأنتوا جهزوا أمي..
طلعت زوجة علي تراكض..
إيمان:حبيبي وش فيه؟!
علي:حياتي روحي ألبسي عبايتك وأركبي معي..
إيمان:علي وش صاير؟!
علي:بعلمك بعدين..أنتي ألبسي العباية وألحقيني..
إيمان:خلاص طيب..
راحت إيمان تلبس عبايتها ولحقت علي وركبت معه السيارة وراحوا بيت أبو علي..دخلوا وشافوا أم علي طايحه وعيالها يلبسونها العباية..شالها أبو علي وعياله وركبوها السيارة ورجعوا أبو علي ومزن يهدون سعيد إلى أن هدى..
أبو علي:خير يا ولدي علامكم؟!
سعيد:يا بوي ألحق على زياد بيموت..
مزن صاحت وجلست تبكي..
أبو علي:تكلم..
سعيد:دق علينا خويه ثامر وقال لنا أن زياد صار له حادث وهو يبغانا نجي لأنه بين الحيا والموت..
أبو علي:يالله أنا بروح المطار وأشوف فيه رحلة ولا لا وأجلس مع أختك..
سعيد:طيب..بس طمنا..
طلع أبو علي وراح للمطار..ومن حظه لقى مقعدين والرحلة بعد الفجر ..بعد ما طلع من المطار راح للمستشفى وكان رامي جالس مع علي..وإيمان جالسة على جنب..قاموا أول ما شافوا أبو علي جاي..
أبو علي:السلام عليكم..
الكل:وعليكم السلام..
أبو علي:ها يا علي بشّر؟
علي:الدكتور باقي ما طلع..
وشوي طلع الدكتور وراحوا عنده..
أبو علي:ها يا دكتور بشر؟!
الدكتور:من حضرتك؟!
أبوعلي:زوجها..
الدكتور:والله المدام عندها انهيار عصبي..
أبو علي:لا حول ولا قوة إلا بالله..وش السواة أللحين؟!
الدكتور:حاولوا بأه تبعدوها عن جو التوتر والأخبار اللي تعرفوا إنه مش كويسة لها..
علي:إن شاء الله..بس متى تطلع؟!
الدكتور:حنخليها يومين عندنا..و إن شاء الله لمّا تهدى حالتها حنطلعها..
علي:خلاص مشكور..
الدكتور:دا واقبنا يا خويه..
جلسوا على كراسي الانتظار..
أبو علي:علي..
علي:سم يبه..
أبو علي:ترى حجزت ولقيت مقعدين وأبغاك تروح معي عند خوك..
علي:أبشر..بس متى الرحلة؟!
أبو علي:بعد الفجر..
علي:خلاص أبشر..
علي:يالله خلونا نرجع البيت..
راح علي عند إيمان..
علي:حبيبتي..ترى بوديك البيت عند مزن عشان تقعدين معها..خلاص..
إيمان:من عيوني يا عيوني..
علي:فديت هالعيون..
""إيمان بنت خال علي..تزوجوا عن حب..كانوا يحبون بعض من يوم هم صغار.. إيمان بنت حبوووووبه وطيييييييبه..تموت في خالتها(أم علي)لأنها هي اللي ربتها بعد وفاة أمها..جميلة وهااادية..تعشق علي..تزوجوا من خمس سنين والله ما رزقهم بالعيال..لكنهم راضين بهالشي"
علي أخذ زوجته ورامي وجلس أبو علي في المستشفى عند زوجته..دخل عليها شافها نايمة وباين الحزن والتعب فيها..قعد عنده وجلس ساكت..
وصل علي بيت هله ونزلوا عشان يشوفون مزن وسعيد لقوهم نايمين ودموعهم بعيونهم..راحت إيمان عند مزن تصحيها..
إيمان:مزن..مزن..مزن..
مزن:هممممم..
إيمان:يالله حبيبتي قومي..
مزن:وين؟!
إيمان:أوديك فوق عشان تنامين..
مزن:طيب..
قامت مزن وهي ما تشوف شي..مسكتها إيمان يوم شافتها تمشي بدون توازن..طلعتها الغرفة..ودق جوال مزن..شافت إيمان الرقم..وكانت عفاف المتصلة..ردت إيمان..
إيمان:نعم..هلا..وعليكم السلام..لا في البيت..لا ما فيه شي..عفاف قلتا ما فيه شي..خلاص تعالي البيت بعد الفجر..إن شاء الله..مع السلامة..
نزلت إيمان تحت بعدم تأكدت إن مزن نامت وهي بخير..لقت تحت علي ورامي وسعيد مو موجود وهي عادي تكشف على رامي..
إيمان:سعيد نايم؟!
علي:إيه..المسكين باين إنه منهار..
إيمان:أيوه..وش السالفة؟!
علي:زياد صار له حادث ودق علينا خويه وقال إنه يبيكم تجون لأنه بين الحيا والموت..
حطت إيمان يدها على فمها من الصدمة..
إيمان:لا يارب رحمتك..طيب وش بتسوون؟!
علي:الوالد حجز والرحلة بعد الفجر..
رامي:بعد الفجر..
علي:أيه..لقى مقعدين وقال لي روح معي..
إيمان:الله ييسر لكم إن شاء الله..بس ما أخذتوا المعلومات من صديقه أكثر..
علي:لا..ولا تدري من وين أتصل؟!
إيمان:طيب خذوا الرقم من الكاشف..
علي:طيب وينه..رامي شف وين التلفون..
رامي:أنكسر وسعيد من القهر رماه في القمامة..
علي:مره وحده في القمامة..
رامي:وش تبغى به مكسر وظهرت الأرقام كلها..
إيمان:يا ربي ألطف بزياد..
"طبعاً إيمان كانت تعز زياد لأنه هو كان الواسطة بينها وبين علي قبل الزواج"
بعد الفجر عفاف راحت عند هلها وهي خايفه مره..علموها بالخبر وجلست تبكي..وإيمان تهدي فيها وطلبتها تكون قوية قدام خوانها عشان ما يضعفون ويقلبون البيت مناحة..راحوا عفاف وإيمان عند أم علي..وأبو علي وعلي راحوا للندن..
",",",",",",",",",",",",",",",",",",",",",",", ",", ","
في لندن كان ثامر برا الغرفة يشوف زياد اللي منسدح وما بقى ولا سلك إلا وحطوها فيه..كان شكله يحزن ويقطع القلب وباين إنه تعباااااان..
ثامر:الله يقومك بالسلامة يا زياد ويشفيك إن شاء الله..
رفع يديه وجلس يدعي..وراح للفندق عشان يرتاح..
في هذي اللحظة بدى زياد يحرك نفسه شوي شوي..وكان في باله أسم يحبه يعشقه يتمنى إن صاحبه يكون معه..كان في الغرفة لوحده..ما فيه إلا صوت الأجهزة اللي محوطته..بدى يرتفع الصوت إلى إن نطق بكلمة وحده"آمــــــــــــــــــ� �ــــــال"
وشوي دخل الدكتور عليه..وأنبسط يوم شافه صاحي..
الدكتور"بعد الترجمة":كيف حالك ألحين؟!
زياد:الحمد لله بخير..
الدكتور:فيه أحد من أهلك هنا؟!
زياد:لا بس صديقي..
الدكتور:خلاص ارتاح ألحين..مع السلامة..
بعد ساعات وصل أبو علي وولده..وحجزوا في فندق..وكانوا يبغون يستريحون ساعتين بعدين يروحون..أما في المستشفى..بدت الصفارات تخرج من غرفة زياد وكان ثامر جالس في الانتظار وشاف الدكاترة والنيرسات رايحين لغرفة زياد..بعد ساعتين وصلوا أبو علي وعلي للمستشفى وسألوا إلى أن لقوا غرفة زياد..لقوا صديقه ثامر جالس وراحوا عنده..
أبو علي:السلام عليكم..
ثامر وكأنه درى إنهم أهل زياد:هلا عمي وعليكم السلام..
أبو علي:يا بوي حنا أهل زياد..كيفه ألحين؟!
ثامر:هلا والله الله يحييكم..زياد يا عمي........تو الدكاترة والنيرسات داخلين عليه..بس إلى الحين ما عطونا خبر..
شوي شافوا الدكتور طالع..
أبو علي:السلام عليكم..
الدكتور:وعليكم السلام..أهل زياد أنتوا؟!
أبو علي:أيه..كيفه ألحين؟!
الدكتور: هو الحين في غيبوبة..
أبو علي مصدوم:غيبوبة..من أيش؟!
الدكتور:ولدكم صار له حادث خطير مره والضربة جات في ظهره وعلى العمود الفقري..راح نسوي له عملية..ونسبة نجاحها 10%..إن نجحت بيمشي.. وإن ما نجحت راح ينشل وما بيمشي أبد..
علي:طيب متى رح تسوون العملية؟!
الدكتور:إذا صحى من الغيبوبة..
أبو علي:طيب كم مدة الغيبوبة؟!
الدكتور:الله وأعلم..
جلس أبو علي على أقرب كرسي وهو حاط إيديه على راسه..ويبكي..
علي:يا بوي خلاص إن شاء الله تنجح..ويرجع لنا..
أبو علي:الله يعين..كلام الدكتور خوفني..نسبة النجاح 10%..يارب رحمتك..
طلعت وحده من النيرسات من غرفة زياد ونادت ثامر..
ثامر:نعم..
النيرس:الأخ زياد قبل ما يدخل الغيبوبة وصاني على شي..
ثامر:وش هو؟!
طلعت النيرس الجوال من جيبها:يقول أرسل رسالة لآمال ووصل سلامه عليها..
ثامر:خلاص..
أخذ ثامر الجوال..وأرسل رسالة لآمال..ورجع الجوال في جيبه..وراح للفندق عشان يستريح لأنه من اليوم اللي قبله في المستشفى..