حب وانكسار - الفصل 16 - بقلم بقيت محمد - مكتملة | روايتك

يقين محمد كيف حقاتك وهم ملابس نوم نسائية قال لي اهدي كدي وباسني في خدي مسافة وقال لي ياغيورة فعلاً حقاتي لاني انا الاشتريتهم  في اخر مرة اجي هنا قلت ليهو ليه قال لي ليك قلت ليهو ما فهمت 😡 قال لي اخر مرة جيت هنا كنت بشتري في الشيلة حقتنا واشتريتهم لانهم عجبوني ما انتبهتي انهم جديدين اتخيلتك فيهم وجبتهم قلت ليهو امممم وليه ما ختيتهم في الشيلة قال لي لاني ما كنت عايذ حنان وامي يشوفهم ولانهم هم اشتروا الحاجات دي الصراحة خجلت من امي قلت ليهو امممم قلت لي خجلت جديدة دي قال لي طيب كملي اكل قعدنا قال لي ما تفكر والله دي الحقيقة انا بحياتي ما عرفت غيرك إنتي أول واخر انثى في حياتي ما فكرت ولا ح افكر في غيرك قلت ليهو انت كمان انا فتحت على الدنيا بيك وبشوفى من عيونك وبس وما عرفت الحب الا معاك إنت عشقي الاول والاخير والابدي انا ما بقدر اتنفس الا معاك وبيك قال لي بس اقفي والله انا تعبان وما عندي طاقة لكل دا وما تعايني لي كدا لانو بتأسريني بالنظرة دي وبنسى حتى نفسي ضحكت قال لي قومي تعالي سرعة سرعة وقفت جنبو قعدني في حضنو وبقى يأكل فيني وقال لي ما اكلتي شئ وعلشان كدا انا ح اتكفل بالمهمة دي وعلى الاقل كدا ما أشوف عيونك ونظرنك العذاب دي ضحكت وانا بدلع عليهو قال لي اصبري كلو بثمنو خلصنا ولمينا الصفرة وغسلنا العدة ودخلنا الشنط الغرفة قال لي خليهم بنرتبهم زمن ثاني وكمان المفارش في الغرفة الثانية قلت ليهو تمام انا عايذة ا اتحمم شلت الغيار من الفي الدولاب قال لي لا ما كدا قلت ليهو مش قلت حقاتي قال لي ح انتقم قلت ليهو حقك شلت واحد لونو أحمر نفس المفرش حق السرير وبجد كان جديد ضحكت واتحمتت سريع ولبستو وطلعت لقيتو نائم سرحت وجيت رقدت وطوالي نمت صحيت على لمسة على وشي فتحت لقيتو حازم قال لي صحيتك قلت ليهو بنعاس كدا اي الساعة كم قال لي 3 ونص قلت ليهو امممم وعايذة اكمل نوم قال لي هوي انا ما صدقت صحيتي صحصحي معاي كدا أول أقيفي عايذ أشوف الفستان عليك قلت ليهو يا سلام بمزاجك لو عايذ تشوفو ما كان نمت قال لي إنتي عارفة انا جاهدت قدر شنو علشان انوم قبل ما تطلعي وانا عارف انك قاصدة عملتي كدا قلت ليهو ما بمعني قاصدة بس كان هم اسهل وكمان كنت عايذة ابسهم علشان أشوف زوقك وكمان لانهم عجبوني قال لي طيب قومي رفع راسو على زينة السرير وقال لي بجدية كدا سرعة قمت ونزلت من السرير قال لي ولسا ملامح الجدية في وشو أمشي لحدي المراية وتعالي مشيت وانت مستغربة من تصرفو لما وقفت جنب السرير قلت ليهو بزعل كدا خلصت اوامر ولا لسا في قعد يضحك قال لي كنت بهزر معاك بجد منظرك يضحك ولو شفتي ملامح وشك قلت ليهو خلصت لاني عايذة انوم قال لي احلفي بس لكن الفستان روعة اكثر ما اتخليلتو قلت ليهو عارفة الحلوة الشماعة ما اكثر ضحك وقال عارف بس ما تزعلى والله ما قصدي اتأمر بس كنت متلهف أشوف الفستان عليك وانا عارف انك ح تتقاتتي علي علشان كدا عملت كدا بس ما كنت متوقع تنصاعي للاوامر كنت فاكر ح تعاندي قلت ليهو خفت للحظة منك ما بعرف بس حسيت برعشة كدا مسك يدي وجراني لحدي ما وقعت عليهو قال لي أوعى في يوم تخافي مني انا ما قصدي اخوفك بس ما بعرف جاءت كدا قلت ليهو يا سلام قال لي خلي الكلام مش قلت ليك كل شئ بثمنو يلا جاء زمنو المهم عدينا أحلى فترة في حياتنا عدينا اكثر من سنة ونحن عائشين في تفاهم وحب وحازم لسا بتصرف مع مثل ما كان ومشينا عدد من المناطق السياحية منها  القصر الاحمر والمحمية الطبيعية وكمان برج التحرير وحديقة الشهيد وبرج الواحة كنا كل إجازة ياما نعمل جو في البيت اونطلع منطقة سياحية حتى ولو بعيدة شوية كدا كانت حياتنا لانو في السودأن بسسب مثاني ومشاكلها ما عشنا شهر عسل زي الخلق والناس فعوضنها بعد سافرنا وحازم لسا بتصرف معاي كننا عرسان بس ما بغضب الا لما اجيب ليهو سيرت عدم الولادة وكل مرة انفسن فيهو وأقول ليهو الا أمشي للدكتور اعرف وهو بقول لي عادي وما تخافي ولما اصر بتنرفز وبطلع من البيت وثاني بجي براضني وبقول لي إنت ما واثقة من الله وإنو الله أكيد عندو حكمة وثاني بنعيش فترة وثاني بقوم في نفس القصة وحازم يزعل مني ومرة يقول لي انو نحن لسا عرسان عايذين نستمتع بحياتنا ما عايزين جوطة حقت شفع مرة جاء اتناغشنا في الموضوع دا وفهو انفعل وقال لي اني بقيت بزهج وكرهتو البيت بسبب الموضوع دا وكلامي الكثير بيهو وطلع خلى البيت وطول ما جاء في المرات الفاتت كان بختفي ساعتين أو زيادة بشوية بس المرة طول لحدي الساعة 1ص ما جاء وهو طالع من 8م وانا ابتديت أخاف بقيت ابكي وأبكي زي الساعة 3 كدا الباب فتح جريت علي الباب وانا ببكي كان بقفل في الباب حضنتو من ضهرو انا لسا ببكي وقلت ليهو كنت وين بجد كنت خايفة عليك نزل يديني منو وقبل علي بقت بضرب فيهو و اقول ليهو يا حيوان كنت ح أموت من الخوف مشيت وين وحسيت نفسي ما قادرة أقيف حضنتو وثاني ما شفت شيئ ولما صحيت لقيتو جنبي ونحنا في الهول على الكنبة قلت ليهو في شنو كانو عيونو لونهم زي الدم قال في انك متخلفة وفي يوم ح تشليني يتخلفك وعوارتك دي قلت ليهو انت كويس قال زي ما شايفه قلت ليهو كنت وين قال لي يعني كنت وين في دسكو مثلاً ولا خمارة إنتي عايذة تنكدي علي نفسك وعلي وخلاص ما اكثر  مش عايذة تشوفي دكتور حاضر بكرا ح نمشي كدا ارتحتي قلت ليهو لأ قال لي في شنو ثاني قلت ليهو كنت وين ما شايف الساعة قال لي يا الله الصبر بس يا ستي كنت لافي بالعربية وما انتبهت للوقت قلت ليهو تمام يلا نوم إنت شكلك تعبان قال لي فعلاً مشينا أول ما رقدنا ختيت راسي في صدرو وقلت ليهو اسفة والله انا ما قصدي انكد عليك بس الله عالم قدر شنو انا بتمنى اجيب ليك طفل ودا حلم بتمنىهو اني اشيل طفلك قال لي عارف ولا ما لايمك بس كمان ربنا لسا ما اراد قلت ليهو طيب فيها شنو لو اطمنا قال لي عندك حق بس دا شنو العاملهو في نفسك دا قلت ليهو كنت منتظراك ولما طولت ما رجعت خفت تكون حاصلة ليك حاجة قال لي معليش قلقت بيك قلت ليهو انت زهجت مني صح رفع راسو وقال لي إنت حيوانة يا بنت الناس إنتي ما عارفة إنتي شنو بنسبة لي كيف ازهج منك وانتي انفاسي قلت ليهو انت قلت كدا قال لي كنت غضبان وزاتي ما عارف قلت شنو أنسي الحصل ووعد ثاني ما يتكرر ونمنا علي كدا  صحيت بدري عملت روتيني سريع وعملت ليهو شاي بالحليب وعصير وكمان كم وردة من البلكونة وجيت لسا هو نائم قلت الا اجنن عليهو قعدت جنبو وبقيت ماسكة لحيتو وبحرك اصابعي عليها ولما ما صحة حريتو منها قال لي يا مفترية في واحدة بصحي راجلها كدا دا شنو عدم الرمنسية دا قلت ليهو مش انا صحيتك كدا يبقى في قال دا شنو جو الافلام المصرية دا تعالي اعلمك قلت ليهو عارفة قال لي اها كيف قلت ليهو كدا وبستو في جبهتو ولا ما صحي كدا بستو في خدو ولا ما صحى كدا رفع حاجبو بستو في رقبتو وأكيد كدا بصحى قال لي طيب لما عارفة ليه ما عملتي كدا قلت ليهو ما عندي مزاج غير كدا ما ينفع ضحك قال لي يعني زعلانة قلت ليهو No قال لي اها قلت ليهو طيب قوم استحمى وصلي علشان نشرب الشاي دخل الحمام وانا جهزت الشاي في الغرفة طلع وقف مسافة قال لي إنتي ما نمتي قلت ليهو نمت قال لي المفروض انا أعمل كدا قلت ليهو ليه قال لي كدا قلت ليهو انا وانت واحد صح وخلي الكلام صليت سريع وتعال بعد خلصنا قال لي ما تعملي فطور خلينا نفطر في مطعم اجهزي علشان ما نتأخر وكدا جهزنا ومشينا حجزنا عند دكتورة عرفنها لما بحثنا هنا افضل الاخصائين النساء في المنطقة واخترنا دكتورة لانو حازم رفض نمشي للدكتور راجل المهم حجزنا بالتلفون من الرقم اللقناهو في الموقع وكان مواعيدنا الساعة 1 مشينا فطرنا وقبل المواعيد بنص ساعة كدا مشينا وطوالي دخلنا عند الدكتورة العرفنا انا سودانية المهم بعد اسئلة كثير كدا عملولي اشعة وموجات وفحوصات كثيرة وشالو مني عينات وإكتشفت حتى حازم عمل فحوصات المهم بعد كدا قالت لينا النتايج بكرة في نفس المواعيد طبعنا انا كنت متوترة للابعد الحدود من النتيجة وخائفة وحازم قال لي مش دا الانتي عايذاهو خايفة مالك قلت ليهو انت ليه عملت فحوصات كمان قال لي وانتي ليه افترضتي انو العيب منك إنتي وبس قلت ليهو لاني واثقة من انك مستحيل تكون عندك علة قال لي كيف قلت ليهو عديل كدا قال لي امممم عديل قلت لي يعني انا مسيطر فهمت قلت ليهو حيوان يلا جاء الزمن حازم طلع شغلو بدري وجاء على الساعة 12 لقاني جاهزة قال لي ما تخافي خير بإذن الله قلت ليهو لو طلعت عقيمة ح تخليني ولا تتزوج على قال لي إنتي انا عارف ح انشل يوم بسببك لما شفتو معصب سكت وحتى بقى ماشي بالعربية بسرعة وصلنا قعدنا مسافة حتى دخلنا للدكتور قال لي لينا يقين صح قلت ليها اي                       يتبع ........👈👈