حب وانكسار - الفصل 14 - بقلم بقيت محمد - مكتملة | روايتك

يقين محمد الصباح لبسنا وطلعنا وصلنا بيتنا بجد اشتغلت ليهو مع أني حسيت نفسي كأني ضيفة سلمت على اخواني وأبوي وآخر شئ حضنت مؤيد شديد ودموعي نزلو مسح لي دموعي وقال لي الهبلة دي وبراحة قال لي شكلكم من الابتسامة ولمعة عيونك اتصافيتو قلت ليهو اممممم شكراً ما عارفة من غيرك أعمل شنو حازم جراني من يدي وقال لي ما كفاية كدا بابا ضحك وقال لي انا زاتي غرت انا ابوك ما حضنتني كدا مشيت بست راسو ويدو وقلت ليهو إنت الخير والبركة قال لي أي غشني مدثر قال انا لي الله ما عندي في الليلة دي شئ ضحكت وقلت ليهم رقية وين مؤيد قال لي بقت بتجي كل يومين بس الفترة الصباحية وطوالي بتطلع قلت ليهم امممم بعد دا وجب واحد فيكم يشد حيلو وعرس بابا قال لي انا بستأذن وأعملو حسابكم غداكم هنا قلت ليهو امممم انا ح أمشي اشوف المطبخ الحاصل فيهو شنو  لقيتو مرتب بس في كم كباية كدا غسلتهم وبابا قال ح يمشي مشوار ويجي سريع وقال لي ما أعمل شئ بجيب معاهو ما سمعت كلامو عملت كم طبخة ودخلتهم الثلاجة طبعا حازم استغل انو بابا مافي وبقى قاعد معاي في المطبخ ومؤيد جاء غتاتة قعد معانا وقال ليهو قاعد على قلبك قال ليهو البارد دا وبعد مسافة حتى مدثر جاء شارك وبقو دابقين لينا ومشغلنها لي حازم وخاصة لما رفض أقعد بدون طرحة وكمان قال لي أغير الجلابية بي واحدة طويله ومؤيد قال ليهو على فكرة من زمان بتلبس كدا الجد شنو قال ليهو ما عندك علاقة مرتي وانا حر قال ليهو على فكرة دي اختي قال ليهو ولو مؤيد قال ليهو الغيرة عامل شغل لكن الله يدينا قلت ليهو في زول ماسكك وعلشان اغيذو مشيت وقفت قدام حازم ورفعت يدينو الاثنين فوق اكتافي وانا ماسكاهم يعني بقيت زي الحاضني من ظهري وخت راسو على راسي مؤيد قال لي لينا ياخي اخجلو إنتي نسيتي انك اختي قلت ليهو ليه عملت غلط أو حرام حازم قال ليهو راجل ومرتو مالك إنت مش جيت غتاتة أشرب قال لي طيب لاحظو اني عزابي وانتو كدا بتسببو لي جفاف واكتأب (الصراحة لو كان واحد ثاني من اخواني ما كنت عملت كل دا بس مؤيد غير ) طلعت ليهو لساني 😛😝وبس حازم في يدو قلت ليهو وكدا وحازم كملها وباسني في راسي مؤيد قال لينا دا شنو السفالة دي اخجلو ياخي وبعدين دي شنو حركات الشفع دي قلت ليهو عاجبني على الاقل تحس وتجيب يد ناعمة في البيت البقى حق عزابة دا قال لي تمام يا ستي وانا متخارج لانو بجد صابني جفاف بسببكم ضحكنا وقبلت على حازم ولسا يدينو على اكتافي لفيت يديني على خصرو وبستو في مكان قلبو قال لي على فكرة نحن ما في بيتنا ملاحظة قلت ليهو امممم قال لي ملاحظة انك بتعزبي فيني قلت ليهو و المطلوب قال لي أعمل كل دا بس في بيتنا ضحكت قال لي على الاقل علشان اعرف ارد عليهو قلت ليهو تمام تعال مسكتو من يدو ومشينا غرفتي دخلنا رفع حاجبو قلت ليهو فهمت غلط على فكرة ح ألم كم حاجة عندي هنا وكمان تشوف غرفتي قال لي يا خسارة قلت ليهو بطل تفكير شمال وتعال نزل لي الشنطة الفوق دي جاء نزلها من فوق الدولاب وختها على السرير قال لي على فكرة انا ما قادر عاينت ليهو طوالي جراني عليهو وبسني مسافة و قال لي البادي اظلم ضربتو وقلت ليهو حيوان دا وفتحت الدولاب وانا متوترة قال لي بضحكة مالك أول مرة أعمل كدا عادي يعني قلت ليهو سيبك من دا وساعدني وافتح الشنطة دي فتحها وبقيت ارتب في ملابسي العايذة اشلهم ودخلت دفتر لونو بنفسج مسكو مني وقال لي دا شنو ما رديت فتحو أول صفحة كاتبة فيها الى من ملك قلبي و وجداني وعاملة حرف H لقى خاطرة كاتبها بقلم احمر        إنت ضوي وسط الظلام        ونوري اذا تاه طريقي       وقمري في ليلة حالكة       وشمسي في الشتاء      ووقاري في خوفي      وسلوتي اذا فقت هُدئي      ونظري اذا عميت      وراحتي ونجواي      واملي اذا تهاوى كل من حولي     إنت روحى وفوادي     ونجمي اذا غاب القمر     صدقني لا اجد ما اصفك به   وما تعنيه لي  وما اراك في   حياتي ،،،HHH يقين محمد قال لي امممم التاريخ دا اول  يوم اوصلك من الجامعة صح قلت ليهو اي قال لي Hددي شنو قلت ليهو فكر قال لي دا كلو لي قلت ليهو يمكن انت شايف كدا قال إنتي قولي لي بجد دا لي انا قلت ليهو  اي ليه ما بتستاهل انا قلت ليك لو عرفت كمية حبي ليك ح تعمل لي تمثال خت الدفتر قال لي  كنت فاكرها مبالغة منك بس بجد إنتي عايذة يتعملك تمثال انشالله اكون ليك مثل ما بتتمني قعدني في رجولوا قال لي ما عارف اواجه كمية الحب دي كلها كيف قلت ليهو ما عايزة كثير بس تنظر لي كدا بكفني قال لي كنت بحس بأنو حب الروايات مبالغة بس انا كدا عرفت انو في حب اكبر منو قمت وشلت الدفتر قال لي على فكرة ح اقراهو كلو بس ما هنا لاني من أول صفحة فقدت تماسكي علشان كدا ح اسمح ليك اسي قلت ليهو ما شئ دخلتو وهو وقفل الشنطة وباس يدي مسافة قلت ليهو شكلو بابا جاء طلعنا لقينا بابا جايب كمية من السمك ومخلل اتغدينا طبعا بابا مراغب نظرات حازم قلت ليهو في اذنو براحة خلي حركات الهنود دي شوف بابا بعاين لينا كيف قال لي ما قادر ابعد عيوني عنك حاسي نفسي كأني لي سنة ما شفتك يالله متين نرجع بيتنا قلت ليهو اتقل بابا ح يقول علينا شنو قال لي يقول بنتو جننتني ضحكت مؤيد قال لينا هوي شنو مقلدلينا قيس وليلي وغراميات استغفر الله اصبرو لما تمشو بيتكم عديمين الاحساس ديل كلنا ضحكنا ومؤيد متغاز مننا قال اف على البرود والله خليتوني افكر اعرس قريب دا شنو دا بابا قال ليهو مالك بيهم إنت خليك في حالك رجل ومرتو حاشر نفسك مالك حازم قال اقسم بالله الحاج دا بفهم بابا ضحك مؤيد قال شوف الصواريخ عليك الله قال الحاج بفهم قال طيب يلا على بيتكم قبل ارتكب جريمة وأكفر فيكم ساي بابا قال ليهو جديدة دي والله بتطرد فيهم من بيتهم قلت ليهو قول ليهو يا بابا مدثر قال لينا دي شنو حركات الشفع دي مؤيد قال ليهو مالك ياعم انت العجايذ يتركنو بجنبة أو يتخارجو لو ما عجبهم مدثر قال انا الحمدلله وطلع قلت ليهو شكلو زعل مؤيد قال لي دا ثور شفتي ثور بزعل وكمان عامل ثقيل خليك منو قعدنا ندردش لحدي ما ودعناهم وطلعنا في العربية قلت ليهو زومة قال لي عيون زومة قلت ليهو عايذة اسكريم قال لي حاضر كم بنت عندي انا قلت ليهو بقيت بنتك قال لي بالتعبير دا بحسك بنتي احيانا بحسك امي واحياناً اختي واحياناً حبيبتي احياناً زوجتي كل الإحاسيس دا انا بحسها معاك قلت ليهو طيب يا بابا سرعة قال لي حاضر وصلنا قال لي انزلي قلت ليهو ما عايذة هنا نشيلو معانا قال لي عايذة نكهة شنو قلت ليهو ما عارف قال لي طيب فهمت فنيلة على فراولة قلت ليهو اي عايذ يمشي قلت ليهو امن العربية الاول وشيل المفتاح معاك قال لي حاضر ثواني بس ما بتأخر وفعلاً بس كم دقيقه و جاء بس انا كنت خايفة وكأنو كأنهم ساعات ركب قال لي اتأخرت عليك قلت ليهو شديد قال لي كلهم كم دقيقة بس قلت ليهو بس انت كنت بعيد مني قال لي يا سلام قرب مني وثاني شغل العربية وقال الصبر بس  اتحركنا قال لي عايذة عشى معين قلت ليهو لأ اساسا ما عندي نفس قال لي احتمال تجوعي بليل قلت ليهو عادي بعمل اندومي قال لي بليل قلت ليهو اساساً انا بأكلو في إي وقت قال لي تمام علشان كدا بتشتري بكت قلت ليهو اي ما بخلي يخلص مني لانو ينفع فطور وغدا وعشى قال لي تمام يا شافعة ضحكت وقلت ليهو تمام يا بابا وصلنا أول ما دخلنا البيت كدا حازم قفل الباب وجراني عليهو لحدي ما ضربت انفي في صدرو قلت ليهو اي في  شنو قال لي براك جبتو لي نفسك                      يتبع.......👈👈