حب وانكسار - الفصل 19 والاخير - بقلم بقيت محمد - مكتملة | روايتك

By: Yaqin Mohammed قلت ليهو انت جادي غيران من مؤيد قال لي بغضب وغيز كدا اي ما شفتي نفسك وانتي حاضناهو قلت ليهو بس دا أقرب اخ لي قال لي وانا قلت ليهو انت أقرب زول لي قال حتى أقرب من مؤيد قلت ليهو اي انت ما شايف بس بجد اشتقت ليهم قال لي عارف بس ما بقدر تمنع غيرتي عليك حتى من أخوانك قلت ليهو بس إنت حياتي كلها وهو اخوي وقطعة من قلبي  قال وانتي بس برضو ما حضنتني زيو قلت ليهو لاني خايفة عليك ما شايف انك مجروح قلت ليهو خلي يدك تبقى كويس بس قال لي لا اسي قلت ليهو أسي انا بعمل في شنو قال لي بس مازي زمان قلت ليهو حاضر لفيت يدي حولينو من دون ما المس يدو وحضنتو شديد قال لي أي كدا يلا نومي قمدت عيوني بس ما قدرت انوم وحازم يلعب بشعري وانا بفكر الحمدلله لا انا ولا حازم ولا البيبي جانا شئ وقلت اليوم لازم حازم يعرف بوجودو وبفكر كدا الباب دق وسمعت حنان قالت لينا بنادوكم علشان الأكل حازم قال ليها جاين ونحن على وضعنا قلت ليهو اخر صلاة صليتها امس اليوم كلو ما صليت قال لي طيب صلي وتعالي والعشاء لسا ما اذن اتوضيت ولما طلعت من الحمام كان حازم مافي قمت صليت كل اليوم من الصبح للمغرب وصليت مغرب امس كمان ولبست عباية وطرحة وطلعت لقيت ماما أحلام وحنان و بنات واخواتها وبناتهم سلمت عليهم وقعت ماما أحلام قالت لي إن شاءالله ارتحتي قلت ليها الحمدلله قعدنا نتونس وجزو قام يختو الأكل في واحدة كدا تعاين لي وتلولو في خشمها علي ما اعتقد اسمها مزن بنت خالة حازم ومن حركاتها عرفت عينيها على حازم بس ما عبرتها الباقين ظريفين ونحنا بناكل قالت لي عايذة اسئلك مالك لاسي ما ولدتي ما تكوني عقيمة ببسمة كدا قلت ليها لا والله بس لما ربنا يريد طبعا الباقين متابعننا ومتغايزين منها حتى في واحدة من اخواتها قرصتها علشان تسكت ثاني قالت لي انجزي ما يقوم حازم يعرس فيك قلت ليها انجز؟؟؟كيف يعني أعمل شنو مثلاً قالت لي اتصرفي دا منو القعد ليهو مع مرة بلا جنى قلت ليها إنتي اطمني وما تشغلي بالك بي وانا وحازم رضينين بقسمت ربنا واذا على عرس حازم واثقة ما بشوف غيري ولو اتفرشو قدامو فرش وابتسمت لوت خشمها الصراحة كان ممكن اقولها اني حامل واسكتها بس هي منو علشان تعرف بحملي وانا شايفة انو حازم لازم يعرف أول زول المهم خلصنا ورتبو البيت و ماما أحلام منعتني اقوم من مكاني لحدي ما اخواتها وبناتهم طلعو وحازم جاء قال لي ناس ابوك طالعين مشيت ومعاي ماما أحلام ودعناهم  وقعدنا في الهول ومعانا اهل حازم حتى حاتم وبسئلو فيني اذا اتأذيت أو خفت وكدا اتونسنا كدا لحدي ما ابوه استئذن علشان ينوم وماما أحلام مشت معاهو ونحن قعدنا مسافة مع حاتم و حنان وبعدها حازم قال انا حانوم واقف يلا تصبحو على خير وقال لي يلا إنتي زاتك ومدا لي يدو مسكتها وحنان غمزت لي وحاتم ضحك حازم قال ليهم اتلموا لأننا جد تعبانين بعد الاكشن العشناهو دا وساقني ومشينا قلت ليهو ما صليت قال لي طيب صلي مشيت ولما خلصت لقيت حازم نائم غتيتو ونمت صحيت الصباح لقيتو مافي اتحممت وصليت وقعدت أعمل مكياج خفيف حازم جاء داخل قال لي انا قلت اجي اصحيك وانتي خلصتي قلت ليهو اي كانت الساعة 8ص عاينت ليهو مسافة كدا وحسيت بنقزات في جسمي كان لبس بجامة بيت جاي عليهو حلوة قمت حضنتو وبقيت اشم في ريحتو (هرمونات حمل) وهو يضحك دخلت يديني تحت التشيت قال لي هي قاعدة تعملي في شنو دا وقتك قلت ليهو ما انا ابعمل وبستو في مكان قلبو وبعدت شوية قال لي طيب منو شلت يدو السليمة وختيتها على بطني وقلت ليهو دا البعمل ولازم انفذ العايذو وقف مسافة وقال لي ما فهمت قلت ليهو شنو المافهمتو انك ح تبقى بابا قريب شنو الما فهمتو قال لي احلفي حبيبي الحاجات دي ما فيها هظار قلت ليهو هظار انك تبقى اب دا هظار دي فرحتك بالبيبي وعملت زعلانة قال لي ثواني قعد في السرير مسافة وقام بقى ينطط ويضحك قلت ليهو بس يا مجنون جاء حضني وقال لي مجنون مجنون المهم اسي اقعدي ولازم ما تتحركي كثير وتتعبي نفسك ولازم تتغذي كويس ولازم نشوف دكتوره نتابع معاها قلت ليهو ثواني بس قال لي حاسة بوجع أو شئ قلت ليهو شيل نفسك شايفني زي الفل قدامك تمام التمام قال لي بجد ح يجينا بيبي قلت ليهو اي بجد ويلا نمشي ناس امك بكونو منتظرننا قال لي أمشي براحة قلت ليهو الله يصبرني فصلتني ياخ قبل شوية كنت شايفاك أجمل شئ بالكون مشينا قعدنا ماما أحلام قالت لينا نحن سبقناكم أشربو الشاي حازم قال لي الشغالة جيبي ليها لبن وعصير شلت نفسي قال لي ولا تحاولي ح تشربيهم ح تشربيهم هزيت راسي وامو تضحك علينا شربت العصير واللبن وقلت ليهو كدا تمام قال لي ما اكلتي بسكويت قلت ليهو ما عندي ليهو نفس رجالة امو قالت ليهو خليها على كيفها مشيت قعدت جنبها وهو لسا بشرب في الشاي ومراغبني وانا بتونس مع امو خالص وجاء قعد معانا وقال لي تعالي ارقدي وفكي التوب دا حاتم مافي قلت ليهو تمام ولسا بتكلم مع ماما أحلام وجات حنان قعدت معانا قالت كان عندها محتضرة اولان بعد مسافة حازم ثاني قال لي قلت ليك تعالي أرقدي هنا وفكي التوب امو قالت لي أي والله اخدي راحتك متكربة بالتوب كدا مشيت الغرفة طلعت التوب وجبت طرحة كبيرة لبستها اساساً كنت لابسة جلابية طويلة وجيت قعدت جنب حازم وقلت ليهو كدا ارتحت قال لي أي وامو وحنان يضحكو قلت ليهو في اضانو بالله جيب مكرفون وقول عن حملى قالي والله فكرة براحة كدا ويلا ارقدي قلت ماما أحلام قول لى لولدك دا يشوف ليهو شغلة لانو بطريقة دي بجلطني امو قالت ليهو خليها على راحتها قال لي ارقدي وبخليك رقدت وفي الفطور كنا قاعدين نفطر طبعا ابوهو ما في معنا بس امو وحنان منعني اكل لحمت الابل وشغال يأكل فيني قدام امو لما دخلت في ظفوري قلت ليهو بعرف بأكل على فكرة قام قال لي بكل جرائة انا ما بوكل فيك بوكل في ولدي امو قالت لينا بخلعة كدا إنتي حامل قال ليها اي بركت لينا هي وحنان وزقرتت قالت لي يخس عليك ما لك ما قلت لي حازم قال ليها انا زاتي عرفت الليلة الصباح ياخ فرحت فرح وتضحك على حازم وحركاتو البتشل قالت لي وانا اقول الحنية الفجئة دي شنو قلت ليها والله بالطريقة دي ح يقتلني انا وولدو قالت لي تبرو الله تشيلوه وتفرحوبو قلت ليها امين قلت لي حازم والله ثاني يدك دي تمدها لي اليوم كلو ما اكل لاني شوية وبطني ح تنفجر ما قالو كدا قال لي خلاص فهمت جابت ليها حليفة وعدم اكل وقفت وامو وحنان خلو اكلهم وبقو يضحكو وقمت وقلت ليهو أوعى تتكلم معاي لاني ما طايقاك قال لي حرام عليك دا انا حتي امور وضحك  بعد الفطور عايذة أشرب الشاي قال لي ثواني يضرك شلت نفسي بنفعال كدا قال لي والله بهظر اشربي براحتك بليل ونحن راقدين قال لي عرفتي امتا انك حامل قلت ليهو قبل نجي ب 3 أيام قام سرعة قال لي ليه ما كلمتني قلت ليهو خفت تأجل السفر وكدا قال لي افرضي جاتك حاجة بغضب كدا قلت ليهو وانا كمان كنت خايفة بس الدكتورة طمنتني قال لي أي دكتوره قلت ليهو انت ناسي العمارة حقتنا فيها عيادة نسائية قال لي اها قلت ليهو يلا كتبت لي فيتامينات وادتني حقنة مثبتة للجنين وكدا انت ما شايف الفيتامينات البخدها دي قال لي كمان كان تكلمني قلت ليهو عندك حق بس انا حبيت اكلمك هنا في السودان وبعدين لو ح تحصل ليهو حاجة بعيد الشر حتى ولو لزمت سريري حتحصل صح قال لي صاح  بتكلم كدا وحازم لبس فنيلة حمالات بالاول بستو في كتفو وبعدها عضيتو وثاني عضيتو قال لي بسم الله مالك قلت ليهو ما عندي ميل بس كدا قال لي كدا شنو  ثاني عضيتو قلت ليهو ما بتعرف يعني شنو هرمونات حمل قال لي اهههه كدا قلت ليهو ادعي وحمي ما يكون كعب وإلا ح شيب راسك قال لي فداء خليهو يشب بس كونو إنتي والبيبي بخير والباقي محلول حضنتو وقلت ليهو ربنا يخليك لينا يارب قال لي ثاني في شنو رفعت حاجبي ضحك قال من الأول ما تطلبي ضحكت اليوم الثاني حازم اصر نمشي للدكتور ومشينا عملنا موجات وقالت انو انا حامل بتؤام حازم دا ما فاضل الا يطير من الفرح وطلبت منو ما يكلم زول بأنو انا حامل بتؤام لحدي ما اولد وهو وافقني قعدنا  ثلاثة شهور في السودان مع اهل حازم وثاني رجعنا الكويت كنت في الشهر الخامس بعد ما اتأكدنا ما في ضرر على الجنين من السفر مع إنو ماما أحلام رفضت سفري لانو ما في زول يهتم بي هناك وكدا بس حازم اقنعها وقال هو حيهتم تبعت عند الدكتورة الفي العمارة لحدي زمن الولادة حازم حجز في مستشفى متخصص وفعلاً كان مهتم بي لدرجة احياناً بزهج وكرهتو بالوحم وطلبات ما طبيعية ومرة عايذهو ومرة رحتو بتغرفني وهو كل دا مستحملني ولما اكون قائمه عليهو احياناً بنوم في الغرفة الثانية والغرفة الجنب غرفتنا جهزنها للبيبهات عرفنا انهم ولد وبنت جهزنها على الاساس دا وبعد الولادة برضو حازم كان معاني الشهر الأول أجر لي ممرضة علشان تتهتم بينا لانو مشغول وانا ما بعرف اتصرف معاهم براي المهم قعدت لحدي ما أتعودت علي مسؤليتهم وانا كمان اتعافيت من العملية لاني ولدت بعملية قصرية وثاني اهتميت بهم براي طبعاً حازم بداوم الساعة 8ص وبرجع 5م واتكفل بالغدا مرات بجيبو جاهز واحياناً بعملو في البيت علشان ما اتعب لانو الاهتمام بتؤم متعب وخاصة بتكوني خايفة تظلمي واحد على حساب الثاني وهم عايذين غسيل مكوة والبيت وابوهم ورضاعتهم ولبن خارجي وغيرو بس لما حازم  يكون في البيت بكون ماسك مني رولين وانا بمسك رأفت لانو من ابوه يشيلو ببكي ورولين عكسو لو بتبكي أول ما حازم يشيلها بتسكت حازم قال لي عرفت لما كنت حامل ليه مرة تحبني ومرة تكرهني قلت ليهو كيف قال لي لما تحبني بتكون دي بنتي عايذني جنبها ولما تكرهني دا ولدك المعولق دا ضحكت لانو فعلاً من يشيلو ببكي (اي سمتهم رولين ورأفت ) طبعاً كل الناس اتفاجتو وفرحو لينا عدينا بالنظام دا لحدي ما بقو يمشو وقررنا نستقر في الكويت وحازم وكل زول بعرفة بشغلو الفي السودان وبقينا بننزل كل 3او4 سنة وثاني جبنا كمان مازن روعة بس ما تؤام مازن اصغر من رولين ورأفت ب 3 سنة وروعة أصغر منو بسنتين والحمدلله لسا عاشين في سعادة والحمدلله كثر بالنسبة للرامي اتزوج مهجة صاحبتي خطبها ليهو أبوي قلت ليكم عجبتو من الأول ومدثر اتزوج واحدة غريبة وعايش مع بابا في البيت واخيراً دخلت يد ناعمة بيتنا بعدي وكمان حنان اتزوجت واحدة بقربهم وحاتم اتزوج بنت خالتو  وكلهم مشينا للعرسهم اما مؤيد منتظر النصيب زي ما بقول وانا بقول منتظر يتعافى من صدمتو اما مثاني سمعت انها دخلوها مستشفى للامراض العقلية لانو بعد قتلت امها والحقايق العرفتها عملت ليها صدمة مما اداء للفقدان عقلها بشكل كامل حتى بقت ما عارفة نفسها من ربنا يشفيها ويعفانا... 🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶🫶 للناس البتسئل انا ما كاتبة ولا ولا بعتبر نفسي كاتبة لانها دي مرحلة بعيدة شديد ولانو الكتابة ليها قوانينها واصولها وان شاءالله اقدر اصلها انا مجرد هاوية وعايذة اشارك هوايتي مع الناس وبتمنى تدوني اراكم ولو عندي أخطاء تصلحوني اما الخلاصه ما عندي خلاصة غير في مقولة بتقول الاقارب عقارب والباقي طلعو براكم وفي امان الله            ولنا لقاء                    يقين محمد.                                                تمت بحمدالله                                   النهاية.👋✋🫶