حب وانكسار - الفصل 15 - بقلم بقيت محمد - مكتملة | روايتك

By: Yaqin Mohammed براك جبتي لنفسك لفى يدينو حواليني وباسني مسافة حتى بعد ما كنت حتى اتنفس قال لي من كنا في مطبخكم وانا بفكر أعمل كدا بس ما قدرت وكل شوية تعملى شئ تعذبني اكثر عليك الله حني علي شوية انا ما قدرك قلت ليهو انا هنا بتتنازل عن كونك بابا ضحك ومسك يدي صحيت زي الساعة 11م صحيت حازم وقلت ليهو انت ناسي الصلاة قال لي كلو منك فوتي علي الصلاة قلت ليهو هوي ما ترمي زنوبك علي بالله المهم صلينا وقعدنا في الهول قلت ليهو الاسكريم وينو قال لي دخلتو الثلاجة قبل انوم قلت ليهو تمام ح اجيبو وشوف لينا حاجة نحضرها مشيت جبتو ومعالق لقيتو جايب فيلم ل جاكي شان  قاعدين ناكل سئلتو نحن مسافرين وين قال لي مفاجئة قلت ليهو امممم امتا قال لي بعد بكرا قلت ليهو كيف قال لي كدا قلت ليهو ليه ما قلت لي من بدري قال لي إنتي كنتي عاشة  معاي قلت ليهو كيف قال لي كنت كل الوقت سرحانة وعايشة في ملكوت براك علشان كدا جهزت كل شئ وقلت اخلص حتى اكلمك علشان ما تتوسوسي قلت ليهو تمام ربنا يخليك لي قال لي ربنا يخليك لي انتي قلت ليهو أمين طبعا حازم بعد قراء الرسايل شال مني التلفون وجاب لي غيرو بس من دون شريحة وعمل لي وأي فاي في البيت حتى لما اتصل ليهو بكون عبر مجموعة التواصل ما بعرف ليه وثاني تلفوني ما شفتو بعد حولت كل حاجاتي في التلفون الجديد قلت ليهو زومة قال لي اها قلت ليهو تلفوني وين قال لي قبل شوية ما كان عندك ولا شوفي في الغرفة قلت ليهو ما دا تلفوني الثاني قال لي عايذاهو لشنو قلت ليهو عايذة اتصل ل مهجة قال لي إتصلي ليها من تلفوني عاينت ليهو شديد ضحك قال لي اتواصلي معاها بالواتس او اي برنامج ثاني قلت ليهو اساساً متواصلة معاها بس ليها كم يوم ما ظاهرة ما عارفها مالها قال لي ان شاءالله خير ما تتفاولي على البنت ساي يمكن من الشبكة قلت ليهو انشاءالله قال لي خليك من دا جاهزة للسفر قلت ليهو شبه كدا قال لي احتمال اكثر من سنتين ما نرجع قلت ليهو شنو 😱 قال لي أي أعملي حساب كدا قلت ليهو يعني ما إجازة وكدا قال لي لا عندي عقد والاتفاق تم قلت ليهو ما كثيرة قال لي لا بعدين انا حابب نطلع من التوتر و الخوف الانتي فيهو دا لما شاف دموعي قال لي اسي بتبكي ليه ممكن افهم ومسك يدي قال لي انا بعمل كل دا لمصلحتك إنتي أول قلت ليهو عارفة بس ح اشتاق لناس بابا قرصني في خدي و قال لي وانا ما عندي اهل بشتاق ليهو ولا براك تبتسمت قال ايوا خلي الشمس تتدخل ثاني يوم مشينا لاهل حازم ودعناهم علشان طيارتنا الساعة 8ص والمفروض الحضور 6ص  ورجعنا قبل المغرب جهزنا كل شئ للسفر وبابا ومؤيد قالو حا يلاقونا في المطار الصباح انا كنت متوترة وحازم ملاحظ لي بس ما سئلني لحدي ما وصلنا المطار وفعلاً لقينا بابا ومؤيد ومدثر كمان ما كنت متوقعة ألقاهو سلمنا عليهم وحازم مشى مع بابا على جنب كدا وانا حاضنة مؤيد وما عايذة افكو  وبعد حازم وبابا جو ودعناهم وانا ماسكة يد مؤيد وببكي حازم يقول لي يلا ندخل كدا ح نتأخر وانا بس ماسكة مؤيد وبعاين ليهو لي بابا بابا قال لي أمشي يابنتي ربنا يسعدكم وين ما كنت ودموعو نزلو وقال انا عافي منك يلا أمشي ما تتاخر مسكت يدو وبستها وقلت ليهو ربنا يخليك لينا يارب وبقيت لا عايذة افك بابا ولا مؤيد لحدي ما حازم مسكني من يدي وسحبني بالغصب وانا بقليهم أشوف وشكم بخير وبابا إنتبه لنفسك وعليك الله يا مؤيد إنتبه ليهو وأنت كمان مدثر لانو معاك طوالي هز لي راسو وهو قابض على يدو وعلي كدا دخلنا صالة المقادرة قعدت بعد ما حازم كمل الاجرائات جاء لقاني لسا ببكي قال لي بصوت هادئ بالله عليك كفى عزبتي قلبي معاك قلت ليهو انا ما حصل بعدت منهم كدا قال لي بس انا معاك ومسح لي دموعي قلت ليهو لسا ما عايذ تقول لي ماشين وين قال لي مسافة صغيرة وبتعرفي بعدها قعدنا كثير في الصالة قلت ليهو مش المفروض طيارتنا الساعة 8ص قال لا قلت ليهو امتا قال بفهمك بعدين ربعت يديني وبقت ارقب في الناس لحدي ما حازم مسك يدي ومشينا ركبنا الطيارة انا طوالي بعد القلاع نمت بعد مسافة صحيت لقيت حازم بعاين لي  قال لي نوم العوافي  قلت ليهو نمت كثير قال لي لا بس ما عايذة تعرفي مشين وين قلت ليهو اها قال لي الكويت بس كان في خطة جارية إحنا حالياً المفروض المانيا حتى اسمانا الحجزت بهم مشو المانيا قلت ليهو كيف قال لي زي ما عارفة الشبكة الشقالة معاها مثاني بقو عايذننا نحنا الاثنين حتى في الفترة الفاتت كان في حراسة علينا و لما صاحبي الضابط عرف بسفري عرض علي يساعدنا كتمويه علشان ما يعرفو لينا طريق فحجز لناس مسافرين المانيا بأسمانا ونحن باسمأهم قلت ليهو هم قوين كدا قال لي قصدك الشبكة قلت ليهو اي قال فوق ما تتخيلي بس في ايادي خفية كثيرة وراهم ودا المديهم الحرية بس نحن حاليا في امان وحتى ما في زول عارف نحن وين الا ابوك وأبوي علشان نقدر نتواصل مع العيلة والباقين اتفهمو الوضع قلت ليهو تمام بس بجد انا حاسة بنفسي حرة من اسي قال لي وانا ما عملت كدا الا عشانك إنتي لاني من واجبي إتجاهك اهتم بامنك وراحتك وثانية نظرة الخوف في العيونك بتقتلني كل ما امحها فيك قلت ليهو انا كنت خائفه عليك اكثر قال لي أنسي حاجة إسمها خوف بعد دا ثاني حياتك حازم وبس قلت ليهو فعلاً حياتي حازم وبس في اي مكان وزمان قال لي احسن شئ ننوم وخاصة بنظراتك دا ولينا بيت يلمنا ضحكت قال لي كلو بثمنو هو نام وانا بس بعاين ليهو لحدي ما نمت لحدي ما وصلنا السعودية وطيارتنا للكويت الساعة 5 حجزنا في فندق لحدي مواعيد الطيارة ورجعنا لمطار الملك فهد واقلعنا للوجهتنا وصلنا  الساعة 9م خلصنا اجراءت المطار وطلعنا البيت وصلنا مجمع سكني كلو عمارات فلل في منطقة اسمها الواحة في مدينة الجهراء دخلنا عمارة في 40 طابق شلنا المفتاح من الحارس شقتنا كانت في الطابق العاشر دخلنا الاصاصير وصلنا أول ما دخلنا حازم قال لي ادخلي بي رجلك اليمين وقولي بسم الله ويارب تكون لينا عشنا السعيد عملت القالو وقلت ليهو امييييين يارب وإن شاءالله ربنا يقدرني اسعدك وكون ليك الزوجة البتتمناها قال لي على فكرة ما مطلوق منك تعملي اي شئ انا بحبك كدا وما عايذك تكلفي نفسك اكثر من طاقتك علشان ترضني انا ما عايذ منك غير تحبني وبس وانا ربنا يقدرني واسعدك واكون ليك اب وآخ وصديق وحبيب وزوج قلت ليهو وانت اساساً كدا قال طيب ح انزل اجيب عشى ما بتأخر قلت ليهو تمام قال لي أوعى تنومي إنتي اليوم كلو ما اكلتي شئ زي الخلق والناس قلت ليهو حاضر حستناك واستكشف الشقة لحدي ما تجي طلع وانا بقيت دائرة في الشقة كان فيها 3غرف ومطبخ أول غرفة فيها سريرين سنجل دولاب من ضلفتين وترابيز بس وثانية سرير كبير وكمان دولاب من نفس الغرفة الاولة وتسريحة والثالثه كان اكبر واحدةفيها سرير كبيييير على شكل دائرة ومفرش بالابيض والاحمر وفيها دولاب 5 ضلف وتسريحة كبيرة ومراية بيضاوية تقريبا طولي وكان فيها الشنط تبعنا فتحت الدولاب كلو فاضي الا واحدة فيها ملابس رجالية استغربت وكمان فيهو في اخر رف ملابس نسائية زادت حيرتي وخاصة اغلبهم ولابس نوم طلعت مشيت المطبخ كان متكامل من اي شئ يوجد في إي مطبخ حديث وكانت الشقة كلها نضيفة بعد مسافة حازم جاء حضرت الأكل في الصفرة صغيرة كدا في المطبخ وقعدنا وانا بالي مشغول قال لي الشقة عجبتك قلت ليهو كثير بس شكلو الناس الكانو عايشين فيها طلعو قريب قال لي كيف قلت ليهو في ملابس في دلاب الغرفة الرئسية قال لي بس ديل حقاتي انا قلت ليهو 😨 كيف يعني قال لي الشقة دي حقتي انا كل ما بجي هنا بقعد فيها قلت ليهو والملابس بضيق كدا قال لي أي لي قلت ليهو إنت بتلبس ملابس حريم قال لي لا وهو بياكل بكل برود وانا عايذة اطق طوالي قمت مسكني من يدي وقال لي ما اكلتي شئ كملي اكلك قلت ليهو قبل ما تقول لي عن الملابس مستحيل قال لي والله حقاتي قلت ليهو ما فهمت كيف حقاتك وهم ملابس نوم نسائية                        يتبع.......👈👈👈👈